|
|
 محمد عبد الماجد الصايم أو أي كان اسمه ..(فكــه التيكــة) ..
|
إحتقانات و إتهامات بالجملة !! إذن انت في سودانيزاونلاين
Quote: شوكرا يا عمكـ على المايكـ!
يا عمكـ البورض دا المقياس عندو ما مزبوط! أي والله
ناس بتدي نفسها الحق في قول أي حاجة تحت مظلة (المعارضة)
ولما الناس تقول الكلام دا ما صاح يكون الرد إنو دا (تصرف فردي)!
نفس الحاجة لما تحصل من الجانب التاني يكون طوالي الحكومة عملت والحكومة سوت!
ليه ما يكون التصرف دا تصرف فردي برضو وكل زول معلّق من باسووردو؟
مثلا العنوان بتاع علي عجب بتاع اغتصاب الفتيات دا!
أنا شخصيا لما دخلت عليهو دمّي فاير عديل ومنتظر المعلومات منو
ومتأكد تماما إني لو ما كنت أول واحد دخلوا فأنا من أول خمس أشخاص قروا البوست!!
اتوقعت إنو يكون فيهو حوادث اغتصاب فعلية وإفادات وشهادات .. لقيت الكلام كلو عن محاولات
وفي النهاية جاي من مصدر بالنسبة لي بختو في مرتبة واحدة مع الـ smc!
الناس بكل بساطة اتغاضت عن الكذبة الرئيسية الموجودة في البوست وأكلتا في حنانا عشان خاطر المعارض!!
أخونا في الله المعارض القدام الناس هنا سأل واحدة (إنتي مطهرة ولّ غلفا) ما ياهو قاعد وحايم مع الناس
جوه البورض لا في زول طالب برحيلو ولا الناس اشتغلت بالموضوع كتير! برضو تصرف فردي .. مش كـدا؟
معارض تالت فاتح بوست حدادي مدادي يدين ويشجب العنصرية والناس تصفق وتهلل وتدين وتشجب وتستنكر!
لما الحقيقة طلعت وإنو البوست كلو ملفق الناس عملت غمرانة .. والأكتر من كـدا لما (المعارض) دا ما لقى
طريقة يمرق بيها من الزنقة بتاعت (الما موالي) أول حاجة عملها فتح بوست مليان عنصرية .. حفرة بتاعت عنصرية
وساق المساكين وراهو .. ولا من شاف ولا من دري! ياهو خلاس أجندة ومرّت في سبيل معارضو للنظام!!
شفت كمية الأخبار البتتملي في البورض دا لمن يكون في أي حاجة في السودان؟ أها أنا أقطع ليكـ الشكـ
إنو كمية مقدرة منها بتكون أخبار كاذبة وملفقة وأي حاجة .. وبرضو بتمر عشان الاسم يمين الخبر (معارض)!!
مفروض الناس زي ما بتدي أي واحد الحق إنو يكضّب ولّ يمرر حاجاتو بما إنو (معارض)
يكون الحق دا مكفول لأي واحد تاني غيرو كان (موالي) كان (عنقالي ساي)! يا كمان
الناس تقيف في حتة واحدة: ندين عنصرية .. أوكي .. يبقى أي عنصري ياخد على راسو!
ما تكون القصة مجوبقة ساي ونعصر على دا ونعاين لي دا ونقول إن شاء الله يطلعو #### ذاتو!!
_
ولا يفوت عليكم بالطبع إدانتي الكاملة لاعتقال أي بني آدم في سبيل يقول رأيو
وما يندرج تحت هذا الاعتقال من أي تصرفات أو عبارات أو أشياء لا تمت لأي إنسانية بصلة!
_
المايكـ دا الظاهر بطاريتو كملت |
....
|
|
 
|
|
|
|
|
|
|
|
Re: محمد عبد الماجد الصايم أو أي كان اسمه ..(فكــه التيكــة) .. (Re: tmbis)
|
يا اما متوفق شديد ..
يا كمان المعسل دا .. (القشة) الفيهو .. **(قشة أم روح) .. 
............
** جاء في تعريف (القشة أم روح) انها كل قشـة ما فيها (نوارة) وما (بتطقطق) لما تتولع
والله دي بي نضافته دي كان (طقطقت) ليك مع النفس الأولاني .. تلقط أكياس طوالي في شارع التحلية تقاطع شارع الملك فهد وذلك بعد الساعة اطناشر ونص بالليل ..
..
القشة أم روح المقصودة هنـا هي قشة المعسل .. عشان الناس ما تطالب بالمصدر وكدا فأمثالي لا يسالون عن المصادر ..
عــاجل..
يقرا البوست هذا مقرونا مع البوست هذا .. نككككككككككككككككككككككككككته
| |
|
|
|
|
|
|
|
|
 Re: محمد عبد الماجد الصايم أو أي كان اسمه ..(فكــه التيكــة) .. (Re: tmbis)
|
Quote: جاء في تعريف (القشة أم روح) انها كل قشـة ما فيها (نوارة) وما (بتطقطق) لما تتولع
والله دي بي نضافته دي كان (طقطقت) ليك مع النفس الأولاني .. تلقط أكياس طوالي في شارع التحلية تقاطع شارع الملك فهد وذلك بعد الساعة اطناشر ونص بالليل .. |
بصراحة كدة المصدر يا عمك ضروري...
لا مشتاقين ولاحاجة
| |
|
|
|
|
|
|
|
|
|
Re: محمد عبد الماجد الصايم أو أي كان اسمه ..(فكــه التيكــة) .. (Re: ABUHUSSEIN)
|
| Quote: حمداً لله على السلامة |
الله يسلمك يا أبو حسين .. عدنا والعود أحمد .. الواحد جا خاشي الرياض الساعة اربعة صباحا .. التقول عندو بهايم في ضهر بيتم ..
بالنسبة لي مداخلة ود الصايم .. أرجو أننا نشكل فريق بتاع بحث .. نعمل زيارة ميدانية
لابد من التأكد أن كاتب المداخلة أعلاه كان في نفس حالاته الطبيعية التي عادة ما يكتب بها هنـا ..
وكيف يكتب بهكذا شاكلة ..
هل فك الاحتقان فجأتن كدا ..؟
واللا ضربو الهوا .. لو ضربو الهوا انصح بتغيير المكنة .. ولو دا حجـر كارب جدا .. اريتو في راسي ..
| |
|
|
|
|
|
|
|
|
 Re: محمد عبد الماجد الصايم أو أي كان اسمه ..(فكــه التيكــة) .. (Re: ASHRAF MUSTAFA)
|
..
المعروف عن ناس (الشديدة) .. أو (القشة أم روح) انهم (عميقين) جدا .. الواحد ممكن تطرح عليهو اي حاجة شائكة جدا يا موضوع حساس .. ما برد ليك في الحال كدا .. احيانا بتفتكر انو مطنشك .. بقوم بقلب الموضوع في راسو كويس ..
لكن ثق تمام لو طلع ليك بي رد .. بكون رد نجيضة .. وحكيم جدا ..
يعني بي اختصار ما بحب الكلام الكتير .. وحتى لو الناس اتكلمت بتلقاهو ساكت بيسمع بس
..
عندنا فردتنا في الحلة .. بتاع شدايد .. من تصبح الوااطة لحدت بالليل لازم يكون مصلح ..نحن مسمنو (حكمــه)
كنا احنا زي خمسة اصحاب كدا بنقعد ليك معاهو .. نظام اخدو الحكمة من هؤلاء ..
المهم جيت لقيتم قاعدين في الاوضة بتاعت الأخوان .. والشدايد مدورة .. وعميقيييين جدا .. وماف زول بتكلم مع التاني .. بس الواحد يمد يدو وتجيهو الشديدة .. مرات بختوها في الوااطة والعليهو الدور يشيله بي طريقتو ..
جيت داخل وقعدته مسافة طويلة .. قلت ليهم يا جماعة الفلم دا بتاع شنـو ..؟ غلاصة مني كدا بس علشان اي واحد فيهم يتكلم .. ماف واحد فتح خشمو ..
بعد فترة طويلة انا (نسيت السؤال) .. وبقيت مركز (بعمق) مع الشاشة بتاعت التلفزيون .. الوكت داك ايامات اشرطة الفيديو ..
فجأة كدا جا التمساح طالع من نص المويـة كدا وفاتح خشمو كبير جدا ..
قام فجاة صاحبنا حكمـة دا قال بي صوت لذيذ جدا بتاع موسيقى تصويرية كدا:
اوووووووه لاكوست ياااخ
طبعا طوالي انا اكتشفت انو الفلم دا فلم التمساح الكان مشهور وقتها
(لاكوست) كانت ماركة فنايل شهيرة جدا الما لبسه الوكت داك ما لبس فنيله
| |
|
|
|
|
|
|
|
|
|
Re: محمد عبد الماجد الصايم أو أي كان اسمه ..(فكــه التيكــة) .. (Re: tmbis)
|
Quote: عندنا فردتنا في الحلة .. بتاع شدايد .. من تصبح الوااطة لحدت بالليل لازم يكون مصلح ..نحن مسمنو (حكمــه)
كنا احنا زي خمسة اصحاب كدا بنقعد ليك معاهو .. نظام اخدو الحكمة من هؤلاء ..
المهم جيت لقيتم قاعدين في الاوضة بتاعت الأخوان .. والشدايد مدورة .. وعميقيييين جدا .. وماف زول بتكلم مع التاني .. بس الواحد يمد يدو وتجيهو الشديدة .. مرات بختوها في الوااطة والعليهو الدور يشيله بي طريقتو ..
جيت داخل وقعدته مسافة طويلة .. قلت ليهم يا جماعة الفلم دا بتاع شنـو ..؟ غلاصة مني كدا بس علشان اي واحد فيهم يتكلم .. ماف واحد فتح خشمو ..
بعد فترة طويلة انا (نسيت السؤال) .. وبقيت مركز (بعمق) مع الشاشة بتاعت التلفزيون .. الوكت داك ايامات اشرطة الفيديو ..
فجأة كدا جا التمساح طالع من نص المويـة كدا وفاتح خشمو كبير جدا ..
قام فجاة صاحبنا حكمـة دا قال بي صوت لذيذ جدا بتاع موسيقى تصويرية كدا:
اوووووووه لاكوست ياااخ |
ههههههههههههههههههههههههههه .............
قالوا عمك عندو خانة بتاعة شدايد في امدرمان وهو زاتو بتاع شدايد ...
المهم عندوا بضاعة خفيفة خاتيها جنبو في الطربيزة وبزبط في حلة العشا ...
يازول الكجر هجم ليك على البيت .... صاحبك براحة كبس ليك البضاعة جوه الحلة ...
اها البواليس الفارات فتشوا سماء ارض ما لقو حاجة اتخارجو مشوا ...
اها جوهو ليك جماعة زباين .... ياعمك دايرين لينا حاجة كااااربة في ؟
قال ليهم والله في لكن الا تجيبوا عيش من الدكان نحشيها ليكم ........
| |
|
|
|
|
|
|
|
|
|
Re: محمد عبد الماجد الصايم أو أي كان اسمه ..(فكــه التيكــة) .. (Re: tmbis)
|
| Quote: اوووووووه لاكوست ياااخ |
علي اليمين بالغتو كلكم..كان الشديدة كان التلاتة تنفار كان التمساح الجا مارق ده.
_
أقول ليك حاجة انا عرفت انو الشي ده اسمه الشديدة في المنشورات الجابوهاهنا عن كتائب شنو كدة في مسجد النور..قال اسامة داؤود يدخن الشديدة...قلت النسأل منها يمكن الزول يديها سيجارتين شداد يعمل بيهم خمسية مليون دولار كدة ونطفيهم...قالوا لي دي كان مشيت كدة احتمال ما ترجع تاني..فآثرنا السلامة بالبرنجي
| |
|
|
|
|
|
|
|
|
|
Re: محمد عبد الماجد الصايم أو أي كان اسمه ..(فكــه التيكــة) .. (Re: ABUHUSSEIN)
|
| Quote: عرفنا بالريحة ... لكن بالونسة دي جديدة.... |
انت الدخاخين المالية البوست ده ماشفتها .......
اسمع دي ياابوالحسين .........
قال جماعة بتاعين (كبنقا) يعني شدايد ............
قاعدين في الغرفة وبضربوا ليك في الكبنقا زي الماحصل حاجة .....
البوليس كبس ........ قاموا جدعوا السجارات باالبلكونة ....
البوليس فتش فوق تحت مافي حاجة ...
قال ليهم انتو كنتو بتشربوا في بنقو مش ؟
ابداً ياجنابو ماحصل وانت براك ما لقيت حاجة !
طيب الدخاخين دي شنو ؟
والله ياجنابو نحن ذاتنا ماعارفين اجرنا الغرفة دي كده ....
| |
|
|
|
|
|
|
|
|
يا أخى أنا سمعة..لكن سمعتك إنت سمعتك بالجد كده فاحت حصل الدخاخين..فى واحد قال والله يا إسماعيل أحيانآ بحس إنك بتلفها..قلت ليهو والله لونه ما بعرفو لا ألأخضر ولا ألأحمر..لكن زى ماقال أخونا تمبس المتخصص فى هولاء..بالحد الناس ديل عميقين جدآ جدآ...
واحد من الجماعة ديل جاهو حرامى للتعترو....قام لبد ليك ليهو فى راس الدولاب من فوق.. طبعآ عارف الحرامى بمشلى للدولاب أول..
أول ما الحرامى فتح الدولاب أخونا وقع ليك من فوقو لب...الحرامى إنبهط عديل وإستسلم وقام ليك كتفو وقال ليهو يا أخى والله تبته.. ..قال ليهو التوبة دى بناقشةة بعدين رايك شنو فى النطة دى.
فى مشكلة يا جماعة فى الردود انا كتبت كلام وكأنوا مكتوب بالحبر السرى..حتى فى المشاهدة ما ظهر..
(عدل بواسطة ismeil abbas on 02-19-2011, 04:27 PM)
(عدل بواسطة ismeil abbas on 02-19-2011, 04:28 PM)
(عدل بواسطة ismeil abbas on 02-19-2011, 04:44 PM)
| |
|
|
|
|
|
|
|
|
|
Re: محمد عبد الماجد الصايم أو أي كان اسمه ..(فكــه التيكــة) .. (Re: محمد إبراهيم علي)
|
أجمل حاجة في الموضوع جماعتك يجو يحكو ليك القصصة ويقولوا ليك واحد جارنا وعندي شلة اصحابي ..ياخي تخ دي مكنتكم ؟
يعني اسة تمبس اخوكم ده حكى الحكوة بي براءة شديدة خاالس خااالس لأ وكمان مركز في التلفزيون قال لكن والله يا تمبس زولك ده انا قربت اقول عوض بطارية ياخ نفففس الوهمة واتخيلت ليك كتيلة العيون ..
تخريمة :
عارف يا تمبس زولكم بتاع سرقة السيخة القال ليهو ولااا خلى ليكم قدر كده ؟؟ ده لازم اقابلو
| |
|
|
|
|
|
|
|
|
|
Re: محمد عبد الماجد الصايم أو أي كان اسمه ..(فكــه التيكــة) .. (Re: طارق جبريل)
|
دينااااك !!
ود الصايم زعلان عدييييك !!
أول مرة أشوفو هايج كده..
قدر ده؟؟ مداخلة قدر دي بتعمل انيميا ، أعمل حسابك يا أخو..
أما بعد ،، فأبصم بالعشرة على ما ورد في مداخلة ودالصايم ..
حسب متابعتي المتقطعة هنا ، أكثر الأعضاء تشدقاً بالديموقراطية
هم أكثرهم بعداً عنها ( ده رأي شخصي مسؤول منو قدام المحكمة)
الكيل والميزان هنا أمريكي ، كفة واحدة ، يدعمها متابعي السَيرة..
الحقانيين والبيقولوا ده صاح وده غلط هنا ، بيتُحسبوا على أصابع اليدين.
-----
يا تامبا ، كتبت مداخلة في بوست ( السمك ) الشهير ، بعد كلامك عن ( القش )
وحذفتها خوفاً من استغلال الفارات لها..
مُعلّم والله !!
عجبني كلام عمر الفاروق عن البراءة!
| |
|
|
|
|
|
|
|
tmbis
تولوس
ABUHUSSEIN
ابو جهينة
محمد عبد الماجد الصايم
وليد محمد المبارك
ASHRAF MUSTAFA
omer osman
GamarBoBa
محمد البشرى الخضر
محمد إبراهيم علي
ismeil abbas
عمر الفاروق
على محمد على بشير
طارق جبريل
abas
نادر النور آدم
داليا الكباشى
فيس بوك
تويتر
انستقرام
يوتيوب
بنتيريست