|
|
|
 Re: 300 ريال حصيلة اغتراب 3 سنوات بالسعودية.. خ� (Re: عادل ابراهيم احمد)
|
عبداللطيف البوني كتب عن زميل له اسمه عبداللطيف تخرّج من الجامعة وباع حواشة والده ليسافر للحجاز
مكث في الحجاز حوالي ثلاثة عقود وعاد بمبلغ كفاه بالكاد ليشتري ذات الحواشة من جديد
كثير جدا من الجيل الأول والثاني أغتبروا عمرهم كله ليبون بيوتا في السودان
المفارقة أنو البيت الغفراء يسكنوهو وقد يأجروهو لغيرهم من الباطن لعقود من الزمن ولما جي سيدو راجع غالبا بجي في صندق يدخلوهو البيت ويمرقوهو للمقابر ثم يفتحو البيت للبكا
في معظم الأحوال الأولاد البكون الوالد كافح ليبني لهم البيت يلوذوا بالمهاجر ولا يعودون لأرض الوطن أبدا
لا عزاء للمهاجرين
| |
  
|
|
|
|
|
|
|
|
Re: 300 ريال حصيلة اغتراب 3 سنوات بالسعودية.. خ� (Re: عبدالله عثمان)
|
تحياتي عادل وعبدالله عثمان
صدق الراحل حميد لما قال :
دنيا الاغتراب
خلتني زي ورق الشدر
انحت من عدم الشراب
عم الاراضى وانتشر
الغربة اصلوا طعيمة مر
لكني بعقد بالجبر
لمن سنين الهم تمر
يا ربي الهمني الصبر
اتشتتنا في بلاد الله الواسعة وفارقنا وطن غني بكل شيء ، لو ان ابلد مخلوقات الله وجدت سبيلاً لامتلاك وطن مثله
لاصبحت تلك المخلوقات من اغنى اغنياء العالم وعاشت حياة يتمناها الجميع.
نحن ضيعنا بلدنا وسافرنا نتسول بلدان الناس ، سيقول قائل ان الحكومات هي السبب
اي نعم اوافق ان الحكومات هي السبب ولكن من اين اتي من يحكمون ؟؟ اليس هم بنو جلدتنا ؟؟
هل ننكر انهم مننا وفينا رغماً عن كراهة هذا القول ؟؟
بما اننا مجتمع ننتج مثل هؤلاء المجرمين التافهين فهذا يعني ان بنا خلل ومرض عضال يجب ان يعالج اولاً
فكيف لو نحن طبيعيين وليس بنا مرض ان ينهش ابناء جلدتنا المتربين في نفس مجتمعاتنا جسد وطنهم الى ان يحيلوه جثة هامدة
ويشردوا كل ابناءه ليهيموا على وجوههم في الارض يطلبون مجرد العيش الكريم بعضهم يجده والبعض الاكثر فيهم يخيب امله
كتلك الامثلة المحزنة حد الموت المذكورة في مداخلة الاخ عادل.
ما بال هذا الحزن قد طال .. والى متى هذا الضياع
| |
|
|
|
|
|
|
|
|
|
Re: 300 ريال حصيلة اغتراب 3 سنوات بالسعودية.. خ� (Re: Haytham Ghaly)
|
مرحبا أخي عبد الله عثمان..
فعلا والله ماساة..
جدلية كيف تعيش حياتك وتعيش استثنائية اغترابك في آن واحد ..
أنا شخصيا كنت قريب جدا من كثير من المغتربين ورايت حصاد هشيمهم ..
احدهم بنى منزلا فخيما ولكنه للاسف توفى قبل اسبوع فقط من رجوعه للسودان نهائيا ليستقر فيه ..
كلام البوني ينطبق على كثيرين .. والغربة اصبحت صحراء العيش فيها صعب ..
أما المهاجرين فكما قلت وضعهم اصعب ..على الأقل من ناحية الاستقرار بالوطن ..
تحياتي
| |
|
|
|
|
|
|
|
|
|
Re: 300 ريال حصيلة اغتراب 3 سنوات بالسعودية.. خ� (Re: عادل ابراهيم احمد)
|
مرحبا أخي محمد ابراهيم
اكيد المغترب سيكتسب خبرات كبيرة ولكن في نفس الوقت سيفقد اشياء كثيرة ..
ممكن برضو يكون انطوائي لا يبتسم الا نادرا ..متوجس .. خائف ..مترقب .. عاوز زمن عشان يتاقلم مع محيطه الذي فارقه منذ عشرات السنين..
طبعا دا اكيد لا ينفي وجود نماذج ناجحة جدا سواءا في الاغتراب أو الاستقرار النهائي ..
لكن في النهاية احباط غير الموفقين في الاغتراب يظل وقعه قاسيا عليهم ..الا المؤمنين حقا بان الارزاق مقسمة ..
تحياتي
| |
|
|
|
|
|
|
|
|
|
Re: 300 ريال حصيلة اغتراب 3 سنوات بالسعودية.. خ� (Re: عادل ابراهيم احمد)
|
حبابك والله أخي هيثم ..
يوم اثر يوم تزداد كمية الهاربين والمهاجرين والمغتربين .. يهيمون على وجوهم في تلك المنافي والفيافي لغد افضل ..
بعضهم يوفقه الله وبعضهم يفشل وبعضهم تلتهمه اسماك البحار ..
بلدنا غني بموارده فقير بساسته للأسف ..
هل تعلم يا عزيزي أن كثيرين فضلوا البقاء بدول الاغتراب حتى بعد انهاء خدماتهم يتلقون الاعانات من الجمعيات الخيرية ولا يفكرون حتى بالعودة للوطن ؟
بقاء بلا كرامة .. لانو ببساطة بفتكر انو لو رجع خالي الوفاض مع اسرته سيتخلى عنه اقرب الناس ..
تلك ماساة والله .. لانو لو تيقن ان الرزاق هو الله فلن يخيب ظنه ..
تحياتي
| |
|
|
|
|
|
|
|
|
|
Re: 300 ريال حصيلة اغتراب 3 سنوات بالسعودية.. خ� (Re: عادل ابراهيم احمد)
|
السلام عليكم صاحب البوست وضيوفه الافاضل.
فعلا الاغتراب مشكلة كبيرة . تكون دائما بين المطرقة والسندان .
سنين الغربة بتفاصيله الممله ثم العودة للديار ( مجبرا ) . انه لامر صعب .
حتي تتأقلم مع الواقع الجديد ( رغم انه اصبح في العمر ليس كثيرا ) . تحتاج وقت حتي تفهم المجتمع الجديد.
تبدأ من داخل البيت ، فتجد التغيرات ، وتتعجب في بعض الاحيان .
رغم انك كنت علي تواصل ، ومتابع الاوضاع بشكل شبه يومي .
الا . من يعيش الواقع الفعلي ، يجد هذا البون الشاسع .
وفي حقيقة الامر ان الغربة ( ادمان ).
وحتي يقلع المدمن من ادمانه ، عليه الخضوع لجلسات وووو .
بعض المدمنيين ( ومنهم انا ) . نقاتل في سبيل عدم الرجوع للوطن .
علي الاقل حتي يعيش الجزء في الضفه الاخري .
كما يقال : لحين ميسره .
| |
|
|
|
|
|
|
|
|
|
Re: 300 ريال حصيلة اغتراب 3 سنوات بالسعودية.. خ� (Re: Hasheem Karouri)
|
الاقتصاد السوداني اقتصاد جبايات وضرائب
والجهاز الحكومي المتضخم جداً جداً جداً ... إلى ما لا نهاية ... يقتات
على جبايات مقتطعة من الفقراء اصلاً بحجج ووسائل واساليب مختلقة
وما كان متوفراً من مقدرات وامكانيات الدولة في قطاع عام خدمي وصغير
جداً تمت (تصفيتـه) أو (بيعـه) أو (تدميره) أو ما إلى ذلك من مصطلحات
اسم الدلع لها هو .. الفسـاد وفي الحقيقة هي مخططات مقصـودة ...
والفرص التفضيلية في مثل هذا الاقتصاد جاري منحها لاجانب سوريين أو
أتراك أو غيره من جنسيات الارض المرتبطة بما هو مفهوم مع ناس الخرطوم
كل هذا يعوق انتاج اقتصاد تندمج فيه مجهودات المواطنين الاصليين مع اتجاهات
الانتاج ويحقق فائض قيمة يوفر العيش الكريم لأبناء البلاد وبناتها
الطعن في الفيل أفضل وامضى من الطعن في ظلـه
والسودان ليس بلداً فقيراً حتى يتباكى أبناؤه على سوء الحظوظ في المهاجــر
لكن بلد موبوء (بطيبـة) أهلـه الزائـدة والمنحرفــة إلى غفلـة عن حقوقهـم
أحمـد الشايقي
| |
|
|
|
|
|
|
|
|
|
Re: 300 ريال حصيلة اغتراب 3 سنوات بالسعودية.. خ� (Re: أحمد الشايقي)
|
قبل ايام كتبت هذا البوست وهو تشجيع للرجوع من بلاد الغربه والوطن
قبل فوات الأوان ...
أقيف يا زول وين ماشي ... كلمات الشاعر عمر إبراهيم
http://sudaneseonline.com/board/499/msg/%d8أقيف يا زول وين ماشي -1523442396.html
وشاعرنا نجم الدين الشيخ يقول في قصيدة يصف صديق كاجر ابوهو واسرتو وهاجر
وعندما رجع وجد امه ماتت وابوه كذلك ورجعت حليمه لي قديمه
يقول فيها :-
شايل أمالا في عينيه يحلم سافر إتغرب ...
وضيع عمرو في الغربه مسكين املو يتسرب ...
فارق تربتو ووطنه قايل الغربه فيها مجال يحقق فيها غايتو كايس فيها سترة حال ...
مشاكل الدنيا ما بتنحل الا يكون معاك المال ووضع الدنيا تتغير مدام طبع الزمن بطال...
ويقول :-
مرات بس يلوم قدروا يقول انا حظي ما جيد ومرات يرضي بي قدرو حكم الواحد السيد ...
شن يعمل مع الايام ما دام في قيدا متقيد لا موت امو هـــزاااااااهو ولا العيد جابو متعيد ...
الي ان يقول محفزا :-
شن وداك تتغرب ما سودانا اضحي جميل ممكن فيهو تتعيش بلد مساحتو مليون ميل ...
بلد خيراتو منسابا فيهو بترول وفيهو نخيل ومأوي للنزح والجاع وبي خيراتو ماهو بخيل ...
ارجع تعال وطنك اصلاً الرجوع مو عيب وازرع وابداء بي نخلك بين الناس ابقي فريد ...
*** *** ***
ورد الله غربت كل متغرب
:
:
:
:
مع التحيات لله الزاكيات
| |
|
|
|
|
|
|
| |
عادل ابراهيم احمد
عبدالله عثمان
Mohd Ibrahim
Hasheem Karouri
أحمد الشايقي
محمد حمزة الحسين
فيس بوك
تويتر
انستقرام
يوتيوب
بنتيريست