|
|
|
 Re: اليوم الجمارك تطبق سعر الدولار (Re: عبدالحفيظ ابوسن)
|
دة خبر مضحك جدا .. اقلاها بالنسبة لي
يعني جاهم زول يخلص بضاعتو وقالو ليهو
لا والله لسة ما بدينا الشغل مع الاسعار الجديدة .. امشي وتابع الاعلام لامن نبدا تجينا راجع
ولا الخبر يحمل مدلول آخر
وفي ظني هي محاولة طمس حقيقة احجام الناس عن تخليص بضائعهم . وتردد الاخبار عن ارجاع البضائع للبلد المصدر
ف شنو
دايرين يقولو اصلا هم كانوا واقفين عشان كدة مافي توريد
ياجهة جبائية قاعدة تقيف من الشغل
| |
 
|
|
|
|
|
|
|
|
Re: اليوم الجمارك تطبق سعر الدولار (Re: محمد البشرى الخضر)
|
سلامات ودابوسن لعلك طيب
المهم اصحاب البضائع رفضوا دفع الجمارك احتجاج علي التعريفة الجديدة وكذلك اصحاب العربات المالية أكدت لاتراجع المتوقع ماذا اعلان البضائع التي اكملت المدة القانونية البيع في الدلالة العلنية بالجرس وفق قانون الموانئ السودانية اصحاب البضائع ليس أمامهم غير يدفعوا الجمارك اويستلموا متبقي البيع بالدلالة بعد خصم مال الجمارك والموانئ ( اذا لم تخصص لمنظمة طوعية او جهة خيرية مجانا ) وهذا بنص القانون والمتوقع اعلان الدلالة في الايام القادمة
محمد المسلمي
خبير تخليص جمركي ومتخصص مناطق وأسواق حرة
| |
|
|
|
|
|
|
|
|
|
Re: اليوم الجمارك تطبق سعر الدولار (Re: محمد البشرى الخضر)
|
| Quote: يا مسلّمي قانون الدلالة بفرض تحديد سعر بداية يوازي قيمة السوق للبضاعة ولّا ما ضروري وممكن السعر يبدا من اي قيمة |
قانون الموانئ عنده فترة شهرين وبعدها تعتبر البضائع مهملات ومن حق المدير العام للموانئ او من ينوبه التصرف فيها وفق القانون من تحديد دلالة او البيع وفق العطاءات او التصديق المجاني للمنظمات الاسلامية والخيرية او الجهات الحكومية اما اذا تمت الدلالة تتحصل الجمارك والموانئ رسومها والمتبقي يرجع الي صاحب البضاعة واذا لم يحضر توضع كامانات ومن حق صاحب البضاعة التقدم بطلب وقف بيع بضاعته فقد الدلالة ومنحه فترة اسبوع للتخليص
-----
الأشكال يكمن في التخصيص المجاني للمنظمات ومن شايعهم
| |
|
|
|
|
|
|
|
|
|
Re: اليوم الجمارك تطبق سعر الدولار (Re: محمد المسلمي)
|
زي النكتة يا منتصر بالهم طويل
يا ودو سيستم شنو ياخ في الجبايات .. السيستم بتأخر في حاجات تانية
في الدفع السيستم بتحول لي منشور
تجي تدفع تلقا الرسوم زايدة
تسأل يطلع ليك المنشور تقراهو ويدخلو تاني الدرج
مافي لعب في الدفع ولا تأخير
يتأخر ورقك بعد تدفع لأنو الشبكة طاشة
تدفع والايصال ما يطلع لأنو الشبكة طاشة
| |
|
|
|
|
|
|
|
|
|
Re: اليوم الجمارك تطبق سعر الدولار (Re: يحي قباني)
|
يا قباني شهرا ما عندنا فيهو نفقة ما بنحسب ايامو
وحياتك جيت ماري في البوست بي نمرة خمسة
الدولار زاتو لو ماخش لينا في قفة ملاحنا ولا خابرنو
منو هو القال
يجب ان لا ندع اطفال الفقراء النظر في المراعي الخضراء التي لن يرعون فيها يوميا
تقريبا دون اقتباس
الولد داير عجلة بقا صبي مشيت اشتريها لقيتها بي اتنين مليون ونص تصدق قبل الارتفاع . صرفت النظر عنها ويؤلمني حين يراها في الشارع وألمح حسرته . مع انها كلها ما فايته مية دولار تقول لي مرسيدس بايخة ولا مبخرة لو مدلكة عديل ما بتلفت علي صورتها
| |
|
|
|
|
|
|
|
|
|
Re: اليوم الجمارك تطبق سعر الدولار (Re: عبدالحفيظ ابوسن)
|
في كديس ضال في السوق
لافي ياكل في باقي السمك والكوارع والسبكة
اها ما بجي جمبي .. لكن بتكل عندي في الضل
قبل يومين جا يتحكك وانا باكل في عدس .. قلت ليهو عدس دة انت وهمان
جاري قال لي بقا يقش اي شي
جدعتو ليهو رغيفة ناشفة قرضها ثم نظر إلي كسيفا حزينا
هل من مزيد ؟
ملحتها ليهو بالعدس فتناولها مسرورا
بالطريقة دي بكابس القش مع الخرفان
ويمد لسانه لاعداء دارون
| |
|
|
|
|
|
|
|
|
|
Re: اليوم الجمارك تطبق سعر الدولار (Re: عبدالحفيظ ابوسن)
|
تحياتي اب سن
Quote: في كديس ضال في السوق
لافي ياكل في باقي السمك والكوارع والسبكة
اها ما بجي جمبي .. لكن بتكل عندي في الضل
قبل يومين جا يتحكك وانا باكل في عدس .. قلت ليهو عدس دة انت وهمان
جاري قال لي بقا يقش اي شي
جدعتو ليهو رغيفة ناشفة قرضها ثم نظر إلي كسيفا حزينا
هل من مزيد ؟
ملحتها ليهو بالعدس فتناولها مسرورا
بالطريقة دي بكابس القش مع الخرفان
ويمد لسانه لاعداء دارون |
انا غايتو شفتا غنم بياكلوا طبيخ و يقرقشوا العضام .. الحاصل شنو؟
| |
|
|
|
|
|
|
|
|
|
Re: اليوم الجمارك تطبق سعر الدولار (Re: Nasser Amin)
|
قالوا يا ناصر دايرين يغيرو الثقافة الغذائية حقتنا ويأكلونا كلب حار
ودة الحصل تصدق .. بقينا ناكل حد اعلي وجبتين
فطور متأخر وغدا متأخر
اللوبيا كانت اكل الفقراء لرخصها بقت زيها واللحمة خموها ودوها الهند تصدق
الكسرة اغلي من الرغيف .. تلاتة طرقات بي 5 ج . اسألني انا اشتريتها
يعني اظننا فهمنا غلط مفروض ناكل وجبة واحدة بس
دكاكين الفول يعملو كيلو فول وجردلين موية فتة بنكهة الفول
اها مافي سكة للكدايس والذي منو الا يغيروا ولا ينقرضو
تصدق البقر جابو ليهم نصيبة من بلاد بردة . تديها ليها 40 يوم تقيف زمبة
قالوا بعد 40 يوم يا تضبحها يا تتطرشق
هو شنو ما عارفو لكن بسموهو مشروع تسمين العجول
يخش طفل يمرق تور ليهو قلب في اربعين يوم
| |
|
|
|
|
|
|
| |
عبدالحفيظ ابوسن
محمد البشرى الخضر
محمد المسلمي
يحي قباني
Nasser Amin
فيس بوك
تويتر
انستقرام
يوتيوب
بنتيريست