|
Re: الفاتح ميرغني ..مابين ..المشارق وعصاري كردفان (Re: محمد فضل الله المكى)
|
..........في حُب كردفان.............
(أُلقيت في إجتماع الجمعية العمومية لأبناء كردفان بالدوحة. وفاق الحضور الخمسمائة شخص يتقدمهم سعادة السفير)
نزل الرُشاش والدُنيا فِرْحَت بالرزاز هبَّت فجُر ريْحةَ الدُعاش و غِشت ديار ناساً عُزاز والنال يعطِّر كُل فضاءاتنا ويدوبي البَهَمُو راز كم فرهد القش في الخلا ومن الفرح جَدَّع صِفيقاتو الحراز
إن جا الميعاد وتم العِداد بنسير جماعات للبلاد شايلين تواريبنا وأملنا وقريبة مويه زرقا حِبيبه زاد وافراحنا ضُمَّه مُؤجَّله لامِن يحين وقت الحصاد أبشِر خريفك ابو السِعِن صُرفه وجراد
نُودِع تواريبنا الأرِض رويانه بي مطر الضُراع ما أمانه عِندِك يا أرِض صاينه الأمانه من الضياع كم كُنتِ عَطّايه وأبَدْ ما فينا زولاً ضاق وجاع حاشاكِ حاشاكْ يا أرِض ما فينا زولاً عِرضُه باع راقدين قفا, ما كُلكُم راعٍ وإنتِ الفينا راعْ
النتره جات صاقعه وبرِق ليلاً دُهَم ,عبادي يتلاصف وادينا القبيل عطشان غِرِق شِيتاً كتير ما بِتْلَحِق قبل الشروق قَبِّل شَرِق شوف ام رِويق كان شايله والمربط عِجيل سرايه تبكي نهار وليل والضحوي يدفِق خير كتير وابيارنا تصبح سلسبيل يِتشابى لشَّمِس الخدار أصبح يِطاولَ المُستحيل ما رِوى وقِوى وصِبحت سنابْلَ العيش حِمِل حر الدرت بِتزيد نجاضو ويكتمِل لَبَنه وفريك والليله ديك خبتت دلاليكنا وفِرِحنا وطمبرو الطمباره غنو بناتنا يُمه عريسنا سار سوط العنج فوق اليمين مِتوشِّح السيف باليسار بُكْريتو دُخلةْ سِتنا وعُقباً عَقِد آمني ومنار حِنتنا كبريتنا وضريرتنا البخور ما خلاّ دار
جانا الدَرَتْ حامدين وشاكرين الإلاه على نِعمتو الظهرت بدت نِحنَ وعيالنا وكُل حياتنا اتبدَّلت قاعدين ندوبي سِعِن مِندِّي حِدانا كورة روب كبيره وعنقريب هبّاب تِحِت شِدرة تبلدي حاضنه مويتنا في حشاها وفي الحنايا مُعطَّره ومُحلَّيه مازجاها بي طعم اللِحايه يا حلاته رَوَى وبرود ودوا ومِحايه نجده في الصيف وبلَّه للريق راويه للضيف وفاكه للضيق ما هِي نِعمه وما هِي آيه
حنينه زي شِدرة هشاب راكزه من كمين سنين أجواده لو جرحوها بي فاساً سنين سالت دِموعه ورقرق البلور بيتراقش لآلي تضوي نور صمُغ أبيض وحيناوي وكعاكيل السرور كِريستال....لا وألماس ....لا صمُغنا عِقِد يِزَيِّن جيد بنات الحور
وعم مختار ضِحِك بِعاين في مَسُورو ضِحِك بانن سِنونوصُفُر وفاطرو الفِضه متروم من كُتُر ما ضحكتو الجلجاله عدّت بالفريق القايله واتردد صداها عَصُر لِبِس سكينو واتلفَّح بتوب بنقالي علَّق لي حِميرو دُخُن عصيدةً حاره فكَّ الريق مُلاحه لبن وحَبَّس بي منعنع شاي من إيد فاطنِي ريْقَه عسل كلامه عجن واتنحــــنح ينصُر دين أبوك يا فاطْنِي يا طاعمة طعام إتِّ ومعسولة كلام إتِّ وما طِيبة سلام إتِّ وما عالية مقام إتِّ وتب ما فيكْ كلام يا فاطنِي خاتيه القول وماك سِت البنات عارفه الأُصول يا فاطنِي ما سموك على بت الرسول
ياااااااااااااااااا فاطنِي
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: محمد فضل الله المكى)
|
Quote: ن جا الميعاد وتم العِداد بنسير جماعات للبلاد شايلين تواريبنا وأملنا وقريبة مويه زرقا حِبيبه زاد وافراحنا ضُمَّه مُؤجَّله لامِن يحين وقت الحصاد أبشِر خريفك ابو السِعِن صُرفه وجراد
نُودِع تواريبنا الأرِض رويانه بي مطر الضُراع ما أمانه عِندِك يا أرِض صاينه الأمانه من الضياع كم كُنتِ عَطّايه وأبَدْ ما فينا زولاً ضاق وجاع حاشاكِ حاشاكْ يا أرِض ما فينا زولاً عِرضُه باع راقدين قفا, ما كُلكُم راعٍ وإنتِ الفينا راعْ |
و المكي ياسلدام عليك ياسلام ويانت يااااااخ لينا طولة وواصل في حب كردفان
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: البحيراوي)
|
تحياتي للجميع ورمضان كريم
الواطة عصرّت والرزق سبح علي قول جماعتنا وسيد الجالبة قرن أم جردوق وعُِنى بيها المراح بره تالا سوق الحاجر بولاية جنوب كردفان . وشكراً يا ود العمدة محمد عبد الرحمن . وقعط شك زرقنت السماء دي بعقبها المطر أم هرماس.
بحيراوي
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: باسط المكي)
|
عريس العصارى
أخى باسط
المتداخلون الكرام
عيد سعيد وكل سنة وانتو تامين ولامين وكردفان راشه ومويه داشه وخضرة باشه
أشكر اصدقائى ودشيقوق وايهاب على السؤال وربنا يديم المودة
طرينا مشوار العصارى ورقشة الورد البرارى والله الشوق كتلنا والغربة كبلتنا والذكريات ما احلاها وهى تنساب رقيقة من صور البوست من ابوجبيهة وتالودى
أذكر اننى ترافعت وانا محام يافع لم يرخص لى بالظهور امام المحاكم الا استثناء فى مدينة كالوقى الجميلة الرابضة فى حدود جنوب كردفان "الشرقية" وقتها اتيت من الكلية وانا متشبع بالقانون الجنائى واجراءاته
من بطون المراجع وافواه الافذاذ من محاضرى القانون وكانت قضية شائكة ومعقدة وتعج بالبينات الظرفية وكنت امثل الدفاع وفى الجانب الاخر الاستاذ الفطحل دلدوم الختيم وأحمد الله ان قيض لى النصر وبرىء
المتهمان " الزوج والزوجة من دم الزوجة الضرة" وكان الابن الاول لهما بعد البراءة اسمه يحيى واظنه يبلغ من العمر 31سنة بالتمام......وأحيى فى هذا المقام الزميل ابوالحسن مالك الذى منحنى شرف الظهور
امامه وهو يترأس المحكمة الكبرى
مهما قلت فى كردفان لن اوفيها ولو القليل من الجمائل التى طوقت عنقى بها من خبرات ومعارف وجمال ملأ منى الروح والفؤاد وخصائل أحمد الله اننى حافظت عليها وبها اتنافس مع المتنافسين
ليبقى هذا البوست عاليا حتى نزف الاخ الفاتح ميرغنى عريسا ونقدل به فى شارع القبة
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: باسط المكي)
|
عريس العصارى
أخى باسط
المتداخلون الكرام
عيد سعيد وكل سنة وانتو تامين ولامين وكردفان راشه ومويه داشه وخضرة باشه
أشكر اصدقائى ودشيقوق وايهاب على السؤال وربنا يديم المودة
طرينا مشوار العصارى ورقشة الورد البرارى والله الشوق كتلنا والغربة كبلتنا والذكريات ما احلاها وهى تنساب رقيقة من صور البوست من ابوجبيهة وتالودى
أذكر اننى ترافعت وانا محام يافع لم يرخص لى بالظهور امام المحاكم الا استثناء فى مدينة كالوقى الجميلة الرابضة فى حدود جنوب كردفان "الشرقية" وقتها اتيت من الكلية وانا متشبع بالقانون الجنائى واجراءاته
من بطون المراجع وافواه الافذاذ من محاضرى القانون وكانت قضية شائكة ومعقدة وتعج بالبينات الظرفية وكنت امثل الدفاع وفى الجانب الاخر الاستاذ الفطحل دلدوم الختيم وأحمد الله ان قيض لى النصر وبرىء
المتهمان " الزوج والزوجة من دم الزوجة الضرة" وكان الابن الاول لهما بعد البراءة اسمه يحيى واظنه يبلغ من العمر 31سنة بالتمام......وأحيى فى هذا المقام الزميل ابوالحسن مالك الذى منحنى شرف الظهور
امامه وهو يترأس المحكمة الكبرى
مهما قلت فى كردفان لن اوفيها ولو القليل من الجمائل التى طوقت عنقى بها من خبرات ومعارف وجمال ملأ منى الروح والفؤاد وخصائل أحمد الله اننى حافظت عليها وبها اتنافس مع المتنافسين
ليبقى هذا البوست عاليا حتى نزف الاخ الفاتح ميرغنى عريسا ونقدل به فى شارع القبة
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: Yahia Abd El Kareem)
|
أمحُمَّد ود المكي (سفيه)بادية الجوامعة,المتوفي سنة1962 الشهير ب(محمد قيقه).كان يجوب معظم حلال الجوامعة, وكانت له ناقه مشهورة تُشاهد أينما كانت هنالك حفلة عرس أو حلقة طمبور أو لعبة،وكان شاعر دوبيت له عدة مسادير وأشعار ضاع منها الكثير وبقي القليل.
قال:
شَدِّيت العِصير قاصـد جناين بارا ليْ زولاً هناك فايتَ البنات في الداره الزول القِبيل قطع الطريق يتضارى زاد ليَّ خافِق صـدري ولَّع نارَه
وسلامتكم
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: محمد فضل الله المكى)
|
Quote: أمحُمَّد ود المكي (سفيه)بادية الجوامعة,المتوفي سنة1962 الشهير ب(محمد قيقه).كان يجوب معظم حلال الجوامعة, وكانت له ناقه مشهورة تُشاهد أينما كانت هنالك حفلة عرس أو حلقة طمبور أو لعبة،وكان شاعر دوبيت له عدة مسادير وأشعار ضاع منها الكثير وبقي القليل.
|
ود المكي كل وانت بالف خير وكل من سكن تلك الديار ... وواصل ياشفيف ..الخاطر
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: باسط المكي)
|
Quote: طرينا مشوار العصارى ورقشة الورد البرارى والله الشوق كتلنا والغربة كبلتنا والذكريات ما احلاها وهى تنساب رقيقة من صور البوست من ابوجبيهة وتالودى
أذكر اننى ترافعت وانا محام يافع لم يرخص لى بالظهور امام المحاكم الا استثناء فى مدينة كالوقى الجميلة الرابضة فى حدود جنوب كردفان "الشرقية" وقتها اتيت من الكلية وانا متشبع بالقانون الجنائى واجراءاته
من بطون المراجع وافواه الافذاذ من محاضرى القانون وكانت قضية شائكة ومعقدة وتعج بالبينات الظرفية وكنت امثل الدفاع وفى الجانب الاخر الاستاذ الفطحل دلدوم الختيم وأحمد الله ان قيض لى النصر وبرىء
المتهمان " الزوج والزوجة من دم الزوجة الضرة" وكان الابن الاول لهما بعد البراءة اسمه يحيى واظنه يبلغ من العمر 31سنة بالتمام......وأحيى فى هذا المقام الزميل ابوالحسن مالك الذى منحنى شرف الظهور
امامه وهو يترأس المحكمة الكبرى
مهما قلت فى كردفان لن اوفيها ولو القليل من الجمائل التى طوقت عنقى بها من خبرات ومعارف وجمال ملأ منى الروح والفؤاد وخصائل أحمد الله اننى حافظت عليها وبها اتنافس مع المتنافسين
ليبقى هذا البوست عاليا حتى نزف الاخ الفاتح ميرغنى عريسا ونقدل به فى شارع القبة |
الاستاذ يحي عبد الكريم كل عام وانت بخير .. ماتطول الغيبة. وواصل
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: باسط المكي)
|
Quote: الواطة عصرّت والرزق سبح علي قول جماعتنا وسيد الجالبة قرن أم جردوق وعُِنى بيها المراح بره تالا سوق الحاجر بولاية جنوب كردفان . وشكراً يا ود العمدة محمد عبد الرحمن . وقعط شك زرقنت السماء دي بعقبها المطر أم هرماس. |
البحيراوي كيف حالك ..كل عاموانت بخير اتمنيت القدلة في امهرماس .وسمعت صفقات الطنابرة ..في ليالي الصيف ..المقمرة كن بخير والف عافية
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: Yahia Abd El Kareem)
|
ونواصل مع محمد ود المكي الشهير ب (قيقه)
شدّيت العِصير قاصِد بِريقًاً قِبلِي لي ناساً هناك أحبابي هُمَّ وأهلي الزول القِبيل قطع الطريق من قبلي زاد ليَّ خافق صدري جوفي بيغلي
...........................
شديت العِصير قاصد بِريق قدامي لي ناساً هناك ناوين ودار ايامي الزول القِبيل قطع الطريق قِدامي زاد ليَّ خافق صدري قلَّ منامي
وسلامتكم
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: محمد فضل الله المكى)
|
الاعزاء الفاتح ميرغني باسط مكي ودشيقوق وكل المتداخلين كل عام وانتم جميعا بخير
الوالد غادرنا بداية رمضان لحضورالعزاء في وفاة فاجعة ال شجر وناس الابيض ضمة رحمة الله تغشاهم جميعا حيث فقدت الاسرة خمسة افراد في حادث واحد نسال الله لهم جميعا الرحمة وان يغسلهم بالماء والثلج والبرد وانا لله وانا اليه راجعون
الوالد من العزاء وواصل اكمال الشهر الفضيل بين ربوع كردفان حيث هو الان في جلد ومنها الي الدلنج فالابيض والخريف كما تعلمون ما بيتفوت في تلك الارجاء
سوف اعود لاحدثكم حديث الشجون عن غابة حلتنا زمان قبل ان تصير حي القلعة الشهير بالابيض
مودتي
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: البحيراوي)
|
يا الفاتح شكرا على جدي الريل والله دي غنية ترجع الواحد تلاتين سنة لورا اول مرة نحضر حفلة للبلوم في اب قبة فحل الديوم والبنادر والوقت داك قبل تلاتين سنة تقريبا كان البيز جيتار جديد في الاوركسترا السودانية فرقصنا مع اغاني البلوم الساحرة حتى الصباح الزمن داك ناس النظام العام لسة ما شرفوا طبعا عندما ظهر حربي ود حلتنا في الربع التاني هز عرش البلوم لانو عدادو كان اقل ويغني نفس اغاني البلوم بنفس الصوت الجميل الاثر والوقت داك ناس حقوق حق الاداء ايضا ما ظهروا يعني تجيب حربي بعداد اقل وعشاء الفنانين وغناء بعد داك للصباح
يا ود المكي حلتنا دي اول ما سكنا فيها كان لمن تعاين غرب تشوف طوالي السكة حديد وتعاين شرق تشوف الغابة طبعا ذكرني الكلام الحديث عن الشوك واقصد الضريسة والحسكنيت الضريسة بتكون في الرملة يعني تدخل ليك في رجلك تحس بالم من راسك حتى اخمس رجلك وهي تظهر مع الخريف والخطورة انها لاترى لانها تشبه لون الحشيش الذي تنمو وسطه لكن فجاءة تطعنك واحدة فتعرف انك قد دخلت حقل الغام ضريسة مرة ذهبت الي الغابة وانا حافي مع خالتي الصغار عشان نجيب صمغ وبعدين دخلت لي ضريسة واحدة فاثنين مما ااجبر الخالات علي حملي على ظهورهن ذهابا وايابا اما الحسكنيت فهو شوك يمسك فى الملابس اذا لم تنتبه اظن ان الفرنجة قد صنعوا سلك بنفس شكل الضريسة هو الذي يستعمل الان في حماية البيوت من زوار الليل الله يقطع طاريهم
المرة القادمة سوف احدثكم عن البعاتي الذي وجدناه في الغابة مع اولادالحلة؟؟؟؟؟
اسمع دي يا الفاتح قال ليك مرة البلوم بيغني حفلة في الدلنج فصاح احد قرايبنا الفلوم يا عبد الرحمن يقصد البلوم فغناها ليهو طوالي
كمان عندنا واحد قريبنا اول مرة ينزل بندر الخرطوم في كوستي الناس كل واحد نزل جاب ليهو جريدة هوطوالي اشترى واحدة ومسك بالقلبة بعد البص اتحرك الجنبو سالو الاخبار شنو قال ليهو تمام بس في بص مقلوب
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: عبدالمجيد المقابل)
|
بوست بطعم كردفان وريحة الدعاش وقت الرشاش مطر الرشاش الرشه فى دار كردفان الهشة انا قلبى طار وطشه وراء المراح النشه السايرات وراه ناس عشة سلام يا باسط وميرغنى وكل من ادلى دلوه فى هذا البوست الرائع ولكم الود ابناء الغرة وزوار هذاالبوست وما شاء الله كلكم مبدعين سوف احاول جل جهدى ان اكون حاضرا ومدعما ببعض الصور عن كردفان
منعم ود بارا
هذه الصورة من موقع الفيس من كردفان استاذن صاحبها للاضافة
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: باسط المكي)
|
Quote: بوست بطعم كردفان وريحة الدعاش وقت الرشاش مطر الرشاش الرشه فى دار كردفان الهشة انا قلبى طار وطشه وراء المراح النشه السايرات وراه ناس عشة سلام يا باسط وميرغنى وكل من ادلى دلوه فى هذا البوست الرائع ولكم الود ابناء الغرة وزوار هذاالبوست وما شاء الله كلكم مبدعين سوف احاول جل جهدى ان اكون حاضرا ومدعما ببعض الصور عن كردفان
منعم ود بارا
|
ياسلم عليك ياود بارا ..ياسلام عليك يامنعم يلا هات ماعندك
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: Moneim Malik)
|
الاخ عريس العصارى الفاتح ميرغنى
أما زلت مفتونا بتكنولوجيا اليابان وسحر بنات اسيا ام انك تحن لجلسة فى لبخ بارا قدام المحكمة
فى عشرة ونسة مع منعم ودبارا والمحامى ودبركية...
طبعا كردفان هذا العام عاد لها خريف السبعينيات والخير دشر فى اب قبة وهاك ياتبش وهاك ياسلطة روب
بالجردل وهاك يالبن بالحلة الكبيرة
الا تذكر ياصديقى رحلات الملبس وجنينة صديق عبدالباسط وروب حيلوة من ابشره والشاهد اننا لانشرب ماء
بعد الاقاشى بل روب بالتلج " غباشة"
شكرا اخينا ودبارا ومزيدا من الابداع
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: باسط المكي)
|
باسط المكى ...العزيز...يا الفاتح مرغنى
ياخى ما لكم دايرين تخربوا علينا وعلى الكثيرين هنا ممن روضو انفسهم على الغربة غير راضين بها.. وحات الله بى جنس جنكم دهـ تزعزعوا يقين القانع..وتجهجهو اى باك بى كلامكم البنقط عسل برهـ وجوهـ دهـ. كما خير كردفال كما يحدثنا اهل الذكر فى التاريخ او كردفان كما يحلو للبعض ان ينطقها. شكلوها كما تريدون وانطقوها كيف شئتما فكلها صحيحة وتقع على القلوب موقع حسن نكتفى بفغر الفاهـوالاندهاش امام هذا الجمال صورا وتصاويرا رعاكم الله من نسمات لطيفات،،،
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: فضل الله خاطر)
|
نميت كردفان ونظمت فيها قوافي ينبوع الحنان بحر الجمال الوافي
نميت كردفان بس ما قدرت أوافي بالنم والشعر بلدا جمالها خرافي
غنيت كردفان يوم جقلة قامت واردة نميت كردفان والخيل تعربد عارضة
يا أب قبة الحنون رباني حضنك دافئ يا قلعة صباي لي في مداكي مرافئ
حيت كردفان موية السعين الباردة لاقيت كردفان أحزاني ولت شاردة
عزيزي باسط وأبناء كردفان وقراء البوست في أركان الدنيا عيدكم مبارك وكل عام وأنتم بخير الحديث ذو شجون عن كردفان الغرة أم السودان موشحة بالبروق هتانة محل ما تقبل جنة تخلب جنانا التحية للفاتح دوما في صدر المحافل شرف لأهل السودان وشكرا لك على هذا البوست والوفاء المعهود
أخوكم فضل الله خاطر
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: فضل الله خاطر)
|
Quote: غنيت كردفان يوم جقلة قامت واردة نميت كردفان والخيل تعربد عارضة
يا أب قبة الحنون رباني حضنك دافئ يا قلعة صباي لي في مداكي مرافئ
|
فضل الله خاطر سلامات عليك وانت في اطراف الدنيا تلولي خواطر الحنين وتنتظر اطياف من البلد الاهل اللمة المجلس الدافئ بطعم العشاء عصيدة دخن بلبن ضان في ارض الحمر وديار المجانين اجمل قبائل السودان خلقة واخلاق احيك وانت تشرفنا في ارض كوريا اكتر بلدان العالم تطورا وحضارة يعلم الله رفعت راسنا كن بخير وعافية
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: باسط المكي)
|
الأعزاء الفاتح - باسط - فضل الله - يحي - الطيب - وكل العقد الفريد حاضرين وغايبين
سلام عليكم - أريتكم طيبين وإنشاء الله ديمه تاميين ولاميين
وقد عدت للتو من الغرة وتحديداً منطقة الخوي وهناك أبت كمرتي إلا أن تشارككم الفرحة بهذه الصور
واحد من دوانكي الخوي الإثني عشر الخاصة وحولها الضأن الحمري يشرب ومن ثم يسدر
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: باسط المكي)
|
Quote: بحيراوي ود خاطر الموجي والكرام الأحبة. " ياالزارعنك في الصريف أندريا بسقيك بلا خريف أندريا". يعني ري جوفي وجداني رباني! -- يا بحيراوي الدونكي مبالغة شديد ياخ! جايك ومعاى حزن المشارق وشفق المغارب و شفاعة راقصين التويا المنشودة! |
الأخوة الكرام باسط ، بحيراوي ، المقابل ، كبر ، شيقوق ، إسماعيل حسن ، والمحتفى به الأديب الفاتح ما أجمل التداعي وما أجمل كردفان الملهمة والله يا الفاتح أخوي ده كلام عجيب ....... حلاوة القرطاس والفي الخشيم تنماس كان ما كلام الناس برحل معاك خماس .......... حلاوة القرطاس دي طبعا عيالنا ما بعرفوها، وعشان نقرب ليهم المعنى بنقول ليهم زمان لما أبهاتنا وأمهاتنا تمشي لمول كبير للتسوق في قرية خماس الدونكي أو سلاسل البيع بالقطاعي في مراكز التسوق الكبرى المنتشرة على نطاق كردفان في أم عردة أو أم دم حاج أحمد أو أم جاك أو ضيلم أو الميرم أو عريجة (عديلة حاليا) او المزروب، بجيبوا لينا حاجتين هما قمة ما نتمنى من تنزهات الحياة؛ الحلاوة والبلح. وكانت الحلاوة أنواع ؛ دربس ونعناع ولكوم وحلاوة مقرطسة يعني ملفوفة ؛ وهي حلاوة القرطاس. أول ما تدخلها في خشمك ب تنماس يعني (تذوب). الأشياء تغيرت وأصبح طعم الحلاوة غير الحلاوة وأصبح الإحساس بالأغنية للجيل الحالي غير ، ونخشى أن يأتي علينا زمان نحتاج فيه لشرح كل شيء . وده معناه عليكم دور كبير لشرح التراث ليس فقط في كردفان وإنما في عموم أهل السودان، لأن الجيل متشابه. وشدو حيلكم كبر في أقصى الشمال والفاتح في أقصى الشرق وود شيقوق والمقابل وباسط وإسماعيل حسن عشان تخيطوا الباقي. مع تحياتي لكم جميعا أخوكم فضل الله خاطر
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: باسط المكي)
|
Quote: الأخوة الكرام باسط ، بحيراوي ، المقابل ، كبر ، شيقوق ، إسماعيل حسن ، والمحتفى به الأديب الفاتح ما أجمل التداعي وما أجمل كردفان الملهمة والله يا الفاتح أخوي ده كلام عجيب ....... حلاوة القرطاس والفي الخشيم تنماس كان ما كلام الناس برحل معاك خماس .......... حلاوة القرطاس دي طبعا عيالنا ما بعرفوها، وعشان نقرب ليهم المعنى بنقول ليهم زمان لما أبهاتنا وأمهاتنا تمشي لمول كبير للتسوق في قرية خماس الدونكي أو سلاسل البيع بالقطاعي في مراكز التسوق الكبرى المنتشرة على نطاق كردفان في أم عردة أو أم دم حاج أحمد أو أم جاك أو ضيلم أو الميرم أو عريجة (عديلة حاليا) او المزروب، بجيبوا لينا حاجتين هما قمة ما نتمنى من تنزهات الحياة؛ الحلاوة والبلح. وكانت الحلاوة أنواع ؛ دربس ونعناع ولكوم وحلاوة مقرطسة يعني ملفوفة ؛ وهي حلاوة القرطاس. أول ما تدخلها في خشمك ب تنماس يعني (تذوب). الأشياء تغيرت وأصبح طعم الحلاوة غير الحلاوة وأصبح الإحساس بالأغنية للجيل الحالي غير ، ونخشى أن يأتي علينا زمان نحتاج فيه لشرح كل شيء . وده معناه عليكم دور كبير لشرح التراث ليس فقط في كردفان وإنما في عموم أهل السودان، لأن الجيل متشابه. وشدو حيلكم كبر في أقصى الشمال والفاتح في أقصى الشرق وود شيقوق والمقابل وباسط وإسماعيل حسن عشان تخيطوا الباقي. مع تحياتي لكم جميعا أخوكم فضل الله خاطر |
فضل الله خاطر سلامات كل سنة وانت طيب وواصل وماتقيف ضل الدليب اجمل سكن
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: باسط المكي)
|
الاخ باسط سلام والتحية عبرك لكل المتداخلين [url=http://www.0zz0.com][img]http://www8.0zz0.com العزيز البحيراوي والله بختك وسط أم سعين مقيّل أهلك عيال جنيد قالوا السعية على ثلاثة إبل منسلات سيدهن دائما غني ولكن رعيتهن بالهم. وبقر مأصلات جيابات البنية ام صديرا محجم وغنم بختمن النعم ... كسارات المتلت وسيدهن للقرش ما انصرم(احتاج). والمتلت هو الفقر الموروث من الجد فالأب ... وبعدين خلينا على علم بزيارتك الجاية عشان نرافقك ونسوق معانا الفاتح وباسط ونشوف البورد بعد داك شنو يجيب. أخوكم فضل الله خاطر
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: فضل الله خاطر)
|
الاخ باسط سلام والتحية عبرك لكل المتداخلين العزيز البحيراوي والله بختك وسط أم سعين مقيّل أهلك عيال جنيد قالوا السعية على ثلاثة إبل منسلات سيدهن دائما غني ولكن رعيتهن بالهم. وبقر مأصلات جيابات البنية ام صديرا محجم وغنم بختمن النعم ... كسارات المتلت وسيدهن للقرش ما انصرم(احتاج). والمتلت هو الفقر الموروث من الجد فالأب ... وبعدين خلينا على علم بزيارتك الجاية عشان نرافقك ونسوق معانا الفاتح وباسط ونشوف البورد بعد داك شنو يجيب. أخوكم فضل الله خاطر
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: فضل الله خاطر)
|
الأعزاء الفاتح - فضل الله - باسط - يحي - ود شيقوق وكافة رواد هذا البوست الجميل
تحياتي ليكم دغش سارحة ونهار مقيلة - هذه صورة للسودان القديم الجميل في الزمن الجميل حينما كان من نمولي لحلفا ومن دار المساليت حتى بورتسودان.
بالإضافة لهذه الصورة من دار حمر والغالب من شق الحافظة أو مركب وعيال بخيت وأم لبانة
بنحب من بلدنا ما برة البلد سودانية تهوى عاشق ودبلد .. بنحب من بلدنا ـــــــــــــ بنحب من بلدنا ما برّا البلد سودانيّة تهوَى عاشق ود بلد في عيونها المفاتن شئ ما ليهُ حد ***** التّوب المهبهب فوق أم الضّفائر والخد المعطّر زي أحلى الأزاهر والخطوة الأنيقة ترنيمة مشاعر أنا بيك كل عمري بمشيلها وبسافر *****
مين في الدّنيا ديَّ أجمل من بناتنا الليهن قلوبنا والفيهن صفاتنا الكامنات بروحنا والعايشات في ذاتنا ***** في حلفا البداية أحلامي وهنايَ أنا عايش لحبّي المخضر برايَ النّافرة الأليفة ست روحي وهنايَ ***** أنا ليْ في كريمي شايقيي بشلوخها نعتز بي صفاتها ما نجهل تاريخها وما ها المابية ريدتي مو ياها المسيخة ***** في شندي العظيمة تلقى بنات جعل واحدات في المتمّة زي لون العسل النايرات خدودِن زي فجراً أطل ْ ***** في سنكات بنعشق في السّمراء وأبيّة ترتاح في الضّريرة خُصلاتها الغنيّة عاشت في شعورى أحلَى هدندويّة ***** الوارثات جدودن في الجّود والشّجاعة البظهر جمالن من زمن الرّضاعة سودانيّة ميّة الميّة في ذوقها وطباعها ياناس أرحموني انا قلبي في رفاعة ***** لوزة القطن اليانعة السّمحة ونضيرة تِتّنَّىَ الحليوة في مشية أميرة أجمل حب عندي في قلب الجزيرة ***** ليْ في الغرب أغْيَدْ في دار حَمَر والبقّارة نحميها بسيوفنا تفّاحة ونُضارة تسكرنا الليالي وتطربنا النُقّارة ***** ليْ في جوبا ساحر تسلم ليْ خدودُه يمرح في غاباتُه ويسرح في ورودُه حبّي الغالي ليهُ ما بعرف حدودُه
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: باسط المكي)
|
الأخ باسط
سعدت كثيرا بلقائك مساء الجمعة بالشارقة واتمنى ان تتجدد اللقاءات
ارجو ان تأخذنا الدنيا ام قدود من بهجة كردفان فى العصير بعد المطر وأدعو اخونا البحيراوى للمشاركة بمزيد من صور الحور
الكردفانية ....جزاك الله عنا خيرا فقد ارحتنا بهذه الصورة ....
وين ودشيقوق وحنينه الدائم لبادية الكبابيش صنو بادية البطانة
دعونا نواصل رحلة الجمال
| |
|
|
|
|
|
|
|