|
|
|
 Re: معارك طاحنة تدور حول تاريخنا في اليوتوب، والسودانيين اخر من يعلم! (Re: Bashasha)
|
تحياتي , شكرا للموضوع المهم, الفيديوهات الموجودة على اليوتيوب, و المواضيع مثل التي لها علاقة بالتاريخ و الاعلام معا, عندما ناتي نحن الشباب لنشارك بها و نعلق نجد ان مشاركات الاصدقاء الامريكيين من اصول افريقية و عموم الافارقة كافية لحد ما , و بينما تدور هذه المعارك على يوتيوب , توجد معركة يقوم بها شباب سودانيين و انا منهم و افتخر بذلك, من داخل السودان , لانتاج مواد اعلامية متعلقة بالتاريخ القديم من السودان في شكل فانتازيا تاريخية, منتجات تتراوح بين الرسوم المترحكة و القصص المصورة و الافلام الوثائقية , و لك ان تتخيل من نجابه , مستلبين ثقافيا , سياسيين , اناس يهمهم الا تتعلم الاجيال القادمة تاريخ السودان , نرجو ان تضموا صوتكم لصوتنا , و شكرا
| |
 
|
|
|
|
|
|
|
|
Re: معارك طاحنة تدور حول تاريخنا في اليوتوب، والسودانيين اخر من يعلم! (Re: Mohamed Yahia Mahjoub)
|
| Quote: انت عبيط وله بتستعبط ؟ خليك من نبيل كدي اقنع نوبي واحد من اسوان الي الغدار بالكلام د |
قرقرقرقرقر!
نعم بقول علينا عبيط، من الغضب لاننا بنقول كل السود اين ما كانو نوبيين!
وقع ليك كلامنا عزيزي القارئ؟
اها شفتا زي ديل بفكرو كيف؟
اها بزمتك عزيزي القارئي مش ارحم نموذج الطيب مصطفي كخريج في مدرسة وهم العروبة، من نموذج مواهيم الحضارة؟
نعم لاحظ لي الحدود الرسما للنوبيين بي فهمو!
نعم حدهم القدار اي دنقلا العجوز!
نعم الشوايقة مثلا مانوبيين دع عنك اهلنا في الجبال!
هذا ماعنيناه بي جزام الوعي القبلي!
نعم في نظر هذا المجزوم اي زول جنوب دنقلا العجوز، اجنبي في نظرو!
نعم لو انتا سوداني في لا شعور هذا القبلي فانت اجنبي لانك مانوبي بي فهمو!
طيب، هل فعلا سكان دنقلا العجوز اي الدناقلة نوبيين في وعي هذا المجزوم؟
قطعا لا!
من باب التمويه حيقول ليك الدناقلة نوبيي، ولكن هذا استهبال والسبب بسيط:
الوعي القبلي!
نعم فقط المحس هم النوبيين في وعي هذا المجزوم!
لاحظ هو ماناكر كيف القبليين الزيو فعلا بينظرو لي دنقلا كحد اقصي جنوبا للنوبيين بي تعريفم طبعا!
باختصار اثبت كل حرف كتبناهو هنا بخصوص قبلية هذا المخلوق!
والطريف جدا بعد تاففو ده كلو كراهيتو واستعلاؤ علي بقية السودانيين اللي هو جاكي منهم، او رسم حدود فاصلة بينم او بينو، هاهو يدعي انو ضد استعباد السودانيين الاصلا اجانب في وعيو!
شفتو التناقض، التمثيل والفهلوة؟
| |
|
|
|
|
|
|
|
|
Re: معارك طاحنة تدور حول تاريخنا في اليوتوب، والسودانيين اخر من يعلم! (Re: Bashasha)
|
| Quote: توجد معركة يقوم بها شباب سودانيين و انا منهم و افتخر بذلك, من داخل السودان , لانتاج مواد اعلامية متعلقة بالتاريخ القديم من السودان في شكل فانتازيا تاريخية, منتجات تتراوح بين الرسوم المترحكة و القصص المصورة و الافلام الوثائقية , و لك ان تتخيل من نجابه , مستلبين ثقافيا , سياسيين , اناس يهمهم الا تتعلم الاجيال القادمة تاريخ السودان , نرجو ان تضموا صوتكم لصوتنا , و شكرا |
يا سلام يا محمد ..
معاكم قلبا وقالبا ..
افرحتني ..
بالله عليكم يا بشاشا ونبيل ما تخربو على الشباب الرائعين ديل وتمسخو علينا البوست.
| |
|
|
|
|
|
|
|
|
|
Re: معارك طاحنة تدور حول تاريخنا في اليوتوب، والسودانيين اخر من يعلم! (Re: محمد على طه الملك)
|
| Quote: تحياتي , شكرا للموضوع المهم, الفيديوهات الموجودة على اليوتيوب, و المواضيع مثل التي لها علاقة بالتاريخ و الاعلام معا, عندما ناتي نحن الشباب لنشارك بها و نعلق نجد ان مشاركات الاصدقاء الامريكيين من اصول افريقية و عموم الافارقة كافية لحد ما |
العزيز محمد يحي مرحب بيك.
حقيقة فخور بمعرفة امثالك، والبتسوو فيهو ده شئ نادر في بلدنا. اهلنا افارقة امريكا ومنذ اكثر من 100 سنة نافحو وقاتلو بالنيابة عننا، وبفضلهم قضية الاصل السوداني اي الافريقي للحضارة اضحت زي ماقال شيخنا ديوب:
Is a conquered ground
عندي محبة، تقدير ومعزة لاهلي افارقة امريكا لاتحدها حدود.
ويا سبحان الله باستمرار بلقي الجواي ده منعكس في شكل احساس متبادل متي مالاقيت واحد فيهم في الشارع او في اي ملف!
دايما بشوشيين، حميمين او دافئيين، بالقلب، بالعيون، او من دون كلام لما اشوفم، او فعلا القلوب شواهد وهذه حقيقة!
بقول كده لانو معظم من اعرف من السودانيين بل بقية الافارقة بكشو منهم، او ببعدو منهم، والغالبية منا لايطيقونهم، او تلقا بعضنا دايما ملصوق في العرب، رغم الاساءة والتجريح لهم من العرب!
لو كنا نعلم قيمة هذه العلاقة كسودانيين، واستثمرناها بي صورة صحيحة، لكان عندنا اضخم واكبر لوبي في اكبر واقوي دولة في العالم، من دون ما نصرف فلس واحد!
غانا انتبهت للحتة دي او فتحت قنصليات في الاحياء حتي الشعبية، واستفادت لابعد حد، مع انو غانا لاتملك واحد من المليون البنملك احنا، كنوبيين في قلوب اهلنا افارقة امريكا!
ولكن محارق الابادة في بلدنا خلقت هوة ضخمة وحاجز ضخم جدا بينا كدولة او بينم كافراد او منظمات.
احييك مرة اخري ونشد من ازركم.
| |
|
|
|
|
|
|
|
|
 Re: معارك طاحنة تدور حول تاريخنا في اليوتوب، والسودانيين اخر من يعلم! (Re: Bashasha)
|
| Quote: غانا انتبهت للحتة دي او فتحت قنصليات في الاحياء حتي الشعبية، واستفادت لابعد حد، مع انو غانا لاتملك واحد من المليون البنملك احنا، كنوبيين في قلوب اهلنا افارقة امريكا! |
النخاس بشبش
قلت شنو ؟ احنا كنوبيين !! احنا بس ؟ ما قلت سود العالم كلهم نوبيين ليه اقصيت الغانيين !!
دا مش كلامك
| Quote: من جماعة نبيلو بخصوص كلامنا ده عن كيف النوبيين هم سود العالم جميعا وليس فقط افريقيا او السودان دع عنك اقليم بعينه او قبائل بعينها او قبيلة بعينها في السودان! |
عشان تعرف انا بقول عليك مستعبط ليه 
| |
|
|
|
|
|
|
|
|
|
Re: معارك طاحنة تدور حول تاريخنا في اليوتوب، والسودانيين اخر من يعلم! (Re: nabielo)
|
كتب النخاس حفيد تجار الرقيق
| Quote: النوبيين هم سود العالم جميعا وليس فقط افريقيا او السودان دع عنك اقليم بعينه او قبائل بعينها او قبيلة بعينها في السودان! |
ثم كتب
| Quote: غانا انتبهت للحتة دي او فتحت قنصليات في الاحياء حتي الشعبية، واستفادت لابعد حد، مع انو غانا لاتملك واحد من المليون البنملك احنا، كنوبيين في قلوب اهلنا افارقة امريكا! |
تعرف يا نخاس انت بتطرش الكلام ساي من غير فهم و من غير مصادر
هو الكلام بقروش ؟؟؟؟؟؟؟؟؟؟؟
و عشان كدا ما بتكون متزكر كتبت شنو و بتناقض نفسك
| |
|
|
|
|
|
|
|
|
|
Re: معارك طاحنة تدور حول تاريخنا في اليوتوب، والسودانيين اخر من يعلم! (Re: nabielo)
|
| Quote: بتكلم عن علاقات جمهورية السودان بي امريكا مقارنة بي جمهورية غانا، مش من هم النوبيين كتعريف. |
النخاس بشبش يحاول يتنكر مما كتبه بعضمة كيبورده هههههههههههههه
وين السودان في الكلام دا ؟
| Quote: غانا انتبهت للحتة دي او فتحت قنصليات في الاحياء حتي الشعبية، واستفادت لابعد حد، مع انو غانا لاتملك واحد من المليون البنملك احنا، كنوبيين في قلوب اهلنا افارقة امريكا! |
انا شايف غانا و احنا النوبيين بس يا غبي
| |
|
|
|
|
|
|
|
|
|
Re: معارك طاحنة تدور حول تاريخنا في اليوتوب، والسودانيين اخر من يعلم! (Re: nabielo)
|
| Quote: المادة المطروحة حول ارثنا فى التعليقات مفروض تدرس كمادة اساسية فى الثانويات والجامعة بدل اوهام مقرراتنا الحالية. جهزت كم مشاركة لكن لقيتا متواضعة اما طرح الرفاق اكتفيت بالاستمتاع بالقرائة.... كل المادة حا انسخا وانشرا فى الفيس |
العزيز الرشيد السر من نافذة الfb
ياالف مرحب،
نعم اتفق معاك انو مطالعة ماينشر في اليوتوب عن تاريخنا القديم مفروض يكون واجب منزلي لي طلابنا في هذا المجال.
خليك قريب، الشريط القادم حيكون مناظرة فطاحلة حول اثينا السوداء، وهو سفر عظيم احدث نقلة هائلة في الغرب عموما وامريكا بالذات لانو المؤلف يهودي امريكي، اكاديمي ضليع جدا، اثار عملو حفيظة اليمين المسيحي بالذات.
نعم لما خلاص نبقي علي الموضوع ده حندي ملخص معقول عن هذا السفر العظيم، ونقدر انو مكتوب من وجهة نظر مدرسة مختلفة عن مدرستنا نحن البمثلا المارد هنري كلارك ابرز واكبر اسم تقريبا في امريكا في اوساط مدرسة المركزية السودانية اي الافريقية وهو محارب بمعني الكلمة ومصادم من الطراز الاول.
الشخصية الثالثة هي مؤلفة ليس من افريقيا "لفكوتسي" من اليمين المسيحي المتطرف.
حقيقة مناظرة ممتعة، تشد الاعصاب او تحميك القعاد، لانو فيهو شغل نضيف جدا، وملاكمة فكرية تذكرك بي ايام تايسون، بالذات مديرة الجلسات.
ده حيكون في الفترة القادمة او مش الان. خليك متابع معانا.
| |
|
|
|
|
|
|
|
|
|
Re: معارك طاحنة تدور حول تاريخنا في اليوتوب، والسودانيين اخر من يعلم! (Re: Bashasha)
|
الارو نبيل كل سنة وإنت طيب والاسرة الكريمة
عزيزى الارو بشاشا لايقل نوبية منك او اى محسى آخر ومن قبل تواصينا على احترام بعضنا وتقدير عطاء كل ذى عطاء ،وقد باركنا كل مجهوداتكم لقيام الكيان النوبى الجامع رغم عدم وجود أهلك الدناقلة فى هذا الجسم والذين هم أكثرية فى أى مجمع وممثلى امريكا الشمالية ليس فيهم فرد دنقلاوى ،برضو مافى مشكلة نحن نثق فى كل النوبيين ووحدتهم وإتفاقهم هو حلمى وماأتمناه فى بقية أيامى .
عزيزى نبيل إساءة لبشاشا لاتشمله وحده ارجو ان نجدك فى اعمالك ونضالاتك النوبية التى نعتز بها ؛ولك كل الود والإحترام .
| |
|
|
|
|
|
|
|
|
|
Re: معارك طاحنة تدور حول تاريخنا في اليوتوب، والسودانيين اخر من يعلم! (Re: nabielo)
|
Quote: كان عندى ملاحظة إنو أغلب المتبنيين القضايا النوبية فى المنتديات والنت هم أكثر عنصرية من الطيب مصطفى زات نفسو
شكرا" أستاذنا بشاشا وأنت تكشف طريقة تفكيرهم العنصرية . هذا بجانب موضوع البوست الذى لم نجد الا نكون مستمعين |
عثمان الامام تحياتي ومرحب بيك.
نعم من يسمون انفسهم نوبيين حصرا هم الاكثر استعلاء وكراهية لانفسم واهلهم وبما لايقارن ببقية الشماليين، وهذه حقيقة وحقيقة مرة، اعترف بها كانسان ملم بالموضوع ده.
هؤلاء قبليون متطرفيين حد الشطط في قبليتم، ولهذا فهي قنبلة جديدة من الورقة مكتملة التكوين عشان تنفجر لي قدام، بعد ما القنبلة الحالية يتم ابطال مفعولا، للاسف الشديد!
القاسم المشترك مابين مواهيم العروبة ومواهيم الحضارة هو جزام وايدز الوعي القبلي، اللي نفخو كيرو الخواجات كغزاة ومحتلين صاغو جرثومة الوعي الحالي كسلاح بيولوجي بي خبث وذكاء خارق بحق!
ده السبب اللي هم سجنو بيهو البطل علي عبداللطيف لما اصرا انو ماعندو وعي قبلي، او كيف انتماؤو للسودان كلو مما ارعب الغزاة او بولم شخ في اللباسات اولاد الكل.ب او ده السبب ليه مفردة سوداني كانت محاربة بعنف من قبلم، وعشان كده، او بالذات في اقصي الشمال وتحديدا مواهيم الحضارة الحاليين، كانو يتاففو لدرجة الواحد فيهم كان بيمسك نخرتو زي ما تقول لما يسمع مفردة "سوداني" الكانت شتيمة موازية ومساوية لي مفردة "فرخ" في قاموس اهل الشمال، لحدي قريب ده!
اذن الوعي القبلي هو اساس السرطان الحالي المنتشر في جسد الشعب السوداني الذي بلغ مرحلة الدولة متخطيا مرحلة التكوين القبلي منذ الاف السنين وللمرة الاولي في تاريخ البشرية يا لسخرية الاقدار بحق!
اذن الحايمين بي جزام الوعي القبلي لو دينكا، ولانوير، زغاوة، ولا برتي، محس ولا دناقلة، جعل ولا شوايقة، هم اساس النار المولعة من نصف قرن في الشمال، والنار الولعت من جديد من يومين في الجنوب.
الي الجحيم فليذهب جزام الوعي القبلي ياخي، وحريقة تحرق الحايمين بالمرض ده ياخي، كرهونا السودان ياخي، شمال وجنوب!
معزتي.
| |
|
|
|
|
|
|
|
|
|
Re: معارك طاحنة تدور حول تاريخنا في اليوتوب، والسودانيين اخر من يعلم! (Re: Bashasha)
|
شكرا الارو نبيل على هذا الفضل ومساك الله بالخير والسعادة .
سوف اسبب لك رفضى للمساس ببشاشا لانه شيخنا واستاذنا ومعلمنا و لانه ركن للتاريخ وبس للوعى بهويتنا المتنازعة ،ومن الذين يتابعون كتاباتو وماذا قالوا عنه ؟
سوف اتحدث معك كالسابق بالتلفون فى كل مااوردت من نقاط .
وونوبا سلام وونبيلو سلام ووبشاشا سلام ان نشى ملى سلام .
واسعد الله مساءك وكل حياتك ياقريبى .
| |
|
|
|
|
|
|
|
|
|
Re: معارك طاحنة تدور حول تاريخنا في اليوتوب، والسودانيين اخر من يعلم! (Re: Bashasha)
|
اعلان هام
الي الزملاء الاعزاء:
محتاجين فورا لي مترجمين في الخيط ده.
صعب جدا زول واحد يقوم بالرصد، التحليل والترجمة في ان معا.
هذا الخيط حيستمر لفترة طويلة، وسنقوم بعرض عدد من الافلام اوعدكم وعد صادق بعضا من المواضيع الحنعرضا، حتخلي بعضكم يشهق من الدهشة، زي ماحصل لي رغم كل السنين الدخلتاها في المجال ده.
نعم هناك مواضيع اخري هامة سنفرد لها بوستات خاصة، ولكن الغالبية من الافلام الموجودة في القناة بتاعتنا حنقوم بعرضها هنا.
المشاركين في المواضيع دي من حول العالم، بعضهم مساهماتم حقيقة عالية المستوي.
المواضيع الحنفرد ليها بوستات خاصة، متعلقة:
1) تاريخ المراة السودانية الفريد بحق.
2) مرحاكة جدنا شبكة الاضحت مزار عبر البحار.
نعم افواج طلاب العلم بقيادة اساتذة متخصصين بيقطعو المحيط ويحطو الرحال في لندن، ليذورو المرحاكة العجيبة دي الفيها منحوت اصل نظرية انشتاين بتاعة:
The Unified Field Theory
3) معجزة الMelanin اي المادة المسؤولة من سواد بشرتنا اها الموضوع ده تحديدا خلاني اشهق!
4) جاري الاعداد.
| |
|
|
|
|
|
|
|
|
|
Re: معارك طاحنة تدور حول تاريخنا في اليوتوب، والسودانيين اخر من يعلم! (Re: Bashasha)
|
بهذا نتوقف عن الارسال.
الي حين عودة لنبدأ الشريط الثاني، اللي حيكون مناظرة من عدة حلقات حول سفر مارتن برنال الشهير الضخم:
اثينا السوداء.
اللي بدور حول موضوع اثر الحضارة السودانية او دورا المحوري في تشكيل الحضارة اليونانية مهد الحضارة الغربية كلها.
طبعا في ادبيات المركزية الاوربية حتي التيار المعقول داخلو، فالصيغة المستخدمة او المصطلح هو في العادة Egypt او لو بالغو افريقيا، افريقية، اسود، سوداء، وماشابه ، نعم هكذا مبهم ومبني للمجهول او جوا الكلام حتي ترد الاشارة لي نوبيا او السوان بي خجل.
مارتن برنال طبعا كسامي عندو معاركو الخاصة بيهو داخل اطار المركزية الاوربية، وفي هذا السفر هو حاول يوظف انجازات المدرسة السودانية اي الافريقيىة بقيادة انتا ديوب لي مصلحتو هو كسامي لتصفية بعض الحسابات في دفتر الصراع التاريخي مابين اليهود واليمين المسيحي.
نعم ماتنسو كيف هذا الصراع هو المحرك الاساسي لي عجلات قاطرة التاريخ في العالم الحالي وعلي مدي ال600 سنة الماضية.
وبالذات كيف في امريكا هناك تحالف سياسي غير معلن في مجال العمل السياسي مابين اهلنا افارقة امريكا واللوبي اليهودي، حيث تمكن اليهود الامريكان من توظيف قضايا الحقوق المدنية توظيف ذكي وخلاق لمصلحتم هم، في مواجهة اليمين المسيحي، او بالتالي استفادو فائدة ضخمة من حركة التحرر السوداء في امريكا، بل في بعض الجوانب استفادو باكثر من افارقة امريكا انفسم!
نعم شغل الخيل تجقلب والشكر لي حماد، وان لعبو دور مقدر من خلف الكواليس!
اما حركة المركزية الافريقية فعلاقتا بصفة عامة باللوبي اليهودي متوتر بعض الشئ ولكن في صمت لانو قطعا هناك تعارض فيما اتصل بي كمت مابين المدرستين.
اذن عمل مارتن برنال الضخم وهو اكاديمي ضليع، خلق ارضية جديدة مابين التيارين، وهذا واضح في اطراف المناظرة، حيث اصطف برنال ورواد المدرسة السودانية اي الافريقية في صف واحد ضد ممثلي تيار اليمين المسيحي المتطرف في المناظرة دي وهذا طبيعي!
نعم بينما ناسنا لسا بكدو في باقي العضم الرمو ليهم الخواجات بتاع مايسمي بي حضارة كرمة، مارتن برنال مرق بالحضارة السودانية الي قلب اوربا ذات نفسها يا للهول، متخطيا كمت مهد ومكان ميلاد حضارتا الحالية المهيمنة علي عالم اليوم!
عشان كده ردود الفعل كانت كبيرة في اوساط الجانب الاخر من مدرسة المركزية الاوربية، ولكن كونو مارتن برنال سامي، فمن الجانب الاخر ده خلاهم يعملو حسابم لانو الزول سيد بلد!!
معزتي للجميع والي حين عودة.
شلوم!!
| |
|
|
|
|
|
|
|
|
|
Re: معارك طاحنة تدور حول تاريخنا في اليوتوب، والسودانيين اخر من يعلم! (Re: Bashasha)
|
عزيزي القارئ،
حنواصل بعض الشئ هنا قبل ما نرفع الفيديو التاني وهو مناظرة حول سفر مارتن برنال الضخم حقيقة، بعنوان:
اثينا السوداء.
ولكن انا بترجم اثينا السودانية، لانها بحق سودانية. نعم ماعاد صحيح او مواكب استخدام مصطلح اسود هكذا، دون وضع وجه محدد يمثل الانسان الاسود بي صورة مباشرة.
نعم السودان الحالي هو الممثل التاريخي الحقيقي، "الشرعي" بي لغوة الدواعش، للسود والجنس الاسود.
ساكتفي بي بعضا من مداخلتي الكثيرة جدا في هذه القناة، ثم بعضا من ردود افعال، مصريين وسودانيين، اللي شرطو عينا بحق!!
| |
|
|
|
|
|
|
|
|
|
Re: معارك طاحنة تدور حول تاريخنا في اليوتوب، والسودانيين اخر من يعلم! (Re: Bashasha)
|
ادناه ردي علي اللاخو الفوق:
K BashashaNov 27, 2014
1
Edit
Gir Gir Gir!
Dear reader, my fellow Nubian above as you can see don't want anything to do with "Niggers" or blacks, which to him means "Slaves"!
Yes while calling himself "Sudanese"!
Keep in mind dear reader how "Sudan" which is an Arabic word literally means "Negro" or Black in English!!
Here comes the questions why is such profound "Paradox", and what this has to do with Euro-centrism and the war that is wagging right here on this thread?
Yes what this kind of mindset among the Nubians of today has to do with the genocide that's taking place in today's Nubia where over 7,000,000 already lost their lives?
understanding all of this, this is why i put a lot of time here!
Yes Arabs and European conquerors lead by the dirty Brits and the Egyptians are the one who structured today's Nubia from (1821 to 1956) using the above mindset of self hate among today's Nubians who are in a "Comma" suffering a severe identity crisis, due this kind of hijack of their identity by Whites!
up to the 1950s the Europeans used to depict and present Nubians as "Slaves" and good Soldiers!
As I said repeatedly here they literally took over Nubian history claiming it was founded by Whites!!
The guy who said this was crowned as "Father Of Nubian History"!
Do you see the correlation between the war here on this thread and the tragic civil war back in Nubia, as a direct result of this kind of hijack by Europeans and Arabs in general of Nubian legacy?
Of course the blame rest with us we Nubians or Blacks in general and never, ever Whites or Arabs!
No they are not responsible! they did whatever they did to advance their interest and this is their absolute right!! I'm only trying to explain what happened and how it happened!
| |
|
|
|
|
|
|
|
|
|
Re: معارك طاحنة تدور حول تاريخنا في اليوتوب، والسودانيين اخر من يعلم! (Re: Bashasha)
|
المشاركين في المناظرة:
مدرسة المركزية الاوربية:
Mary Lefkowitz
ابرز اعمالها:
1997,NOt Out Of Africa
تغريبا تمثل ابرز وجه الان في امريكا لمدرسة "النموذج الاري" كما اسماه، مارتن برنال، وهي المدرسة اللتي قامت بالانقلاب علي نظرية الاصل الافريقي للحضارة ابتداءا من القرن ال18م، واستبدلتو بي فبركة الاصل الاري للحضارة.
فيما قبل القرن ال18م اللي كان سائد هو المدرسة الاغريقية اللتي ارست مفهوم الاصل الافريقي للحضارة.
مدرسة لوفكويتز هذه، ويالسخرية الاقدار هي المسؤولة من صياغة المقرر الحالي الرسمي في جمهورية السودان، في مجال تاريخ السودان القديم، لو ممكن تصدق او حتي تتخيل عزيزي القارئ!
نعم اليمين المتطرف في امريكا هو من وضع المقرر الحالي لتاريخنا!!
في كتابا المذكور اعلاه هي ركزت الهجوم علي عمل كبير انجز في الخمسينات بواسطة بروفسير George G M James بعنوان Stolen Legacy، وهو عن الاصل السوداني(المصري) لمايسمي بالفلسفة الاغريقية، وبعضا من اعمال بروفسر يوسف بن جكنان استاذي.
طبعا هي تحاشت التصدي لي اسهام العلامة ديوب!
العلامة ديوب يظل ابرز وجه في مجال تاريخ السودان القديم علي مستوي العالم لاغرو، ولكن الي اليوم اعمالو لم تصل السودان كبقية رفاقه في المدرسة السودانية.
| |
|
|
|
|
|
|
|
|
 Re: معارك طاحنة تدور حول تاريخنا في اليوتوب، � (Re: حاتم إبراهيم)
|
عزيزي القارئي،
نعود باقي اليوم ده بعد غيبة عن هذا الخيط، لاهمية الفيديو القادم، وانا اوعدك الشريط الجاي حيخليك تفقر فاهك، كما فعلت وتريل عديل كده!
نعم خلي جك الموية جمبك!
نعم قنا الوعي الكوشي نزل من المدرجات، واجتاح شوارع امريكا بي صورة صعب انا لي روحي اصدقو، وقد عايشت البدايات الاولي لتمارين الاعداد للنزول للشارع، في امريكا وذلك اواخر الثمانينات واوئل التسعينات.
نعم مع حلول ظلام المشروع "الحضاري" في السودان يا للعجب!
اذكر وانا يافع في دنقلا تحذير كباري من ساعة الغروب، اللي اخد مني عمر عشان ما افهمو، في مرجعية ثقافتنا الروحية، وشكرا لامريكا واهلي افارقة امريكا، اللي تعلمت منهم كل سطر خطه يراعنا في هذا الفضاء.
الشريط الجاي حقيقة مرعب!!
وهو نموذج فقط!
سنبدا بتقديم الرجل المسؤول من هذه الحركة باختصار شديد، ثم ندلف للشريط او الاشرطة!
امسكو الخشب، ولاعذر لمن انذر!!!!!!!!
| |
|
|
|
|
|
|
|
|
|
Re: معارك طاحنة تدور حول تاريخنا في اليوتوب، � (Re: Bashasha)
|
مرحب بيك العزيز حاتم،
مشكور جدا للاستجابة لي موضوع الترجمة وهذا حيكون باذنه عمل كبير، لما ننشئ قناة الوعي الكوشي علي اليوتوب كمقدمة.
هناك كم هائل جدا جدا من المعلومات عن تاريخنا، في اليوتوب تحديدا ولكن مافي منو ولا سطر بالعربي للاسف الشديد.
غرضنا نصل الغبش في شوارع السودان، وسنصلم باذنه.
حاوفرك للاشرطة المهمة الجاية في الطريق.
| |
|
|
|
|
|
|
|
|
|
Re: معارك طاحنة تدور حول تاريخنا في اليوتوب، � (Re: حاتم إبراهيم)
|
الفاتح شلبي تحياتي ومرحب بيك،
نعم لي روحي، لما اجي المنبر ده وانا طالع من اليوتوب، حقيقة ببقا محتار مابين الضحك علي حالنا، والبكا!
نعم الدنيا دي كلها من حولنا مشتعلة معارك حول ارثنا الثقافي وتاريخنا، او احنا الي هذا التاريخ نردد كلام مضحك، واسما عجيبة غريبة، كمرجع لي كل شئ في حياتنا!
عادي بلقا روحي من دون مااعرف، من الامازيق والطوارق، مارقا لي اليابان، مرورا بالهند والصين، نعم شغل دقش او خبت اصلي حول تاريخ هذا السودان، الارث الهامل الماعندو سيد، وبالتالي الاخرين هبروهو، هبر، ضحي او نصة نهار!
واحد من امازيق الجزائر، شابكني انتا كنوبي، "عبدن" الي اليوم، دعك من عصر "الفراعنة" وليس الا، مقارنة بامثاله من قدماء "المصريين" افتراضا!
قلع عديل!!
المؤلم احنا سياد الشي زاتو ماجايبين خبر!
هذا مخيف، بحق!
قدر ما اتلفت مابلقي ريحة سوداني، في المعارك دي، وهذا مؤلم بحق، يحدث عن الكثير جدا، من الماساة العايشنها كشعب، وبلد، بالحق هو دائرة مركز هذا الوجود، يا للهول!!
بقول كده لانو في بالي، لي ياتو حد السوداني، او بعد ده كلو يكره من هو، لانو لايدري حقيقة من هو!
هذا يثبت فقط وبما لايدع اي مجال للشك، عمق الهوة، نعم عمق البير البشخر في قاعو هذا السوداني الفاقد للوعي، والعالم يصطرع من حولو، حول ارثو، هو!
| |
|
|
|
|
|
|
|
|
|
Re: معارك طاحنة تدور حول تاريخنا في اليوتوب، � (Re: Bashasha)
|
ننتقل الان لموضوع الفيديو القادم:
الشريط القادم، بصور مهرجان لاهلنا افارقة امريكا في نيويورك، وهؤلاء بمثلو طائفة بعينها، بدات في الستينات كطافة اسلاموية، وبالتدريج تحولت الي مجتمع يتبني الوعي الكوشي ابتداءا من اوائل التسعينات تقريبا.
مؤسس هذه الحركة، جذورو تعود الي السودان ودنقلا تحديدا حسب كلامم هم.
باختصار مؤسس هذه الحركة الان في السجن!
نعم مؤبد اي مدي الحياة!!
والتهمة، اغتصاب!
طبعا ماعندي فكرة بالضبط عن الحصل، ولكن المهم هو ما انجزو هذا الرجل وهو دكتور منذ 1967م.
هناك صراع عنيف جدا وحامي بين اجنحة وتيارات حركة الوعي الكوشي في امريكا علي مستوي الشارع اي الافراد العاديين بي صورة تدعو للزهول بحق، مما يؤكد مدي تجذر وانتشار هذه الحركة وهذا التيار، اي تيار الوعي الكوشي علي مستوي الشارع اي الافراد العاديين في شوارع امريكا، بالذات شرق امريكا.
| |
|
|
|
|
|
|
|
|
|
Re: معارك طاحنة تدور حول تاريخنا في اليوتوب، � (Re: Bashasha)
|
طبعا ديل هم "انصار الله" سابقا، المعروفين في نيويورك، وعلاقة دكتور يورك بالسودان نابعة من كونو احد ابناء الهادي المهدي، حسب ماتم ترديدو.
اذكر زمن سودان نت، اي قبل قرابة العشرين سنة كان معانا عضو من انصار الله.
المهم في الموضوع ده، كيف هذا الرجل او جماعتو تحولو تماما من الوعي الاسلاموي العروبي والي مشارف الوعي الكوشي.
هذا يوضح ويشير للمتوقع في السودان في السنين القادمة، للاسلامويين!
بالذات كلنا شهود علي التحول الذي طرأ علي اهلنا من "ال العباس" الاصبحو كوشيين، واول الغيث قطرة!
الاسلام السياسي العروبي في اوساط اهلنا افارقة امريكا ابتدأ يتهاوي تماما، بل اكتر من كده الوعي الكوشي جرف اهم تيار، المتمثل في حركة الايجا محمد، Elijah Muhammad اي الحركة القدمت للعالم مالكوم اكس، ومن ثم لويس فراكان.
حنجي للحتة دي لانو حركة فراكان طلائعا الان تيار قوي داخل حركة الوعي الكوشي، وان كانو مصرين كيف اسلام الثقافة العربية بي رمتو، او خام كـــــــــوشي!
نعم مشو مشوار بعيد جدا في الحتة دي.
من دون مانطلع برا الموضوع، باختصار شديد مايحدث الان في شوارع امريكا بين اهلنا افارقة امريكا، سيحدث في السودان، وهذه نقطة مهمة للغاية!
نعم في 2117 شوارع دنقلا دعك من الخرطوم حنشوف فيها مواكب زي اللي في الفيديو اعلاه، وقطع شك اركان النقاش ستتحول في مؤسساتنا كمان تاني 40 سنة الي منابر لي تيارات الوعي الكوشي القادمة لا محالة!
دي مناظر فقط للجاي في السودان!
سنعطي نبذة صغيرة عن التيارات الاساسية ونماذج من طرح رموذا، في حركة الوعي الكوشي، اللي الان بدا يتمدد حتي داخل اوربا من امريكا وبالذات بريطانيا.
| |
|
|
|
|
|
|
|
|
|
Re: معارك طاحنة تدور حول تاريخنا في اليوتوب، � (Re: Bashasha)
|
عزيزي القارئي،
عشان ماتنسي او تركز معانا، بنتكلم عن حركة مش مجرد طرح، وقع ليك؟
نعم بنتكلم عن الشارع مش المدرجات وقع ليك؟
نعم عن سلوك مش تنظير ختيت بالك؟
نعم سلوك علي مستوي مجتمع باسره، منفصل تماما من الحولو!
نعم من حيث العددية مقارنة بي سكان مدينة كبيرة، فالعدد صغير نسبيا ولكن هذا لايهم اطلاقا.
نعم ده كلو، ومجرد الفكرة الي الان لم تصل السودان، وموضوعنا كلو هنا!
الســـــــــــــــــــــــــــــــؤال الابدي هل ده صدفة؟
ام هذا هو سر العالينا كشعب؟
اي تصور اخر لي مشكلتنا كشعب سوداني، ايا كان، اعلم انو نتيجة فقط، وليس سبب اطلاقا!
المحرك الاساسي لي بلاوينا ماسينا الذي لايتحرك، هو ازمة الهوية، ولاسبب اخر!
اكبر دليل هو كارثة مايسمي بالمشروع "الحضاري" يا للنكتة بحق!
نعم من شدة ما السوداني مطشش، مغمت، مودر، تايه، رايح، هاهو مشك، امباز، مريسة وعي العبودية، عبوهو او باعو ليهو، كمشروع "حضاري"!
كنتيجة البلد ولعت!
ليه؟
كنوع من المقاومة الطبيعية، الجينية، الغريزية، من جينات مكون الجسد الثقافي لي ارثنا الحضاري لهذا الغزو الفيروسي الاجنبي!
نعم الحمي كمثال هي انعكاس وتجسيد لي مقاومة جسد الفرد منا، اي المناعة الطبيعية للفرد منا للفيروس او المصيبة الجات غازية الجسد!
نعم مايحدث الان في السودان، هو مقاومة عنيفة جدا من جسد ارثنا الحضاري لهذا الفايروس الوافد!
علي كده، واحد من اتنين:
يا حتموت كنتيجة لهذا الغزو الفيروسي الاسلاموي العروبي، ياكمان جسد ارثك الثقافي سيتمكن من قتل هذا الفايروس ليسلم هو، والما بكتلك قالو بقويك، مش كده برضو؟
البعرفو، ككوشي او بالقلب مش بالحواس الخمس، نحن كشعب، كارث حضاري، سنقضي علي هذا الفيروس، قضاء محكم ونهائي، وان كنت لا ادري كيف بي منطوق الحواس الخمسة، او متين!
اذن عزيزي القارئي ركز معاي وحتشوف في مراة اهلك في امريكا، القادم، في قادم الايام، الشهور، السنين، القرون!
نعم بعد الرزوح لاكثر من 400 سنة في اغلال العبودية هاهم زي ماشايف في شوارع امريكا، حايميين بي اعلام البعث القادم لامحالة!
لاحظ انا بتكلم بي صيغة، الجسد، المناعة، وماشابه!
ليه فكرك؟
لاننا في حالة غيبوبة، وعينا محتل، وبالتالي احنا الان بنقاوم ولكن بي صورة الية ميكانيكية ايوا جسدية، وغريزية، علي مستوي اللاشعور فقط، اومش بالفكر او الوعي الواعي!
وقع ليك؟
| |
|
|
|
|
|
|
|
|
|
Re: معارك طاحنة تدور حول تاريخنا في اليوتوب، � (Re: Bashasha)
|
نجي لي تيارات حركة الوعي الكوشي في امريكا:
ده موضوع كبير صعب نغطيهو في مداخلة او حتي بوست.
قنا حركة الوعي الكوشي كطرح اكاديمي مقاوم لي هجمة الغزاة الاوربيين بدات في امريكا منذ القرن ال19م وبلغ قمتو في المدرجات اي اكاديميا في الثمانينيات، او نزل شارع الله اواخر الثمانينات واوائل التسعينات.
التيار العام الاساسي اكاديمي يتقدم صفوفه باحثين من حملة الشهادات العليا، وهو يركز علي افريقيا بصفة عامة وخلفية هؤلاء الغالبة مسيحية.
اها لما الوعي الكوشي تحول الي حركة جماهيرية او نزلت الشارع العريض، وبحكم حمية المناظرات، برزت تيارات عديدة، علي راسها تيار العبرانيين اي الاسرائيليين، وهؤلاء لاعلاقة لهم باليهود البيض او الساميين.
التيار ده في حالة صدام متواصل احيانا عنيف مع التيار الاساسي العام، لانهم بميلو لنقل كمت اي مصر بي رمتا لي سومر، بابل، وماشابه، والسبب الاساسي للحساسية دي هو خلفيتم التوراتية من حيث "الدين" .
التوراة او اليهودية بعامة وكذلك المسيحية الاوربية والاسلام العروبي تنطوي علي حرب لاهوادة فيها وعداء محكم علي كل ماهو كوشي، وهذا طبيعي كصارع حضارات تبيد ماقبلها لتسود هي، من جهة، ومن الجهة الاخري الطبيعة المادية البدوية للثقافة الارية بعامة اي القوقاذية او البيضاء، حتي فيما بين اجنحتا الثلاث.
تبلور هذا العداء الحضاري لكل ماهو كوشي بي صورة واضحة في العصر الروماني ابتداءا من القرن الرابع الميلادي، عندما انطلق "الجهاد" المسيحي تحديدا ضد التصوف الكوشي الحالي، اللي وقف حجر عثرة في نظر الرومان امام تثبيت المسيحية تحديدا.
قلنا الكلام ده لانو تاني الخلفية دي حتجي دافرة لما نتناول التيار الاسلاموي داخل الوعي الكوشي.
باختصار اخوانا العبرانيين اي الاسرائليين ديل "الفلاشا" مشكلة كبيرة جدا او حقيقية في حركة الوعي الكوشي الان واللحظة لانو طرحهم ضبابي او ماواضح كنتيجة لي ارث الصراع المكتوم الطويل مابينا والساميين بعامة لو في بطون الكتب ام الصراع المادي العسكري سوي هكسوس او اشوريين في العصر الكمتي.
نعم هناك بلبلة لاحد لها في اوساط هؤلاء.
التيار الثاني هو تيار "المورز" اي الطوارق من طارق ابن زياد، والرجل كان افريقي او مش بالمعني المتداول الان لي مصطلح طوارق.
التيار الثالث هو تيار الاسلامويين بعامة وبالذات جماعة لويس فراكان، وهؤلاء ايضا في صراع مستمر مع التيار العام اللي برفض الاديان التلاتة او بنظر ليها كارث ثقافي اري وان كانت جذورا كوشية.
بصفة عامة حركة الوعي الكوشي ترفض مفهوم "دين" وتصر علي مفهوم "روحي".
التيار الرابع هو تيار النوبة اعلاه، وهذا للاسف صراعو كمان اعنف مع التيارات الاخري بالذات التيار العبراني!
من الجهة الاخري هناك خط ثالث، روحي اي صوفي بي مفرداتنا ولكن علي الطريقة الاوربية المسيحية بحكم البيئة وهذا طبيعي.
...يتبع...
| |
|
|
|
|
|
|
|
|
|
Re: معارك طاحنة تدور حول تاريخنا في اليوتوب، � (Re: Bashasha)
|
نبدا سلسلة التعريف المبسط بالمدارس المختلفة في حركة الوعي الكوشي ب"النوابينز" اي النوبة حسب تعريف أبرز ممثل لهذا التيار اللي عمرو لم يتجاوز ال25 سنة وفي رواية اخري البعض ذكر انو عمرو 19عام فقط.
هو أحد أبناء مؤسس الحركة اللي حكم عليه بالسجن المؤبد.
اسم او لقب هذا الشاب الامير يورك.
قال اصولو من دنقلا وهو علي اتصال كما ذكر بي اهلو هناك وقد زار المنطقة كما فعل والدو اللي تنقل داخل السودان واسوان بغرض البحث العلمي.
ابرز إسهام للمجموعة دي حسب كلامم الذي لم اقم بتقصيه او تمحيصو انهم بستخدمو اللغة النوبية لقراءة ال"مدونتر" اي الهيروغليفية وهذا انقلاب ونقله ضخمة جدا لو كانت حقيقية لوتعلمون!
الغريب الخطوة دي اغضبت البعض في الخط العام ولا ادري لماذا!
نعم البعض في الخط العام مصر انو النوبة ديل ابتدعو لغة جديدة وهذا مدهش بالنسبة لي او محير!
معليش ما في وكت لبحث وتقصي كل هذا بالاتصال المباشر.
بنحاول نكون فكره عامة في الاول.
النقطة الثانية وهي مثار خلاف أيضا تتعلق بطرح حركة النوبة المتصل بالتاريخ حيث تركز هذه الحركة علي عصر ما قبل الاسر مع النظر ضمنيا لعصر الاسر كتيار مصري غير نوبي بي فهم اليوم وهذا مدهش بالنسبة لي وعجيب!
لذلك دي نقطة اخري بتادي لاشتباكم مع الخط العام!
حنجيب شريط كنموذج لطريقة تفكير وامكانيات هذا اليافع الكبيرة بحق وان كان مغرور بعض الشي بحكم السن والشارع الامريكي القاسي جدا جدا بي طبعو.
في الختام عزيزي القاري عايزك تتأمل وتسرح بي خيالك حول التمن الدفعناهو كشعب ساكين هموم وقضايا الاخرين كالفلسطينيين عمرنا كلو بدل الاهتمام بامثال هؤلاء كسفراا وممثلين لي شعبنا حضارتنا دولتنا بلوشي في امريكا كأكبر لوبي داخل امريكا لهذا السودان المنكوب فوق لي أفواج السياحة لميات الألوف وفي صدارتم نجوم هوليوود من امثال وللي اسمث الهيج المصريين في زيارتو الأخيرة!
انا عارف بقول في شنو!
المردود كان بكون خرافي خرافي!
ياللمغسه بحق!
| |
|
|
|
|
|
|
| |
adil amin
Mohamed Yahia Mahjoub
Bashasha
محمد على طه الملك
nabielo
فقيرى جاويش طه
أحمد ابن عوف
حاتم إبراهيم
الفاتح شلبي
فيس بوك
تويتر
انستقرام
يوتيوب
بنتيريست