|
|
|
 Re: البشير يتعهد بإنقاذ الجنوب (Re: عبدالحفيظ ابوسن)
|
سلفاكير الوحيد تشعر بيهو واطي الجمرة وأنه زول صادق مع نفسه لما قال: خمسة نواب وبرلمانين ووووو ديل بلقي ليهم عربات وميزانية من ويين!!
برضو سلفا تجاهل مصافحة مشار له لما وقفوا الناس بعد إنتهاء التوقيع لكن الكمرا زاغت من المشهد وبرضو المعلق حاول يلطف الجو ببعض الكلمات الدرامية!
أنا قايتوا حاسي هذا الإتفاق ما ح يصير منه وذلك لعدة أسباب منها ما هو متعلق بنوعية الوساطة والآخر متعلق بالقادة الجنوبين نفسهم!
الوساطة ماجادة وتشعر أنها مدفورة من جهات خارجية والجنوبين مامتفقين حتي في أولوياتهم الملحة!
كل الشغلانة بهيلمانتها موجهة لعناية الإمريكان بدليل إختيار توقيت التوقيع ولقراءة بنودها بالإنجليزية من قبل وزير خارجية الخرطوم!
| |
  
|
|
|
|
|
|
|
|
Re: البشير يتعهد بإنقاذ الجنوب (Re: عبدالحفيظ ابوسن)
|
حبيبنا أبوسن .. تحياتي ..
عمر البشير بالغ في خطابه أمس ( الانهيار الاقتصادي في الجنوب وأن الجنوب به موارد طبيعية وأنه سوف يقف معهم لإزدهار الجنوب) وكأننا نحن اليابان
والمؤسف أن الخطاب كان موغل في العامية وعدم الجدية والمزاح ولا أعرف كيف تمكن المترجم من نقل الخطاب إلى الضيوف
كيف يلقي الرئيس مثل هذا الخطاب في إجتماع تم رصده إعلامياً من قنوات كثيرة وبحضور سفراء ومنظمات دولية ورؤساء ..
من المفترض ان الخطاب مكتوب ومترجم لعدة لغات لتوزيعه على وكالات الانباء لتوثيق الحدث .
أجزم أن بعض الحضور من الدول العربية أيضاً لم يفهوا هذه اللغة الموغلة في العامة مثال إتفاقية ( ألف تزعمية تلاتة وتزعين 1993)
كانت فرصة للبشير أن يقدم الوطن للعالم في تلك السانحة التي لن تكرر بخطاب مكتوب ومنسق ومترجم بلغات مختلفة لأن الموقف ليس
خطاب حماسي للجماهير في الداخل ولكن خطاب له بعد أفريقي وعالمي ولا مجال للارتجال ..
وقد أخطأ أيضاً عندما تولى موقف الناصح والاسباب معروفة ..
والمصيبة في نهاية الخطاب والجلسة تم تشغيل أغنية نور الجيلاني ( يلا سافر جوبا ) وكأننا في حفل زواج مما أذهب هيبة الموقف
وجديته ..
أليس للرئيس مستشارين إعلاميين ..
مع التحية حبيبنا ابوسن ..
| |
|
|
|
|
|
|
|
|
|
Re: البشير يتعهد بإنقاذ الجنوب (Re: عبدالله عثمان)
|
الكلام ده بدري شوية .. قالوا في اعمامك عملوا رحلة صغيرة في شمبات الزراعة وشالوا معاهم خضارهم ولحمتهم في قفة وجابوا العرقي .. شبعوا وسكروا 😇
اها لمن بقو مارقين راجعين الحلة .. في واحد منهم منتهي شديد يقع ويقوم .. تعبهم تعب شديد يتكلوا فيهو ويسندوهو لغاية ما فتروا ..
قاموا ختو الزول ده في القفة الجابو فيها الخضار واللحمة وكل نفرين يشيلو شوية 😂
واثناء ما هم ماشين .. ظهر قدامهم واحد سكران يترتح يمين شمال 😇
قام الزول الشايلنو في القفة قال للزول البترتح ده ( انت وقت ما قادر عليهو .. بتشرب مالك ؟) 😂😅😂😂😂
# كسرة : واحدة من اهدافنا انو ننقذ اقتصاد جنوب السودان لأنو وصل مرحلة الانهيار😒
| |
|
|
|
|
|
|
|
|
|
Re: البشير يتعهد بإنقاذ الجنوب (Re: عبداللطيف حسن علي)
|
قربت اجمعا فاضية الليلة برضو .. بس الموضوع اتطور شديد والحالة بقت حرجة
تصورو يا شباب قريت الليلة في الشرق الاوسط انو الحكومة السودانية تعرض 3 مناطق صناعية في بحري والجيلي والسبلوقة للمستثمرين .. لحد هنا اوكي متعودين على البروباغاندا الوسخة بتاعتهم دي .. اهاااا المناطق دي عضم النشاط بتاعا حيكون الصناعات التحويلية والغذائية .. !!
تصورو الغيبوبة وصلت وين ؟
قال صناعات تحويلية وغذائية وهم لا بنزين ، لا جازولين ، لا كهربا ، وبالتالي لا زراعة من الاساس وعايزين يصنعو ومرسلين الموضوع لجريدة اقليمية او دولية !
الناس ما لاقية طماطم ، ما لاقية عيش حاف ، ندرة وغلاء الاتنين مع بعض
نحن ما قادرين ننتج غذائنا لاكين عايزين نصنع .. بختنا يا ابسن قالو حتخلق 40 الف وظيفة ..
| |
|
|
|
|
|
|
|
|
|
Re: البشير يتعهد بإنقاذ الجنوب (Re: Abdlaziz Eisa)
|
تعرف يا عزيز المثل دة لامن سمعتو من الصادق يستشهد بيهو اتعجبت
صحي هو بثقافة سودانية بدائية متخلفة صحيح
وود الغلفا نبذة سودانية
لكن لامن تعاين ليهو تلقا الغلفا افضل من المطهرة بما لا يقاس لضرر الطهارة
دي تعريجة ساي يا عزيز مني
لكن صحي معقولا انت مش غرقان لكن قاعد تغرق في الناس وانت في البر ومرتاح .. البناديك عشان تمرقو الا يبقا داير الغرق بس
| |
|
|
|
|
|
|
|
|
|
Re: البشير يتعهد بإنقاذ الجنوب (Re: عبدالحفيظ ابوسن)
|
Quote: تعرف يا عزيز المثل دة لامن سمعتو من الصادق يستشهد بيهو اتعجبت
صحي هو بثقافة سودانية بدائية متخلفة صحيح
وود الغلفا نبذة سودانية
لكن لامن تعاين ليهو تلقا الغلفا افضل من المطهرة بما لا يقاس لضرر الطهارة
دي تعريجة ساي يا عزيز مني
لكن صحي معقولا انت مش غرقان لكن قاعد تغرق في الناس وانت في البر ومرتاح .. البناديك عشان تمرقو الا يبقا داير الغرق بس |
في أيام الصغر كنا بنسمع لهذا المثل من بعض شيوخ وشيخات الحي..
ووقتها كان ختان الاناث ساريا وربما حتى الآن في بعض جخانين الوطن..
المثل ده يا أخي ابوسن فعلا قديم وبتاع ثقافة شبه اندثرت..
وأذكر الفنان عمر دفع الله كانت له كاريكاتيرا بنفس المعني قبل عدة سنوات وبهذا المنبر..
والمعني ماشيا حيا في أحداث السودان..
فهو اي بشة يعقد مؤتمر مصالحة لدولة جنوب السودان والاحتراب مدور في السودان..
وقد يسمع من بقاعدة الصداقة أزيز طائرة منطلقة لترمي القنابل في جبال النوبة أو النيل الأزرق..
مصيبتنا أن هذا الجاهل لا يستحي من شر أعماله وأقواله
تحياتي
| |
|
|
|
|
|
|
|
|
|
Re: البشير يتعهد بإنقاذ الجنوب (Re: عبدالحفيظ ابوسن)
|
Quote:
يا عزيز أوليس فيهم رجل رشيد عاقل يحترم عقول الاخرين؟
وما يبقي مسخرة؟
|
في اعتقادي أن أي زول عنده عقل يستحيل ينضم للتنظيم الوسخ الاسمه الحركة الاسلامية..
فلا تستغرب من عمايلهم يا ابوسن
انهم شياطين ليس إلا
| |
|
|
|
|
|
|
| |
عبدالحفيظ ابوسن
محمد علي البصير
علي دفع الله
Mohamed Adam
Abdullah Idrees
محمد أبوالعزائم أبوالريش
محمد على طه الملك
علي عبدالوهاب عثمان
Deng
عبدالله عثمان
عبداللطيف حسن علي
Abdlaziz Eisa
فيس بوك
تويتر
انستقرام
يوتيوب
بنتيريست