هههههههها، بريمة الملحاح!! تاني ما برجع ليك هنا.. بتا بتا.. يا ول أبا عليك الله اعتبر البوست دا كنوع من المجاز الأدبي والمقاربة الاجتماعية.. كناية ربما أو حتى كنوع من النكاية.. يكون أحسن.. وسيب الناس (تتقالد) ياخي..
Quote: متي كان الشعب السوداني يمارس الرومانسية علي الهواء الطلق؟
كويس انك رجعتنا إلى الرومانسية.. إجابة السؤال هي: منذ أن توفرت الوسائط والمنابر والواقع الاجتماعي الجديد... هههههها. زمان كانوا (فتيانا وفتيات) يمارسون الرومانسية حينما يتوفر (الجو).. بالرسائل المعطرة والأغاني وبالمناديل والطواقي المطرزة وبمجرد الغرودة أو بالشبال. وكمان بحلاوة القرطاس الفي الخشم تنماص يا أندريا! هل تتخيلنا شعبا بلا مشاعر أم ماذا بك يا رجل؟ اسمع يا أخا جهينة، ألم تأتك جهينة بالخبر اليقين؟ إنو الأمور والأحوال المتعلقة بالشباب السوداني تتغير بمتوالية هندسية. وأن المرأة كما الرجال السودانيين وأسرع، تتفاعل وتنفعل بالعالم حولها.. وستعبر عن ذلك بالصوت العالي. وكل قضاياها وأحلامها وكتاباتها ومشاعرها أيضا، فستطرح وستناقش في وعلى الهواء الطلق.. بل وحتى أمام (رئيس هيئة علماء السودان) شخصيا!! غايتو تاني إلا يقفلوا مدارس البنات ويمنعوا التلفزيونات ويقطعوا النت عن الفتيات بالذات ويحاكموا بابكر بدري بقانون النظام العام ووووو!
بالمناسبة دي، تتذكر بوستك عن (ترجمة).. We hold these truths to be self-evident,X" that all men are created equal,X that they are endowed by their Creator with certain unalienable Rights,X that among these are Life, Liberty and the pursuit of Happiness.”X Isn't it self-evident that; Equality, Liberty and pursuit of Happiness,X are steadily becoming a universal Sudanese credo, too؟X استعد يا زول.. وجهز واطاتك لتتحمل الجاياك من السما عبر الأسافير. وطبعا لغاية ما نتفق على معنى واحد لأي حاجة وهيهات، فكل زول/زولة عندو تفسير لحكاية (مساسكة السعادة) دي ههههههها.. بوستك داك كان مفروض يمشي في الاتجاه البتناقش فيهو هسع دي هنا.. إلا انو للأسف قد ضاع في الترجمة:) أسمع يا خوي، تاني أرجع للبوست داك وخلي حساب الأعمار للخالق.. ثم خلينا نتأمل في المراوحات الرومانسية المحدثة ما بين الدوبيت وإد شريدان .. أو بالعدم نستمتع بغناء طرير الشباب لأنشودة الجن.. الكلكي.. وهاك شوف ليك جنس التنويع والرمنسة في تعبيرات الشباب والشابات على الهواء (السوداني) الطلق.. أو بالعدم.. هاك استمتع بالوتر دا (الخماسي)..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة