|
|
|
 Re: الامريكان باعو القضية (Re: Osman Mahmoud)
|
انا بقصد القضية من اساسو ..
كانو عاملين فيها رسل سلام وحريات ..
وعندما وجدو الكفر مستفحل ..
والكفار عندهم عادة شينة: يختبرو الرسل بالهدايا ..!!
والرسول الكضاب يقبض الثمن ويعمل آضان الحامل طرشة ..!!
.
| |
 
|
|
|
|
|
|
|
|
Re: الامريكان باعو القضية (Re: Osman Mahmoud)
|
عندي صحبي الله يطراهو بالخير آخر مرة قابلتو بعد وفاة حميد عليهما السلام وعلى حميد الرحمة ..
قابلتو وانا كايس عزاء لروحي في رحيل الماجد حميد ..
عندو مقولة مع تعابير عجيبة يقولا كل ما يموت شريف من شرفاء الوطن .. المقولة هي:
الراجل مات وهو مكنكش في القضية ..
فيها تعابير وجه لن تجدها الا مع لاعب كرة القدم المتعطش لاحراز الهدف بعد ان تصيب كرته المرمى
ونبرة صوت تعادل اصوات طبول النصر وقبضة اليد كقبضة المفتاح "الابهام يضغط على السبابة
المقبوضة" في اليد اليمنى بقوة حتى يهتز معها قوامه المربوع ..
كانت هذه الكلمات وهذه الحركات البسيطة هي بمثابة قلادة الشرف التي لا نملك انا وصديقي
غيرها شيئ نستطيع ان نقدمه لكل الشرفاء الذين رحلو وهم مكنكشين في القضية دون تململ
كما يقبض المسمار المسمكر على الحديد ..
جال بخاطري هذا المشهد المألوف لدي .. والامريكان يبيعون القضية في العلن.
.
| |
|
|
|
|
|
|
|
|
|
Re: الامريكان باعو القضية (Re: Osman Mahmoud)
|
بعد الحادي عشر من سبتمبر اصاب الامريكان رهاب اسمه الارهاب ..
هذه الفوبيا المبالغ فيها " والتي لا يصدقها عاقل" ..
لأن هول نتائجها كان كارثي بالتدخل العسكري المباشر في كل من افقانستان والعراق ..
وخلط اوراق المنطقة كلها والدفع بالمولود الجديد ..
"(كونداليزا رايس) ولادة شرق اوسط جديد"
-تلدي ديك اعور قولي آمين-
من هنا استخدم الاسلامويين "بإنتهازية يحسدو عليها" الورقة السحرية بكل نجاح ..
دي مسرحية اخراجها سيئ مكشوفة الحال وما بتفوت على زول يملك في راسو
محل فاضي مخصص للدماغ خلي من انو يملك الدماغ نفسو ..
المهم ما من المنطق انو الاسلامويين يكونو بيدهم اليمين الارهاب نفسه وباليد الشمال
الحليف لمحاربة التطرف والارهاب ..
لكن خلونا نصدق المسرحية وانو امريكا - ما - عارفة النواة الحقيقية للارهاب ونحكم بالواضح الفاضح ..
طيب الشروط في شنو يا اخوانا ..؟
ممكن تدي بتك لي راجل وانت تقول ليه شروط زي .. لازم تعتبرها زوجتك لازم تصونها وتتعامل معاها كويس ..؟
دا راجل شنو دا ..؟
.
| |
|
|
|
|
|
|
|
|
|
Re: الامريكان باعو القضية (Re: Osman Mahmoud)
|
كنا بنفرز الكيمان وقت واحد يقول : امريكا شنو كمان تكون رسول للحرية ؟ واكبر حلفاء
لها في المنطقة اسوء انواع الدكتاتوريات سواء كانت انظمة ملكية او غيرها ..
وكنا بنعتقد نحنا كسودانيين كوم برانا ..
لأنو متقدمين كتير على شعوب المنطقة وبكل تواضع فيما يتعلق بالتوق والتطلع
للديموقراطية والكرامة والحرية ..
لم يكن في البال وهذا على المستوى الشخصي ان تتلقى قضيتنا اي دعم امريكي .. نعم ..
ولكن ايضا لم يكن في البال ان يتلقى النظام اي دعم امريكي مهما تضائل حجمه او كبر ..
او على الاقل في العلن ..
او على الاقل النظام الذي جعل منها عدو لأنها لم تعترف في العلن بشرعية إنقلابه المشؤوم ..
.
| |
|
|
|
|
|
|
|
|
|
Re: الامريكان باعو القضية (Re: Osman Mahmoud)
|
بس رجاء يا امريكا بعد اليوم ..
انتي سامعاني ..؟؟؟
ارضخي للابتزاز الاسلاموي زي ما دايرة ..
غيري سياساتك الخارجية خاوي الارهابيين اعملي بارتي للصباح .. دا كلو ما بهمنا ..
بس ما تاجرو بقضايا شعبنا المغلوب على امره ..
وقف العدائيات وفتح الابواب للمعونات الانسانية ..
وقال شنو كمان دعم الاستقرار في دولة الجنوب ..!! "اعتراف ضمني بالاستقرار الداخلي"
كيف طيب تعلن تعاملها مع نظام وتطلب منه الحد الادنى من الاساسيات لحقوق الانسان ..؟
بئس التجارة وبئس البائع والمشتري.
---------------------------------------------
(تتاجر بي قضية شعبنا .. يعني تضغط بيها على النظام لمزيد من التنازلات والرضوخ) ..
.
| |
|
|
|
|
|
|
|
|
|
Re: الامريكان باعو القضية (Re: Osman Mahmoud)
|
سلام عثمان ولصديقك مثلها والقضية
طريقة جميلة في الكتابة في الزمن المبلبط, قيل حديثا ان العافص علي القضية كما القابض علي بلبوط,
بلبوط نوع من الاسماك يوجد منه في غرب السودان (لديه شنبات طوال وخلقتو معطون بملاح ام لايوق/ويكة/ضرابة حداثويا بامية يعيش في الحفر والبرك والخيران لديه مقدرة للتكيف علي التغيرات البيئية )
القضية تبلبطت جدا.
ودوورد
| |
|
|
|
|
|
|
|
|
|
Re: الامريكان باعو القضية (Re: Osman Mahmoud)
|
هذه الامبراطورية العجيبة التي تم بنائها بالمحافظة على القيم الحقيقية والحد الاعلى
لكرامة وحقوق الانسان وباليبرالية المبهرة ..
كيف تنجر وراء حفنة من الروس المقهورين وبعض دول شرق اسيا مثل كوريا الشمالية
والصين مهما كانت قوة صاعدة ووسطها مثل ايران والسعودية ..؟
صحيح الدرب السليم دائما يكون مكلف وطويل وعوارضو كتيرة ..
ولكن ليس من المنطق ان تتعامل قوى مثل الولايات المتحدة بعقلية السماسرة ..
يهمها فقط بيع السلاح والدفع مقابل الحماية ..
كم تساوي فوائد الولايات المتحدة من مبيعات التكنلوجيا العسكرية والدفع مقابل الحماية
في دخلها الاجمالي الذي تجاوز ال18 ترليون دولار ..؟!
كم يساوي مقارنة بالقيم والمبادئ الذي قامت عليها هذه الامبراطورية ..؟!
الحديث هنا يختلف من الوجه الذي تدير به الولايات المتحدة العالم وهي تلوح بالشعارات
الرنانة .. السلام والحرية وحقوق الانسان ..
ومن الوجه الذي قابلت به اعدائها في ما سبق المعسكر الشرقي الذي قضت عليه
بشتى الوسائل والطرق والاساليب ..
.
| |
|
|
|
|
|
|
|
|
|
Re: الامريكان باعو القضية (Re: Osman Mahmoud)
|
مرحبا الاخ الكريم حامد عبدالله من جمالك وطيبة اصلك وكرمك ..
تصل تحياتك لصديقي ياصديقي ..
الموضوع كلو وعلى بعضو كدا متبلبط وشناتو مرة تتحدى البلبوط شنى ..
ومقدورنا انو نصبح ونمسي في ظل حكومة اكثر لياقة من ويكة الموسم
الجديدة وبلبطة من البلبوط نفسو تمسكا بي جاي تتملص بي جاي ..
بس بيني وبينك كدا كان طال الزمن او قصر ح يجي اليوم ال ح تتنتف
فيهو الشينيبات الشينة وتنسلخ البلبوطة جر باليدين ..
المهم الزول لو عاش وما قدر يعمل ويغير شيئ على الاقل يموت علي المبدء ..
كل المحبة والتقدير ..
Quote:
سلام عثمان ولصديقك مثلها والقضية
طريقة جميلة في الكتابة في الزمن المبلبط, قيل حديثا ان العافص علي القضية كما القابض علي بلبوط,
بلبوط نوع من الاسماك يوجد منه في غرب السودان (لديه شنبات طوال وخلقتو معطون بملاح ام لايوق/ويكة/ضرابة حداثويا بامية يعيش في الحفر والبرك والخيران لديه مقدرة للتكيف علي التغيرات البيئية )
القضية تبلبطت جدا.
ودوورد |
.
| |
|
|
|
|
|
|
|
|
|
Re: الامريكان باعو القضية (Re: Osman Mahmoud)
|
قد يقول قائل ان الولايات المتحدة ليس لديها حليف دائم والدوام لله ..
هي تتعامل بإستراتيجية واضحة ..
وبي مزاج متقلب تصنع عدو وتصنع صديق او خلونا نقول بدل صديق حليف ..
الغريبة ممكن تطرأ ليها ظروف تخلي العدو صليح والحليف امس عدو الليلة ..
والتوصيل مجاني ..
او هكذا ومن ايام الحرب الباردة ..
ودائما تخت نفسها في محل المرأة العزباء الشابة الولدا ما يحب زوجها وزوجها ما بحب ولدها
وهي ما دايرا تخسر فيهم واحد وتكون مولعا فيهم الغيرة من بعض ومستمتعا بي حكاية
الغيرة دي وما دايراهم يحبو بعض الا بي مزاجا هي ..
توضح لي راجلا انو تحب ولدا اكتر وتظهر لي ولدا انو حياتها ممكن تقيف في محطة راجلا
حتى لو ولدا مشى قدام تظهر وانو ما ح يفرق معاها ..
حتى لو هددا يمشي القمر تديهو حق الرقشة ..
وقشة ما تعتر ليك ..
اها دي المعارضات ودي الانظمة بس في فرق في نوع الابتزاز انو دا ابتزاز خشن على عكس
الابتزاز او الابتذال العاطفي ..
بتحب صورة المرأة العزباء عشان تعمل فيها قوية وعندها خبرة ..
والبخلي ضعفها ظاهر هنا لأنها تحب الراجل القوي ..
وواضح ضعفها دا فقد حنان ساااااااي ..
لأنو لو كانت قوية كفاية - ما ح يهما لو راجل قوي او لا فقط كان ح يهمها سلوكه ..
عشان كدا الانظمة الحمام مركبين مكنات صقور لانهم عرفو اللعبة ..
الغريبة قبل ترامب كانت تشيل المصاريف بالدس وعلى استحياء - عاملة فيها قوية ..!!
الاغرب من كدا بالجد هي قوية وقوية شديد ..
وكمان جامحة جموح مغطي العرجى البسيطة الفيها ..
وعندها عترة ثابتة لو جرت بدون ما يعتر ليها شيئ ..!
ومع ترامب بقى مافي حشمة والدفع في العلن وكمان شنو .. مفروض فرض ..
ما تدفع تركب قطر قطر ..
من الدوحة للدوحة وبالعكس ..
لأنو القطر الجديد لغاية حسي ما فيهو غير راكب واحد ..
واها دا كمان نظام شو واستعراض ساكت وفي الحقيقة لا - في قطر ولا - في ركاب ..
.
| |
|
|
|
|
|
|
|
|
|
Re: الامريكان باعو القضية (Re: Osman Mahmoud)
|
لو رجعنا للعلاقة بين الحكومة السودانية والنظام الامريكي ..
الموضوع ح يكون من احتمالين واحد ..
الاحتمال الاول - العلاقة مع السودان ما عندها اي اهمية لامريكا ..
"ودا مستحيل للوضع الاستراتيجي للسودان لو كان موقع جغرافي او
التركيبة السكانية نسبة لأن السودان اقرب ما يكون الى افريقيا مصغرة
ثم البعد الاسلامي"
يعني لو عندك حاجة داير توصلا لاكبر عدد من الافارقة توصلا الخرطوم والسلام ..
الاحتمال الثاني - العلاقة كانت في السر سمن على عسل او على الاقل
في المواضيغ البتهم امريكا "زي التعاون الاستخباراتي مثلا"
ودا الخيار الاقرب والوارد جدا بل اورد من الوريد ذاتو ناقل الحياة في
الجسم المتعافي والمحتاج للعافية ..
و عندنا مثالين سابقين صدام ونظامو ونظام مصدق شاه ايران مع اختلاف
طرق اسقاط النظامين ..
المهم في الاخير استطاعت الولايات المتحدة ان تسقط النظامين وفي العلن ..
يعني لو انت ما نافع معاها ومهم .. بتوديك الخور بتوديك ..
ومن غير ما ترف ليها عين ..
ملحوظة:-
هي بتلوي اليد بتلويها .. ولو سلمت عليك بتسلم عليك في يدك الملوية ..
ولو باعت تبيع لليد الملوية ..
بس شكلها بقت تلوي الرقاب وتبيع للرقبة الملوية ..
.
| |
|
|
|
|
|
|
|
|
|
Re: الامريكان باعو القضية (Re: Osman Mahmoud)
|
نرجع للموضوع :
هل الامريكان باعو القضية للنظام السوداني بإظهارهم لروح
التعاون وحبل الود في العلن ..
بالتأكيد انا بعتقد انهم باعو القضية ..
السؤال التاني :
هل دي اول قضية يبيعوها الامريكان ..؟
التاريخ القريب دا يكلمنا عن بيع وبلاوي بالجملة ..
خلي من انو تكون كيان موجود تقيم معاك العلاقات وتنقلب عليك ..
ممكن تصنعك من عدم وتنقلب عليك ..
معلومة معروفة للجميع وهي : كل حلفائها الوهمين عارفين نفسهم ممكن يتباعو ..
ولكن عايشين بطريقة اتعشى الليلة وبكرة الله كريم ..
يعني لو جبنا اكبر بتاع اكروبات وشقلبة لأحتار في الامر ولما استطاع ان يجاري سيدة العالم ..
ويبقى السؤال المحير :
لماذا تستخدم الولايات المتحدة هذا الاسلوب الرخيص ولماذا تضع نفسها في مثل هذه المواقف ..؟
.
| |
|
|
|
|
|
|
|
|
|
Re: الامريكان باعو القضية (Re: Osman Mahmoud)
|
اوباما في ملف السودان زي الولد "الشقي" المؤجر عجلة يجي متأخر عن المواعيد
يقوم يتلب منها مهرولا في الاتجاه الاخر وهو يضحك في بلاهة ويخليها مدحرجة
صوب صاحبها العجلاتي ظنا منه ان العجلاتي سيتعامل معها كما هو مطلوب وكما
هو معروف في مثل هذه الحالات ..
وظنه يترك العجلاتي منشغل بالامساك بالعجلة مما يمكنه هذا ويتيح له وقت
معقول للفرار والابتعاد ..
من البديهي العجلاتي ما ح يخلي باقي حاجاتو ويجري وراء الشافع المسلط دا ..
فتقوم العجلة تقع قبل ما تصل لصاحبها وكمان شنو؟
تقع في السندان"قطعة من الحديد الصلب موضوعة على الارض" تقع العجلة
بالجمبة الحساسة .. الماسورة العلوية للمثلث ..
تنكسر العجلة من مكان يعتبر عيب خطير في العجلات ..
فيذهب العجلاتي الى المنزل الوهمي الذي كان قد اخبره عنه "الشفت"
ومعه الشرطي والامر بالقبض على الولد المسلط ..
ينكر رب الاسرة الذي يقف امام منزله بعد ان رفض الضيوف الدخول
وكرم الضيافة الذي من شأنه ان يطفئ نيران مثل قضايا الاطفال
ينكر رب الاسرة والذي يبالغ في دهشته من الموضوع المفاجئ
اي شيئ يجمعه مع اوصاف وصفات الصبي على حسب العجلاتي
نافيا بأن له ابن بهذه الاوصاف ..
ويقابله اصرار من العجلاتي والشرطي ظنا منهم انه يداري سوءة ابنه
بعد ان يحلف العجلاتي تلاتين يمين انو شاف الولد الكسر العجلة بتاعو
رفقة الاولاد القدامو ديل والاولاد يعترفون بصريح العبارة نعم كانو يمشو
يأجرو عجلات من الزول دا من غير ما يعرفو ويتعرفو ايضا من خلال
الاوصاف على الشخصية الغامضة والمفقودة ..
وفي قرارة انفسهم يعرفون جيدا من هو "ولكن هناك ما هو معلوم في
حال الوشاية الصبي يحتفظ لهم ببعض النقود التي يسرقونها من والدهم
واشياء اخرى"
الصبي هو عبارة عن صندوق ودائع لمسروقاتهم التي يحتاجونها للاشياء
الاضافية والممنوعة كإيجار العجلات وفي المغربية فتة الفلافل بالشطة
الممنوعين منها في البيت وتناول الباسطة والبسبوسة بالكميات التي يشائون ..
وعندما يهم الشرطي بإقتياد صاحب المنزل الى مركز الشرطة بتهمة
التستر وعدم التعاون يتدخل الجار القريب واتنين من المارة بإقناع
صاحب المنزل بالمساومة ..
الراجل يلعن ابليس المحاضر والشرطة وإجترار المواضيع وتضيع
زمنه الغالي يفكر ويقدر ويرضخ اخيرا للضغوط ويدفع للعجلاتي
على مضض ..
اوباما عمل عملتو والنظام السوداني ما بعرف الا البيت الابيض ..
.
| |
|
|
|
|
|
|
| |
Osman Mahmoud
حامد عبدالله
فيس بوك
تويتر
انستقرام
يوتيوب
بنتيريست