|
|
 انهار البورد بسبب غالبية تسجيلات 2010 وماتلاها , معظمهم ورجاغة ومونساتية وحارقي بخور.
|
09:18 AM October, 10 2017 سودانيز اون لاين
اسماعيل عبد الله محمد-
مكتبتى
رابط مختصر
المنبر العام اصبح ممل ,,
بالاخص غالبية العضوية التي حصلت على اذن الدخول في العام 2010 و الاعوام التي تلته ,,
اصبح مثله مثل مواقع الدردشة التي تهدف الى التسلية وقضاء اوقات الفراغ ,,
انتفت ظاهرة الكتابة باللغة الفصحى و متابعة اخطاء الناس اللغوية و النحوية وتصحيحها و التشجيع على تجويد ملكات الكتابة ,,,
انتشر المدعون و اصحاب العقول الجوفاء ,,,
مثل هؤلاء لن تستطيع ان تخرج من طرحهم بمثقال ذرة من فائدة ثقافية , فكرية , سياسية او اجتماعية.
مصيبة هؤلاء كبيرة جداً جداً جداً ...
ان الواحد منهم مصدق للكذبة التي يوصمها به امثاله هنا و يا ويلك اذا انتقدت فكرته المطروحة ,,,
يقفز و يلوي ذراعه حول عنقك و لا يؤمن بالاختلاف في الرأي و يحول موضوع الاختلاف الى قضية شخصية بينك وبينه يسعى فيها الى الثأر لنفسه المريضة و لا ينسى موضوع (البوست) المعني حتى ولو قمت بفتح(بوست) آخر لا علاقة له ب(بوست) الاختلاف ,,,
اصبحت المشاركة في الوضوعات الجادة وذات الاثر الكبير في حلحلة المشكل السوداني ضعيفة جداً و غالباً ما تنزل مثل هذه (البوستات)الى قاع (البورد) دون ان يطل عليها احد من جهابذة (الورجغة) و الغوغائيين ,,
هنالك ظاهرة سودانية اصيلة 100% و سلبية 200% ادت الى جلوس الحكام الدكتاتوريين الى سنوات طويلة في كراسي الحكم , هذه الظاهرة موجودة هنا في المنبر بوضوح لا تخطأه العين,,,ظاهرة(تأليه الفرد) ,,,,,,
تجد هؤلاء الورجاغة و لخوائهم الفكري يصنعون اصناماً تتماشى مع اهوائهم و يطبلون لها و يدافعون عنها بالباطل و يزعلون اذا مسست احد طواطمهم هؤلاء و يسبونك ويلعنونك و يلعنون اليوم الذي تجرأت فيه و (هبشت) فيه سيدهم الاعظم ,,,
في اعتقادي ان اكبر معضلة خصمت من سمعة هذا (البورد) هي ظاهرة الشلليات ,,,
هذه الشلليات ربطت بينها علاقة الحزب او القبيلة او المهنة ,,, تقوم هذه الشللية بالاتصال تلفوينا على بعضها البعض بأن فلاناً قد انزل (بوستاً) ,,,
وبعدها يتكالبون على البوست مدح و تبجيل لذلك الكاتب الجهبذ الذي اكتشف الذرة ,,,
و اخيراً تعر ف ان البوست يتحدث عن لون شراب ,,,,
هذا شيء يسير من الاسباب التي ساقت المنبر الى الهاوية ,,,
في بالي انشاء منبر سوداني اطلق عليه اسم (الصفوة) ,,,
لا يحصل على اذن الدخول فيه الا اصحاب الانجازات العليمة و الاكاديمية و المهنية و الثقافية و الرياضية و الاجتماعية و السياسية و الاقتصادية الملموسة و المعترف بها من الجامعات و المعاهد و الحكومات و المنظمات ,,,
مش كل واحد لابس لو صديري و لافحلو صوت عنج جاي ناطي ومادي قدومو في مواضيع لا يفقه فيها شيء ,,,
لاحول ولا قوة الا بالله ,,,,
(عدل بواسطة اسماعيل عبد الله محمد on 10-10-2017, 09:50 PM)
|
|
 
|
|
|
|
|
|
|
 Re: ((انهار البورد بسبب غالبية تسجيلات 2010 ومات (Re: محمد عبد الله الحسين)
|
| Quote: في بالي انشاء منبر سوداني اطلق عليه اسم (الصفوة) |
سمعة سلامات
بالله عليك سجلني معاك
اي نعم انا تسجيلات 2013 لكن ورب المجرات صفوة
بعدين يا سمعة حكاية النصوص وتصليحات الاخطاء الاملائية واعادة صياغة النص
يعني يتخيل لي كدا دا نوع من الترف وضياع الزمن ما تشتغل بيها
على حسب قولك في مكان تاني عندنا هم وطن فيهو مشاكل كتيرة محتاجة لتضافر الجهود
ولكل دقيقة.. فما ممكن نهدر الزمن كلو في تصليح الاخطاء الاملائية زايد صياغة النص
وللا شنو؟؟؟؟؟؟؟؟؟
| |
|
|
|
|
|
|
|
|
|
Re: ((انهار البورد بسبب غالبية تسجيلات 2010 ومات (Re: محمد المسلمي)
|
المنبر يا اسماعيل اصبح زى ساحة الجامعة لمن يجى برلوم جديد كل ناس بحاولوا
يصنفوه عشان يشوفوا مويته شنو وممكن يضموه ليهم واللا لا
هنا بعد مايتصنف العضو تصنيفه بيديه درجة تفاعل معينة مع طرحه بغض النظر عن موضوعيته
والشللية ظاهرة برضو على الاقل سياسيا وربما يكون هذا الامر مفهوما فى ظل مايحدث فى البلاد
ولكن ظاهرة الهجوم الجوى دى مزعجة خالص بتجيك كم هجمة منسقة تجهجه دفاعاتك
ونسأل الله الرضا والمغفرة
| |
|
|
|
|
|
|
|
|
|
Re: ((انهار البورد بسبب غالبية تسجيلات 2010 ومات (Re: فرح الطاهر ابو روضة)
|
مرحبا اسماعيل والذين معك
تشكر علي طرحك هنا
والشكر لكل من تداخل معك مداعبا ومحولا تقيمك لنكتة دون ان يطرف لهم جفنا .انك توصف آخرين لعل قولك يسئ لهم ويقدح
عموما
لا احمل لك ضغينة ولا لمن صفق لك مؤيدا او ضحك لتستزيد من جرعة سخريتك
اقول ليك
ولهم
العفو والعافية
واتمني الازدهار لموقعكم
وقبل امشي
ان كنت اسأت سابقا لعضو هنا
او سخرت منه فليقل
لن اطلق اعتذارا في الهواء
بل اقول بكل كبرياء
لم اسئ لاحد حتي اليوم لا تلميحا ولا صراحة
واطلب كما طلب عليش ان يفك اسر مداخلاتك لتقول ما تشاء فيمن تشاء
وليضحك الجميع ويتمتعو
| |
|
|
|
|
|
|
|
|
|
Re: ((انهار البورد بسبب غالبية تسجيلات 2010 ومات (Re: عبدالحفيظ ابوسن)
|
الاخ اسماعيل وضيوفه الكرام
تحياتي
.
.
عبدالحفيظ اب سن يا اخوي
كلنا راس السوط وصلنا ولكنه راى واللعوج راي والعديل عديل
اسماعيل قال رايو واتا برضك قول رايك
.
.
المنبر دا زي التكلة الفكي حامد فيها ناظر المدرسة المثقف والمدرسين والمدرسات
وفيها الترمجي وفيها العميكة الزي انا كدا يوم فرحانين ويوم زعلانين ويوم عوتكم تقيف تكل
وفي النهاية ناس حلة واحدة بصلوا في جامع واحد وبشربوا المريسة من انداية واحدة
دا حال المنبر كدا دا
وكان المثقفين زعلانيين من العولق خليهم يرحلو جعيبات الفكي مختار ههههههههههه
غايتو المنبر دا لذيذ ما تخليهو يا حفيظو
| |
|
|
|
|
|
|
|
|
|
Re: ((انهار البورد بسبب غالبية تسجيلات 2010 ومات (Re: عبدالله ود البوش)
|
Quote:
تجد هؤلاء الورجاغة و لخوائهم الفكري يصنعون اصناماً تتماشى مع اهوائهم و يطبلون لها و يدافعون عنها بالباطل
و يزعلون اذا مسست احد طواطمهم هؤلاء و يسبونك ويلعنونك و يلعنون اليوم الذي تجرأت فيه و (هبشت) فيه سيدهم الاعظم ,,,
|
سمعة الكلام المكوت دا بيدينك قول لي كيف ؟؟؟
لأنك هنا من أكبر المدافعين عن حميدتي وموسى هلال ولو داير كبشرة نحن جاهزين ...
.
.
آل سيدهم الأعظم آل ...
.
.
.
انا ضد توقيفك وتوقيف أي عضو آخر ...
ولكن في رأيي ان توقيفك او تحجيم مداخلاتك في المنبر ما جاء كدة اعتباطا ...
وحصل هذا التحجيم بسبب أنك شغال معول هدم للنسيج الاجتماعي السوداني وقاعد تتوعد هوية معينة بالويل والثبور ...
اضبط خطابك يا سمعة وابتعد عن العنصرية وستجدنا أول المدافعين عنك ...
...
..
.
| |
|
|
|
|
|
|
|
|
|
Re: ((انهار البورد بسبب غالبية تسجيلات 2010 ومات (Re: ناصر حسين محمد)
|
صاحب البوست سلام
المنبر ليس جزيرة معزولة ياحبيب نحن نعيش واقع مزري في السياسة والاقتصاد والقيم والتعليم اي نحن امام انهيار شامل
وتجاوز هذا الواقع يفرض علينا الاجابة علي بعض الاسئله كسودانيين اولا قبل ان نكون اعضاء بهذا المنبر علي شاكلة من نحن
وماهي المساهمات التي يمكن تقديهما لتجاوز هذا الواقع وكيف يمكننا تحويل المساهمات الي مشاريع علي ارض الواقع
بعدها نتساءل كيف يمكننا تسخير هذا المنبر لخدمة الاهداف التي بها نستطيع ان نحيل السراب لواقع رائع وجميل
يكون ثمرته انتشال البلاد والعباد من حالة انسداد الافق الماثله امامنا ولتجاوز هذا الواقع نحن مطالبون بادارة حوار مفتوح
دون تجريم لجيل او تأليه لجماعة او افراد بهذا المنبر او الوطن ككل مع اقرار مبدا عدم المساهله لاي شخض ايا كان اخطأ
في حق الوطن والاخرين شريطة الاعتذار عندها يمكننا ان نذهب بعيدا
| |
|
|
|
|
|
|
|
|
|
Re: ((انهار البورد بسبب غالبية تسجيلات 2010 ومات (Re: SHIBKA)
|
سلام اخ اسماعيل
كلام جارح
وما اظن واحد في الدنيا له حق تقيم الأخرين لأنه لا يملك ميزان العدل ولم يختصم إليه أحد
غايتو كان قفلتا التسجيل حتى ٢٠١٥ يكون عملتا فينا معروف،
لأننا تسجيل ٢٠١٧
وكان خليت القصة فاتحة كدا إلى ما لا نهاية
فوطاطنا اصبحت
نرجع المدارس نقرأ شوية ونجي البورد بعد كم سنة لو الله مد في اعمارنا.
هذا المنبر يخبيء درراً اتت من قبل ومن بعد ٢٠١٠
وبلاش عنصرية عضوية منبرية سودانيزاونلاينية
| |
|
|
|
|
|
|
|
|
|
Re: انهار البورد بسبب غالبية تسجيلات 2010 وماتل (Re: اسماعيل عبد الله محمد)
|
سعمة إزيك ياخي،
عامل لنا فيها و لا/ تشي جيفارا
و إنتا و رب الكعبة أكبر مورجغاتي ، حكامة
ما تلحقك. طالع (سعمة ) ساي . ثم بعدين أخطاء
منو البتصلحا إنتا، يا البتذكر المؤنث و تؤنث المذكر.
قبل كدا عامل خلط مخلٍ و فظيع جداً بين مونساتية
و جلابة. إنتا مشكلتك شنو بالظبط؟! وبرضو نذكرك
فقط ، بأنو حواء ولادة و نحن أولاد الليلة و إتا
لسة عايش في وهم كان يا ما كان و عقدة
الزمن الجميل. بس بالله، ما تحمبك.
| |
|
|
|
|
|
|
| |
اسماعيل عبد الله محمد
محمد عبد الله الحسين
محمد المسلمي
حيدر حسن ميرغني
عليش الريدة
محمد البشرى الخضر
Abdalla Hussein
فرح الطاهر ابو روضة
عبدالحفيظ ابوسن
عبدالله ود البوش
قسم الفضيل مضوي محمد
ناصر حسين محمد
SHIBKA
walid taha
عمر سعيد علي
Ali Alkanzi
دفع الله ود الأصيل
فيس بوك
تويتر
انستقرام
يوتيوب
بنتيريست