|
|
|
 Re: يا ربي الغير اخلاق السودانين لكدا شنو (Re: أمين محمد سليمان)
|
اووووووووو
البروف ذااااتو
بزيارتك بوردنا نوَّر
عدم جية قريمان للبوست غريبة جداً
هو فتح البوست متوقع أنو هيثم يجي يقول نفس الكلام القالو مسبقاً و بالتألي مؤكد كان عندو رد جاهز.
لو في بورداب عندهم تواصل مع قريمان حقو يتبنوهو و يشوفوهو إن شاء الله ما تكون عندو عوجة.
| |
 
|
|
|
|
|
|
|
|
Re: يا ربي الغير اخلاق السودانين لكدا شنو (Re: أمين محمد سليمان)
|
هلا دكتور امين
ما ياهو دا البتطرطش الراس
الطيب والمدافعين عنو قادرين يتعايشو مع وضع زي دا كيف؟
انا لو فتحت بوست زي دا ما بنوم لحدي ما الزول العايزو يجي وبمجرد ما يجي مداخلتي حتكون التانية على طول بعدو او فاتح البوست دا للاكشن ومزيدا من الكلكات
تداخل الناس دا اصلا ما مبرر عشان الطيب يبتعد من البوست الا يكون كان متوقع انو هيثم ما يجي
وبرضو نتمنى ودية الحل
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: أمين محمد سليمان)
|
آمنت بالذي خلق منابر الغلاط واستثنيت سودانيز اونلاين
معقولة يا جماعة بوست يناقش قضية شخصية بين نفرين
فيهو قريب 200 مداخلة مافيهم غير مداخلتين يتيمتين لأطراف النزاع
طيب هو زاااتو موضوع البوست شنو ؟ لأني شايفو بقى موضوع من لا موضوع له
كدي واحد ود حلال يقرع قريمان يجي يكمل كلامه ويرد هيثم على كل ادعاءاته وبعدين الناس تحكم ، والله شنو؟
واذا قريمان ما حضر أتمنى يجي بشاشا وينورنا ويورينا باقي البشر ومن ضمنهم العرب قبل الزمن الوصفو داك كانو وين؟
Quote:
اليمن وحتي القطب الشمالي دعك من الشام ماكانو فيها كبشر غير امثال دينق مش اسيادك العرب
|
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: السيد المسلمي)
|
| Quote: ياخي هنا في قدرة على قلب الحق باطل و الباطل حق يجب أن تدرس في الجامعات و المعاهد العليا :) !!! |
أعور مثلهم .. يري بعين مغمضة وأخري شوفها طشاش .. البوست طرح حيثيات من ضمنها أن الغرض السياسي بائن في المطاردة ..
ثانياً أختلاف الرؤي حول طبيعة الخدمات .. في السودان الرسوم المستحقة بعد الفوز .. في الغرب لا علاقة لها بالفوز من عدمه .. ثالثاً بند الآهلية للتقديم ..
ومن هنا .. لو الناس جاديين في محاكمة عادلة للقضية .. يجب جمع كل الحيثيات .. بدل الطرق علي دلوكة الزار السياسية الفايرة بدون حجج منطقية.
بريمة
| |
|
|
|
|
|
|
|
|
Re: يا ربي الغير اخلاق السودانين لكدا شنو (Re: سفيان بشير نابرى)
|
موضوع البوست الاستاذ الطيب رحمة طلب حضور
الاستاذ هيثم لتبيان موقفه من حكاية الادعاء انه يريد
منه مبلغ وطلب عدم التداخل
حضر الاستاد هيثم وبين انه يطلب مبلغ 700 دولار
الطيب لم يحضر لظرف لانعلمه وفي انتظار حضوره
حضر اصحاب التجريم ووصفوا الطيب بأبشع
الالفاظ انه حرامي ومحتال كندا وهم زملاء مثلنا
لا شان لهم بالأمر
المطلوب الاستاذ هيثم يُبين ال 700 دولار دي الطيب
استلما منه كيف قرض حسن . دين مؤجل . عمل يقدمه
الطيب له . هل المبلغ هو 700 دولار ام مايعادل
طيب حسب ماذكر المبلغ ده 2008 لماذا لم يظهر
حتي 2018 .. كل المذكور اعلاه مطلوب توضيح من
الاستاذ هيثم
الطيب رحمة مطلوب منه الرد بعد التوضيح اعلاه
ادين كل الذين أساءوا الي الاخ الاستاذ الطيب رحمة
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: سفيان بشير نابرى)
|
Quote: أنا عايش مع الطيّب رحمة قريمان في كندا، هو في ساسكاتشوان
وأنا في البرتا، الطيّب رحمة قريمان مُحتال ؤ حرامي خلوهو اليمشي
يجيب مستندات من الجهة القدّم عن طريقها لهيثم ؤ يمشي تراها
دِييييييك المحكمة فاتحة خشُم قرنتيّة اليمشي يشتكيني أنا معاوية
محمد محمد عثمان المدير، ما عايز باركوها واللآ أدِمسوها الكلآم
القلتو مسئوّل مِنّو مسئولية تامة ... |
بالله شوف الكيزان والامنجية عملوا نايمين من مداخلة ود المدير دي كيف!!
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: Deng)
|
سلام يا بريمة
ومن هنا .. لو الناس جاديين في محاكمة عادلة للقضية .. يجب جمع كل الحيثيات .. بدل الطرق علي دلوكة الزار السياسية الفايرة بدون حجج منطقية.
اعتقد انكم قاعدين تنسببوا في ضرر بالغ للطيب بنقركم على موضوع السياسة واغتيال الشخصية دا
ياخ اعتبروا الموضوع سياسي بس مستند على تهمة بتهم الطيب كشخص وليس كسياسي لازم تفصلوا بين الحاجتين ديل
اديك مثال قريب
لما اتهموا الخطيب سكرتير الحزب الشيوعي بالحصول على منزل هل الخطيب وعضوية الحزب الشيوعي قالوا دا اغتيال شخصية وقفوا على كدا؟
موش واصلوا لحدي ما أثبتوا إنو الخطيب قاعد في بيت خالو ولا يملك حتى منزل في أطراف العاصمة؟
انا شخصيا تداخلي في البوست عايز الطيب يتعامل بالطريقة دي ويثبت انو ما حصل ليس بسوء نية أو ممارسة احتيال ضد هيثم
ويصل لحل مع هيثم وإلا ما تلوموا زول على رأي في بوست هو فاتحو لنفس الغرض في منبر عام زي دا
مع السلامة
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: محمد المسلمي)
|
كتب الاخ محمد المسلمي
(لمطلوب الاستاذ هيثم يُبين ال 700 دولار دي الطيب
استلما منه كيف قرض حسن . دين مؤجل . عمل يقدمه
الطيب له . هل المبلغ هو 700 دولار ام مايعادل
طيب حسب ماذكر المبلغ ده 2008 لماذا لم يظهر
حتي 2018 .. كل المذكور اعلاه مطلوب توضيح من
الاستاذ هيثم
الطيب رحمة مطلوب منه الرد بعد التوضيح اعلاه
ادين كل الذين أساءوا الي الاخ الاستاذ الطيب رحمة )
طالما - ان السيد قريمان قد اقر باستلامه للمبلغ واقر بوجوب ارجاع المبلغ لصاحبه - يبقي اي حديث عن - اصل المعاملة المالية وهدفها بلا معني! الرجل سلم باخذ المبلغ واقر بوجوب ارجاعه
وعزا عدم اعادة الامانة لصاحبها لتعذر الاتصال بهيثم - !
٠٠ لماذا طالب هيثم بحقه او قل اعلن عن حق له بحوزة قريمان فهذا امر يخصه وحده ! فهو من يحدد توقيت وزمان اعلان قضيته او المطالبة بحقه !
*تبقي علي قريمان من لحظة - افادته تلك( في البوست الاول) رد المبلغ فورا لصاحبه او تحديد سقف زمني لرده - ستة شهور - سنة ! اي لحين توفر المبلغ ! وبهذا تطوى هذه الصفحة وينتهي الخلاف وتسوي الامور !
-
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: كمال عباس)
|
الاخ الاستاذ كمال عباس سلامات
اتفق معك في ان هيثم من حقه يطالب بحقه في اي وقت
والحقوق لانضيع بالتقادم لكن مادام نشر هنا لازم التفاصيل
حتي لا يكون فيه اغتيال شخصية
الموضوع الاخر انه زملاء هنا اخذوا الموضوع وحكموا وجرموا
الطيب ووصفوه انه محتال وحرامي وده خطا كبير منهم
مطاردة الزميل دينق للاستاذ الطيب في كل البوستات ده
خطا كبير
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: محمد المسلمي)
|
Quote: طيب حسب ماذكر المبلغ ده 2008 لماذا لم يظهر
حتي 2018 .. كل المذكور اعلاه مطلوب توضيح من
الاستاذ هيثم |
هيثم في مداخلتو ما ذكر تاريخ
2008 دي ذكرها قريمان كتاريخ للقاء الذي تم بينه و هيثم
ما معروف إذا كان المبلغ تم دفعه خلال ذلك اللقاء، قبله، او بعده
| |
|
|
|
|
|
|
|
|
 Re: يا ربي الغير اخلاق السودانين لكدا شنو (Re: محمد المسلمي)
|
حافظ و حمد و البشرى و سيدنا و دينق ...سلام يا حلوين و رمضان كريم عليكم و على الجميع ...
الواحد لمن يكون قاعد بره و بتفرج ... مرات بصل لقناعات إنو الحاصل في البلد دي كلو من عمل ايدينا وحدنا لا شريك لنا ... كمية الدغمسة و اللغمسة الحاصلة هنا تحير بس !!
كونو في ناس ساكة قريمان و كونو قريمان غير موقفو من الحكومة ده ما عندو علاقة من قريب أو بعيد للحاصل لهيثم ... و أي زول بحشر الحاجات دي - في تقديري - عندو غرض لتشتيت الكورة .
و بالظبط زي ما قال حمد... ما ممكن تفتح بوست تقول لهيثم تعال نتحاسب بخصوص موضوع القروش و تعمل ميت .... و تسكت .... اللهم إلا لو كنت في كومة خارج عن الوعي تماما !!
ثم إنو الموضوع ماديا بسيط ... 700 دولار لزول في أمريكا أو كندا مبلغ بسيط ... و لو ما عندك ممكن تتدينو من أي زول ... شنو البخليك ساكت و الموضوع بخص شرفك و أخلاقك و قيمتك كبني آدم لحدي ما الدنيا تتلم و الموضوع يتشعب و يبقى قصة ؟!!!! ياخي بشاشا في البوست ده تحدث عن التوزيع الجغرافي للسكان و أرض القوس و ضونقلا كمركز للهامش !!!!
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: محمد المسلمي)
|
حافظ و حمد و البشرى و سيدنا و دينق ...سلام يا حلوين و رمضان كريم عليكم و على الجميع ...
الواحد لمن يكون قاعد بره و بتفرج ... مرات بصل لقناعات إنو الحاصل في البلد دي كلو من عمل ايدينا وحدنا لا شريك لنا ... كمية الدغمسة و اللغمسة الحاصلة هنا تحير بس !!
كونو في ناس ساكة قريمان و كونو قريمان غير موقفو من الحكومة ده ما عندو علاقة من قريب أو بعيد للحاصل لهيثم ... و أي زول بحشر الحاجات دي - في تقديري - عندو غرض لتشتيت الكورة .
و بالظبط زي ما قال حمد... ما ممكن تفتح بوست تقول لهيثم تعال نتحاسب بخصوص موضوع القروش و تعمل ميت .... و تسكت .... اللهم إلا لو كنت في كومة خارج عن الوعي تماما !!
ثم إنو الموضوع ماديا بسيط ... 700 دولار لزول في أمريكا أو كندا مبلغ بسيط ... و لو ما عندك ممكن تتدينو من أي زول ... شنو البخليك ساكت و الموضوع بخص شرفك و أخلاقك و قيمتك كبني آدم لحدي ما الدنيا تتلم و الموضوع يتشعب و يبقى قصة ؟!!!! ياخي بشاشا في البوست ده تحدث عن التوزيع الجغرافي للسكان و أرض القوس و ضونقلا كمركز للهامش !!!!
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: Biraima M Adam)
|
ياخ اللت والعجن الفي البوست ده يحير!
صاحب النقارة جا ختاها ومشى
جو ناس ود الباوقة وبريمة و أبوبكر و المسلمي يعرضو قبل سيدا
فعلاً عدو عاقل خير من صديق جاهل
بدل ما تفتشوا في المبررات و استحضار الأمثلة خلو الراجل يجي ويقول كلامو ويبرئ ذمتو
اتهام وااااضح وصريح وببرود شديد يتعامل معاهو الطيب رحمة و يتجاهل البوست الكتبو بي نفسو
غايتو لو صاحب البوست كتب كلامو ده عشان يجمع أدلة ضد ناس يمشي يقدمها في محكمة زي ما لمح البعض،
و ما هماهو الإتهام في ذمتو المالية يكون وضيع جداً
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: kamal omer)
|
رمضان كريم يا بروف Quote: كونو في ناس ساكة قريمان و كونو قريمان غير موقفو من الحكومة ده ما عندو علاقة من قريب أو بعيد للحاصل لهيثم ... و أي زول بحشر الحاجات دي - في تقديري - عندو غرض لتشتيت الكورة .
و بالظبط زي ما قال حمد... ما ممكن تفتح بوست تقول لهيثم تعال نتحاسب بخصوص موضوع القروش و تعمل ميت .... و تسكت .... اللهم إلا لو كنت في كومة خارج عن الوعي تماما !! |
الكلام دا نظريا نعم ممكن لكن شكلك يا بروف ما تابعت الموضوع من أوله, طيب خليني اديك فذلكة تاريخية لتسلسل الأحداث و انت دو ذا ماث براك
قريمان فتح بوست اسمه تعليم اللغة الانجليزية , دخل هيثم بمداخلة فاجأتني و كثير من المتابعين و بالطبع قريمان فحواها - حسب ما أذكر- "اشهد يا قريمان انك تجيد اللغة الانليزية كأحد ابنائها الكلام دا لامن لاقيتنا في الخرطوم ونحن طلبة و شلت مننا قروش على اسا انك تساعدنا في السفر لكندا وتاني ما رجعت لينا رغم محاولاتي المتكررة للاتصال بك" هذا معنى الكلام لا اذكر النص بالضبط
المهم علق قريمان على حديث هيثم - لا اذكر تعليقه - لكن اذكر ان هيثم شكره بطريقة تحس ان الموضوع انتهى , لكنه لم ينته
المهم حذفت المداخلات المتعلقة بالكلام دا بل وربما اليوست كله لأنو قريمان فتح بوست جديد لموضوع تعلم اللغة الانجليزية.
بعد فترة حدثت مناوشات بين قريمان ودينق, قريمان فتح بوست بعنوان معنى اسم دينق او حاجة كدا فقام ينق رد عليه ببوست بعنوان محتال كندا
قريمان فتح بوست عنوان هذا بيان للناس قال فيه انه ود ناس وما حصل اكل قروش زول وكدا و يحتفظ بحقه في الرد على من يتهمه بانه محتال و يسيئ له
طبعا تداخل الكثيرين لكن كعادة قريمان لا يهتم بالرد
ثم كان هذا البوست و اهو قدامك
فا شنو الاصطفاف دا ما وليد الليلة ولا امبارح, في بوست دينق كل من هب ودب لخ قريمان بانه محتال و حرامي بعضهم لم يكن يعرف بان صاحب القصة اسمه هيثم او هيثم دا منو زاتو اساسا ! بل أأكد ليك بعصهم قد يكون اليوم اول مرة يعرف الموضوع البشتم في قريمان ليه اسابيع فيه
لذا من الصعب اخذ المواضيع بمعزل عن بعضها! حتى هيثم مع التأكيد الكامل على حقه في مساءلة قريمان في اي زمان ومكان لكن توقيته الاختاره وكونه بعد تحول قريمان بثير تساؤل لا يمكن تجاهله
عموما دي سودانيز بل ودا السودان كدا ولن يتغير او تتغير طبائعنا القمنا عليها, من يختلف معنا حلال دمه وعرضه وسمعته و اي حاجة.
لكن في النهاية دا كله زبد و شوائب ستذهب - اعني بها الاصطفاف و الجوطة من الطرفين - ويبقى اصل و عضم الموضوع و تاثيره السلبي على سمعة قريمان الشخصية ولا سبيل امامه سوى الوصول بالأمر لنهاياته و تبرئة سمعته أو ...
الله غالب
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: سفيان بشير نابرى)
|
بالظابط يا البشرى ... كلامك الأخير ده منطقي على قول ود المقبول !
يبقى اصل و عضم الموضوع و تاثيره السلبي على سمعة قريمان الشخصية ولا سبيل امامه سوى الوصول بالأمر لنهاياته و تبرئة سمعته !
كيف يفتح بوست "لتبرئة سمعته" و يعمل حمامة ميتة يومين ... غايتو لو مافي غيبوبة كاملة ما عندنا ليه عذر !
------------
سوفي نابك ثواب ...بلاكتر ياخ
ياخي ما عندك تلفون لقريمان تتصل عليه إنو المنظر بقى كعب جدا وتقول ليه السكوت في معرض الحاجة بيان و بيان السكوت ده أكعب من المنظر الكعب ذاتو !!!!
---------
يا اخوانا أنا نسيت الاقتباس و الوشوش و الألوان ... نرحب باي لنكات مساعدات توجيهات أي شي !!!
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: سفيان بشير نابرى)
|
تعرف يا سوفي أنا باخد لي شهر شهرين أتابع المنبر كويس و بعداك أفتح ليه شهر شهرين ما بجي جمبو ... فعندي أنصاف أفكار عن الحاصل :)
المهم ... أنا عايز أتفكفك من الفيسبوك و اداوم بهنا نمرة كاملة العدد ... المشكلة هنا فيها كمية من المشاكل و أنا لياقتي تعبانة جدا بقت :)
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: محمد البشرى الخضر)
|
Quote: يادينق الله يسالك عجبتك اساءة ود المدير دي للاستاذ الطيب رحمة
قول الحق ولو مرة واحدة وأظنك لا تستطيع الي ذلك لانه سلك طريقك
الاساءة اسهل شي لكن في قانون ينظم الحياة والقانون لايحمي المغفلين |
يا المسلمي راجع كل بوستات دينق الخاصة بالموضوع دا ؤ راجع
كذلك بوستات أُستاذك قريمان ؤ شوّف المغفل ود المدير لو تلقى
عندو فيها مداخلة ولو بنقطة، السبب الخلآني إتداخلتا هنا فهلوة
قريمان ؤ مسألة التهديد بالمحكمة . عايز يشتكي المغفل ود المدير
يتفضل بدون شوشرة هنا، بإمكانك أن تتصل عليهو ؤ تكلمو يمشي
يشتكيني من سُكات مافِ داعي للكلآم والتلميح هنا عشان ما يجو
ناس الأجاويد، وأنا حكاية الأجاويد دي بالزات ما بتخارج معاي .
عليك الله أديهو تلفون ؤ مافِ داعي كل مرّة تهددني .
لو ما عندك مانع راجع مداخلآتي كولها في البوست دا، ؤ شتيمتي
لقريمان ماني ناكِرا وهي تتضمن إتهام كمان ...
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: معاوية المدير)
|
Quote: تعرف يا سوفي أنا باخد لي شهر شهرين أتابع المنبر كويس و بعداك أفتح ليه شهر شهرين ما بجي جمبو ... فعندي أنصاف أفكار عن الحاصل :)
المهم ... أنا عايز أتفكفك من الفيسبوك و اداوم بهنا نمرة كاملة العدد ... المشكلة هنا فيها كمية من المشاكل و أنا لياقتي تعبانة جدا بقت :) |
يا نوته ياخ ناس ابو الحسين ديل ما بدورو ليهم لياقة و العجب الزمبعور داك
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: سفيان بشير نابرى)
|
Quote: لذا من الصعب اخذ المواضيع بمعزل عن بعضها! حتى هيثم مع التأكيد الكامل على
حقه في مساءلة قريمان في اي زمان ومكان لكن توقيته الاختاره وكونه بعد تحول
قريمان بثير تساؤل لا يمكن تجاهله |
يا ود البشرى يأخي موضوع القِريشات دا من 2008 ؤ قريمان دا قلب
مُؤيّد للبشير ليهو سنتين ؤ هيثم طه جاب سيرة القِريشات دي قبُل
3 شهو ؤ نُص في بوست اللغة . طيّب هيثم دا ما كان يجيب سيرة
القِريشات دي أيام وفد المنافي، يُخيّل كان أفضل، واللآ رايك شِنو !...
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: معاوية المدير)
|
أووو محمد المسلمي ... مشتاقين ياخ ...
منعتك منها لانو ما ممكن تكون أكبر مني و تقول لي يا خال :)
ياخي إنت هين ... بكري ابوبكر قدامي في الجامعة بقول لي يا خال :) ... ده كلو من حمور !!!
عاين يا حبيبنا ... بعيدا من أي شئ ... لو قريمان ده صاحبك و بهمك ...وقفو البتسوو فيه ده طالما هو معترف إنو هيثم عندو حق عندو ... القروش دي بسيطة بالنسبة لزول في كندا ...يرسلها لهيثم و الموضوع إنتهى .... كل تعليق و صفحة ما في صالحو ...بعد داك الاصطفاف و مشاكل المنبر التانية دي يحلها بعيد ... القصة هنا سمعتو و الحاجات دي ما حقتو براه في مجتمع زي حقنا ده !!
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: أمين محمد سليمان)
|
| Quote: لياقتي تعبانة جدا بقت |
يا بروف سلآمات ثم والله مشتاقين ؤ برضو رمضان كريم .
اللياقة بتاعت الكورة والجري ليست ذآت أهمية، المهم اللياقة بتاعت
الويكة، محتاج تبقى أليق من ود البشرى بعد دآك الحبة ماب تجيّك .
بالنسبة للإقتباس أنسخ الكوّد ؤ بعد داك إتصرّف بطريقتك مع
أُمنياتي لك بقضاء وقت فرايحي بيننا .
هاك،
| |
|
|
|
|
|
|
|
|
|
Re: عضو المنبر .. هيثم طه .. عليك الحضور ... !! (Re: يحي قباني)
|
Quote: اين هيثم ؟؟؟؟
وشكرا |
قال شكرا قال يشكوك بعود ملان هبود
اسأل عن الطيب الزول الفتح البوست و اعترف باستلامو المبلغ و انو ما لقى طريقة يرجعوا و بدل تقعد تتعاور كدا
لو الطيب ما عندو سوولكم سندوق و ادوا الصرفة الاولانية و احسموا الموضوع لانكم قاعدين تغطسوا فوقو زيادة
الموضوع محسوم يا باوقة ما داير اللت و العجن و من الاخر كدا هيثم داير قروشو و انتهينا
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: أمين محمد سليمان)
|
اعادة لمداخلة الاستاذ كمال عباس لانها ضافية ومحورية في البوست
Quote: البوست المسحوب والمساهمات والمتبادلة - بين الاطراف المعنية فيها رد وافي شافي وكافي للاسئلة المطروحة هنا والمماحاكات العقيمة والتبرير السقيم ! فيها حقائق متفق عليها ونقطة
خلافية هي ان المدعي عليه حاول الاتصال بالطرف الاخر قبل فترة طويلة وتعذر ذلك لانقطاع سبل الاتصال وهو امر رد عليه المدعي عليه! !
* والنقطة الخلافية الاخري هي ان المدعي عليه نفي اخذه اي مبالغ اخري من اخريين - فيما عدا الطرف المدعي !وفي البوست اياه ابدي المدعي زهده في استرداد الحق والعفو وشكره المدعي عليه شكرا حارا
ثم سحب الموضوع وحذف !
* وعلي الرغم من مطلبات عديدة لهيثم - بالكتابة واعادة المطالبة الا ان هيم لم يستجيب ولم يصطف بل اثر الصمت !
* ولكن وحينما افترع الاخ قريمان بوستا بصورة قد يتضح - منه التحدي وتكذيب هيثم والمطالبة بالحضور - حضر هيثم وخط افادته - ومضي ! |
نقاط باختصار :
للناس البتوجه لي اسئلة - المسلمي -المستنير -بريمة -الباوقة - مشكورين لكن اذا مداخلتي الاولي ومداخلة الاستاذ كمال عباس ما وضحت نقاطكم -
ياخي ببساطة اسألوا قريمان الزول البتدافعوا عنوا !! وبعدين انا مستغرب انتوا بتدافعوا ليهو بحجج هو ما دافع بيها -- بالجد غريب !!
هو حجتو الوحيدة زي ما كتب (ما لقيت وسيلة تواصل عشان ارجع ليك قروشك ) --ما عارف تاني في شنو
انا لا ابتدرت البوست و ما مجبر لونسة اجبارية عشان ادافع لموقف -
----
بخصوص التوقيت لكلامي وتساؤلات ود البشري بالرغم من انو هو ممكن يكون الوحيد العارف السبب لكن قد يكون داير النقطة توضح للناس
-- ببساطة شديدة انا عضو بالمنبر لي تقريبا 7 سنين - وعاصرت قريمان فترة طويلة وكان ممكن اوصلوا بالمسنجر لامن بقي ما برد علي في الايميل الخاص لحد 2013 لو
كنت عارف انو دا نفس الشخص وما اسم علي اسم (مجرد FAMILY NAME مشابه )- لانو لامن اتلاقينا ما عرفنا الاسم بالكامل زي ما مكتوب في المنبر
عموما اصلا ما كنت متخيل انو الزول دا هو القابلتو دا - تناقض بين زول هادي في الحقيقة وبوستات كلها دم وقتلة وفاسدين -- عموما وخاصة بعد تحولاتو الغريبة حقيقة ساورني شك
قمت قوقلت ايميلو الكان براسلني بيهو -- فاذا بالبحث جابني لواحد من بوستاتو !!! اذن الشخص واحد !!! قلت ياخي الزول الما برد في الخاص اجرب العام -- قام ببساطة غريبة اعترف !
ببساطة دا سبب التوقيت --- بعد دا اي زول حر للتأويلات !!
التفصيل الممل دا كتبتو بالرغم من قناعتي بعدم جدوي التبرير وانو اصلا بافتراض انا اخترت التوقيت لغرض في نفسي برضو لا يغير من الموضوع شيء !!
-----
نقطة اخيرة : اخر كلام بيني وبينو شكرني -حتي لامن سحب مداخلاتي ما سألتو وقلت خلاص لا طاردتو من بوست لي بوستاتو المليانة - هو جا مطاردني !!!
- لامن دينق فتح بوست والناس بتطالبني اخش ما خشيت علي اساس انا قلت كلامي للشخص المعني -واخيرا لامن عمل بيان للناس انو ما شال قروش من ناس ما خشيت ودي كانت نقطة
علي الاقل براءة رسمية ليهو لانو مافي زول قال حاجة -- قام جا فتح بوست وحيرني زاتو وورطني بالكلام مجبرا !!
بالجد ما عرفتو ليه فتح البوست باسمي !!-- ياخي قربت اصدق تفسير ود المدير وحكاية العربي مع القرد !!!
----
مرحب يا بروف بالعودة !
وتحياتي لكل الاحبة
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: هيثم طه)
|
السلام عليكم..
الأخ هيثم طه
من خلال أسلوبك ومداخلاتك يبدو لي انك شخص محترم وفي غاية التهذيب ومالي مركزك
وأنا شايف انو ما دام عندك حق وما دام وصلت للشخص الاحتال عليك فنصيحتي لك أن تحاول اتباع كل السبل القانونية المتاحة لاسترداد حقوقك
وممكن الإخوان في كندا يفيدوك أكتر مني
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: هيثم طه)
|
تأكدت أن الرجل موضوعه تصفية حسابات سياسية !! .. مدفوع (محّرش) ..!
أتذكر ذت مرة كتبت بوست عن "نحن العرب تاج فوق التيجان" .. كتبت فيه ما كتبت وأختلف الناس حول الموضوع .. وجاء أخي دكتور محمد عبد الله أثني عليّ بأن أفكاري كانت مرتبة ورؤيتي كانت واضحة .. إلي هذه النطقة كل شيئ تمام ..
جاء أخ كراكتيرست معروف .. عمر دفع الله .. قال يا دكتور .. نفختوا نفخه شديدة مثل البالون .. دا تاني ينفسو كيف!! .. دحين، هثيم طه .. وجوده هنا له 7 سنوات كما قال هو .. وول أبا الطيب موجود بالمنبر .. لماذا لا يتداخل معه في الخاص إن لم يستطع التعامل معه خارج المنبر ..
القرائن تقول أن الأمر مطارده سياسية .. كما يفعل دينق معنا .. وهنا النجيضة ..
| Quote: عموما وخاصة بعد تحولاتو الغريبة حقيقة ساورني شك .. قلت ياخي الزول الما برد في الخاص اجرب العام .. قام ببساطة غريبة اعترف ! |
لو لا التحولات الغريبة ما كان هناك موضوع .. I rest my case
ما لم يجاوب عليه هيثم .. هل هو مستوفي شروط الهجرة؟ .. هل لديه عقد برد المبلغ في حال عدم القبول للهجرة؟ هل هيثم مطلع علي كيفية التعامل المادي في الغرب .. أن الرسوم لا ترد في حال الفوز أو عدمه؟
بريمة
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: هيثم طه)
|
أعتذر يا سيد هيثم، على تأويلي بأن بأنك تريد اغتيال شخصية قريمان.
يا بشرى، طلعت مستهبل والامتحانات مكشوفة عندك!!
بالمناسبة، يا جماعة، يا تتونسوا بالواتساب،
يا اتونسوا معانا هنا
كلكم غشاشين مستهبلين بتاعين بخرات
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: أبوبكر عباس)
|
دعونا نغوض في شخصية هيثم طه ..
في عام 2012م كتب هيثم طه الأتي ..
Quote: هههههههههههه
امير الفنان ازيك يا شقي الايام !
تعرف اتبرعت لي بذكاء من عندك ! و اهديت لي تكتيك مهم ح اتبعو في لاحق الايام !!
والمهم في الامر انو دائما لو في واحد مكون فكرة عني ايجابية او سلبية قاعد افتكرها دي مشكلتو !! وانا ما عندي
دخل بيها وغالبا ما بدّخل عشان اغيرها !!
ودي ممكن تكون عملية خطيرة لكن انا مرتاح مع طريقتي دي !! تخيل
يلا تستاهل عشان الـ(judgement ) بتاعك ح اعاقبك بمداخلة طويلة لكن مهمة عندي ولازم تقراها (ابوحمودي وودالبشري ما معانا ):
تعرف لو جيت للجد ح احكي ليك طريقة تعاملي و ح اذكر اسماء عشوائيا من المنبر مع( اعتذاري للشخصيات لذكرها دون اذن او سياق )
البروف -دكتورة نجاة - صبري الشريف - المشرف -ودالباوقا - كبر -المسلمي- تبارك -الركابي -طيفور
من الطبيعي الزول بحاول يكوّن ويتخيل النسخة الحقيقية المقابلة من النسخة او الكتابة الاسفيرية للاشخاص ديل او اي ناس تانين -بقوم بحس اني بعرف الناس ديل و بلقاهم في عائلتي او حلتي و قاعد اسلم عليهم و متواصل اجتماعيا معاهم
يلا بتجي مرات حسب ادبيات المنبر , الاخر لو ضدك فكريا او سياسيا بنقوم نحاول نظهر اختلافنا باي طريقة عشان نأكد البراءة منو !!
المثال ببقي واضح مثلا لو انا ضد الحكومة والاخر مؤيد للحكومة - مثلا ودالباوقة ! ولازم لو خشيت عليهو في مشاركة لازم انبذوا او اعمل حركة كدة اوري انو انا ضد الحكومة !! و دي ادبيات خاصة بالاصطفاف المنبري وفي نظري ما عندو علاقة بالواقع !
يعني انا لو لاقيت البروف او دكتورة نجاة او تبارك او ودالباوقا او الركابي في حلتنا ح اسلم عليهم عادي و ممكن
يجوني البيت و امشي ليهم لكن في المنبر الحركة دي ممنوعة !! و انا ما شغال بيها كتير !
باختصار الاصطفاف المنبري و كأنو المنبر هو الوطن (وطن من لا وطن لهم !)و الكيزان بمثلوا النظام الحاكم والمعارضين بمثلوا الشعب ! وعشان كدة حقو لو لاقينهم حقو نحمر ليهم !! -الحاحة دي في نظري
عندها علاقة بادبيات المنبر و ليس الواقع -!!
قد يكون لبعض الناس منهم صديقي المشرف منطق معين مثلا للمقاطعة لكن كلامي في انو دا سلوك منبري بغض
النظر مفيد في الصراع ولة ما مفيد --
وقس علي ذلك باقي الحاجات - ! يعني مثلا لو سلمت علي "سلفي" بحرارة, طوالي معناه انت بعت "الاستنارة " لو انت طارح نفسك "مستنير" كبير!!
و طبعا دا كلو لا ينفي كلامك الاساسي انو الزول يتخير معارفو !لكن عجبتني حتة (استدعي البل !)
تحياتي
(عدل بواسطة هيثم طه on 01-06-2012, 11:23 PM) |
هيثم يعرف أن موضوع هجرته .. موضوع مخستك .. لكن يعرف أنه ممكن يستغل ذات الموضوع في السياسة .. تمعنوا في المداخلة السابقة في كيفية التعامل مع الخصوم السياسيين في المنبر !!
صدق القائل أكتب .. تُعرف !ّ! .. بدأنا نعرف الرجل ..
بريمة
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: Biraima M Adam)
|
وهكذا هي سودانيز !!؟؟
نفس قصة هو زاتو ما مهندس
يسو لي الدرب كليوات .. يشقو دروب فرعية ثم للفرعيات افرع وهكذا دواليك حتي يغبو الاتر
Quote:
تحياتي قريمان
وضيوفه
رمضان كريم ليكم كلكم
لا يجرمنكم شنآن قوم
الناس في تقديري ما تخلط بين المواقف السياسية وتبني عليها فرضية مكاجرة صاحبها في اي موضوع
الاخ هيثم اتهم قريمان علي رؤوس الاشهاد .. اتهام مرير جدا وبثقة شديدة لا يشوبها شك . مما جعل اتهامه حقيقة لعدم رد قريمان عليه
الزمن لايسقط الحق
من حق قريمان وهو المتضرر ان يطالب بالعدالة
ومن حق هيثم ان لا يتورع في ايراد كل تفاصيل الاتهام
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: عبدالحفيظ ابوسن)
|
Quote: هيثم يعرف أن موضوع هجرته .. موضوع مخستك .. لكن يعرف أنه ممكن يستغل ذات الموضوع في السياسة .. تمعنوا في المداخلة السابقة في كيفية التعامل مع الخصوم السياسيين في المنبر !!
صدق القائل أكتب .. تُعرف !ّ! .. بدأنا نعرف الرجل ..
بريمة |
بريمة يا الاخو انت بتفهم كيف!! ؟ هسي كلام هيثم طه( الشلبتو) جبتو فوق دا ياهو فهمك ليهو!! ؟
يازول هيثم كلام وااااضح بس انت زول مقلبن
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: سفيان بشير نابرى)
|
فعلا يا هيثم سمح الغنا في خشم سيدو, ليس من حق احد الحديث باسمك او استلاف لسانك حتى لو كان سمع منك بشكل خاص ما لم تصرح به انت في العام, دي فكرتي من الاشارة لموضوع التوقيت
يا حافظ فرّق بين يُسأل و اثير تساؤل, و في البداية أمّنت على حق هيثم في المطالبة بحقوقه في اي زمان ومكان دون أن يُسأل, لكن كمان من حق الرأي العام اثارة التساؤل
الشي التاني | Quote: لكن يومك التحاول تبقى زعيم سياسي وقائد بنكتها ليك لأنك بقى عند تأثير كبير على المصلحة العامة |
دي فيها نظر بصفة عامة و فيها نظر تاني بصفة خاصة لو حاولت تطبقها على الكيس القدّامنا
عموما هيثم قضيته واضحة وبسيطة وهي حقوقه وحتى التساؤل عن التوقيت أو موقفه من انتماء / تحوّل قريمان ليس له اثر حقه في المطالبة بمسالة الحقوق
لكن لا ينطبق هذا الأمر/الحق على اغلب الباقين سواء مدافعين أو مهاجمين فا تأثير الموقف من انتماء / تحول قريمان واضح جلي وزي ما قلت ليك سياتي موقف شبيه وح نطلع الحيطة يومها
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: سفيان بشير نابرى)
|
| Quote: عموما اصلا ما كنت متخيل انو الزول دا هو القابلتو دا - تناقض بين زول هادي في الحقيقة وبوستات كلها دم وقتلة وفاسدين -- عموما وخاصة بعد تحولاتو الغريبة حقيقة ساورني شك |
ياهيثم رمضان كريم ..
علاقة بوستاته شنو بي موضوعك !! ؟ وكيف إنت مابتعرف زول تسلموا 700 دولار ثم تجي فجاءة تكتشف إنو دا قريمان المعانا دا ؟!!
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: سفيان بشير نابرى)
|
بالله يا هيثم برضو جاوب سيدنا ده ليه لمن سلمت قريمان القروش كنت لابس فنيلة خضراء ليه ما سوداء ؟
هل لأنَّ السوادْ..
هو لونُ النجاة من الموتِ,
لونُ التميمةِ ضدّ.. الزمنْ,
ضِدُّ منْ..؟
ومتى القلبُ - في الخَفَقَانِ - اطْمأَنْ؟!
----------
ترى ذبحتنا يا سيدنا :(
------------
حبيبنا قباني ... يا سيدي ده من ذوقك و لطفك والله ... كتر خيرك على الكلام الطيب ياخ
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: Hafiz Bashir)
|
غريبة ما فهمته! الكلام واضح و بسيط
بصفة عامة لا اوافق وجهة نظرك في مشروعية الاغتيال السياسي دا من ناحية ومن ناحية تانية الامور دي مفروض مبدئية الاعتراض عليها يتم بشكل مطلق لا حسب حالتك و حالتي السياسية, وبصفة خاصة في الكيس القدامنا قريمان ما طارح نفسه أو حاول - دعني استعير كلماتك: تبقى زعيم سياسي وقائد
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: محمد البشرى الخضر)
|
تحياتي ودو
كدي النقول عندك زول بتعرفو معرفة وثيقة جدا . وهو شخص كذاب وانتهازي ولا يهمه سوى نفسه ومنتهك لكل الحرمات
زول زي دة ممكن تقوم تتكلم عنو في اي لحظة وسانحة ؟
او تكتب عنو في الاسافير محذرا منه ؟
مع علم انك تعرفه بصورة لصيقة وعندك ما يثبت ذلك
| |
|
|
|
|
|
|
|
|
 Re: يا ربي الغير اخلاق السودانين لكدا شنو (Re: Hassan Makkawi)
|
بسم الله الرحمن الرحيم
الحمد لله و الصلاة و السلام على اشرف خلق الله سيدنا محمد و على آله و صحبه و سلم ..
اما بعد :
هناك اربعة نقاط رئيسية لابد ان اتناولها :
لابد من تقديم ..
اولا لابد ان اشكر الله سبحانه و تعالى ان انعم على نعما كثيرة .. و هي لا تحصى.. من ذلك انى لم اكن أمد يدى لحق الاخرين منذ ان لد في هذه الدنيا ..
و ذلك بفضل الله و الدى عليه رحمة الله قد رباني و إخوتي على آلا نقرب الحرام أيا كان .. و رباني القرآن الكريم.. كتاب الله على مبادئ لم و لن احيد عنها في يوم من الايام ..
و من بعد ذلك قد فتح الله على بجهدي و عملى و تخطيطي الا اكون عالة على احد و لا في حاجة فى يوم من الايام .. اللهم اغننا بحلالك عن حرامك و بفضلك عمن سواك ... !!
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: الطيب رحمه قريمان)
|
النقطة الاولى : حديث موجه للاخ هيثم طه .. و ما سأقوله يعلمه المدعو هيثم طه يقينا .. بعد الانتهاء منه لا ازيد فيه نقطة واحدة ..
لتعلم ان القاعدة تنص على الاتي :
البينة على المدعي واليمين على من أنكر.. و معنى ذلك هو الاتي :
معنى القاعدة:
إذا ادَّعى مدَّعٍ على آخرَ بحق بحضور الحاكم، والمدعَى عليه أنكر دعوى المدعِي، فالحاكم يطلب من المدعِي بينةً على دعواه، فإذا عجز عن إتيان البينة، يحلف المدعَى عليه.
وقد قال صلى الله عليه وسلم: ((لو يعطى الناسُ بدعواهم، لادَّعَى رجال أموالَ قومٍ ودماءَهم، ولكن البينة على المدعِي، واليمين على مَن أنكر))
اقسم بالله العظيم و كتابه الكريم .. ان هيثم طه لم يسلمني سبعمائة دولار كما ادعى .. عليه ان يحضر ما يثبت ذلك و الا فادعاؤه باطل .. و بالتالي فان مطالبه لي اسفيريا .. باطلة و لا اساس لها ... !!
و لعلم القارئ ..
هناك جهة اعتبارية .. هي التي جمعت بيني و هيثم طه .. كان ذلك في اول عام 2008 .. فلماذا لم يطالب او يحضر هيثم الى تلك الجهة و يطالب برد ماله منها ... !!
المدعو هيثم طه .. عضو هذا المنبر منذ 2012 .. و هو يعرف جيدا انى أنا الطيب رحمه قريمان موجود في هذا المنبر و عضوا فاعلا فيه و لم اختفى او اندس بين الناس حتى لا يصلني المدعو هيثم طه ... !!
فان كنت انت يا هيثم طه قد سلمتني مبلغ سبعمائة دولار .. كما ادعيت زورا و بهتانا .. او حتى سبعة دولارات .. او حتى سبعة سنتات .. عليك اثبات ذلك و سوف تأخذ حقك على دور المليم .. و الا فأنى اعرف جيدا ماذا افعل بمن يشهر بي ... !!
أنتهى الكلام للمدعو هيثم ... !!
| |
|
|
|
|
|
|
|
|
 Re: يا ربي الغير اخلاق السودانين لكدا شنو (Re: الطيب رحمه قريمان)
|
النقطة الثانية :
موجهة للأخوة و الأعزاء الكرام الرجال الاشاوس الذين وقفوا معي بالكلمة ليس من باب انصر اخاك ظالما او مظلوما كما أدعى عليهم البعض ..
و انما لانهم يعرفوني ..
فلا ازيد على ان اقول لهم ..
بارك الله فيكم ..
و جزاكم الله عنى خير الجزاء..
و خضر الله ضراعكم ..
و ربنا ما جاب يوم شكركم . !!
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: الطيب رحمه قريمان)
|
النقطة الثالثة :
موجهة للمدعو جورج بوك و الذى يكتب باسم دينق .. و اذياله .. ابو روضة و غيره .. كل ما تقومون به من مطارة و لصق تهم غير حقيقة .. سيكون الفيصل بيننا القضاء في أي دولة كانت في العالم ..
و لكم ان تعرفوا .. الأتي Slander, defame and libel و هي جرائم يعاقب عليها القانون في كل مكان ... !!
فضلا عنى انى يمكن اطاردكم في كل ركن ركين من المنبر العام .. مثلما تفعلون تماما.. لكنى اترفع عن ذلك السلوك الجاهل الذى ينم عن نفس مريضة ...
فانتم لا تستحقون أكثر من ذلك... !!
* هناك بعض من الاتباع و الرجرجة .. و انا اسميها "العشر قام ليه شوك" ..
فهم لا يستحقون كلمة واحدة منى ...!
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: Hafiz Bashir)
|
هههههه
والله يا محتال كندا أنت زول عينك قوية!
طيب لماذا أختارك أنت الطيب رحمة قريمان من دون خلق الله وأن يتهمك بمثل هذا الاتهام؟؟
ولماذا أنت مسحت مداخلته حينما وجه اليك هذا الاتهام في المرة الاولى؟
ولماذا أنت كنت بتتهرب دائما من الاجابة على الاسئلة الموجهة اليك بواسطة أعضاء هذا المنبر؟
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: Deng)
|
Quote: . سيكون الفيصل بيننا القضاء في أي دولة كانت في العالم ..
و لكم ان تعرفوا .. الأتي Slander, defame and libel و هي جرائم يعاقب عليها القانون في كل مكان ... !! |
محتال كندا.
ده تخدير منك ساكت للذين يؤيدونك، وزول ملوث مثلك لا يستطيع أن يقترب من العدالة والمحاكم.
وأنت بتعرف ناس كندا كويس وبتعرف نوع القضايا الاخرى شنوا. دي محاولة هروب منك.
Quote: النقطة الرابعة و الاخيرة ..
للأخ الفاضل بكرى ابو بكر ..
رمضان كريم تقبل الله منا و منكم صالح الاعمال ..
في تقديري أن اهمية البوست قد انتهت ..
ارجو اغلاقه و فورا ..
بارك الله فيك ... !! |
(NOT SO FAST)
كده وضح لي "عشاقك" ديل الملاباسات التي جمعتك بالاخ هيثم شنوا وشنوا البخلي هيثم يتهمك أنت قريمان بالإستيلاء على مبلغ 700 دولار منه؟
طالما أنت قلت سوف تلجاء للقضاء فمن الاحسن لقضيتك أن يكون هذا البوست فااتح وموجود كمان.
بطل الاستهبال
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: حمد عبد الغفار عمر)
|
يا قريمان المهم في الموضوع وطالما تم طرحه هنا أن ينتهي دون أن تتلطخ به سمعتك إن كنت بريئاً
و كذلك للأخ هيثم الحق في إثبات إدعائه حتي لا يظهر بمظهر الكاذب.
أنت حلفت اليمين بصيغة وضعتها من عندك و هي صيغة قد لا تكون مبرئة. من حق هيثم أن يملي عليك الصيغة المناسبة التي تحلف اليمين عليها. و عندها من حقك أن تعدل فيها بالإتفاق معه.
الثاني هنالك شهادات شهود قرأوا ردك على هيثم في المداخلات المسحوبة من بوستك السابق، هذه الشهادات تقول بأنك قد أقررت بحق هيثم في إسترداد امواله منك و أن المانع كان عدم وجود وسيلة للتواصل. هذه الشهادات تحتاج منك إلى تفنيد
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: حمد عبد الغفار عمر)
|
البوست بقي واضح جدا .. قريمان قال كلامو وننتظر رد الاخ هيثم طه ..
أرجو من دينق والكورس بتاعو يبردوا شوية لحدي ماتستبين الحقائق خاصة بعد ان اتضح ان هناك وسيط في النص بين قريمان وهيثم أو جهة إعتبارية كما قال قريمان .
الرجاء عدم تشتيت الإتهامات يمينا ويسارا بلا داعي .
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: حمد عبد الغفار عمر)
|
يا قريمان لو انت حقاني بالجد جيب مداخلتك الاعترفت فيها
بحق هيثم في استرداد المبلغ السلمك ليهو واتزرعت بعدم تمكنك
من الاتصال به.
وانا كنت متداخل في البوست المعني
وزي ما انت عامل فيها حلاااااف
انا مستعد احلف المصحف ورقة ورقة على انك اقريت بحق هيثم
في استرداد المبلغ
بعدين شنو يا بكري اقفل فوراً
انت كلامك دا منزل من الله وللا شنو
اتهمت الراجل بانو كذب كذبة زي دي وعايز البوست يتقفل
يا داااابو احلوة ويا دوووبك قعدنالو
اركز بس
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: Deng)
|
يادينق صراحة إنت التافه وإنت المنحط ..
ماعندي كلام تاني بعد كلام قريمان .. شايل ليك غبينة وحايم بيها من بوست لي بوست وتنشر في الجهل وفي الأكاذيب دون أن ترعوي .. جاء سبد الشي زاتو وقال ما استلم ولا قرش من هيثم .. وإنت لو اصريت علي قلة .. ادبك .. وتفاهت ك .. ح يضطر قريمان يتخذ ضدك إجراء قانوني .
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: Hassan Makkawi)
|
تحياتى للجميع ورمضان كريم
ومرحبا بعودتك الميمونة يا بروف
شخصياً ما بحب اتداخل فى مثل هكذا بوستات . والمقتبس ادناه من العزيز كمال عباس حسب فهمى بينهى الجدال فى المسألة وعلى الاخ قريمان الالتزام بما اقرّ به :
| Quote: طالما - ان السيد قريمان قد اقر باستلامه للمبلغ واقر بوجوب ارجاع المبلغ لصاحبه - يبقي اي حديث عن - اصل المعاملة المالية وهدفها بلا معني! الرجل سلم باخذ المبلغ واقر بوجوب ارجاعه |
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: علاء سيداحمد)
|
كتب محتال كندا في بوست مجاور:
Quote:
المدعو جورج بوك / الذى يكتب باسم دينق زورا ..
جورج بوك انت سوداني جنوبي ..
هذا المنبر كان فيه عدد من الاعضاء من دولة جنوب السودان .. قرر جميعهم الخروج من المنبر لانفصال الجنوب بكل ادب و احترام .. انت يا جورج بوك ظللت موجود فى المنبر .. لماذا ..!؟
لذلك ظن الكثيرون ان اسم دينق اسم حركى يكتب به الكثيرون "شبح" و يستغلونه ..
انا فى تقديرى ان الامر غير ذلك ... !!
و ظل جورج بوك / دينق فى المنبر كل عمله مطاردة .. الشرفاء من الاعضاء .. بكلام سطحي و غير منطقي و لا عقلاني ..
و ذلك لان جورج بوك / دينق لا علم له و لا معرفة ..
غير بعض الكلمات و العبارات التي يكتبها في كل البوستات .. و الدليل على ذلك انه لم يفتح بوست و احد فقط .. كتبه من الالف الى الياء .. و انما النقل .. و النقل أمر يسير يمكن تفعله ابنتي التي لم تتجاوز الرابعة من عمرها ... !!
جورج بوك / دينق ظل يروج للعلمانية و الشيوعية التي لا يعرف منها الا اسمها .. و واضح انه يطارد و يكره كل ما هو إسلامي و دينى .. و للعلم فان بيننا احد الاعضاء المسيحيين في هذا المنبر نكن له كل تقدير و احترام ..
عمنا ارنست العجوز .. يدعوا و يروج للدين المسيحي و يجد كل الاحترام و التقدير...!!
للعلم .. لا مشكلة لي مع المسيحي او المجوسي او غير ذلك .. لدى اصدقاء و زملاء في كل مراحل تعليمي من الابتدائية الى الجامعة من قبائل السودان المختلفة بما في ذلك قبائل الجنوب .. و من بينهم أهل و معارف و اسرة ... !!
ان كان في المدعو جورج بوك / دينق خير .. له ان يعمل الخير فى اهله و قبيلته و مواطني جنوب السودان الذين ابادتهم الحرب ... !!
من لا مبادئ له .. لا اخلاق له .. و لا نتوقع منه حتى ان يحترم نفسه ناهيك عن الاخرين ... !!
و اخيرا .. أعمل خير فى نفسك .. ان كانم فيك خير .. و اترك اهل السودان فى حالهم ... !!
فاهم أعمل خير فى نفسك يعنى شنو ... !؟
يا لك من جاهل و غبى ..
تبا لك ..
|
يا محتال أنت مش برضوا كتبت في البوست ده فوق بأنك:
"فضلا عنى انى يمكن اطاردكم في كل ركن ركين من المنبر العام .. مثلما تفعلون تماما.. لكنى اترفع عن ذلك السلوك الجاهل الذى ينم عن نفس مريضة ...
فانتم لا تستحقون أكثر من ذلك... !!"
شنوا قضيتك استحمت قبل أن تتقدم بها ؟؟
ولا ده أسلوب الخداع الذي تمارسه على بعض السذج في المنبر؟؟
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: Deng)
|
| Quote: و لكم ان تعرفوا .. الأتي Slander, defame and libel و هي جرائم يعاقب عليها القانون في كل مكان ... !! |
يا قريمان يا إما أنت جاهل بالقانون وما عندك سينس بألف باء تاء ثاء العدالة او مفتكرنا نحن سذج.
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: علاء سيداحمد)
|
يا علاء صاحب نابري،
مداخلة كمال عباس بعد مداخلة قريمان أصبحت زي دليل التواتر الاسلامي بالنسبة لكتابة التاريخ علمياً،
ونسة ساكت، ما لم يجود علينا مكبشراتي بعضم المداخلات
زائد انو كمال عباس شيوعي لا يؤخذ بشهادته في المحاكم الشرعية
ولّ شنو يا مولاكم حافظ؟
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: أبوبكر عباس)
|
كتب محتال كندا:
" دينق فى المنبر كل عمله مطاردة .. الشرفاء من الاعضاء .. بكلام سطحي و غير منطقي و لا عقلاني ."
ـــــــــــــــــــــــــــــــــــــــــــــ
من هم "الشرفاء من الاعضاء" الذين قمت أنا ب "مطاردتهم"؟
أوع بس أنت وود الباوقة والمسلمي أخوان تكونوا من الشرفاء؟؟؟
ههههههههه
ههههههههه
ههههههههههههههه
| |
|
|
|
|
|
|
|
|
|
Re: يا ربي الغير اخلاق السودانين لكدا شنو (Re: Deng)
|
وهنا يحاول محتال كندا أن يدغدغ بعض المشاعر الدينية ، ويريد أن يأتي "المسلمين" مدافعين عنه:
" دينق ظل يروج للعلمانية و الشيوعية التي لا يعرف منها الا اسمها .. و واضح انه يطارد و يكره كل ما هو إسلامي و دينى .. ""
يا غبي أنت لو كنت متابع جيدا للمنبر لكنت تابعت خلافاتي الشهيرة مع الاخوة الشيوعيين في المنبر وخارجه.
بعدين أنت لو كنت شيوعي مش كان أحسن لك، على الاقل كان أتعلمت منهم الصدق،الشرف والامانة.
مش تمشي السودان مضهب وعالة على دافع الضرائب السوداني.
| |
|
|
|
|
|
|
|
| |
ABUHUSSEIN
Hafiz Bashir
Elsanosi Badr
حمد عبد الغفار عمر
محمد البشرى الخضر
Arif Nashed
عمر التاج
Biraima M Adam
سفيان بشير نابرى
محمد المسلمي
Deng
كمال عباس
أمين محمد سليمان
kamal omer
معاوية المدير
نعمات عماد
يحي قباني
امجد الجميعابى
هيثم طه
Elhadi
أبوبكر عباس
عبدالحفيظ ابوسن
Hassan Makkawi
الطيب رحمه قريمان
فرح الطاهر ابو روضة
علاء سيداحمد
فيس بوك
تويتر
انستقرام
يوتيوب
بنتيريست