مبروك العاشرة.. "الصفقة" بي هناك.. يا ليت لو نشوف "الرقيص" بي هنا. === في بوست حاتم ابراهيم (لكسوتيكا) عن (النظارات الغالية) .. الفوتوجينيك:) والذي فتحه تعبيرا عن إعجابه بإجابات المدير "المراوغة" .. (حسب كلام حاتم بلسان كيبورده) فلقد أورد أحدهم، "المدعو محمد الحسن":)، كلاما غير موضوعي أبدا أبدا:)، وفحواه: {"لو شفت للشعب السوداني أسباب غلاء الكافيار يكون كويس يا مناضل من أجل المهمشين"} ولكن، مع عدم الموضوعية الشديدة لمثل هذا الكلام:) .. إذ شن جاب الكافيار والروبيان إلى الريبان وبقية النظارات "الشمسية"!! فإن ذكرى "الشمسية" تلك قد أعادت تذكيري بقضايا الطاقة "الشمسية" الهنا، وبغيرها من الأمور الفوتونية والكهربائية والتنموية.. قلت أسأل:
طالما؛ ١) حاتم مقتنع بفائدة استخدام الطاقة الشمسية ويناضل من أجل الاستفادة منها جنوب خط السبعتاشر! ٢) حاتم مستقلل حكاية الـ ٣٥ ميغاواتات فقط على مدينة نيالا. ٣) حاتم يعرف عن الكهرباء وأمورها أحسن من المهندسين المختصين. ٤) حاتم يعرف عن أولويات التخطيط القومي والاستراتيجي أفضل من الجميع. ٥) حاتم لا يقر ولا يعترف بأية أفكار لا تصدر عنه أو ممن يخدم خطته.
إذن؛ فلماذا لا يقدم حاتم لنا، الآن وهنا، خطة واضحة لكيفية الاستفادة من الطاقة الشمسية وكل مصادر البديلة الأخرى، سواء في كل المنطقة جنوب الخط سبعتاشر، أو حتى في مدينة نيالا فقط، كمثال يمكن تعميمه لاحقا!! ====
والشكر في محلو.. لي حمّاد!!
12-01-2018, 10:14 PM
Asim Ali
Asim Ali
تاريخ التسجيل: 01-25-2017
مجموع المشاركات: 13492
هاشم الحسن - سلامات كان فى صفقه فى للتكاتيك ولولاها لاصبح حاتم مفلس تحت الصفر. حاتم لابرنامج وطنى له يلامس واقع الناس خليهو مع ابولو وغنا الحبش ونظارات الطبقه الارستقراطيه وهلمجرا
12-01-2018, 10:38 PM
هاشم الحسن
هاشم الحسن
تاريخ التسجيل: 04-07-2004
مجموع المشاركات: 1428
بصراحة والصراحة راحة الواد حاتم إبراهيم دا زول جااااااااهل وعنده عقد منيلة بستين نيلة
هسع زول نصيح بيحسب الكهرباء كدا وين قراية المدرسة والأساسيات؟
Quote: لكن خلينا نشوف بالبلدي، أشختها ليكم في الواطا يعني: فإذا كانت كل القدرة الممكن توليدها، فضلة خيرك (للقطاطي) 35 ميغاوات دلوقت الساعة 8 مساء، فلو أي بيت من الـ 100،000 بيت قرر يشغل تلفزيون (300 واط) ولمبة واحدة (50 واط) عشان بس يشوفوا بيها الدرب دي تتطلب 35 ميغاوات قدرة لتشغيلها، ولا لمبة واحدة زيادة للبيت (القطية). ولا رادي ما يشتغل ودا باعتبار إمكانية تحميل المولد (plant) بنسبة 100% ودا ما بيحصل. أها نطفي نص المدينة ولا كيف؟
وحتى لما علموه المهندسين ما نفع مثل الحمار يحمل أسفارا
بعدين موضوع جهوية وعنصرية دي بلادة وعباطة وتفاهة ساكت وشغل بتاع شفع صغار لزول بيقول إنه عنده خبرة 34 سنة في الترجمة يعني يكون عمره كم دلوقتي؟
أها دا موضوع تافه جداً زي فهمه بالضبط شنو جهوية وبطيخ وولاية شمال دارفور أغلبها واقعة شمال خط 17.5 عرض دا لو أصلا مراعاة لقلة اضيق فهمه وضيق استيعابه موضوع جهوية وعنصرية وتهميش
أها عصم دا لما يجي يعمر شمال دارفور يبقى جهوي بياتو راس؟
أها الزول دا الناس عامله ليه أهمية وكمان عنده جوقة مطبلاتية كيف أنا ما عارف
لكن زول بيخم من الإنترنت ويردم في المنبر لكن بدون اي فهم لأي معلومة وممكن يغالط بمليون مداخلة وبيفتكر أنه بالغلاط والشتيمة والنبزح يغير الموضوع يوكسب جولة لكن المعلومة تبقى غلط وإن زرط
المهم
بعدين لما الواحد يقول عملت دراسة جدوى ووجدت أن أفتح مصنع في شندي سيكون له فوائد كثير ما معناها أن فتح مصنع مماثل في منطقة أخرى سيكون أقل جدوى أو فائدة.
ولما أقول أنا عايز استغل المياه الجوفية في شمال الخط 17.5 بواسطة الطاقة الشمسية ما معناها الواحد ما يستغل مياه الأمطار والخيران والأنهار للزراعة بالطاقة الشمسية أو الحرارية أو الكهرومائية
دي أجديات وما عايزة لف ودوران وهبالة بتاعة شفع زي البيعمل فيها د. علي ماهر صاحب الستين اسم
والله ولي التوفيق
12-01-2018, 10:50 PM
هاشم الحسن
هاشم الحسن
تاريخ التسجيل: 04-07-2004
مجموع المشاركات: 1428
Quote: عايزين برضو نعرف ليه رسمت الخط 17.5 قبل الدراسة؟ وكيف؟
عايزين ؟؟؟ انتو منو ؟؟؟؟ لتتحدث بالجمع انت غير مؤهل لاستيعاب ذلك خليك فى الفوضى البتنشر فيها وطولت اللسان وغرف المعلومات من شيخك قوقل والاتكاء على منساه تكاتيكك التى بدات دابه الارض تاكلها
12-02-2018, 12:25 PM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20357
Quote: الورصة في البوست يا مشرف، انو في مناطق جنوب سبعطاشر ونص أحسن من شماله حسب خرطة عاصم نفسو
يا ابوبكر دا مشكله وفهم رسخو حاتم فى عقول الناس باسلوبو الملتوى.(الفكره اتعبر عنها قبل فتح البوست دا) لكن لم يناقش احد فى بوست (المياه ) الفكره ولكن اصبحت الفكرهمطلوب اثباتها بعد بوست اكشن يعملو حاتم .!!!!!!!!! تنميه وتعمير الجزء الشمالى الشرقى شمال خط 17.5 باستخدام الطاقات المتجدده (الطاقه الشمسيهبجميع تقنياتها وطاقه الرياح) كمصدر رئيس واساسى للطاقه فى ذلك الجزء . مافى زول قال (لايجب ) استخدام الطاقه الشمسيه فى باقى اجزاء السودان.وانما هو خبث حاتم وتكاتيكو من اوحى بذلك. مافى حاتم حبنا ليهو اسئله اتهرب منها فى الصفحه الاولى وبرضو فى انتظار اجابه. حاتم مشكلتو فى الطاقه الشمسيه الخلايا عامل بيها الجزطه دى . دى المشكله فى السودان وجود امثال حاتم وعقدهم ضيعت وتضيع السودان وهو مفلس. هاشم الو قال ليهو قدم طرحك البديل لكنو جاوكرر خطابو لى بحمى 17.5 حاتم مجرد مدعى وطنيه ومعقد لايقدم شىء ايجابى ولو مثقال ذره.
12-02-2018, 05:07 PM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
ماتطول لسانك وواجه الامر وجاوب على سؤال هاشم الحسن اذا راسك دا فيهو حبه معرفه من غير جرى لشيخك فوفل افضل ليك تترك التكاتيك والاساليب المتليه والسخريه وعود نفسك على الحديث المتحضر فى المنبر . ماتمتحن طوله البال فاساءاتك تدينك
12-02-2018, 04:55 PM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
الشرح يكون لاولى الالباب انت لاتستخق مجهود الشرح والاقناع فالنتيجه معروفه مسبقا وصلات من التعالى والسخريه وقله الادب واتهامات بالعنصريه انت زغت كم يوم م البوست عشان تشوف انا حاعمل شنو معاك فى موضوع مقاضاتك دا موضوع اصبح مفروغ منو ولابد من اثبات ذلك بلدلائل على اتهامى بالعنصريه من واقع طرحى وذلك لايمكن وانت تتستر بجبك خلف الكيبورد انا مامستعجل داير اديك فرصه تحترم نفسك وعقول الناس بدل الفوضى البتعمل فيها دى من جهه اخرى تماديك فى الجهاله بيزيد تورطك اكثر واكثر والخيار ليك قبل الفاس تقع فى الراس وتتفضح شبحيتك او تكون بقدر ماتبدى من خلف الكيبورد وتثيت اتهامك لى بالدلائل قانونيا امام القضاء.
12-02-2018, 08:27 PM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
اردح الف سنه انت الفتحت البوست قاصد نى بتكاتيكك وانا اخيرك بين الاعتذار وغلق البوست (رغم انو ما بتوقع انك تكون على الدرجه من التخضر)او...... وساظل موجود بالبوت حتى ذلك الموعد مابختك فى مكان شخص صحيح وسليم النيه انا ماسك عنك الكلام البيوصفك صحى وكل شىء بوقتو عشان نشوف اثبات ادعاءاتك القبيحه التى تشبهك استمتع ببمارسه جبنك واستئسادك الزائف من وراء الكيبورد
12-03-2018, 01:13 AM
Asim Ali
Asim Ali
تاريخ التسجيل: 01-25-2017
مجموع المشاركات: 13492
Quote: الشباب يطرح فكره وحاتم يمارس الاستعلاء والسخريه و لا ايجابيه
هي فكرتك شنو بالمناسبة؟
لأنك مرة بتقول استغلال حوض جوفي ومرة بتقول أمطار شمال الخط ومرة بترسم مربع في ركن السودان بعيد جداً من خطك ومرة بتقول ما داير ناس جنوب الخط يفتحوا ويتغير نمط حياتهم ومرة بتقول عندك خرائط تثبت الجدوى شمال الخط.
وبعد دا كلو ما أجبت عن سؤالنا البسيط: كيف توصلت لعمل الخط 17.5؟
__ بعدين أنت مالك ومال (الشباب العربي) ياخ؟
12-04-2018, 09:57 AM
Asim Ali
Asim Ali
تاريخ التسجيل: 01-25-2017
مجموع المشاركات: 13492
Quote: الشباب يطرح فكره وحاتم يمارس الاستعلاء والسخريه و لا ايجابيه ------------------------------------------------------------------------------------------ هي فكرتك شنو بالمناسبة؟
لأنك مرة بتقول استغلال حوض جوفي ومرة بتقول أمطار شمال الخط ومرة بترسم مربع في ركن السودان بعيد جداً من خطك ومرة بتقول ما داير ناس جنوب الخط يفتحوا ويتغير نمط حياتهم ومرة بتقول عندك خرائط تثبت الجدوى شمال الخط.
وبعد دا كلو ما أجبت عن سؤالنا البسيط: كيف توصلت لعمل الخط 17.5؟
__ بعدين أنت مالك ومال (الشباب العربي) ياخ؟
انت لسه عشمان ارد عليك ؟ انت غير مؤهل لذلك ...يطفيك مهمتك فى ماتمارسه من تخريب عبر الاسافير الاجابه على سؤال 17.5 مكانو خارج الاسافير مع اثياتك لاتهامك لى بالعنصريه . . انت مالك ومال الشباب ديل شباب مبدع ومنتج ونفوسهم مملؤه نور وامل وعطاء . بعدين الظلام الجواك هو البخليك مهووس بتمييز الناس عنصريا غض النظر عن انجازاتهم
Quote: بعدين أنت مالك ومال (الشباب العربي) ياخ؟
والا لما سالت السؤال دا
12-04-2018, 10:42 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
هذا الشخص مخرب ليس الا .. لا يبني شيئا ولا يريد غيره يبني .. لن تجد له طول هذا الاسفير وعرضه بناءُ وطنا حقيقيا ولا موقفا وطنيا حقيقيا ولا صوتا وطنيا حقيقيا
ثم و لا (لا) واحدة في وجه الطغاة الذين يتحكمون في مصير الوطن .. لاءه الوحيدة مرفوعة في وجه الذين يقولون لا للطغاة.
باص ذاتها كتيرة عليهو ..
وصدقني يا عاصم الناس عارفة الكلام ده كويس .. او هي ضغة اخرى معزولة تماما لا يتجاوز سكانها 5 نسمة (عادوا 6 مؤخرا) .. ثم لن تعدم بعض اصحاب الغبائن بتبدل الاهواء
12-04-2018, 05:34 PM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
مواصلة للتلفيق والانحطاط! ولكنك لم تبين رأيك في هذا التخريب المتعمد للدولة والمجتمع
Quote: قبل كم سنه فى تشاد والصينيين شغالين بترول ومجالات تانيه يعنى مستفيدين من البلد .قالو يعملو مشاريع ابار لحل مشكله العطش . عملو شنو ؟ فى كل قريه من القرى الى اتبرعو بحل مشكلتها عملو مضخه يد بدائيه (المعروفه للجميع من عشرات السنين) وحوض اسمنت. كان غالبهم ييتبرعو بمضخات طاقه شمسيه توفر مجهود وزمن سحب المياه من البير . لكن مادايرين يفتحو عين الناس لحاجات زى دى عشان مايكون فى نقله نوعيه فى حياتهم بسبب القصه دى (كمويه متوفره باقل مجهود ليهم ولى بهايمهم بدل من ضياع اليوم للمواطن فى انتظار الدور او الضخ اليدوى لسقايه بهايمو) Re: 17 ونص!Re: 17 ونص!
___ وننتظر معرفة الطريقة التي رسم بها العنصري الخط 17.5.
12-04-2018, 06:37 PM
Asim Ali
Asim Ali
تاريخ التسجيل: 01-25-2017
مجموع المشاركات: 13492
القصه الانت اخدتها مثال دى بتدينك انت والناس المتابعه و عارفه الحكايه جات فى ياتو سياق من مداخلات سبقتها. لانو مشكله العطش فى البيئات الصحراوبه ..الانت رافض اعمارها وتنميها وتشكيل مجتمعات جديده متنوعه الاعراق اضافه ونموذج لتماسك السودان بدلا عن العنصريين الجبناء اللى بيشعلو نار العنصريه من خلف الكيبورد وماعندهم مواقف وطنيه منسجمه مع اللوضع الراهن. وين انت من هموم المواطن وانت لافح كيبورك متستر بجبنك من بوست لى بوست ومن موقع لى موقع تنشر فى الفتنه وتتهم الناس بالعنصريه . بدل ماتكرر مداخلاتى امش جاوب على اسئلتى البتتزاوغ منها. واصل جبنك واتهاماتك انت خرقت لاائح البورد لكن انا حدى معاك القضاء حتى تكون عبره لكل جبان زيك واصل اسلوبك المريض دا عشان تكبر كوم خطاياك . . . لو فيك فايده صحى ابذل طاقتك زقدم لمجتمعك شىء مش تكون مصدر للقبح وفله الادب وطولت اللسان. وامشى اتخلص الظلام المالى نفسك قبل ما ينقلب عليك ويدمرك امن داخلك
12-04-2018, 08:00 PM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
القبح وقلة الأدب القلتهم ديل ما فارقن خطك الجهوي العنصري.
بعدين كيف أكون رافض إعمار مجتمعات أنا بدافع عن حقوقها من مكر أمثالك؟ أنت المصر تتبنى استراتيجية الصيني القبيحة وبتتأسى بيها والخط بتاعك مثال عملي أكثر قبحا منها.
___ لذلك غلبك تبريره البتة.
12-04-2018, 07:09 PM
Asim Ali
Asim Ali
تاريخ التسجيل: 01-25-2017
مجموع المشاركات: 13492
سلام عليكم محمد حيدر المشرف صدقت فيما ذهبت اليه عن بعده اى موقف وطنى. اضف لذلك اصبح مخرب لكل شىء مفيد للناس انظر بوست محمد عبدالله مختار وبوست محمد صديق وبوست الصوت الجبلى وحتى اسلوبو فى بوست اسميل لايتونس. الزول دا بيدى ظاهره ومظهر سيئيين للمنبر بما يفعل وبقوه عين ووقاحه غريبه ومريبه. تحياتى
12-04-2018, 08:04 PM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: الورطة في البوست يا مشرف، انو في مناطق جنوب سبعطاشر ونص أحسن من شماله حسب خرطة عاصم نفسو
يا مستنير انت جادي؟؟؟؟؟؟ ياخي دي مداخلة مضلِّمة جدا منك.. جد والله! ورطة شنو يا زول؟؟؟ عاصم دا قال: أنسب.. أنساااااااب!
Quote: انسب الاماكن فى السودان لانشاء مزاراع شمسيه ذات جدوى انتاجيه شمال خط عرض 17.5 درجه
وكمان قال: جدوى.. جدوااااا.. إن شاء الله يكون جنوب الخط كلو أحسن من شمالو.. وين الجدوى المضادة.. الجدوااا.. شرحووو.. كيف ومتى وأين ولماذا؟؟..؟؟..؟؟ تقول لي عاصم في رطة؟؟ حسبي الله!! يعني نحنا نخلي كل المحتمل والممكن في الجملة الفوق دي، وما تكتنزه (شفت الكنز دا؟) من علوم ومعرفة وتحديات وووووو.. ونقعد نتصرف زي الأولاد الشطار الهبل في المدرسة الثانوية، أيواا البيقعدو في افريز برندة ناظر المدرسة يتغالطوا في أيهم حل المسألة بالطريقة الأذكى، كلو عشان الواحد فيهم بعدين يمشي بيتهم وهو مزدهيا بها أو كالديك منفوشا وهو فرحان!! ــــــــــــــــــــ ثبت لاحقا أنو كترة الديوك ما كويسة في البلد الجدادها بطير دي. =======
الجملة الأخيرة فوق دي (حسب رواية حاتم) فهي مكتوبة على طريقة حاتم.. أهو استفدنا حاجة ما فيها أي فايدة.. غير الشو!! مبروك! ========
عاصم سلامات.. هل تفضل أن أناديك بدكتور عاصم، لا مانع عندي، بل على الرحب والسعة أيضا وتسعدني الكراتين:) شوف يا زول.. أخطأت حساباتك أم أصابت، لا يهمني.. لست تلميذا متشاطرا.. يهمني الغرض والفكرة.. كل الأفكار. لو توفرت الحرية سيناقشها ويصححهها ويعدِّلها المختصون. ما قصرت معنا أبدا... لقد عرضت أفكارك عن الموضوع بكل أريحية وفي أكثر من بوست. وكنت قبلا قد تابعت لك بوستات في هذا المنبر، أغلبها عن السياسة.. بالذات على أيام (ما بعد الربيع المصري). وفيها، لو لم تخني الذاكرة، فكرهك الشديد (للأخوان المسلمين) لا يخفى، وخاصة على أيام (الردة السيسية) في مصر! في مرات كنت أشعر أنك بهذا الكره، فقد كسحت في طريقك كل مقتضيات الديمقراطية كما فعل كثير من اللبراليين (الشموليين) بآخرة رعبهم من الآخوان.. المهم؛ الفكرة.. أعرف أنك تكتب رأيك بصدق وإخلاص وفي لغة واضحة ومباشرة متجردا عن المجاملات وعن الرياء وعن الألاعيب، وبعيدا عن الاسفاف. احترمت ذلك. كما احترم حهدك الجاد هنا.. لأنني أظنه جهدا مخلصا يتحرى المصلحة العامة.. وبعده، فلم يقم هنا أي دليل على عكس ذلك. شكري مرة أخرى.. ويتجدد..
أما قولك:
Quote: حاتم كان مشكلتو كلها تقنيه واحده من تقنيات الطاقه الشمسيه
فلا.. وألف لا .. دي ما مشكلتو.. وإنت الصادق.. حاتم مشكلتو أنا عرفتها من أول البوست.. هي أن ينتقم من هاته الأربع كلمات كما أوردهن هو بتعديل صرفي مناسب عمّا قله أنت:
Quote: (بخبث، رزالة، انتقاص، استعلاء)
سلاح الانتقام الحاتمي هو اتهامك باثنتين.. أما الثالثة فثابتة من سلطة التكتيكات البسوسية: الجهوية: (تتذكر دار مالي؟).. فإن لم تك منها فأنت منها برضو:) الجهل المطلق: لو أثبت له كل شيئ (حسابيا:)) فأنت برضو جاهل جاهل.. بل جهلك مطبق:) كيل ما تيسر من إساءااااات وسخريات عشان تجهجهك: ولسان الحال: خذها من من كيبورد (الزير سالم) الجلادييتور الأخير.. وهاك خم وصُر.. ــــــــــــــــ
اعتذر عن هاته الأربع كلمات يا عاصم.. وصفّق معانا للعرض.. "ينفثئ" البوست:)
12-05-2018, 07:02 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: يهمني الغرض والفكرة.. كل الأفكار. لو توفرت الحرية سيناقشها ويصححهها ويعدِّلها المختصون.
الفكرة هنا
Quote: لكن مادايرين يفتحو عين الناس لحاجات زى دى عشان مايكون فى نقله نوعيه فى حياتهم بسبب القصه دى (كمويه متوفره باقل مجهود ليهم ولى بهايمهم بدل من ضياع اليوم للمواطن فى انتظار الدور او الضخ اليدوى لسقايه بهايمو)
دكتور عاصم علي، بعد السلام وشامل الاحترام؛ الرجاء التكرم بعدم نسيان هذا الموضوع الحيوي جدا. وأن تفتح به بوستا مستقلا في القريب العاجل أو الأعجل. وبرجاء أن يسهم معكم في ذلك، المختصون العارفون، اسهاما أتوقعه أن يكون ايجابيا.
ولتتقبلوا جزيل الشكر ووافر التقدير.
توقيع: قارئكم المتستفيد.
12-05-2018, 07:09 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: وكنت قبلا قد تابعت لك بوستات في هذا المنبر، أغلبها عن السياسة.. بالذات على أيام (ما بعد الربيع المصري). وفيها، لو لم تخني الذاكرة، فكرهك الشديد (للأخوان المسلمين) لا يخفى، وخاصة على أيام (الردة السيسية) في مصر! في مرات كنت أشعر أنك بهذا الكره، فقد كسحت في طريقك كل مقتضيات الديمقراطية كما فعل كثير من اللبراليين (الشموليين) بآخرة رعبهم من الآخوان..
دا أسلوب رخيص.
Quote: حاتم مشكلتو أنا عرفتها من أول البوست.. هي أن ينتقم من هاته الأربع كلمات كما أوردهن هو بتعديل صرفي مناسب عمّا قله أنت: +++ سلاح الانتقام الحاتمي هو اتهامك باثنتين.. أما الثالثة فثابتة من سلطة التكتيكات البسوسية:
لكن نفس الأسئلة دي اتوجهت لعاصم في البوست الأول قبل أن أعرف (كراهيته للأخوان) حسب مذكرتك التلميحية أعلاه. أسلوب تلفيق تهمة الانتقام دا دي المرة التانية تكرره. حاول تناقش بطريقة فيها عمق يمكن توقيره.
Quote: كيل ما تيسر من إساءااااات وسخريات عشان تجهجهك: ولسان الحال: خذها من من كيبورد (الزير سالم) الجلادييتور الأخير.. وهاك خم وصُر..
لكن الإساءات بدأت من أخيك في البوست الأول والتاني والتالت. أما النقاش العلمي فهو سبب الجهجهة.
12-05-2018, 08:50 AM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
خخخخخخخخخخخخخ يا اخوانا العلمية دي علي ما أظن رست علي الجهوية والعنصرية من الصفحة السابعة بعد اتملطش في علميتو الكهربائية الضعيفة جدا" ... وما دام الموضوع فارق العلمية وبقي جهوية وعنصرية حا نطر نفتح ليك موضوع الحبش والاغوات ونبذك للسوداني وكفيلو الخليجي وللسودانيين كافة بما فيهم جماعة جنوب سبعتاشر ونص ...
12-05-2018, 09:00 AM
هاشم الحسن
هاشم الحسن
تاريخ التسجيل: 04-07-2004
مجموع المشاركات: 1428
Quote: الفكرة هنا (هذا هو تعريض حاتم الأخير). (بكلام عاصم التالي:) Quote: لكن مادايرين يفتحو عين الناس لحاجات زى دى عشان مايكون فى نقله نوعيه فى حياتهم بسبب القصه دى (كمويه متوفره باقل مجهود ليهم ولى بهايمهم بدل من ضياع اليوم للمواطن فى انتظار الدور او الضخ اليدوى لسقايه بهايمو)
طبعا عاصم كان يتكلم عن تجربة الصينين في قرى تشاد.. والغنماية في جبلها وفي راس الحيطة، حتفهم من السياق.. سياق شنو يا زول.. حتفهم بالفطرة السليمة، أن عاصما إنما كان يكتب منتقدا ومستنكرا لهذه الفعلة الصينية وليس متبنيا لها.. لكن الله غالب.. نقول شنو؟؟ يا حاتم، بالله عليك، ما كان أحسن تجاوب على الأسئلة العملانية الاتوجهت ليك هنا.. عن طرحك العلمي العملي المقابل/المضاد وعن حيثياته وتفاصيله.. يا ريت.. أكان تخلي لينا ولو سبيبتين أمل..... ....... فيـــــك!! ====== ======
ثم كأنك واقع في غرام مستجد مع هذا التعبير (أسلوب رخيص/أسلوب رخيس).. لقد أفرغته من معناه وأصبح مسيخا..
Quote: دا أسلوب رخيص.
يا راااااجل.. عمّاذا تتكلم؟ أعن قولي التالي لعاصم:
Quote: وكنت قبلا قد تابعت لك بوستات في هذا المنبر، أغلبها عن السياسة.. بالذات على أيام (ما بعد الربيع المصري). وفيها، لو لم تخني الذاكرة، فكرهك الشديد (للأخوان المسلمين) لا يخفى، وخاصة على أيام (الردة السيسية) في مصر! في مرات كنت أشعر أنك بهذا الكره، فقد كسحت في طريقك كل مقتضيات الديمقراطية كما فعل كثير من اللبراليين (الشموليين) بآخرة رعبهم من الآخوان..
ما الرخيص في ذلك؟ أنا أقول لعاصم عن حيثيات ثقتي فيه على اختلاف أذكره مع مقاربته للموضوع السياسي ذاك والتي تابعتها هناك.. هذا ما أذكره عنه من قبل.. وأيضا أقول له فيها: إن اختلافي ذاك لا يمنعني عن احترام طريقته النزيهة في التعبير الجاد عن أفكاره.. وبالتالي فهو ليس مضطرا لشرح بعض ما شرح لي بأعلاه. إذن.. ما الرخيص في هذا؟.. أهي سيرة السياسة؟؟ طيب الجاب سيرتك شنو؟؟ شنو ما منو.. فأنا متأكد إنك لم تخطر لي ببال سياسي بوقت كتابتي لتلك الفقرة.. يا رجل؟ هل أنت إخواني ولذا يكرهك عاصم؟ لا اعتقدني قد اعتقدت بذلك قبلا.. في الحقيقة لم أهتم بموقفك السياسي لولا اهتماماتك المفاجئة بالخطب الشبه سياسية هنا!! بل، بالأمس القريب فقط، ألم أتجاهل لك عن اشارتك (خارج السياق والساحة) وبدون سابق حضوري هناك ولا سابق معرفة برضو؟ أعني إشارتك (للحسن وللراص والهاشم)؟ نعم.. الراص مكونن:)!! فأيهما (أرخس) أسلوبا بالله؟ شغلك داك أم إعلاني في ذات هذا البوست (١٧.٥) عن راهن عدم قناعتي بموساديتك مثلا، وبلا جدوى الفكرة؟ يا زول، في هذه المرحلة، حسب شوفي الشخصي، فللسياسة درب عديل لا يحتمل اللولوة.. رأي برأي، وبعدها فكل زول مسؤول عن بطحتو.. تقول رأيك ونقول رأينا وبس، بلا تعريض غير مجد.. فلمصلحة السياسة نفسها ولمصلحة المنبر والحوار، أعتقدنا مفروض نترفع عن الهرج والتعريض وبل عن السباب العديل.. وعلى أساس أنو كل شوكة بسلوها بي دربها.. أو بالباص (وهذا الباص تعريض مني بك.. لأنني كنت، مخلصا، قد حذرتك منه، مغبة طريقتك)!!
ما تخاف على روحك وصورتك كثيرا، فتبخس المعنى وتبتذله.. لست أنت بمقصودي السياسي.. ليس الآن على أية حال.. وربما ليس أبدا.. وما الجدوى من التلميح والتعريض السياسي الشخصاني.. لا جدوى.. فقط هذا الهدر كما تراه وتسهم فيه.. لا شيء قبله ولا شيء بعده!! =====
أما أسلوبي المفترى عليه بواسطتك، أسلوبي مع عاصم بالطبع، فهو (أسلوب غالي) مهذب ومتعوب عليه ومقصود أن تصل به رسالة بعينها إلى عاصم.. ولو تصدق؛ فهي رسالة عن الإختلاف وعن الإحترام أيضا.. بلا تناقض.. سيفهمها عاصم بالطبع، لأنه ـ في اعتقادي ـ شخص ذكي ومجدي ودُخري وأيضا يكره الإخوان المسلمين، حتى لو أدى به ذلك إلى شكل من تناقض ديمقراطي كما تصورته بوقتها.. هذا هو الأمر.. وهذا حده.. وحتى لو كان عاصم (أخا مسلما).. فلا يزال موقفه هنا هو الموقف الصحيح المفيد والمجدي.. وبس!!
إنتا مالك يا زول؟ ===== هدر شديد.. كان جديرا بــ(الباص) لولا سبيبة الأمل..
12-05-2018, 09:19 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11825
Quote: e: لكن مادايرين يفتحو عين الناس لحاجات زى دى عشان مايكون فى نقله نوعيه فى حياتهم بسبب القصه دى (كمويه متوفره باقل مجهود ليهم ولى بهايمهم بدل من ضياع اليوم للمواطن فى انتظار الدور او الضخ اليدوى لسقايه بهايمو)
حقيقة يا هاشم حاتم كرر المقتبس دا اكتر من مرة ولم افهم رسالتو هنا هل يقصد أن عاصم متبني هذا الموقف الصيني؟
12-05-2018, 09:31 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
الهوس دا مافي ليهو داعي. الجملة دي ما عندك منها إلا تلتها، فما تكاور الباقي وتتخيل من راصك، وأنت لاقي تبقى مكونن؟ الراص المقصود دا بتاع الرصاص ما أنت.
ويسعدني كذلك أن (أنبهك) بعد مرور أسبوعين إلى أن المداخلة التي (هلوست) بيك ومسحها بكري هي نافذة الفيسبوك، وليس (شيء كعب) زي ما اتخيلتو أنت كعادتك أنفورشنيتلك.
___ ولا حول ولا قوة.
=====
باقي كلامك الطويل يمكن أرد عليهو يوم تاني بس التلميح الرخيس ما حبابو.
___ الغريبة دا بقى (سلوك مشترك)، مؤخراً.
12-05-2018, 09:56 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: للناس الذكية البتقرا كلام عاصم عن الصينيين بيعرف انو الادانة بتتم by default
كمان نمشي نركب فهادات للناس؟
والله نحنا ما أذكياء طبعاً، لكن مرحب بالفهادات! وطبعاً أي جهوي عنصري خبيث أو مكار ممكن يغشنا عشان كدة طلبنا منو يفصح بصراحة عن سبب وجود الخط 17.5
وأهو منتظرين.
ولو خجلان كفيناهو شر الاعتراف لكن ممكن بس يورينا سواهو كيف الخط العجيب دا طالما اتكلم عن science و facts وقال هو ما بتاع emotions
ياخي نحنا ما بنفهم لدرجة إنو في اتنين هنا حاولوا يدغمسوا لينا كهربة نيالا بالتلاعب بالأرقام (بافتراض) عدم فهمنا دا ذاتو واحد فيهم حاول يقنعنا بأنو مواطن نيالا يتمتع بالكهرباء زي بتاع طوكيو واحد، وصدقناهو تخيل!
أها، أنت في رأيك عاصم عمل الخط 17.5 كيف؟
___ بأمانة كدة.
==================
وطلب خاص عليك الله لأني ما بفهم في الكهرباء وحساباتها، المعادلة التحت دي حلها شنو؟
35 ميغاوات لعدد نصف مليون مواطن = بحبوحة تضاهي أهل طوكيو. 100 ميغاوات لربع هذا العدد من المواطنين = ؟
____ كملها لينا المعادلة الفوق دي عشان تثبت نزاهتك وحيادك.
12-05-2018, 11:22 AM
هاشم الحسن
هاشم الحسن
تاريخ التسجيل: 04-07-2004
مجموع المشاركات: 1428
هههههههها.. أي نعم، ورب الكعبة نعم يا ود الشيخ.. بس كترها شديد!! غايتو عاصم، بهذا البوست، لو صبر واحتسب، فقد يغفر له ما تقدم من ذنوبه وما تأخر.. يرموها في ضهر حاتم دا.
تابع آلية الاستغباء، كيف يظنها حاتم، تعمل.. هنا أدناه.. ====
Quote: الراص المقصود دا بتاع الرصاص ما أنت.
ههههههههها.. مفهوم يا حاتم مفهوم.. Cheep (political) shot.. ألا توافقني الرأي؟ يا أخا الشكوى من (الأسلوب الرخيص) كما القاطعو لي من راصك فوق هنا!! رجاء راجع مداخلتي بالأعلى مباشرة.. أما الطعنة النجلاء في دحض هذا الإفتراء.. فقد تبرعت بها لنا، لتوّك.. رخيصة وبالهوبللي.. مشكور:)
ثم يعني إنتا بس البتفهم الإشارات المضادة عن (مكونن) وتجي هنا تستقللني بيها كمان:)
Quote: وأنت لاقي تبقى مكونن؟
ياخي البركة الما قلت لي: (إنتا لاقي تبقا حتى ولو مجرد خادم في بيت شيخ قوراقي).. كويس أنو أنا بي هناك قلت ليك: لا أبغي جدا سوى الحسن (مع أني أعلم حسنك المقصود) وأنه لا ينبغي لي!! لكن كمان ياخي، نحن برضو ما بغبانا (الراص) القاصدو انتا.. ولا السبب في جمعك لنا (الهاشم والحسن والراص) بقاسم (الكافيار) المشترك..) خليك متواضع ياخي حتبقا لذيذ بل ألذ.. بالجد..
وشكرا على (تنبيهي) ولو بعد أسبوعين، عن المداخلة الممسوحة بواسطة بكري (الفيس مالو بقا بتمسح كمان؟).. ولكن فلتعذرني على تلك الشكوك/المداعبة الغير هامة ــ ما تبقا حساس ــ فأيامها قد كنت أنت تكثر للجميع من (سوء الكيل والحشف).. وفي هكذا السياقات.. فقد اتحسسنا شوية، أنا وآخرون، من ملافظك، وكمان أنا خفت عليك منها:) =====
Quote: وليس (شيء كعب) زي ما اتخيلتو أنت كعادتك
وبرضو تقول لينا (أسلوب رخيس) وتاكل بعقولنا طلطميس؟؟ (شيء كعب).. اتخيلتو كعادتك!! علي بالحلال ما أقول ليك حاجة.. خليتها ليك.. أنت وبقية أخلاقك!! =====
حاتم.. لا حول ولا قوة إلا بالله.. انت ما بتنوم يا زول؟؟ لقد جندلت كافة من في الحلبة والحلبات الأخرى.. الكل وقعوا هردبيس.. خلاص أمشي ارتاح ليك شويتين!!
12-05-2018, 11:45 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11825
Quote: 35 ميغاوات لعدد نصف مليون مواطن = بحبوحة تضاهي أهل طوكيو. 100 ميغاوات لربع هذا العدد من المواطنين = ؟
انا معاك 35 م.و. لنيالا تحت حد الفقر لكن ياجميل قبل ربط الشبكة الكهرباوية كان هناك 16 م.و. في بورسودان الميناء الرئيسي. وكانت اقل من ذلك في عطبرة. واقل منها في شندي وكذلك في كسلا وأيضا في الأبيض ومثلها في الفاشر
------------------------ كلها دي كنا بنسميها ال isolated power plant وكلها تعمل بتقنية الديزل وانت عارف الحدود القصوى لهذه التقنية حدها وين.
بس نفسي اعرف ال 100 م.و. لربع مليون نسمة وين؟ بالله ماتلولو ختها لي واضحة يا حاتم عشان تعرف حيادي من عدمو
12-05-2018, 12:00 PM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: قال المهندس موسي عمر ابو القاسم وكيل وزارة الموارد المائية والري والكهرباء ان مشروع الطاقة الشمسية يشكل دعامة اساسية لدعم القطاع الزاراعي بالولاية الشمالية حيث ينفذ المشروع علي مدى خمس سنوات بتكلفة ٢٥ مليون دولار بدعم من برنامج الامم المتحدة الانمائي وعدد من المؤسسات الوطنية بالبلاد واكد ابو القاسم خلال حفل التدشين التوسع في مجال استخدام الطاقة الشمسية في عمليات الري وانارة الريف كاشفا عن تنفيذ مشروع لانتاج الكهرباء بطاقة الرياح غرب مدينة دنقلا بسعة ١٠٠ ميقاواط ، مشيرا الى زيادة معدلات الطلب على الطاقة سنويا بمعدل ١٤% وقال ان وزارة الكهرباء تبذل جهودا كبيرة عبر خططها لاستغلال الطاقات البديلة لتحقيق التنمية الشاملة بالبلاد ونوه الي ان مشروع كهربة المشاريع الزراعية يمضي بخطوات ثابتة في الولاية الشمالية ونهر النيل وولاية سنار والنيل الازرق مؤكدا في الوقت ذاته الاستمرار في كهربة المشاريع وصولا الي انجازها بصورة كلية بنسبة ١٠٠%.
هههههههههاي يعني انت فهمت انو ال 100 م.و. لمدينة دنقلا. طيب ياخ ما تقول من بدري .
وبي مثل هذا الفهم القاصر فانه وفي مروي تم انشاء 1250 م.و. ل 70 الف نسمة بس . ولل 100 الف نسمة الفي الدمازين والرصيرص هناك 350 م.و. +++
وفي مقتبسك دا ما مرت عليك حاجة اسمها ولاية سنار والنيل الأزرق ال ج خط 18؟
ابشرك ال 25 مليون دولار ما بتهمل خمسة ميجاواط بالمزارع الرياحية.
12-05-2018, 12:10 PM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
Quote: وكلها تعمل بتقنية الديزل وانت عارف الحدود القصوى لهذه التقنية حدها وين.
فالك طيب يا ود الشيخ ... يعرف حدود شنو ... هههههه دا قال ساعات يشغلو مكوتين ١٠٠٠ واط ال ٣٥ م.و. فضل فيها شنو .... ههههههه حبوبتي بتفهم الكهربا احسن منو ...
12-05-2018, 12:14 PM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11825
Quote: التأكيد ما بفهمك القاصر جداً دا، توربينات رياح غرب دنقلا عشان كبكابية مثلاً؟
نعم والف نعم
اذا كانت كبكبية مربوطة مع الnational grid
يعني ال 100 م.و. المزعومة دي بتكب في جدول كبير مع كل المحطات المربوطة بالشبكة القومية ( الجدول الكبير) بعد داك اي زول جنب الجدول دا يغرف سواء كان في دنقلا او في الحواته .
انت عارف انو ممكن وانت في جدة تستخدم كهرباء مولدة في دبي ؟ ولا ماعارف برضو؟
مشكلتك ليس في انك ما بتفهم ( حاشاك) بس بتحاول توري انك فاهم كل حاجة والكمال لله ياخ!
12-05-2018, 12:34 PM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: سعر التوربينة الهوائية واحد ميغاواط يتراوح بين مليون إلى مليوني دولار.
ابداسعر الميجاواط من المحطتات الحرارية في حدود مليون دولار.وتكلفة الوقود البتشتغل بيهو يساوي 70% من تكلفة التشغيل الكلية غير الكلفة البيئية لو كان ال مليون دولار بتعمل واحدد ميجاواط رياحي كان رصينا الدنيا كلها كهرباء بشبه البلاش. +++ جيب مرجعك حق الأسعار ان سعر الواحد ميجاواط بين(1 ---2) مليون دولار.
ثم انك قلت "الخزانات تفرق طبعاً، وشكلك مصر على الدغمسة"
يا حاتم بنانا خلي الهبالة البتعمل فيها دي وشوف ليك شغلة فيها فايدة!!!
هسع دا شنو الغباء والهبالة دي ؟
قالوا ليك بلغة واضحة
Quote: ابشرك ال 25 مليون دولار ما بتعمل خمسة ميجاواط بالمزارع الرياحية.
تقوم تتهابل وتتعابط وتكتب كلام في قمة الغباء والجهل هسع دا رد على كلام ود الشيخ يا بليد؟
Quote: خطأ.
سعر التوربينة الهوائية واحد ميغاواط يتراوح بين مليون إلى مليوني دولار.
لا أتحدث عن إجمالي التكلفة.
لو عايز ترد جيب التربينة الهوائية بتنتج كم من الكهرباء وسعر الوحدة كم يا بليد مش تقول الموز ألذ من الدوم
تغرف من قووقل من غير ما تعرف أنت بتغرف في شنو
هاك اتثقف شوية يا بليد
Quote: فمحطات الطاقة الهوائية تكلف حوالي 1000 دولار لكل كيلو واط، ومن هنا فإن محطة الطاقة الهوائية التي تشمل حوالي سبعة توربينات من 1,8 ميجاواط تبلغ حوالي 12,6 مليون دولار.
يلا جيب الآلة الحاسبة واحسب ال25 مليون دولار بينتجوا كم
معقولة تملطشو (الموسوعة) الملطشة دي كلها.... !!!!!!!!!!! مكوتين في نيالا ...؟؟؟؟؟؟؟ و الشهب و النيازك بتعكس الضوء ...؟؟؟؟؟؟ حالتك بقت تحنن يا (حتومة) .... أها خُم و صُر قعدت في شتايم و إستفزازات و تحقير للناس لمن بقيت براااااااك تقابض يمين و شمال ...... أها فتشوك طلعوك ما ناقش أبو النوم لا في كهرباء و لا فضاء و لا ترجمة و لا يحزنون ... قوم لف بلا فقر معاك .....
قال (موسوعة) قال ....
12-05-2018, 02:13 PM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
يعني ال 100 م.و. المزعومة دي بتكب في جدول كبير مع كل المحطات المربوطة بالشبكة القومية ( الجدول الكبير) بعد داك اي زول جنب الجدول دا يغرف سواء كان في دنقلا او في الحواته .
انت عارف انو ممكن وانت في جدة تستخدم كهرباء مولدة في دبي ؟ ولا ماعارف برضو؟
مشكلتك ليس في انك ما بتفهم ( حاشاك) بس بتحاول توري انك فاهم كل حاجة والكمال لله ياخ!
لكن نيالا ليست في الشبكة ناهيك عن كبكابية.
وأيوة عارف إنو في خطوط إمداد بين الدول حتى.
ما أظن دي معلومة بتتطلب جداول اللوغريثمات.
12-05-2018, 02:22 PM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: ابداسعر الميجاواط من المحطتات الحرارية في حدود مليون دولار.وتكلفة الوقود البتشتغل بيهو يساوي 70% من تكلفة التشغيل الكلية غير الكلفة البيئية لو كان ال مليون دولار بتعمل واحدد ميجاواط رياحي كان رصينا الدنيا كلها كهرباء بشبه البلاش. +++ جيب مرجعك حق الأسعار ان سعر الواحد ميجاواط بين(1 ---2) مليون دولار.
ثم انك قلت "الخزانات تفرق طبعاً، وشكلك مصر على الدغمسة"
تفرق كيف يعني ؟ اشرح
الكلام عن التوربينات الهوائية طبعاً بعدين هي الحكاية ما (رص) فالهواء رغم إنو مجان لكن ما بيهب بالمزاج مكان رغبتك ولا كيف؟
هاك دا المرجع، انتبه أنا قلت فوق سعر التوربين مش الميغاوات
الخزانات تفرق لأنو يا (باشمهندس) ما بيعملوا الخزان عشان المدينة بل العكس. وما بيعملوها لغرض التوليد عشان مدينة بل لكل الدولة، ولا كيف؟ فمقارنتك مع التوربينات الهوائية ما ليها معنى.
12-05-2018, 02:23 PM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
قلنا ليك لانو نيالا برة الشبكة عشان كدى التوليد معزول وقليل وضربنا ليك مثل بالمدن الكبيرة لما كانت قبل سنوات قليلة خارج الشبكة كانت قدراتها زي نيالا تاني نعمل لم شنو؟ بعدين شنو الخزان بيفرق من الهوائي ؟ دي شبكة ممكن تربط فيها محطة هوائية او محطة نووية ممكن تكون رابط فيها محطة ١٢٥٠ م.و. في مروي او ١٥ م و في سنار . الدخل نوع التوليد مع تلشبكات شنو؟ يعني فاكر انو لمان تقوم الميت م و دي بس حاتغذي دنقلا؟ والله نباهة
12-05-2018, 05:02 PM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11825
Quote: ابشرك ال 25 مليون دولار ما بتهمل خمسة ميجاواط بالمزارع الرياحية.
إذن الخمسة وعشرين مليون بتعمل أكتر من الخمسة ميغاوات بس أظنك بتحاول تدغمس، ولا كيف؟
وحتى لو في الحالة دي وطالما المبلغ صغير في نظرك، ليه ما يتم إنشاء التوربينات الهوائية دي في واحدة من ولايات دارفور المعزولة من الشبكة القومية؟
فمالم يكون عندك دوافع أخينا عاصم فاعتقد دا اقتراح منصف جداً والمبلغ بسيط مش؟ ولا رأيك شنو؟
وعشان ما تزعل فلو أنت شايف (كمهندس) إنو أفضل يتم استثمار المبلغ في شيء تاني رأيك شنو يتم إدخال ولايات دارفور في الشبكة القومية بالمبلغ دا؟ تبدأ التمديدات ومحل ما يكمل المبلغ يكمل.
12-06-2018, 05:35 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11825
Quote: لخزانات تفرق لأنو يا (باشمهندس) ما بيعملوا الخزان عشان المدينة بل العكس. وما بيعملوها لغرض التوليد عشان مدينة بل لكل الدولة، ولا كيف؟
بالله خلي الدغمسة وجاوب على سؤالي دا:
ماهي العلاقة بين انواع التوليد وشبكات النقل حتى تقول انو الخزانات بيعملوها لكل الدولة والهوائيات لمناطق محددة؟ شنو البيمنع قيام محطات رياح او محطات شمسية او نووية ان ترتبط كلها مع بعض؟؟ وريني وين قالوا ال 100 م.و. المزعومة لمدينة دنقلا ذات ال 250 الف نسمة واتي انبنت عليها كل مغالطاتك مع ان الخبر نفسه يتحدث عن كهربة المشاريع في مديريات النيل والشمالية والنيل الأزرق و سنار(ان لم تخنني الذاكرة).
يا حاتم انا ماجاري خلف انتصار "ديكي" على شخصكم انا زول باحث عن الحقايق وممكن اخد المعلومة المفيدة الموثقة من اي شخص وبتهمني التمنية في اي جزء من وطني
ثانيا: اتمني ان يتم ربط كل الوطن بالشبكات الكهربائية بما فيها منطقتي التي لاتوجد بها شبكة ولاتوليد معزول و لا توليد ( دايات) حتى. وبنتعالج عند البصير بالاعشاب لان" نقطة الغيار" لايوجد بها ممرض ! بل مازلنا نشتغل في منزلنا بالفانوس والبطاطير حتى امس .
12-06-2018, 06:58 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: ماهي العلاقة بين انواع التوليد وشبكات النقل حتى تقول انو الخزانات بيعملوها لكل الدولة والهوائيات لمناطق محددة؟ شنو البيمنع قيام محطات رياح او محطات شمسية
ببساطة لأنك يا شيخ قررت تعمل مقارنة فاسدة بين التوربينات الهوائية والخزانات من ناحية (الاستثمار) وليس التطبيق وقعدت تعدد لي بأنو (في فهمي أنا) خزان الرصيرص معمول لكهربة الرصيرص وخزان مروي معمول لمدينة مروي ودا كلام فارغ طبعاً، لأنو كلنا بيعرف إنو دي مشاريع قومية لتزويد الشبكة القومية لكل السودانيين فمافي وجه للمقارنة بأسلوبك دا، مجرد تطويل للكلام في المعلوم بالضرورة وتهرب من استحقاق النقاش الواضح جداً من صفحته الأولى.
التوربينات الهوائية استثمار محلي لبدائل طاقة، الهواء ما متوفر طول أيام السنة بذات الشدة والتوربينات ممكن تخدم بيوت مفردة حسب أنواعها لذلك لما يتم (حصر) مشروع توربينات هوائية شمال خط 17.5 فدا ما بيدي أي انطباع غير أنها مخصصة لمدينة محددة وإلا فكل الريف السوداني مؤهل لاستخدام التوربينات حتى ولو تنير شوارع القرى أو توظف لمضخات الآبار عشان تسهل حياة الناس هناك ولا رأيك شنو؟
Quote: يا حاتم انا ماجاري خلف انتصار "ديكي" على شخصكم انا زول باحث عن الحقايق وممكن اخد المعلومة المفيدة الموثقة من اي شخص وبتهمني التمنية في اي جزء من وطني
طيب كويس نشوف يلا أديني رأيك في مقترحي البسيط والواضح جداً 1- إنارة أي واحدة من حواضر دارفور بذات التوربينات الهوائية المخصصة لغرب دنقلا، فدنقلا داخلة في الشبكة أصلاً 2- استثمار المبلغ 25 مليون دولار في مد الشبكة القومية تجاه دارفور لأقصى نقطة ممكنة حسب المبلغ
رأيك شنو بصراحة؟
Quote: بل مازلنا نشتغل في منزلنا بالفانوس والبطاطير حتى امس .
يا راجل قول كلام تاني.
Quote: ثانيا: اتمني ان يتم ربط كل الوطن بالشبكات الكهربائية بما فيها منطقتي التي لاتوجد بها شبكة ولاتوليد معزول و لا توليد ( دايات) حتى.
مصدقك أنا لغاية الآن بس لما تحاول تبخس لي من المبلغ المخصص للتوربينات الهوائية بأنه ما بيكفي لخمسة ميغاوات فدا بيقلل من مصداقيتك كتير، رأيك شنو تحول الميزانية دي حتى لو كانت ما بتكفي لخمسة ميغاوات إلى نيالا أو الفاشر أو الجنينة مثلاً؟
وطبعاً حتى الآن ما سمعت منك أي إفادة بخصوص الطريقة الاستخدمها عاصم برسم الخط 17.5 أرجو الإفادة ولو تلميحاً.
12-06-2018, 07:22 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11825
Quote: 1- إنارة أي واحدة من حواضر دارفور بذات التوربينات الهوائية المخصصة لغرب دنقلا، فدنقلا داخلة في الشبكة أصلاً 2- استثمار المبلغ 25 مليون دولار في مد الشبكة القومية تجاه دارفور لأقصى نقطة ممكنة حسب المبلغ
1/وليه دارفور؟ ليه ما كردفان ولا البحر الأحمر ؟ المهم الدراسة اتعملت على اي اسس لو عندك تفاصيل اعطينا ما يكون خبر بتاع كيزان في هيجة هتافية. 2/ طبعا لا اوافق على اهدار اموال في مشروع ما معروف هدفو شنو ؟ وحايصل وين ؟ ومتين؟ اذا في تجمع سكاني في دارفور او غيرها نستطيع ان نمد له الشبكة القومية في حدود 25 مليون ما المانع؟ لكن نمدد لينا اسلاك ساكت في الخلاء بدون (end point ) مافي عاقل بيعملها. ------------------------------------------------------------------------
"ذكرتني ونحن طلبة كنا في الحلة الجديدة ومعي صاحبي اسامة عبد الجبار وكانت بعد الثانية عشرة ليلا ولدينا جنيه واحد . وقفنا بتاع تاكسي قلنا ليه ماشين البركس وعندنا جنيه .توصلنا محل ما يكمل الجنيه تنزلنا."
اها دا فرقو شنو من مقترحك العجيب دا.
بخصوص الفانوس طلبت مني اقول كلام غير دا. " اقسم لك بالله العظيم انو بيتنا مافيهو كهرباء وشغالين بالفانوس والبطاريات التورش" ونشرب كمان من نهر النيل مباشرة بدون اي تدخلات تنقية او معالجة الا بواسطة "بدرة الفول السوداني" او " الدرابة"
12-06-2018, 07:50 AM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
دي مداخلة لي في صفحة ٦ ،،،، أول ما بدينا نعلم ونعالج (ضعفه الواضح و الصريح في الكهربا) والكضب ... دا يا ود الشيخ اسمو حوار الطرشان ... لا أشك ولو للحظة أنه يهدف لحلول قضية ما ... إنها التكتيك والدوران حول نفسه ... _________________________________
Quote: لغاية سنة 2008 كل مدينة نيالا حاضرة جنوب دارفور تستهلك تمانية برميل جازولين في اليوم لتوليد الكهرباء!
كضاب ... كضاب ... كضاب ...
Quote: دي تقريبا نفس الكمية الممكن يستهلكها مولد لمبنى كبير زي برج الواحة أو برج الاتصالات في الصيف.
زي كلامك دا تتونس بيهو مع السعاليك البدقو أكياس في أطراف السوق ... تعودت ترمي الكذبه في الجبانه الهايصه دي وتصدقا وكمان يصفقو ليك ... سنة ١٩٨٠ نيالا كان فيها ٩ ميقاوات ديزل جنريتر ... اليوم توليد الكهرباء في نيالا اكتر من ٣٥ ميقاوات توليد حراري ٢٥ منها كوميشند في ٢٠١٧ .... و٢٠ ميقاوات توليد من الرياح تحت التشيد _______________________________________ هسع في داعي للمنتشه التحت دي :-
Quote: 1- إنارة أي واحدة من حواضر دارفور بذات التوربينات الهوائية المخصصة لغرب دنقلا، فدنقلا داخلة في الشبكة أصلاً
Quote: بس لما تحاول تبخس لي من المبلغ المخصص للتوربينات الهوائية بأنه ما بيكفي لخمسة ميغاوات فدا بيقلل من مصداقيتك كتير، رأيك شنو تحول الميزانية دي حتى لو كانت ما بتكفي لخمسة ميغاوات إلى نيالا أو الفاشر أو الجنينة مثلاً؟
جاييييك اقضفك شتيمتك الفوق دي
12-06-2018, 07:06 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: لكن مادايرين يفتحو عين الناس لحاجات زى دى عشان مايكون فى نقله نوعيه فى حياتهم بسبب القصه دى (كمويه متوفره باقل مجهود ليهم ولى بهايمهم بدل من ضياع اليوم للمواطن فى انتظار الدور او الضخ اليدوى لسقايه بهايمو)
معقولة ياخي الحقد يصل للدرجة دي.
12-06-2018, 07:13 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: قبل كم سنه فى تشاد والصينيين شغالين بترول ومجالات تانيه يعنى مستفيدين من البلد .قالو يعملو مشاريع ابار لحل مشكله العطش . عملو شنو ؟ فى كل قريه من القرى الى اتبرعو بحل مشكلتها عملو مضخه يد بدائيه (المعروفه للجميع من عشرات السنين) وحوض اسمنت. كان غالبهم ييتبرعو بمضخات طاقه شمسيه توفر مجهود وزمن سحب المياه من البير . لكن مادايرين يفتحو عين الناس لحاجات زى دى عشان مايكون فى نقله نوعيه فى حياتهم بسبب القصه دى (كمويه متوفره باقل مجهود ليهم ولى بهايمهم بدل من ضياع اليوم للمواطن فى انتظار الدور او الضخ اليدوى لسقايه بهايمو) Re: 17 ونص!Re: 17 ونص!
والصيني في (تشاد) بالتأكيد دا ما قصده ولا دي غاياته. هم الصيني القرش في المقام الأول، يعني نظرته اقتصادية وما عايز تكاليف تشغيل فوق لتكلفة شراء المضخات وحفر الآبار.
يبقى صاحب المقترح التاني يفيدنا أي مصلحة تعود على (تشاد) من (تعمد) الإبقاء على نوعية الحياة لجزء من المواطنين؟
___ لمصلحة من؟
12-06-2018, 08:36 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
لأنو دارفور خارج الشبكة. ومد الشبكة لأبعد نقطة ما معناها نقطة في الخلاء بطل استهبال. الغريبة بتقول (هدر) لما الموضوع بقى عن دارفور وكمان انعدم الهدف هههههه.
اختشي بالله يا شيخ.
____ إذن ياها عقلية الصيني ابن الصيني.
12-06-2018, 08:43 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
Quote: وطوالي يتم تركيب طقم التشويه. حاتم كوز هههههه.
ديل خمسة أنفار لحد الآن شغالين بمكنة واحدة. مكنة رخيسة جدا.
وين انا قلت حاتم كوز ان كان الكلام موجه لشخصي؟
انا قلت رأي وصاحب العقل يميز وما ضروري انت تقتنع. ثم شنو كلمة رخيس وما رخيس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ثق تماما حتى الآن انا بلعب معاك(Fair Play)
12-06-2018, 08:53 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: 1/وليه دارفور؟ ليه ما كردفان ولا البحر الأحمر ؟ المهم الدراسة اتعملت على اي اسس لو عندك تفاصيل اعطينا ما يكون خبر بتاع كيزان في هيجة هتافية.
لا أبدا يا شيخ ما fair play فأول مداخلة ليك كانت عنصرية بائنة! شفت كيف!
فمافي أي سبب يخليك تقحم الكيزان هنا يا شيخ لولا المكنة إياها المدورة اليومين ديل.
ثم هي ما دراسة! هو مجرد مقترح، التوربينات المخصصة لغرب دنقلا تتركب في أي منطقة في دارفور يتوفر فيها الحد الأدنى لتشغيلها. وطبعا في (هدف) يا شيخ ومافي (هدر) هنا ولا كيف؟ رأيك شنو؟
ولما أقول مد الشبكة يعني تبداها من أقرب نقطة وتمر بكل التجمعات السكانية أ ب ج إلخ ومحل ما ينقطع المبلغ ينقطع. ولا دا يعتبر عندك (هدر) ومافي (هدف) هنا حسب انزعاجك البائن؟
تغير نمط حياة المواطنين هناك ما هدف؟ ليه الحقد المتأصل دا يا شيخ؟
___ الهندسة دا غرضها.
12-06-2018, 09:27 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
هههههه منفعل مالك يا شيخ؟ نحنا بنتناقش في الهم الوطني وأنا قدمت مقترحين قوميين لزيادة اللحمة الوطنية فما تنفر! أمة جنوب الخط برضها تستاهل توربينات هواء عشان آدم وأبكر يلقوا لمبة يذاكروا بيها. وما أظن عندك مانع إنو كلتومة وحواء يلقوا الموية سهلة من البير بالموتور مش المضخة البتهد الحيل. خلي عندك مروءة لأخواتنا هناك في الوطن يا شيخ.
عارف، مفردة (جعبتك) ذكرتني فقيه الغازات لما قدمت ليهو مقترحات يتعلم منها.
____ ويبدو إنو الأقنعة بدأت تسقط والتعري حيكون هندسي.
كان ماشي كويس، حسابات ومعلومات عامة وتبريرات ساذجة.
أول ما اقترحنا تقاسم الطاقة قعد يكورك
Quote: 2/ طبعا لا اوافق على اهدار اموال في مشروع ما معروف هدفو شنو ؟ وحايصل وين ؟ ومتين؟
قال (ما معروف هدفو شنو) و(حيصل وين) و(متين)
ما يفهم من كلامه بالدغري كدة (أخير ليهم المضخات اليدوية.)
يلا وريني يا شيخ الهرجة بتاعتك الفوق دي مغزاها شنو غير الفقرة التحت دي؟
Quote: لكن مادايرين يفتحو عين الناس لحاجات زى دى عشان مايكون فى نقله نوعيه فى حياتهم بسبب القصه دى (كمويه متوفره باقل مجهود ليهم ولى بهايمهم بدل من ضياع اليوم للمواطن فى انتظار الدور او الضخ اليدوى لسقايه بهايمو)
___ ديل المتعلمين، شفتو وصلنا وين!
12-06-2018, 10:41 AM
Frankly
Frankly
تاريخ التسجيل: 02-05-2002
مجموع المشاركات: 35211
طيب لو حريص على الحقيقة ممكن تمشي براك او ترسل زول والوصف كالآتي:
تركب من بلدك وتنزل عطبرة. تقول عايز مواصلات مشرع الباوقة تنزل في المشرع وحاتلقى البنطون خربان قبل اسبوعين ومشوا يجيبوا ليهو "حديدة" من الخرطوم. تقوم تركب المراكب وتعدي بالغرب تقول ماشي " العمارة" تلقى البرينسات تحت للنسوان وفوق للرجال (السطوح) تنزل العمارة تقول دار امشي ناس "محمد الأمين موسى" بركبوك في برينسة تانية وبرضو في التندة وتصل بيتنا بالسلامة.
مافي طريقة غير دي لانو ماممكن اخم " فتوار" اجيبها ليك هنا في االبورد 0.
البرينسة: وسيلة مواصلات موديل 1978م ( طبعن بعد ميلاد السيد المسيح)
12-06-2018, 11:50 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11825
# إستباحة جرقاس# ود الشيخ هنا رمي قشر التسالي للدباسه ...
Quote: التوربينات هي اصل الموضوع يا عالم انت. الطاقة الشمسية لو ما انتجوها من التوربينات ما بكون عندها فايدة وبتاعت الواحك دي للمهام الصغيرة بتاعت ٢٠٠ كيلوات وكدى يعني لمان خشينا بنتكلم عن مشاريع بميات الملايين نقصد التوربينات دي ذاتها
الدباسه هنا هللت وادردقت واتوكحت بي هباله وغشامه يحسدا عليها خروف العيد ... التوربين زي الترانسفورمر والترانسفورمر هو الإنفيرتر ... خخخخخخخخيبتك والمشكلة كلها في الأساسيات ... قنا جبانه هايصا لأنك مرجعها وأساسيها وكضابها الأوحد ... 😆😆😆😆😆
Quote: هللويا! كيف يعني ينتجوا الطاقة الشمسية من التوربينات؟ يابني التوربين مجرد محول طاقة زي الترانسفورمر بتاعك واحد. يعني ما بينتج طاقة شمسية ولا سماوية.
يبدو لي مشكلتك في الأساسيات زي الباقين.
____ غايتو من مصطلحاتك دي ياكا الاتكرتنت معاي ههههه انت بقيت مهندس كيف؟!!
أنا هنا زعلتا من ود الشيخ لأنو المفروض أهبل زي دا في الأول يدقا في جعبته (ليس كما قصدتها يا ود الشيخ بضم الجيم ولكن كما قصدها هو بفهمه الوسخ) بعدين يفهموهو ... وإن راعيت لبروفه ...
Quote:
Quote: كيف يعني ينتجوا الطاقة الشمسية من التوربينات؟
في المزارع الشمسية التي تعمل بالتوربينات يتم تسخين كميات ضخمة من المياه في غلايات بواسطة مرايات عاكسة بكميات ضخمة ينتج من ذلك بخار بضغط وحرارة مرتفعين يىتم ادخاله لماكينة ذات ريش اسمها التوربين تحول الضغط والحرارة لطاقة ميكانيكية ويلحق بالتوربين آله اخرى تسمى المولد تحول الطاقة الميكانيكية لطاقة كهربائية تذهب الطاقة الكهربائية ذات الضغط المنخفض لمعدة اخرى تسمى المحول ليرفع الضغط ويسهل نقله لاماكن بعيدة بقليل من الفقد. او تعمل التوربينات بتيارات هوائية توضع اسفل مداخن طويلة يتم تسخين اسفلها بالطاقة الشمسية لخلق فرق ضغط كبير بين اسفلها واعلاها ليمر التيار الهوائي القوي ويدير التوربين الذي يدير المولد الذي ينتج الكهرباء.
في الحالتين اعلاه تقاس الكمية بمئات الآلاف من الكيلوات بينما في الخلايا الشمسية تقاس بعشرا الكيلوات بس قلنا توربينات تعمل بالطاقة الشمسية عشان نقرب المعني للناس الما متخصصين
هنا بعد ما كان جاري ورا سندوتش الهامبورقر بقي زي شفع محطة ود بانقا يفتشلو في حتة رغيفة ...
Quote: أها وبالليل بيعكسوا شنوا عشان تتولد حرارة تنتج البخار؟
هنا قبل ما يدوهو حتة الرغيفة يستاهل كبيعتين تلاته في فاخورتو الفاضيه دي ... ههههههههههه
Quote: بيعملوا shut down او بكون هناك fired boilers او يتم تخزين الحرارة لإنتاج الطاقة أثناء الظروف الجوية الغائمة وخلال الليل، في الغالب بواسطة صهريج تخزين تحت الأرض من السوائل الساخنة. وقد استخدمت الأملاح المنصهرة للحصول على تأثير جيد. عشان كدى قلنا تكلفتها عااااااالية
# إستباحة جرقاس# يتبع .......
12-07-2018, 09:43 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11825
Quote: 2/ طبعا لا اوافق على اهدار اموال في مشروع ما معروف هدفو شنو ؟ وحايصل وين ؟ ومتين؟
نتيجته شنو غير دا؟
Quote: لكن مادايرين يفتحو عين الناس لحاجات زى دى عشان مايكون فى نقله نوعيه فى حياتهم بسبب القصه دى (كمويه متوفره باقل مجهود ليهم ولى بهايمهم بدل من ضياع اليوم للمواطن فى انتظار الدور او الضخ اليدوى لسقايه بهايمو)
12-07-2018, 11:35 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11825
اكدي بالله رد على دعوتي لك لزيارة فتوارة اصالة او من ينوب ماتقعد تنطط بين المداخلات . خلينا انجض لك انو نحن اولاد محمد الامين ودموسى ديل لم تصلنا الكهرباء ونحن في العام ٢٠١٨ بعد ميلاد يسوع لان لمان اثبت لك دا بتكون الاجابة على اسئلتك واضحة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة