أحمد محمد عمر.......... بوست ............

Quote: الشركة علي مدار العام لا تخلو من اتيام ال ISO و TUV صلتي كمهندس إتصالات في البكان الانا شغال فيهو بال IT +++ إتا قايلني شغال كهربجي سيارات بيحسبو ليهو عدد أنفاسو ... +++ وفي النهايه تلقاهو متفن جنب ست شاي في شارع كترينا برفقة اللابتوب وشريحة ال 4G داتا ويكون ناقص ليهو 100 جنيه من قروش التجديد ..... +++ أنا جدي الشيخ باسبار قبتو الناس بتزورا ومسيدو فيهو 120 طالب قرآن والبسابير المسمنها عليهو وحده ادارية مستقله ... Re: *****حكاية موضوع تعريفي... و حاجات تانية حاميRe: *****حكاية موضوع تعريفي... و حاجات تانية حامي +++ ونحن نيام في منزلي الذي يبعد 300 كيلومتر عن مدينة ابوظبي صحيت علي رنين هاتفي وعرفت أن المحادثة من ماليزيا حيث يدرس ابني احمد ... حملت الهاتف وذهبت الي الصالون بعيدا" Re: مواقف غريبة ..Re: مواقف غريبة .. +++ أثناء نزولي من مكاتب الشركة الي العربة استلمت محادثة من صديقي وزميل العمل في منطقة الرويس حيث اسكن واعمل Re: مواقف غريبة ..Re: مواقف غريبة ..

1. الشركة الانت شغال فيها ما وقعت معاك اتفاقية (NDA)؟
   
2. العقد البموجبو وفروا ليك وظيفة فني كبانيات وساوند سيستم ولاسلكي هل بيديك أي حق في نشر تفاصيل عملك على منتديات النقاش العامة في الانترنت؟
   
3. هل (من ناحية احترافية) تشعر أن من حقك الإشارة لتفاصيل أملاك مؤسسة تجارية تأتمنك على أسرارها؟
   
4. هل تفرق بين العام والخاص يا (مهندس) صلاح البزير؟

هسع أنا لو مشغلك معاي في طابونة أو (تابونة) زي ما ألمحت في نكتتك السمجة إياها، شغل تنميط وبعبعة شبعان
لو شغال (عجان) معاي بخليك (تقعد) يوم واحد زيادة بعد تنشر معلومات هي في حكم السرية بحسب لوائح التابونة؟

Quote: لأنهم عارفين مسعولياتي مؤمنه بوجودي في اي مكان في المنطقه وعارفين لو اقتضي الأمر بقعد يومين داخل الموقع بدون راحه

Assumption is the mother of all fuckups!

(أنا مهم عندهم وممكن أعمل أي حاجة)
هي قوووووول موضوع الأرباع والنوم دا كله اتغاضوا ليك عنه واعتبروك
(خبير أجنبي أفريقي محترف وما مؤاخذ، ما بيقرأ عربي)
وعلاوة على ذلك (big shot) ومغروديييين فيك بيخلوك (تنوم) في المكتب، لمهاراتك الفذة وتخش مواقع تواصل
الرصد الفوق دا هل عندك أدنى إحساس بأنو دليل على غباء وبلاهة وعدم احترافية؟

بند السرية في لوائح شركتك عينك ما طستو يااااا (كمهندس) ولا انت (معفي) وما بينطبق عليك وكان زعلت الشغل كلو بيقيف دت؟

براك ما بتعرف قواعد السلوك المهني يا (صلاح) ولا (قاعد) ساكت؟
معناها (عندك تخويل) بمشاركتها في منبر سودانيز يا عزيز وبالتفصيل الممل

Quote: فياخوي احمد ناس الأيزو لو قرو الاستيتمنت بتاعتك دي حا يتهموك بعدم الإحترافيه .... وعدم الاحترافيه في كل المجالات واحده من مشاكلنا الكبيرة جدا"

أذن أنت (مشكلتك كبيرة جدا)

فالثرثرة بمعلومات الجهة الموظفاك برضو عدم احترافية، لو ما كان فعل يعرضك للمساءلة
وربما اتهامات تضعك تحت طائلة لائحة غليظة من محاسبات الاخفاق المهني والإهمال،
فانت (كمهندس اتصالات) دي ما معلومات وصلتك صدفة وعفواً، لا، دي عهدتك
وقد تكون المعلومات دي غير حساسة، لكن مجرد تأكيد (قابليتك المفتوحة) للثرثرة زي ما أثبتها هنا وبالأرقام
بخصوصيات مهنتك دا يعتبر مغامرة لأي جهة تفكر في توظيفك في وحدة مهمة أو غير
مهمة، فحتى الكشف عن (جردتك) دي شفهياً غالبا يكون محظور إلا بإذن.

وحاتم وبقية الأعضاء مافيهم زول بحت في خصوصياتك، انت أمسك قدومك عليك،
فكل البوستات الأنا اطلعت فيها على مداخلاتك انت وضعت فيها تفاصيل خاصة
غير مطلوبة للسياق، أبداً، إلا على سبيل الاستعراض، وبالنمط الحنشرحوا يوم تاني، وحاول تفهم شنو يعني (منبر عام).

المنبر دا ما بيت صبحية ولا دوري مفاخرة بالخصوصيات والأملاك والوظائف،
هو البيحصل دا شنو يا أخوانا، الناس دي الاغتراب طلع ليهم في راصم ولا شنو؟
داك يقول لي عندي صيدليات وشهادات واسمي كبير وزي (سماحتي) دي ما بتلقاها
ودا شغال رصد: عندي سيارة موقفها تحت، وأي ولد بعربيتو وداك يا البيت أبوصالون وانت كهربجي مفلس و"كلجة"!!

"كلجة" معناها شنو بالمناسبة؟

عرفتو ليه الجنسيات المنافسة معاهم حق لو بهدلونا وأساءوا لينا، فنحن لا نحسن
التعامل مع ما في إيدينا والعشوائية ظاهرة حتى في أسلوب كلامنا، حتى عند المتعلمين
لكن أنا لسة متفائل إنو ما كل العمم تحتها رمم فبعضها يتوج همم.

____
ما تزعلوا لو قالوا ليكم السوداني (طيب وغشيم) أهم نموذجين قدامكم، طرفي نقيض (extremes) صورة وصوت،
شوفوا واتعظوا كيف واحد (متفاني لا يعاني) والتاني بيقدم كشف بممتلكات الشركة الشغال فيها، ويتكشم بهبالة
وبكرة حيجي يكورك (خصوصياتنا وضهرنا مكشوف)


ويبقى مطلوب منك تعتذر لأحمد الاتبجحت معاهو بحجة الآيزو الانت ما عارف هو شنو ذاتو.
نواصل بعدين، نديهو فرصة ياخد ليهو (ربع نومة).

_____
شوف بقى يحمر لي كيف!! التقول نفخت مصرانو، قوم يا زول خلي القعاد