|
|
 بالجد كده الزول ده فاكهة المنبر ؟؟؟؟؟؟ ....... (صورة واحدة بس)
|
بالجد كده الزول ده فاكهة المنبر ....
ظريف ما بتظارف ......
ذكي لماح .....
ساخر ........ رطاني بي مكنة رباطابي
ماعندو قشة مرة بخش في اى بوست في اى حتة وبقول اى كلام ... ما مجنون طبعاً ........
لكن نموذج وجوده ضروري جداً في حلة سودانيز اون لاين ........
|
|
 
|
|
|
|
|
|
|
 Re: بالجد كده الزول ده فاكهة المنبر ؟؟؟؟؟؟ ....... (صورة واحدة بس) (Re: عمر صديق)
|
والله البورد بخصم منو كتيير،،
ياحبيب لما تداري على شمعتك هنا تشتعل في جلابيتك،،
ولما تبقى مسالم ما أحد يعبرك،،
تبقى لذيد (زيك كدا) يغيروا منك ويحاولو يهبلوك،،
أما وإن كنت لئيم : فأنت سيد الشي زاتها،،
محمد عبدالماجد الصايم : والله لو طلعنا من البورد دا بضحكتك المجلجلة لكفانا،،
هنيئا لأهلك ومعارفك بصحبتك ،، ومن يعاديك يعيد حساباتو غصب عنو،،
ياخ عشانك بدينا نحب المؤتمر الوطني (بس ماتنسونا في الرحلة الجاية))ههههه
| |
|
|
|
|
|
|
|
|
|
Re: بالجد كده الزول ده فاكهة المنبر ؟؟؟؟؟؟ ....... (صورة واحدة بس) (Re: حمور زيادة)
|
سلام يا شباب
والله يا اخوان في رايي الشخصي انو البوست دا ما كان في ليه اي داعي
إن كان من باب رد الإعتبار لحموودي او دفع الضرر عنه
فكونو نفرين تلاتة او حتى مية عبروا عن رأي سالب في شخصو او كتابته
دا ابدا لا ينال منه او يقلل من شأنه - الكلام الاتقال في حقو ضررو الوحيد انو وفر لي مادة للجمجرة عليه بالذات قصة البولندا -
يكفي انو حتى الراي السالب دا لا فيهو انو بهت زول او كذب او انتهك خصوصية او تتبع عورات
او اهان او تعدى على كرامة او حط من قدر اي شخص آخر او غيرها من امراض البورد المنشرة
وظواهره المقرفة البقينا نعدي عليها زي السلام عليكم
أما إن كان البوست للاعراب عن المحبة و التقدير و تبيان مكانته بين اصدقاؤه فدا كسير تلج عادي
لا بأس به - وان كان لا يستاهلو
راوية ... اسمحي لي اعلق على حتة انو حمووودي استهلك نفسو
لا اعتقد انو حموودي ماخد البورد على انو شو و هو مؤدي ينال استحسان الجمهور وما إلى ذلك
حموودي بعمل في الحاجة المريحة ليه بس ما اكتر
زي مافي ناس بتحب تنزل اغاني وناس تحب تكتب في السياسة وناس في الأدب وناس في الناس
فحمودي مزاجو كدا ينكت و يعلق بظرافة او تظارف و يدردق وشو الأخضر دا واحيانا يكاكي خلاص
ما ظنيت راي الجمهور او اعجابو بمثل اشو بالنسبة ليهولا اعتقد انو ماخد البورد و ما يحدث فيه على محمل الجد او للدرجة التخليه يتابع رد فعل القراء و يسعى لرضاؤهم و تجنب مللهم او كدا
حموودي كلامي لي راوية عن لسانك اديت نفسي الحق اقولو لو ما صاح باللاي براحة وبدون شوشرة طرّش مسنجر خليني امسحو
| |
|
|
|
|
|
|
| |
omer osman
Muna Khugali
tmbis
HAIDER ALZAIN
محمد عبد الماجد الصايم
Frankly
محمد يوسف الزين
وجن
مزمل خيرى
Yassir Tayfour
ABUHUSSEIN
ياسر بيناوي
عمر صديق
نوفل عبد الرحيم حسن
محمد البشرى الخضر
ismeil abbas
Rawia
saif massad ali
ALGARADABI
احمد محمد بشير
محمد على طه الملك
طارق جبريل
waleed dawash
ناذر محمد الخليفة
حبيب نورة
حيدر حسن ميرغني
حمور زيادة
عبدالله كع
محمد الجزولي
صلاح أبودية
عبد اللطيف السيدح
osman righeem
العوض المسلمي
طارق عبد اللطيف نقد
ممدوح أبارو
محي الدين جبريل
Hassan Makkawi
فيس بوك
تويتر
انستقرام
يوتيوب
بنتيريست