اولاد أمدرمان ضيعوا 60 عام على السودان

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 17-12-2018, 03:08 PM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
26-11-2018, 12:37 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5169

للتواصل معنا

FaceBook
تويتر Twitter
YouTube


اولاد أمدرمان ضيعوا 60 عام على السودان

    12:37 PM November, 26 2018 سودانيز اون لاين
    عبدالعظيم عثمان-
    مكتبتى
    رابط مختصر

    1940 - 2000إذاعة امدرمان كانت مكان للعطالي من اولاد امدرمانفي حكايات سطحية عن شخصيات عادية حولها الي
    أساطير.. نفخ ساي من عندهم لقوا الجو فاضي وكانت الإذاعة الوسيلة الوحيدة لنشر الوعي..
    نشروا نمط غنائ واحد.. ضيعوا فرصة عظيمة في بناء القومية السودانية وضيعوا فرصة كبيرة
    كان يمكن أن تؤثر الإذاعة وتحث السودانين على بناء دولة كبيرة اعتمادا على الموارد الهائلة
    ولكنهم قدونا بي حكايات ود نفاش وبي اغنية '' أنا امدرمان ''كان بالإمكان أفضل مما كان،
    ولكنه الخمول الذهني وفقر الإبداع وضيق الأفق ما جعل أن التأثير للإذاعة لا يتعدى نشر حقيبةا لفن وحكايات ود نفاش.
    . بعد ظهور الإنترنت وظهور وسائط اخري تتعدى الإذاعة والتلفزيون، توفرت للسودانين منصات إعلامية أخرى
    أكثر تفاعلا وأكثر تطورا، ولا تزال الإذاعة تبث حركة الطيران من مطار الخرطوم
    ولاتزال بعض الفضائيات التي تدار بنفس العقلية التي كانت تدير الإذاعة تنشر برامج مثل ما يطلبه المستمعون
    ونشر رسائل المغتربين.. وغير قادرين على الإبتكار وتقديم ما ينهض بالسودان... يتبع

    (عدل بواسطة عبدالعظيم عثمان on 26-11-2018, 05:31 PM)

                   |Articles |News |مقالات |بيانات

26-11-2018, 12:40 PM

اسامه العريفي
<aاسامه العريفي
تاريخ التسجيل: 28-02-2014
مجموع المشاركات: 700

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: عبدالعظيم عثمان)

    كدي قي البداية عدل عنوانك ده
                   |Articles |News |مقالات |بيانات

26-11-2018, 05:27 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5169

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: اسامه العريفي)



    Quote: كدي قي البداية عدل عنوانك ده


    أبشر سقط حرف سهوا ولكن هم سقطوا 60 سنة من عمر السودان
                   |Articles |News |مقالات |بيانات

26-11-2018, 12:55 PM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2642

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: عبدالعظيم عثمان)

    تعرف يا عبد العظيم
    الإذاعة في بدايتها كانت معقل لقبيلة واحدة
    لدرجة أنهم في بدايات التسمية اقترحوا يسموها باسم القبيلة ذاتها.
                   |Articles |News |مقالات |بيانات

26-11-2018, 01:02 PM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2642

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: عبدالعظيم عثمان)

    عدم الفكرة خلاهم يسموا برنامج حقيبة الفن على حاوية الاسطوانات.

    ___
    شنطة حديد بطبلة.
                   |Articles |News |مقالات |بيانات

26-11-2018, 01:45 PM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14412

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: حاتم إبراهيم)


    شكرا يا رفيع

    .... نقـد تأصيلـي
                   |Articles |News |مقالات |بيانات

26-11-2018, 01:56 PM

adil amin
<aadil amin
تاريخ التسجيل: 01-08-2002
مجموع المشاركات: 16713

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: أحمد الشايقي)

    فعلا صحوة وان جات متاخرة وهذه هي علمانية وشيوعية اولاد ام درمان الضيعت السكة الحديد ومشروع الجزيرة
    الراحل صلاح احمد ابراهيم عن الخرطوم عاصمة الكعوك*...

    تقول لي مثقفو الخرطوم كالصحراء لا تنبت فيها بذرة
    اخطات في التشبيه للصحراء في المساء روعة وبهرة
    وكانت الصحراء في ماضي الزمان شاعرا ذا قلم وقدرة
    لكنه استكان للخمول وللذبول واذل شعره
    فرط في خياله وما الخيال للصحرا ء الا الخضرة
    مثقفو الخرطوم قهوة ونومة وسهرة وسكرة
    تفحمني حلمك با هذا لقد اشبهتهم انت وهم في هجرة
    (ديوان بوق العاج منشورات دبي الثقافية )
    ***


    والشخصيات القومية التي يجب ان يحتفي بها الاعلام والاذاعة عبر العصور
    السيد عبدالرحمن المهدي= حزب الامة الاصل
    السيد علي الميرغني= حزب الشعب الديمقراطي
    الاستاذ محمود محمد طه=الحزب الجمهوري
    الدكتور جون قرنق \=الحركة الشعبية
    ديل اصحاب المشاريع الاستراتيجية من 1938 مؤتمر الخريجين ولحدي الليلة سيبك من متنطعين حسين خوجلي وايام لها ايقاع


                   |Articles |News |مقالات |بيانات

26-11-2018, 02:15 PM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 4568

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: adil amin)

    مع خرطوميتي ميلاد ونشأة ..
    لكني شايف إنه الامر ده لزوم ما يلزم ..
    يعني لو مثلا كانت الاذاعة في الخرطوم ..
    مش كان الأكثرية المشغّلة ليها حتكون من الخرطوم ؟ ..
    وأكيد كان حتجيك نفس حكاوي شخصيات الخرطوم وأحياءه ..
    ناس أم در (القديمة) صحي شوية مزودين عبّارهم ..
    لكن تناول الأمر من الزاوية دي فيه اجحاف وشطط ..
    لكن أوافق على مبدأ كان بالإمكان أفضل مما كان ..


    بيجوك ناس أم در بي كوكابهم ياعظمة ...


                   |Articles |News |مقالات |بيانات

26-11-2018, 02:36 PM

محمد حيدر المشرف

تاريخ التسجيل: 20-06-2007
مجموع المشاركات: 19301

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: جمال ود القوز)

    Quote: يجوك ناس أم در بي كوكابهم ياعظمة .


    لن يأتي احد
    امدرمان خارج قدرة التأثير الايجابي او السالب لما يشارف الثلاثة عقود الآن .. كمدينة وكفكرة على حد السواء .. ولقد وفرت "الانقاذ" مشكورة فرصة تامة لغيرامدرمان وابنائها في الحكم والاعلام والابداع وأخرجت أمدرمان من معادلات الوطن

    المدهش حقا أنهم ما زالوا يلاحقون أمدرمان!!

    كونوا بخير
    ابدعوا كما تريدون ..
    فقط اتمنى ان تطربوا لابداعكم لا أن تدمنوا غناء امدرمان كعادة سرية
                   |Articles |News |مقالات |بيانات

26-11-2018, 02:41 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12771

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: محمد حيدر المشرف)

    هههههههههههههه

    خلاص دفروك تفتح ( منشور ) تشتيتي عشان عمكم يجي و يشتت الكورة من زنقة الطاحونة الورط روحو فوقها ....

    17 و نص ياخ ... هههههههه

    انت بوست يني ما لو ؟

    ود المشرف ... ما تقع في الفخ يا شفيف ... دي ( التكاتيك ) ههههههههههههههههههههههههه

                   |Articles |News |مقالات |بيانات

26-11-2018, 05:57 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5169

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: محمد حيدر المشرف)



    Quote: لن يأتي احد
    امدرمان خارج قدرة التأثير الايجابي او السالب لما يشارف الثلاثة عقود الآن .. كمدينة وكفكرة على حد السواء .. ولقد وفرت "الانقاذ" مشكورة فرصة تامة لغيرامدرمان وابنائها في الحكم والاعلام والابداع وأخرجت أمدرمان من معادلات الوطن

    المدهش حقا أنهم ما زالوا يلاحقون أمدرمان!!

    كونوا بخير
    ابدعوا كما تريدون ..
    فقط اتمنى ان تطربوا لابداعكم لا أن تدمنوا غناء امدرمان كعادة سرية


    زي حنس كلامك دا قالوا واحد من ناس أمدرمان (سموه براهم ظريف المدينة)
    وقت حدث إنقلاب الإنقاذ قال زمان اذا في مشكلة ما بتتحير تمشي ود نوباوي تتحلا
    لكن هسي تلم في حاج أيدام وين ( أبو نايل إيدام) وتلم في في أدم الطاهر وين
    بعدين الإنقاذ ي طلعت من ودنوباوي برعاية الصادق المهدي ولد أمدرمان

    تطلب مننا نطرب لغير غناء أمدرمان كيف بس وبي وين بعد ما شوهت الإذاعة وجدان الناس
    السودانين محتاجين لي 160 سنة عشان يتخلصوا من رواسب إذاعة هنا أمدرمان
                   |Articles |News |مقالات |بيانات

26-11-2018, 02:38 PM

محمد الأمين موسى
<aمحمد الأمين موسى
تاريخ التسجيل: 30-10-2005
مجموع المشاركات: 3712

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: جمال ود القوز)

    تعرف يا عبدالعظيم لقد كنت غاية في الحزن وأنا شاب أغادر السودان إلى المغرب عام 1984، ولم يسبق لي أن رأيت بلدي غبيش أو ما جاورها من مناطق في التلفزيون، ولم أر أو أسمع أي نموذج لفنون بلادي (الجراري وكدنداية وحسيس وهاجوري والطنبور البحاري والغرابي وغيرها) في التلفزة أو الإذاعة، وحتى عندما يرد الحديث عن القبائل لا حس ولا خبر عن القبائل التي تعيش في المنطقة، ولا بنوع الغلط تسمع لهجة منطقتك في عمل درامي... بكل بساطة تحس باستشكال وجودي محزن. وكل ذلك ينعكس الآن في ضعف المعرفة بتنوع الثقافة السودانية، لأن الأنا تصبح الآخر. يحاول العاصميون تمثيل أدوار درامية عن ناس نيالا (الدهباية مثالا) فتخزلهم اللهجة والمعرفة بالثقافة الجوانية لأهل البلد: اللبس خطأ، إلقاء التحية خطأ، تبادل النظرات خطأ... والآن تجري محاولات لتقديم الآخر (أي تقديمنا نحن) ولكنها لا تختلف عن المحاولات التي يمكن أن يقوم بها الآخر الصيني ضمن سعيه لتقليد الثقافة السودانية: نسمع أغنية جراري ولا علاقة لها بالجراري كما نعرفه؛ تسمع محاولة للكرير وهي لا تشبهه لا في الشكل ولا في المحتوى ولا في الحمولة الثقافية.
                   |Articles |News |مقالات |بيانات

26-11-2018, 06:06 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5169

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: محمد الأمين موسى)



    Quote: تعرف يا عبدالعظيم لقد كنت غاية في الحزن وأنا شاب أغادر السودان إلى المغرب عام 1984، ولم يسبق لي أن رأيت بلدي غبيش أو ما جاورها من مناطق في التلفزيون، ولم أر أو أسمع أي نموذج لفنون بلادي (الجراري وكدنداية وحسيس وهاجوري والطنبور البحاري والغرابي وغيرها) في التلفزة أو الإذاعة، وحتى عندما يرد الحديث عن القبائل لا حس ولا خبر عن القبائل التي تعيش في المنطقة، ولا بنوع الغلط تسمع لهجة منطقتك في عمل درامي... بكل بساطة تحس باستشكال وجودي محزن. وكل ذلك ينعكس الآن في ضعف المعرفة بتنوع الثقافة السودانية، لأن الأنا تصبح الآخر. يحاول العاصميون تمثيل أدوار درامية عن ناس نيالا (الدهباية مثالا) فتخزلهم اللهجة والمعرفة بالثقافة الجوانية لأهل البلد: اللبس خطأ، إلقاء التحية خطأ، تبادل النظرات خطأ... والآن تجري محاولات لتقديم الآخر (أي تقديمنا نحن) ولكنها لا تختلف عن المحاولات التي يمكن أن يقوم بها الآخر الصيني ضمن سعيه لتقليد الثقافة السودانية: نسمع أغنية جراري ولا علاقة لها بالجراري كما نعرفه؛ تسمع محاولة للكرير وهي لا تشبهه لا في الشكل ولا في المحتوى ولا في الحمولة الثقافية.


    مؤلم حقا يا محمد الأمين
    أن لا يري الناس أنفسهم في إعلامهم
    ويجبرون علي تبني ثقافة أخري بالقوة (أي كانت ناعمة أو غيرها)
    العطالي ديل كان ممكن يقوموا بدور كبير لخدمة البلد والثقافة السودانية
    لكنهم بلا فكر قوم أتت إليهم المؤسسات وحشوها بكلام الشارع وحكايات الأزقة
    وحاولوا يقولوا الناس في الكلام المهبب الشغالين ينشروا فيه ل 60 سنة
    وأتتهم ثورة المعلومات من حيث لا يدروا ولا أتوقع أن أحد يسمع أمدرمان اليوم

    لقوا ليهم فرصه وضيعوها علينا وأضاعوا معها السودان
                   |Articles |News |مقالات |بيانات

26-11-2018, 02:40 PM

سيف الدين محجوب

تاريخ التسجيل: 18-01-2013
مجموع المشاركات: 627

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: جمال ود القوز)

    جمال يا حبيب
    فعلاً خرطومنا دي لو كانت الإذاعة ولا التلفزيون فيها كنا سوينا البدع
    ياما وياما طلعوا فطاحل من أندينا كما يقولون
    جد خرطومنا الجنوبي منبع الإبداع
    ما داير أذكر إسم معين لآنو لو بديت ما بقيف والناس دي بتتخلع
    ويكثر الإستغراب ( معقول دا من الخرطوم جنوب ؟؟؟؟ )

    ديم سلك براهو ما ساهل ويا خرج من مبدعين ؟
    غايتو الجماعة ديل قاموا من النوم ولقو الكوم
    وجاتم باردة وساقو فيها
    وسوونا مستمعين ومتلقين بس
                   |Articles |News |مقالات |بيانات

26-11-2018, 03:40 PM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 4568

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: سيف الدين محجوب)

    Quote: ديم سلك براهو ما ساهل ويا خرج من مبدعين ؟


    الله .. الله عليك ياسيفو ياغالي ..
    والله فعلا ديم سلك براهو كفاية في جنوب الخرطوم ..
    عالم جميل كثير الحراك والفاعلية ..
    ويكتظ بمبدعين لاتخطئهم عين ..
    وفي شتى المجالات ..
    فن .. كورة .. سياسة .. كل شيء ..
    الديم بصفة عامة غرب وشرق ..
    كان في حوجة لاذاعة لوحدة ..

    تسلم يأخ وتحياتي لك ..

    ـــــــــــــــــــــــــــــــــــــــــــــــــــــــــ

    الامدرمانيان المعتّقان مشرف وحبيبنا قبة ..
    برضكم جيتو بي كوكابكم وزعلانين .. ههههه ..
    والله انتو الاتنين أنا اتوقعتكم تجوا البوست ده ..
    أبيت أصرح بي أسماءكم استباقا فتقوموا ماتجوا ..
    لكن لم تخذلوني اصلا والله جيتكم دايرنها ..
    عشان الحكي الجميل والسرديات الأمدرمانية ..
    فليتكم تعودوا لنا بمزيد من الحكي الامدرماني الجميل ..
    فتثروا البوست وتسيّكوا عظمة ده في قبولو ..
    ولاتركنوا كثيرا لتأولات أهداف ومرامي البوست ..
    زي ماقال قباني لأنه ما بالضرورة يكون التأويل ده صحيح ...
    فتقوموا تفوّتوا علينا الكثير من الجمال الكأن ممكن ..
    وتمددات بوست موعود بالكثير الكثير ..

    تقديري للجميع ..

    يادكتور محمد برضو ناس الشمال القصي ..
    النوبيون كان في حوجة للمزيد من اذاعة قومية تمثلهم ...
    فهل لقوا ما كانوا يأملون ! ..
    وكذا باقي نواحي هذا القطر المترامي ..
    كان في حوجة للمزيد من التنقيب والبحث ..
    في تراثه وحكاوية وشخوصه وتقاليده وتراثه ..
    وزي ماقال عظمة كان في الإمكان أفضل مما كان ..
    ولاتنسى الشرق وحكاوي القاش والتاكا وقضروف سعد ..
    وثغر السودان بورتسودان ..
    والغرب القريب والقصي وتنوعاته الثره ..
    أأأأيييه نقول شنو ونخلي شنو !! ..
                   |Articles |News |مقالات |بيانات

26-11-2018, 02:41 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5169

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: جمال ود القوز)

    بعد 13 عام على إنطلاق الإذاعة إندلعت الحرب في الجنوب
    كل ما فعلته الإذاعة تخصيص ركن (ركن الجنوب) ولقلة إدراك
    القائمين على أمر الإذاعة، إفتكروا أن المشكلة خاصة بأبناء
    الجنوب، كان يمكن أن يتم تدارك الأمر حينها وان تلعب الإذاعة
    دورا أكبر في توحيد السودانين وبناء قومية سودانية واحدة وشعور
    قومي واحد ولكنهم إختاروا الترويج لثقافة واحدة اسموها (ثقافة أدرمان)
                   |Articles |News |مقالات |بيانات

26-11-2018, 03:03 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5169

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: عبدالعظيم عثمان)

    السودان بلد متنوع ومتعدد لايمكن أن تصب كل الناس
    في قالب ثقافي واحد وتحاول تفرضه على الناس بإستخدام
    الوسيلة الإعلامية '' الوحيدة'' وتتجاهل الثقافات الأخري
    وتقدم لينا ود ابو دليية وبت قضيم ود البصير وتمرر الثقافة الواحدة على مدرالساعة.. وتقسم البلد كلها بين الهلال والمريخ وطه حمدتو يتغزل بفريقي العرضة شمالها وجنوبها.. الأفق أضيق من خرم الإبرة (كان بالإمكان أفضل مما كان)
                   |Articles |News |مقالات |بيانات

26-11-2018, 03:18 PM

جلالدونا
<aجلالدونا
تاريخ التسجيل: 26-04-2014
مجموع المشاركات: 6670

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: عبدالعظيم عثمان)

    واحدات يلدن و واحدات يحاكن
    والله صحى
                   |Articles |News |مقالات |بيانات

26-11-2018, 03:27 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30901

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: جلالدونا)

    البوست دا يا عظمة وحاتم زي نكتة الأنصاري الفي الباص رفع كم الجلابية و ظهرات السكين و يحمّر لمولانا انصار السنة وقال يا المهدي الخلقتني !
    كايسين ليكم مشاكل ساي
                   |Articles |News |مقالات |بيانات

26-11-2018, 03:28 PM

Arif Nashed
<aArif Nashed
تاريخ التسجيل: 12-05-2014
مجموع المشاركات: 4588

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: جلالدونا)

    ما الإذاعة براها مدرسة الدايات برضو في امدر ههههههههه
                   |Articles |News |مقالات |بيانات

26-11-2018, 03:30 PM

جلالدونا
<aجلالدونا
تاريخ التسجيل: 26-04-2014
مجموع المشاركات: 6670

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: Arif Nashed)

    و السلخانة برضو يا عارف
                   |Articles |News |مقالات |بيانات

26-11-2018, 05:47 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5169

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: جمال ود القوز)



    Quote: ناس أم در (القديمة) صحي شوية مزودين عبّارهم ..
    لكن تناول الأمر من الزاوية دي فيه اجحاف وشطط ..
    لكن أوافق على مبدأ كان بالإمكان أفضل مما كان ..


    يا ود القوز مزودينا حبتين شنو ياخ ديل حمومها بالجردل
    ضيعوا زمن الناس بي قصص فطيرة لا بتضحك ولا حاجة
    يعني حتي الضحك عاوزينه يكون علي مقاس قصصهم البايخة
    المصيبة بيكونوا قايلين روحهم شفوت ومقرمين
                   |Articles |News |مقالات |بيانات

26-11-2018, 05:41 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5169

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: adil amin)



    Quote: تقول لي مثقفو الخرطوم كالصحراء لا تنبت فيها بذرة
    اخطات في التشبيه للصحراء في المساء روعة وبهرة
    وكانت الصحراء في ماضي الزمان شاعرا ذا قلم وقدرة
    لكنه استكان للخمول وللذبول واذل شعره
    فرط في خياله وما الخيال للصحرا ء الا الخضرة
    مثقفو الخرطوم قهوة ونومة وسهرة وسكرة
    تفحمني حلمك با هذا لقد اشبهتهم انت وهم في هجرة


    الناس ديل يا عادل أمين بعد ما فاتو المصرين والخواجات
    لقوا نفسهم في السهلة وتحت يدهم مؤسسات عاوزة فكر ومفكرين
    مشوا إحتلوا الحيشان الثلاثة ورأسهم ضرب بقوا أي زول عاطل ممكن يجي
    يحكي أي قصة في الإذاعة عشان كدا قدونا بي حكاوي زقاقات أمدرمان
    وحكاية سوق أمردمان ودار الرياضة أمدرمان .. عاوزين يملوا زمن البرنامج بأي حاجة
                   |Articles |News |مقالات |بيانات

26-11-2018, 05:34 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5169

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: أحمد الشايقي)



    Quote: شكرا يا رفيع

    .... نقـد تأصيلـي


    سلامات مولانا الشايقي
    يا رفيع الناس ديل قدونا الزمن دا كله وما كانوا قايلين
    حيكون في إنترنت إحتكروا الإذاعة ومسكوا بينا زمن في الفاضي

                   |Articles |News |مقالات |بيانات

26-11-2018, 05:24 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5169

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: حاتم إبراهيم)



    Quote: عدم الفكرة خلاهم يسموا برنامج حقيبة الفن على حاوية الاسطوانات.


    تعرف يا حاتم بعض العطالي شغالين يحتفلوا بي زول سافر الأبيض عشان يمشي يشوف
    ليه مرا كتبوا عنها شعر أصحابه وهو ما مشي.. إضطر يمشي بعدهم ويعسكر في المدينة
    حتي مناسبة زواج في المدينة وكتب ليه قصيدة ورجع أمدرمان ثاني
    تخيل الزول دا ضيع وقته والمصيبة العطالي ديل يغطوا الرحلة المهببة دي
    ويقدموه في الإذاعة كواحد من العباقرة في شعر الحقيبة

    مسكوا زمن بالناس علي الفاضي
                   |Articles |News |مقالات |بيانات

26-11-2018, 03:34 PM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2642

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: عبدالعظيم عثمان)

    العالم دي بقت أخلاقا في نخرتا يا ود البشرى.
    عالمهم صغير جدا، زي الشفع.

    ___
    اتمنى والله أصادف واحد عنده وزن فيهم.
                   |Articles |News |مقالات |بيانات

26-11-2018, 03:58 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12771

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: حاتم إبراهيم)

    يا ود القوز يا جميل

    معليش ياخوي

    ام درمان ما هملت عشان نناقش أمورها و تاريخها مع الياي و مساعدو

    قول ليهم تلقوها عند الغافل ...

    الزول العيان ده الله يشفيو بس ... حالته اتاخرت جدا .. هههه

    خد راحتك انت ما تشيل همنا ... العارف ( عزو ) مستريح ههه
                   |Articles |News |مقالات |بيانات

26-11-2018, 05:15 PM

علي دفع الله
<aعلي دفع الله
تاريخ التسجيل: 31-08-2012
مجموع المشاركات: 4546

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: يحي قباني)

    قلنا الكلام دا زمان طلعونا متخلفين وبتوع ضهاري

    اكذوبة ام درمان اثرت على اللحياة السياسية والثقافية وحتى الرياضية


    وهمة كبييييرة اسما ام درمان

    ثانكس عظمة
                   |Articles |News |مقالات |بيانات

26-11-2018, 05:48 PM

منتصر عبد الباسط

تاريخ التسجيل: 24-06-2011
مجموع المشاركات: 7459

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: علي دفع الله)

    الأنا أعرفو أن أهل أمدرمان والمشتغلين بالفن فيها خاصة الموسيقى
    والدراما من كل أنحاء السودان فلو ثمة مشكلة فهي في كل السودان
    وليست أم درمان وحدها
    العندو شي يضيف ويطرح ما عنده
    المواعين اصبحت ما تدي الدرب منذ أكثر من عشرة
    أعوام والتي هي في واجهة هذه الستين بتاعتك دي 60 وهي ما نعيشه الأن .
    فأين طرحك ورؤيتك لنستفيد
    مجرد تبخيص مجهودات الغير لا يصنع شيئا مفيدا..

    (عدل بواسطة منتصر عبد الباسط on 26-11-2018, 05:51 PM)
    (عدل بواسطة منتصر عبد الباسط on 26-11-2018, 05:59 PM)
    (عدل بواسطة منتصر عبد الباسط on 26-11-2018, 06:02 PM)

                   |Articles |News |مقالات |بيانات

26-11-2018, 06:13 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5169

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: منتصر عبد الباسط)



    Quote: هههههههههههههه

    خلاص دفروك تفتح ( منشور ) تشتيتي عشان عمكم يجي و يشتت الكورة من زنقة الطاحونة الورط روحو فوقها ....


    كلمتكم فوق .... الأفق عندهم أضيق من سم الخياط
    ياهو جاكم واحد واقع بي خشمو
    تشتيت مين والناس نايمين

                   |Articles |News |مقالات |بيانات

26-11-2018, 06:21 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5169

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: عبدالعظيم عثمان)



    Quote: البوست دا يا عظمة وحاتم زي نكتة الأنصاري الفي الباص رفع كم الجلابية و ظهرات السكين و يحمّر لمولانا انصار السنة وقال يا المهدي الخلقتني !
    كايسين ليكم مشاكل ساي


    يا ود البشري الناس ديل مساكين بينا زمن 60 سنة يسمعونا غناهم
    ويحكوا لينا حكاوي وقصص فطيرة ... لازم يقيفوا قدام المرايا
    ويجردوا الحساب ويشوفوا كانوا يعملوا شنو طوال سنوات الإذاعة
    هل كان ممكن السودان كله يشوف نفسه في الإذاعة أو لا
    أبدا ما كوس مشاكل ولا شيء

    بعدين ناسك ديل تعبانين تعب الموت
                   |Articles |News |مقالات |بيانات

26-11-2018, 06:28 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5169

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: عبدالعظيم عثمان)



    Quote: قلنا الكلام دا زمان طلعونا متخلفين وبتوع ضهاري

    اكذوبة ام درمان اثرت على اللحياة السياسية والثقافية وحتى الرياضية


    وهمة كبييييرة اسما ام درمان

    ثانكس عظمة


    تعرف يا علي دفع الله الناس بالجد ما قادرين يستوعبوا
    كمية الأخطاء الكارثية والفرص الضيعوها علي البلد دي

    صاحبك أبوبكر صالح وقت حمبك من موضوع هلال مريخ
    وليه المركزية والإحتكار حتي في الكورة والتشجيع
    أستخدموا الإذاعة في ترسيخ أن أي سوداني مفروض يا يشجع الهلال
    أو المريخ وبعدين يشوف قصة فريق مدينته أو قريته أو أي حاجة ثانية
    تخيل مايكرفون الإذاعة كان بيمشي دار الرياضة أمدرمان عشان
    ينقل بياخة رواد دار الرياضة وينقلها علي أساس أناها طرائف
    وهم بيصنعوا مؤثرين وأعلام في المجال الرياضي غصب عن أي زول

    ديل عطالي ولقوا ليهم مؤسسة مؤثرة في الوقت داك وإتهجموا وما عرفوا
    يديروها لصالح البلد ..
                   |Articles |News |مقالات |بيانات

26-11-2018, 06:25 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12771

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: عبدالعظيم عثمان)

    عظمة مساعد الياي الوفي
    ههههههه

    كدي خليك من ايّام سئ الذكر النميري

    البلد تراها ماسكنها جماعتك ديل ليهم ٣٠ سنة و ما شايفلي زول من أمدرمان
    عنده اي سلطة او دور
    يا ربي ال٣٠ سنة ما كفاية تلحقوها من الضياع الضيعو ليها ولا. امدر
                   |Articles |News |مقالات |بيانات

26-11-2018, 06:37 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5169

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: يحي قباني)




    Quote: البلد تراها ماسكنها جماعتك ديل ليهم ٣٠ سنة و ما شايفلي زول من أمدرمان
    عنده اي سلطة او دور


    جماعتي بين وين يا زول ( إنت خرفت ولا شنو)
    الترابي دا مرق من ودنوباوي وبرعاية وصال بت المهدي (يعني زولكم)
    كل الخوازيق من أمدرمان ... والكتل عبدالخالق محجوب من أمدرمان ..
    وعبدالخالق زاته من هناك ...
    بالجد يا قباني كان قدام أولاد أمدرمان فرصة تاريخية اذا شغلوا مخهم
    ونشروا الوعي عبر الإذاعة ولكنهم ما كانوا فاضي من حكايات موسي ود نفاش
    كدي إنت دا أفتح مخك وحاول تتخيل إذا الإذاعة السودانية كانت بتنشر
    في الوعي وضرورة حماية الشرعية الديمقراطية كان باقي ليك أولاد ود نوباوي عملوا إنقلاب مايو
    ولاكان بيت الصديق قام برعاية الأخوان الملسمين .. وما كان عبدالخالق محجوب مات

    لكن مافي مشكلة انا لاقي ليك العذر (خايف مخك يكمل من كثرة التفكير)


    بعدين أولاد أمدرمان ضيعوا علينا 60 سنة والكيزان 30 سنة ( بالله دي حالة)
                   |Articles |News |مقالات |بيانات

26-11-2018, 06:50 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5169

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: عبدالعظيم عثمان)

    يا منتصر المشكلة العطالي ديل حاصروا مياكرفون الإذاعة
    جوة الحوش، وما كان بيطلع الا الي دار الرياضة امدرمان
    ودا السبب الخلا اي مبدع في السودان يسافر ويجي امدرمان
    وىفتش ليه بيت عزابة (قصص كثيرة ومبدعين كتار) عملوا
    كدا.. كان الموضوع ممكن يتم بطرق أسهل بدل بهدلة المبدعين وتشردهم في حواري امدرمان.. معقولة بس
                   |Articles |News |مقالات |بيانات

26-11-2018, 06:49 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 677

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: يحي قباني)



    ﻗَﺪْ ﺗُﻨْﻜِﺮُ ﺍﻟﻌَﻴْﻦُ
    ﺿَﻮْﺀَ ﺍﻟﺸَّﻤْﺲِ ﻣِﻦْ ﺭَﻣَﺪٍ
                   |Articles |News |مقالات |بيانات

26-11-2018, 06:58 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5169

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: تماضر الطاهر)

    المشكلة هسي نلقي لينا 60 سنة من وين تانى
    من وين نجيب ليكم ظروف عاشها السودان وكان يمكن أن ينطلق وينهض
    من وين نجيب ليكم مجتمع نقي خالي من الكراهية آمن متسامح متقبل لأي مشروع
    وطني ونسبج إجتماعي متماسك.. من وين نجيب ليكم 60 سنة تاني.. ضيعتوا علينا فرصة لن تتكرر، والعودة إلى المجتمع السوداني قبل 60 عام مستحيلة... عوقتونا يااخ... ألم يكن بينكم رجل رشيد لينيىر لكم الطريق موجها؟
                   |Articles |News |مقالات |بيانات

26-11-2018, 07:37 PM

ABUHUSSEIN
<aABUHUSSEIN
تاريخ التسجيل: 14-08-2002
مجموع المشاركات: 31156

للتواصل معنا

FaceBook
تويتر Twitter
YouTube


Re: اولاد أدرمان ضيعوا 60 عام على السودان (Re: عبدالعظيم عثمان)

    صقر الجديان احرف من يصطاد الدبايب
    من إرتفاعات شاهقة لو دبيب اتحرك بجيه طاير و كف يمسكو يبهدلو و يخنقو ...
    كان معانا هنا واحد زي صقر الجديان دا لو كان موجود كان بعمل معاك البعملو صقر الجديان مع الدبيب .....

    كنت قايلك (مداح) .... لكن لقيتك حاجة تانية (خالس) ...... لكن لمتين .... !!!!!!!
                   |Articles |News |مقالات |بيانات

26-11-2018, 07:13 PM

Amira Hussien
<aAmira Hussien
تاريخ التسجيل: 26-11-2016
مجموع المشاركات: 474

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: عبدالعظيم عثمان)

    حرام ياناس ضياع الستين سنة تعلقوهو فى رقبة ناس امدرمان .......أحب امدرمان زمان وهسه ولى قدام
                   |Articles |News |مقالات |بيانات

26-11-2018, 07:43 PM

muntasir

تاريخ التسجيل: 07-11-2003
مجموع المشاركات: 3688

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: Amira Hussien)

    سلام عبدالعظيم ما مشكلة بنسردب ليها لكن أخسم لينا تلاتين سنة الإنقاذ دي 😂
                   |Articles |News |مقالات |بيانات

26-11-2018, 07:45 PM

هاشم الحسن

تاريخ التسجيل: 07-04-2004
مجموع المشاركات: 2150

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: عبدالعظيم عثمان)

    يا عظمة تحيات مباركات؛
    سأتفق معك أن السيرورة الاجتماعية والسياسية الراهنة قد تجاوزت النموذح الأمدرماني،
    وبالتالي أصبح من الضروري بل الحتمي تجاوز نموذجها الإعلامي التقليدي.
    وكلامك صحيح أن أم درمان وأولاد أم درمان قد تحكموا في مصير السودان طويلا.
    وسياسيا، فعلى الأقل للفترة ما بين (١٩٢٠ إلى ١٩٨٩) ومعلوم أنه قد كان فيها الصاح كما كان الخطأ.
    وأيضا؛ فصحيح أن تأثير أم درمان الثقافي والاجتماعي والسياسي لا يزال فاعلا
    وأن الاعلام القومي الصادر عن (جغرافيتها) لا يواكب التحولات ولا الضرورات إلا قليلا وببطء،
    (مع أن الإعلام المعني حكومي قومي، والحكومة الآن ليست أمدرمانية)


    لكن السؤال هو: هل كان بالإمكان غير الذي كان؟

    يعني؛ هل كان يمكن لأولاد وبنات سنار أو الفاشر أو غبيش أو الطينة
    أو كسلا أو مديسيسة أو مدني أو حوش بانقا وصراصر مثلا،
    أن يكونوا في موقع التأثير كما الذي أتيح لأمدرمان أو أن يصنعوا واقع السودان؟

    قبل التلاحي، أين هو التحليل الضروري للشرط التاريخي والسياسي والاجتماعي والثقافي
    الذي جعل من أم درمان مصدرا للسلطة والثقافة والاعلام في السودان؟
    أنت مثلا تقول عن دور أم درمان والإذاعة:
    Quote: "كان بالإمكان أفضل مما كان،
    ولكنه الخمول الذهني وفقر الإبداع وضيق الأفق"
    فهلا تفضلت بالشرح؟
    مثلا: ما الذي كان بوسع الأمدرمانيين أن يفعلوه غير ما فعلوا وما حدث بالفعل؟
    أعني ما هي الشروط (الموضوعية) التي لم يلتزموا بها أو اختاروا فتجاهلوها؟
    =====
    رغم كل المرارة في كلامك، أخشى أن عنوانك إنما يقول:
    إنك كنت قافل لفتوحك القومي على جوكر أمدرمان،
    ثم انخذلت جدا إذ لم يكن في يدها أي جوكر!!
                   |Articles |News |مقالات |بيانات

26-11-2018, 07:57 PM

محمد جمال الدين
<aمحمد جمال الدين
تاريخ التسجيل: 28-10-2007
مجموع المشاركات: 2650

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: هاشم الحسن)

    متابعة.. وتحية وسلام

                   |Articles |News |مقالات |بيانات

26-11-2018, 08:05 PM

هاشم الحسن

تاريخ التسجيل: 07-04-2004
مجموع المشاركات: 2150

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: محمد جمال الدين)

    (ما مشكلة بنسردب ليها).. هههها.. يا منص يا ود قلبا.
    ليك وحشة يا منتصر.. يعلم الله!
    وسلام وتحية كبيرة لمحمد جمال الدين..
    تصدق كنت متذكرك وأنا بتداخل قبلك مباشرة.
    (ليس بالأمكان أحسن مما كان) :) ولّ كيف؟
                   |Articles |News |مقالات |بيانات

26-11-2018, 08:18 PM

محمد جمال الدين
<aمحمد جمال الدين
تاريخ التسجيل: 28-10-2007
مجموع المشاركات: 2650

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: هاشم الحسن)

    Quote: وسلام وتحية كبيرة لمحمد جمال الدين..
    تصدق كنت متذكرك وأنا بتداخل قبلك مباشرة.
    (ليس بالأمكان أحسن مما كان) :) ولّ كيف؟

    والا لكان! .

    القلوب شواهد والله.. والاله امون شاهد.. عارفك عارف😅
    ---
    التحية لصاحب البوست وضيوفه الأكارم.. بالمتابعة "أعلاه" أعني بها انو الزول مستفيد لكن ما عنده شي يقوله!






                   |Articles |News |مقالات |بيانات

26-11-2018, 08:21 PM

محمد جمال الدين
<aمحمد جمال الدين
تاريخ التسجيل: 28-10-2007
مجموع المشاركات: 2650

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: محمد جمال الدين)

    لكن هاشم لازم يعمل غلاغل 😅
                   |Articles |News |مقالات |بيانات

26-11-2018, 08:28 PM

muntasir

تاريخ التسجيل: 07-11-2003
مجموع المشاركات: 3688

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: محمد جمال الدين)

    سيدي الحسن الناس دي (بكاها رادي الدندهوب الغادي وأمدرمان تغني....) ما مشكلة خليل فرح منا ومن أندينا أهل البيت يا أبو هاشم الجزيري بقت مخازن وأولاد أمدرمان بقت مشاوي تعضي وتقوم
                   |Articles |News |مقالات |بيانات

26-11-2018, 10:14 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12771

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: muntasir)

    ود ارو و مكي ... و البنّا خت الساس

    اهداء لكل اهل السودان ...
    و اليايات لأ ... ههههه



                   |Articles |News |مقالات |بيانات

26-11-2018, 10:45 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9268

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: يحي قباني)

    سلامات عبد العظيم وزواره الأفاضل..
    انتو كايسين ليكم دروة أو زي مابقولو شماعة..
    غلط يا جماعة نبحث ونفسر اخفاقاتنا على أسس مناطقية أو جهوية أو اجتماعية..
    امدرمان ما وقعت من السما..
    ولا كانت متقوقعة داخل صدفة وظهرت قبل ستين سنة..
    امدرمان مثلها مثل سائر السودان تعرضت للغزو والاضطهاد..
    وفرض عليها كما فرض على سائر السودان ثقافة المستعمر..
    حقو يكون السؤال شنو انعكاسات الأثر الثقافي الاستعماري خاصة التعليمي على النخب المتقدمة..
    وهل له دور في وضعنا في ذيل الاعلام العربي ؟
    بعدين انتو ناسين أثر التعليم النظامي الاستعماري ليه ؟
    مش بدايته ( الكتاتيب ) مصري خديوي أزهري؟
    طيب كنتو دايرين النتيجة تكون مختلفة كيف ؟
    حقيقة نحن كهوامش ما كان عندنا تعليم ولا وعي كافي يؤهلنا للمنافسة ..
    ياها الخلاوى تعلم القرآن وتؤهل البعض ليفكون الخط..
    لا وسائط تواصل ووسائل مواصلات كما الحال الآن..
    تجعلنا منفتحين على أطراف السودان وما حولنا..
    أهل العاصمة بحكم موقعهم المركزي اتيحت لهم فرص الاطلاع والتنوير الثقافي..
    بس للاسف كان تنويرمرتبط بالمنافذ التي أتاحتها سياسات المستعمر..
    قليلين الادركوا مبكرا من عشرينات القرن المنصرم ..
    وكتبوا منادين بأن يكون لنا أدب يعبر عن شخصيتنا الثقافية..
    ناس أمدر لقو قدامهم هنا القاهرة وحاكوها لأنها كانت المتاح ..
    كتر خيرهم حاولو في حدود المستطاع سودنة المتاح في حدود معرفتهم ومحيطهم القريب..
    يا جماعة السودان ما ابتعد كثير عن حاله في القرن الثامن عشر والتاسع عشر..
    لا من حيث التطور الاجتماعي الجمعي ولا الاقتصادي ولا الثقافي ..
    عشان نمارس جلد الذات..
    الظاهرة دي ذاتا دليل على اننا لم نبلغ شواطئ الوعي المعبر عن المصلحة الوطنية الجمعية.
                   |Articles |News |مقالات |بيانات

26-11-2018, 10:54 PM

منتصر عبد الباسط

تاريخ التسجيل: 24-06-2011
مجموع المشاركات: 7459

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: محمد على طه الملك)

    عبد العظيم وصاحبو جداد الكتروني
    لا تنجروا معهم ويشغلوكم عن المواضيع الحيوية.
                   |Articles |News |مقالات |بيانات

26-11-2018, 10:56 PM

Asim Ali
<aAsim Ali
تاريخ التسجيل: 25-01-2017
مجموع المشاركات: 2820

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: يحي قباني)

    ليه نحسب امدرمان وكانها شاذه عن الوطن
    ام درمان نموذج متقدم لما يجب ان يكون عليه السودان من تمازج وانصهار (سبيكه سودانيه خالصه عيار 24)..
    حتى المأخذعلى الاعلام بتجاوز الاطراف مابتصل لمستوى الادانه والتجريم بتضييع زمن ثقافى واجتماعى.
                   |Articles |News |مقالات |بيانات

26-11-2018, 11:05 PM

Khalid Basheer
<aKhalid Basheer
تاريخ التسجيل: 14-04-2013
مجموع المشاركات: 337

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: Asim Ali)


    سلام يا عبد العظيم...

    Quote: اولاد أدرمان ضيعوا 60 عام على السودان

    Quote: ضيعوا فرصة عظيمة في بناء القومية السودانية


    يا عبد العظيم لا تسقط الانحطاط الذي نعاني منه طوال فترة عصابة الكيزان المجرمة (و أغلبهم إن لم يكونوا جميعهم ما من امدرمان) ، على مدينة ام درمان أو أي إخفاقات تاريخية سابقة ، تحتاج إلى نقد تاريخي موضوعي تستصحب فيه كل العوامل الاجتماعية و السياسية و الاقتصادية بقراءة عميقة ...تتجاوز حكاية امدرمان دي...لتدعم فرضياتك...لكن تعمم كدة ساي ...ما بتجي...دة شطط يا عظمة.
    هذه الفرضيات ـ إذا اعتبرناها كذلكـ ـ تتطلب توضيحها (في عضمها) فهي غير محكمة...ليه ؟ مثلا لانها لم تحدد و ما المقصود باولاد أمدرمان ؟ أولاد امدرمان كلهم ؟ من ولد في امدرمان و عاش فيها ؟ لحدي كم جد يعني ؟ من سكنها فقط ؟ و لا من كان منهم في منصب محدد و تسبب في "التضييع" ؟

    Quote: إذاعة امدرمان كانت مكان للعطالي من اولاد امدرمان


    طوالي تدعم المعلومة دي بالدلائل ...و تثبت انو الإذاعة كانت مكانا للعطالى !
    أديك امثلة مختصرة جدا: عبد العزيز العميري ، محمد بشير عتيق ، أمينة عبد الرحيم عليهم رحمة الله ، ديل كلهم من قلب امدرمان و كلهم كانوا في إذاعة أمدرمان .... ولا واحد منهم كان عاطل .....!

    Quote: وكانت الإذاعة الوسيلة الوحيدة لنشر الوعي


    في أي فترة زمنية ؟ برضة لازم أدلة .... إذا كان تعريفك للوعي هنا يشمل الوعي المجتمعي كمعرفة تنظم سلوك المجتمع ، مثلا التعايش السلمي لأفراد المجتمع في حيز جغرافي (مدينة أمدرمان) فأمدرمان تمثل نموذجا رائعا للوعي المجتمعي لأنها ضمت إنسان السودان بمختلف إثنياته في مجتمع مدني متعايش.
    و بالتأكيد نشر الوعي لم يكن قصرا على إذاعة أمدرمان فقط......اقرا الكلام دة....
    ((يجب على الشباب أن يقدموا أنفسهم للمجمتع السوداني ، ليس كجعليين أو شايقية...أو أي قبيلة أخرى. فقط عندما يتغلبوا على هذه المشاعر القبلية. يمكن أن يشعروا بوجودهم ووجود وطنهم ، و عندئذ فقط سيعملوا على نشر الشعور الوطني و الانتماء السوداني.)) ...الكلام دة نشر في مجلة الفجر حوالي سنة 1937 ...! فهل يحمل معاني الوعي بالقومية السودانبة و لا لا ؟ ...خالد الكد يرجح انو كاتب الكلام دة محمد عشري الصديق هو و أخوه عبد الله من مؤسسي جماعة الفجر في الموردة و الهاشماب.... الكلام دة في العشرينات يا عظمة. و مدرسة ابوروف كمان في العشرينات من تأسيس حسن و حسين الكد و كانوا يرفضون الطائفية. هذه الجماعات الثقافية مثال فقط لوجود قنوات للوعي عدا الإذاعة....بر ضو من امدرمان (يعني نعمل ليكم شنو )
    ......................................................................................
    Quote: اكذوبة ام درمان اثرت على اللحياة السياسية والثقافية وحتى الرياضية


    يا علي.....شيل أكذوبة دي (شكلها خطأ مطبعي) بتلقى الجملة صحيحة ! .
                   |Articles |News |مقالات |بيانات

26-11-2018, 11:37 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12771

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: Khalid Basheer)

    Quote: طوالي تدعم المعلومة دي بالدلائل ...و تثبت انو الإذاعة كانت مكانا للعطالى !

    خالد بشير انت جادي ؟

    ياخ دي عقد ساي من الياي و مساعدو ...

    ما تنزعج ... دي ( تكاتيك ) ياخي هههههه
                   |Articles |News |مقالات |بيانات

26-11-2018, 11:59 PM

نادر الفضلى
<aنادر الفضلى
تاريخ التسجيل: 19-09-2006
مجموع المشاركات: 5124

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: يحي قباني)
                   |Articles |News |مقالات |بيانات

27-11-2018, 00:18 AM

نادر الفضلى
<aنادر الفضلى
تاريخ التسجيل: 19-09-2006
مجموع المشاركات: 5124

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: يحي قباني)

    الأخ عبد العظيم وضيوفه سلام

    البوست مكرر بعناوين تختلف ولو فتشنا سنلقى الأخ عبد العظيم عثمان له القدح المعلى
    فى فتح نفس حكوة أم ضبيبينة .. وقالوا المرة دى كمان الغرض فيه تشتيت ضفارى للكورة
    أو فلنقل تشتيت ضهارى للكورة. وفى كل مرة اللوم مردود

    تاتى جينا لأمدرمان والعويل ورمى اللوم على أمدرمان وأولادها؟ ويظل زول الضهارى المقهور
    حافى ومتخلف ومهضوم الحقوق ومكبوت التراث ومهمش فنيا وإبداعيا .. وغير مسؤول عما حدث
    ويحدث بالسودان. ودا كلو وأبناء الضهارى منذ ما قبل الإستقلال وبعده سعى أولاد أمدرمان إليهم
    (لتنويرهم) بالتعليم تغربوا عن أمدرمان وعن مجتمعها الجميل (فى نظرهم). إبتعدوا عن أمدرمان بالليل
    (و(الخرطوم بالليل) وبكل حراكها الوطنى والسياسى والثقافى والإجتماعىى والفنى والرياضى من
    أجل تعليم وتنوير أهل الضهارى. ولسد الفراغ الوظيفى الحكومى ليس إيثارا بالوظائف ولكنها
    ضرورة إقتضتها المصلحة العامة ..

    الإهتمام باالتعليم هو أساس النهوض بأى مجتمع والتنمية الإقتصادية. التعليم المجانى والداخلى
    من الإبتدائى وحتى الجامعى كان المستفيدون منه أبناء الضهارى .. ماذا فعلوا بعد تعليمهم وإعدادهم
    للنهوض بأقاليمهم؟ .. أبناء الضهارى أداروا ضهورهم لضهارىهم .. فما أبلغ مصطلح الضهارى هذا
    لم يعودوا لمواطنهم ومواطنيهم ليقودوا نهضتها ولكنهم قبعوا بالعاصمة .. الخرطوم طراوة والزول حلاوة
    .. فلاحة السفر لضهاريهم فى المناسبات الخاصة والأعياد


    حسن الترابى وأتباعه أولاد ضهارى وتعمدوا أن يحكموا السودان بأولاد الضهارى بل وأن يقوموا
    بترييف العاصمة وتجريدها سماتها وهويتها فأصبحت ريفا ضخما .. لمدة ثلاثون عاما حكموا
    والنتيجة الأسوأ فى تاريخ البلاد والسقوط به فى هاوية سحيقة لا قاع لها .. وماذا فعلوا أين تأثيرهم
    وفى يدهم مفاتيح الإعلام والثقافة والمال والسلطة بل نهبوا وإغتنوا غنى فاحش، ماذا فعلوا ولا أسأل
    عن إصلاح السودان أو تنمية الريف .. بل عن تعميم نشر ثقافات وفنون الضهارى التى تشتكون أن
    أولاد أمدرمان وإذاعتهم هنا أمدرمان أهملتها .. ما زالت أغانى الحقيبة والأغنية الأمدرمانية بأنواعها
    وحقبها هى السائدة بل كانت عودة الشباب إليها للقديم .. وسيظل الفن الأصيل الجميل هو السائد وأكيد
    هنالك بعضه عند ناس الضهارى .. أمدرمان تذوقت وإستمتعت بما وصلها منه ولكنها ليست مسؤولية
    أبنائها الوصول إليه وترويجها وإن كانوا تبرعوا فى الماضى بذلك فى برامج مثل من ربوع السودان
    فالمسؤولية مسؤولية أبناء كل منطقة خاصة من تعلموا

    أن تنشئ محطة خاصة إذاعية أو تلفزيونية فى كل أقليم أو مدينة ليس بالأمر العسير سواء مادياً أو فنياً
    فنصبح الشكاوى والعويل ورمى اللوم على أولاد أمدرمان لا معنى له (ربما حالة إدمان) .. ورونا همتكم
    وشطارتكم وأنشروا إلينا ما لديكم. وأخشى محطات الضهارى ستقجم عن مناطقها برامج التراث غناء
    ورقض، وفن حديث محلى بحظوظ ضئيلة لفنان فلتة لقلة المعروض، وينتهى الأمربالتركز على برامج
    الغناء الأمدرمانى وستظل أغانى الحقيبة خالدة وممتعة والغناء الأمدرمانى يفرض نفسه طوعاً

    ومثلما جحا ظريف ظرفاء العرب عبر العصور .. سيظل موسى ود نفاش والهادى الضلالى وسينا
    ظرفاء حكاوى أمدرمان عبر الحقب لا يمل أولادها سماعاها مثلما لا يملون أعادة الإستماع
    لسرور و كرومة وإبراهيم عوض ومحمد أحمد عوضو وترباس وزيدان وغيرهم

    وزى ما قال قبانى العارف عزو مستريح .. إنكريوا ورونا عزكم .. وفكونا من اللا موضوع يرحمكم الله

    (عدل بواسطة نادر الفضلى on 27-11-2018, 01:15 AM)

                   |Articles |News |مقالات |بيانات

27-11-2018, 02:51 AM

adil amin
<aadil amin
تاريخ التسجيل: 01-08-2002
مجموع المشاركات: 16713

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: نادر الفضلى)

    Quote: صقر الجديان احرف من يصطاد الدبايب
    من إرتفاعات شاهقة لو دبيب اتحرك بجيه طاير و كف يمسكو يبهدلو و يخنقو ...
    كان معانا هنا واحد زي صقر الجديان دا لو كان موجود كان بعمل معاك البعملو صقر الجديان مع الدبيب .....

    كنت قايلك (مداح) .... لكن لقيتك حاجة تانية (خالس) ...... لكن لمتين .... !!

    القصة اذاعة بس ....القصة الناس البتمشي مصر وتجي تلهث في السودان والقصة المركز وقاطنيه ولقو مدسرة وادي سيدنا واتعلمو العلم الذى لا ينقع على حساب الاقاليم الستة
    القصة الماخور بتاع الصاغ صلاح سالم ر جل المخابرات المصري المتهتك الجا قال ليهم انتو عرب وعملهم ناصريين وشيوعيين وقعدو يصوتو في البلد بي الانقلابات
    هسة العجوز الما بستحي ده قال صقر الجديان شعار مايو وناس مهدي مصطقى الهادي والكشة واهانة الجنوبيين في المركز خلونا من ام درمان تحديدا
    اصلو التشوه الفكري يقود الي التشوه السياسي والتشوه السياسي يقود الي التشوه الثقاقي وعشان كده علقنا مع ناس المركز ديل 60 سنة حاصب فارغ مع متلازمة مصر ام الدنيا والضباط الاحرار رغم ان الدنيا عملت فحص دي ان ايه لقت مصر ما امها
    يا اخوي نحن ناس الضهاري عاجبنا وحيد القرن وعاجبنا علم الاستقلال ...تغيرو ليه ؟؟
    https://up.top4top.net/



    فعلا صقر الجديان شبهك بياكل الفطايس مش الثغابين بس يا ابوالحصين ...
    *****
    توفيق ما شاف البوست ده ولي شنو
    ****
    ايوه يا عبدالعظيم الناس ديل رايح لهيم درب لحدي الليلة بعد ماتت الموميات بتاعة المشاريع المصرية في السودان في ام درمان وفضل بس باقي خردة بجيبهم حسين خوجلي في ايام لها ايقاع ويتونس معاهم في فضائية ام درمان
    ويا حليل زمن السيد عبدالرحمن والسيد علي والاستاذ محمود محمد طه وعبدالرحمن علي طه
    بلد كانت مليون ميل مريع كلها جاية تقعد في الخرطوم وتعاني لي شنو

                   |Articles |News |مقالات |بيانات

27-11-2018, 04:33 AM

MOHAMMED ELSHEIKH
<aMOHAMMED ELSHEIKH
تاريخ التسجيل: 21-03-2008
مجموع المشاركات: 9920

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: adil amin)

    تعالوا بعد ستين سنة قولوا "اولاد امدرمان" بوظوا علينا ثقافتنا الغذائية
                   |Articles |News |مقالات |بيانات

27-11-2018, 04:39 AM

Hatim Alhwary
<aHatim Alhwary
تاريخ التسجيل: 23-01-2013
مجموع المشاركات: 2051

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: adil amin)

    صحي ناس ام درمان مزودين العبار شوية زي ماقال ود القوز

    بس كمان ماقدر دا...نعملهم "شماعة"

                   |Articles |News |مقالات |بيانات

27-11-2018, 04:46 AM

Hatim Alhwary
<aHatim Alhwary
تاريخ التسجيل: 23-01-2013
مجموع المشاركات: 2051

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: Hatim Alhwary)

    ياهم ديلك جماعات الإسلام السياسي غازين عودهم في صدر الوطن مايقارب الثلاين سنة
    مشروعهم شنو؟

    جو بي خبوبهم ومشروعهم الجهوي العنصري الاسلاموي...قدموا شنو "بديل" للسودان ؟

    الوعي الريفي والرعوي دا غير الحروب والانقسامات قدم شنو؟


    تجربة "ام درمان" الحضرية العلمانية دي بي هناتها آخير الف مرة
                   |Articles |News |مقالات |بيانات

27-11-2018, 05:54 AM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1818

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: Hatim Alhwary)

    السلام جاكم
    بلد واسع .. متميز ومتعدد السحنات والثقافات الفريدة
    من بركاوي ورطب الشمال إلى الجنوب الواسع المجال
    ومن دار كردفانا غنينا عروس الرمال إلى وهضاب الشرق
    وبعد ما مان (ودعناك خلاص ياربوع ونجيلك تاني بعد إسبوع)
    بقى البرنامج مرتين في الاسبوع فتغيرت الخاتمة الى (ونجيك مرتين في سبوع (
    دا الرباطابي .. وجنبو كانت اغاني (يوسف فتاكي) من الجنوب
    كان اسمها دار الاذاعة وهي اصلا بدت 1938م ورسميا بعد سنتين في بيت جالوص
    جنب ميدان الخليفة ..كانت بتبث الاناشيد الحماسية ايام الحرب وقوة دفاع السودان
    ودا موضوع طويل .. كانت بتشارك الناس افراحهم وحزانهم والامهم
    يطوروا الناس اكتر من كدة كيف يعني ، يعني تقول لي قومية واثنية ومالعبت دور
    حقيبة الفن الانتو بتستهزأوا بيها دي سواء كانت حديد او صفيحة حتى
    ياها فنك وتراثك وحفظت الاسطوانات البلاستيكية بتاعة دمتري البازار
    لغية ما صلاح احمد محمد صالح (سافر ونسى هواهو) وادى البرنامج
    لى علي شمو . ترك الاسطوانات وبقى يجيب الفنان لايف


                   |Articles |News |مقالات |بيانات

27-11-2018, 06:04 AM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1818

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: Ahmed Yassin)

    نجي للفطالحة الكانوا بديروا العمل القومي العجيب دا رغم شح الامكانات
    انتوا قايلين العمل الاذاعي دا ساهل
    ولا هي نشرة بصوت حمدي بدرالدين وصالحين (الباص) وخلاص
    امسك عندك يا عبدالعظيم ياودعثمان
    متولي عيد .. دا خيروا على السودان كله .. واف داعي اكتب عنه وهو المؤسس
    خانجي.. دا موسوعة علمية متحركة
    محمد صالح فهمي .. وما ادراك ما فهمي .. في اللغة والنحو والصرف والنطق
    التاج حمد (الصاغ) جاء من الجيش للاذاعة
    صلاح احمد محمد صالح - عبدالرحمن احمد محمد صالح : متل الفوق والتحت كله منهم غني عن التعريف
    محمد خوجلي صالحين
    حمدي بدرالدين - حمدي بولاد -أحمد قباني - عبدالكريم قباني
    اسماعيل طه - يوسف ابوعاقلة - علم الدين حامد - صلاح لدين الفاضل - معتصم فضل ضوالبيت - صالح بانقا - عمر عثمان - يسين معني
    الفكي عبدالرحمن - حديد السراج - ايوب صديق
    سمير ابوسمرة ( دا تم طلبه رسميا وباي ثمن لاذاعة موسكو القسم العربي)
                   |Articles |News |مقالات |بيانات

27-11-2018, 05:58 AM

محمد عثمان

تاريخ التسجيل: 09-11-2006
مجموع المشاركات: 6490

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: Hatim Alhwary)

    هلال مريخ برضو فى ام درمان
                   |Articles |News |مقالات |بيانات

27-11-2018, 06:08 AM

kamal omer
<akamal omer
تاريخ التسجيل: 07-01-2013
مجموع المشاركات: 935

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: محمد عثمان)

    بالله نحنا اتولدنا و عمرنا ده كلو عشناهو في أم درمان، و ما عارفين إنها سبب بلاوي السودان كلو ؟
    بعدين شنو البيخلي كل النازحين و المهجرين قسرياً كان بسبب الحروب أو الأوضاع الإقتصادية المتردية في عموم البلد يجي أم درمان تحديداً ؟ و ما بحري أو الخرطوم.
    يا عبد العظيم هل قابلت موسى ود نفاش تحديداً ؟
    و حصل دخلت دار الرياضة بأم درمان ؟
                   |Articles |News |مقالات |بيانات

27-11-2018, 08:04 AM

adil amin
<aadil amin
تاريخ التسجيل: 01-08-2002
مجموع المشاركات: 16713

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: kamal omer)

    Quote: بالله نحنا اتولدنا و عمرنا ده كلو عشناهو في أم درمان، و ما عارفين إنها سبب بلاوي السودان كلو ؟
    بعدين شنو البيخلي كل النازحين و المهجرين قسرياً كان بسبب الحروب أو الأوضاع الإقتصادية المتردية في عموم البلد يجي أم درمان تحديداً ؟ و ما بحري أو الخرطوم.
    يا عبد العظيم هل قابلت موسى ود نفاش تحديداً ؟
    و حصل دخلت دار الرياضة بأم درمان ؟


    ماخور الضباط الاحرار وعجبوني اولاد السرارة بتاع الصاغ صلاح ساالم1954 كان وين ؟؟واتسللت الماسونية والناصرية والشيوعية والاخوانجية عبره وتعليم ابناء السفلة ضيع السودان على حساب القبائل في الاقاليم الستة والله مدرسة وادي سيدنا دي لو كانت في عبري كان السودان دبه بقى زي الهند

    انت بتعرف الفدرالية مثلا سنة 1956؟؟ الكان بعرفوها الجنوبيين ومحمودمحمد طه بس في امدرمان والشيوعية بتاعتكم دي كانت برستيج ساكت ذى ما قال صلاح احمد ابراهيم
    وعي ناس المركز المتدني وعقدهم النفسية خلتهم يقيلو بالمشاريع المصرية الجاهزة من حركة اللوا الابيض لحي الكيزان هسة وهم نفس الناس
    بعدين ما تصنف ساكت بعد ليك 1000 شخص من الاقليم الشمالي بس اسهم داخل وخارج السودان في نشاط رفع راس السودان وما عنده علاقة بي ام درمان جابتو القراية بس الخرطوم
    توفيق وينو مالو ما ظهر بتاع الضهاري

                   |Articles |News |مقالات |بيانات

27-11-2018, 08:53 AM

kamal omer
<akamal omer
تاريخ التسجيل: 07-01-2013
مجموع المشاركات: 935

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: adil amin)

    Quote: بعدين ما تصنف ساكت بعد ليك 1000 شخص من الاقليم الشمالي بس اسهم داخل وخارج السودان في نشاط رفع راس السودان
    وما عنده علاقة بي ام درمان جابتو القراية بس الخرطوم
    يا أخينا منو الصنف عشان تجيب لي 1000 و لا 2000 ؟
    بس ما تجي تسألني جنسيتي لونها أخضر و لا بني ؟
                   |Articles |News |مقالات |بيانات

27-11-2018, 09:26 AM

بلال زكريا
<aبلال زكريا
تاريخ التسجيل: 17-11-2015
مجموع المشاركات: 344

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: kamal omer)



    انت يا عبد العظيم ،،
    من أولاد وين ؟
    عشان نشوف مقاس البير ،
    مويتنا بعيدٌ حدهاّ،
    وإن باضّ الديك ،،
    فما علي الدجاج من حرجْ،،
    أو - كما قال :
    سيدي - سيَنّا،،

                   |Articles |News |مقالات |بيانات

27-11-2018, 09:30 AM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5169

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: kamal omer)

    شكرا لكل المتداخلين، المتفقين مع جوهر الموضوع وايضا لأصحاب الرأي الذي يختلف
    وبرضه ترحيب بالمشاترين المتوهمين أن البوست لتشتيت الكورة وصرف الأنظار عن موضوع آخر (اتعودنا علي الكلام الفطير دا).. لكن المزايدة الرخيصة ورمي التهم بغرض تنفيس الموضوع حركات قديمة ومفهومة للقارئ والمتابع
    برجع لكل المداخلات بي رواقة..
                   |Articles |News |مقالات |بيانات

27-11-2018, 01:36 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5169

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: عبدالعظيم عثمان)

    ناس لقوا ليهم فرصه زي (الإذاعة) في 1940
    بدل ما يبدو من ثورة 1924 ويعززوا الوحدة الوطنية
    ويبدوا بناء حقيقي ويختوا مداميك أعمدة البناء الدستوري
    ويشوفوا البيوحد الأمة السودانية يقوموا يعدوها لينا قصص
    وحكايات ويقدونا بي إنسان أمدرمان ويصنعوا أصنام عجوة الصباح
    ويقدومها لينا في برامج المنوعات بالليل وسهران يا ليل.. حنك عاضي عوقتونا يااااخ
                   |Articles |News |مقالات |بيانات

27-11-2018, 02:12 PM

ABUHUSSEIN
<aABUHUSSEIN
تاريخ التسجيل: 14-08-2002
مجموع المشاركات: 31156

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: عبدالعظيم عثمان)

    الجهل مصيبة
    المعاني و المثل الموجودة في اغاني الحقيبة لو عقلك الضامر دا بستوعبها ما كان احتجت لمثل هذا البوست...
    قصص ود نفاش و ظرفاء المدينة برضو اكبر من عقلك محتاج ليك توسعة كبيرة في فهمك و ذكاءك عشان تقدر تستفيد منها و تلحق بقية السودانيين اللي ادمنو سماع اذاعة ام درمان و استفادو منها .....

    قلت لي الاذاعة السودانية كان فيها مجموعة عطالى بالمناسبة عطالى بال(ى) ما بال(ي) شايفك تعيد و تكرر فيها و هي خطأ .....
                   |Articles |News |مقالات |بيانات

27-11-2018, 03:15 PM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2642

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: عبدالعظيم عثمان)

    Quote: وبرضه ترحيب بالمشاترين المتوهمين أن البوست لتشتيت الكورة وصرف الأنظار عن موضوع آخر (اتعودنا علي الكلام الفطير دا)..
    لكن المزايدة الرخيصة ورمي التهم بغرض تنفيس الموضوع حركات قديمة ومفهومة للقارئ والمتابع



    هي فعلاً مزايدة رخيصة في ظاهرها، لكن ليها باطن غريق جداً لو تدري يا عبد العظيم
    ما أنت كمان يا عبد العظيم هبشت السلك الحي وهزيت البرستيج وطقيت الكنكيج!

    ___
    هسع أنا أقدر أقول أنا حاتم بنانا ياخ ... ما كفاية؟ يقولوا علي شنو موهوم وعيان؟
                   |Articles |News |مقالات |بيانات

27-11-2018, 03:39 PM

محمد حيدر المشرف

تاريخ التسجيل: 20-06-2007
مجموع المشاركات: 19301

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: عبدالعظيم عثمان)

    يحى يا صديقنا الذي بكندا ..
    نصيحتك في البال والخاطر الجميل لكن دي ما قدرت افوتها .. وربما يكون في ذلك تحقيقا لرغبة صديقنا ود القوز

    Quote: ترابي دا مرق من ودنوباوي وبرعاية وصال بت المهدي (يعني زولكم)
    كل الخوازيق من أمدرمان ... والكتل عبدالخالق محجوب من أمدرمان ..
    وعبدالخالق زاته من هناك ...


    يا عظمة ياخ لم اكن اتصور قصور طرحك هنا يصل لهذه المرحلة من الخلخلة والهزال ..

    لماذا, لو الامر كذلك, لم تكتب ان البشير من امدرمان لدراسته في الكلية الحربية مثلا .. او لعله كان عندو اصحاب امدرمانيين .. او شيء من هذا القبيل المضحك..

    قلت لي عبدالخالق وقاتل عبدالخالق من امدرمان ؟!
    هل تعتقد ان اسرة النميري لو كانت قد استقرت بالكلاكلة لتغيرت حيثيات التاريخ السوداني المعاصر مثلا؟!

    لربما اخطأ اهل امدرمان في تخصيص منزلة في اغلب حيشانهم الوسيعة لابناء الريف السوداني لتلقى الدراسة في مدارسها او مدارس الخرطوم .. ربما اخطأووا في ذلك ايضا ..

    في اغلب طرحك الهزيل هذا لم اجد الا تباكي مكرر على اختيار مدينة امدرمان مقرا لاذاعة امدرمان .. عموما انتشرت الاذاعات انتشارا معقولا في كافة ارجاء السودان .. والتلفزيونات كذلك .. ذلك يثير تساؤلا مهما في السياق المهلهل بتاعك .. كيف اسهمت هذه التلفزيونات والاذاعات في تحقيق ما تدعي امكانية تحقيقه بسهولة من خلال اذاعة امدرمان؟!

    نأتي لجهلك بمكنيزمات الابداع؟!

    الابداع عملية خلق مرهونة بمآلاتها الجميلة .. ولذلك يجد الابداع طريقه للناس بحكم مآلات الخلق .. فان كان جميلا كان طريقه سالكا .. لا يمكنك ان تحظر تمدد الابداع الجيد بين الناس ...

    الفنانة التي غنت مؤخرا أغنية كردفانية لطيفة جدا .. اسمها منو ؟! .. هدى عربي؟! (هل هي امدرمانية؟! .. لا اعلم!) .. المهم كانت هناك عملية خلق ممتازة انتشرت بمآلاتها الجميلة بين الناس .. هذا في راهن الزمان هذا وقد توفرت نوافذ عديدة للاعلام خارج الاطار الرسمي ولكن لو افترضنا وجود منتج ابداعي كهذا في منتصف السبعينيات, هل كانت ستموت؟!

    الاجابة لا ..

    اولا كانت ستفرض نفسها على اذاعة (امدرمان) ..
    فان لم تفرض نفسها على اذاعة امدرمان ستفرض نفسها على ذائقة المحيط الحي قليلا قبل ان تتمدد لمحيط اكبر وهكذا دونما حوجة للتباكي الذليل كالذي تفعل انت هنا

    العوامل المؤثرة على الابداع خارج اطار المركز متعددة .. وفي اعتقادي ان جودة الصناعة عامل مهم (الانتاج والاخراج الفني والموسيقي الخ) ... وجود فنان كاحمد المصطفى في قلب المركز يضمن الى حد كبير امكانات هذه الصناعة/الانتاج لتخرج اغنيته بصورة مكتملة الاركان بمقايسس زمنها ومكانها ..

    ماهي انجازات الاذاعات المحلية في بلورة تصوراتك الناقصة حول جدلية الهامش والمركز ؟!
    وهل خرجت الكرة السودانية من اطار الانحطاط العام بتمدد الدوري خارج المركز؟! .. لا لم يحدث ذلك بل استمر التراجع المخيف الذي لا يمكن اختزاله في سيطرة مدينة سودانية على الرياضة .. واي سيطرة ورئيس نادي الهلال من بورتسودان ورئيس المريخ من الجزيرة .. الا ان ذلك ليس مهما بالضرورة لانو اسباب تدهور الكرة في السودان لا تتعلق بجغرافية الناديين الكبيرين ولا مسقط راس الاعضاء والادارة واللعيبة


    ثم واين هي امدرمان؟!
    اين تلك التي اخدت من المدينة رقي ناسها.. ومن القرية مبانيها؟!
    امدرمان كفكرة انهارت تماما بعد استباحة قوى الريف للقصر الجمهوري وصبوا كل ضغائنهم على النماذج الكويسه في السودان وهي قليلة جدا .. جامعة الخرطوم (الصنم الجاثم فوق صدر الثورة) .. ومشروع الجزيرة .. وامدرمان .. وأخلاق السودانيين الذين عادوا كما كائنات لا تحركها الا الضغائن.

    (عدل بواسطة محمد حيدر المشرف on 27-11-2018, 03:54 PM)

                   |Articles |News |مقالات |بيانات

27-11-2018, 04:03 PM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2642

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: عبدالعظيم عثمان)

    Quote: قرينا الجامعة مع بعض ولا فتحت صيدلية قصاد صيدلي ولا انت اسمح مني ولا اسم حاتم أكبر من اسم محمد ..
    +++
    يا زول اعرف انت بتخاطب منو واعرف حدودك كويس ..


    وأهو زي ما قلت ليك يا عبد العظيم، أنت طقيت البرستيج والكنكيج!


    ___
    شفت داك قال شنو ودا قال شنو!
                   |Articles |News |مقالات |بيانات

27-11-2018, 04:12 PM

محمد حيدر المشرف

تاريخ التسجيل: 20-06-2007
مجموع المشاركات: 19301

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: حاتم إبراهيم)



    هههههه ..


    ..
    باص
                   |Articles |News |مقالات |بيانات

27-11-2018, 07:05 PM

مامون أحمد إبراهيم
<aمامون أحمد إبراهيم
تاريخ التسجيل: 25-02-2007
مجموع المشاركات: 5236

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: محمد حيدر المشرف)

    أنا أمدرمان - للشاعر المبدع : عبدالمنعم عبدالحي

    أنا أمدرمان تأمل في ربوعي
    أنا السودان تمثل في نجوعي
    أنا ابن الشمال سكنته قلبي
    على ابن الجنوب ضميت ضلوعي
    أنا أم درمان سلوا النيلين عني
    وعن عزمات فتاي عند التجني
    فخير بنيك يا سودان مني
    سلوا الحادي سلوا الشادي المغني
    أنا أم درمان إذا ما قلت أعني
    فما نيل المطالب بالتمني
    تجيش النفس بالآمال لكن
    ولكن.. هذه لما لا تدعني
    أنا أم درمان مضى أمسي بنحسي
    غداً وفتاي يحطم قيد حبسي
    وأخرج للملأ في ثوب عرسي
    وابسم بعدما قد طال عبسي
    وأعلن والفضاء يعلن همسي
    وأهتف والورى يعرف حسي
    فيا سودان إذا ما النفس هانت
    أقدم للفداء روحي ونفسي
    ...............


    عبدالعظيم عثمان سلام وتحية طيبة ،،

    قبل ما ندخل معاك في لب الموضوع لدي سؤالين مهمين لو سمحت لي يا حبيب :

    - ما رأيك في هذه القصيدة لعبدالمنعم عبدالحي ، بنظرة محايدة ومجردة ، ومن الناحية الإبداعية ؟؟

    - وما هي مدلولات إحتفاء الأستاذ محمود محمد طه بهذه القصيدة ووصفها لها بأنها قصيدة مُلهمة ؟!!

    سأعود بالتأكيد لو الله هون

    تحياتي
                   |Articles |News |مقالات |بيانات

27-11-2018, 07:28 PM

نادر الفضلى
<aنادر الفضلى
تاريخ التسجيل: 19-09-2006
مجموع المشاركات: 5124

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: مامون أحمد إبراهيم)

    Quote:
    ناس لقوا ليهم فرصه زي (الإذاعة) في 1940
    بدل ما يبدو من ثورة 1924 ويعززوا الوحدة الوطنية
    ويبدوا بناء حقيقي ويختوا مداميك أعمدة البناء الدستوري
    ويشوفوا البيوحد الأمة السودانية يقوموا يعدوها لينا قصص
    وحكايات ويقدونا بي إنسان أمدرمان ويصنعوا أصنام عجوة الصباح
    ويقدومها لينا في برامج المنوعات بالليل وسهران يا ليل.. حنك عاضي عوقتونا يااااخ


    كتب الأخ عبد العظيم عثمان صاحب البوست الإقتباس أعلاه

    يلاحظ أنه كلام مرسل بدون أى أساس أو معلومات أو منطق .. من يقرأه يظن أن كاتبه
    عاصر إذاعة هنا أمدرمان منذ عام 1940مداوم على سماعها ويعرف ما كانت تقدمه
    منذ ذاك التاريخ وحتى (60 سنة التى ضاعت على حسب زعمه).

    فى الواقع لا هو معاصر ولا هو باحث مثابر بحث ودرس ورصد وقيم .. ولكن مجرد
    نجر وأهواء وإدمان العويل والتحسر والشكاوى فى محاولات بائسة مستحيلة النجاح
    بالتقليل من أمدرمان وأبنائها .. عندما يفتقد المنطق وتنعدم المصداقية .. يكون هذا النموذج
                   |Articles |News |مقالات |بيانات

27-11-2018, 07:41 PM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2642

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: نادر الفضلى)

    قدم نموذجك إذن ودع لنا الحكم!

    ___
    ماهو ردك برضو لم يخرج عن العويل والتحسر.
                   |Articles |News |مقالات |بيانات

27-11-2018, 08:15 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5169

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: حاتم إبراهيم)

    اولا أمدرمان مدينة مصنوعة، تجمع الناس حول المهدي وقامت المدينة
    المصيبة الناس ديل بعد سنوات عملوا فيها (أنهم خرجوا من باطن أرض أمدرمان)
    والإستعلاء علي أبناء الريف السوداني والسخرية منهم والتهكم.. وهنا بدأت تتشكل محنة زول أمدرمان العمل فيها متحضر جدا وتلبستهم روح الباشاوية الخديوية.. عمدوا على محاكاة القاهرة في تأسيس فريقي الهلال والمريخ أسوة ب (للزمالك والأهلي) ".. واستلفوا التجربة المصرية في الإذاعة.. ما قتليكم الناس ديل عطالي
                   |Articles |News |مقالات |بيانات

27-11-2018, 09:14 PM

مامون أحمد إبراهيم
<aمامون أحمد إبراهيم
تاريخ التسجيل: 25-02-2007
مجموع المشاركات: 5236

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: عبدالعظيم عثمان)

    Quote: اولا أمدرمان مدينة مصنوعة، تجمع الناس حول المهدي وقامت المدينة
    المصيبة الناس ديل بعد سنوات عملوا فيها (أنهم خرجوا من باطن أرض أمدرمان)
    والإستعلاء علي أبناء الريف السوداني والسخرية منهم والتهكم.. وهنا بدأت تتشكل محنة زول أمدرمان العمل فيها متحضر جدا وتلبستهم روح الباشاوية الخديوية.. عمدوا على محاكاة القاهرة في تأسيس فريقي الهلال والمريخ أسوة ب (للزمالك والأهلي) ".. واستلفوا التجربة المصرية في الإذاعة.. ما قتليكم الناس ديل عطالي

    عبدالعظيم سلامات ،،
    ياخي كده حتخلينا نضطر نستعجل الردود ونرتجل الحوار !! لأنو كلامك الأخير الفوق ده ما صحيح أبداً ،، وما عندو أي علاقة بى ناس أمدرمان !!! بعدين إنت قاصد منو ( بالناس ديل ) ؟!! ،، الناس ديل منو يعني ؟!!! الضمير راجع لى منو هنا ؟!!! ،،،، لأنو بي بساطة شديدة والكل يعلم وإنت من ضمنهم ، أنو أهل أمدرمان الإنت بتتكلم عنهم ديل ، ماهم في الحقيقة إلا ( جماع أهل السودان ) ،،،، أكرر ما هم إلا ( جماع أهل السودان ) من فتيح للخور للمغالق .... هم تحديداً : (( جماع كل أهل السودان في منطقة جغرافية واحدة )) ،، وده حال أي حلة في أمدرمان من الثلاثينيات وإلى الآن ،،، بتجد أن أهلها مزيج مكون من كل أنحاء السودان !! ،،، فإنت بتتكلم عن مين هنا وعن أي فصيل من الناس بأمدرمان ؟!!! ..... إضافة إلى حقيقة مهمة ماثلة للعيان على مدى التاريخ وهي أن أغلب المفكرين وكبار المتصوفة ، والعلماء ، والزعماء ، والأدباء ، والفنانين والمبدعين إستوطنوا فيها !!
    وبناء على كده ممكن نصحح ليك موضوع هذا البوست ليصبح أكثر موضوعية ،،، كأن تنتقد مثلاً : النخب السياسية بأمدرمان - طريقة ونظم التعليم - المثقفين السودانيين بأمدرمان - الحركات الأدبية والثقافية - طبقة الخريجين - جيل السودنة - قصر نظر صناع القرار ومخططي البرامج التعليمية والإعلامية والثقافية والإذاعية ،،،، أو تنتقد كل السودان كنهج كبلد وكمنظومة إجتماعية وسياسية وتاريخية ممثلة في أمدرمان ( كنموذج ) ،،، مثلاً يعني !!!!

    هناك خلل في هذ الطرح المستهدف لأهل أمدرمان ، بينما هو يبطن على شىء غير واضح وغير منصف وغير حقيقي ، مع سبق الإصرار والترصد !!


    خالص تحياتي .
                   |Articles |News |مقالات |بيانات

28-11-2018, 03:17 AM

adil amin
<aadil amin
تاريخ التسجيل: 01-08-2002
مجموع المشاركات: 16713

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: مامون أحمد إبراهيم)

    Quote: بس ما تجي تسألني جنسيتي لونها أخضر و لا بني ؟

    اسالك ونص عشان اعرف العمق الحضاري بتاعك وضحالة المشاريع المباريها على حساب الشعب السوداني في كل الاقاليم
    ارجع اقرا مقالات د فيصل عبدالرحمن علي طه حول قانون الجنسية السوداني وكيف مصر وقفت عود احمر عشان تلغي هوية السودانيين من قبل الاستقلال وبعده ولا زال اعلامها الرخيص يلغي السودان ويقزم السودان حضاريا وفكريا وثقافيا وفنيا ايضا بالمامبو السوداني
    قانون الجنسية الخضرا والبنية 1957
    مهم جدا لتشخيص الحالة التي واوصلت السودان الحضيض بحكم الاقليات المشوهة والمنبتة والوافدة في السودان بالدولة المركزية وبالمشاريع المصرية
    يا اخ زول ما بحترم حضارة السودان ولا يحتفي بها في الاذاعة والتلقزيون ولا فكر السودان الجمهوريين ولا احزاب ودين السودان الختمية والانصار ولا ابناء القبائل في السودان الجنوبيين والنوبة والفور ويتسمح بالكريمات ويتقعر باللغة العربية وقاعد ذى الصرصور تحت جذم المصريين يكون ((سوداني )) كيف ؟؟

    https://up.top4top.net/
                   |Articles |News |مقالات |بيانات

29-11-2018, 05:43 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5169

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: adil amin)

    امدرمان قبل المهدي كانت زيها وزي الدخينات وتريعة البجا والشقيلاب
    كل شيء فيها تمت صناعته وتاريخها بدأ حديثا قد يتجاوز المائة عام بقليل
    في لحظة دروشة إختار المهدي أمدرمان ،هذا الأمر لا علاقة له باي قداسة أو تميز .. يعني الصدفة وحدها وضعتهاتحت الأضواء في ذلك الزمان (عشان ما تقدونا وتطلعوها أم المدائن سلفقة ساي).. القدر ارسل لها دراويش المهدي ليقيموا شكلا من
    أشكال الحكم.. وتجمع الناس حول الفكرة.. إنتهت المهدية بكل شرورها وتركت إرثا من القهر والتسلط والهزيمة والدروشة.. على أنقاض هذه الثورة أو الحركة سمها ما شئت قامت هذه المدينة بروس.. وعند الإستعمار الثنائي (المصرى والانجليزي) كانت حاضرة تجمع ريفي حول النيل ولا تزال تحتفظ بذاكرة الجهادية ودروشة المهدية.. وعادت الظروف تضع الإذاعة في شبه المدينة، للأسف لم يكن المثقفين حينها رؤية توحد أهل السودان ولم يناقشوا التنوع الثقافي واكتفوا بتمثيل شكلي لأقاليم السودان ويبدأ إستهبال النخب والتلاعب بمستقبل البلد.. مؤتمر الخريجين كان تجربة غير ناضجة وتمت كلفتتة الأمر ونشأت تجمعات مهرجلة أطلقوا عليها أحزاب وبدأ صراع محموم لورثة المستعمر للسيطرة على المجتمع بإستخدام نفس الأدوات، عشان كدا موضوع كان الشعار =(التحرير قبل التعمير) هذا هو الجو الذي نشأت فيه الإذاعة يجيبو الوعي بالقضايا الحقيقية للناس من وين؟ وكانت الإذاعة مرأة تعكس إهتمامات المثقفين من اولاد امدرمان وحبهم لمدينهم المصنوعة بلا تاريخ، وعكست الوعي الزائف بقضايا البلد لم تكن مشكلة السودان العويصة هي الغناء ولم تكن مشكلة السودان الترفيه بل كانت مشكلة السودان الشعور القومي الموحد (فشل اولاد امدرمان في تسخير الإعلام لخدمة ممسكات الوحدة الوطنية).. ضيعوا على السودان فرصة كبيرة في محيط إقليمي كان مهيئا لأن يلعب هذا البلد دورا كبيرا وان ينهض قويا.. ولكن ضيق الأفق وقلة الوعي والأنانية عوقتنا وعوقت البلد...
                   |Articles |News |مقالات |بيانات

30-11-2018, 03:56 AM

adil amin
<aadil amin
تاريخ التسجيل: 01-08-2002
مجموع المشاركات: 16713

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: عبدالعظيم عثمان)

    ولا زالو يا عبد العظيم يفعلون حتى على مستوى هذا البورد
                   |Articles |News |مقالات |بيانات

30-11-2018, 04:07 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12771

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: adil amin)

    عادل امين ...

    قوم لف هنا برضو ...

    العقد مالياك انت و الياي ...

    صفي النية يا زول و انعدل ...
                   |Articles |News |مقالات |بيانات

30-11-2018, 04:43 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2642

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: عبدالعظيم عثمان)

    Quote: لم تكن مشكلة السودان العويصة هي الغناء ولم تكن مشكلة السودان الترفيه بل كانت مشكلة السودان الشعور القومي الموحد
    (فشل اولاد امدرمان في تسخير الإعلام لخدمة ممسكات الوحدة الوطنية).. ضيعوا على السودان فرصة كبيرة في محيط إقليمي كان مهيئا لأن يلعب هذا البلد دورا كبيرا وان ينهض قويا

                   |Articles |News |مقالات |بيانات

30-11-2018, 09:18 AM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5169

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: حاتم إبراهيم)

    كان بجيبو شيخ يقرأ القرآن يفتحوا بيه برامج اليوم
    الشيخ بجي راكب حمار، ينزل من الحمار ويربطه جمب الباب
    وكانت الإذاعة تنقل نهيق الحمار على الهواء مباشرة عبر الأثير
    وبرضه تقولي :انا الدرة البصون بلدي..
    ناس ما قادرين يفكوا الحمار ويربطوه بعيد عن مكان البث منتظرين منهم شنو
    يجيبو لينا الوعي بقضايا السودان القومية من وين (فاقد الشئ لا يعطيه)
                   |Articles |News |مقالات |بيانات

30-11-2018, 11:43 AM

adil amin
<aadil amin
تاريخ التسجيل: 01-08-2002
مجموع المشاركات: 16713

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: عبدالعظيم عثمان)

    اردم يا عبدالعظيم دربك اخضر
    المركز ده هو علة العلل في السودان وبي مكوناته المشوهة التي عبث بها الصاغ صلاح سالم وقال ليهم انتو عرب وعمل ليهم ماخور الضباط الاحرار
    والله لو اخر حاكم انجليزي حكم السودان تقدس سره قبل يطفي النور ويمشي نقل العاصمة كوستي ما كانت قرود المركز دي ملت القصر الجمهوري والاذاعة والتلفزيون وكان حسين خوجلي بتاع الشرفة عبد المحمود عمل ليه فضائية اسمها كوستي
    الناس في الستة اقاليم قبائل دي حقيقة مرة ما عايزين يعترفو بيها 5% من الاقليات في المركز ومصرين على الدولة المركزية والالتفاف حول كل المشاريع الفدرالية والديمقراطية ايضا عبر العصور في السودان
    والدييمقراطية والفدرالية ما تجيب العينات دي ابد لسدة الحكم
    وهسة الشيوعيين بدل يرفسو الكيزان والسلفية المشاريع الوافدة المفضوحة عالميا يرفسو في الختمية والانصار
    والكيزان بدل يرفسو في الجمهرويين والحركة الشعبية
    والسلفية يرفسو الطرق الصوفية
    والكيزان والشيوعيين بضاعة مصرية معفنة
    عشان كده لا الاذاعة ولا النلفزيون لا تعبر عن السودان والسودانيين لحدي الان
                   |Articles |News |مقالات |بيانات

30-11-2018, 12:47 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12771

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: adil amin)

    Quote: وهسة الشيوعيين بدل يرفسو الكيزان والسلفية المشاريع الوافدة المفضوحة عالميا يرفسو في الختمية والانصار
    والكيزان بدل يرفسو في الجمهرويين والحركة الشعبية

    حيكومات تجي وحيكومات تغور
    تحكم بالحُجي بالدجل الكجور
    و مرة العسكري كسار الجبور
    يوم باسم النبي تحكمك القبور
    تعرف ياصبي مرة تلف تدور
    ولا تقول بري او تحرق بخور



                   |Articles |News |مقالات |بيانات

30-11-2018, 01:32 PM

امتثال عبدالله

تاريخ التسجيل: 15-05-2017
مجموع المشاركات: 2008

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: يحي قباني)

    ممكن يا عبد العظيم تدينا فكرة عن بوابة عبد القيوم المشهورة في السودان؟ ومنو هو عبد القيوم وليه ناس امدرمان محتفظين بالبواية الاثرية دي لغاية الان في قلب امدرمان بدل ما يحولوها لصينية مزدانه بالنوافير والاضاءات...لازم تكون للبوابة دي قصة وتاريخ ...يا ريت تنورنا...
                   |Articles |News |مقالات |بيانات

30-11-2018, 01:44 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5169

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: امتثال عبدالله)

    يا إمتثال تعرفي دي واحدة من النقاط المرتبطة بقداسة الشخوص
    والأماكن، اولاد أمدرمان حولوا مدينتهم إلى عروس أو بقرة مقدسة
    ونسجوا الأساطير والقصص.. هالات القداسة دي واحدة من رواسب
    ثقافة أمدرمان.. نشر ونجر الأساطير هو شغل أم درماني.. مثال قهوة جورج مشرفي، حوش الخليفة، بوابة عبدالقيوم.. هالات القداسة لابد من نسفها عشان لا تشكل عبئا على وعي الأجيال الجديدة... عشان كدا البوابة وصاحب البوابة ما عندي بيهم شغلة..
                   |Articles |News |مقالات |بيانات

01-12-2018, 06:37 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12771

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: عبدالعظيم عثمان)

    Quote: ممكن يا عبد العظيم تدينا فكرة عن بوابة عبد القيوم المشهورة في السودان؟ ومنو هو عبد القيوم وليه ناس امدرمان محتفظين بالبواية الاثرية دي لغاية الان في قلب امدرمان بدل ما يحولوها لصينية مزدانه بالنوافير والاضاءات...لازم تكون للبوابة دي قصة وتاريخ ...يا ريت تنورنا...

    بتنا امتثال ...
    شكلك ما قريتي او ما فهمتي المقصود من البوست ده ...

    ما علينا ...
    هاك افهمي تاريخ السودان ... وده من النت ليس الا ..
    و بما انك في امريكا ... سهل تفهمي كيف البلاد بتتمسك بي تاريخها و بي رموزها ...
    رجاء ما تسمعي للناس العيانة المغلولة دي ... ديل بكسروا في تاريخ البلد بدون فهم ... حقد مدفون ليس الا .. جزء من افرازات الانقاذ و انهيار البلد ...
    ______________________________________________________________________________________________
    بوابة عبد القيوم :

    ينحني النيل قليلاً تجاه الغرب لتحية تاريخ العاصمة الوطنية السودانية «أم درمان»، أو ليستريح في المكان قليلاً لعلّه يسهم في صنعه!
    عند هذا المنحنى الصغير، وعلى مبعدة أمتار قليلة من النهر العظيم، تقف شامخة «بوابة عبد القيوم»، إحدى أشهر بوابات المدن السودانية،
    رغم مرور أكثر من قرن وربع على تشييدها، وتصنّفها مصلحة الآثار وهيئة اليونيسكو ضمن الآثار الإنسانية الواجبة الحماية.
    شُيّدت (بوابة عبد القيوم) في عهد الخليفة عبد الله التعايشي بعد توليه الخلافة والحكم بعد وفاة الإمام محمد أحمد المهدي زعيم الثورة المهدية،
    التي حررت البلاد من الاستعمار التركي المصري في العام 1885.
    تقع البوابة بمحازاة النيل عند مدينة أم درمان دون أن يفصلها عنه إلاّ شارع يحمل اسم النيل، ويمر بها شارع «بوابة عبد القيوم» بين حي الموردة، وحي الملازمين جنوبًا.
    تختلف الروايات حول هذا المعلم الأثري وحول تسميته، فبعض الروايات تقول إنها كانت بوابة المدينة الجنوبية، أخذت اسمها من أحد قوّاد الثورة المهدية «عبد القيوم»،
    الذي أطلق عليها اسمه تخليدًا لسيرته، بينما تقول روايات مناوئة للمهدية، إنها كانت «بوابة الحريم»، وإن «عبد القيوم» مجرد حارس يثق فيه التعايشي.
    يقف عندها لحماية محظياته اللاتي يتجاوز عددهن المائة، ويُحول بين دخول الرجال عليهن، أو هرب إحداهن!
    يقول مدير دار الوثائق السودانية الأسبق، البروفسور الراحل محمد إبراهيم أبو سليم في كتابه «تاريخ الخرطوم»، إنّ البوابة كانت الحد الجنوبي للمدينة،
    بناها الخليفة عبد الله التعايشي في عام 1895 من الطين ولم يكن حولها سور، وجعل لها حارسًا وراتبًا من بيت المال، ثم بنى شرقها بعض المساكن وعُرفت لاحقًا بـ«حي ريد».
    لكن رئيس قسم التاريخ والحضارة بجامعة أم درمان الأهلية، د. فتح العليم عبد الله يحدث «الشرق الأوسط» عن رواية أخرى تقول،
    إنّ البوابة كانت مدخلاً لبيت «الحريم» الخاص بالخليفة عبد الله، وإن عبد القيوم الذي أخذت منه اسمها، واسمه الكامل «عبد القيوم جرقندي عباس»،
    كان المكلّف بحراسة المدخل إلى بيت النساء، وإن خليفة المهدي كان لا يثق في أحد غيره.
    ويوضّح عبد الله أن بيت الخليفة كان ممتدًا من مكانه الحالي حتّى مكان البوابة الحالية قبل أن يتعرض للهدم، والمكان المتبقي منه الآن
    هو مدخل بيت الضيافة السيادية والإدارية، ويوافقه في هذه الرواية، المؤرّخ الشعبي الأم درماني، شوقي بدري في أحد مقالاته التي تلقى رواجًا واسعًا.
    ويقول أستاذ الحضارة، إن البوابة بُنيت من الطين والحجارة، أسوة بالمباني الرسمية في عهد المهدية، وكان ارتفاعها الأصلي أطول ممّا هي عليه الآن،
    لكن الترميم غير العلمي أفسد هيئتها الحقيقية، وإنها كانت تشبه المباني النوبية في شمال السودان، يسدّها باب من خشب «الحراز» المجلوب من ضواحي مدينة سنار التاريخية جنوبي السودان.
    وشهدت البوابة، أول ترميم لها عام 1957 على عهد رئيس الوزراء وقتها عبد الله خليل، باعتبارها إرثًا مهدويًا على الدولة الاهتمام وحفظه،
    وعقب صدور قانون الآثار، أصبحت محمية تراثية، ثم تمت صيانتها مرة أخرى، ودوّن طلاب جامعة أم درمان الإسلامية 1994، أسماء شهداء «معركة كرري» على حجر من الرخام في بعض مساحتها.
    ورغم الروايات المتعددة حول كنه البوابة الأشهر في السودان، والذي لم تعرف مُدنه الأسوار والبوابات، فإنها تمثّل مزارًا يؤمه السياح
    والزوار من أنحاء العالم، الأمر الذي دفع «معتمد / محافظ» أم درمان الحالي، مجدي عبد العزيز إلى تزيين البوابة بنظام إنارة حديث،
    يضيء من أسفل إلى أعلى ليذكّر المارة ليلاً، بأن الحارس الأسطوري عبد القيوم كان «هنا».

                   |Articles |News |مقالات |بيانات

01-12-2018, 08:36 AM

Abdullah Idrees
<aAbdullah Idrees
تاريخ التسجيل: 05-12-2010
مجموع المشاركات: 2477

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: يحي قباني)

    Quote: نشروا نمط غنائ واحد.. ضيعوا فرصة عظيمة في بناء القومية السودانية وضيعوا فرصة كبيرة
    كان يمكن أن تؤثر الإذاعة وتحث السودانين على بناء دولة كبيرة اعتمادا على الموارد الهائلة

    ودي مهمة الاذاعة يا عبدالعظيم ؟
    الناس ديل لو طارو السما في النهاية هم مجرد افندية ، السؤال هل بناء دولة كبيرة كان سبب او احد اسباب انشاء الاذاعة ؟
    هل اطلعت على لائحة تأسيس الاذاعة واهدافها ؟ كم كان مداها اصلا وكم كانت ساعات بثها ؟
    هل يمكن لاي مذيع العمل بحرية في ظل 52 عاما من الحكم الشمولي ؟

                   |Articles |News |مقالات |بيانات

01-12-2018, 08:47 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2642

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: Abdullah Idrees)

    Quote: ودي مهمة الاذاعة يا عبدالعظيم ؟
    الناس ديل لو طارو السما في النهاية هم مجرد افندية ، السؤال هل بناء دولة كبيرة كان سبب او احد اسباب انشاء الاذاعة ؟

    هتلر غزا نصف أوروبا معتمداً على وزير دعايته غوبلز! الدعاية كانت إذاعية عابرة للمحيطات!
    لندن لم تصمد كمدينة ضد قصف هتلر إلا بإذاعتها التي انتقلت باستوديوهاتها إلى الأنفاق تحت الأرض.

    ___
    لا يجهل دور الإذاعات إلا القادم من الصحراء، يستمتع بإذاعة صوت الإبل ويستأنس بالنجوم.
                   |Articles |News |مقالات |بيانات

01-12-2018, 12:32 PM

adil amin
<aadil amin
تاريخ التسجيل: 01-08-2002
مجموع المشاركات: 16713

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: يحي قباني)

    طبعا يا ربع دماغ تنقل شعر انت ما فاهمو
    حميد ده لمن كان مع الشيوعيين بتاعين الخرطوم كان يظن الختمية والانصار والكجور اديان فالصو وليس قناعة السودانيين وهم ابدا ما استغلو انسان والبلد كانت ماشا بخير الانجليز
    مجانية السكن بيوت الحكومة
    مجانية العلاج مستشفيات الحكومة
    مجانية السفر ..التساريح
    مجانية التعليم والاعاشة حتى يوم 30 يونيو 1989
    والسيد عبدالرحمن المهدي قيادة محترمة وليس متهتك
    السيد علي الميرغني قيادة محترمة واوليس متهتك
    الاستاذ محمود محمد طه قيادة محترمة وليس متهتك
    الدكتور جون قرنق قيادة محترمة ليس متهتك
    الدجل جا مع الشيوعيين والاخوان المسلمين وسلفية ابو منشار االسعودية وفرض بالانقلابات والدولة البوليسية
    وحميد لمن اتحرر من اصر وعيك ده مشا الشمالية نوري بقى يمجد حاجات اهله الختمية وبالغة محلية انت ما بتعرفا ونسا ايا م الخواء المزخرف
    ولكن صلاح احمد براهيم وصف الحالة الشيوعية البائسة تماما في ديوان شعره ده وانت في 2018 قاشر بي علمانية السكر وعدم الصلاة والصيام
    نحن سودانيين نحترم الدين الموجود في السودان في شكل ختمية وانصار وجمهوريين وطرق صوفية وكجور ولا تحكمنا القبور ولا مفروضة علينا عشان نحرق البخور ذى ما هو حاصل الان
    وانتو الشيوعيين تلعبو دور قذر في محاربة حاجات السودان على حساب الاخوان االمسلمين وسلفية ابو منشار ومشظو الترابي الدجال بي قملو في قوى الاجماع الوطني وهو سبب كل بلاوي السودان
    والسياسي الساقط والمتهتك عمره ما كان رمز للسودان والسودانيين عبر العصور وهذا ما يعاني منه الشيوعيين حتى اليوم
    Quote: هم ناس جمهورية العاصمة المثلثة الذين قال عنهم الشاعر الراحل صلاح احمد ابراهيم عن الخرطوم عاصمة الكعوك*...

    تقول لي مثقفو الخرطوم كالصحراء لا تنبت فيها بذرة
    اخطات في التشبيه للصحراء في المساء روعة وبهرة
    وكانت الصحراء في ماضي الزمان شاعرا ذا قلم وقدرة
    لكنه استكان للخمول وللذبول واذل شعره
    فرط في خياله وما الخيال للصحرا ء الا الخضرة
    مثقفو الخرطوم قهوة ونومة وسهرة وسكرة
    تفحمني حلمك با هذا لقد اشبهتهم انت وهم في هجرة
    (ديوان بوق العاج منشورات دبي الثقافية )
                   |Articles |News |مقالات |بيانات

01-12-2018, 12:39 PM

adil amin
<aadil amin
تاريخ التسجيل: 01-08-2002
مجموع المشاركات: 16713

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: adil amin)

    دي العلمانية بتاعة الشيوعيين العايزيننا نخلي الختمية والانصار والجمهوريين والكجور عشانا
    Quote: مثقفو الخرطوم قهوة ونومة وسهرة وسكرة

    وماركس مات قبل200 سنة والاتحاد السوفيتي ذاتو مات 1989 ونحن تحكمنا القبور مش كده
    والله فعلا ذى ما قال منصور خالد انتو ضايع ليكم درب
    والله لو اخر خواجة مشى وطفا النور 1956 نقل العاصمة كوستي ما كان الصاغ صلاح سالم لقى ليه متهتكين واقليات صنع منهم سياسيين ساقطين في خدمة مصر ام الدنيا في ميز الضباط الاحرار في ام درمان مسخو العلم والشعار والاقتصاد والتعليم والقوات النظامية وقنلو الازهري والسيد الهادي المهدي وحاكمو عبدالخالق محجوب نفسه ايضا بواسطة قاضي خسيس ..
                   |Articles |News |مقالات |بيانات

01-12-2018, 09:52 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2642

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: عبدالعظيم عثمان)

    Quote: ودي مهمة الاذاعة يا عبدالعظيم ؟
    الناس ديل لو طارو السما في النهاية هم مجرد افندية ، السؤال هل بناء دولة كبيرة كان سبب او احد اسباب انشاء الاذاعة ؟

    يقول (مجرد أفندية)!

    أوشكت بريطانيا على السقوط لدرجة أنها هربت كل مخزون بنكها المركزي من الذهب إلى كندا، هاليفاكس
    توطئة للمقاومة طويلة المدى من هناك بواسطة حكومة منفي
    أعادت هيئة الإذاعة البريطانية الثقة لسكان لندن في إمكانية الدفاع عن عاصمتهم
    بالبث من تحت الأرض.

    ترى لماذا تصر دولة فرنسا أن يبلغ صوتها من إذاعة مونتي كارلو إلى كل العالم بأكثر من خمسة لغات؟

    ___
    يبدو أن الفهم العام للأولاد يقصر الإذاعة على خدمة ما يطلبه المستمعون وعالم الرياضة.
                   |Articles |News |مقالات |بيانات

01-12-2018, 11:03 AM

Abdullah Idrees
<aAbdullah Idrees
تاريخ التسجيل: 05-12-2010
مجموع المشاركات: 2477

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: حاتم إبراهيم)

    Quote: هتلر غزا نصف أوروبا معتمداً على وزير دعايته غوبلز! الدعاية كانت إذاعية عابرة للمحيطات!
    لندن لم تصمد كمدينة ضد قصف هتلر إلا بإذاعتها التي انتقلت باستوديوهاتها إلى الأنفاق تحت الأرض.

    وما لقيت مثال غير الدعاية النازية ؟
    طيب هتلر خسر الحرب يبقى التقصير من هتلر وجيشو ولا من غوبلز ؟ حسب فكرة البوست غلطان غوبلز ، انت موافق مش كده ؟

    غايتو مثل ما يطلع الا من حاتم ابراهيم

    Quote: أوشكت بريطانيا على السقوط لدرجة أنها هربت كل مخزون بنكها المركزي من الذهب إلى كندا، هاليفاكس
    توطئة للمقاومة طويلة المدى من هناك بواسطة حكومة منفي أعادت هيئة الإذاعة البريطانية الثقة لسكان لندن في إمكانية الدفاع عن عاصمتهم
    بالبث من تحت الأرض.
    ترى لماذا تصر دولة فرنسا أن يبلغ صوتها من إذاعة مونتي كارلو إلى كل العالم بأكثر من خمسة لغات؟

    تتكلم عن حكومات فرنسا والمانيا وانجلترا وتجي هنا تتكلم عن اولاد امدرمان ؟ غايتو " المابيك في الضلمة يحدر لك " ..
    دي سياسات دول بتضع خطط محددة وما علي الموظفين صغارا او كبارا الا انزالها الى ارض الواقع حسب تأهيلهم المهني وقدراتهم وامكانياتهم ..
    اها اولاد امدرمان ديل بنفذو سياسات الدولة الاعلامية والدعائية من اول حكومة وطنية والى الان ، زيهم وزي غوبلز البنفذ افكار هتلر وسياساتو ..
    ا
                   |Articles |News |مقالات |بيانات

01-12-2018, 11:33 AM

Abdullah Idrees
<aAbdullah Idrees
تاريخ التسجيل: 05-12-2010
مجموع المشاركات: 2477

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: Abdullah Idrees)

    Quote: لندن لم تصمد كمدينة ضد قصف هتلر إلا بإذاعتها التي انتقلت باستوديوهاتها إلى الأنفاق تحت الأرض.

    غايتو دي قريبة من الدفاع بالنظر ، ما بتلحقا لاكين بتشابي
                   |Articles |News |مقالات |بيانات

01-12-2018, 11:41 AM

امتثال عبدالله

تاريخ التسجيل: 15-05-2017
مجموع المشاركات: 2008

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: Abdullah Idrees)

    يحى ود قباني
    شكرا كتير للمعلومة...
    وبيني وبينك انا ما فاهمة القصد من البوست لكن وجدت عبد العظيم اتكلم شوية عن تاريخ المهدية وفجاة خطر لي في بالي بوابة عبد القيوم لاني دائما بشوف البوابة دي في زياراتي لامدرمان،بلد الامان،،،،وكنت فقط عاوزة المعلومة عن تاريخ البوابة وليس اي غرض اخر من مصادر موثوقة ومؤكدة لاني مرات ما بثق في معلومات النت، لان النت مرات بيكرر معلومات بيكتبها ناس ما بيعرفوا تاريخ السودان،، وخاصة وانا قرات مرة ان بعض اولاد الخليفة عبد الله التعايشي ، خليفة المهدي، احياء ولا شك انهم يعرفون تاريخ هذه البوابة اكثر من غيرهم ، وقلت احتمال اجد المعلومة الصحيحة،،،
    اما الاحتفاظ باثار التاريخ فهذه مهمة جدا بالنسبة للدول التي تعتز وتفتخر بالاحداث الهامة في تاريخها، وانا بشوف في طريقي لزيارة ولايات اخرى في امريكا بالطريق السريع بعض مواقع اثرية قديمة تحكي شيئا عن تاريخ امريكا القديم، حتى ولو كان الاثر يدل على معركة هزم فيها الجيش الامريكي الاتحادي فانهم يحافظون عليها ويكتبوا ملخص عن المعركة....
    شكرا مرة ثانية على المعلومة عن بوابة عبد القيوم، وناسف لصاحب البوست للخروج عن موضوع البوست الاساسي،،
    مع التحيات النواضر ،،
                   |Articles |News |مقالات |بيانات

01-12-2018, 11:32 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2642

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: عبدالعظيم عثمان)

    كم كان يعادل الجنيه السوداني من الاسترليني قبل أن نصل محطة ود نفاش؟
                   |Articles |News |مقالات |بيانات

01-12-2018, 11:33 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2642

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: عبدالعظيم عثمان)

    كم كان يعادل الجنيه السوداني من الاسترليني قبل أن نصل محطة ود نفاش؟
                   |Articles |News |مقالات |بيانات

01-12-2018, 11:37 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2642

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: عبدالعظيم عثمان)

    ههههه
    غايتو يا إدريس طلعت فعلا جمالي صحراوي ساكت.
    الإذاعة ليست أقل من علم الدولة.
    فإذا سكتت فهذا يعني سقوط الدولة.
                   |Articles |News |مقالات |بيانات

01-12-2018, 11:49 AM

Asim Ali
<aAsim Ali
تاريخ التسجيل: 25-01-2017
مجموع المشاركات: 2820

للتواصل معنا

FaceBook
تويتر Twitter
YouTube


Re: اولاد أمدرمان ضيعوا 60 عام على السودان (Re: حاتم إبراهيم)

    Quote:
    ههههه
    غايتو يا إدريس طلعت فعلا جمالي صحراوي ساكت.

    حاتم يدعى كذبا وزورا اصطفافه الى جانب المهمشين
    وياتى هنا ليكشف عن وحهه القمىء ويستخف ببساطتهم كانها سبه ونقيصه فى حقهم
    الجمالى فى الصحراء انفذ بصيره وواعمق وعى بفطرته من امثالك
                   |Articles |News |مقالات |بيانات


[رد على الموضوع] صفحة 1 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de