|
|
 Re: مساخة البورداب (Re: حيدر حسن ميرغني)
|
بتحصل صلاح مرات بدون قصد
هسة انا بعزل في الناس الظهرو اول مرة
البوست انشر لي
والموضوع ونسة وقرقرابة
بكري افتكر نفسو مسيخ بسمات اتماسخت ! عليهو طلعت فايز غيرو
| |
 
|
|
|
|
|
|
|
|
Re: مساخة البورداب (Re: حيدر حسن ميرغني)
|
في النهاية، ثبت بشهادة عدد من رواد المعرض إنو الحصول على (قندول بنقو) أسهل من الحصول على نسخة من الكتاب ... يعني بوست حبيب نورة ما ترويجي ومجرد إتهامه خلاهو يفكر في مغادرة المنبر.
يخيل لي الواحد ممكن يتظارف بدون ما يأذي.
| |
|
|
|
|
|
|
|
|
|
Re: مساخة البورداب (Re: حيدر حسن ميرغني)
|
سلام ود ابوسن و ضيوفه
يا المستنير ابكر لعبك بقى ما عاجبنى ياخ كدى طلع الكدارة والعب حفيان عشان تورى الناس ديل حاجة
تتذكر زمان المرحوم الهادى الجرارى فى الدافورى لما كنا بنترجاه يلبس جزمته و ما يلعب لينا حفيان
بقيت مبرراتى و عندك ميول تمثل انك ضحية و الحاجات دى ما عهدناها فيك , ناس المنبر ديل اوعك ترخى ليهم
طوالى بينطوا فى ضهرك وبعداك بتبقى زول عادى ساى
ود ابوسن اظنك ما حضرت زمن ناس اساسى و ملاسى كانوا كتاب راتبين فى المنبر 
| |
|
|
|
|
|
|
|
|
|
Re: مساخة البورداب (Re: عبدالحفيظ ابوسن)
|
يا ابوبكر يا عزيزي مافي حاجة مزعلانا كلو كلو غير (المساخه) .. لاسيما لو اتت بمظنة (اثراء) للنقاش. او تلك الفكرة الخاطئة على اية حال.
...
تعرف لو مسكت اي ثقيل من الثقلاء في هذه الدنيا. سيكون يقينه بحيوية واهمية هذا السلوك الثقيل في المجالات المختلفة. يعني لو اخدت ثقيل اي قرية سودانية سيكون يقينه حول ثقالته انو بيحافظ على المجتمع بتاعو وبدافع عنو ولولاه سينهار مجتمعو وسيضيع اولئك المتهاونين اصحاب الابتسامات ومحاولات اللطف الانساني (اللزج) و (النرجسي) كل مكتسبات الاسرة/القرية/المكان
| |
|
|
|
|
|
|
|
|
Re: مساخة البورداب (Re: محمد حيدر المشرف)
|
تعرف يا بكري قول الحقيقة دي ليس مطلوبا دوما
إلا حقيقة تجلب مصلحة ولا تدفع ضررا ليس بالضرورة ماديا بل ليس ابدا
والحقيقة زيها وزي اي حاجة محتاج تعرف ضرر قولها من عدم قوله
مع تثبيت ان للحقيقة نفسها عدة اوجه . فما تراه بجانب يغيب عنك آخر . كأن تري صفحة وجه فتاة جميلة جانبها الآخر مشوه
ف شنو
ليس مطلوبا دائما ان تغالطني انها كانت منتصف النهار وليس قبل نصف ساعة منه مالم يكن التحديد يؤكد او ينف جريمة
| |
|
|
|
|
|
|
|
|
|
Re: مساخة البورداب (Re: عبدالحفيظ ابوسن)
|
تعرف يا ابوالريش
نجي نقيس رد فعل حبيب نورا
حبيب نورا الذي يحصد اعجاب الجميع هنا حتي بكري عباس
هل كان رد فعله حادا جدا
هل الامر يستحق ذلك العقاب الجماعي
ان يكون بكري مساويا للجميع بل ويزيد عليهم
ان يكون رد بكري فقط يتفوق علي جميع ردود من كتبو
اعتقد حبيب نورا كان ظالما لنا
فرحنا بحضوره كأحد الكائنات المضيئة التي تنثر الضياء في هذا المكان
ضياء المتعة الفنية والطرفة الذكية
| |
|
|
|
|
|
|
|
|
|
Re: مساخة البورداب (Re: عبدالحفيظ ابوسن)
|
اضر وقت لقبول المساخة التي تهرس العضم
ان تكون اون لاين وترد عليها مباشرة
ستكون تحت تأثير سمها
ويكون امتصاصك للسم سريعا وقاتلا
آي في ناس عندهم حصانة
وفي ناس بكون مزاجهم وقتها لا يسمح
ف شنو
ادي نفسك فرصة المقاومة
عمنا جاد الله رحمه الله من الحافظين للقرآن ويدرسه ويحب الكونكان . وهو يشرد ذهنه احيانا
زميلو طوالي مطقطقين ويكاو فيهم
زميله قال بلعب مع عم جاد الله ليتعلم الصبر علي المكاره
ف شنو ياخ نحن صابرين علي الكيزان ما بنصبر علي مساخة بكري دة
| |
|
|
|
|
|
|
|
|
|
Re: مساخة البورداب (Re: عبدالحفيظ ابوسن)
|
تعرف يا مشرف
قريت كلام بكري في مظانه
حبيب نورا يأخذ معلوماته من آخرين
وكذلك بكري
مصادر معلوماتهم زمنها ما واحد
وكذلك الاحداث بالسودان
البني ادم الواحد دة الليلة مجرم في الاعلام الرسمي وبكرة يستقبلو استقبال الابطال في المطار
الليلة شهيد وبكرة حي يفتش لي مرتو من صاحبو العرسها
زمن يشبه الميثلوجيا العبثية
ف شنو
ممكن القصتين صاح
حبيب نورا و بكري
| |
|
|
|
|
|
|
|
|
|
Re: مساخة البورداب (Re: عبدالحفيظ ابوسن)
|
كلامك صحيح يا عبدالحفيظ، ردي ليهو حمل بعض معاني مداخلتك دي.
عشان كدة قلت تأثر الناس بالأذى يتفاوت ... واحد بياكلها في حنانو وواحد بيزعل شوية .... وواحد بتهزو وما يتحمل.
غني عن القول إنو الفنان أكثر حساسية.
تخيل لو واحد بكل صفاء بدأ يحكي ليك موقف حصل ليهو .. يعني هو من عايش الموقف مش ناقل من زول تاني ..... فجأة تقول ليهو (الكلام ده كلو كذب وما ممكن يحصل) ...... الزول ده تعال في اللحظة دي قيس ضغطو، تخيل ممكن يكون حاصل ليهو شنو.
ده مجرد مثال، عشان مافي واحد يجي يقول لي حبيب نورة نقلو ليهو وهو ما عايش الموقف.
ياخ الزول جايينا بكل أريحية يكلمنا عن الحاصل في المعرض، قما حاكمناهو على نيته.
| |
|
|
|
|
|
|
|
|
|
Re: مساخة البورداب (Re: محمد أبوالعزائم أبوالريش)
|
يا ودو
بكري سيد الكورة امسخ من موية الترمس لي الليلة ما اداني مكتبة
بكري عباس مسيخ ولامن يجي يعقلن مساختو بطمبجها
امسخ زول ولدي عماد بخوفني في الونسة
مرة قال لي يا ابوي تعال شوف دة
وانا راقد ومسترخي
قلت ليهو جيبها نشوفها
رد لي بسرعة
يعني اجيب ليك الاوضة في سريرك
ف شنو
هو بالذات بعمل حسابي منو طوالي مسنفكني
| |
|
|
|
|
|
|
|
|
 Re: مساخة البورداب (Re: عبدالحفيظ ابوسن)
|
امسخ زول ولدي عماد بخوفني في الونسة
مرة قال لي يا ابوي تعال شوف دة
وانا راقد ومسترخي
قلت ليهو جيبها نشوفها
رد لي بسرعة
يعني اجيب ليك الاوضة في سريرك
ف شنو.
عبدالحفيظ ابوسن .
^^^-------^^^-----^^^---^^^
سلام اخوي ابو سن.
دا جيل الايباد.
الله يديهم العافية .
عزالدين عباس الفحل
ابوظبي
| |
|
|
|
|
|
|
|
|
|
Re: مساخة البورداب (Re: عبدالحفيظ ابوسن)
|
يا حفيظ المشكلة مافي انو الرواية صودرت أم لم تصادر .. انت بذلك تٌفوِت مسألة المساخة تماما
المساخة في الحته بتاعت استغلال معلومات كاذبة في الترويج ل "ابن اليهودية" من قبل المؤلف.
شفت كيف يا عزيزي..
يعني انت يا (مؤلف) تدعي مسالة المصادرة او تستغل المعلومات المغلوطة حول المصادرة في الترويج لي روايتك .. شفت الحته دي مسيخه كيف؟!!!
| |
|
|
|
|
|
|
|
|
|
Re: مساخة البورداب (Re: عبدالحفيظ ابوسن)
|
تعرف يا مشرف انا اخدت الموضوع هظار ومشاغلة
وشفت حبيب نورا في الفيس يتقبل مزاح اتقل من دة
اعيب علي بكري اصرارة في تثبيت قوله . حتي لو انا شايف الترويج والدعاية يمثل ميزانية ضخمة من أي عمل فني ولا ادبي
ف شنو
غض النظر عن صحة قوله او صحته مادام آذي الشخص تعتذر عنه دون ان تمس عضم معلومتك او تنفيها
ودة ذكاء اجتماعي
فالكاتب هو صاحب الكتاب وليس شخص آخر
وبكري طبزها ثم طبزها حتي قدد عيونها
| |
|
|
|
|
|
|
|
|
|
Re: مساخة البورداب (Re: محمد حيدر المشرف)
|
ود المدير يا ذوق ازيك و احوالك ؟
أمس دخلت البوست عشان اشوف أنواع المساخة ،
رجعت الليلة لقيت الناس كلها بقت حلوة . الظاهر
زاويا الشوف أتغيرت، على قول ود البشرى. 🌹👁
Quote: يا دكتورة نعمات المقعدك وسط
الرجال المُسخاء ديّل شنو ؟! |
| |
|
|
|
|
|
|
|
|
|
Re: مساخة البورداب (Re: نعمات عماد)
|
تتذكري يا نعومة
محمد عبدالله الريح عندو قصة الثقيل ديك
اها في ناس ساكين المساخة كطرفة ومرات الميزان بفلت
واحد في حلتنا مسمينو فلان الثقيل والاسم عاجبو . حتي كتب جوة مينا الساعة الثقيل
موضة زمان دي الكتابة جوة مينا الساعة
| |
|
|
|
|
|
|
|
|
|
Re: مساخة البورداب (Re: عبدالحفيظ ابوسن)
|
الكلام البيقول إنو الرواية موجودة في المعرض إستند على شهادة العضو نعمات عماد.
آخر مداخلة للأستاذة نعمات في البوست المعني بتقول:
Quote: سلام استاذ ياسين و الضيوف
كلامك صاح، الرواية إتصادرت!
أناأشتريتها قبل 10 أيام . كانت معروضة ليومين تقريبا
فكتب أحدهم تعليقا مسئيا عن دار عرض " رفيقي" و
عن الرواية . الشابة المهذبة المسؤولة عن جناح دار رفيقي
أخبرتني قبل ساعة ان موظف الرقابة يمر عليهم يوميا
ليتأكد من إلتزامهم بقرار المصادرة .
أحي أخوتنا الجنوب سودانيين على المشاركة رغم المصاعب.
ما زلت أبحث عن ( نون النزوةو الحب من طرف ثالث). |
| |
|
|
|
|
|
|
|
|
|
Re: مساخة البورداب (Re: محمد أبوالعزائم أبوالريش)
|
سلام ابو الريش
المداخلة كتبتها بعد ما مشيت المعرض و قابلت الشباب المتواجدين في جناح
دار رفيقي. سألت المسؤولة :--
-- صحي رواية أبن اليهودية إتصادرت؟
ردت بخوف : --
-- أيوة إتصادرت، و موظف الرقابة حايم و ممكن يجينا في أي لحظة .
لا أكذب عليك أنا فهمت ان عندها نسخ مخفية لأني لما أشتريت نسخة في
يوم 18 أكتوبر نفس الشابة ناولتني نسخة من تحت الطاولة، ربما دي الطريقة الوحيدة لأن تباع الرواية في السودان .
اتساءل لماذا منعوا او صادروا الرواية ؟
ما عرفت مغزى السؤال يا ابو الريش لكن صدقني المسؤولة كانت خائفة
و المصادرة ممكن تتحول لمنع اذا وجدت شخص يتعاطف أو إذا دفعت.
المهم من هنا أقول اصدق الأستاذ ياسين تماما خاصة و ان الشابة قالت
انها لم تتواصل معه، وهو قال ان المعلومات وصلته اولا من زوار المعرض ثم لاحقا من صاحب دار النشر المتواجد في جوبا.
| |
|
|
|
|
|
|
|
|
|
Re: مساخة البورداب (Re: نعمات عماد)
|
Quote: سألت المسؤولة :--
-- صحي رواية أبن اليهودية إتصادرت؟
ردت بخوف : --
-- أيوة إتصادرت، و موظف الرقابة حايم و ممكن يجينا في أي لحظة . |
شكراً نعمات،
مافي أوضح من كده.
| |
|
|
|
|
|
|
|
|
|
Re: مساخة البورداب (Re: محمد أبوالعزائم أبوالريش)
|
تشكري نعمات وابوالريش
الامر بسيط
تشكر مشرف
الجو محتقن لا سبيل للدعابة
الامور حادة
التصنيفات حاضرة
ولكن الامر حقيقي
الاحساس حقيقي لأنه يمس اشخاص حقيقين ومعروفين
فلا خلاف ان بكري كان موضوعيا ولكن دون اعتبار للطرف الآخر
تعامل معه وفق معطيات باردة
حبيب نورا قال محظورة نقلا عن مصادر ثقة . وبالضرورة سيكون متابعا ومهتما جدا بتسويق كتابه ليصل لأكبر عدد وليقيس تقبل الناس له
بكري تعامل مع حديث حبيب نورا من معلومته هو ومن مصدر ثقة
فقط لم يضع في اعتباره اي احتمال لمصادرة قبل او بعد معلومة مصدره
ولكنه كان مطالبا بأن يأخذ في اعتباره انه يخاطب المؤلف نفسه
الامر للمؤلف حقيقي وليس حوارا يعتمد علي تناقض او ذكاء المتداخل
ان يقدر ان المؤلف نفسه يبحث عن حقيقة ما يحدث
مصادرة كتاب خسارة علي المستوي النفسي والمادي للمؤلف
| |
|
|
|
|
|
|
|
|
|
Re: مساخة البورداب (Re: عبدالعزيز الفاضلابى)
|
شوف يا فاضلابي في تقديري
اي مساخة تحس فيها ذكاء وتبعد عن الاساءة الشخصية وفيها طرافة مقبولة
زي مساخة الزول القال
غايتو سيدنا يوسف دة لو كان لابس جلابية انصارية كان موضوعو لي الليلة ما اتحسم
وهو ينتقد الانصار
| |
|
|
|
|
|
|
|
|
|
Re: مساخة البورداب (Re: عبدالعزيز الفاضلابى)
|
ذكرتني نكتة النسيبة الجات لي مرة ولدها وسفهتها لا اكرمتها ولا اتونست
بقت ماشة مرة ولدها قالت ليها
هي يا خالتي لا سخن لا بارد مارقة بي صمة خشمك
قالت ليها تعالي كسري لي
| |
|
|
|
|
|
|
|
|
|
Re: مساخة البورداب (Re: جمال ود القوز)
|
دحين يا ود القوز ما ضيقت الاسباب ؟
مرات في ناس طبعهم القطامة
تتذكر ولدي عمدة الكنت بحكي ليك عنو زمان
عمرو حداشر سنة هسة
مشروع قطامة ومساخة
لامن يحرجك
مرة جننا تلاتة شابات في البيت وعمرو تلاتة سنة
شالنو وهاك يا بوس وسألوهو
السمحة فينا منو
قال ليهن
كلكن شينات
قلت ليهو هي يا عمدة في الشناة دي الاقل شناة هي الاسمح في خيار بين تلاتة
| |
|
|
|
|
|
|
|
|
|
Re: مساخة البورداب (Re: عبدالحفيظ ابوسن)
|
Quote:
قال ليهن
كلكن شينات
|
ههههه ... بالغ العمدة والله اتلوم فيهن ..
كان يرفع روحن المعنوبة حتى ..
أها دي مساخة وقطامة طبع وممكن تضحكك ..
لكن المساخة الهنا دي ..
عندها سبب تمرق من أحدهم تحسها ..
مصطنعة ولزجة ..
لانك بترجع تكوس ليها سبب وبتلقاهو ..
فلا أرى فيها طرفة ولا ذكاء ..
وحقت الحسد ديك واااضحة ..
يغطي قبحها على أي شيء تاني فيها ..
هسه لو كانن البنيات سمحات ..
وقام العمدة قالهن كلكن شينات ..
وواقعا هن فعلا شينات ..
يسوي ليهن شنو يعني ..
اداها ليهن في صمة خشمهن وبالمفتشر .. هههه ..
لا هو حاسدن شان سمحات ..
ولا عنده معاهن غبينة ..
ده الفرق يا قريبي ..
مع أكيد المحبة لعمدة .. طبعا متذكره ..
| |
|
|
|
|
|
|
|
|
|
Re: مساخة البورداب (Re: جمال ود القوز)
|
والله شفقتونا عشان نقرا رواية ابن اليهودية....ودائما الكتاب البيصادروهو بكون كتاب مرغوب
ودائما الممنوع مرغوب،،،وسلطات الامن ما صادرت الكتاب الا لسبب ، وعاوزين نعرف السبب
المهم كلفت بنت خالتي تفتش لي الكتاب ده في الخرطوم حتى ولو في السوق الاسود، ووعدتني
خيرا ، ولمن نتحصل على الكتاب ونعرف السبب ، حيبطل العجب،،
ناس الحكومة ديل ذاتم بقوا مسيخين، وانا متاكدة انو مافي اي سبب للمصادرة ، وحتى
عنوان الكتاب ابن اليهودية ما فيه اي حساسية بعد ان اصبحت العلاقات السودانية الاسرائيلية
مثل العلاقات الاسرائيلية الامريكية،،
ودمتم بخير وعافية
| |
|
|
|
|
|
|
|
|
|
Re: مساخة البورداب (Re: جمال ود القوز)
|
قُلتُ، من هو أمسخ وأسخف زول في البورد ؟.
قال، المستنير .
قُلتُ، ثم من ؟.
قال، المستنير .
قُلتُ، ثم من ؟.
قال، المستنير، المستنير، بكوّر، ابو بكر عباس،
المستنير، المستنير ...إلخ، ثم ظلّ يُرددها حتي
قُلتُ، ليته سكت ...
| |
|
|
|
|
|
|
|
|
|
Re: مساخة البورداب (Re: جلالدونا)
|
المشكلة فى ناس الواحد طالما ما اختلفت معاه فى رايه انت دئما:
الكلس ,, {والفحل} والحبيب الخ ,,
اول ماتختلف معاه:
الكوز ,, الغواصة ,, {الرمادى} بعقوبة الخ
| |
|
|
|
|
|
|
|
|
|
Re: مساخة البورداب (Re: عبدالحفيظ ابوسن)
|
هاهنا تكمن القضية فاضلابي
قد تتلامس مواقفنا في بعض الامور وتتباعد في غيرها
مش لازم أكون معاك في أي موقف
هي نفسك زاتها ما بتطاوعك كل ما داير
اختلفت معاك ما معناتو ضدك
رغم بداهة هذا القول لينا كلنا لكن للاسف بننساهو
تختلف معاهو يخربها معاك برة وجوة
| |
|
|
|
|
|
|
|
|
|
Re: مساخة البورداب (Re: عبدالحفيظ ابوسن)
|
يا "قريبك" هههه - لازم تفرّز وتضبط المصطلحات شوية
قولة مساخة لاتكفي لتشمل كثير من اللأمثلة المطروحة هنا
عندك مساخة عادية وعند مساخة مسمّة, وعندك أذية, وعندك ارهاب وعندك كسر عين وعندك نبذ وشتيمة راسه عديل و عندك سخرية و استهزاء وغيرها
فا شنو.. يا تستحدث تعبير اشمل وأعّم من مساخة يا تستخدم أكثر من تعبير حسب الكيس
| |
|
|
|
|
|
|
|
|
|
Re: مساخة البورداب (Re: عبدالحفيظ ابوسن)
|
أكثر مساخة مسبكة في المنبر
هي بعد تدخل بوست وتنداح وتسكب عرق وحبر
يجي صاحب البوست ماشي فيك يرد على التالين ويفطك
دي عاملة زي تمشي تشيل الفاتحة في بكا
سيد البكا يخلي يديك مشنوقات في الهواء ويمشي على الناس الوقفوا بالبرادو في باب الخيمة .
| |
|
|
|
|
|
|
|
|
|
Re: مساخة البورداب (Re: درديري كباشي)
|
آي والله حارة يا درديري
بالذات لامن يرد فوقك وتحتك
ويعمل رايح
انا غايتو ما بنكر مسهي ومطوفش ممكن تمشي فيني . والمتابعة بالموبايل مرهقة . لكن لو انتبهت ليها بحذف مداخلتي وتاني مابخش عليهو .. لكن برضو بعد فترة بنسي انو جلاني ههههه
عمنا من رفاعة . وتوفي واحد من ناس رفاعي ذوي مال وجاه .. وعمنا دة جزار بحكي لي براهو
قال لي
سمعت بالبكاء قلت الزول قريبنا .. خليت لحمي في التربيزة ومرقت عليهم بي عراقي
عاملين صيوان كبير .. وقفت وقلت الفاااااتحااا
قالت لي زول اشتغل بي مافي
تاني رفعت صوتي بالفاتحة
يتونسو
تميت فاتحتي براي وقفلت يديني
وقبلت عليهم لا خليتهم لا خليت ابهاتهم لا امهاتهم لا نسوانهم
نابذتهم بالفيهم والمافيهم وقلت ليهم
انا غلتان اجي لي ناس عديمين اصل زيكم
ودورت منفوخ رجعت الجزر
قلت ليهو
وقالوا ليك شنو
قال لي
في ونستهم زول قال لي انعل ابوك مافي
| |
|
|
|
|
|
|
|
|
|
Re: مساخة البورداب (Re: عبدالحفيظ ابوسن)
|
وقبلت عليهم لا خليتهم لا خليت ابهاتهم لا امهاتهم لا نسوانهم
نابذتهم بالفيهم والمافيهم وقلت ليهم
انا غلتان اجي لي ناس عديمين اصل زيكم
ودورت منفوخ رجعت الجزر
قلت ليهو
وقالوا ليك شنو
قال لي
في ونستهم زول قال لي انعل ابوك مافي
--------------------------------------
غايتو كان بالفهم دا أنا ما شفت أمسخ من ود البشرى لو اختلفت معه
قدر ما تزعل وتنفخ وتجيب من الآخر يرد لك بكل برود ويخليك تكفت نفسك ..
يذكرني زميلنا زمان في الداخلية دفعة قدامنا بكثير كان في تنس الطاولة لا يغلب أبدا .
هو نحيل وقصير القامة .. لكن أي شوط تلعبه له بكل قوتك فهو قادر أنه يرده ويحوله لهجمة عكسية ..
و لأنه قصير القامة ما كان يعطي الكرة فرصة تضرب الطاولة وتصعد لأعلى منه لكن كان يكتمها في مكانها ويجيبها لك بنفس قوتها .
| |
|
|
|
|
|
|
| |
عبدالحفيظ ابوسن
محمد أبوالعزائم أبوالريش
أبوبكر عباس
احمد التجانى احمد
محمد حيدر المشرف
محمد البشرى الخضر
عزالدين عباس الفحل
نعمات عماد
عبدالعزيز الفاضلابى
جمال ود القوز
معاوية المدير
جلالدونا
فيس بوك
تويتر
انستقرام
يوتيوب
بنتيريست