|
|
|
 Re: قصـــــــــــــــه لذيـــــــــــــــذة اقروها (Re: Elmosley)
|
صباحاتكم بنكهة
قشر البرتقال
ويقين القرنفــل
وما تقولي انا ود حلتكم في السابعة
بنلم ليكم ناس الحلة
والجير ورص الكراسي
ورص البيبسي في البراميل
ودق الخيمة
دا كلوا علينا
بس كيف توافق
فاكهتنا الاستوائية
بعدين احسن حاجة في الموضوع انو
العريس (خلص)التجنيد الاجباري
يعني لمن يمشي معاك ما ح يخاف
من ناس خيمة الالزاميه
ودفارهم
شفتي كيف الحكاية ادبرت ليك
اصلوا الفرح دا قسمة
| |
 
|
|
|
|
|
|
|
|
حبوك حب (Re: Tumadir)
|
مكتوبة فى الممشى العريض
واللة ياجماعة جدو معزور ومعة حق يتككب
بعدين تماضر ذاتها ما صغيرة وممكن تكون اكبر من جدو
تماضر كبيرة وكبيرة جدا بس بى فنها وتعاملهاالراقى
تماضر هى ام الشباب فى المنتدى بى حنانها واسلوبها الرائع
تماضر ام الشباب من بكرى لى محمد البارى
ما بين زمن متمنيهوا وزمن ذادنى منك اسية
| |
|
|
|
|
|
|
|
|
 Re: حبوك حب (Re: كيمو)
|
طيب هو جدو بس شاف الصوره وقال كده، أمال لو قرأ اللقاء وسمع الكلام المنمق والصوت المميز يقول شنو؟ كل سنه وإنت بخير يا تماضر وربنا يجعل السنة دي أفضل مما سبق ويحقق اماني الجميع
ديما
| |
|
|
|
|
|
|
|
|
|
Re: حبوك حب (Re: Dima)
|
كيمو
دى كلمة حق اريد بها باطل ولا شنو؟؟؟
ديما... البت العظيمة
الف شكر ليك يا ست الناس
وكل عام والجميع بخير، نحن لسة فى سنة الفين واتنين، انتو وين؟؟؟؟
مش ظاهر نحن فى السودان يانا العالم المتقدم؟؟؟ نحن فى المستقبل وهم لسة فى الماضى؟؟؟
| |
|
|
|
|
|
|
|
|
|
Re: حبوك حب (Re: Tumadir)
|
تماضر
وانا بقرأ في البوست جاني خاطر قلت اقولو ليك
انتي ممثلة كانت علاقتنا بيك محدودة ، يادوب نقفل التلفزيون بتشتتي
لكن في البوردبقيتي اقرب لينا من اخواتنا
وانا عن نفسي لما اقرأ مواضيعك بحس كاني قاعد معاك في راكوبة والبن ريحتو طالعة والشفع بصرخو وهاك يا ونسه
كل سنة وانتي طيبة
و جد الراجل ده اريتو جدي
ودمتي
| |
|
|
|
|
|
|
|
|
|
Re: حبوك حب (Re: ba7ar)
|
انا اختك يابحر
شكرا على كلماتك الحنينة دى
والله يقدرنى على المشاعر الجميلةالما بستاهلها كلها دى.
| |
|
|
|
|
|
|
|
|
|
Re: حبوك حب (Re: Tumadir)
|
الرائعة تماضر
والله ابداً القصة ما غريبة
الجد دا أوعى زول في الناس ديل كلهم
جد عينو نجيضة الله يحفظو
| |
|
|
|
|
|
|
|
|
|
كلمة حق (Re: Tumadir)
|
ام الشباب تماضر
انها كلمة حق فالامومة هى العطاء
والحنان والمحبةوانا مصر وملح بى انك كبيرة وكبيرة جدا
وام الشباب من بكرى لى البارى
وكل سنة وانتى طيبة
ما بين زمن متمنيهو وزمن ذادنى منك اسية
| |
|
|
|
|
|
|
|
|
|
Re: قصـــــــــــــــه لذيـــــــــــــــذة اقروها (Re: Tumadir)
|
أنا اوافق ود شاموق ... الزول ده حيكون علي مدي تمانين سنة اللي هي لو افترضنا عمرو الحالي لو كان بيلاقي كل اسبوع زولة واحدة
يعني و بشوية رياضيات حيكون بيلاقي في السنة الواحدة 48 بت مختلفة أشكالهم و الوانهم
و علي مدي 80 سنة حيكون شاف 3840 بت ..
بالتالي حيكون خبير في تمييز الجمال الحقيقي 
و بالتالي انتي مفروض تنبسطي جدا من انو زول في مثل خبرتو شهد بجمالك
و دمتي لينا لي سنة جديدة ... الله يحفظك و كل سنة و انتي طيبة
محمد
| |
|
|
|
|
|
|
|
|
|
Re: قصـــــــــــــــه لذيـــــــــــــــذة اقروها (Re: Modic)
|
يا كيمو امومتى لاعضاء البورد وسام شرف اشكرك عليه
ياود شاموق ومحمد الله يرفع معنوياتكم فى السنة الجديدة دى،
طبعا محمد اثبتها ليكم علميا
لوووووول
ويرفع روح جدو المعنوية ويديه طولة العمر،
وكتر خير مرة اخو الراجل اخونا الوصلتها لغاية هنا،
انا ممتنة
| |
|
|
|
|
|
|
|
|
|
Re: قصـــــــــــــــه لذيـــــــــــــــذة اقروها (Re: ابويوسف)
|
ابو يوسف
حاتكلم معاك بصورة مباشرة وفى صميم الموضوع
محمد قسم البارى فى عمر اولادى
وانا (بثيت) ليه نوع من الحب الهو الصغير ممكن يفهموا ويتذوقوا، لانه تصريحى جة بعد راى كبير ادلى بيه هو وعرف بيه ناس الجبهة، وانهم بخافوا من كلمة الحب،
وفعلا الحب عاطفة كونية يمكن تبادلها بسخاء بين الكائنات وحتى عناصر الطبيعة
حصر الكلمة فى امراً ضيق وتشخيصها وفقا لحالة الحب بغرض الزواجوالاشتهاء هو شى خانق وضيق الافق،
طفل زى محمد قسم البارى يفهم انه كلمة حب هى الكلمة التى تهزم الدكتاتورية ، هوالدفعنى لان (ابث) له ذلك الحب،
ولو كان محمد قدامى كنت شلتو ودورت بيه فى الهواء، زى ما بعمل لاولادى لما يفرحونى، من طربى لكلماته الناضجة وهو فى العمر دة..
يلا يا ابو يوسف، تعال ما نشوه صورة بعض
وانا حقيقة حبيت النقاش دة معاك، (ابث) ليك الحب دة ولا حتحسبوا على خطيئة من امراة ، تصرح بالحب على الملأ؟؟؟؟
وعافية ليك... لله والرسول
بس نقول سوء تفاهم
| |
|
|
|
|
|
|
|
|
|
Re: قصـــــــــــــــه لذيـــــــــــــــذة اقروها (Re: Tumadir)
|
الاخت تماضر
اولا اشكرك لانك ختيتيني في خانه شرير الفلم
واشكرك لانك عفيتي عني لله والرسول
وانا لا ادري سبب كل هذا الهجوم المباشر
والجرم الشنيع الذي ارتكبته بحقك
وزكر اسماء واشخاص انا احترمهم ولم اكتب عنهم مايشين بحقهم وبحقك
فمركب نقص الجد الطيب موجود ايضا عند النساء هذا ما كتبت واذا دار بخيالك اشياء انا لم ازكرها فهذا ما سولت به نفسك وانا برئ منه
ولا اعتقد نفسي مريضا حتى اهاجم استاذه في مقامك واتهمها بحب من نوع الاشتهاء بابن اقدره هو محمد عبد الباري في بيت اقدره هو بيت الاستاذ بكري واخوه اعزهم جمله وتفصيلا
انا ابعد عن الذي ترمي له
انا اكبر مما تقولين
ولك العتبى ان اساءت القصد
والعتبىللجميع
ونحن على الود نبقى
| |
|
|
|
|
|
|
|
|
|
Re: قصـــــــــــــــه لذيـــــــــــــــذة اقروها (Re: Tumadir)
|
ياناس سلامات
أنا ما عارف قصة الجماعة المعمرين مع وسائل الإعلام ومقترحاتهم دايما تجلب الضحك
سمعت قصة واحدة معمرة في خريف العمر ودائما تقعد تشاهد التلفزيون وخاصة بالمساء عندما يطلعو ليها سريرها في الحوش يظهر مع موعد النشرة المسائية، وكل مرة تشاهد صورة الرئيس ومرة سألت ولدها أنت يا جنى الجنى الرايح ده أهلو ما لقو؟
| |
|
|
|
|
|
|
|
|
|
Re: قصـــــــــــــــه لذيـــــــــــــــذة اقروها (Re: Modic)
|
وانثى في اواخر الوسط من عمرها تبث اعجابها وصريح حبها لشاب في
عقده الثاني اذا تتوازن
ـــــــــــ
الاخ محمد
قالوا الفي راسو بطحه يحسس عليها
انا جبت اسمك في الموضوع اعلاه دا
او حتى وصفك
او حتى اشاره لك
انا بعقب على موضوع للاستاذه تماضر
انت الدخلك شنو في لب الموضوع
عشان تديني حصه في الرياضيات
وانا الذين درستهم نفس الماده
يفقونك عمرا ونضجا
اما اعتزازك بام مثل الاستاذه تماضر فدا برجع ليك
انا لم اوجهه اي حديث لك لذلك
اترك نقاشي وتوجهه الي ما يخصك
مع الاحتفاظ بالود الذي بيني وبينك
ــــــــــــــ
وانا الحليت بله زاتوووووو
| |
|
|
|
|
|
|
|
|
 Re: قصـــــــــــــــه لذيـــــــــــــــذة اقروها (Re: Tumadir)
|
قصة فعلا لزيزة
و يا ابو يوسف والله انت تعبت و يحلك الحلا بلة
يا موديك انت ح تجيب 100 فى الرياضيات
و يا تماضر يعنى ما تبقى حساسة كدا كلنا بنحب موديك و عديل كدا و الله فاهمين حبك ليه دا معناه شنو
الود دا كتب كلام فى الكيزان يخلى كل امهات العالم يحبوهو
و لى قدام يا موديك
و انا بحبكم كلكم بى ابو يوسف
| |
|
|
|
|
|
|
|
|
|
Re: قصـــــــــــــــه لذيـــــــــــــــذة اقروها (Re: Modic)
|
سلام يا شباب وكل سنة وانتو طيبين ومفرفشين
آناس الهلولة فى شنو تماضر دى نجمة ومن حق اي زول يحبها والنجوم بالمناسبة ملك عام للبلد (بس الله يستر ما
يقرو الموضوع دا ناس الحكومة يقومو يخصخصوها)
عشان كدة النجوم ملك عام لكل الشعب لا يجوز خصخصتة
الا باختيارهم زى ناس القيقم واسماعيل حسب الدايم
اما امثال تماضر والموصلى وكل النجوم ابناء بلدى الاحرار
فسيظلون دوما فى قلوب الشعب وفى حدقات عيوننا
وحمدا لله على سلامتك يا تماضر وكلنا بنحبك لكن ما
مكسرين فيك
مع كامل المحبة والاحتراموالتقدير
| |
|
|
|
|
|
|
| |
Tumadir
Elmosley
ابوحراز
Dima
ود شاموق
Modic
Mutwakil Mahmoud
المسافر
مشتاق
اسامة الخاتم
WAD ELGAALI#4
فيس بوك
تويتر
انستقرام
يوتيوب
بنتيريست