الأستاذ محمود محمد طه: لـ: د. محمد عثمان الجعلي في عليائه: "نَسْولّك ضرب أسيادنا"!!

شرح مفصل و معلومات للتقديم للوتري 2020
إلى ذاكرة خريجي الهند ..مع التحية ًِ
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 23-10-2018, 01:06 PM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
26-06-2018, 05:27 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    الأستاذ مرة استخدم المثل "البيع الحر، ده يصُر، و ده يجُر"
    ---
    بتصرّف مما حكى لي د. الباقر العفيف مختار
                   |Articles |News |مقالات |بيانات

26-06-2018, 05:52 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    مرة الأستاذ قال لينا الاخوان المسلمين ديل ساعين بكل سبيل ليستلموا السلطه!! .... صمت ثواني ثم قال: هم راح يستلموها ويطمئنوا انو الأمر دان ليهم تماما !! ثم رفع يده وقال: لكن بتجيهم الضربة من حِتّة ما بعلموها!!
    ---
    بتصرّف مما يحكي الأستاذ الطيب محمد الحسن العبادي
    ---
    في رواية سمعتها من أحد الأخوان، ولعله عبدالله عوض موسى "الدابي" قال: "ثم تُدار عليهم من جهة ما كانت في حسبانهم"!! وقال أنه رفع يده فوق مستوى الرأس وجال بها في شكل قوس

    (عدل بواسطة عبدالله عثمان on 26-06-2018, 12:41 PM)

                   |Articles |News |مقالات |بيانات

01-07-2018, 05:59 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    أول زيارة بالنسبة لي للأستاذ كنت برفقة الأخ المكي الهاشمي، نفعنا الله بذكره، وكان ذلك قبل التزامي، ولكن كنت على قناعة أن الفكرة هي الدين الذي ﻻ غيره، ولكن كنت اتهيب الالتزام.. وعندما حضرنا لوداع الأستاذ للسفر بالقطار لبربر فحضرنا في الصباح الباكر فأخذنا الأستاذ للصالون لتناول الشاي وكان يردد في البيت من بروق الحي (أنا في يمنة الوادي ودنيا الغير خداعة) ﻻ أذكر الشطرة الأولى تماما، وكنت وقتها مرتبطا بعادة التدخين بعد الشاي، فالتفت إلي الأستاذ وسألني: (ماهي دنيا الغير يا قسم؟) فسكت طبعا مطرقا فقال: (دنيا الغير هي النفس.. الانسان يضوق حلاوة السلوك وتشدو للجانب الآخر.. الصوفية النفس أكان غربت يشرقو منها وكان شرقت يغربو منها).. فشعرت وقتها أن الأستاذ خاطبني في مستوى خاطري فبعد وداعه أخبرت الأخ المكي بذلك وصار هاجسا لي أعانني بالتخلص من عادة التدخين بل صرت ﻻ أطيقها ...
    ---
    بتصرّف مما يحكي الأستاذ قسم السيد عمر المامون

    (عدل بواسطة عبدالله عثمان on 02-07-2018, 06:50 AM)

                   |Articles |News |مقالات |بيانات

02-07-2018, 05:32 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    حكى لينا قال مرة قبيل الإستقلال شاف في رؤيا جمل ماش ووراهو قطيع بتاع أغنام ... قال تأويلو للرؤيا كان إنو الأنجليز ح يطلعو من السودان بأقل الخساير وقد كان ...
    ---
    بتصرّف مما يروي الطيب محمد الحسن عمر إدريس "العبادي"
                   |Articles |News |مقالات |بيانات

02-07-2018, 11:11 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    عشت في كنفه سنتين ، ذلك لما أرتحل من المنـزل ، شرق دار الريـاضة بأم درمان .. نفس الدار التي شهدت ميلاد الحزب الجمهوري بعد سنتين من آنذاك. ... في ذلك الزمن كنا نناديه خالي محمود ، فطلب إلى والدي أن أكـون معه ومـع شقيقتى أمنا آمنة في حي ود البنا ، ثم في ود ارو ، وأرتحلت معه وتشرفت بخدمتهما وكانت معه خالتاه الحرم وآمنة وجدته امنة بنـت حمـزة ووالدته الرب يجود.
    ---
    من ذكريات الأستاذ علي لطفي عبدالله
                   |Articles |News |مقالات |بيانات

09-07-2018, 06:44 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    أول مرة شفت البروف عصام البوشي كان حوالي 1967 وهو جايي من بريطانيا... كنا قاعدين في بص المؤسسة جنب البعض ... لقيتو بقرأ في كتاب لمصطفى محمود أتصور هو "لغز الموت" وقد يكون غيرو ... د. مصطفى محمود كاتب فيهو إهداء للأستاذ "الى سراج ديننا المنير الأستاذ محمود محمد طه مع تحياتي"

    ---
    بتصرّف مما يحكي الأستاذ سليمان الوسيلة محيي الدين
                   |Articles |News |مقالات |بيانات

16-07-2018, 12:31 PM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    الكتابة، سمها "البوح" إن شئت في هذا الخيط المعمور، جد صعبة، تحيطها محاذير عديدات، قلبي يحدثني، وكثيرا أن توقف!! ولكن متابعات وأسئلة من أحباء، ما أكثرهم، تجعلني، الفينة، بعد الفينة، أعاود "البث" (حزني وبثي)
    أشارك اليوم بأجزاء من رسالتين عزيزتين الى قلبي - بتصرّف - وودت ألو أنشرهما بتمامهما، فقد كتبتا، كلاهما، بـ "عصير القلوب"
    كتب لي عزيزة أثيرة من السودان:
    Quote: أنتقي ما أقرأ بعناية، عن أخبار البلد التي أعيش فيها مغتربة متغربة، وأبحث عن السلوى -بعيد بعيد- عن بوستات النقاش
    أفضل المواضيع التوثيقية والسرد القصصي والذكريات مع حبي للشعر والموسيقى والأدب والتراث
    وكل ما يحمل أحاديث الأرواح المشتاقة من كتابات أهل التصوف والعارفين.
    وبدأت أصادف الكثير عن الأستاذ محمود محمد طه من أقوال وإشارات وحكايات ... والنقاش في المنبر أنواع..
    يأسرني ذلك الذي يحمل بين طياته الحكمة و_طولة البال-
    وأصبحت لا أبحث عن إسم الكاتب – فمن الأسلوب- أعرف أنه التلميذ النجيب عبد الله عثمان.
    علمت أني أنتسب إلى عظيم محبوب.. قلبي تماما كما وصفه ود تميم "يَرِشْ ..كَطيرة"... سعيت ولم يبتل شوقي بعد.
    (إنَّا..أنزلناه)

    صديق عزيز أثير من الخليج كتب لي:
    Quote: أنا ما خليت ليك بوست في سودانيز اونلاين ما قريتو...
    حقيقة الكلام كتير كان كتبت لباكر ما بقيف
    وجدنا في بوستاتك كل البركة واليقين
                   |Articles |News |مقالات |بيانات

19-07-2018, 05:19 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    الحرية ف الجو!!

    كنا مع الاستاذ وكان يوجد بعض ضيوف الاستاذ الكبار فى السن ..وفى اثناء حديثهم مع الاستاذ ظهر كديس حايم بقرب باب الصالون .فقال احد الضيوف والله يااستاذ زمان الكداييس دى ماتخرج الا بالليل ..لكن هسى نصة نهار حايمات ..الاستاذ قال ليهو لانو الان الحريه فى الجو ...
    ---
    بتصرّف مما يحكي الباشمهندس محمد طاهر ادريس
    محمد طاهر من كسلا ويعمل بكلية الهندسة جامعة الخرطوم - قسم المساحة ... زوجه سميرة ابراهيم عبدالله ولهما من الأبناء سارة
                   |Articles |News |مقالات |بيانات

23-07-2018, 05:42 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    المقدمة دي البيقراها مطالعة ساي بيترقّى .... و البيقراها و يفهمها، ده الخير الما بيحصيه محصٍ
    ---.
    الأستاذ محمود محمد طه عن مقدمة الطبعة الثامنة من كتابه "طريق محمد"
                   |Articles |News |مقالات |بيانات

26-07-2018, 05:16 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    أيوة... الأستاذ حكى عنو ... الشيخ عوض السيد ... قال هو من أبكار الشيخ العبيد ود بدر وكان الشيخ عوض السيد مشهدوا الخدمة .... يووووت مشمّر في خدمة الناس
    قال المكاشفي كان صغير في سنو وكان معجب بيهو شديد ... المكاشفي قال ليهو أكيد الشيخ العبيد كلمكم عن إسم الله الأعظم!! قال ليهو بالحيل... أسم الله الأعظم الكسرة!! الكسرة!!*
    ---
    بتصرّف مما يحكي الأستاذ صديق موسى بابكر*
    صديق من أحفاد الشيخ برير في شبشة الدويم ونشأ بها... درس صديق الإقتصاد بجامعة الخرطوم ثم هاجر الى ليبيا، كينيا وأستقر أخير بكالفورنيا أمريكا مع زوجه سوسن الجعلي وأبنهما باسل
    ---
    الشيخ عوض السيد له ضريح يزار بقرية النُزيهة شرق النيل الأبيض على طريق الدويم القطينة
    معروفة "مخاضة عوض السيد" وهي منطقة في النيل الأزرق يقال أن الشيخ عوض السيد عبر بها بالجمال محمّلة ذرة ليدرك بها مسيد شيخه فسميت المنطقة بأسم مخاضة عوض السيد
    * لعل الشيخ المكاشفي متأثرا بأن اسم الله الأعظم قال قولته المعروفة التي ما معناها (لقمة في بطن جائع خير من بناء ألف جامع، وخير ممن كسا الكعبة وألبسها البراقع، وخير ممن قام لله راكع، وخير ممن جاهد للكفر بسيف مهند قاطع)
    وهي تنسب بصيغ مختلفة للشيخ الجيلاني وربما لغيره ولكني سمعتها من الأستاذ عبداللطيف عمر منسوبة للشيخ المكاشفي وقال لي أن عنده صورة كربونية لها بخط الشيخ المكاشفي نفسه
                   |Articles |News |مقالات |بيانات

29-07-2018, 05:01 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    من الأمثال التي أستخدمها الأستاذ

    "شامخ رأس.. عزيز في نفسه ورخيص عند الناس"
    ---
    نقلا عن شريط تسجيل لـ: مؤتمر عيد الفطر 1391 هـ - 1971م - جلسة الأخوات الثالثة
                   |Articles |News |مقالات |بيانات

02-08-2018, 06:15 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    رغم المحاذير، وصعوبة الكتابة في هذا الأمر، الا أن كثير من المتابعين لا يفتأ يسأل ويطلب المزيد
    يسرني ذلك، ويخيفني في آن .... والله المستعان
    ----
    والله أنا خيطك دة ببدأ بيهو صباحي
    عندي قصة مع أستاذ سعيد ح أتصل عليك مخصوص وأحكيها ليك
    ---
    بتصرّف مما قال لي على الهاتف محمد الحسن عثمان محمد المصطفى "الجعلي" من الحجاز
    -----
    قال لي الليمونة دي بذورها كتيرة لأنها خايفة ... دايرة تحافظ على نوعها ....
    ----
    بتصرف مما حكت د. أماني عبداللطيف عمر حسب عما قال الأستاذ
    أماني درست بجامعة الخرطوم وجامعة مانجستر وتدّرس الأقتصاد الآن بجامعة خليفة بالأمارات
                   |Articles |News |مقالات |بيانات

07-08-2018, 12:24 PM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    فى أثناء تلك الخلوة أشفقت ( بت يــس ) والدة نفيسة محمد قيلى ، وهى أم ( أمنا آمنة ) .. أشفقت مما بدا لها فى ظاهر الأمر من آثار الخلوة .. وكانت " بت يس " إمرأة لها شأن ، قويـّة الشخصية ، فقررت زيارة الشيخ المكاشفى ، الذى كان صاحب نفحة روحية ظاهرة ، وصاحب مدد يلجأ إليه الناس .. عندما دخلت " بت يس " للشيخ المكاشفى أمر الحيران بالخروج .. ليستمع لبت يس فى هدؤ ، وعندما بدأت فى سرد شكواها عن حال المهندس الذى دخل الخلوة .. فجأة سألها الشيخ المكاشفى مقاطعاً وبإنتباه : قلت لى منو ؟!
    فأجابت : محمود محمد طه ..
    فقال متسائلاً أيضاً : الافندى ؟
    ولما أجابته بالإيجاب قال لها :
    الأفندى دا شيخنا كلنا
    ===
    مما حكى لإسماعيل رحوم الأستاذ عثمان بشير مالك*
    عثمان من أبناء الديم رفاعة عمل بالتعليم بالسودان واليمن، زوجه الأستاذ سهير العاقب الريح ابنة ماريا مختار محمد طه
    ---
    من لطايف الشيخ المكاشفي، وهي لا تقع تحت حصر، قيل أن رجلا من قرية ود الترابي يخط المصاحف، أهدى مصحفا للسيد علي، ثم خطّ آخرا وذهب به ليهديه للسيد علي ايضا
    فوجهه السيد علي بأن يهديه للشيخ عبدالباقي المكاشفي فر قرية الشكينيبة، فذهب الرجل للشكينية ... تقول الرواية أن الشيخ المكاشفي قال له (بدون أن يستلم المصحف) قبلناهو!! علا مصحفك ناقص حرف
    أستغرب الرجل لكونه راجع المصحف الخ الخ ... قال له الشيخ المكاشفي أفتح سورة "العصر" فتبين له أن قد نسي حرف الواو قبل كلمة العصر...
    قال له الشيخ المكاشفي (الجرف نساك الحرف)!!
    تدارك الرجل أنه كان ينازع أخوة له جرف على النيل ...
    ----
    ردد الأستاذ محمود بيت الشعر
    شكوت الى وكيع سوء حفظي فأرشدني الى ترك المعاصي
    وأخبرني بأن العلم نور ونور الله لا يهدى لعاصي

                   |Articles |News |مقالات |بيانات

07-08-2018, 03:23 PM

Ali Alkanzi
<aAli Alkanzi
تاريخ التسجيل: 21-03-2017
مجموع المشاركات: 4690

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    يا استاذ عثمان عبدالله
    لم اقرأ كل حكاويك هنا
    ولكنها تتماشى وهوى انسان السودان الذي اعطى كرامات لأهل التصوف لم تعط لنبي مرسل
    وانظر لقولك:

    قبلناهو!! علا مصحفك ناقص حرف
    أستغرب الرجل لكونه راجع المصحف الخ الخ ... قال له الشيخ المكاشفي أفتح سورة "العصر" فتبين له أن قد نسي حرف الواو قبل كلمة العصر...

    هذه رواية لا يقبلها حتى الخيال فما بالك بالعقل؟
                   |Articles |News |مقالات |بيانات

08-08-2018, 05:36 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: Ali Alkanzi)

    النخيرة فيها الفكي عثمان وهو من أحفاد الشيخ ود بدر... الأستاذ زار النخيرة دي
    ---
    بتصرّف من ذكريات الأستاذ أحمد عبدالرحمن العجب*
    أحمد من سعادة العقليين وهو من الطلاب الجمهوريين الثلاثة اللذين فصلوا من المعهد العلمي على أيام الشيخ محمد المبارك عبدالله
    عمل أحمد معلما في كثير من مناطق السودان بما فيها جنوب السودان ثم تقاعد بالمعاش ويعيش مع أولاده الآن بروشستر نيويورك متعه الله بالصحة والعافية
    ====
    قصة مسيد أم ضوا بان والشيخ العبيد ودبدر والكسرة التي لم تنقطع لمدة 170 سنة:

    المصدر:
    .ـكتاب المسيدـ

    للعلامة المؤرخ الطيب محمد الطيب .

    ومن مذكرات الخليفة الشريف. عمر العبيد صالح ودبدر رحمه الله.

    « للدبليبة » او الكسرة او العصيدة معجزة بقاء مدة «170» سنة دون ان تنطفئ نارها او ينفد طحينها.. بين النخيرة الى ام ضواً بان الى يومنا هذا في مسيد الشيخ ود بدر.

    ماحكايتها؟ ولماذا سميت بهذا الاسم؟..

    .. للدبليبة قصة او انها كانت السبب في تأسيس هذا المسيد العامر بالايمان وتلاوة القران.. وهي التي تعد من ركائز مسيد ودبدر وفروعه.. يقول الشيخ محمد بدر الملقب بـ «العبيد» فيما روى عنه انه بدأ سائحاً عابداً في صباه وكان يصحبه الشيخ محمد المقابلي احد احفاد الشيخ ادريس ود الارباب رجل العيلفون المشهور.. كانا يزوران المساجد والمسايد كل مسيد الشيخ حسن ودحسونة وود الارباب وود البشير.

    وفي يوم كانا فيه في منطقة الباقير الغربي ارادا ان يقطعا النيل الازرق الى الباقير الشرقي ثم الى العيلفون عن طريق المركب.. وذلك قرب المغيب.. فصادفهما رجل كبير في السن.. وقال لهما ان المركب عدا للشرق وما بترجع الا صباح الغد.. وفي الوقت نفسه دعاهما للمبيت معه. وفي بيته اعدت زوجته للضيفين ود بدر والمقابلي عصيدة من دقيق الذرة واللبن فتناولا عشاءهما وفي الصباح عندما نزلا بالمركب قال الشيخ ود بدر لصاحبه المقابلي «من اليوم هذا فراق بيني وبينك»

    فجزع المقابلي من هول المفاجأة وسأله عن السبب.. فرد العبيد ودبدر:

    بعد تناول لقمة الكسرة التي قدمها لنا هذا الرجل رأيت في المنام ان القيامة قد قامت ووضع الميزان وكان يوماً عسيراً فوضعوا كل عبادتنا في كفة ووضعوا في الكفة الاخرى لقمة الكسرة.. أتدري كفة من رجحت؟.

    لقمة الكسرة..

    فرأيت ما دامت هذه الكسرة لها اجر كبير بهذه الصورة ان استقر واعمل شيئين.. تدريس القرآن بفتح خلوة.. «وادي» الكسرة للضيفان.. وهذا يدخل ضمن معنى حديث رسولنا صلى الله عليه وسلم لقمة في بطن جائع «زي» جبل احد..

    وافشوا السلام واطعموا الطعام وصلوا الارحام وصلوا بالليل والناس نيام.

    ويروى انه منذ ذلك الوقت قبل حوالى «170» سنة استقر العبيد ودبدر في منطقة خلوية تقع بمسافة «50» كلم شرق ام ضواً بان الحاضرة الآن.. منطقة سماها النخيرة وبدأ حياته باشعال نار القرآن «التقابة» لتدريس الطلبة.. واطعام الضيوف والمارة بهذه العصيدة وقد لقب آنذاك بـ «عوج الدرب».. ثم بعد بلوغه الاربعين اختار منطقة ام ضواً بان الحالية واسس مسيدها.. كان يقضي الخريف بالنخيرة ليزرع الذرة لتوفير الطعام لطلاب القرآن.. وفي الصيف يجيئ الى ام ضواً بان الى ان استقر بها وبدأ مسيده يزدهر.

    ويواصل الشيخ عمر العبيد صالح بدر حكاية الدبليبة.. هذه الكسرة منذ ذلك الزمن البعيد وحتى اليوم الطعام الرئيسي في تكية مسيد ودبدر وتسمى «الدبليبة» وذلك لانه بعد «عواستها» في صاج كبير تقطع بخشبة في شكل قطع متساوية وتحفظ في قدح من الخشب مرصوصة هذه القطع بعضها فوق بعض حيث توزع على الطلاب والضيفان مملحة باللبن او الروب او الفاصوليا.. وهنالك من يأتي للتبرك بها.

    والشيخ العبيد ودبدر ظل يحث مريديه وطلابه باطعام الطعام وتكلم كثيراً عن الكسرة

    ومن ذلك قال «ادي اللقيمة، وعد الكليمة وزيل الصريمة وآخر الليل اخذ ليك قويمة شوف أكان ما تبقى من اهل النهيمة»

    وقال «ادي القرش وفرِّش البرش واملأ الكرش شوف كان ما الناس عليك تندرش».

    وكذلك قوله (الماعندو محبة ماعندو الحبة)

    (والعندو محبة ماخلي الحبة)

    (هنية من صلي عشاهو ومرق بعشاهو وقام آخر الليل صلي ليهو ركعتين لي مولاهو)

    ومن أين يأتي الطحين هل من جهة تعاون؟.

    المسيد لم يمد يده لاحد قط.. هذه الاشياء رحمة ربانية تأتي من حيث لا ندري.. بل المسيد يساعد المسايد الاخرى.

    وكيف تتم عملية صناعة الدبليبة!.

    يوضع الطحين في صاج كبير ويحرك بـ «الملود» التي تستخدم في الزراعة المطرية.. الصاج يسع لجوال من الطحين يتعاون اربعة من الطلاب او المريدين في صناعتها.. هذه الكسرة لا تنقطع عن التكية وفي اية لحظة طلبت فهي موجودة.. تستهلك التكية ما بين «10-30» جوال دقيق في اليوم.. فهنالك نحو «500 الى 1500» طالب قرآن وغير الضيوف «الدبليبة» طعامهم الاساسي في كل الوجبات.

    ألم تنقطع في يوم ما؟.

    لن تنقطع ان شاء الله.. فالشيخ ودبدر سئل في حياته السؤال نفسه وقالوا له نخشى بعد رحيلك ان ينتهي.. فقال لهم سألت الله اربعاً الا تنتهي من مسجدي الى يوم القيامة.. القرآن والاذان والكسرة والضيفان .

    مشهد أخير:-

    هذه الكسرة لم يشكو احد من سوء فيها قط.. أويقول ان تكرارها اصاب معدته باي داء حتى ولو «لواية» لمدة ثانية واحدة.. وطعمها يتميز بنكهة لذيذة..

    ما رأيكم.. هل تناولتم وجبة «الدبليبة» في مسيد وتكية العارف بالله الشيخ العبيد ودبدر
                   |Articles |News |مقالات |بيانات

08-08-2018, 10:43 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    كنا زي عشرة من أولاد الدويم، فينا زولكم السماني ود آمنة قرندة*، إنشغلنا بأركان الجمهوريين شديد .... كنت بفتكر اننا كلنا ح نبقى جمهوريين... موضوع الصلاة دة شغلني ... في الشطيب* جنب شبشة عندن رجل قاصع من أحفاد الشيخ عوض السيد
    إسمو عوض السيد المسلّمي عوض السيد ... مشيت سألتو قلت ليهو هل ممكن الزول يصل مرحلة يخلي الصلاة (دة كان فهمي كدة انو بخليها) ... كلمني عن المركبات الفضائية وإنو لما تخرج خارج العلاف الجوي لا تحتاج للمحرك أو حاجة في المعنى دة..
    لكن الحيرني إنو طوالي قام قال لي يا صديق يا ولدي أنا لي خمسطاشر سنة براك شفتني كراعي دي ما مشت أم درمان، إلا أم درمان دي فيها رجل لو بقيت بخيت تلاقيهو... قال لي الراجل دة من بعثو سيدنا محمد زول قلّد النبي بوضع الرجل على الرجل متلو مافي...
    ما قال لي هو منو لكن أنا أرتحت راحة شديدة وعرفتو دة زولي .... أها بقيت عليهو ...
    ---
    بتصرّف مما يحكي الأستاذ صديق موسى بابكر
    صديق من أحفاد الشيخ برير ود الحسين من شبشة ... بدأ دراسة القرآن الكريم بخلاوى الشطيب من أعمل شبشة ثم أتم الإقتصاد بجامعة الخرطو ويقيم حاليا بأمريكا كالفورنيا
    ---
    * السماني هو السماني أحمد الشيخ السماني من أحفاد الشيخ برير ود الحسين أيضا .. نشأ بكوستي ودرس الإقتصاد جامعة الخرطوم وهاجر للحجاز
                   |Articles |News |مقالات |بيانات

09-08-2018, 12:30 PM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    قال الحقيقة النور الشافوهو* في بارا هو نور السيد علي ...---
    بتصرّف مما نقل لي أحد الأخوان عن القصة المشهورة عن تسابق السيد محمد عثمان الكبير من الحجاز وعثمان دان فوديو من تكرون لنور رآياه في بارا عند رقية بنت جلاب
    ====
    للجعلي في عليائه
    النور البرّاقعَلَيْكَ إعْتِمادِي دَائمِاً كُلَّ لَحْظةٍ بِدِنْيَايَّ
    وَفِي الرُخْيّا وَفِي كُلِّ شِدّةِ
    وَعِنْدَ حُتُوفِي أرْتَجِيكَ لِمَوْتَتِي
    لِتَحْضُرَنِي تِخْتِمَ لِي باِلْحُسَنِ خَتُمَتٍي
    تُقَرَ بِهُا عَيُنِي إذَا الرُوحِ تُؤْخَذُ
    الِلّهُمَّ صَلِ وَسَلِمْ عَلَي حَبِيْب الله
    ---

    يحتفل محبو ومريدو السيد علي اليوم بمرور الذكرى الخمسين على رحيلهنظرة يا أبو هاشم!!
    متبركوووون

    (عدل بواسطة عبدالله عثمان on 09-08-2018, 12:42 PM)

                   |Articles |News |مقالات |بيانات

09-08-2018, 12:52 PM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    ثم تحدث عن ولاية السيد علي.. على أنها مخفية لأنها ممدة لأهل الأنوار بالنور و لأهل الظلام بالظلام لذلك كانت مخفية فهو صاحب وقته..
    كالحقيقة المحمدية ممدة بالنور للمكلوت من ملائكة و رسل و ممدة بالظلام لإبليس و جنوده. كل الوجود منه و ليس ما يخرج منه ظلام.. قال تعالي "كلا نمد هؤلا و هؤلاء"
    ---
    بتصرّف من تلخيص حديث للأستاذ محمود محمد طه
    ====
    منذ حوالي ثلاثة أسابيع، يوليو 2018، رأيت رؤيا، نسيت تفاصيلها، وفيها السيد علي يزور منزل أسرة الأخ د. النور محمد حمد* في "حلة حمد" من أعمال ود الترابي
    كتبت الرؤيا للنور في الواتس أب وتبادلنا بعض الرسائل، وبعد أذنه، أجتزأت منها هذه:
    رؤية لطيفة
    ذكر الصبا ومراتع الآرام
    جلبت حمامي قبل وقت حمامي
    وفي ذلك مصاقبة لموتوا قبل ان تموتوا
    اما قصة زيارة السيد علي الميرغني فاساسها ان امي ولدت وليدها الاول واسمته الحسن ربما تمينا بالسيد الحسن غير انه انتقل في يفاعته. فنذرت امي نذرا وهو اذا ولدت مرة اخرى وحفظ الله من تلد من موت اليفاعة ان تدفع اوقية من الذهب لكل من الشيخ العبيد ود بدر والشيخ حسن ودحسونة والسيد على الميرغني.
    ولدت امي مضوي وبعد ثلاث سنوات ولدتني انا وبعد ثلاث سنوات اخريات ولدت ابراهبم.
    كنا نسمى "اولاد النديهة" وكان اكل واحد منا قمبور في راسه حتى بعرف الناس اننا اولاد نديهة، وقد حفظتنا تلك القنابير من الجلد الذي كان يمارسه اهل القرية على الاطفال بسبب المخالفات كأن يجدوك تسبح في الترعة او يجدوك وقد ابتعدت اكثر مما ينبغي عن حرم القرية. حالت تلك القنابير بيننا وبين الجلد عددا من المرات .
    كانت اوقية الذهب تساوي ثمانية عشر جنبها وقتها ولم يكن مبلغ 54 جنيها ليتوفر لمزارع في ذلك الزمان. انتظر أبي وأمي حتى شهدت الجزيرة موسما زراعيا ناجحا حصد فيه المزارعون مئات الجنيهات. فقررا الوفاء بالنذر. اخذونا، والدي وجدي لأمي الحسين ود العجب وكان مضوي في العاشرة من العمر وكنت في السابعة. عبرنا النيل في ساعة العصر من ود الترابي الى ود راوة. وكانت تلك أول مرة اركب فيها مركبا لعبور النيل. تمر الشاحنات القادمة من رفاعة والقضارف في طريقها الى الخرطوم. بقرية دوراوة. ركبنا على شاحنة تحمل جولات ذرة على ما أظن، ووصلنا أم ضبان في وقت المغيب. زرنا ضريح الشيخ العبيد ود بدر وكانت اول مرة أرى فبها لمبات النيون، ويبدو ان المسيد كان يضاء حبنها بمولد كهربائي.
    أوفي ابي النذر للخليفة يوسف، وبتنا ليلتنا في أم ضبان وركبنا بصا في صباح اليوم التالي الى ود حسونة في قلب البطانة. هناك زرنا قبة الشيخ حسن ود حسونة وكان هناك خلق كثير من اعراب البطانة. كانت القبة مظلمة وذات جدار سميك جدا. واذكر اننا زرنا صخرة قيل ان للشيخ حسن ود حسونة آثار كرامة عليها. أوفي والدي النذر لخليفة ود حسونة واظن ان اسمه بلل الشيب. عند العصر انطلقنا الى الخرطوم وبتنا في حلة كوبر لدى بعض الأقارب أو المعارف وكانت وقتها قرية. في الصباح توجهنا من كوبر الى دائرة السيد علي الميرغني. وكانت تلك اول زيارة لي الى الخرطوم. وكانت اول مرة ارى فيها شوارع الظلط. جلسنا في الدائرة لساعات في حوش كبير تظل عليه سرايا من طابقين مبنية من الطوب الاحمر ولها فرندة ذات اقواس. جاء وقت الفطور وجيء لعشرات المنتظرين بفتة في اقداح كبيرة. بعد الفطور جاء دورنا لزيارة السيد.. اوصانا أبي قبل الدخول بان نقبل يد السيد حين السلام عليه. وجدنا السيد علي جالسا وكان يبدو متقدما في السن. وكان ذلك عام 1958. كان يلببس كما في الصور جلبابا وعمامة حول كوفية ملونة وحول رقبته ملفحة من الدمور. حين جاء دوري للسلام انحنيت لاقبل يده لكنه سحبها مني. لم نقف معه سوى لحظات وكان يقف بجانبه كبير الخلفاء قال ابي انه يسمى ود مالك*. تحدث ابي الى السيد علي قائلا انهم أتوا من ود الترابي ليفوا بالنذر قبل ان يقوم بختاننا. كتب السيد علي ورقة صغيرة واعطاها لأبي لكي يسلمها لشخص يعمل في مستشفى بحري. حاول أبي ان يدس مبلغ النذر للسيد علي في يده لكنه لم يمد يده وأشار الى أبي براسه ليعطيه لكبير الخلفاء. خرجنا من هناك الى مستشفى بحري حيث ادخلونا الى غرفة العمليات على وجه السرعة واجروا لنا عملية الختان. من هناك اخذنا والدي وجدي الى حديقة الحيوان. في حديقة الحيوان تراجع تاثير البنج واحسست بالم شديد وبكيت. لكن خف الألم وتوجهنا من هناك الى محطة السكة الحديد وركبنا القطار الذي وصل محطة ود الترابي بعد المغيب ومن هناك بالسيارة الى القرية حيث توافدت كل القرية الى حوش دارنا وبدأت فورا الولائم والاحتفالات التي اعدتها امي فرحا بختاننا.
    ===
    * قال لي د. النور أن أهلهم في الأصل كانوا ختمية
    النور محمد حمد وينتهي نسبه للشيخ ننة ... نشأ بقرية حلة حمد ودرس بحنتوب ثم كلية الفنون ... عمل بخورطقت وأم درمان الأهلية وغيرهما ثم نال شهادة الدكتوراة من أمريكا ثم عمل بالكويت وقطر وأمريكا
    يقيم حاليا مع زوجه الأستاذ أسماء محمود محمد طه وأبنيهما محمود وآمنة، حفظهما الله، بضاحية إلكسانريا فيرجينا بأمريكا
                   |Articles |News |مقالات |بيانات

18-08-2018, 07:46 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    قال لينا الأخوان المسلمين ديل زي الابرة المعووجة، كان داير تقومها تتكسر ولو خليتها ياها في عوجتها
    —-

    بتصرف مما يحكي د. سليمان محمد الحسن العراقي
                   |Articles |News |مقالات |بيانات

19-08-2018, 06:41 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    كنت أشتغل في سلخانة أمدرمان..... يوم الأستاذ سألنى عن الذبيح و القوانين الخاصة به، قلت ليهو أنو القانون يسمح بذبح الإناث على إلا تتجاوز النسبة 10 % من مجموع الذبيح فقال لى تذَبِّحُونَ أَبْنَاءَهمْ وَتسْتَحْيُونَ نِسَاءَهمْ !!
    ---
    بتصرُف مما يحكي د. محمود أحيمر
                   |Articles |News |مقالات |بيانات

19-08-2018, 10:56 AM

عمر مصطفى مضوي
<aعمر مصطفى مضوي
تاريخ التسجيل: 04-02-2012
مجموع المشاركات: 276

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)


    استاذنا الحبيب عبد الله عثمان ،،،
    كتابتك دي والله ذات جمات ( جمع جمة ) بنجي ننجم فيها ونستحي نشارك معاك . من كثر مافيها ادب ولطف ومعرفة .
    قال لي صديق ان اكثر ما ياسف له انه لم يقابل الاستاذ حين كام ذلك متاحا وانا كذلك .
    سيطرة الوعي السلفي على مفاصل المعرفة الدينية فوت علينا الكثير . انتظرنا عشرات السنين لنفهم عماذا يتكلم الاستاذ .
    ومازال بعضنا او الكثيرون منا لايفهمون . حتى ان بعضهم مازال يعتقد ان الاسلام قد بني على خمس . معرفة المنهج المدرسي .
    او بعضهم يجتزيء النصوص ليقول لك الاستاذ قال انا الله . او قال انا الرسول . او قال انا رسول الرسالة التانية .
    ارسلت رأي الاستاذ في الاضحية الى صديق فما كان منه لا ان قال لي ياخي ده كلام واضح جدا لكن للاسف لازم اضحي .
    وكذا كل العبادات اخدت الجانب الشكلي الاجتماعي لذلك اتت قوة الرفض من هنا .مقاومة السائد للوافد اما قال الاستاذ انه سيعود
    غريبا كما بدأ .
    تحياتي يازول ياجميل ،،،،
                   |Articles |News |مقالات |بيانات

22-08-2018, 06:12 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عمر مصطفى مضوي)

    الصلاة والسلام ما غنى طاؤوسا

    ما دارت على الأحبابِ بكؤوسا

    ما عقدت حضاير ما حكم قوسا

    ما نارت قلوب بي ليلى مأنوسة

    ود سعيد
    ---
    Quote: كتابتك دي والله ذات جمات ( جمع جمة ) بنجي ننجم فيها

    عزيزي عمر مصطفى مضوي ويا أحبابي من انجمينا الى قنّب ومن أرقد فايق الى المنامة
    كلكم كلكم
    بطريقتكم دي يوم بتكتلو ليكم زول
    مشاعركم الجياشة هذه تملأني زهوا، ثم أنها تخيفني حد الموت
    هذا أمر عحيب، غريب
    ثم أنه مضنون به على غير أهله
    وأنا أتهيأ، اللحظة للرد عليكم، ولا أعرف ما أقول، وردتني هذه الرسالة من الإبن المنشد أسامة محمد علي*
    اليوم الاربعاء وبعد الفجر مباشرة فرضت نفسك علينا محبة وذكرناك عند ابوي السعيد ومعاك خالتو نزيهه ..دايما بتذكرك لمن خلاااااص اجي ماشي من الضريح كأنك بتقول لي لشنو م ذكرتني واتوقف ونذكرك ونذكر مقولتك لي من جاور السعيد يسعد، الله يسعدنا بسعادتكم كما قال عبدالله عثمان ❤❤❤😍
    ---
    قضيت عيدي دموع في دموع، وأنا على ما أنا فيه من بعد، وأقرأ في تهاني من تأسرهم هذه "الجمات"، أخي عمر، فيعبرون، كلٌ بطريقته، عن محبتهم للعطر يندلق هنا، ثم يتعداه لمحبة من يكتبه، وأرجو أن أكون مستحقا لذلك، كرما منه وحبا....
    ---
    يهنئني الأستاذ عادل محمد عبدالرحمن من جوار مدينة النبي الكريم فيقول:
    سلام سلام الأستاذ عبدالله ودعثمان تحية طيبة اليوم يوم عرفة لاادري من الذي أمرني وذكرني خيطك الرفيع بعنوان الأستاذ محمود. النبي والجنرال وسحت سياحة روحية لم ولن استطيع ان أرتوي من هذا النهر المعسل بعسل النحل جزاك الله خيرا بالمناسبة شقلتني الدنيا اسأل الله العظيم ان يبارك لنا ولكم في أعمارنا وجعل الطاعة وطريق محمد صلى الله عليه وسلم طريقنا إلى انا نلقى الله

    عادل محمد عبدالرحمن
    الحجاز
    ----
    الشاعرة الحبيبة للنفس، إياها، فجر العيد، تقلّب علي المواجع، فتكتب بتصرّف "غليل" وأنا أقرأ بالدموع:
    امس بكيت في ذات الخيط ..وحنيت لطعام المسايد..ولي قصص كتيرة مع المهيوبة..وحالفة اوصل ود بدر تاني.
    تومي الدرويشة..حايمة بين سوق امدرمان والقبة الخضرا وجبل عرفة.
    كتب الله عليك المحبة..وها نحن نفعل.
    كل شي موزون بوجودك
    اقول شكراً كيف
    بحكي ليك
    كانت ليلة قدري
    ---
    يا أحباب فؤادي
    إن من أجلكم سنكتب ونكتب فـ
    Stay Tuned
    مع المحبة، وافرها





                   |Articles |News |مقالات |بيانات

23-08-2018, 12:38 PM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    جيبو حسن ولدي أضبحوهو

    في شريط إنشاد جمهوري مسجل ومنشور في موقع الفكرة أنشا الشاعر العارف عوض الكريم موسى عبداللطيف يقول:
    ويطيب لنا أن نفتتح الإنشاد بذكر بنت النبي وأم النبي، عليه وعليها السلام، الطاهرة ذات النسب الموصول, قَالَ جَابِرُ بْنُ عَبْدِ اللهِ: كان لآل النبي خادم تخدمهم، ويقال لها بريرة.. فلقيها رجل، فقال لها: يا بريرة غَطِّي شُعَيْفَاتِكَ أي ذؤابات شعرك فإن محمدا (صلى الله عليه وسلم) لا يغني عنك من الله شيئا.. قالت فأخبرت النبي صلى الله عليه وسلم، فخرج يجر رداءه ، وكنا معشر الأنصار نعرف غضبه بجر ردائه وحمرة وجنتيه، فأخذنا السلاح ثم أتيناه فقلنا: يا رسول الله مرنا بما شئت، ثم صعد المنبر فحمد الله وأثنى عليه ثم قال: من أنا؟ قلنا: أنت رسول الله. قال: نعم، ولكن من أنا؟ قلنا: محمد بن عبد الله بن عبد المطلب بن هاشم بن عبد مناف صلى الله عليه وسلم..قال: أنا سيد ولد آدم (ولا فخر)، وأول من ينفض التراب عن رأسه (ولا فخر)، وأول داخل للجنة (ولا فخر)، و صاحب لواء الحمد (ولا فخر)، و في ظل الرحمن يوم لا ظل إلا ظله، ولا فخر!! ما بَالُ أَقْوَامٍ يَزْعُمُونَ أَنَّ رَحِمِي لا تَنْفَعُ ، بَلَ تَنْفَعُ !! " إن كُلُّ سَبَبٍ وَنَسَبٍ يَنْقَطِعُ يَوْمَ الْقِيَامَةِ , إلَّا سَبَبِي وَنَسَبِي وان رحمي موصولة في الدنيا والآخرة "، إِنِّي لأَشْفَعُ فَأُشَفَّعُ، حَتَّى إِنَّ مَنْ أَشْفَعُ لَهُ لَيَشْفَعُ فَيُشَفَّعُ، حَتَّى إِنَّ إِبْلِيسَ لَيَتَطَاوَلُ طَمَعًا فِي الشَّفَاعَةِ "!!
    وبنت النبي الكريم هي بنت السيدة خديجة التي سميت في الجاهلية بالطاهرة وبسيدة نساء قريش.. ولقد أتى جبريل النبي، فقال: اقرأ خديجة السلام، فقال لها: جبريل يقرئك السلام من ربك , فقالت : الله السلام ، ومنه السلام ، وعلى جبريل السلام .. وبنت النبي الكريم يطلق عليها الصديقة، و المباركة، و الطاهرة، و الزكية، و الراضية، و المرضية، ويطلق عليها أم النبي إذ سهرت على النبي بعد موت أمها، قال النبي « أبنتي فاطمة حوراء ؛ إذ لم تحض ولم تطمث..قال: يا فاطمة أتدرين لِمَ سمّيت فاطمة؟ قال علي: يا رسول الله لِمَ سمّيت فاطمة؟ قال:إن الله عز وجَلَّ قد فطمها وذريتها من النار يوم القيامة..
    و سميت الزهراء لأن الله عز وجل خلقها من نور عظمته, وسميت بالمحدثة لان روح القدس كان يحدثها, قالت أم سلمة تزوجني رسول الله صلى الله عليه وسلم وفوّض أمر ابنته إليّ فكنت أُؤدّبها وأدلّها ، وكانت والله آدب منّي وأعرف بالأشياء كلّها.. وسأل علي النبي من أحب إليك فاطمة أم أنا ؟ فقال النبي: فَاطِمَةُ أَحَبُّ إِلَيَّ مِنْكَ ، وَأَنْتَ أَعَزُّ عَلَيَّ مِنْهَا .. وقال النبي إذا كان يوم القيامة جمع الله الأولين والآخرين في صعيد واحد ,ثم ينادي ينادى: إِنَّ الْجَلِيلَ جَلَّ جَلالُهُ يَقُولُ : نَكِّسُوا رُءُوسَكُمْ ، وَغُضُّوا أَبْصَارَكُمْ ، فَإِنَّ هَذِهِ فَاطِمَة بنت محمد صَلَّى اللَّهُ عَلَيْهِ وَسَلَّمَ تُرِيدُ أَنْ تَمُرَّ عَلَى الصِّرَاطِ " . كانت صادقة فقد قالت عائشة: " مَا رَأَيْت أَحَدًا كَانَ أَصْدَقَ لَهْجَةً مِنْ فَاطِمَةَ , إلا أَنْ يَكُونَ الَّذِي وَلَدَهَا, وكانت راضية زارها النبي الكريم وهي مريضة ، فقال : « كيف تجدينك يا بنية؟ فقالت إنى لوجعة ثم قالت وأنه ليزيدني أنى ما لي طعاماً آكله فقال : يا بنية ، أما ترضين أنك سيدة نساء العالمين ؟ وزارها يوماً وهي تطحن بالرحى وعليها كساء من وبر الإبل ، فبكى وقال : « تجرعي يا فاطمة مرارة الدنيا ... لنعيم الآخرة » .... وكانت شديدة التعلق بالنبي، شديدة الوله به, فلما شارف اللحاق بالرفيق الأعلى ... قَالَتْ : وَاكَرْبَ أَبَتَاهُ ، فَقَالَ: " لا كَرْبَ عَلَى أَبِيكِ بَعْدَ الْيَوْمِ ...ولما دفن أقبلت على أنس بن مالك فقالت:يَا أَنَسُ ، كيف طَابَتْ أَنْفُسُكُمْ أَنْ تَحْثُوا عَلَى رَسُولِ اللَّهِ التُّرَابَ !!
    قيل ما رؤيت فاطمة ضاحكة قط منذ قبض رسول الله «ص» حتى قبضت..فلمّا مرضت و كان اليوم الذي توفّيت فيه فيما ترويه أم رافع قالت:يا أمة اسكبي لي غسلا فسكبت لها فاغتسلت كأحسن مما كانت تغتسل ثم قالت : أتيني بثيابي الجدد ..فأتيتها بها فتكفنت بها ثم قالت : اجعلي فراشي وسط البيت فجعلته فاضجعت عليه واستقبلت القبلة ثم قالت لي يا أمة : إني مقبوضة الساعة وقد اغتسلت فلا يكشفن لي أحد كتفا ولقد كان.. , وقال علي في رثائها وهو يومئذ أشد الناس كرباً مخاطباً المثوى النبوي الطاهر, السَّلاَمُ عَلَيْكَ يَا رَسُولَ اللهِ عَنِّي، وَعَنِ ابْنَتِكَ وزايرتك النَّازِلَةِ فِي جِوَارِكَ البايتة في الثرى ببقعتك ، وَالسَّرِيعَةِ اللِّحَاقِ بِكَ!! قَلَّ يَا رَسُولَ اللهِ، عَنْ صَفِيَّتِكَ صَبْرِي، وَرَقَّ عَنْهَا تَجَلُّدِي، إِلاَّ أَنَّ لي فِي التَّأَسّي لِي بِعَظِيمِ فُرْقَتِكَ، وَفَادِحِ مُصِيبَتِكَ، مَوْضِعَ تَعَزٍّ", والسلام عليكما سلام مودع لا قال ولا سئم، فإن أنصرف فلا عن ملالة، وإنْ أُقِمْ فلا عن سوء ظنٍّ بما وعَدَ الله الصابرين
    ----
    أرسلت هذه الخريدة عربون محبة لكثيرين وقد أعجيتهم أيما عجب، فتلقيت العديد من الردود الفرحة بها، ومن ذلك رد من الأستاذ هدى عثمان سليمان قباني* فكتبت لي (بتصرّف)
    الكلام الفوق دا ( الدرر ) دخلنا فى احوال .... بهذه المناسبة الجليلة العظيمة لما كنا فى اثيوبيا احمد* شاف السيدة فاطمة فى رؤيا عظيمة زارتنا هى وخدما وحشما ان صحت العبارة ( واكيد بريرة معاهم ) الرؤيا فيها تفاصيل كتيره لكن فيها احمد قال للسيده فاطمه اهدينا ليك محمد الحسن ! !
    فرديت ليها (بتصرّف)
    والله كتو موتو* بختو..... ذكرتني قصة بيحكيها اخوانا احمد المصطفى الصديق* وفيها واحد من المتصوفة زارو الاستاذ
    نسيت القصة كلها لكن والرجل في حال غريب ينادي جيبو خروف اضبحوهو!! جيبو تور اضبحوهو!! جيبو حسن ولدي اضبحوهو!!!

    ----
    الأستاذ هدى عثمان سليمان قباني - من الشويحات ونشأت بالأبيض ودرست بجامعة القاهرة فرع الخرطوم وعملت بالتدريس وإدارة التعليم وقضت فترة باليمن
    زوجها الأستاذ أحمد محمد الحسن عمر إدريس "العبادي" وقد سبق التعريف به
    لهما من الأبناء محمود وآمنة ومحمد الحسن وسارة حفظهم الله
    محمد الحسن الوارد ذكره، واسطة العقد الفريد، وشهرته في جامعة الخرطوم "كوتو موتو" كادر طلابي معروف بالجامعة.
    --
    الباشمهندس أحمد المصطفى الصديق ادريس من نواحي أبوجلفة شرق رفاعة ودرس الهندسة بجامعة الخرطوم ويعمل بصلالة سلطنة عمان
    متزوج من الأستاذ ماجدة الأمين عبدالغفار أحمد ولهما من الأبناء محمود، آمنة، ميسر ولقمان حفظهم الله
                   |Articles |News |مقالات |بيانات

23-08-2018, 12:47 PM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    سَنُرِيهِمْ آيَاتِنَا فِي الْآفَاقِ وَفِي أَنفُسِهِمْ حَتَّىٰ يَتَبَيَّنَ لَهُمْ أَنَّهُ الْحَقُّ

    يجي يوم العرش السعودي يتكسر قشة قشة!!
    ---
    بتصرّف مما يٌحكى عن الأستاذ وقد تواترت بصيغ مختلفة
    ----
    منتشر في الأسافير كتاب بعنوان (من مكة الى لاس فيغاس) ينعي فيه كاتبه أن قد تحولت مكة بأبراجها الى مدينة أمريكية حديثة ثم تبع ذلك تناول لبعض المظاهر السالبة التي تمارس في المدينة المقدسة عند المسلمين مما يكاد يفرغها من "الروح" تماما

    ----
    قبل فترة كان قد راج حديث عن تحويل مقام ابراهيم ولذلك لبعض أعمال التوسعة في الحرم المكي وبادرت السلطات لنفي ذلك الخبر ولكن "الإشارة" مفهومة أن لم يعد ثمة مقام "روحيا"
    ===
    في مكة، هبت رياح عاتية في يوم التروية 8 ذو الحجة 1439 هـ الموافق 19 أغسطس، فنزعت ستار الكعبة عنها
    كانت الأسافير قد نقلت تسجيلا مصورا، في ذات الشهر، لشخص أعتلى الكعبة فهرع اليه العسكر ورموه من شاهق

    سقوط كسوة الكعبة:
    قال الحافظ ابن كثير رحمه الله في أحداث سنة 644 هـ ما نصه:
    ((وفيها هبت * رياح عصافة شديدة* بمكة في يوم الثلاثاء من عشر ربيع الآخر، * فألقت ستارة الكعبة المشرفة *، وكانت قد عتقت، فإنها من سنة أربعين لم تجدد لعدم الحج في تلك السنين من ناحية الخليفة، فما سكنت الريح إلاّ والكعبة عريانة قد زال عنها شعار السواد، * وكان هذا فألاا على زوال دولة بني العباس،* ومنذرا بما سيقع بعد هذا من كائنة التتار لعنهم الله تعالي.))
    (البداية والنهاية – مكتبة المعارف ببيروت – ط 07 – ج13 – ص 171-170).

    «يبايع لرجل ما بين الركن والمقام، ولن يستحل البيت إلا أهله، فإذا استحلوه فلا تسأل عن هلكة العرب، ثم يأتي الحبشة فيخربونه خراباً لا يعمر بعده أبداً، وهم الذين يستخرجون كنزه».

    رابط المادة: http://iswy.co/e13pi9http://iswy.co/e13pi9

    «يخرب الكعبة ذو السويقتين في الحبشة، ويسلبها حليها، ويجردها من كسوتها، ولكأني أنظر إليه أصيلعاً أفيدعا، يضرب بمسحاته ومعوله».

    رابط المادة: http://iswy.co/e13pi9http://iswy.co/e13pi9

    فَجَعَلَهُمْ جُذاذاً إِلاَّ كَبِيراً لَّهُمْ لَعلَّهُمْ إِلَيْهِ يَرْجِعُونَ
                   |Articles |News |مقالات |بيانات

24-08-2018, 08:49 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    الأستاذ قال
    العالم قامتو كبيييرة
    والاخوان المسلمين قامتهم صغيرة ..
    عشان كدا عاوزين يقطّعوا العالم ده عشان يبقى قدرهم ..
    —-
    بتصرف مما يحكي الأستاذ أحمد محمد أحمد البشير
                   |Articles |News |مقالات |بيانات

28-08-2018, 05:12 PM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    قال الحجاب هو الخراب
    —-
    بتصرف مما يتذكر د. الباقر العفيف مختار
                   |Articles |News |مقالات |بيانات

28-08-2018, 05:24 PM

احمد حمودى
<aاحمد حمودى
تاريخ التسجيل: 11-01-2013
مجموع المشاركات: 3458

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    Quote: والاخوان المسلمين قامتهم صغيرة ..


    حباب شيخنا عبد الله وقلنا نمر نسلم عليك ونتبرك
                   |Articles |News |مقالات |بيانات

10-09-2018, 07:03 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: احمد حمودى)

    Quote: حباب شيخنا عبد الله وقلنا نمر نسلم عليك ونتبرك

    الأخ الأستاذ أحمد حمودي
    نرجو أن يكون مرورك على حضرة ليس الى الشر اليها من سبيل
    يسعدنا مروركم وكثيرا، ويؤسفني أني تأخرت في الرد فقد كنت في سفرة طويلة أطمأننت فيها على صحة أخينا الجمهوري د. الباقر العفيف مختار كساه الله ثوب العوافي
    ----
    ممتنون يا حبيب
                   |Articles |News |مقالات |بيانات

12-09-2018, 01:58 PM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    كنا فى مجلس الاستاذ فى الصالون فتحدث لنا عن خليفة المهدى وقال ضريحه منور لان الفيه والمافيه سووه فيه وجاءت سيرة سلاطين باشا فقال الذى نجاه من الخليفة هو الاذان لانه كان يؤذن للصلاة زمن الخليفة وقال كل القبائل العربية الدخلت السودان قبائل شريفة
    ===
    مما يتذكّر الأستاذ عبدالباقي محمد ابراهيم
    عبدالباقي من منطقة الجزيرة .. درس بالترديب المهني وعمل بشركة توتال وشركات أخرى بالقضارف والخرطوم
    يقيم الآن مع زوجه الأستاذة سلوى عباس وإبنتهما سارة بالخرطوم
                   |Articles |News |مقالات |بيانات

13-09-2018, 07:04 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    وعندما وجهت السؤال للطاهر ذكر لى انه لايذكر زيارة وفد الاستاذ لكسلا عام 1967، ولكن يذكر اول معرفته للفكرة بدأت عندما عرض له الاخ فيصل أمين صديق الكتب فى دكانه، فقال: قلت لفيصل: أنا خلاص قنعت من الاحزاب التقليدية، بعد دا نشوف الجمهوريين او الشيوعيين. فيصل دعانى للقاء بعد المغرب فى نجيلة شُيِّد فيها لاحقا بنك الخرطوم. حضرت بعد المغرب، فوجدت مع فيصل الاخ الريح ابو ادريس، وعثمان الرشيد وهو موظف، والأخ ابراهيم مكي، شقيق القيادى الاسلامى حسن مكي، وقد كان ملتزما للفكرة، ويعمل فى النقل المكانيكي، و هاشم عمر وهو موظف على كادر الهندي وزير المالية حكومة الاحزاب قبل نظام مايو. أخذنا مجلسنا فكانت تلك هى البداية. بعدها جاءنا وفد طليعي لينظم لمحاضرات وفد الأستاذ لعام 1969. اجتمعنا فى دكاني وكان معي عبد الرحيم، وكان زين العابدين هلاوي وزوجته حاجة نعيمة (أنزل الله شآبيب رحمته عليهما) سيسافران للخرطوم بنفس القطار الدى يصل فيه وفد الأستاذ قادما من بورتسودان، فاتفقنا انا وعبد الرحيم هلاوي أن ينزل الاستاذ والاخوات (بتول مختار، وسمية محمود، ورشيدة محمد فضل، وسكينة حسن ابية) فى منزل آل هلاوى مع عبد الرحيم وكانت أسماء محمود، والنور حسن قد واصلا للخرطوم لسبب او لآخر. كما قررنا أن ينزل الاخوان مع الاخ ابراهيم مكي، وهو يسكن مع عزابة حينها كان معظمهم فى إجازة. وقد كان. نزل الاستاذ والاخوات مع عبد الرحيم وتكفلت ميمونة هلاوي (زوجة الطاهر) بإعداد الطعام، ولما كانت ميمونة حامل فى شهورها الاخيرة، طلبت من الاستاذ ان تساعدها الاخوات فقال لي :هذا واجب.
    ===
    من ذكريات الأستاذ الطاهر بابكر عبدالله
    إنتقل اليوم 13 سبتمبر 2018 بالخرطوم وله روضو تزار بمدافن الصواردة بالحلفاية
    ===
    الطاهر هو زعيم الجمهوريين بكسلا وله دكان خياطة مشهور هناك عبارة عن صالون أدبي دائم لنقاش الفكر والدين
    الطاهر أصلا من الشمالية (منطقة البديرية الدهمشية) ونشأ بالحلفاية ثم أستقر في خمسينات القرن الماضي بمدينة السيد الحسن وتزوج بها من الأستاذ ميمونة عابدين هلاوي
    التعازي للأستاذة ميمونة وللبنات إبتسام وإنعام وسهام وإحلام وإيقان وللأبناء هشام ومحمد
    التعازي لأصهاره الأستاذ يحيي حسن عياد، الأستاذ عثمان النعيم وراق، د. عبدالرحمن أحمد حجة، الأستاذ وليد تاج السر محجوب، والأستاذ أسامة محمد حسين
                   |Articles |News |مقالات |بيانات

17-09-2018, 06:09 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    أنا برضه عندي شجون كتيرة وبحكي واحدة صغيرة منها هنا عن خالد المهدي لأنه بتعليقة ذكرني ليها.. كان في ركن في النشاط ودالي بتكلم.. وفي جانب من الركن في داخل الحلقة كان خالد المهدي قاعد في الواطة.. متّفن في الواطة ومرصرص كتب الفكرة.. الوكت داك ما بعرفه خالص.. والوجه طيب ومبتسم إبتسامة طيبة والصلعة عرقانة.. ولسان حاله أنه فاخر بقعدته وبالكتب الراصيها.. أنا شخصيا لن أنسى أبدا هذا المشهد.. واعتقد هذا المشهد كان من الأسباب القوية لإقناعي بالفكرة الجمهورية لأنه الشيء البخلي الواحد يعمل كدا مؤكد ما شيء عادي..
    ==
    مما كتب د. مصطفى الجيلي عمر مصطفى
                   |Articles |News |مقالات |بيانات

17-09-2018, 06:38 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    تعرف يا أبوهريرة، كنا تاني دفعة في كوستي القوز الثانوية، كنا عاملين فيها زي قنادف كدة في المدرسة وأي حاجة مجضمنها .. إنقليزي، اتفاقية سايكس بيكو.. الشنفرى... الما بنعرفوا شنو
    تلاتة كدة أو اربعة كان كبير عندنا الجمل وعاملين فيها جايين في علبها ... اتذكر منهم عبدالله سرالختم ومحمد عثمان الجوبعي وتالت نسيتو ...
    يقوم يا سيدي اللمنتي عليك يجينا الأستاذ محمود دة في المدرسة ... (سمعنا حديثا عجبا)... طواااااالي اتواضعنا وقلنا الزول دة أممممممممممممممم!!!
    قررنا نزورو ... كنا في حالة إعجاب ما عادية ... أتواضعنا .... زي ما بقول ليك ... ياهو كدي .... عجيب!!
    ---
    بتصرّف مما حكى لي الأستاذ مسعود محمد علي*
    سعدت بالحديث معه في مستشفى بميريلاند ونحن نعود أسرة الأخ د. الباقر العفيف هناك
    مسعود زول ونّاس لا تمل حديثه... حدثني عن جذورهم من رزيقات دارفور وسعى أجداده خلف المهدي الإمام وسكنوا "غريبا" منه في منطقة المرابيع ود اللبيح
    لطائف مسعود لا تقع تحت حصر ووصلنا حتى لتحقيق ما يشاع عن رغبة جدهم الخليفة عبدالله في إقتران قومه بـ "الترك" فها هم أحفاده يقترنون بهم في بلاد الساكسون
    زوج الأخ مسعود الأستاذة طاهرة عبد الحميد يحيى الخليفة (حفيدة الخليفة عبدالله ود تورشين).
    عمل مسعود بالحوش (حوش أبكر) وأرامكو وقطر وألمانيا وأمريكا وأضافت له كل هذه التجارب أبعادا وأبعادا ولكنه لا يزال يقول أممممممممممم!! كلما تذكر ليلتهم تلك ستينات القرن الماضي في قوز أبو شريف "شمال الطيب"
    ---
    د. محمد عثمان حسين الجوبعي: أصلا من شمال السودان (منطقة الشايقية) ونشأ بكوستي ... يعمل حاليا محاضرا بكلية طب في فلوريدا
    عبدالله سر الختم خبيرا زراعيا الآن بالسودان
    أممممممممممممممممممم!!!
                   |Articles |News |مقالات |بيانات

17-09-2018, 07:44 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    رأيت والدتى فى رؤيا تقول للاستاذ : ابونا وين ؟ وكان ذلك بعد وفاته ، فقال لها ابوكم فى الادبخانة..
    كنت حينها فى مدنى بين الشيوخ الاربعه ، استاذ سعيد واستاذ جلال واستاذ ابراهيم واستاذ الباقر ..
    ازعجتنى الرؤيا جدا بسبب حكايه الادبخانه ، ولم تشرق الشمس الا وانا فى طريقى من مدنى للاستاذ..
    عندما حكيت الرؤيا للاستاذ ابتسم ، ثم قال لى :-
    لا لا لا ..
    ابوك فى احسن حال ، الادبخانة كلمة تركية ، وهى ( ادب خانه) اى خانة الادب ، ابوك فى خانة الأدب ..
    ثم قال لى: مطلق مسلم فى الآخره على خير ، فما بالك بمن انفق عمرو كلو وهو يدعو الى الله..
    ===
    بتصرّف مما يحكي الأستاذ أحمد محمد أحمد البشير
    أحمد أصلا من تنقاسي السوق ويقول أن والده توفى صغيرا نسبيا، في السن الـ 57، ذلك إذا ما قارنته ببقية أهله
    نعى لنا أول أمس عمه ( عبد الرحمن بشير الحسن)، وقال عنه أنه كان يشترى كتب الجمهوريين وزار استاذ عبد اللطيف فى منزله بالعاشره ..
    هو رجل معمر توفى عن حوالى المائه عام ، وهو يقول 105 وقد سبقته قبل حوالى الشهر عمتهم ( الزهره بشير الحسن) وهى اصغر منه بعامين..
    جدنا ( بشير الحسن ) توفى عن 125 عاما وفى روايه 128 عاما ..
    لله درهم

    (عدل بواسطة عبدالله عثمان on 17-09-2018, 07:46 AM)

                   |Articles |News |مقالات |بيانات

17-09-2018, 12:44 PM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    ودى حاجة انا ما بنساها على الاطلاق ...كانت أول مرة انا أشوف ألاستاذ و أصافح ألاستاذ ...يا زول اليوم داك انا كنت فى عالم اخر ...سعيد سعادة ما عادية ...
    وكنت كل مرة أقول فى نفسى والله انا أنجزت انجاز الليلة ما عادى ...لاقيت الاستاذ وسلمت على الاستاذ ....هوووووووووووووووى....
    ---
    مما يحكي محمد عبدالله بليلة*
    بليلة من النيل الأبيض، درس بكوستي القوز وإقتصاد الخرطوم، عمل بجامعة الجزيرة وأبتعثته لنيل الدكتوراة بلندن، ثم جآءت الإنقاد...
    يقيم بلندن مع زوجه الباشمهندسة هبة محمد عثمان بابكر وأبنتهما زينب
    --
    عمر المذكور هنا هو الباشمهندس عمر محمد أحمد عبدالله "هواري".. هواري أصلا من منطقة الرباطاب ونشأ بأم روابة.. تزامالا هو وبليلة في الإقتصاد
    عمر أبتعث على منحة فولبرايت لأمريكا ويقيم بكالورينا الشماليه مع زوجه الأستاذة أميرة خلف الله عبدالعاطي عثمان وأبنيهما محمود وأحمد "مازن"
    حفظهم الله جميعا
                   |Articles |News |مقالات |بيانات

19-09-2018, 07:50 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    الطاهر الرشيد من أهلي التعايشة سقتو معاي زرنا السيد علي وبعدها مشينا زرنا الأستاذ محمود ... الطاهر حكى للأستاذ قال ليهو في زيارتي للسيد على كنت براعي ساااي لكرعينو بعد مرقنا صديق دة سألني بتراعي لكرعين السيد مالك؟ قلت ليهو لأنو أهلك الأنصار الممسوخين ديل قالوا لينا أنو السيد علي بعد ضرب القبة بكراعو، كراعو أتقلبت كراع حمار!! ترا كرعينو ديل سمحات ما كرعين حمار ولا حاجة!! ... ضحكنا والأستاذ قال لينا السيد علي دة سلطان كبير في الأولياء وكان مبسوط من صحبتي ليهو ووصاني أداوم عليها .. أنا كنت الأنصاري الوحيد البداوم على زيارتو وعندي معاهو محبة
    ===
    بتصرف مما يحكي المربي الكبير الأمير صديق اسماعيل
    الأمير صديق من أحفاد خليفة المهدي ويسكن الجبلين وقد أسس بها مدرسة
                   |Articles |News |مقالات |بيانات

19-09-2018, 08:43 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    كتب علي محمد الفكي في بوست مجاور:
    واسرح مع طوق الياسمين وابن عربي
    والمختار ومسيح دارفور عند بركه ساكن والنزعه الصوفيه
    وهل كان يقصد بركه بشخصية مسيح دارفور والمختار محمود محمد طه
    رغم انو قالوا لا تحاول ان تسقط الروايه على الواقع لتفسد متعتها
    وتفسد الواقع
    ويطل محمود محمد طه وهو خريج مدرسة التصوف
    اذكر وانا في الثانوي وجدت كتاب الرساله الثانيه لمحمود محمد طه في مكتبة الوالد
    وكان بي نهم دائم للقرأة فاخذت الكتاب وبدأت اقرأ
    ولكن عندما حضر الوالد من العمل شال مني الكتاب
    دون ان يعلق واعتقدت انو عاوز يقرأ فيهو
    لكن بعدها اختفى الكتاب من مكتبته
    وكان ذلك بعد اعدام محمود بتهمة الردة بسنوات عدد
    وحقيقه لم اجرب بعدها قرأة كتاب لمحمود وان كنت اتابع سيرته عبر الاسافير
    ولمست النزعه الصوفيه عنده عبر المتابعه لهذه السيره
    اضف الى ذلك بعض احاديث للوالد رحمه الله عنه
    خلال فترة عمله بمدينة كوستي في بداية السبعينات
    وكذلك في مدينة رفاعه
    ومما ذكره ان محمود كان يقدم دروس في المسجد ويخطب الجمعه
    فهذا جعل فكرتي عن محمود ومنهجه السياسي
    بالنسبه لي منهج اسلامي يستمد جذوره من الدين
    وان محمود مفكر ومجدد اسلامي في الاصل
    قد يكون شذ عن المألوف ودخل في المسكوت عنه خوفاً
                   |Articles |News |مقالات |بيانات

23-09-2018, 07:04 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    عادة آخر صينية بقعد فيها الاستاذ وأولاد البيت
    يوم كنا كتار ومتزاحمين في الصينية ... الأستاذ جا هبشني بالحتة الأعلى من الكوع دي هبشة خفيفة وقال لي بالإنجليزي
    Give me an elbow
    وفرقة سغييرة قعد فيها وأكلنا ....
    ===
    بتصرّف مما يحكي د. شمس المعارف بخيت محمد نور
    شمس أصلا من منطقة البديرية بشمال السودان (أرقي) ونشأ بالجزيرة (الماطوري)
    عمل بالبنوك ومارس مهنة تحكيم مباريات كرة القدم بالسودان وأفريقيا لفترة ثم هاجر للخليج
    زوجه الأستاذ تهاني عوض ولهما من الأبناء منتهى ومحمد ومهاب حفظهم الله
                   |Articles |News |مقالات |بيانات

24-09-2018, 11:05 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    على ذكر شمس، كنت قد ألتقيت مؤخرا الأخ أزهري*، كالعادة لا حديث لنا غير الأستاذ.... قال لي تتصور أصلو أنا ما عندي شغلة بالكورة خالص... يوم بدون مناسبة أشوف الأستاذ في رؤيا يشطب هيثم مصطفى دة من كشف نادي الهلال... تتصور بعد فترة بسيطة تمّ شطبه فعلا .... الشي الطالعني من الرؤيا ديك إنو السودان دة عند الأستاذ هو كل شي ... كل كبيرة وصغيرة فيه
    بعد فترة لاقيت شمس المعارف حكيت ليهو الرؤيا دي وحقيقة شطب هيثم بعدا... شمس قال لي لا حولاااااا!! والله فعلا هيثم مصطفى دة غير الأستاذ زول بيقدر يشطبو مافي!!
    ===
    الأستاذ أزهري محمد أحمد بلول وقد سبق ذكره
                   |Articles |News |مقالات |بيانات

24-09-2018, 11:16 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    كنا مرة ماشين مع الأستاذ في مدني في زقاق ضيّق كدة... هوّ قدامنا ونحن وراهو ماشين زي صف ... الأستاذ قال لينا في دابي جايي علينا أفتحوا ليهو كرعينكم خلوهو يمر... هو فتح كرعينو وإنحنا فتحنا كرعينا ومرّ الدابي كأنو مافي حاجة
    ===
    بتصرّف مما حكى لي الأستاذ سعيد الطيب شايب
                   |Articles |News |مقالات |بيانات

24-09-2018, 11:27 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    عمنا أحمد البدوي* حكى لي قال لي زاروا مع الأستاذ قباب في منطقة عمارة أبيد دي... نسيت أسماء الشيوخ الزاروهم... عم أحمد قال بعدما مرقنا من واحدة من القباب دي في دابي كبير طلع ورانا من القبة مبارينا لغاية ما دخلنا القبة التانية لا سألناهو لا سألنا .. زرنا
    ===
    بتصرّف مما حكى لي الأستاذ أزهري محمد أحمد بلول
    * أحمد البدوي المذكور هنا هو الأخ الراحل أحمد محمد البدوي الشيخ وهو ابن الوالدة كلتوم محمد شقيقة الأستاذ محمود
    ---
    على ذكر الدوابي ... ألتقيت مؤخرا في أمريكا الأخ الباشمهندس الهادي آدم محمد الذي تمنى للأخ د. باقر العفيف الشفاء بعدما شخص الأطباء اصابته بالسرطان
    قال له هادي أن بعض أهلنا في دارفور كانوا لا يزرعون أراضيهم الا بعدما يستشيرون رماليا يقرأ لهم الطالع
    قال كان ثمة خريف مبشر ولأحدهم أرضا ولود فأزمع زرعها ولكن الرمالي شدد عليه الا يفعل لأن في هذه الأرض دابي سيقتل المزارع
    لم يرتض المزارع ذلك وذهب لرمالي آخر فقال له هذا الأخير نعم هنالك دابي ولكنه موجود في برمة التيراب فأخرجه وأقتله وأزرع أرضك وقد فعل
    نرجو لدابي باقر أن يكون قد ذهب بلا رجعة منادين مع أولاد حاج الماحي الذين يتوّله فيهما عثماننا الجعلي:

    يا كاشف الغمه جنب ها الدابى تصبحو رمه
    تسلط واحد ايدو مدمه يعجل قتلو قبيح القمه
    *****
    يا الخلفا الحالكم مرضيه يا اهل البيعه العقدوا النيه
    التمساح سكن الشايقيه خلو اليروح نسيا منسيا
    *****
    يا ابن ادريس عدل نيشانك فوق الكل عامر ديوانك
    هم يا شيخ الناس حيرانك فى التمساح بين برهانك
                   |Articles |News |مقالات |بيانات

24-09-2018, 01:13 PM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    الأستاذ كان بستحم بصابون الفنيك ....
    ===
    بتصرّف مما حكى لنا الباشمهندس عمر عثمان عمر القاضي
    عمر من شندي درس الهندسة بجامعة الخرطوم وعمل ببنك الخرطوم ووزارة التخطيط العمراني
    جآءت سيرة شندي وعبدالكريم السيد فقلت لهم أهداني أخي ابراهيم خالد أحمد المساعد صابون فنيك من يومين وكانت مفاجأة حقيقية لي بعد غياب أكثر من ثلاثين عاما وفوجئت بأنه لا يزال يصنّع بشندي

    يا حليل شندي قفّلت بيبانا
    يا حليل جلستنا وديوانا
    قال أحد السعداب في ربى الحبشة بعد كسرة الدفتردار

    حيّا الله شندي من حزقيال الى كريم السيّال

                   |Articles |News |مقالات |بيانات

25-09-2018, 05:18 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    تعرف صحي كنا بنمرق الحملة وبنلاقي الناس لكن الأستاذ هو الكان راعي حركتنا دي وحارسها من بكانو في الثورة... أبراهيم عبدالنبي حكى لي قال هو مرة مشى عرض كتاب على سلفي مع آذان العشاء فحجه السلفي بأن هذا وقت صلاة العشاء والأولى أن تصلي العشاء الخ ظانا أنه حجّ الأخ ابراهيم..
    الأخ ابراهيم حدّثه عن فضل تأخير صلاة العشاء ولكن السلفى لاوى في الموضوع دة وقال لإبراهيم جبتو من وين؟ ابراهيم قال ليهو في البخاري في... السلفي قال لإبراهيم أنا عندي البخاري كلو هنا إذا طلعت لي الحديث دة أنا بشتري منك كتبك ديل كلهم (هذا كان قبل محرك البحث غوغل) ..
    السلفي جاب لإبراهيم كتب كتيييييرة مرصوصة وقال ليهو دة البخاري ... طلّع لي الحديث!! ابراهيم قال لي أحترت لبرهة ثم توكلت وأخترت من بينها كتابا وفتحته فكان العنوان (فضل تأخير صلاة العشاء)!! قال السلفي دّهش ثم خجل خجلا شديدا وقال لإبراهيم سأشتري كل الكتب ولكن ابراهيم عفاهو من ذلك ...
    ====
    بتصرّف مما حكى لي في أبي ظبي الأخ د. الطيب حسن محمد الطيب
    وهذا ذكرنا بلطيفة للطيب حكيتها من قبل وأضاف لها أمس جزئية لطيفة
    اللطيفة أنه عرّض مرة كتابا على الفنان الظريف عبدالعزيز محمد داؤود فقال له أبو داؤود: أنا ما بقرأ
    فأجابه الطيب على الفور: أنت مش القلت (بدل مرة مية قريتو) ...
    اللطيفة التي أضافها قال أن رفيقه في الحملة يومها د. علي أحمد ابراهيم رحمة قال له كان تقول ليهو (ولا قراهو ليك أخوك الكاشف*)
    ---
    الكاشف* لا يخفى على القاري الطرفة المتداولة عن أن الفنانة عائشة الفلاتية سألوها في برنامج إذاعي هل تقرأ وتكتب فقالت أنا أمية زي أخوي الكاشف دة...
                   |Articles |News |مقالات |بيانات

30-09-2018, 07:14 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    وأتكلم عن سوء الأخوان المسلمين ... لما قال يزالوا من وجه الأرض ومسح التربيزة القدامو أنا كل شعرة في جلدي قامت براها!!!
    ===
    بتصرّف مما حكى الأستاذ سعيد الطيب شايب
    راوي القصة بتصرّف الأستاذ علي العوض عباس
                   |Articles |News |مقالات |بيانات

30-09-2018, 07:29 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    كان الأستاذ عندو طريقة لبسة كدة للتوب وطريقة هبة لما يكون في أمر جلل ما بتتوصف ... أتذكر لما الأخوان المسلمين ضربو دالي في الجامعة وبلغنا الأستاذ ... الأستاذ عدل توبو بالطريقة ديك، ما بتتوصف، وقال الله يخزيهم!! الله يخزيهم!! الله يخزيهم!!
    قيلت بحال لا يوصف... أنا من اللحظة ديك صار عندي إنو الأخوان المسلمين ديل خلاص إنتهوا!!
    ===
    بتصرّف مما يحكي د. الطيب حسن محمد الطيب
    لأهل كسلا كامل العوافي وربنا، بجاه السيد الحسن، ينجيهم من جور الحكام ويشفيهم الشفاء التام أهل كسلا
                   |Articles |News |مقالات |بيانات

30-09-2018, 07:43 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    سنة 77 عينوني في الصقيعة مدّرس... بلغت الأستاذ .. الأستاذ قال لي:
    من هذي الُصقيعة
    في جوف الدجنة
    شميت ريحة أهل الجنة

    قال لي دة الشيخ حياتي ... دايرك أول ما تمش هناك (وَأْتُوا الْبُيُوتَ مِنْ أَبْوَابِهَا) .. دايرك تدخل عليها بزيارة الشيخ حياتي .. تبلغوا تحياتي وتعرفوا بي نفسك
    ---
    بتصرّف مما يحكي الأستاذ الهميم أحمد خالد قوي
    هميم من ديم لطفي / رفاعة وزوجه الأستاذ خديجة مصطفى رغيم من الصقيعة
    يقول هميم أنه بلغ الوصية كما قيلت له وقال أن بركتها لحقته بصورة أكيدة اذ مكث في الصقيعة 14 عاما يصلها راجلا من الديم
    يقول أنه ما زار الخليفة أحمد الطيب (ومن بعده الشيخ شمس الفلاح) الا وأتي له بمسند ليجلس عليه .. يقول: كان الخليفة يقول لي لا!! لا!! نجيب ليك مسند ... جدك ود عبدالصادق من أم دغينة بعاين لي بجاي ... العندو جد متل جدك بنجيب ليهو مسند برضو
    يقول أنهم كانو قضايين فما حزبه أم وفزع اليهم الا وفزعوهو
                   |Articles |News |مقالات |بيانات

02-10-2018, 06:11 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15608

للتواصل معنا

FaceBook
تويتر Twitter
YouTube


Re: الأستاذ محمود محمد طه: لـ: د. محمد عثمان ال� (Re: عبدالله عثمان)

    الأستاذ في الجبلين كانت معارفو كتيرة... كان عندو علاقات كبيرة بالتجانية... من الناس الكان بزورهم الأستاذ رجل غريب جدا أسمو ابراهيم المهاجر، جا من وين ما عارفنو لكن كان ساكن طرف البحر ما شفناهو يوم واحد فات بكانو دة... ياكل شنو يشرب شنو ما عارفنو لكن شوف عينا دي القرنتية تمرق ليهو من البحر* يشرب لبنها وترجع ..كان زول غريب .. مات في بكانو دة وسترناهو... أنا واحد من الناس الستروهو ... كان طوالي يقول لينا محمود دة مارق في الليلت الله...
    ===
    بتصرف مما يحكي المربي الكبير الأمير صديق اسماعيل
    الأمير صديق من أحفاد خليفة المهدي ويسكن الجبلين وقد أسس بها مدرسة
    * القرنتية: مثل هذا كثير في التصوف الإسلامي السوداني
    أبناء ومريدي الشيخ سلمان ود العوضية، في الجوير وكمير العوضية وغيرها، يقولون عنه
    سلمان ود العوضية
    الشرب لبن الوحشية

    (عدل بواسطة عبدالله عثمان on 02-10-2018, 06:13 AM)

                   |Articles |News |مقالات |بيانات


[رد على الموضوع] صفحة 4 „‰ 4:   <<  1 2 3 4  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de