|
Re: يا نساء السودان، اعرق نساء الارض، لستن كا� (Re: Bashasha)
|
بشاشا يا امير .. خد معاك دي لحد ما ترجع .. با كا = بكة كا با = كعبة نفس الكلمة فقط تقديم وتأخير للكلمتين (با) و (كا ) .. صحيح (كا) يعني بيت أما ( با ) فهو الحوض على كدا باكا أو كابا معناهما حوض البيت او حوش البيت أي صحن الكا با الكعبة. والله أعلم.
| |
|
|
|
|
|
|
Re: يا نساء السودان، اعرق نساء الارض، لستن كا� (Re: محمد على طه الملك)
|
ود الملك تحياتي،
بالنسبة لي شيخنا ديوب عليه الرحمة، رموز اي مصطلحات ال KA وBA والAH جواها شايلة كم هائل من ارثنا الروحي بالذات الKA ممايدل كيف لسانا الكوشي ده، المقبور للاسف، يحتوي علي قدر هائل من ارثنا الكوشي الروحي اللي للاسف لايوجد الان بينا من بقدرتو تفكيك وتركيب هذا اللسان الكوشي!
نعم كالعيث، في بيدا وعي العبودية، يقتلنا الظمأ لارثنا، بينما مائه الزلال علي ظهورنا محمول، اي في بطون هذه اللغة، اللي مفروض تكون مقدسة بحق!
فالKA طبقا لديوب ما مفردة وانما فعلا "حوش" بحالو لكم هائل من المعارف الروحية لونعلم!
عزيزي القارئي،
ساعود لما القا وكت لهذا الخيط لنواصل من محل وقفنا، الحديث عن امنا، الملكة الجد، وبحق، التـــــــــــــــــاية والدة اشهر شخصية الان واللحظة في عالم هوليود، اي تــــــــــــــــــــود، وهذا الصبي رحل للحياة الاخري منذ اكثر من 3,000 سنة من تاريخ اليوم!
هناك ولع عجيب في امريكا بهذا اليافع ولا ادري لماذا!
اقلاه مرة في الاسبوع اي اكثر من 50 مرة في السنة، بجيني خبر عن تــــــــــــــــــــود هذا، الرحل عن دنيانا منذ الاف السنين!
التحية والتجلة لي روح امنا الملكة التاية، حتي نعود ونواصل.
الي العزيزة امنة مختار،
خليكي جاهزة لما ننتقل للحديث عن ادوات التجميل الحالية المتداولة حول العالم الان، اللي صممتو وقدمتو المراة السودانية تحديدا، وبالذات دور الملكة التاية في هذا.
نعم، تقريبا كل ادوات واساليب التجميل المتبعة بين نساء العالم، السودانية تحديدا هي الصممتو وهذا كان مدهش بالنسبة لي.
زي نساء اهلنا في شرق السودان هو الاقرب لازياء ملكات العصر المروي في تقدير شخصي الضعيف وهذا مهم للغاية!.
حارسل ليكي في الماسنجر لما نصل الحتة دي.
| |
|
|
|
|
|
|
Re: يا نساء السودان، اعرق نساء الارض، لستن كا� (Re: Bashasha)
|
التحية والتجلة للســــــــــودانية، اعــــــــرق نســــــاء الارض، وام الحضارة مش فقط في السودان وانما علي سطح كوكب الارض!
كما كررنا القول، اجدادنا قالو الســــــودانية تحديدا وليس السوداني، بمعني المراة تحديدا وليس الرجل، هي المسؤولة تاريخيا من اعداد المسرح، للبعث متي ما متنا روحيا وهذا مفصلي!
اذن الشايفنو بي عيونكم الان ماصدفة اطلاقا بل مافي حاجة زاتا اسمها صدفة!
| |
|
|
|
|
|
|
Re: يا نساء السودان، اعرق نساء الارض، لستن كا� (Re: Bashasha)
|
عزيزي القارئي،
اتمني القا وكت، عشان ارجع لي موضوع هذا البوست، اكمل كلامي عن الملكة التاية ثم انتقل للحديث عن واحدة من اميرات مروي اي واحدة من الCandace اوKandake, kadake او kentake. الاسم او اللقب، المتداول ده لي اميرات مروي مصدرو من حيث الصياغة التوراة من Κανδακη بالاغريقية، والمصطلح طبعا كوشي يعني "الملكة" او "الملكة الام".
اتمني من قادة وطلائع هذه الثورة ان يقدمو الام السودانية كواجهة، رمز، وشعار يلخص قضية ثورتنا هذه، ضد الظلم والتهميش بعامة، كنوع من العرفان للدور القايمة بيهو السودانية الان، والاهما الحتقوم تقوم بيهو كام لي مشروع البديل، وفاء لدور الســــــــودانية في تاريخنا بل تاريخ البشرية كلها.
نعم الانجزتو المراة السودانية لايقارن قط باي انجاز لنوع النساء في اي مجتمع بشري منذ بدئ الخليقة والي تاريخه.
من الجانب الاخر ثورة النساء عالمية، ونساء العالم في حوجة للسودانية لتتبوأ مقعدها الخالي لقيادة هذا الحراك الاموي علي مستوي العالم باعتبارها الرائدة بلا منازع علي الاطلاق.
انا عارف، ده كلام غير مطروق او متداول، ولكن مسالة وكت فقط.
لهذا نطالب قادة هذا الحراك ان يفسحو المجال للام السودانية، بتقديمها كواجهة ورمز للثورة!
| |
|
|
|
|
|
|
|