ومتين نحن نحصل مرحلة تدخل المطار بدون ما تقابل سكيوريتي ولا موظفين خطوط طيران وتدخل جواز السفر في ماكينة وتستلم البوردينق باس وما تقابل ناس السكيوريتي إلا وانت داخل البوابات البتوصلك الطائرة مباشرة... وكل سنة وانتو طيبين وسالمين ولامين ...
06-06-2018, 03:59 AM
Elhadi
Elhadi
تاريخ التسجيل: 01-06-2003
مجموع المشاركات: 9585
هل كشفت حادثة الأخ بشارة حسن وتعرضه عن تعذيب في إحدى الغرف المظلمة والملحقة بالمطار، والفيديو الذي تم بثه من قبل (جهة ما) ، لكاميرات المراقبة في مدخل صالة المغادرة
والذي يوضح اقتياد الأخ بشارة حسن جميل لمكان خارج الصالة التي وقعت فيها الملاسنة الأولية، حيث تم بعدها الاعتداء عليه وضربه وصعقه بالكهرباء
عن وجود ما يعرف بـ (غرف الأشباح) داخل مطار الخرطوم، ومجهزة بكامل أدوات التعذيب ؟؟
06-06-2018, 05:00 AM
Elhadi
Elhadi
تاريخ التسجيل: 01-06-2003
مجموع المشاركات: 9585
وهل إجابة السؤال الأخير ده، هو ما جعلهم يسارعون إلى لململة الحادثة وإدانة الـ ( التيم العامل) بالقول أن ما جرى مرفوض جملة وتفصيلاً ـ على لسان المصدر الرفيع لجريدة السوداني
خصوصاً وأن المعتدى عليه من حملة الجوازات الغربية
06-06-2018, 05:11 AM
Elhadi
Elhadi
تاريخ التسجيل: 01-06-2003
مجموع المشاركات: 9585
Quote: وهل قامت السفارة الامريكية بإجراء ما يلزم للكشف عن طبيعة المكان الذي اقتيد إليه المواطن الأمريكي وفيه تم ضربه وتعذيبه
لو كان العكس مواطن سوداني من اصل امريكي حصل ليه نفس الحصل في امريكا...ما هي صلاحيات سفارة السودان في اميركا الكشف عن مكان تعذيب الامريكي السوداني الجنسية
06-06-2018, 05:42 AM
علاء سيداحمد
علاء سيداحمد
تاريخ التسجيل: 03-28-2013
مجموع المشاركات: 17162
ما هي طبيعة هذا المكان المظلم والمعتم الضوء والذي يشبه (القبو) أو (كراج ) السيارات، والذي اقتيد إليه الأخ المعتدى عليه بشارة حسن من مدخل صالة المغادرة بمطار الخرطوم وفيه تم تعذيبه وضربه وإهانته ؟؟
وتلك المشاهد المؤذية والمؤلمة والتي شاهدناها جميعاً، لرجل كل جريرته أن أوقعه حظه العاثر في المرور من هذا المكان (المفترض أنه صالة مغادرة في مطار مدني) في سبيل العودة إلى مقر عمله
ما اظن مشكلتنا يا بسمات وجود سيكيورتي في المطار بل بالعكس مهم وجوده لحفظ الأمن و النظام حتى بين افراد الجمهور المهم ان يعي هذا السيكيوريتي دوره وحدوده وواجباته و يتلقى التأهيل و التدريب الكافي و أنه موظف خدمي يقدم خدمه يدفعها هذا الجمهور في النهاية لكن الأهم من ذلك أن ندرك نحن المواطنين حقوقنا وأن لا نتنازل عنها و ان نفهم أن القانون يحفظ لك حقك كرامتك ولا يسمح باهانتك او ضربك او ادانتك دون محاكمة
06-06-2018, 08:27 AM
Deng
Deng
تاريخ التسجيل: 11-28-2002
مجموع المشاركات: 52545
Quote: لو كان العكس مواطن سوداني من اصل امريكي حصل ليه نفس الحصل في امريكا...ما هي صلاحيات سفارة السودان في اميركا الكشف عن مكان تعذيب الامريكي السوداني الجنسية
عمر نملة.
لن يحتاج الى أي نوع من المساعدة من السفارة السودانية، لأن أمريكا بها منظمات مجتمع مدني ونظام قضائي وتشريعي هو كفيل بحماية ذلك المواطن بغض النظر عن الجنسية التي يحملها. طالما أن ذلك الشخص موجود داخل الاراضي الامريكية فهو يكون خاضع للقوانين المحلية وفي نفس الوقت محمي بالدستور الامريكي.
بعدين السفارات السودانية في الخارج لو كان بتساعد لكانت ساعدت لكانت ساعدت عدد كبير من السودانين المسجنونين في بعض الدول العربية من دون محاكمات.
ويجب أن لا ننسى أن السفارات السودانية في بعض الدول هي التي بكتابة تقارير عن مواطنيها و تقوم بتلفيق تهم عليهم وتبلغ عنهم وبيتم ترحيلهم للسودان وإداعهم السجون وتعذيبهم.
06-06-2018, 08:40 AM
Hani Arabi Mohamed
Hani Arabi Mohamed
تاريخ التسجيل: 06-25-2005
مجموع المشاركات: 3515
وسلام محمد حيدر الموضوع ومافيه يادكتور والظاهر عيانا بيانا انه هذا المتأمرك قام باستفزاز الموظف ورفض الانصياع لاوامره لشيء في نفسه ولا كان الموضوع وبكل بساطه انتهي في وقته. لكن زولك وزيما قلت ليك ناويها من بره وعوج ليهم اللسان الامريكي حتي حركتو ماكانت طبيعية واولما اخد ليهو بلنجتين تلاته لسانو اتعدل وقام جري لي ناس الراكوبه هو يكضب وهم يدو كضبتو كوزين تلاته مافي زول مع الضرب واهدار كرامه اي انسان. لكن زي المتأمرك ده ياخد علي راسو عشان تاني لمن يدخل السودان البقت مابلدو يحترم نفسو.
اخونا سيف النصر ان شاءالله يجي اليوم الكلنا نشوت فيهو علي نفس الاتجاه. تحاولون عبثا وفي كل مره توريط حكومة السجم دي. وزولكم ده خلي يمشي يعمل حركتو دي ويصارع ايوها رجل امن في ايوها مطار شوف حيعملو فيهو شنو.
رجال الامن الامريكان نفسهم وفي مطاراتهم بيضربو ويستفزو ويشتمو ويشلتو ولاتفه الاسباب ويمتهنو ويهدرو كرامة الانسان وفي ابشع صور للتمييز. زمان كان في المطارات هسع يمسكوك في شارع الله ده يبطحوك ويمرمطو بيك الواطه ويهينوك وبالقانون خلوها علي الله بس وماتعملو من الحبه قبه ومن حامل جواز امريكي بطل قومي
06-06-2018, 10:27 AM
Deng
Deng
تاريخ التسجيل: 11-28-2002
مجموع المشاركات: 52545
شايف محمد حيدر وسيف حاولو يتعاملو مع كلامك الفارغ ده بحسن نية شديدة، ولكنك مصر إصرار غريب في أن تكتب كل حقدك هذا على الذين لهم جنسيات أوربية أو أمريكية . أنت عقدتك براها. ولا تحاول أن تستغل هذه الحادثة لكي تفرغ ما في جوفك من حقد.
الحادثة دي كشفت عن مدي الضرر الذي تسببت فيه الانقاذ علي مدى 30 عاما من التدمير الممنهج للشخصية السودانية وضرب العصب الحي للمجتمع.. كيف لضحايا القهر و التعذيب ان يكونوا في نفس خندق المجرمين ـــــــــــــــــ *باختصار و المفترض انو الفرق بين الفرد الملكي و اللابس كاكي هو ضبط النفس امام اي استفزاز يعني ممكن أسب بوليس يقوم يسوقني يفتح بلاغ ضدي لانو عارف القانون و عندو آلية تنفيذه.. الملكي لو سبيتو ممكن يديني بونية طوالي علي حسب درجة تحملو و دا الفرق..
* مافي منطق في الدنيا بخلي رجل امن يجلد زول...مش ساقوهو يفتحوا عليهو 100 بلاغ و يستمروا في الاجراءات القانونية... والقاضي يقرر بعد ذلك
سؤال لو كان مكان هذا الشخص خواجة (اشقر) وتصرف نفس التصرف...هل كان بيجلد زي الزول دا؟
06-06-2018, 11:17 AM
Kabar
Kabar
تاريخ التسجيل: 11-26-2002
مجموع المشاركات: 18537
هذه ظاهرة (اعني ظاهرة بشارة حسن ) مهمة للغاية ، ويجب تدبرها بدقة وحصافة بعيدا عن العاطفة..!
الإهتمام بهذه الظاهرة ، حسب تقديري ، هو التوثيقات التي صاحبتها..!
الظاهرة تثير مساءل سياسية ، حقوق الإنسان ، احترام القانون واهل القانون ، اجراءات السفر في مطار الخرطوم ، حملة الجوازات الأجنبية ماذا يعتقدون وماذا يجدون من تعامل على ارض مطار الخرطوم..ثم كيف تشكل هذه الواقعة تغييرا في تصورات اهل السودان..وعرضها من جانب واحد (جانب حقوق الإنسان) بعاطفية مفرطة..لا ينفى بقية جوانبها الأخرى..!
تعاملنا مع ظاهرة بشارة حسن جمعة اللــــه (جميل الله) يقوم على تحليل اربع من ادوات اثبات مقدمة هنا:
اولا: فيديو اول صوره بشارة بنفسه وفيه طريقة مخاطبته لناس السكيورتي (موظفين عموميين، شئنا ام ابينا) في احد النقاط في صالات مطار الخرطوم ، وكان يتحدث بصورة عنجهية وفيها غرور كبير واحتقار لموظفي الإجراءات في تلك النقطة من مطار الخرطوم..وفيها اعتراض بشارة لهؤلاء الموظفين اثناء تأديتهم للواجب وتسبيب ازعاج اضر بمصالح العامة..
ثانيا: فيديو(صوره بشارة بنفسه) يظهر بشارة حسن في مكتب ما ويضرب من قبل بعض الأفراد..وهو الفيديو الأكثر شيوعا وترويجا ومحاولة اعتباره فقط الحجة النهائية..وفيه يظهر ضرب بشارة وعبارات نابية تسئ لوثيقة سفر تخص دولة اجنبية (جواز سفر امريكي)..
ثالثا: اتنين فيديو سيرفيلانس (كاميرا مراقبة) خاص بمطار الخرطوم ، ويوضح كيف ان بشارة حسن كان يعترض موظفيين عموميين اثناء اداء واجبهم ويسبب ازعاج عام واعتراض الموظف العام والأذى المادي في حق موظف عام..وعرقلة اجراءات مواطنين اخرين لا ذنب لهم سوى ان حظهم التعيس وضعهم في اللحظة التي يمارس فيها بشارة حسن عنجيهته وتطاوله واستفزازه لناس مختصة بحفظ الأمن وضبط الإجراءات والسلامة العامة..
رابعا: حوار بشارة لصحيفة الراكوبة الذي يعج بالتناقضات و الإفادات الغير متماسكة التي لا يقبلها العقل والوجدان السليم..والتي يناقض فيها بشارة اقواله في الفيديوهات التي صورها بنفسه..
من هذه الأدوات نثير سؤالنا: من يقف خلف بشارة حسن؟..هذه الأحداث ليست بالبراءة التي يراها البعض هنا ، فهي تنطوي على سلوك مخطط ومرتب باحكام للغاية.. وسوف نوضح الشواهد..
كبر
06-06-2018, 11:21 AM
Kabar
Kabar
تاريخ التسجيل: 11-26-2002
مجموع المشاركات: 18537
من حوار بشارة مع صحيفة الراكوبة ذكر بعض الإفادات التي تحتاج توضيح وضبط..فواضح ان بشارة يعاني من ازمة صدمة ثقافية لمن يريد ان يتناول الظاهرة تناول ثقافي وسيوسيولوجي..وهي نموذج جيد لإثارة الأسئلة..
اولا:
ذكر بشارة ان عفراء مول ومحلات اخرى كانت مغلقة لأن اليوم هو يوم عطلة السبت..ذلك لم يتمكن من طبع صورة ورقية لتذكرة سفره..!
فهل يريد ان يقنعنا بشارة بان عفراء مول جهة حكومية تقفل ابوابها في عطلة نهاية الأسبوع (الويك اند)؟..وهل يريد ان يقنعنا بان كل المحلات التجارية في الخرطوم هي محلات حكومية تقفل ابوابها في عطلة نهاية الأسبوع؟..
طيب ما كان افضل يقول لينا مطار الخرطوم ذاتو كان مقفول لأنو الدنيا ويك اند..!
ذكر بشارة انه في المطار منذ الساعة اطناشر ضهر وان رحلته على الخطوط الأماراتية..والسؤال : كم رحلة تسيرها الخطوط الأماراتية ، يوميا ، من الخرطوم الى االأمارات ، في فترة ما بعد الظهيرة والمساء؟..المعروف واقعيا ان هذه الخطوط لديها رحلة يومية تغادر الخرطوم الى الأمارات في الساعة السادسة وعشرة دقائق مساءا..ومعروف ان فترة الحضور تكون في حدود ثلاثة ساعات او ساعتين للإجراءات الروتينية..فلماذا حضر بشارة قبل ستة ساعات من مواعيد رحلته الى مطار الخرطوم؟..
يزعم بشارة انه شحن عفشه ، في الفيديو الأول والثاني، فهل الشحن بيتم بدون تذكرة سفر رسمية وسارية؟..فكيف ناس الشحن يقبلوا تذكرته الإلكترونية وغيرهم لأ؟..
في حواره مع الراكوبة ،لاحقا، بشارة بيقول: قلت ليهم خلوني ادخل اشحن عفشي وح اعمل مسح لتذكرتي في كاونتر الخطوط الأماراتية..!!
فهل الظاهر في الفيديوهات هو شخص اخر يختلف عن الشخص الذي اجرت معه الراكوبة حوارها؟..
ثانيا:
يقول بشارة في حواره مع الراكوبة:
Quote: السفارة الامريكية وفرت لي الحماية الكاملة منذ لحظة إخطارها ووفروا لي ملاذاً آمناً وجرت الاتصالات بالخارجية الامريكية وهناك أشياء كما تعلم لا نود الافصاح عنها الآن، كما أبدوا استعدادهم الكامل لشراء تذكرة عودتي لكني رفضت وشكرتهم على ذلك.
ويضيف:
Quote: أصدقائي في أمريكا أرسلوا لي تذكرة العودة
في المقتبس الأول يهمنا الجزئية التي يدعي فيها بشارة ان السفارة الأمريكية ابدت استعدادها ان تشتري له تذكرة ، وفي المقتبس الثاني اشار بشارة الى ان اصدقائه في امريكا ارسلوا له التذكرة..
هنا يبدو سؤال وجيه: هل بشارة كان يملك تذكرة سفر رسمية وسارية حينما دخل المطار اول مرة وسبب الإزعاج واعترض موظفي مطار الخرطوم اثناء اداء واجبهم؟..ام ان بشارة كان لا يملك تذكرة واراد ان يمارس بلطجة وتجاوز الإجراءات والقانون لأنه يحمل جواز امريكي ويتحدث لغة انجليزية ركيكة للغاية؟..
نقول بهذه التساؤلات للأسباب الأتية:
لا اعتقد ان القنصل او موظف السفارة الأمريكية الذي كان مع بشارة في المطار (بحسب زعم بشارة) يجهل الإجراءات البسيطة في مثل هذه الحالات.. أي حالات ان تتأخر عن السفرية عبر الخطوط الأماراتية لأي سبب كان.. فلوائح الخطوط الأماراتية ، مثلها ومثل أي خطوط طيران في الدنيا ، في مثل هذه الحالات لا تكلفك بدفع ثمن التذكرة كاملا وانما تطالب بالفرق عشان تلحق اقرب سفرية لنفس الخطوط..! فهل يعقل ان السفارة الأمريكية تسعى لتبديد المال العام وتعرض شراء تذكرة بقيمة كاملة للمواطن بشارة بدل ان تسعى لخيار افضل لحماية المال العام وذلك بدفع فرق بسيط؟..هذا اذا افترضنا واتفقنا مع بشارة ان مسئول مفوض من السفارة الأمريكية في الخرطوم عرض مثل هذا العرض غير المعقول..!!
النقطة الثانية ، بشارة يقول ان اصدقائه في امريكا ارسلوا له تذكرة السفر ، أي تذكرة مدفوعة القيمة كاملة..فلماذا يفعلون ذلك؟..لماذا يدفعون قيمة التذكرة وعندهم خيار دفع فرق اقل من قيمة التذكرة أي بابراز التذكرة الرسمية وذكر الظروف ودفعهم للفرق نيابة عن بشارة؟..هل ممكن في نورث امريكا تقطع تذكرة لزول تاني من غير ما يكون عندك جواز نفس الزول (جواز عضم مش صورة) ساري المفعول؟..جايز ممكن بعض وكالات السفر تقبل بتوكيل او صورة من الجواز..لكن !!
يعني الخطوط الأماراتية دي فاضية للدرجة دي انو بشارة يكون في مطار الخرطوم في يوم السبت ويتعرض للضرب ، ويوم الأحد مدروخ وجاري بين النيابة (ساكي اورنيك تمانية الجنائي) و المستشفى والمحاميين والسفارة الأمريكية (التي تتصل عليه كل عشرة دقايق)، ويجد الوكت يشرح لأصحابو في امريكا ، ويقوموا اصحابو يلقوا ليهو حجز قريب للغاية في يوم الإتنين ويشتروا تذكرة بقيمة كاملة؟..
يعني اصحاب بشارة حسن ديل داقسين زي مسئول السفارة الأمريكية ما عارفين انو ممكن يدفعوا فرق تذكرة (اذا افترضنا انو وكالات السفر اتعاملت معاهم وتجاهلت كل الإجراءات الطبيعية)؟؟؟
وهنا نكرر السؤال: هل فعلا بشارة كان عندو تذكرة سفر رسمية وسارية حينما دخل مطار الخرطوم في يوم السبت 2يونيو 2018 ، الساعة اطناشر ظهرا؟..وبالطبع لو حدث هذا ليه يتعرض لما تعرض ليهو؟..طبعا النظرية الوحيدة التي تجيب على هذا السؤال في هذه الحالة هي نظرية صديقنا دكتور سيف النصر: لأن بشارة من دارفور..!..وهي نظرية لا نتفق معها البتة..!
كبر
06-06-2018, 11:28 AM
Kabar
Kabar
تاريخ التسجيل: 11-26-2002
مجموع المشاركات: 18537
ذكر بشارة لصحيفة الراكوبة انه حدثت مشادة بينه وبين الموظفيين العموميين في مطار الخرطوم لأنهم رفضوا ان يقبلوا تذكرته الإلكترونية المزعومة..طبعا بشارة نسى يقول لناس الراكوبة كيف انو كان بيستفز ناس المطار وبيناديهم زي الجرسونات عشان يجوا يتفاهموا معاهو..بشارة نسى الطنقعة والعنجيهة ..وكمان نسى انو قام صور نفسو وهو يمارس الغرور بالإنجليزي الركيك..!
فكرة الخطأ في تذكرة بشارة (وانا اشك انو بشارة اصلا كان عندو تذكرة سارية)..
بالطبع صديقنا دكتور سيف النصر يرى ان هذه عنصرية ، وان كل كل خلق اللــه التي قدمت تذاكر الكترونية سمح لهم بالمرور ، ولكن بشارة تم رفضه لأنه من دارفور..!
ايضا تستمر تلفيقية صديقنا دكتور سيف النصر ، بان أي مشادة أو عنف من جانب بشارة حسن سببها ان الرجل كان متوتر ويخشى فوات رحلته..ولكن..!
نفس الرجل المتوتر (بشارة) هو الذي قام بوصف ادق تفاصيل رحلته من الصالة المعنية لغاية المكتب الذي تم فيه ضربه ، وهو نفس الرجل الذي لم ينسيه توتره ان يتحدث عن الإكليشهي التقليدي بتاع:قبيلتك من وين ؟ انت جنوبي ولا من جبال النوبة (جبال النوبة دي طبعا ذكروها مخصوصا عشان ناس كبر الدايسين على الجاز للطيش..!!)..والوصف الدقيق للمكتب..والخرطوش وعود المكنسة وسلوك الكهربا العريانة الخطوها ليهو في راسو ولا وين ما عارف..والتلفون المسحوا منو حاجات كتيرة وفات عليهم يمسحوا حتة الضرب والإساءة للجواز والعياط ، ناهيك عن الجزء الأول وحوار مستر بشارة معاهم..كل هذا يا دكتور سيف صادر من زول متوتر خايف الطايرة تفوتو..!! واغرب حاجة بيقول ليهم:انا لا اتحدث عن قبيلة..!!
يعني ناس الراكوبة وعبد الوهاب همت فات عليهم انو الجنوبيين بقوا مواطنين دولة اخرى..؟..ولا دايرين يقنعونا انو ناس مطار الخرطوم لسع ما مقتنعين بانو الجنوبيين بقوا دولة اخرى عشان كده بيسالوا المواطن (الدارفوي) من حكاية انتمائه للجنوب؟..
كبر
06-06-2018, 11:32 AM
Kabar
Kabar
تاريخ التسجيل: 11-26-2002
مجموع المشاركات: 18537
هناك وقائع اخرى يهملها بعضنا هنا..ولا يرغب في النظر اليها..! كيف تأتي لبشارة ان ينشر هذه الفيديوهات وهو مدروخ من ضرب الناس ليهو؟.. في المرة الأولى ، النشر عبر الفيس بووك، بيوحي بانها فيديوهات حية ( احداثها يوم السبت الثاني من يونيو ، واتنشرت في يوم الأحد الثالث من يونيو، وصاحبها غادر السودان في يوم الإثنين الرابع من يونيو)..وانو بشارة قاعد في مطار الخرطوم وعامل اتصال مباشر مع الفيس بووك..! في حواره مع الراكوبة ، بيقول انو نشر الفيديوهات دي بعد ما فلت من (الزبانية المزعومين) وانو السفارة الأمريكية كانت بتتصل عليهو كل عشرة دقايق..!!!! (طبعا بشارة المسكين ، ما عارف انو اذا في جهة بتتصل عليك كل عشرة دقايق ، الأفضل ليها ، عمليا ومنطقيا ، انها تلمك عليها وتخطك قدام عينيها ..يعني منطقيا يا بشارة يحبسوك في السفارة الأمريكية بدل يتصلوا عليك كل عشرة دقايق..!!)..
ولكن..!
الفيديوهات اتنشرت ، وكانت هناك عرائض جاهزة ومرتبة تم ارسالها للخارجية الأمريكية والعفو الدولية ، وجهات اخرى، واريك ريفز كمان..! فهل هناك غرفة عمليات جاهزة منتظرة ليها زول مارق من دروخة (تعذيب) عشان يحكي ليها بالتفاصيل وتقوم توووشك بكل النشاط ده تشتغل الشغل ده؟..ام ان الحكاية مرتبة وكل زول عارف دوره شنو وينتشر متين ووين بالضبط؟.. في حواره مع الراكوبة ، بشارة قال ان اصدقائه في امريكا ارسلوا ليهو التذكرة..! زول انضرب يوم السبت ضهر ، ورجع بيتهم غمران من الضرب ، ويوم الأحد مساسق بين السفارة الأمريكية (التي تتصل عليهو كل عشرة دقايق)..والنيابة (بحثا عن اورينك تمانية الجنائي) ، والمستشفى ، ورابطة محامي دارفور ، وبرضك لقى زمن عشان يشرح لأصدقائه في امريكا الموقف من الألف للياء ، ويقوموا اصحابو بكل همة يقطعوا ليهو تذكرة بقيمة كاملة ، عشان يسافر في رحلة الخطوط الأماراتية المسافرة من الخرطوم في يوم الإثنين مساءا (اللهم الإ كان بركات سيدنا بشارة جابت ليهو طيارة اماراتية تسافر يوم الإتنين الصباح..!!)..ويطلع الطيارة ويعمل سلفي يرسلوا لناس الراكوبة (اشارة كلو تمام يا فندم) عشان ينشروا الحوار ويقولوا لينا بشارة سليم..؟؟؟ هل هناك غرف عمليات جاهزة ، كل زول عارف دورو شنو بالضبط؟..حسب المعطيات القدامنا دي : ده شغل منظم للغاية..! حكاية القروش المنهوبة.. بشارة قال دخل السودان في ابريل 2018 ، وبعد ما خلص من الإجازة ، ضبايح وكرامات وفواتح مؤجلة ومجاملات، مرق من نيالا لغاية مطار الخرطوم وشايل معاهو مبلغ عشرة الف ومئتين دولار..وما عندو اوراق رسمية (في حوار الراكوبة ذكر انو الجماعة دقوهو وشالوا منو المبلغ ده ، يعني قبال يلحق يسألوهو رسميا بواسطة ناس الجمارك ، وانو كان خاطيهو في شنطة صغيرة رابطها في نصو.. (فيديو المراقبة بتاع المطار بيوضح صورة بشارة ويا ريت يقول لينا الشنطة دي وين بالضبط )!!!!!!!..يعني نظام عامل نايم من حكاية الديكليراشين..!!)..في اشارات تانية بشارة بيقول ماشي الأمارات عشان قضاء بعض الأعمال..! طبعا لا نحسد اخونا بشارة في انبساط الرزق..لكن يا ترى بشارة لمن دخل السودان كان شايل كم دولار بالضبط؟..بالتاكيد اكتر من عشرة الف ومئتين دولار (ولا الزول ده كان قاعد مع اهلو بياكل وبشرب كيري ساكت من غير ما يصرف ، ان شاء الله حق الكرامة ساكت..!!)..اها الإجراء وقتها كان كيف؟..يعني ناس جمارك المطار قالوا ليهو خير وبركة ..أي دولارات داخلة البلد حبابها عشرة وما دايرين اوراق واجراءات؟.. ام أن بشارة مشارك في عملية تهريب نقد اجنبي من الخرطوم الى الأمارات ؟؟؟
وبالتالي ، يريد ان يرسل رسالة الى جهة ما مفادها:انا اندقيت في الخرطوم زي ما شايفين ، والقروش اتنهبت (طبعا ما في حاجة بتمنع انو بشارة يكون اخفى القروش دي قبال يصل المطار ، ثم افتعال هذا الموقف ، موقف التشاجر مع ناس المطار..!!)..؟؟؟؟
الغافل ، من ظن أن الأشياء ، هي الأشياء..
كبر
06-06-2018, 11:30 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
Quote: ملاحظتك مهمة جدا، ولكن هنالك أستهداف واضح من النظام تجاه أبناء وبنات دارفور في السودان. ولو تابعت الاخبار مؤخرا سوف تجد أن كمية التعذيب البشع الذي يتعرض له أبناء وبنات دارفور ، سوف تجده هو الاعنف دائما وفي بعض الحالات القتل.
أما بالنسبة لحملة الجوازات الاجنبية الذين يسافرون للسودان ويستفزون الموظفين أو العمال فذلك شئ غريب جدا، لأن أول شئ يجب أن يتعلمه المهاجر الى أمريكا أو أوربا هو أحترام الاخر وبغض النظر عن نوع الوظيفة التي يشغلها، وخصوصا العمال، وهنالك عدد كبير من هولاء المهاجرين أشتغلوا في مثل هذه الوظائف البسيطة أيضا وهم يعلمون معنى الاحترام جيدا.
الأخ دينق تحياتي وأسف علي التأخير في الرد كنت بعيد عن المنبر الايام الفاتت
الموضوع ما موضوع إستهداف يا دينق حسب قراءاتي للحاصل لابناء دارفور لو في الجامعات او أي مكان آخر بسبب الحرب في دارفور عاوزين وضع خاص ومميز من الناس وهنا بيحصل الصدام والنظام دا أي شخص بيحتك بيهم بيدوسوهو لا بيهمهم من دارفور او الشمال او الشرق والبعض منهم بيسمع للحركات المسلحة وقادة الحركات ضاربين الراحات والمساكين ديل في خط المواجهة مع نظام لا يعرف الرحمة يعني بأختصار لو في إستهداف لناس دارفور ما كنت وجدت جزء كبير من العاملين في أمن المطار من دارفور وأنا شخصيا ناس الامن الاقتصادي الذين تحدثو معي يوم 13 مايو ثلاثة فيهم أثنين من دارفور بتمشي الشرطة ناس دارفور شغاليين ،في البنوك ، المحاكم ،التجارة معظمهم يبقي قصة إستهداف دي ما واردة كل الموضوع زي ماقلت ليك هم بيناطحو مع النظام كمثال النظام يكون عاوز يفضي داخلية طلاب ينذر الطلاب معظم الطلاب بيتخارجو ا ما عدا طلاب دارفوروهنا بيحصل الصدام والناس تجيء تقول ليك ناس دارفور مستهدفين .
أما بخصوص حملة الجوازات الاجنبية زي ما كتبت ليك في المداخلة الاولي اقسم بالله نقلت ليك الحاصل بحذافيرو ، كلنا بنحمل جواز سفر أجنبي والحاجة المابستطيع أعملا مع موظف هنا وتعتبر مخالفة للقوانيين من باب أولي ما أعملا مع المساكين الفي السودان ، السودانيين يا دينق سمعتهم هنا في كذا مناسبة الواحد يرجع من السودان يشبك ليك الناس هنا جدعت ليهم الاحمر لمن عرفو حاجة وقلت ليهم وفعلت وتركت ومن أساسو لو الواحد مشي محترم واحترم الموظف القدامو اكيد حيحترمو ومالمستو من تعامل محترم من موظفين مطار الخرطوم في آخر مرة يفرق من اجازات مضت الا من أبي ومعروفين السوداني تستهتر بيهو أو تحتقرو بتشوف بيان بالعمل .
الناس البتتكلم عن مفترض ناس السيوكورتي او امن المطار يكونو اكثر مهنية وما يستجيبو للاستفزازات دا كلام إنشاء ساي البشر هم البشر تالله في امريكا او اوربا ممكن امام الكاميرات تقل أدبك وتلاوي وتعمل السبعة وذمتها لكن خليهم يودوك مكان مافيهو CCTV واتفرعن والله يمعطوك لمن تعرف إن الله حق .
خارج النص :- عن نفسي صحيفة الراكوبة لا مصداقية لها ومن سنيين توقفت من تصفحها .
06-06-2018, 12:49 PM
Hassan Makkawi
Hassan Makkawi
تاريخ التسجيل: 02-27-2008
مجموع المشاركات: 6157
المذكور الأجنبى بإختصار دفع ثمن الوقاحة مع السلطات المحلية فى مطار الخرطوم "الطريحة" التى اكلها المذكور فى مطار الخرطوم "تراها" متوفرة فى ارقى مطارات العالم ...فقط "قل ادبك"
____________
لن اتعاطف مع المذكور لأنه جبان .... قابل الضرب بالبكاء
06-06-2018, 03:18 PM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
يا كبر عشان فكرتك دي تظبط لازم كمان الناس الدقوه أو جزء منهم على الأقل يكونوا عارفين مخطط بشارة وغرفة العمليات المعاهو ومشاركين فيهو. معقولة أجي اراهن على أني استفز ناس الأمن يقوموا يضربوني، طيب لو ما ضربوني آو لو من الاول دخلت طوالي ومافي زول وقفني؟ مش المخطط كده بكون راح شمار في مرقة؟
06-06-2018, 03:46 PM
Deng
Deng
تاريخ التسجيل: 11-28-2002
مجموع المشاركات: 52545
Quote: يا كبر عشان فكرتك دي تظبط لازم كمان الناس الدقوه أو جزء منهم على الأقل يكونوا عارفين مخطط بشارة وغرفة العمليات المعاهو ومشاركين فيهو. معقولة أجي اراهن على أني استفز ناس الأمن يقوموا يضربوني، طيب لو ما ضربوني آو لو من الاول دخلت طوالي ومافي زول وقفني؟ مش المخطط كده بكون راح شمار في مرقة؟
حلرام عليك يا سيف النصر، الراجل كاتب له 3 ورقات فلسكاب، تقوم أنت تجي تنسف له الفكرة بتاعت التأمر دي بي 5 سسطور؟؟
هههههههههه
محمد النور كبر.
تعذيب هذا الانسان البرىء في رقبتك.
06-06-2018, 04:33 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
يا مكاوي اذا شايف من حق افراد السلطات المحلية يدوا من يتواقح عليهم طريحة كدا بلا قانون او محاكمة المانع شنو يدوك ليها الطريحة دي انت المرة الجاي بدون ما تتواقح, ساي كدا بس طالما ما في قانون
06-06-2018, 05:41 PM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
يا جماعة حكاية انك او قليت أدبك في كل مطارات العالم بسوقوك أوضة مضلمة ويقعوا فيك خبت وكمان ممكن يلمسوك بسلك عريان وبعدها يقلعوا قروشك ما شايفين انها زي واسعة حبتين؟ كدي خلونا نستفيد واحكوا لينا نماذج.
06-06-2018, 06:43 PM
Deng
Deng
تاريخ التسجيل: 11-28-2002
مجموع المشاركات: 52545
علشان كده أنا في بداية تعليقي ركزت على الحتة بتاعت القوانين والالتزام به من جانب رجال الامن. وأي رجل أمن إذا لا يستطيع الإلتزام بالقوانين وأتباع الاجرائات القانونية فهو ليس جديرا بهذا العمل.
06-06-2018, 07:00 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3452
Quote: هذا النظام يمعن في استهداف الدارفوريين قتلا وتعذيبا طلابا ومواطنين وحاملي
يا سيف، هذه الحادثة معزولة عن استهداف منظم ضد أي جماعة، الحادثة وليد ظروف وقتها، وهي تمثل الانفعال السوداني غير منضبط وزايد عن حدو من أفراد الأمن، وما بعيد ناس الأمن ديل يكون فيهم أفراد من دارفور.
أكرر هذه الحادثة ليست مرتبطة بأي استهداف، مرات يا سيف، قاعد تكون معكوس عمر عثمان في كراهية الإنقاذ منطقك في تحليل الحادثة ضعيف جداً
06-06-2018, 07:39 PM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
قد يكون يا مستنير ان ما حدث كان وليد اللحظة وتتابعت تفاصيله بفعل الظروف والملابسات المصاحبة، لكن الاحتمال الراجح هو انه لو كان هذا الشخص ليس من دارفور وعربيهو مكسر ما كان إطلاقا اتبهدل كده، على الأقل كان طبعوا ليهو التذكرة وهو واقف في محله او سعوا في حل مشكلته بدل ان يعقدوها ويعملوا على تفويته رحلته. وبرضو ما مستبعد ان كان مرصودا لسبب ما.
06-06-2018, 09:36 PM
كمال عباس
كمال عباس
تاريخ التسجيل: 03-06-2009
مجموع المشاركات: 17134
تحياتي د. سيف النصر محي الدين ملاحظتك حول الإستهداف علي أساس عرقي أوجهوي- ثاقبة وسديدة !إذا لم يتم تشخيص واقع التحقير والتعالي العرقي والحط من قدر الآخر - تشخيصا صحيحا والإعتراف بوجود علة - فلن نفلح في تجاوز هذا الواقع المتردي ! ** نعم بنات الهامش وأطراف المدن والفقراء هن الأكثر عرضة لصوت النظام والإذلال ! بنات الأثرياء والمتنفذيين -وبنات " الأصول والقبائل" لايجدن معاملة مماثلة ! العندو ضهر يفلتمن العقاب ! شاهدن صحفيات وإعلاميات وناشطات معينات أفلتن من الجلد بينما تتعرض بنات الهامش يوميا للجلد ! * نسمع كثيرا عن الحزام الأسود وعن الزغاوة الذين تحكمو في مفاصل السوق !وقلة عددناس الأضان الحمراء مقابل غيرهم ! * شاب دارفور أكثر عرضة للإهانة والضرب مقارنة بغيره ! ** وها نحن أمام حزب سياسي أعلن عن مثلث عرقي وجهوي مثلث حمدي !ورئيس جمهورية كان يطلق علي- علي الحاج صفة الفريخ !* وهو نفسه البشير صاحب حديث الغرباوية ! ** نجي لحادثة مطار الخرطوم هب أن هذا المواطن كان حادا ومستفزا - هنا كان يمكن إعتقاله بواسطة سلطة مختصة والتحقيق معه وتوفير محاكمة عادلة له ! مانسب له لايبرر الضرب والعدوان البربري ! * نظرية المؤامرة والتخطيط المسبق علي ضعفها وسذاجتها - يمكن أن تنفس وتتلاشي إذا ما ألتزمت السلطةالمختصة جانب القانون ( أمشي عديل يحتار عدوك فيك) حاسب هذا المواط ن وفق مقتضيات القانو-ن وهنا ستطرشق بالونة المؤامرة المزعومة ! * عشنا زمنا كان فيه الموظف والإداري البروقراطي - حينما يتعرض لإهانة وأستفزاز يأخذ حقه بيده ولكن بمسحة قانونية ! تقدم طلبا أو تقوم بمعاملة إدراية فيقوم الموظف المبرمج بالثأر لنفسه - يطلع عشرة أخطاء ومتطلبات هامشية فاتت عليك - ولايعلنها لك مرة واحدة - وتأخذ إسبوعيين في معاملةيمكن تنتهي في ساعتيين! تمشي تشتكي -ماحتلقي حاجة لأنو الموظف تحرك وتعسف في حدود سلطاته ! * وهذا يختلف عما فعلته عصابة مطار الخرطوم فما فعلته جريمة مكتملة الأركان
......
06-06-2018, 07:47 PM
nour tawir
nour tawir
تاريخ التسجيل: 08-16-2004
مجموع المشاركات: 17638
عن وجود ما يعرف بـ (غرف الأشباح) داخل مطار الخرطوم، ومجهزة بكامل أدوات التعذيب ؟؟ ....
مطار الخرطوم فى حالة انهيار تام... فى الخدمات... فى البنية التحتية... فى أمن وسلامة المواطنين... لذلك فأن وجود غرف اشباح فى المطار حسب رأيى... يتوافق تماما مع حالة المطار المنهارة فى جميع النواحى... فى المقابل أنظر الى اثيوبيا فى مجال الطيران .. و الى مصر... و معظم دول الجوار الآفريقى... ثم قارن بحالتنا... علما بأن السودان قد كان الاكثر تقدما فى مجال الطيران... قبل مجئ الانقاذ.. بمعنى ان مطار الخرطوم... هو بوابتنا الرئيسية لانهيار الدولة..
06-06-2018, 10:22 PM
النذير حجازي
النذير حجازي
تاريخ التسجيل: 05-10-2006
مجموع المشاركات: 7159
بخصوص الجدل الدائر بين استهداف الدارفوريين من عدمه يا شباب أديكم النجيضة: استهداف أبناء الهامش لأنو أفراد الأمن يعلمون جيداً بأنه لا يوجد لهم ضهر في الحكومة، و في حالة أبناء المركز، بخافوا انو يكون عندو جعبة كبيرة في الحكومة ويوديهم وراء الشمس، يعني السبب عنصري بطريقة غير مباشرة
06-06-2018, 10:56 PM
النذير حجازي
النذير حجازي
تاريخ التسجيل: 05-10-2006
مجموع المشاركات: 7159
يا الهادي بخصوص سؤالك عن مكان الغرفة المظلمة زي ما قالت ممثلة مصرية انو مطار الخرطوم عبارة عن اوضتين وبرندا ووصفها دقيق الغرفة دي يا الهادي هي مكتب أمن المطار وهو مكتب عادي لا يثير الشكوك وهو الباب اللي على يدك اليمين من مدخل الصالة الرئيسية وبابو بفتح مباشرة على موقف السيارات، وبجوار المكتب غرفة الجثامين التي تصل من الخارج، والمكتب مقاس اربعة في ستة أمتار وأدوات التعذيب ما دايرة ليها تجهيز فهي عبارة عن خراطيش المياه السوداء، وأجهزة الصعق الكهربائي المخصصة الإسعافات الأولية أو خلافة زائد إطفاء النور
06-06-2018, 11:17 PM
النذير حجازي
النذير حجازي
تاريخ التسجيل: 05-10-2006
مجموع المشاركات: 7159
سمعت رأى لبعض المثقفين الشماليين بأنهم ضد توزيع السلطة بين جميع أبناء السودان ويرون بأن التوزيع على حسب الأكفأ وليس على حسب الأثنية، وهذا قول مردود لابد أن يكون لأبناء الهامش مقاعد في الحكم لتلافي الحقارة الواقعة على أبناء الهامش جسيدا ولفظيا على مر العصور
06-07-2018, 06:25 AM
Hassan Makkawi
Hassan Makkawi
تاريخ التسجيل: 02-27-2008
مجموع المشاركات: 6157
Quote: يا مكاوي اذا شايف من حق افراد السلطات المحلية يدوا من يتواقح عليهم طريحة كدا بلا قانون او محاكمة المانع شنو يدوك ليها الطريحة دي انت المرة الجاي بدون ما تتواقح, ساي كدا بس طالما ما في قانون
محمد البشرى بالطبع التعدى على سلامة الغير جريمة وعندما يصدر من جهة مهمتها حماية خلق الله فتلك جريمة كبرى ومدانة.....
"لكن غاظنى الجرسة" بعد "الهرشة"
06-06-2018, 11:21 PM
محمد محمد قاضي
محمد محمد قاضي
تاريخ التسجيل: 12-23-2014
مجموع المشاركات: 1605
شكرا يا كمال عباس علي قرائتك وتحليلك المنطقي لهذا الحدث المؤسف بس عندي نقطة في قولك: (وبنات " الأصول والقبائل" لايجدن معاملة مماثلة !)
بنات وأولاد الأصول والقبائل فعليا هم ناس الهامش ناس المركز ديل منبتين و كعوك أو كما قيل
يا كبر معقول أي واحد مختلف معاك في الرأي طوالي تصفه بي قطيع متكالب ؟! بعدين موضوع الإعتداء علي موظف يقوم بأداء عمله أو واجبه شايفك قلتو كتير طيب إذا هو بيقوم علي أداء عمله أو واجبه علي أكمل وجه أنا المواطن ح إعتدي عليه لي شنو؟ ولا زي ما إنت قلت بس دخلت مول ولا مطار وبدون سبب أقوم أعمل مشكلة إلا أكون زول مجنون و كما قيل الزبون دايما علي حق.
06-07-2018, 00:30 AM
Abdelrahim Mohmed Salih
Abdelrahim Mohmed Salih
تاريخ التسجيل: 04-13-2016
مجموع المشاركات: 958
زمان قبل ثوره التعليم الظافره حين كان الفقراء والغبش يتوهجون بنبل علم متاح للجميع كنا ندرس فى حصص التربيه الإسلاميه ما يستفاد من الحديث وهو خلاصه المقصود لنفهم العبره من كلام النبوه قياسا عليه ومن خلال التعليقات وبعضها محبط وبعضها عنصرى من غير عله ومعلول مايستفاد من الحدث: ٠حقوق الانسان حيله اخترعها الغرب لتأجيج الحروب والفتن ٠الاجهزه الامنيه تصرفت بحزم وعزم تجاه سودانى سابق خائن لوطنه بجنسيه ظن انها مانعه ٠ ماحدث فى مطار الخرطوم يحدث فى كل لحظه وكل ركن فى امريكا من قبل بوليس عنصرى فلما الاحتجاج ٠الضرب احيانا ينفع ليرد البعض إلى جاده الصواب بدليل تعديل لسان بشاره حين هوى عليه الجلاد بكفه او كما قال كبير السحره (البفوت الحد بنواسى) وخلاصه الخلاصه اولى ان نحارب عدو فى داخلنا له الف قناع والف لسان حتى لايكاد يستبين فيفضحه حدث كهذا ولربما اصطفوا فرقاء السياسه بمسمياتهم يسار ويمين متوحدين تحت رايه نازيه موروثه فاضحه وعى مزيف مقابل تنوير بتبعيات جسام ينهض بها اولى العزم من نساء ورجال ضاق بهم فضاء غول يحبس الانفاس ويفسد العقول مستعين بعنصريه حاضره يستلها من جراب سحرى لاينفد .....
06-07-2018, 00:36 AM
Abdullah Idrees
Abdullah Idrees
تاريخ التسجيل: 12-05-2010
مجموع المشاركات: 3692
ما اعتقد انو الزول ده جلدوهو عشان من دارفور ، عنف الشرطة والاجهزة الامنية شيء متأصل وبقا ثقافة بتاعة انجاز مهام لكن ممكن اقول حكاية انو من دارفور دي زادتو حطب ..
06-07-2018, 01:02 AM
كمال عباس
كمال عباس
تاريخ التسجيل: 03-06-2009
مجموع المشاركات: 17134
الأخ محمد محمد قاضي تحية منطق بنات الأصول والقبائل كتميز وحظوة ليس منطقي ولا رويتي وانما منطق بعضا ممن يمارسون التعالي العرقي والتميز والصفوية العرقية - انت أوردته بمنطقهم وبحسب مايعتقدون /ناقدا لاموبدا !! في اعتقاد ان أبناء الهامش والمركز والنيل والغرب والحضر والريف كلهم سواسية وكلهم نبت انساني سامي وكلهم مواطنين لهم حقوق وواجبات !! ** انتهي ** الفقير واللي ماعندو ضهر عرضة للهوان والإذلال اكثر من غيره عند ناس النظام العام مثلا - بعض منسوبي القوات النظامية يستخدمون منطق ابعدو من ديل !! ديل يجيبو لينا الهواء !!وديل قد نطلق علي المتعلم والذي يعرف حقوقه والمتنفذيين والأثرياء ومن هم من خلفيات عرقية محددة - بت ناس ود عز !!!! هؤلاء يحتقرون ويذلون ناس الحيطة القصيرة ومن يعتقدون ان التعرض لهم وتحقيرهم لن يجلب مشكلة
06-07-2018, 01:54 AM
Elhadi
Elhadi
تاريخ التسجيل: 01-06-2003
مجموع المشاركات: 9585
Quote: بدأت المفوضية القومية لحقوق الإنسان بالسودان في تقصي الحقائق حول الانتهاك الذي حدث للمواطن السوداني بشارة حسن جميل الله .
وطالبت المفوضية السلطات الأمنية بمطار الخرطوم بتوضيح ما ورد في وسائل التواصل الاجتماعى بهذا الشأن.
وقالت الاستاذة ايمان فتح الرحمن سالم رئيس المفوضية، أن قضايا الحقوق والكرامة ينبغي ان يتساواى فيها الجميع، مشددة على متابعة المفوضية اللصيقة لكافة الشكاوئ ورصد جميع الحالات عبر النافذة المخصصة لذلك، والتي ترد في اطار مهام واختصاص المفوضية وفقا للقانون المنظم لذلك.
وأكدت رئيسة المفوضية عدم تهاون المفوضية في كل من يجرح كرامة الانسان السوداني وبنتهك حقوقه كحق اصيل كفله له الدستور.
وكان المواطن الامريكي من أصل سوداني بشارة حسن جميل الله المنحدر من ولاية جنوب دارفور، قد تعرض حسب ما أوردت وسائل اعلام، الى مضايقات وتعدي لفظي وجسدي من قبل السلطات بمطار الخرطوم وهو في طريق المغادرة للولايات المتحدة.
06-07-2018, 03:01 AM
Elhadi
Elhadi
تاريخ التسجيل: 01-06-2003
مجموع المشاركات: 9585
في وصف أحد الأماكن (المحتملة) للتعذيب الذي تعرض له الأخ بشارة حسن..
غرف أشباح مطار الخرطوم :
Quote: عندما تقف أمام صالة المغادرة يوجد مدخل على يدك اليمنى كانت فيه نافذة "مكتب تأشيرة الخروج" التي تم نقلها حالياً إلى مكان آخر واغلاق النافذة
نفس الباب الذي كان يؤدي إلى مدخل "شباك التاشيرة" سابقاً يضم أيضاً مكتب مدير أمن المطار ومكاتب ضباط الأمن ومكاتب إدارية أخرى
أصوات الفتاتين الظاهرة في بداية الفيديو سليمة جداً وفعلاً هي أصوات فتيات موظفات في المطار وأي شخص حضر لمكتب التأشيرة سابقاً سمع أصوات نفس الفتاتين وبنفس أسلوب حديثهما المسموع في الفيديو
06-07-2018, 03:19 AM
ترهاقا
ترهاقا
تاريخ التسجيل: 07-04-2003
مجموع المشاركات: 8414
قصة ضروبوهو وعذبوهو لأنو من دارفور بقت قصة ممجوجة ما بتقسم مع اي صاحب عقل مداخلة الاخ القانوني كبر مركزة جدا ووضعت النقاط فوق حروف كثيرة والقصة يبدو فيها حبكة جامدة
06-07-2018, 06:20 AM
Deng
Deng
تاريخ التسجيل: 11-28-2002
مجموع المشاركات: 52545
مافي زول قال أن هذا الرجل تم أستهدافه من البداية لأنه من دارفور. ولكن كون أنه من أبناء دارفور كان "عقابه" وتعذيبه ومعاملته اشد غلظة. وهكذا تتم معاملة أبناء الهامش في السودان. وأي زول متابع للحاصل في السودان اليوم بكون عارف الكلام ده كويس.
06-07-2018, 06:36 AM
Deng
Deng
تاريخ التسجيل: 11-28-2002
مجموع المشاركات: 52545
Quote: يا سيف، هذه الحادثة معزولة عن استهداف منظم ضد أي جماعة، الحادثة وليد ظروف وقتها، وهي تمثل الانفعال السوداني غير منضبط وزايد عن حدو من أفراد الأمن، وما بعيد ناس الأمن ديل يكون فيهم أفراد من دارفور.
أكرر هذه الحادثة ليست مرتبطة بأي استهداف، مرات يا سيف، قاعد تكون معكوس عمر عثمان في كراهية الإنقاذ منطقك في تحليل الحادثة ضعيف جداً
أبوبكر عباس
بما أنك من المعجبين بالعنصري الطيب مصطفى والعنصري الاخر عبد الله علي إبراهيم. فكلامك الفوق ده ما غريب علي.
06-07-2018, 07:16 AM
nazar hussien
nazar hussien
تاريخ التسجيل: 09-04-2002
مجموع المشاركات: 10409
Quote: علشان كده أنا في بداية تعليقي ركزت على الحتة بتاعت القوانين والالتزام به من جانب رجال الامن. وأي رجل أمن إذا لا يستطيع الإلتزام بالقوانين وأتباع الاجرائات القانونية فهو ليس جديرا بهذا العمل.
بل لو سألت رجال الأمن بعد انتهاء الحادثة ومغادرة الرجل لاعترفوا بخطئهم .. وانهم لم يقابلوا ما فعله بالمطار بالقانون...وانهم نادمون علي فعلتهم ولو طبقوا قانونهم عليه لكان رادعا وعادلا .. ومخارجا لهم ولبلدهم من هذه الورطة... وكانوا سيجعلونه عبرة لغيره.... فتهمة الاعتداء والتعدي علي موظف عام اثناء اداء وظيفته كانت كافية....وما كان لهم الاستجابة للاستفزاز بالتعدي عليه
06-07-2018, 07:50 AM
Kabar
Kabar
تاريخ التسجيل: 11-26-2002
مجموع المشاركات: 18537
Quote: يا كبر عشان فكرتك دي تظبط لازم كمان الناس الدقوه أو جزء منهم على الأقل يكونوا عارفين مخطط بشارة وغرفة العمليات المعاهو ومشاركين فيهو. معقولة أجي اراهن على أني استفز ناس الأمن يقوموا يضربوني، طيب لو ما ضربوني آو لو من الاول دخلت طوالي ومافي زول وقفني؟ مش المخطط كده بكون راح شمار في مرقة؟
سيف ..حبابك يا صديقي..
استفسارك سليم..
لكن..
مش احتمال اخونا بشارة جاء المطار في زمن الوردية الخطأ؟
الرجل قال جيت المطار الساعة اطناشر ظهرا ..وفي تذكرتو (الجابت ليهو الهوا في صمة خشمو) زمن القيام الساعة عشرة وخمس وعشرين دقيقة مساءا..!!
منطقيا بشارة لا يملك تذكرة لسفرية قايمة بالعصر عشان يجي المطار الساعة اطناشر..!
الزول ده قصتو فيها ثقوب كتيرة يا صديقي..!
كبر
06-07-2018, 08:16 AM
Kabar
Kabar
تاريخ التسجيل: 11-26-2002
مجموع المشاركات: 18537
Quote: يا كبر معقول أي واحد مختلف معاك في الرأي طوالي تصفه بي قطيع متكالب ؟! بعدين موضوع الإعتداء علي موظف يقوم بأداء عمله أو واجبه شايفك قلتو كتير طيب إذا هو بيقوم علي أداء عمله أو واجبه علي أكمل وجه أنا المواطن ح إعتدي عليه لي شنو؟ ولا زي ما إنت قلت بس دخلت مول ولا مطار وبدون سبب أقوم أعمل مشكلة إلا أكون زول مجنون و كما قيل الزبون دايما علي حق.
محمد قاضي ..سلام..
لا اذكر انك اتكلمت واختلفت معاي..
القطيع المتكالب امثال بيت ألأشباح دينق اخوان ناس الغرض والغرض مرض..هؤلاء قوم مغرضين (الله يطرى بالخير اخونا سيف بابكر صاحب يا هذا)..
المواطن بشارة حسن جميل الله ، يا محمد ، جاء المطار الساعة اطناشر ظهرا ، وموعد السفرية المسافر بيها الساعة عشرة وخمس وعشرين دقيقة مساءا (حسب تذكرتو البيتكلم عنها دي)..يعني جاء قبال عشرة ساعات من زمن السفرية..يبقى جاي لي شنو بالضبط؟..ومش لمن موظفي المطار يقولوا ليهو زح لينا من هنا بيكونوا على حق؟..لأن النقطة الحدثت فيها المشكلة مامكن يسمحوا ليك بالدخول وانت طيارتك باقي ليها عشرة ساعات عشان تطير..!..أي نقة هنا بتعتبر شغب وازعاج واعتراض موظف عام اثناء اداء الواجب..!
كلامك بتاع دخول المول وعمل شكلة بدون سبب ، هل تصدق هذا ما فعله بشارة بالضبط ..دخل المطار وعمل شكلة بدون سبب..!!
والإ قول لي: كيف زول يجي قبل زمن السفرية بتاعتو بعشرة ساعات ويقول ليهم على بالطلاق الإ ادخل..!!
ودمت..
كبر
06-07-2018, 08:50 AM
Kabar
Kabar
تاريخ التسجيل: 11-26-2002
مجموع المشاركات: 18537
Quote: قصة ضروبوهو وعذبوهو لأنو من دارفور بقت قصة ممجوجة ما بتقسم مع اي صاحب عقل مداخلة الاخ القانوني كبر مركزة جدا ووضعت النقاط فوق حروف كثيرة والقصة يبدو فيها حبكة جامدة
استاذنا ترهاقا..حبابك يا صديق
كل سنة وانت طيب..
المضحك في الأمر يا صديقي ان البعض لازال يظن اثارة حكاية دارفور ممكن تقسم مع جهات دولية عديدة..
والأكثر اضحاكا..في قصة بشارة الناس طوالي بتعاين لماما امريكا عشان تدخل..وماما امريكا عارفة البير وغطاها..وما عندها قدرة تمسك ماسورة للمرة الألف..!
ناس كتيرة اتحاصرت في هذه القضية لأنها قالت الحقيقة كما تراها..واستمعت لتسجيل لإحدى الأخوات بتشكي بمرارة لأنو الناس قالوا ليها يا تديني وتقولي الزول ده اتعرض لمشاكل لأنو من دارفور يا كمان انتي جلابية ومتضامنة مع الحيكومة..!..مع انو الزولة قالت كلام عقلاني للغاية وبتوصي حملة الجوازات الأجنبية انهم ياخدوا حذرهم في مطار الخرطوم..ورشت الحيكومة زي الترتيب..برضك ما شفع ليها..!
قصة بشارة جميل الله فيها ثقوب كتيرة يا صديقي ، الرجل تذكرتو مواعيد القيام المحددة فيها الساعة عشرة وخمس وعشرين دقيقة مساءا..وهو بعضم لسانو قال جيت المطار الساعة اطناشر..انا شخصيا شاكي في كلام بشارة ، وحكاية انو قالوا لي ارجع جيب تذكرة مطبوعة وحكاية مشيت عفراء مول وشنو كده ما عارف..!
والحتة البتحرج النشطاء المتضامنين مع بشارة (نظام شيك على بياض) انو كيف زول يجي المطار قبل عشرة ساعة من السفرية ويصر انو يخش ويتجاوز نقطة لا يسمح فيها بالعبور الإ بتذكرة سارية ومواعيد سفرها على وشك الحين..؟..ويعمل مشاكل مع موظفيين عموميين اثناء اداء واجبهم؟
كما ذكرت لصديقنا سيف ، النقطة بتاعة الصالة الحدثت فيها المشكلة لا يسمح بمرور احد الإ اذا كان عندك تذكرة سارية ومواعيدها على وشك..وبشارة منطقيا ما عندو تذكرة لتلك الفترة..يعني ما عندو تذكرة لأي سفرية قايمة عصرا في يوم السبت الثاني من يونيو 2018..ومعروف ان رحلتو زمنها الساعة عشرة وخمس وعشرين دقيقة مساءا ..والرجل اصر ان يدخل..!
موظفي المطار كانوا على حق لمن قالوا لبشارة زح بعيد وما تقيف لينا هنا..لأنو ما في سبب يخليهو يقيف هناك ويتلادح كمان..!
عشان كده سألنا: من يقف خلف بشارة جميل الله؟..
ودمت..
كبر
06-07-2018, 09:18 AM
Kabar
Kabar
تاريخ التسجيل: 11-26-2002
مجموع المشاركات: 18537
سيف (حبابك ياصديق ) حبيبنا في شارلوت ، غادرت مطار الخرطوم 15/5 في نفس الرحلة ، وفي اسوء الاحوال المسافة من المطار والبيت 15 الي 20 دقيقة ، وصلت المطار 1:00 لان الرحلة السابقة تخلف عنها 40 راكب وماعندي تذكرة النسخة المطبوعة ضاعت مني رحلتي كانت طويلة امريكا بانكوك الخرطوم ومسحت الايميل يالخطاء في السودان ، وما كان عندي اي فكرة اني جزء من مؤامرة عالمية او خيال بوليسي خصب ليس لعنصر امني او مخابراتي ، بل دارس للقانون يعتقد يقيناً ان كل ضحية للاجهزة الامنية وتجاوزتها مذنب ما لم تقر تلك الاجهزة بالتجاوز !!!!! لكن يتخيل لي انا جيت في الوردية الغلط ماعندي غير الجواز الامريكي ، وزمن الرحلة لسه ، دخلت وانجعصت في كراسي الصالة واتصلت بالاهل والاصدقاء معتذرا عن المغادرة المتعجلة حينها والان ضاحكا علي القانوني برتبة مخبر امني
06-07-2018, 09:05 AM
Deng
Deng
تاريخ التسجيل: 11-28-2002
مجموع المشاركات: 52545
الإ صحي كده: ليه بشارة جاء المطار قبال مواعيد سفريتو بعشرة ساعات بالتمام؟ .مش جا وقعد ساكت..عمل شكلة مع ناس المطار..و كمان اصر يدخل عشان عندو جواز امريكي وبتكلم شويتين انجليزية ومعاها عشرة الف دولار امريكي وزيادة شوية؟..
مع انو النقاش حول حلال ام حرام دم البعوض لا معنى له امام دم الحسين، لكن يا كبر خليني احكي ليك تجربتي في قصة الحضور للمطار بدري في ٢٠٠٣ قبل اغترب ارسلت لي الشركة تذكرة لدبي لاجراء المقابلة، حجز الفندق كان ليلة واحدة عملت جيك آوت قبل المقابلة الانتهت الساعة عشرة صباحا ومواعيد طيارتي سبعة بالليل اها اعمل شنو ما بعرف زول الوقت داك في دبي ولا شايل قروش اتفسح بيها مشيت المطار من الساعة عشرة ونص و طبعا التيرمنال مفتوح وملان كافيهات و بااارد و فيه مسجد ظريف وكمان فيه كمبيوترات فيها نت مجاني كان المهم الساعات عدت فجأة انتبهت على نداء بدأ اجراءات السفر لطيارتي الساعة اربعة وشوية مشيت على الكاونتر ... إلخ إلخ وحكينا القصة دي ليه؟ لانه ما كل من اتى قبل مواعيد طيارته خاصة اذا ما كان عنده بيت في الخرطوم مثلا او الزول الحيسوقه دي مواعيده اوغيرها من الاسباب جزء من مؤامرة او عمل اجرامي او تهريب عملة ...الخ الخ
لكن يا كبر كل هذا السيناريوهات حتى ان صحت و الثقوب حتة ان اتسعت لا تبرر ابدا او تجعل تصرف عصابة النظاميين مبلوع باي شكل كان
06-07-2018, 10:52 AM
Deng
Deng
تاريخ التسجيل: 11-28-2002
مجموع المشاركات: 52545
الإ صحي كده: ليه بشارة جاء المطار قبال مواعيد سفريتو بعشرة ساعات بالتمام؟ .مش جا وقعد ساكت..عمل شكلة مع ناس المطار..و كمان اصر يدخل عشان عندو جواز امريكي وبتكلم شويتين انجليزية ومعاها عشرة الف دولار امريكي وزيادة شوية؟..
كبر
محمد النور كبر يا مجنون كندا.
بشارة يجي قبل مواعيد السفرية، بشارة يقل أدبوا على طاقم الامن. دي كلها حيثيات لا علاقة لها بالمشكلة وبالموضوع المطروح هنا. الناس هنا يا محمد النور كبر يا قانوني يا كندي، تتحدث عن إنتهاك حقوق هذا الرجل الانسانية، وعدم أتباع القوانين والاجرائات. أنت ليه ما داير تفهم الحتة دي ومصر إصرار غريب في أن تكتب للناس كلام طويل وممجوج الغرض منه ألهاء الناس عن الحقائق وعن أصل المشكلة؟؟
البتعمل فيهو ده عيب كبير يا كبر، ده لو أنت فعلا بتعرف العيب؟
06-07-2018, 10:59 AM
اسامة محمد ابوبكر
اسامة محمد ابوبكر
تاريخ التسجيل: 01-17-2013
مجموع المشاركات: 249
Quote: مشيت المطار من الساعة عشرة ونص و طبعا التيرمنال مفتوح وملان كافيهات و بااارد و فيه مسجد ظريف وكمان فيه كمبيوترات فيها نت مجاني كان المهم الساعات عدت فجأة انتبهت على نداء بدأ اجراءات السفر لطيارتي الساعة اربعة وشوية مشيت على الكاونتر ... إلخ إلخ
بالضبط ده التصرف السليم للشخص البجي بدري شديد من مواعيد الرحلة مش يحاول الدخول لي منطقة المغادرة مع الإدانة الكاملة للعنف الغير المبرر
06-07-2018, 11:09 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
ما المشكلة يا اسامة مطارك دا مافيه الكلام دا, صالة المغادرة بوابتها واحدة وتؤدي مباشرة للكاونترات بعد ماكينة فحص الامتعة بالاشعة وعشان كدا هم خاتين السيكيوريتي حتى يمنع دخول غير المسافرين لضيق الصالة و انعدام المرافق الفكرة انه حضوره بدري ليس بالضرور مؤامرة, وكذا الحال في محاولته للدخول ممكن يكون لجهله بواقع مطار الخرطوم وظنه انه كباقي مطارات الدنيا صالة المغادرة بها اماكن انتظار مفصولة عن الكاونترات
06-07-2018, 12:45 PM
Deng
Deng
تاريخ التسجيل: 11-28-2002
مجموع المشاركات: 52545
لا يعقل ان يأتي مسافر لصالة المغادرة قبل عشرة ساعات .. الكاونترات لاي رحلة لا تفتح قبل 3 ساعات او اقل من قبام الرحلة .. و "مطارنا" ده ما فيهو شيء بعد دخول الصالة الا التوجه للكاونتر عشان تعمل (تشيك ان)
هناك صالة (كانت) في الطابق التاني (كان) فيها كافيتيريا .. (كانت الحته الوحيدة في الخرطوم الممكن تلقى فيها اكل بعد منتصف الليل في اوائل التسعينيات ايام حظر التجول.. صالة باردة ولائقة جدا "للخلط" آنذاك ) .. ياااا حليلنا والله
المهم الصالة دي لو فاتحة لعاية هسع فهي مكان مناسب للانتظار اما محاولة دخول صالة المغادرين قبل عشرة ساعات من الاقلاع .. فهذه مسألة غريبة
ولكن يا كبر هذه المسألة .. وحتى لو سرحت خيالاتنا نحو مؤامرة وتعمد ان تتم الاحداث بهذه الصورة .. كل ذلك لا يبرر الجريمة التي ارتكبتها عناصر الأمن
هنا في ملاحظة مهمة موقفك الاولي ولازال (كما فهمت) ادانة العنف الذي مورس ضد هذا المواطن بجواز امريكي .. هذه الادانة يجب الا تروح شمار في مرقة الحوارات العنيفة من خلال التركيز المستمر على اخطاء (الضحية) في التعامل مع الاجهوة الامنية
06-07-2018, 03:22 PM
كمال عباس
كمال عباس
تاريخ التسجيل: 03-06-2009
مجموع المشاركات: 17134
السؤال ماهو مصير هذا المواطن الآن؟أين هو الآن هل تم إعتقاله وقدم لمحاكمة؟ أم لازال معتقلا من دون توجيه تهمة ؟ هل سمح له بالسفر؟ هل إطلق سراحه ولم يسافر بعد؟ * هل حددت جلسة قضائية في التحقيق في مصدر ومصير أمواله التي تم التحفظ عليها - للتقرير في مدي مشرعية ملكيتها أو إستيفائها لمستوجبات المصادرة؟ * هل شرعت السلطات في عمل تحقيق في الحادثة - الضرب والإعتداء البدني ؟ هل تم إيقاف المتهميين بالإعتداء لحين إنتهاء التحقيق؟ * هل عرضت السفارة الأمريكية تقديم محامي للمعتدي عليه و للعمل علي عرضه طبيب لتحديد مدي ماتعرض له -وفتح لبلاغ ضد الجهات المعتدية ؟
06-07-2018, 03:37 PM
كمال عباس
كمال عباس
تاريخ التسجيل: 03-06-2009
مجموع المشاركات: 17134
وإذا صح أن المواطن بشارة قد تمكن من السفر بمعاونة السفارة الأمريكية هنا نسأل إذا صح زعم البعض هنا إن المواطن بشارة قد خرق القانون وتعدي لفظيا علي الموظفيين الخ فلماذا لم تتخذ السلطات إجراءات قانونية ووتحفظ علي لحين تقديمه لمحاكمة - أو البدء في تحريك الإجراءت القانونية وإطلاق سراحه بالضمان؟ هب أن هذا المواطن ليس ضهر وسفارة تدعمه وتحرص علي حقوقه ماذا سيكون مصيره؟ * للذين هبو "لشيطنة" بشارة وتجريمه وإعتباره متعدي وخارق للقانون لماذ الم يقدم لمحاكمة ؟
06-07-2018, 03:49 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
نقطة في رايي غير مهمة لكن لا بد من الدقة وضبط الكلام يقول كبر ان بشارة جا المطار قبل عشرة ساعات - الساعة اناشر - و الطائرة مواعيدها حسب التذكر ة 10:25 مساء و اضاف بين قوسين حب تذكرته البتكلم عنها دي ما عارف من وين جاب المعلومة دي لكن بحثت في موقع طيران الامارات فوجدت انه توجد رحلة واحدة يوميا من الخرطوم لدبي القيام الساعة 18:10 يعني الميزان يفتح الساعة 15:10 معلومة ان بشارة جا المطار الساعة 12 وردت في حواره مع الراكوبة و الذي قال انه غادر الساعة 11 مساء بعد تأخر الطائرة لمدة عشرين دقيقة ! الحقيقة الثابتة الوحيدة ان رحلة الاماراتية الساعة ستو عشرة دقائق مساء و الميزان يفتح الساعة 3 و عشرة اما باقي المواعيد المذكورة مثل حضوره المطار الساعة 12 و مواعيد الرحلة الساعة عشرة و 25 دقيقة مساء قابلان للنفي وليسا مثبتين بالنسبة لي
06-07-2018, 04:53 PM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
أضف الى ذلك يا ود البشرى انه انتظر في الخارج لثلاث ساعات قبل ان يبدأ في الاحتجاج ومحاولة الدخول الزول ده كان مسافر مثالي عديل كده لكن ما بتدي مثالي في الخرطوم.
Quote: 6 عناصر من الشرطة الأمريكية يتكالبون على رجل أسود أعزل و يضربونه حتى فقد وعيه
نشرت صحيفة الديلي ميل البريطانية مقطع فيديو صادم قلب الموازين بمركز شرطة ولاية أريزونا الأمريكية.
وتم إرسال ذلك الفيديو من قبل شاهد إلى قائد شرطة الولاية عبر إيميل مصحوباً بالتعليق “أعتقد أن هذا الموقف مثيراً للقلق، لتتفقده إذا شئت”، وما أن تفقده حتى شاهد الكارثة .
4 أفراط من شرطة الولاية اجتمعوا على رجل أسود أعزل بأحد المجمعات السكنية، ثم بدأوا بضربه كثيراً على وجهه و رأسه، ثم ثوانٍ قليلة حتى وصل شرطيان آخران عبر المصعد انضما لهم في ضربه حتى فقد وعيه، ثم وضعوا الأصفاد في يديه .
في هذه الأثناء مر شخص وقف عند الركن البعيد كان غير مهتم في البداية ثم وقف يتابع الموقف عندما تصاعدت الأمور ، استوقفوه هو أيضاً و أمروه بوضع يديه فوق رأسه لتفتيشه، ثم أخرجوا بعض المقتنيات من جيبه.
يقول القائد الذي حصل على منصبه منذ عدة أشهر فقط ، “ما أن رأيت المقطع حتى فتحت التحقيق فوراً في الواقعة التي لم أعلم عنها شيء سوى بعدها بأسبوع، نحن هنا لنضمن للمواطن و الشرطي أن يعودوا لبيوتهم سالمين، و ما حدث منافٍ لقواعدنا و نحن لا نتعرض بالضرب تجاه أحد إلا إذا كان عدوانياً أو أبدى أي عنف .
تم تحويل الضباط المشتركين بالواقعة للتسريح الإداري لحين انتهاء التحقيقات، الغريب في الأمر أنهم برروا فعلتهم بأنه رفض الجلوس عندما طُلب منه ذلك.
نُدين ونشجب ما تعرض له الأخ/ بشارة حسن جميل.
06-07-2018, 06:58 PM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
والله ادانتك دي يا تيتاوي اخير منها السكوت. إطلاقا مافي علاقة بين زول واقف في حاله بطالب بحقه وبين زول بقاوم الإعتقال والله وحده يعلم ماهي تهمته وما الذي فعله. وعلى اَي حال العنف الشرطي فعل مدان في أمريكا وفِي غيرها ولا يبرر ما حدث لرجل في اريزونا ان يؤخذ بشارة في السودان الى غرفة داخل مطار الخرطوم ليتم ضربه وصعقه بالكهرباء وسرقة ماله. حكاية بتحصل في ارقى العائلات دي ما هي الأ موافقة على الفعل الذي بررت له.
06-07-2018, 08:18 PM
Mirghani Taitawi
Mirghani Taitawi
تاريخ التسجيل: 05-26-2013
مجموع المشاركات: 2056
ما تعرض له الأخ/ بشارة مُدان وما بيقبلو زول .. وأي واحد بيضع نفسو مكانه ويتوقع يحصل ليهو ألعن من الحصل لـ بشارة. العنف من الشرطة تجاه أي زول مهما كانت جنسيته مدان وين ما كان .. ومُدان اكتر لو حصل فى الدول الديمقراطية المتقدمة .. ما حصل للمواطن الامريكي فى ولاية أريزونا لا يقل سوءً عن ما حصل للأخ/ بشارة بـ مطار الخرطوم.
06-07-2018, 10:07 PM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
الله أكرم يا تيتاوي وكل عام وأنتم بخير. جهاز الدولة وأدوات قمعه من شرطة وغيرها هم في الأصل وبحكم النشأة التاريخية لا تهمهم مصلحة المواطن البسيط بل المهم هو سحقه وجعله ترسا في الماكينة الرأسمالية. لكن وبصدق لا مقارنة إطلاق بين ما يجري في اريزونا او غيرها من الولايات وبين ذَا الذي يحدث في السودان.
06-07-2018, 10:25 PM
النذير حجازي
النذير حجازي
تاريخ التسجيل: 05-10-2006
مجموع المشاركات: 7159
أها يا كبر، الدنيا رمضان حجينا علشان نقطع الوكت أها في آخر حجوتك قلت دي مؤامرة ومخطط، طيب الجهة الوراء المخطط دي منو؟ هل الموساد؟ السي آي أيه؟ الماسونية؟ المعارضة؟ وعايزين يصلوا لشنو؟ هل تشويه وجه الحكومة؟ وهل وجه الحكومة ناقص تشويه؟
لا أسكت الله لك حساً
بالله يا دينق و د. سيف و د. المشرف وود البشرى ما تعملوا شوشرة لكبر الراجل دا بتكلم كلام زي الفل
06-07-2018, 10:52 PM
اسماعيل عبد الله محمد
اسماعيل عبد الله محمد
تاريخ التسجيل: 08-26-2007
مجموع المشاركات: 2811
المواطن الامريكي من اصل سوداني الذي تعرض للتعذيب , بالضرب و الركل و الصعق الكهربائي , من قبل افراد تابعين للاجهزة الامنية لنظام البشير , في احدى الدهاليز المظلمة المجاورة للممرات الداخلية في مطار الخرطوم الدولي , لم يكن ناشطاً سياسياً ولا معارضاً لنظام الحكم الانقاذي , فهو مثله مثل الكثيرين من المواطنين السودانيين الذين ضاق بهم الحال , فهاجروا الى ارض الله الواسعة , بحثاً عن الرزق الحلال و العيش الكريم وهرباً من الجحيم , كما ان اسمه لم يرد في سجلات المتمردين الثائرين ضد نظام الحكم في الخرطوم , وحتى المبررات التي ساقاها المتعاطفون مع سلوك هذه الجماعة الامنية المنحرفة التي بطشت بهذا المسكين , لا يسندها المنطق و لا الحجة ولا الضمير الانساني , فكل الحيثيات التي ادلى بها هذا الرجل الضحية لصحيفة الراكوبة , لا تبرر هذا الجرم الشنيع الذي ارتكبه بحقه هؤلاء الافراد غير المنضبطين , ان كل المشاجرات التي تنشب بين المسافرين وحراس البوابات , في موانيء ومحطات الاسفار و الترحال الجوي و البحري و البري , تحسم بالوسائل و الاجراءات الشرطية والقانونية العادية , والتعامل الاداري الروتيني واليومي , ولا دخل لاجهزة تجسس و مخابرات الدول بها , وايضاً لا علاقة لها بالسياسة وكواليسها , اذ لا يعقل ان تمتهن كرامة الأنسان و يذل و يعنف لمجرد لبس اجرائي و اداري معهود , فهذه الحادثة بالطبع سوف تترك اثرها السالب على صورة الحكومة السودانية في المحافل الدولية , و ستنتقص من رصيدها المنقوص اصلاً في اجتهاداتها الدبلوماسية و محاولاتها ترميم وترقيع علاقاتها الخارجية المنهارة , فهذه الحماقة المرتكبة من قبل مؤسسة من المؤسسات المعنية بأمن و حفظ وسلامة الانسان , تقودنا الى التساؤل التالي : كيف لأي منظومة كانت من منظومات الحكم , ان تسمح لبوابتها و واجهتها المطلة على العالم الا وهي (المطار الرئيس) , لان تعكس صورة فاضحة لانتهاكات حقوق الانسان بهذه الطريقة الوحشية ؟؟؟؟, مما لا شك فيه ان هذه المخالفة الصريحة للاعراف الدولية , سوف تلقي بظلالها على السجل القاتم للدولة السودانية الخاص بحقوق الانسان في ظل حكم البشير , وفيما يتعلق بالمجهودات التي تبذلها في سبيل رفع اسم البلاد , من قائمة الدول الراعية للارهاب ومن القوائم السوداء الاخرى التي يتصدرها اسم السودان , اضافة الى تذكير الدوائر العالمية الناشطة في مجال حقوق الانسان برفع تقاريرها الدورية , المؤكدة على اصرار و استمرار وتعمد النظام السياسي في السودان في مباركة الممارسات المتجاوزة للحقوق الاساسية للانسان , التي يقوم بها محسوبوه بحق المواطن السوداني في الداخل , وذاك الآخر الحامل للوثائق وجوازات السفر الغربية , الداخل الى البلاد عبر مطاراتها الجوية وموانئها البحرية والبرية .
لقد تناول المحللون و الناشطون في الحقل السياسي و الاجتماعي هذا الحدث من زوايا عديدة , وابدوا فيه وجهات نظر مختلفة ومتنوعة , ومن اكثر الزوايا التي نظر بها بعضهم من خلالها لهذه الحادثة , هي تلك النظرة المنطلقة من زاوية التحليل الجهوي والعرقي و المناطقي , للصراع السياسي والاجتماعي في السودان , فكما هو معلوم ان هذا الرجل المعتدى عليه ينتمي الى اقليم دارفور , وكان في رحلة عودته الى موطنه الثاني الولايات المتحدة الامريكية , بعد ان قام بزيارة اهله و ذويه في مدينة نيالا التي تعتبر المركز التجاري الاكبر في الاقليم , وعند عبوره مدخل بوابة صالة المغادرين بمطار الخرطوم , وقعت عملية التحرش به من قبل افراد الامن بفرضية انتمائه الى المنظمات السياسية , و الحركات المسلحة والعسكرية المتمردة على نظام الحكم المركزي في الخرطوم , التي تنطلق من اراضي اقليم دارفور في شن عملياتها العسكرية على الجيش و المليشيات الحكومية , الامر الذي أغرى هؤلاء الشباب للتغول على ما يمتلكه الرجل من مبالغ مالية كبيرة من النقد الاجنبي , في محاولة يائسة منهم لالصاق وصمة (المتمرد) عليه , لكي تسهل عليهم عملية ابتلاع هذه اللقمة السائغة و (المملحة) , باستحداثهم لهذه الذريعة المتوهمة لاكمال عمليه هذا السطو المقنع , بقناع الاجهزة الأمنية الاكثر دموية وبطشاً بالمواطن في السودان , والذي يعطي هذه الفرضية مسحةً توحي بشيئٍ من المنطق , هو ذلك السؤال الذي تم طرحه على الضحية اثناء هذه الحملة التعذيبية القاسية عن ما هية القبيلة التي ينتمي اليها , والذي قام بتوجيه السؤال اليه هو احد افراد هذه الجماعة الامنية التي اشرفت على تعذيبه , فطرح مثل هكذا سؤال في مثل ذلك الظرف الارهابي المرعب الذي عايشه الرجل الضحية , له دلالة قوية على جهوية التوجه السياسي و الامني للمنظومة الانقاذية , وتغلغل عناصر عرقية بعينها في مفاصل الاجهزة الامنية والعسكرية للنظام , الامر الذي يعتبر اقوى الادلة على ما ورد في الكتاب الاسود من حقائق , تحدثت عن المسلك العنصري و الجهوي الممنهج لمنظومة الانقاذ , ذلك الكتاب الذي صدر عقب المفاصلة السياسية الشهيرة بين شركاء انقلاب ما سمي بثورة الانقاذ الوطني , الذي حوى قوائم بيانية و احصائية دقيقة عن نسبة المشاركة الجهوية والجغرافية لسكان السودان , في المواقع و الوظائف الحساسة والمفصلية والمهمة , في مؤسسات و اجهزة الدولة السودانية منذ استقلال البلاد.
ان من اكثر المشاهد دهشةً في الفيديو الذي وثق لهذه الجريمة , هو دوس جواز سفر الضحية بحذاء احد هؤلاء المنفلتين في الوقت الذي ما يزال فيه الجواز موضوعاً على جسد الضحية , مع صدور عبارات مسيئة للضحية وللدولة التي منحته ذلك الجواز , وكان هذا السباب وتلك الشتائم صادرة من افواه الذين كانوا يركلون هذا المواطن الامريكي السوداني في عنجهية صارخة , و ازدراء منقطع النظير مصحوب بكلمات من الفحش و مفردات نتنة منتقاة من لغة قاع المدينة , ان انعدام المهنية و استشراء الحمق و الاغترار بالسلطات اللامحدودة الممنوحة لافراد اجهزة امن البشير , قد ادخلت النظام الذي يمثلونه في حرج دبلوماسي كبير وخطير , سوف تنعكس ارتدادات افعاله من قبل هذه الدولة التي اهينت وثيقتها , في مقبل ايام حبلى بالكثير و المثير من الاخبار , فهذا المسلك الذي بدر من محاسيب النظام يعطي مؤشر واضح على مدى الانحطاط الاخلاقي غير المسبوق الذي وصلت اليه منظومة البشير , فخبط العشواء هذا ظل يأتي من قمة الهرم السلطوي منحدراً الى اصغر موظف في الدولة.
ولكأنما اراد الله ان يسكت اصوات الذين تضمانوا مع الجلاد و نصروه , واساءوا للرجل الضحية و وصموه باقبح الاوصاف , فقد جائت حادثة اخرى اكثر بشاعةً من حادثة مطار الخرطوم الارهابية التي نحن بصددها , وهي جريمة تعذيب وقتل مواطن امريكي سوداني آخر , من ذات الاقليم الذي ينتمي اليه الاول بل ومن نفس المدينة (نيالا) , و للمطابقة اكثر فان المقتول تعذيباً وذلك الآخر الذي انقذته العناية الالهية , كلاهما يعملان في ولاية الاسكا الامريكية , حيث البرد الذي تتجمد فيه الدماء في العروق , فهذه القسوة المصحوبة بالتشفي و الحنق العرقي من قبل اولاد البشير المدللين هؤلاء , والذين ترك لهم ابوهم الحبل على الغارب , وجعلهم يرتعون و يفعلون بابناء السودان الكادحين ما يشاؤون من رذائل الافعال , وبناءً على هذا استهدافهم الجهوي و المناطقي لمواطني بلادهم , لن يجد ذوو الضحايا والوطنيين الخلص من ابناء السودان , طريقاً ومتنفساً يخرج الهواء الساخن و الملتهب من صدورهم , نتيجة لهذا القهر وذاك الاذلال الذي يتلقونه من صبية النظام , الا بقيام جبهة وطنية عسكرية كاسحة وماسحة لنظام الظلم و القهر والعنصرية الممنهجة , تكون هذه الجبهة شبيهة ب(الجبهة الوطنية الرواندية) التي اقتلعت نظام الابادة الجماعية المدعوم من قبيلة الهوتو , ذلك النظام العرقي الذي يشبه نظام البشير الى حد بعيد , والذي ارتكب جرائم الابادة الجماعية بحق عرقية التوتسي , في سيناريو تراجيدي ما زالت تحكي عنه المقابر الجماعية المجهولة التي يتم اكتشافها يوماً بعد آخر , فلقد اثبتت جثة الضحية الثانية ان الصراع في بلاد السودان اساسه العرق و ليس الايدلوجيا او الدين , لقد ذهب الجنوب السوداني بعد صراع طويل مصحوب بالمآسي و الدماء مع مركز الدويلة المركزية و العرقية في الخرطوم , اما هذه الحالة السودانية المشحونة بالغبائن وروح الانتقام اليوم , فسوف تؤدي الى نتائج مختلفة عن ما حدث مع السودان الجنوبي قبل عقود قليلة من الزمان , حينما ادت الاستفزازات العنصرية الى فصل هذا الجنوب , اما اليوم فان اقاليم السودان الحاضرة لن تتنصل عن التمسك بوحدة السودان برغم ما تكبدته من خسائر في الارواح , ولن تفرط في تقطيع اوصال ما تبقى من سودان ارضاءً لخاطر عيون دويلة البشير الباطشة , بل ان التاريح سوف يعيد نفسه , تماماً مثلما حدث في قدير قبل قرن ونيف من السنين , حيث انطلاق ثورة التحرر السودانية الشاملة , التي عتقت رقاب الشعوب السودانية من الاستعباد الذي مارسه الاستعمار التركماني و المصري , ستتكالب شعوب هامش السودان على منظومة حكم الدولة المركزية المتجبرة و المستعمرة , فتعيد تحرير السودانيين مرة اخرى من نظام الابارتيد و الفصل العنصري الداخلي.
06-08-2018, 08:45 AM
Kabar
Kabar
تاريخ التسجيل: 11-26-2002
مجموع المشاركات: 18537
Quote: نقطة في رايي غير مهمة لكن لا بد من الدقة وضبط الكلام يقول كبر ان بشارة جا المطار قبل عشرة ساعات - الساعة اناشر - و الطائرة مواعيدها حسب التذكر ة 10:25 مساء و اضاف بين قوسين حب تذكرته البتكلم عنها دي ما عارف من وين جاب المعلومة دي لكن بحثت في موقع طيران الامارات فوجدت انه توجد رحلة واحدة يوميا من الخرطوم لدبي القيام الساعة 18:10 يعني الميزان يفتح الساعة 15:10 معلومة ان بشارة جا المطار الساعة 12 وردت في حواره مع الراكوبة و الذي قال انه غادر الساعة 11 مساء بعد تأخر الطائرة لمدة عشرين دقيقة ! الحقيقة الثابتة الوحيدة ان رحلة الاماراتية الساعة ستو عشرة دقائق مساء و الميزان يفتح الساعة 3 و عشرة اما باقي المواعيد المذكورة مثل حضوره المطار الساعة 12 و مواعيد الرحلة الساعة عشرة و 25 دقيقة مساء قابلان للنفي وليسا مثبتين بالنسبة لي
محمد البشرى..سلام
بالغت يا صاحب جنس بوليغ واحد..
يعني انتا تصدق انو بشارة سافر في رحلة الساعة 11 مساءا من الخرطوم ..وتحاول تنفي كضبة كبر بتاعة انو رحلة بشارة في يوم السبت كانت الساعة عشرة وخمس وعشرين دقيقة مساءا؟..طيب بشارة ده سافر الساعة 11 مساءا بياتو طيران؟..ولا السفير الأمريكي جاب ليهو طيارة عسكرية خاصة عشان تشيلو توصلو مطار دبي؟..
يعني التأخير بتاع العشرين دقيقة اصلو ما ضرب ليك جرس تنبيه عشان تقارنو بحكاية الساعة عشرة وخمس وعشرين دقيقة القال ليك عليها كبر؟..
مش جايز انو موقع الخطوط الأماراتية لم يتم تحديثو مؤخرا عشان يواكب الواقع؟..
وعشان ما نكتر الغلاط ساكت ، ياهي دي تفاصيل رحلات بشارة من امريكا للسودان وبالعكس:
الرحلة الأولى:
من مطار سياتل/تاكوما..زمن المغادرة الساعة 5:50 مساءا (بتوقيت سياتل) ، يوم الأثنين 23 ابريل 2018 ، زمن الرحلة 14 ساعة و10 دقائق
زمن الوصول لمطار دبي ، الصالة رقم 3 ، كان يوم الثلاثاء 24 ابريل 2018 الساعة 7:00 مساءا (بتوقيت دبي)..
الرحلة الثانية:
من مطار دبي ، الصالة رقم 2 ، زمن المغادرة الساعة 7:15 صباحا (بتوقيت دبي) ، يوم الأربعاء 25 ابريل 2018 ، زمن الرحلة 4 ساعات.. زمن الوصول لمطار الخرطوم الساعة 9:15 صباحا (بتوقيت الخرطوم)..يوم الأربعاء 25 ابريل 2018
الرحلة الثالثة: من مطار الخرطوم ، زمن المغادرة الساعة 10:25 مساءا (بتوقيت الخرطوم) ، يوم السبت 2 يونيو2018 ، زمن الرحلة 4 ساعات و10 دقائق زمن الوصول لمطار دبي ، الصالة 2 ، الساعة 4:35 صباحا(بتوقيت دبي) يوم الأحد 3 يونيو 2018
الرحلة الرابعة:
هنا ملاحظة مهمة لحكاية صباحا ومساءا حسب المكتوب في التذكرة بتاعة بشارة
من مطار دبي ، الصالة 3 ، زمن المغادرة الساعة 8:30 صباحا (بتوقيت دبي) ، يوم الأحد 3 يونيو 2018 ، زمن الرحلة 14 ساعة و20 دقيقة زمن الوصول لمطار سياتل/تاكوما ، الساعة 11:50 صباحا (بتوقيت سياتل) يوم الأحد 3 يونيو 2018
طبعا حكاية صباحا/مساءا في الرحلة الرابعة فيها مشكلة يا اما تكون المغادرة مساءا عشان يصل صباح ، يا اما العكس المغادرة صباحا عشان يصل مساءا في نفس اليوم لأن الرحلة زمنها 14 ساعة..
بشارة عمل مشكلة في الرحلة الثالثة (الخرطوم/دبي) ، وقال لناس الراكوبة جيت المطار الساعة اطناشر (طبعا صديقنا سيف زاد قبلها 3 ساعات انتظار ، يعني جاي الساعة 9 صباحا)..وفي تذكرتو زمن المغادرة الساعة 10:25 مساءا..طيب ليه كان مصر انو يخش المطار ورفض يستجيب لناس المطار لمن قالوا ليهو زح من هنا؟..واكتر من كده طنقعة وابراز جواز امريكي..!!
Quote: من يقف خلف بشارة جمعة اللــــه (جميل الله)؟ كبر
مخطط ابن كلب لكن! كتر خيرك يا كبر طيب يا كبر، قبل القفز بالزانة واستباق التحليلات المستهدف من العملية الكبيرة دي منو؟ ياريت تجاوبني في الحتة دي لأنها استغلقت علي
06-08-2018, 10:28 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
Quote: يعني انتا تصدق انو بشارة سافر في رحلة الساعة 11 مساءا من الخرطوم ..وتحاول تنفي كضبة كبر بتاعة انو رحلة بشارة في يوم السبت كانت الساعة عشرة وخمس وعشرين دقيقة مساءا؟
لا يا حبيب دا نص كلامي
Quote: معلومة ان بشارة جا المطار الساعة 12 وردت في حواره مع الراكوبة و الذي قال انه غادر الساعة 11 مساء بعد تأخر الطائرة لمدة عشرين دقيقة ! الحقيقة الثابتة الوحيدة ان رحلة الاماراتية الساعة ستو عشرة دقائق مساء و الميزان يفتح الساعة 3 و عشرة اما باقي المواعيد المذكورة مثل حضوره المطار الساعة 12 و مواعيد الرحلة الساعة عشرة و 25 دقيقة مساء قابلان للنفي وليسا مثبتين بالنسبة لي
معلومة مغادرتة الساعة حداشر جابتها الراكوبة وهي ايضا زي باقي المواعيد المذكورة ليست مثبتة وفيها شك وكنت قد اشرت للمعلومة الوحيدة التي اثق فيها وهي موعد الرحلة اليومية الوحيدة لطريارن الامارات من الخرطوم لدبي هل كانت هناك رحلة اخرى اليوم داك, ربما ودي معلومة يسهل التأكد منها وحتى ذلك الحين بقول انه غالبا لاتوجد رحلة أخرى لأنو دا ما وقت موسم و المقاعد متوفرة على الرحلة الوحيدة لو دخلت تحجز اسي في اللحظة دي ح تلقى مقعد على طائرة بكرة وبسعر معقول نسبيا ! تقول يا كبر ان الرحلة الثالثة مواعيدها كذا :
Quote: من مطار الخرطوم ، زمن المغادرة الساعة 10:25 مساءا (بتوقيت الخرطوم) ، يوم السبت 2 يونيو2018 ، زمن الرحلة 4 ساعات و10 دقائق زمن الوصول لمطار دبي ، الصالة 2 ، الساعة 4:35 صباحا(بتوقيت دبي) يوم الأحد 3 يونيو 2018
يلا بس لحسم الجدل, من وين جبت المعلومات دي؟
قصة تحديث موقع الاماراتية اوعى يكون مشارك في المؤامرة كمان!! من موقع الحجز لا يمكن الرجوع لتاريخ سابق, لكن عندهم Flight schedule لكل رحلاتهم بدون تحديد تواريخ فقط مواعيد بنزل بصيغة PDF أنا فتشت على الرحلات من الخرطوم لقيتها كلها في نفس الموعد 18:10 ما لاقتني اي رحلة في توقيت آخر, لما يجي الموسم و تتغير الخارطة بتم تبديل الملق دا لكن طالما موجود حاليا فدي هي رحلاتهم في الفترة الزمنية الحالية عموما يمكن التأكد من توقيت رحلتي السبت و الاثنين بسهولة و ربما احد القراء كان على متن اي منهما و لا زال عنده التذكرة او البوردنج باص يجيبهم لينا لحسم الجدل غير المهم بالمناسبة او المؤثر في ادانة تصرف النظاميين البلطجي
06-08-2018, 12:32 PM
Hani Arabi Mohamed
Hani Arabi Mohamed
تاريخ التسجيل: 06-25-2005
مجموع المشاركات: 3515
Quote: الحجز من مطار الخرطوم لدبي هل كان عبر طيران الامارات او flyDubai
العزيز هاني..حبابك يا صديقي
كل سنة وانت طيب..
كتر خيرك على التنبيه اللطيف يا صاحب.. فعلا FlyDubai هي الخطوط التي سافر عليها المواطن بشارة حسن جمعة اللـــه ، من امريكا الى السودان وبالعكس.. وفعلا هي الخطوط التي لديها رحلة في يوم السبت 2 يونيو 2018 من مطار الخرطوم ،زمن مغادرة تلك الرحلة الساعة عشرة وخمس وعشرين دقيقة.. كامل الإعتذار للخطوط الأماراتية ، وموقعهم مواكب وفيه معلومات جيدة لمساعدة عملائها..
اكرر شكري يا هاني على هذا التنبيه
كبر
06-08-2018, 05:50 PM
Kabar
Kabar
تاريخ التسجيل: 11-26-2002
مجموع المشاركات: 18537
Quote: يلا بس لحسم الجدل, من وين جبت المعلومات دي؟
محمد..حبابك يا صديق اسم الخطوط حسمه صديقنا هاني بالتنبيه اللطيف الفوق والذي ساقه في شكل تساؤل مهم للغاية.. يعني معلومتك عن حركة رحلات الخطوط الأماراتية سليمة.. رحلة بشارة حسن جمعة اللــه ، كانت على خطوط.. FlyDubai وهي الرحلة الثالثة وزمن المغادرة كان الساعة عشرة وخمس وعشرين دقيقة مساءا يوم السبت 2 يونيو2018 سالتني كذا مرة من وين جبت المعلومات ، وانا بقول ليك من تذكرة بشارة.. عادي جيب بوردنج باص لكن شرطا يكون مكتوب عليهو اسم بشارة.. وانا ح اجيب ليك التذكرة المكتوب عليها اسم بشارة.. الجدل ليس هائف يا محمد ، وليس الغرض منو دفاع عن زعيط وتوريــــط معيط..وانما بحثا عن الحقيقة..على الأقل الحد المعقول من الحقيقة.. اذا كان بعض الناس دايرة تكتفي فقط بالفيديو الأخير الذي يوضح جريمة الإستخدام المفرط في القوة ضد بشارة ، في ناس تانية دايرة تعرف ليه الأمور اتعقدت ووصلت الى ذلك الحد ، عشان لي قدام الناس تتفادي هذه الأمور.. فكون مسافر يحضر الى المطار قبل عشرة ساعات من زمن المغادرة ويصر على دخول المطار وتخطي نقطة غير مسموح بتخطيها الإ من قبل المسافرين في تلك اللحظة ، ويصر هذا المسافر على الدخول ، ويعترض الموظفين اثناء اداء عملهم ويلوح بانه يملك سلطة اكبر منهم (جواز امريكي) ، فهنا سوف يثير الشكوك والأسئلة ودوره في تحمل عواقب ما حدث له..يعني مساهم مساهمة كبيرة في تعقيد الأمور.. النقاش هنا سوف يستفيد منو كل سوداني او سودانية مسافر للسودان ويحمل جواز اجنبي ، خصوصا ناس امريكا ، ومراجعة ارشادات سفارة البلد التي يحمل جوازها ولديها وجود في الخرطوم ، السفارة الأمريكية في الخرطوم واضعة ارشادات واضحة ، وهي تنطبق على أي سفارة امريكية في أي مكان ، وفي الإرشادات تنبيه لجميع الأمريكيين المسافرين للخارج بضرورة احترام قوانين الدول التي يحلون بها..وانه لو احدث أي شئ ، مثل الإعتقال مثلا ، فان السفارة لا تستطيع التدخل باخراجك من المعتقل ، ولن تستطيع التدخل في اجراءات قضائية عشان تحدد منو المذنب ومنو غير المذنب..وهذه هي الأشياء التي يجب ان ينتبه لها كل حملة الجوازات الأجنبية..
كبر
06-08-2018, 05:54 PM
Deng
Deng
تاريخ التسجيل: 11-28-2002
مجموع المشاركات: 52545
عايز أنبه لنقطة مهمة وهي FlyDubai لا يسافر بعيدا وغير متوفر في أمريكا ولا يذهب أبداً لأمريكا زيو وزي طيران ناس السعودية لا تسافر بعيدا فكلاهما رخيص ومحدود المدى
06-08-2018, 06:02 PM
Kabar
Kabar
تاريخ التسجيل: 11-26-2002
مجموع المشاركات: 18537
Quote: مخطط ابن كلب لكن! كتر خيرك يا كبر طيب يا كبر، قبل القفز بالزانة واستباق التحليلات المستهدف من العملية الكبيرة دي منو؟ ياريت تجاوبني في الحتة دي لأنها استغلقت علي
النذير..سلام..
كويس اعترفت انو مخطط..
بالطبع المستهدف السودان وسمعة السودان..وتشويه صورة السودان..!!!!!!
كبر
06-08-2018, 06:26 PM
Kabar
Kabar
تاريخ التسجيل: 11-26-2002
مجموع المشاركات: 18537
Quote: بالطبع المستهدف السودان وسمعة السودان..وتشويه صورة السودان..!!!!!!
كبر
رجاء ما تزج اسم السودان هؤلاء الكيزان لا يمثلون السودان وأكثر من أهان السودان والسودانيين هم الكيزان خليك شجاع ودقيق وقل عايزين يشوهوا صورة الكيزان في حين انو الكيزان ما محتاجين لزول يتآمر عليهم عفانتهم فايحة في كل مكان
طيب أثبت ليك خطل نظرية المؤامرة هذه ضرب وإهانة أبناء وبنات الهامش من قبل أفراد الأمن يحدث يوميا كل يوم يضربون بتاعت شاي او بتاعت فول وتسالي أمام الأشاهد يعني كل المطلوب هو كاميرا سنينة لتصوير هذه الانتهاكات وتصل لنفس النتيجة وأحسن كمان وأقل تكلفة وأقل خطورة
06-09-2018, 09:28 AM
النذير حجازي
النذير حجازي
تاريخ التسجيل: 05-10-2006
مجموع المشاركات: 7159
شمائل النور ما يشير حقيقة إلى أزمتنا ليس فقط ذاك الذي حدث في مطار الخرطوم مع المُواطن السوداني حامل الجواز الأمريكي، فهو تعرّض لانتهاكٍ يتعرّض له كثيرون في المرافق العامة، ومطار الخرطوم باعتباره واجهة البلد فأي تصرف فيه يبرز في الإعلام بشكلٍ مُضاعفٍ.
لكن ما حدث هو الطبيعي الذي يحدث مع كثيرين بشكل يومي، وأقرب مثال بائعات الشاي في الطرقات.. لكن الذي يزيد الحسرة حسرة أن تتبارى أحزاب سياسية لإدانة ما حدث لحامل الجواز الأمريكي بينما هي غاضة الطرف عن الانتهاكات التي تحدث بشكلٍ يومي، بل هذه الانتهاكات تطال منسوبي هذه الأحزاب.
أصدر الأمين السياسي لحزب المؤتمر الشعبي بياناً نَدّدَ فيه بما حدث للمواطن الأمريكي، وبأقوى العبارات، ثم لحقت به حركة الإصلاح الآن، ثم لحقت بهما الحركة الشعبية لتحرير السودان.
الذي حدث للمواطن السوداني حامل الجواز الأمريكي لا يُقابل إلاّ بالإدانة هذا على أقل تقدير، لكن ما الجديد في حادثة المطار، ما الجديد الذي يستدعي أن تتسابق هذه الأحزاب لتثبيت موقفها “ضد” انتهاك حُقوق مُواطن، هل لأنّه أمريكي، أم الرسالة مُوجّهة إلى سفارة بلاده أم إلى واشنطن مُباشرةً، نحن أفضل من الحكومة.. الحكومة نفسها بدأت تدخل المنافسة بعد ما نقلت “السوداني” أن لجنة تحقيق تَشَكّلَت لتقصي حقيقة ما حدث وأنّ مُرتكبي الفعل الانتهاكي سوف تتم مُحاسبتهم، حدث هذا لأنه مُواطن أمريكي وليس لأنه إنسانٌ تَعَرّضَ لانتهاك.
على سبيل المثال، بائعات الشاي يتعرّضن لانتهاكات لا تُصدّق، بل ما يحدث لهن تجاوز توصيفه بالانتهاك، يحدث هذا لأنّهن فئة مُستضعفة ولأنّهن نساء.!
قضايا الحقوق والكرامة الإنسانية ينبغي أن يتساوى فيها الجميع والموقف منها ينبغي أن يكون واحداً لا يتزحزح، إذ ليس هناك فرق بين حُقُوق مواطن أمريكي وحُقُوق آخر سوداني يحمل فقط جواز بلده، لأنّ المسألة تتعلّق بالكرامة الإنسانية وليس بوضعية الشعوب وترتيبها في النظام العالمي.
مُشكلة المواطن السوداني حامل الجواز الأمريكي أنّ جوازه كان أحد أسباب ما تعرّض له لجهة أنّ الطرف الآخر استفزّه الجواز الأمريكي، وبالمُقابل أصبح سبب حمايته وربما استرداد حقه عاجلاً.
أمّا الذين يحملون الجواز السوداني فليس أمامهم إلا أن يصبروا ويصابروا، هذا طبعاً بمنطق الحكومة والأحزاب السياسية التي صوّرت أنّ ما حدث في مطار الخرطوم كأنّه “دخيلٌ” على سُلُوك هذه السُّلطة.
التيار
06-09-2018, 09:35 AM
Deng
Deng
تاريخ التسجيل: 11-28-2002
مجموع المشاركات: 52545
واضح من التزكرة ان الاخ بشارة من سياتل - دبي بطيران الاماراتية من دبي- الخرطوم فلاي دبي الخرطوم - دبي فلاي دبي دبي - سياتل بطيران الاماراتية ودا بفسر توقيت الرجعة من الخرطوم لي دبي ليلا
06-09-2018, 11:44 AM
Hani Arabi Mohamed
Hani Arabi Mohamed
تاريخ التسجيل: 06-25-2005
مجموع المشاركات: 3515
خلال بضعة وثلاثين عاماً قضيتها في هذه الدنيا مررت بمطار الخرطوم قادماً أو مغادراً أو ماراً في عددٍ كبيرٍ من الرحلات ربما تجاوز المائة رحلة .
دائماً ألاحظ أن منسوبي المطار يتعاملون مع الجميع من جميع جهات السودان بعدائية غير مبررة ويحاولون اختلاق مشاكل من دون سبب (يتم استثناء البعض من ذلك لاسباب لا تتعلق بالجهة بقدر ما أنها تتعلق بمظهر القادم وما يوحيه ذلك من وظيفة أو علاقات يخشاها الموظف ) ...
بطبيعتي لا أحب المشاكل ولا أحب تعكير الجو ... لذا اكتفي بالابتعاد عن المشاكل وإطفاء نيرانها بردودٍ باردة أو باعتذارٍ لطيف دون ذنب ... فيجد الموظف نفسه محرجاً ويتعامل معك بلطف ...
حال الوطن كله مائل ، وحل المشاكل يبدأ من أعلى الهرم نزولاً إلى أسفله تدريباً وتأهيلاً وتنظيماً وتطبيقاً للقوانين
06-09-2018, 06:53 PM
Deng
Deng
تاريخ التسجيل: 11-28-2002
مجموع المشاركات: 52545
وحتى الآن السؤال قائم: لماذا حضر بشارة قبل عشرة ساعات من زمن المغادرة واعترض الموظفين اثناء اداء واجبهم ، ورفض الإنصياع لتوجيهاتهم حينما طلبوا منه الإبتعاد عن المنطقة المزدحمة عشان يشوفوا شغلهم؟
ولماذا اصر بشارة على التصوير والتسجيل؟..ولماذا اصر على تعقيد الأمور؟
من يقف خلف بشارة؟
كتر خيرك يا صديقي..
كبر
06-10-2018, 06:11 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
كدا وضح اللبس في موضوع التذكرة و المواعيد و الرحلات و تساؤلك يا كبر حقيقي and valid عن سبب حضوره قبل عشرة ساعات من الرحلة أو سبعة من مواعيد فتح الميزان, طبعا التفسيرات المنطقية موجودة لكن ما في افضل من الغنا في خشم سيده اتمنى ان رغب بشارة ان يفسر هذا الأمر لكن, ومهما كانت اجابته هذا أمر و ما جرى من نظاميي المطار من بلطجة أمر آخر لا يبرره اي سبب او تصرف مهما بلغت غرابته من المواطن المعتدى عليه حتى لو سلّمنا جدلا بنظرية المؤامرة يبقى كما قيل اعلاه موظفي المطار طرف فيها أو انهم من السذاجة بمكان ليتم استدراجهم بهذا الشكل أو ربّما أن هذا سلوك معتاد منهم ولهم سوابق فاصبح من السهل التنبؤ بردة فعلهم!
06-10-2018, 06:47 AM
Deng
Deng
تاريخ التسجيل: 11-28-2002
مجموع المشاركات: 52545
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة