خالي الذي تخرج من جامعة الخرطوم كان يقول لي ان جامعة الخرطوم كانوا يسمونها زمان الجميلة ومستحيلة.. فهل هي الى الان جميلة ومستحيلة ام يدخلها كل الطلاب سواء نجحوا او فشلوا كبقية الجامعات الخاصة؟..يعني ظلت جميلة ولكن ما مستحيلة... ودمت بالف خير وصحة وعافية
09-29-2017, 06:02 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
(اعتذرت لأكتر من شخص هنا أبو الريش ومحمد مختار وعاصم علي وزكريا فاضل وموصلي وعزيز والصادق اسماعيل وقباني وفعلاً اعتذرت لحيدر) بكل صراحة يا حاتم ألا يلفت نظرك لشيء.. هذا العدد الكبير من الاعتذارات؟ وكل ذلك خلال بضعة أشهر فقط! ضف إلى ذلك عدد الآخرين الذين لم تعتذر لهم بعد، أو لن تعتذر لهم أقصد ألا يحتاج الأمر منك لوقفة مع النفس! أكتب لك هنا بعيدا عن أي خلافات سابقة بيننا.. أكتب كمراقب فقط وأعتذر عن نقل مداخلتك أعلاه من بوست آخر، فثمة علاقة بينها ومداخلة ود المدير. بالمناسبة مبروك الرشاش الجديد يا قريبي وتحياتي يا قباني
09-29-2017, 07:52 AM
Osman Awoda
Osman Awoda
تاريخ التسجيل: 06-19-2017
مجموع المشاركات: 495
اهلنا مرقونا من الاولية عشان نسرح او(نرعی) البهایم قالوا لینا قر ینفخکم طبعا قر کلمة اربية فصحی تعني البرد الشديد شوف اهلنا كانوا مستنيرين كيف رغم انهم اميين ورطانة عاش كفاح الطبقة العاملة
09-29-2017, 09:45 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
" احمد زويل " خريج جامعة الزقازيق .. صحيح انطلق فى مراكز ابحاث الخارج حتى وصل الى نوبل , لكن ما ينطلق فى الخارج من الصفر , اعطته جامعة الزقازيق على الاقل اساسيات . فى " انتبهوا ايها السادة " كان الصراع بين الزبال " محمود ياسين " واستاذ الجامعة " حسين فهمى " .. ان المقاييس قد تغيرت , وان اصحاب المشاريع الخاصة من الاميين واشباه الاميين قد نهشوا لحم الاكاديميين السذج البلهاء وخطفوا ليس فقط بريقهم الاجتماعى , بل حتى خطيباتهم . كانت صرخة مُبكرة جسدتها بعد ذلك " نادية الجندى " فى ذات فيلم سخيف مثلها , ان " العلم لا يُكيل بالبتجان " , و " نادية " نفسها ابنة تلك المرحلة , فهى ليست بثقافة واعتداد " فاتن حمامة " او موهبة " سعاد حسنى " , بل لها تاريخ غير مُشرف فى الصعود على الاكتاف . لان مصر قد سبقتنا فى الانحدار بسياسة الانفتاح الساداتى , فان قراءة هذه التجربة يُمكن ان تكون مرآة نرى فيها بعض الذى يجرى عندنا .. المهم القروش وليس العلم والبتنجان . فما فلان او علان فى الرياضة او السياسة الا نسخة كربونية من مسوخ انفتاح السادات من امثال الشبيحة الذين اثروا من مصادر غير معلومة .. وما فلانة او علانة فى اعلام او تلفاز الا نسخة جينية مُطورة من صعود " نادية الجندى " على الاكتاف , لا علم يهم , ولا شهادة تهم , وصعود السلم الاجتماعى والطبقى له شروط ليس من بينها الاجتهاد والمطالعة والمثابرة وارتياد المكتبات ومراكز الابحاث والتثقيف الذاتى . المثقف ابله , والاكاديمى معتوه , والحياة حلوة خمر ونسوان وملاهى ليلية وقمار , وتفتيح مخ وتفاتيح وراسمالية على كيف كيفك , والمثقف يُضيع نفسه بنظاراتها السميكة فى كلام خارم برام , وتهرب منه النساء الجميلات الساعيات نحو الثروة , وهو المسكين عاكف على كتب الفلسفة حتى اصبح عنين ! . لا الشرف اصبح له معنى , لا الجسد الانسانى اصبح له قيمة , لا الجنس اصبح دليل حب , لا الشهادة العلمية لها قيمة .. كل الاشياء تسلعت , الشرف سلعة , والجسد سلعة , والشهادة سلعة , والموقف السياسى سلعة , ومنظمات المجتمع المدنى سلعة , ودخول البرلمان والتصويت فيه على قرار سلعة . بينما ذلك كذلك .. يصطاد الغرب بسنارته البارعة , اجمل ما فينا من عقول ذات رصيد ومؤهلات اكاديمية فى مُختلف المجالات ومن مُختلف دول العالم الثالث . عملية صيد لئيمة يطلقون عليها تهذيباً اسم ( تجريف العقول ) . ولنا الله ونحن نفتخر ان فلان ذلك الراسمالى الوطنى المشهور , كان لا يعرف كتابة اسمه على دفتر الشيكات , ولو كان يعرف الكتابة لما كان رجل اعمال ثرى وربما اصبح عضوا معنا هنا فى سودانيز اون لاين . فكيف نحمى دون علم وتخصص وخبراء وشهادات ودورات تدريب مُكثفة , كيف نحمى مجالنا الجوى من طائرات تأتى لنا - وهى طافية انوارها . اذا افتخر الجميع بمثل هذا الراسمالى الامى , وان الرسول امى , وان العلم لا يُكيل بالبتنجان , فما على الطائرات الا ان تأتى لنا مولعة انوارها .
09-29-2017, 11:07 AM
مني عمسيب
مني عمسيب
تاريخ التسجيل: 08-22-2012
مجموع المشاركات: 15691
اما قبل : انا بتكلم عن ( العقدة ) ... البوست دا ما بشبهك يا اصلي لانكم انتوا في نظرنا من حكماء الحوش دا . وبعدين توجيه كلام زي دا اكيد دي فئة معينة انت البتعرفها لكن نحن ما بنعرفها ولا دايرين نعرفها لو ... وجدت . لانه مافي داعي تخت تفكيرك ووعيك بي عقدهم من اساسه ! نتمني تجنب الفتن وليست كل ما في القول .. يحسن الفهم به .
ولكم الشكر ,,,
09-29-2017, 12:21 PM
زينب محمد عبدالله
زينب محمد عبدالله
تاريخ التسجيل: 12-26-2010
مجموع المشاركات: 551
احييك اختى العزيزة منى على هذا الفهم الراقى والكلام المسؤول والواضح ( انتي حكمة )
(( صباح الخيرات يا اصلي .. ولضيوفك الكرام .
اما قبل : انا بتكلم عن ( العقدة ) ... البوست دا ما بشبهك يا اصلي لانكم انتوا في نظرنا من حكماء الحوش دا . وبعدين توجيه كلام زي دا اكيد دي فئة معينة انت البتعرفها لكن نحن ما بنعرفها ولا دايرين نعرفها لو ... وجدت . لانه مافي داعي تخت تفكيرك ووعيك بي عقدهم من اساسه ! نتمني تجنب الفتن وليست كل ما في القول .. يحسن الفهم به .
ولكم الشكر ,,, ))
09-29-2017, 12:27 PM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
يا قباني يا حبيب جبت ضقلا يكركب ياخ الناس مدورة في حاتم لأنو على حد زعمهم قلل من الشهادات الجامعية عموما ما الجميلة ومستحيلة بس .. تباهيك بدراستك في جامعة الخرطوم فيهو تفاخر ما مستحب لأنو اتا كدا بتنتاش أي زول ما قرأ في المستحيلة دي ما حاتم لوحدو مع انو كل طرق الجامعات تؤدي إلى الهدف المنشود وان اختلف التصنيف ثم ياخ حتي أيام العصور الوسطي الما عرفت أسافير وقوقليات الناس الما قرأت جامعة حققت نجاحات لم يقو عليها الدارسين في اعتي الجامعات فما بالك بعد أن أصبح التعليم متاح بضربة لازب ؟ وعندك مثلا عمك عباس العقاد خريج الإبتدائي الذي أصبح أديبا ومفكرا وشاعرا وصاحب معارك أدبية وفكرية مع كبار الأكاديميين . والإقطاعي الروسي تولستوي صاحب رواية الحرب والسلام وأحد أشهر أعمدة الأدب الروسي والعالمي، لم ينل شهادة جامعية وغيرهما كثر سطعوا وأبدعوا وأمتعوا بدون البتاعات البتقولوا عليها دي .. خخخخخخخ . خليك حويص يا قباني ياخ ما تعوقنا معاك
يا قباني يا اخوي بوستك غير موفق جميلتك ومستحيلتك دي خرجت من اذاق الشعب السوداني الامرين وبعدين بالنسبة ليك انت انتهت بك في كندا وريني الفرق بينك وبين اي سوداني ما دارس حتى وقد انتهى به المطاف مثلك في كندا .......... وأقول لحاتمنا تسلم!!! ......... هاك البوكسي موديل ٨١ دا ........ معاوية الزبير عودا حميدا للملاعب؛
09-29-2017, 02:15 PM
Abuzar Omer
Abuzar Omer
تاريخ التسجيل: 07-26-2008
مجموع المشاركات: 2109
تحياتي يا سنير، خليني أقول لي ضيوفك: كل زول يباهي و يفتخر بالعنده *** و نحن سياد شهامة و العلم جنده المشكلة وين؟؟ في أميريكا أم الدنيا دي، الناس بتلصق stickers بتاعت جامعاتهم، كلياتهم و مدارسهم الثانوية في السيارات و تلبس ملابس فيها شعارات المؤسسات التعليمية بتاعتهم، حتى عندهم نمر السيارات فيها أسماء و شعارات المؤسسات دي. عندهم برضو حاجة حلوة جداً، بمشوا يحضر مباريات جامعاتهم سنين بعد التخرج، و مرات الأبن و الأب و الجد مثلاً بمشوا سوى. جميلة و مستحيلة و ما بنبدلها بي هارفارد و MIT.
مودتي
09-29-2017, 02:20 PM
Abuzar Omer
Abuzar Omer
تاريخ التسجيل: 07-26-2008
مجموع المشاركات: 2109
(دا كان سؤالي: على أي أساس افترضت أنو الاعتذارات دي جاءت نتيجة مخاشنات أو خلافات؟) طيب يا حاتم تجاوزتُ مسألة اعتذاراتك لكن خلافاتك ومخاشناتك مالية المنبر اليومين ديل ولا تحتاج لافتراضات وهذا هو جوهر ملاحظتي ألا يدعوك ذلك للتساؤل عن السبب؟
وفي نيويورك يوجد نادي في منهاتن ومكتوب يافطة بالخط العريض امام الباب ::نادي خريجي جامعة هارفارد::: المرجو ابراز بطاقة العضوية ،،الدخول للاعضاء فقط""::. والافتخار بالتخرج من الجامعات الشهيرة ليس عيبا ابدا ولكنه مطلوب لتشجيع الشباب لمواصلة العلم في هذا العصر الذي بدا الكل يتكالب ويلهث وراء المادة واصبح طلب العلم عيبا والجهل شرفا.... ودي ذكرتني بالنكتة الوصلتني بالواتساب، وهي ان والد خمسة من الشباب الناجحين يتونس مع صديقه وقال ليه: عندي ولدي عمر مهندس، وولدي ياسر طبيب، وولدي جعفر محامي ، وولدي عبد الله سفير، وولدي السمؤل عاطل لانه ما قرا غير الابتدائي. فقال له صديقه: وليه ما طردت العاطل ده من البيت؟فقال له الاب:ما بنقدر نطرده لانه كوز وهو البيصرف على البيت.... شفتو كيفن!!! ودمتم بالف خير وصحة وعافية
09-29-2017, 02:26 PM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: بعض علماء المسلمين يقولون أن مكة المكرمة هي مركز الأرض (مركز ثقل هندسي)، و في هذا الجانب يمكن أن يكون للأرض أكثر من مركز ثقل لكرويتها، أو قد يكون مركز ثقل أحادي لا يعلمه إلا الله (إذا كنا نعني النقطة التي إذا علقت منها الأرض تستقر، دون حدوث أي إختلال في نظامها) Re: سلاح اللغة ما بين محمود سالم و محي الدين ص�Re: سلاح اللغة ما بين محمود سالم و محي الدين ص�
كلامك الفوق دا علاقته شنو بالعلم؟
ماذا تعني أن مكة هي (مركز ثقل الأرض) هل تفهم قولك هذا؟ وكيف يكون للأرض (الكروية) أكثر من (مركز ثقل)؟ هب أننا وجدنا هذه النقطة وعلقنا منها الأرض فما تعريفك (للاستقرار) أو (الاختلال) عندها أو بدونها؟
ردك كان على مداخلتي التي تتعلق بخط الصفر، وقلت أن (هادي العلوي لا يفكر إذا كان يتمنى مرور خط الصفر بغير غرينتش) فهل لكروية الأرض ومركز ثقلها أي علاقة بهذه الخطوط؟
أرجو إنك تبر بقسمك وتثبت بعض من زعمك هذه المرة. ____ نحن بنوعي الناس بخطورة طريقة (تفكيرك) دي.
09-29-2017, 02:38 PM
Abuzar Omer
Abuzar Omer
تاريخ التسجيل: 07-26-2008
مجموع المشاركات: 2109
أنا غايتو يا حاتم أخوي ما بنجره لي المعارك الوهمية و الطين و الخبوب. في الحته دي ما بقبل حتى واسطة مساعدين اليايات. و من دربك ده أمشي جيب البوليس. لكن ما حأرد عليك، خصوصاً أنت ما درسته سنة برليم في علوم و ما درسك برفيسور عبد الملك و محمد عبد الوهاب. داير تناقش حاجة ما عندك عنها أي خلفية، القوقل ما بنفع هنا يا حريف!! و أمشي جيب البوليس، لأنوا بعد ما النقطة نهاية السطر ما حأرد عليك بي حرف. 😁😁😁
09-29-2017, 03:30 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
مفتعلة! ناس ما عاجبها موقف حاتم ولا صراحته في أكتر من قضية! وناس ما بعرفهم ذاتهم بيلقوا النقاش شغال يجوا يشتموا ويمشوا أنا ذاتي مستغرب من السبب البيخلي الناس ما قادرة تضبط مشاعرها في ناس مرفودة من المنبر بقت تقدم توصيات ورسائل بالإيميل شتيمة لحاتم وأنا طيبان، ما داير أحرج زول دق بابي لخير أو لشر
هسع عندك أبوذر الفوق بتاع الكعبة مركز ثقل الأرض دا لا بعرفو لا شفتو ولا عندي معاهو غرد فاتح بوست وشغال مسكولات لحاتم وأهو لمن جيناهو عديل عرد قدامك زي ما شايف يلا زي دا بكرة يفتش لبوست فيهو حاتم يجي يشتم ويجري أها دي مسؤوليتي؟
09-29-2017, 03:39 PM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: لكن ما حأرد عليك، خصوصاً أنت ما درسته سنة برليم في علوم و ما درسك برفيسور عبد الملك و محمد عبد الوهاب. داير تناقش حاجة ما عندك عنها أي خلفية، القوقل ما بنفع هنا يا حريف!!
وبعد دا أنا الما عندي خلفية! خلاس نعملها بالفيديو، جيب معاك الدرسوك ديل ذاتم لو حيين.
09-29-2017, 03:57 PM
Abuzar Omer
Abuzar Omer
تاريخ التسجيل: 07-26-2008
مجموع المشاركات: 2109
Quote: هذا لا يعني بالضرورة الانجراف إلى اللغة الإنجليزية بوصفها محور التاريخ المعاصر ، فاللغة معبر أيضا للثقافة فما يكتبه الانجليز و الأمريكان مثلا عن العالم تتجاذبه الأهواء الاستعمارية و الاستعلائية للثقافة الأنجلوساكسونية ، و قد إلتفت المفكِّر العراقي الراحل هادي العلوي لهذه المسألة و عبر عنها بذكاء حين انتقد وصف خط قرينتش بوصفه خط الطول الصفري في العالم مما يوحي أن بريطانيا هي مركز الدنيا
يعني الكلام ده ما ليك يا المنطط عينيك. هسع ذي الكلام التحت ده ملاح شنو؟؟ مافي زول سألك، أنت موسوس يا أخوي؟؟
Quote: هسع عندك أبوذر الفوق بتاع الكعبة مركز ثقل الأرض دا لا بعرفو لا شفتو ولا عندي معاهو غرد فاتح بوست وشغال مسكولات لحاتم وأهو لمن جيناهو عديل عرد قدامك زي ما شايف يلا زي دا بكرة يفتش لبوست فيهو حاتم يجي يشتم ويجري أها دي مسؤوليتي؟
قولت ليك جيب البوليس 😁😁😁
09-29-2017, 09:05 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: اهلنا مرقونا من الاولية عشان نسرح او(نرعی) البهایم قالوا لینا قر ینفخکم طبعا قر کلمة اربية فصحی تعني البرد الشديد شوف اهلنا كانوا مستنيرين كيف رغم انهم اميين ورطانة عاش كفاح الطبقة العاملة
سلامات عم عووضة ...
زمنكم كمان صعب انك تمشي اكتر من الأولية ...
قال نسرح و نرعى قال ... :)
سمــــــــــــــح ...
09-29-2017, 09:14 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
اما قبل : انا بتكلم عن ( العقدة ) ... البوست دا ما بشبهك يا اصلي لانكم انتوا في نظرنا من حكماء الحوش دا . وبعدين توجيه كلام زي دا اكيد دي فئة معينة انت البتعرفها لكن نحن ما بنعرفها ولا دايرين نعرفها لو ... وجدت . لانه مافي داعي تخت تفكيرك ووعيك بي عقدهم من اساسه ! نتمني تجنب الفتن وليست كل ما في القول .. يحسن الفهم به .
ولكم الشكر ,,,
ما انا جيّاب الفتن يا بت عمسيب يا صديقة ...
و عشان حكماء المنبر دي ... لابد من إعادة الأمور الى نصابها ...
الرجل قلنا عليهو مرتب و منقب ... لكن ما كفّاهو كلامنا ...
داير يبخس شهادات الناس و علمها و سلاحها ...
فشنو ... هو يحتفل ... و انحنا نحتفل و نتفاخر كمان ...
و القرا في جامعة واق الواق من حقه يحتفل بي انجازه ده
التحية و cc صديقتنا زينب ...
09-29-2017, 11:44 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: يا قباني يا حبيب جبت ضقلا يكركب ياخ الناس مدورة في حاتم لأنو على حد زعمهم قلل من الشهادات الجامعية عموما ما الجميلة ومستحيلة بس ..
الفكرة يا طلحة انو حاتم و ليس على حد زعم أي زول ...
مصر على فكرة في راسو و الا لازم و الف سيف تكون صح ...
طبعا حاتم بيفهم في أي حاجة ... مع انو المثل بقول للزي اخونا حاتم ده : Jack of All Trades, Master of None
Quote: تباهيك بدراستك في جامعة الخرطوم فيهو تفاخر ما مستحب لأنو اتا كدا بتنتاش أي زول ما قرأ في المستحيلة دي ما حاتم لوحدو مع انو كل طرق الجامعات تؤدي إلى الهدف المنشود وان اختلف التصنيف
جامعة الخرطوم انا اتخرجت منها !!! يعني اتباهى بجامعة الامام ؟
و مافي أي قصة منو خشاها و منو ما خشاها ...
القصة انو انا بفتخر بكل يوم قضيتو في جامعتي و شخصيتي تبلورت هناك ...
و افاق تفكيري اتسعت و بدت من هناك ...
Quote: ثم ياخ حتي أيام العصور الوسطي الما عرفت أسافير وقوقليات الناس الما قرأت جامعة حققت نجاحات لم يقو عليها الدارسين في اعتي الجامعات فما بالك بعد أن أصبح التعليم متاح بضربة لازب ؟ وعندك مثلا عمك عباس العقاد خريج الإبتدائي الذي أصبح أديبا ومفكرا وشاعرا وصاحب معارك أدبية وفكرية مع كبار الأكاديميين . والإقطاعي الروسي تولستوي صاحب رواية الحرب والسلام وأحد أشهر أعمدة الأدب الروسي والعالمي، لم ينل شهادة جامعية وغيرهما كثر سطعوا وأبدعوا وأمتعوا بدون البتاعات البتقولوا عليها دي .. خخخخخخخ . خليك حويص يا قباني ياخ ما تعوقنا معاك
اصلو ما عندي اعتراض على ذلك و احترم هؤلاء حد الاحترام ...
لكن انو يجي شيخنا حاتم و يبخس شهاداتنا و يستهزأ بيها ...
فمعليش يا صفوة ... سوري كبير ...
بعدين عقد المقارنة ببيل جيتس و ستيف جوبز ... مع احترامي لاخونا حاتم ...
09-30-2017, 04:00 AM
معاوية الزبير
معاوية الزبير
تاريخ التسجيل: 02-07-2003
مجموع المشاركات: 7893
(ناس ما عاجبها موقف حاتم ولا صراحته في أكتر من قضية! وناس ما بعرفهم ذاتهم بيلقوا النقاش شغال يجوا يشتموا ويمشوا أنا ذاتي مستغرب من السبب البيخلي الناس ما قادرة تضبط مشاعرها) السبب طريقتك في الطرح يا حاتم. عندك علم ومعلومات ومعرفة واجتهادات! قدمها للناس بتواضع العلماء ياخ اعط الآخرين حقهم في الاختلاف معاك، رُد عليهم باحترام وبدون سخرية وتسفيه وستجد حينها كل التقدير الذي وجده ويجده من سبقك ويعاصرك ومن يأتي بعدك هذا هو الوضع الطبيعي
حتى الذين يقفون في صفك ويدافعون عنك بالحق والباطل عندما يمتدحون قدْرك يبدؤون كلامهم بالقول: حاتم زول عالِم وموسوعي ووو.. ثم يردفون: لكنه مسيخ ولئيم وووو.. هذه الـ(لـكن) هي مشكلتك، لماذا لا تتخلص منها؟
كل يوم تكسب خصم جديد! هذه الحالة ليست طبيعية أرجو أن تراجع نفسك واسمع كلام الببكيك
09-30-2017, 04:15 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
طبعا ربط (توسع المدارك) بالمؤسسات دا في ذاتو خلل مؤسسي يا قباني واقصد إنو تطوير الإدراك هو دور الأسرة والمجتمع الجامعات دورها أكاديمي محض ممكن نقول المدارس ليها دور كبير في تطوير مدارك التلاميذ وربطهم بالمجتمع وفتح آفاق أرحب لكن الجامعات دورها مختلف.
واعي جدا بدوره في المجتمع ومدرك لأبعاد شخصيته ومنفتح لتلقي الجديد بدون ربط ذلك بأي مؤسسة أكاديمية.
أقول قصور دور الأسرة والمجتمع على التربية التقليدية المحلية هو ما يجعلنا نعتقد في أن الإدراك يصنع في الجامعات وذلك يؤدي بدوره إلى تعظيمها خارج دورها المحدد وربما ربطها بسلوكيات نفسية لدي البعض يرقى لدرجة أن تمسي عقد.
09-30-2017, 05:00 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: و كمان دايرك و انت بتفكر ... تخت في بالك السودان منذ بداية ثورة التعليم فوقه ...
يااتو سودان يا صديقي؟..
حاتم ابراهيم كل همو ، كمسخ ، يطرد الموصلي ، الخواض ، كبر ، قباني ، والأن فتح جبهة محسن خالد..!!حاتم ابراهيم يا صديقي ، مكنة (ماشين عدييل)..لا يعرف غير تمرير ما يقال له..!!
نقة الشهادات والمصادر ، ماهي الإ مطية..!!
غايتو انا ما بسيب المنبر ده الإ كن ميت..وسادافع عن حقي وحق غيري في الوجود..!!ا
لموضوع ما شهادات كرتونية.. يا يحي..الموضوع ممارسة ممنهجة لإقصاء الأصوات الأخلاق..!
زمان صديقتنا بيان (دكتورة نجاة محمود) عندها عبارة لطيفة بتقول (لبسنا كبك الحديد)..أها في تلك الأيام القديمة ، برضك بعض الحناكيش حكاية (الكبك) ما واقعة ليهم..اما ناس الليلة.. ربك يعلم يااااااااااااخ..! خيطك ده ، ودخول صديقنا ابوذر عمر (ابوذر والله فكرتك بتاعة الفيديو المصور دي سمحة خلاص..ياخي لمن قلت يا ريت ناس سودانيز اونلاين يوافقوا عليها)..الخيط ذكرني يا يحي معلقة عمرو بن كلثوم..! في البداية فكرت اخت ليك شغل لمحمد حسنين (ابو سريع)..وفي راسي حاجة فيها كلام (اصلو الجمال راس مال) ، واتذكرت انها في السايق البوباي..اها مشيت لحاجة تانية ..(نغيم فاهك يا ام زين)..ولم اجد مطابق لتلك الجميلة غير (يا ام زين)..وهي فعلا ام زين بحق وحقيقة..عجبتني بصوت قسمة..ولكن..! الحوامة انتهت بمعلقة عمرو بن كلثوم..وبيت معلوم..اكيد الجميع بيكون متذكرو..ونشرب ان وردنا الماء صفوا..و يشرب غيرنا كدرا وطينا.. عضلات تبش يا قريبي..! (عضلات الوعي يا شيخ حاتم..!!) اتذكرت بداية ايام الأولى في تلك الجميلة المستحيلة ، او ام زين في عرفنا نحن ناس وعي القبائل..!!.. احد الصديقات ، ونحن برالمة ، قالت لي: اكره معلقة عمر بن كلثوم..! قلت ليها:ليه؟ قالت: ياخي زول يبدا معلقة بقعدة..! وقتها عرفت المفازة الماشة قدامي..!!
وعرفت حاجات كتيرة..خمس سنين كانت ولازالت اجمل سنوات حياتي الفانية..فالموضوع لم يكن مجرد اكاديميات وتحصيل..وانما كان حياة غنية بالألوان كما ذكرت انت:السياسة ، الأيدولوجيا ، الإجتماع ، الأنثروبولوجيا ، الإقتصاد ، الفلسفة ، الهندسة ، العلوم ، الطب..تنزعط محاضرات..تمرق في الشوارع الصغيرة تلقى ما هو اجمل وافيد مما تعلمت في قاعات الدرس..!! تلقي الناس المفارقة البتقول ليك (ككيف يبدا معلقة بقعدة)..!! فكرة (كائن اساسي) ، كانت بتقولها لي صديقة برلومة (التحية ليها اينما كانت)..وهي من صميم اعمال الفيلسوف مارتن هيدجر..ناهيك عن رندوك ميشيل فوكو وجاك دريدا..الرندوك الذي كان يوطن في ثقافة محلية نطاقها مجتمع الطلاب في بقاع ام زين..!! شكرا لتصحيح الموقف يا يحي ، الذي كنت اتوقعه من الكثيرين والكثيرات ، حكاية القراية الفاطة تلاتة سطور بالمرة..فألأمر ليس افضيلة جامعة الخرطوم ، وانما الأمر هذه تجربة من سنين عمرنا المرة وكانت باختيارنا ، وانفقنا تلك السنين ، ولن نرضى ان يشطبها احد بجرة قلم او كيبورد عاير ساكت يملانا سفاهة وفقر في السهلة..عاجبانا..ويا ريت كل زول/ة يمرق تجربتو من غير تأفف..لأن الصراع هنا صراع اخلاق..وما تعلمناه في كل مراحل التعليم سواءا في السودان او خارجه ، هو حصاد من حقنا ان نفتخر به ونتباهي به وندافع عنه..!! الناس العاتبة على يحي قباني ، الموضوع ليس جامعة الخرطوم ، الموضوع صراع ضد الفوضوية واللآ اخلاق (صديقنا عبد الصمد متابع ومترصد كويس لصديقنا ول ابا محمد الأمين موسى غيره)..ده واجب الجميع..وعلى الجميع ان لا تهزمهم حكاية استخدام قوقل (طبعا اسمها اليومين ديل صار الف باء)..ولا غيره..!! من يريد ان يتمرد عليه بان يكون قدر التمرد..بخلاف ذلك النقة الماجيبة حقها اخير تقيف..!!
الى حبيبنا ابوذر..كنت داير اجيب ليك تشجيع ناس هندسة لكن خفتا نفتح جبهة معارك (خصوصا ناس افتصاد)..لكن الكحة ولا صمة الخشم..
كبر
09-30-2017, 06:54 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
تحياتي للجميع اعتقد واحدة من طريق التشجيع والتحفيز الاحتفاء . تحتفي بالانجاز غض النظر عن ضآلتو لتحفز البتشجعو علي التجويد والاتقان وترفع من روحو المعنوية الطفل البحبو بتشجعو عشان يمشي . ولامن يقيف بتصفق ليهو وتقول ليهو كلمات التشجيع والاهازيج . وتظل كذلك حتي يدخل ويتخرج . تشجيعي ليهو عشان يمشي ما اظنو بعني انو هدفي الاساسي انو يمشي وبس . بل هي خطوة من اجل خطوات اخري يتخرج مئات الاطباء . وقد لا يبرز واحد فيهم ويضيف جديدا . ولكن علمهم يجعل المجتمع معافا بما توفر لهم من معلومات وتطبيقات اصلا موجودة وبرضو بتفكر قبل فترة انتشرت قصة اب مرضت طفلته . مرضا نادرا ولم يكن طبيبا . فأجتهد حتي اظنه اضاف للمرض نفسه . اجتهد في البحث والتنقيب ومن اناس لهم شهادات نسبة من يبرزون دون تعليم نظامي نادرة جدا ولكنها ليست مستحيلة . فنعجز مثلا الآن عن تذكر اسماء اشخاص معاصرين في واقعنا الراهن ابدعوا دون تعليم نظامي ولكننا سنتذكر امثلة كثيرة لمن ابدع من خلال التعليم النظامي ف شنو الاحتفاء في ظني تشجيع لبذل جهد اكبر
09-30-2017, 07:49 AM
محمد الأمين موسى
محمد الأمين موسى
تاريخ التسجيل: 10-30-2005
مجموع المشاركات: 3470
هههه طول بالك يا محمد الامين ياخ الشئ إلا تسوق الحاجات لحد التطرف والعبث الاحتفاء دة بكون لحظة الحدث ياخ يعني عرست . يوم عرسك بنحتفي بيك ونبشر فيك لكن السنة الجاية ولا بنتذكرك إلا تحتفل براك ! مشي تحتفي بنفسك ! اظن في هرم ماسيلو عشان تبدع محتاج تفي بحاجياتك الحياتية الاساسية . وبرضو ماشرط اساسي لكل الناس لكنو بشمل معظم الناس . الخريج الشغال في وظيفة تناسب مؤهلاتو ومجزية عندو الفرصة انو يفكر ويبدع . لذا يجتهد لينال شهادته بفتكر التعليم عشان تلقا عمل ما منقصة . والعمل زاتو بضيف للانسان شوف مثلا كم زول اتخرج من آداب وشئنا ام ابينا آداب ينظر لها نظرة دونية في التعليم وتحظي بأدني النسب . وشوف عبدالله الطيب ولا بشري الفاضل وبرضو مالو خلي الخريج يحتفل بإنجازو امكن يكون دافع ليهو
09-30-2017, 09:23 AM
محمد الأمين موسى
محمد الأمين موسى
تاريخ التسجيل: 10-30-2005
مجموع المشاركات: 3470
+ تحيةطيبة أخ قباني طبعا من حقك أن تحتفي بجامعتك، لكن طريقة إحتفاءك ردة فعل محبطة لآمالنا وتطلعاتنا "نحنا" ناس قريعتي راحت. للأسف أحتفالك جاء ردة فعل في شخص "حاتم إبراهيم" ألقدر يستفز غرورك بنقده ألصريح ألواضح لمؤسسة تعليمية يفترض أنها تقود لنا ألوعي والاستنارة. إعتقادي ألشخصي أن 60 سنة أكتر من كفاية أن نصدق فيكم "كطبقة مستنيرة" نالت ألحظ ألوافر من ألتعليم ألمجاني. للأسف ألشديد أغلب خريجي جامعة ألخرطوم كانوا ومازالوا خصما "قاسي" في الخصومة علي ألشعب ألسوداني وإرثه ألعظيم. جامعة ألخرطوم جزيرة خلقها ألاستعمار بعناية فائقة تمثل ألمركز ألأوروبي ألحضاري، ويا للاسف كثيرين ركبوا هذا المركب أللعين والذي ساهم بقدر معلوم في أللعب بحياة أبرياء في بلادنا ألتعيسة هذه. تعيسة لأن "جميلتكم هذه" لم تخرج لنا رجال عظام أمثال ألعظيم غاندي ولا ألعظيم مانديلا . هؤلاء ألعظماء، لم يغريهم منصب ولا إنتابهم ألغرور. إلتحموا بصدق يحسد عليه لوجودهم ألحضاري وواقعهم ألذي توارثوه ولإيمانهم ألعميق فيما صنع أسلافهم من حضارة . أين أنتم من هؤلاء ألاخيار ألذين يري فيهم ألخواجات صبغة ألأنبياء. حاتم وعبدالعظيم ودكتور محمد ألأمين من حقهم ألادلاء بدلوهم في شأن بلادهم، وياريت تبعدودنا عن شرنقة "ألحقد" ويرقة "ألحسد" ما عندكم شيء يحسدوكم فيهو بس كيف "تنفسوا ألبالونة". حاتم واضح في نقده تجاه من يحمل شهادة فوف ألبكلريوس، يعني ماجستير أو دكتوراه. "قدمتوا شنو" لي مجتمعهم والإنسانية ؟ طبعا يا أخ قباني، ما أظن في أحد قلل من نجاحك كشخص، ولا حتي زملاءك في بلاد ألعم سام، ألقصد هو ألصالح ألعام.
دنقس
09-30-2017, 08:59 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 17993
ما في جنس مخلوق هنا قال أو يقدر يقول ليكم ما تفتخروا بانجازاتكم وتفردكم .. أبدا .. قلنا لا تمشوا في الأرض مرحا يعني اتفاخروا بما وهبكم ربكم بعيدا عن التقليل من الآخرين .. الزول العندو قروش من حقو يحدث بنعمة ربو لكن ما من حقو يأذي الما عندو .. كدا غلط قدام المجتمع وحرام عند ربنا . حاولت أشرح بأبسط التفاصيل يا رب الجوا نابلين عشان يكاوا ديل يكونوا فهموا عشان بصراحة أنا ما عندي لياقة الصنديد حاتموف في الشرح و ( الافهام) أقصد الإفحام أو أيا ما يؤدي إلى ما يستفاد منه خخخخخخخ ..................
عزيزي الفاضل الاستاذ كبر كعادتك اتحفتنا بتعليق فيه الكثير من المنطق والحجة الدامغة،،، فشكر ليك كتير. شفت الفيديو عن جامعة الخرطوم.... والله كان جينا للنصيحة مبانيها براها ابهة وفخامة تخلي الواحدة فينا تفتخر بانها تخرجت من جامعة كانت في يوم ما لها سمعة عالمية وعلم من اعلام المعرفة، والاستنارة،،،،حتى جاء نظام حاكم يعادي العلم والعلماء واطاحوا بهيبة هذه المؤسسة التعلمية المفخرة كما اطاحوا بهيبة الحكم.. ودمت بالف خير وصحة وعافية
09-30-2017, 09:18 AM
Kabar
Kabar
تاريخ التسجيل: 11-26-2002
مجموع المشاركات: 18537
ول ابا محمد الأمين..حبابك يا صديقي.. لا ادري ، يا صديقي ياتو احتفاء البتتكلم عنو ده؟.. انا اتخرجت من جامعة الخرطوم ، كلية القانون ، ورفضت حضور الإحتفاء البتقول عنو ده ، لأنو عميد الكلية الإتخرجت منها هو حافظ الشيخ الزاكي..!! رفضت الإحتفاء ومراسيمو..فهل من حقي ان اكون؟.. ولا دايريننا نقعد نسب ونشتم..ونحرد..عشان الخرجنا حافظ الشيخ؟.. نعم يا محمد الأمين..ساحتفى بجامعة الخرطوم ، وسأحتفى بالشهادة التي منحتها لي..ومافي سوداني وشو شبرين بيقدر يبتزاني بالحاجة دي..!! ياخي بني ادم اتخرج من مؤسسة قبل 34 سنة ، وداير يحتفي بيها..المشكلة شنو يا محمد الأمين؟..يحي قباني فتح البوست ده وقال اتخرج من مؤسسة قبل 34 سنة وداير يحتفي بيها ، وانو سعيد بالتخرج فيها وانو سعيد عاش فيها تجربة الإنسان..المشكلة شنو؟..بعدو ناس من خريجين نفس المؤسسة..بيحتفوا بيها..المشكلة شنو؟.. ياخي لو ما عندكم مؤسسات واثقين منها..دي تبقى مشكلتكم؟.. الموضوع اخلاق يا محمد الأمين.. نكتبها ليك بالإنجليزي.. It is matter of ethic تعالوا غالطونا في الأخلاق..وسوف ندافع عن موقفنا..!! شغل حاتم يا محمد الأمين ، بتاع تطفيش الناس من المنبر ده ، ما ح ينجح..لأننا لن نطفش من المنبر ده ونخليهو لناس الجبهة الأسلامية..ولا جبهة الصراع دي ما واقعة ليك؟ جامعة الخرطوم مؤسسة محترمة ، ولو الكيزان افتكروا انها ادت مهاهمها ، كمغفل نافع ، يبقوا غلطانين..!! كبر
عزيزي الفاضل استاذنا ود ابوسن ونقول لك بكل فخر استاذنا لاننا كل يوم بتعلم منك الفكر الرائق الهادئ والمستنير والحوار المفيد... وكل حرف وكل كلمة وكل جملة سطرتها في تعليقك هنا في هذا البوست اوسكار ..اوسكار...اوسكار.. ودمت بالف خير وصحة وعافية
في تخريب بعمل فيه حاتم في المنبر وللأسف المشكلة الأكبر في المجموعة من البورداب الكنا بنحترمهم وبنقدر حصافتم ووعيهم بقوا مبارنه ويزينوا ليه في البعمله حاتم ما بهموا لأنه معول على أنه هويته ما حتتعرف بس بقول لحلفاؤه ومعجبيه المؤمن كيس فطن كلنا كنا أحبة بنتفق ونختلف بإحترام فليه تسهموا في هذه الحالة يبدوا إنه القادم مخيف والله يستر
الوهم عبد القادر دنقس ، أو أي كان اسمو.. انت ليه منتظر ناس جامعة الخرطوم يبقوا ليك قدوة..؟ صدقني ناس جامعة الخرطوم لو في بالهم شعب امثالك كان انتحروا عديل..!! ناخدها من الآخر يا عمك..مش ياك انتا الكنتا بتابع ناس بشاش وتراجي وخالد كودي لمن بقى ليك بمبي؟..اين هم الآن؟ خصومك كانوا ناس كبر ، خريجين جامعة الخرطوم الهسع عامل فيها زعلان عشان يحي قباني محتفي بجامعة الخرطوم..!! الفرق يا دنقس ، ناس خريجي جامعة الخرطوم ، ممن كنت تسبهم ذات يوم بانهم كضابين ، ياهم في نفس موقفهم ، والدهر اثبت صحة موقفهم ، ياهو داك قطاع الشمال بتاعك اتفرتك حتة حتة..!! ناس كبر ، بتاعين جامعة الخرطوم ، لمن كتبوا في المنبر ده كتابة فارقة..عساكر قطاع الشمال (الجيش الشعبي قطاع جبال النوبة) كانوا بينسخوا مقالاتهم من هذا المنبر ويقروها زي راتب الإمام المهدي..وفهموها وطبقوها بيان بالعمل ، عشان انتا اليوم تبقى مسخ لا عارف البيك ولا العليك..ديل خريجين جامعة الخرطوم البتردح فيهم يا دنقس..!! فكرة جزيرة جامعة الخرطوم الخلقها الإستعمار ، ده وهم معشعش في دقنوسك يا دنقس..جامعة الخرطوم نالت الريادة ، وانا ضحايا العنف لمن وقفت في الشارع اعزل وضربني عسكر الجبهة الإسلامية زي الترتيب..وبعدي جات اجيال ما خانت القضية الوطنية..يبقى يا عمك انت بتتكلم عن جامعة خرتوم بتاعة وين؟.. صحيح الخاتم عدلان ايام جعفر نميري سماها (جزيرة معزولة في وسط محيط ثوري هادر) ولكن جامعة الخرطوم عمرها ما خانت اهلها ، حتى في عهد الجبهة الإسلامية التي استغلتها ايام الصعود ورمتها لأنها كانت ادة مراقبة صارمة لا تخون عهد اهلها..!! حتى ابننا عاصم عمر ، الذي يعاني حكم الإعدام في هذه الأيام ، كان يدافع عنها كمنارة تنوير..!! دنقس..ارعى بقيدك يا قريبي..!! يحي قباني لم يبتز احد ولم يحتقر احد مثلما تفعل بغاث الطير من كل جنس..!! الرجل يباهي بحقه في الإحتفاء بمؤسسة وشهادتها..انتو حارق رزقكم شنو؟.. كبر
09-30-2017, 10:13 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
تشكري بسمات وكتر خيرك تحياتي محمد الامين في سفه في الاحتفالات كلها . وقبل كدة اتحدثت وهنا دة عن تخريج الرياض والصرف والسلوك البذخي فيه . حتي صار مشكلة لقطاعات كبيرة تشيل هم تخريج الطفل من الروضة . وبل وصلت لمخاطبة ناس التعليم قبل المدرسي ونضمت معاهم في وضع ضوابط للتخريج . تخريج الجامعات انكأ واظرط . زمان كان لا يتجاوز حفلة وتصوير بالروب . هسة التخريج بقا حاجة تانية نحن شعب حزين ومنحوس مالو لو لقينا فجة فرح وهيصة معقولة ممكن ننتقد شكل الاحتفالات المستفز دة لكن ما نمنعو ولا نقيف ضدو الناس تفتش لي سبب تفرح بيهو من جهامة الواقع
09-30-2017, 10:47 AM
Abdulgadir Dongos
Abdulgadir Dongos
تاريخ التسجيل: 02-09-2005
مجموع المشاركات: 2609
ألانفعال لزومو شنو يا كبر؟ وبعدين ما تخلط لينا أحمد مع حاج أحمد عندك نقة في راسك عن ألحركة ألشعبية قطاع ألشمال، أفتح ليك منشور وأرغي فيهو عن دنقس وتراجي وبشاشا وخالد كودي بطل ألعشوائية. ألمرحوم ألخاتم عدلان ما غلطان، جامعة ألخرطوم جزيرة معزولة عن واقعها رضييت أم أبيت، وهذه ليست عنترية، ألواقع بقول كدا لو دافعوا عن "عاصم" ولا "صنعوا إكتوبر". بطل وهم وهرجلة.
Quote: السبب طريقتك في الطرح يا حاتم. عندك علم ومعلومات ومعرفة واجتهادات! قدمها للناس بتواضع العلماء ياخ اعط الآخرين حقهم في الاختلاف معاك، رُد عليهم باحترام وبدون سخرية وتسفيه وستجد حينها كل التقدير الذي وجده ويجده من سبقك ويعاصرك ومن يأتي بعدك هذا هو الوضع الطبيعي
ود الزبير ينصر دينك يا اخي ...
09-30-2017, 10:37 AM
محمد الأمين موسى
محمد الأمين موسى
تاريخ التسجيل: 10-30-2005
مجموع المشاركات: 3470
كتب ألمنتفخ وهما : "نت ليه منتظر ناس جامعة الخرطوم يبقوا ليك قدوة..؟ صدقني ناس جامعة الخرطوم لو في بالهم شعب امثالك كان انتحروا عديل..!!"
حمدت ألله وشكرت فضله أنكم ما قدوتي، عشان كدا لا شايف ليكم علم ولا أخلاق كما تدعي. وبعدين دا كلام إنسان يرجي منو خير؟ بالله عليك إلتفت "لشعبك" ألقطعوا من لحمهم وعلموك، بدلا من مناكفة دنقس في ألفارغة والمليانة. ضحكت كتير علي تعبير "كانوا إنتحروا" هههههه ياخ إنتوا أنتحرتوا وقيامتكم قامت، ألعايش فيكم تخصص في بيع مدرجات "ألجميلة ومستحيلة" وإنت لسه عايش وهم ألماضي والمين رود.
دنقس
09-30-2017, 11:14 AM
Kabar
Kabar
تاريخ التسجيل: 11-26-2002
مجموع المشاركات: 18537
حبيبنا محمد الأمين..حبابك ابدا ما كلام بوستات يا قريبي ، الحتة الفايتة على الناس البتهاجم الإحتفاءات اياها والشهادة ، حتة صغنونة يا قريبي..حتة الرصيد الواقف ورا الناس المحتفية..!! يحي قباني من امدرمان ، يعني عصلجة ساكت ممكن يقيف وراهو الفوموية زول/ة فقط لأنو من امدرمان..!!..اها باقي ليك نقعد نطط انو مافي حاجة اسمها امدرمان؟.. طيب ، خطوة تانية.. فكرة دعم الإقتصاد الوطني بقيمة مضافة..باقي ليك الزول الإخترعها ده فقط في حساباتو ..مركزية اوربية ومين كده ما عارف؟..هل الفكرة دي ممكن يجسرها ويوطنها عشان تبقى سودانية؟.. مجال اهتمامي ياصديقي هو القانون والأنثربولوجيا ، وده بيديني براح اتجدع في فكرة الثقافات المقارنة (ولا ده ما وارد في حسابات ناس الديجتال؟)..! اشتغلت الألزامية في مدارس ابي زبد الثانوية (ودي تجربة حقيقية يا محمد)..بالقرب من ابي زبد حتة اسمها اب قلب (محطة قطر)..قام مواطن ، شكلو راجع من نورث امريكا..قام عمل مشروع سماهو مشروع المليون بطيخة..!! لاقيت المواطن ده ، وسألتو: الفكرة شنو بالضبط؟.. قال لي تبرير غريب ، انو السودانين بيحبوا اكل التسالي..!..يعني لو ما اكلوا بطيخ برضك هناك فرصة انو ياكلوا تسالي..! صاحبي واجه مشكلة..مشكلة ترحيل..!! الكلام ده سنة 1996..ولمن رجعت السودان ، بعد تلاطاشر سنة في 2012 ، لقيت ناس الحيكومة عملوا شارع ظلط رابط بين الديبيات (منطقة طيبة) وابوزبد..يعني صاحبي الكان داك اتوفرت ليهو فرصة ترحيل ساهلة..!! لمن كتبت عن الشارع ده ، في منبر سودانيز اونلاين..عينك ما تشوف الإ النور..اصحابنا اليسارين سووني جبهجي عدييييييييييييييل..وقابض من ناس المؤتمر الوطني..! حتى اللحظة يا محمد..لمن المدام تشتري ليها كيس تسالي بسبع دولار وتجيبو البيت انا بحرد التسالي ده (مع اني في قرارة نفسي مقتنع انو تسالي سوداني مية في المية ومش بعيد يكون من كردفان..!).. يبقى السؤال يا صديقي..لمن الناس تخترع القيمة المضافة ، اكيد بتكون محتاجة عقلية نقدية وثقافية عشان تقاربها للواقع..يعني يا محمد الإقتصاد مش حاجة مربوطة فقط بمؤسسات المال البتدي الناس كرفتات وتعترف بيهم بمزاجها ، لابد من ناس تكون وسيطة تقارب الخيال بالواقع..وهنا بيجي دور ناس الجميلة والمستحيلة..!! الناس ديل يا محمد ، مأساتهم انهم محاربين من قبل الدولة السودانية..! سلوك حاتم ابراهيم يا صديقي ، هو سلوك من يريد ان يهدم بقايا المعبد..من دون ان يقدم بديل..!! كبر
09-30-2017, 11:33 AM
محمد الأمين موسى
محمد الأمين موسى
تاريخ التسجيل: 10-30-2005
مجموع المشاركات: 3470
موضوع البوست ليس الاحتفاء بالجامعات و المفاضلة بين الجامعات و الموضوع ليس في كيفية الاحتفاء و تسميات الجامعات و المعاهد ...
الموضوع ( لماذا ) نحتفي بذلك الإنجاز أو ال bench mark في حياة كل شاب و شابة الا و هو التجربة الجامعية و التخرج و ماذا اضافت تلك التجربة لشخصياتنا و الموضوع رفض من بريد ان يبخس الناس حقها في ذلك الاحتفاء ...
شكرًا لمدخلاتكم ... و لكنها خارج سياق البوست ...
09-30-2017, 12:08 PM
Abdulgadir Dongos
Abdulgadir Dongos
تاريخ التسجيل: 02-09-2005
مجموع المشاركات: 2609
مرحبا حاتم غايتو عندنا في كوستي بروفسر عبدالله محمد صالح . قرأ وتخرج في السودان . وهو مكتشف عدة امراض ومسميا بي اسمو اخصائي اطفال واظنو من افضل 100 عالم في العالم وبرضو بتنا من كوستي اسمها ليلي زكريا زراعية .. مشهورة عالميا وقدمت ابحاث للعالم وبالتحديد في زراعة قصب السكر شوف ديل بعرفهم معرفة شخصية يمكن التأكد من الانجازات بالبحث في النت
09-30-2017, 11:46 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: كم تسهم الجامعات الكبرى السودانية في الأكاديميا العالمية، بحوث ومنجزات؟
اقرأ بعض مخرجاتها ان كنت تبحث عن الحقيقة:
Quote: Ahmed Hassan Fahal 40.40 MBBS, FRCS, FRCSI, FRCSG, MD, MS, FRCP (London) Professor of Surgery University of Khartoum , Khartoum · Department of Surgery Message You follow Ahmed. Unfollow Overview Contributions Info Scores Research Interests About Skills and expertise (59) View all PCRCell CultureGel ElectrophoresisDNA • 266 Research items
• 18,264 Reads • 2,595 Citations
09-30-2017, 12:49 PM
الصادق يحيى عبدالله
الصادق يحيى عبدالله
تاريخ التسجيل: 10-02-2009
مجموع المشاركات: 926
Quote: Muzamil Mahdi Abdel Hamid 22.46 BVSc, MSc Molecular Biology, PhD Immunology, Dipl Mycobacterium Genetics Associate Professor University of Khartoum , Khartoum · Department of Parasitology and Medical Entomology Follow Overview Contributions Info Scores Research Interests About Skills and expertise (63) View all PCRTeachingDNADNA Extraction • 50 Research items
• 4,190 Reads • 161 Citations
09-30-2017, 12:52 PM
الصادق يحيى عبدالله
الصادق يحيى عبدالله
تاريخ التسجيل: 10-02-2009
مجموع المشاركات: 926
Quote: Manar Elsheikh Abdel-Rahman 20.28 Phd in Biostatistics Associate Professor of Biostatistics University of Khartoum , Khartoum · Department of Statistics, Faculty of Mathematical Sciences Message You follow Manar. Unfollow Overview Contributions Info Scores Research Interests About Skills and expertise (9) View all Statistical AnalysisStatisticsApplied StatisticsRestorative Dentistry • 27 Research items
• 2,202 Reads • 343 Citations
09-30-2017, 01:12 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
تلقت تعليمها الابتدائي والمتوسط والثانوي بمدينة كوستي وسط السودان ثم جامعة الخرطوم كلية الزراعة، حيث تخرجت ببكالوريوس بمرتبة الشرف ونالت درجة الماجستير في التقنية الحيوية وكذلك الدكتوراه والتي كانت عام 1995م من كلية الهندسة بجامعة يومست بمانشستر.
عرفت علي المستوي العالمي بإكتشافتها العلمية ذات المردود الإقتصادي الكبير مثل :
اكتشفت طريقة جذرية جديدة لزراعة قصب السكر ببذور صناعية تمكن زراعتها تماما مثل البذور الطبيعية لاول مرة في التاريخ، وهي طريقة أكثر إنتاجية وأقل تكلفة.علما بإنّ الطرائق التقليدية في زراعة قصب السكر من نموه حتى قطفه هي طرائق مهدرة ومكلفة في آن معاً. وقد حاول العلماء لسنوات عدة تربية أجنة أعواد قصب السكر في الماء حتى نموها لكنهم لم يفلحوا. منحت الدكتورة ليلى زكريا عبد الرحمن براءة الامتياز لأكتشافها هذا من : الولايات المتحدة الأمريكية وأستراليا والصين والبرازيل وجنوب أفريقيا وكوريا الشمالية واندونيسيا وسريلانكا، واطلقت من ثم عملها الخاص في حقل الزراعة البيو-تقنية الذي سيرخص العمل بأكتشافها لأنتاج السكر، الجدير بالذكر ان العالمة الزراعية قامت بمنح المصانع السودانية حق الإستفادة المجانية من إختراعها داخل السودان.
إكتشافها مضاداً طبيعياً للأكسدة ، يمكن ان يكون بديلاً مضموناً لمادة البوتكس المستخدمة في عمليات التجميل ، جري الإعلان عنه بواسطة وكالة السودان للأنباء في تاريخ 20 يونيو 2013 م.
09-30-2017, 01:14 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
الصحف التصنيفات بروفيسور مصطفى عبد الله يكتشف جينين يورِّثان مرض ضمور العضلات
نشر بوساطة الإنتباهة في الانتباهة يوم 24 - 03 - 2013
أعلن البروفسور مصطفى عبد الله محمد صالح - استشاري أعصاب الأطفال بكلية الطب ومستشفى الملك خالد الجامعي بجامعة الملك سعود بالرياض - عن اكتشاف نوعين جديدين من مرض ضمور العضلات، بالتعاون مع علماء من جامعة هارفارد بأمريكا، وجامعات أكسفورد ولندن ونيوكاسل ببريطانيا. وقال د. مصطفى صالح إن أحد هذين الجينين يُورِّث نوعاً من مرض الوهن العضلي الخَلقي والذي تبدأ أعراضه برخاوة الجسم منذ الطفولة الباكرة وتأخر المشي أو انعدامه مما يؤدي إلى إعاقة حركية وهو ينتج عن خلل الموصِّلات بين الخلايا العصبية والعضل. ويمكن علاجه جزئياً بإعطاء الأدوية المُحفِّزة لهذه المُوصِّلات. وقد تم اكتشاف هذا الجين الجديد في عائلة سعودية أُصِيب منها أربعة أطفال. ووُجِدَت حالة مشابهة من إيطاليا. وقد تم تقديم نتائج هذا البحث في عدّة مؤتمرات علمية عالمية ونُشِرَ مفصّلاً في عدد مارس 2013 بمجلة " العقل " «Brain» ذات المردود العلمي العالي. وأوضح بروفيسور صالح أن الجين الثاني يورِّث نوعاً من مرض الحثل العضلي الخَلقي ويؤدي إلى ضعف العضلات وضمورها. كما يتسبب في تشوهات بالدماغ والعينين في بعض الحالات. وقد تم اكتشاف هذا الجين في طفلين من أوروبا وتركيا ثم أربعة آخرين من السعودية وأمريكا وجنوب افريقيا.
09-30-2017, 01:40 PM
محمد أبوالعزائم أبوالريش
محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
أنا والله محتار .... البوست، مع بدايته، أول متداخل كان حاتم ..... سأل: البوست معني بيهو منو (في بالك منو لمن فتحتو) .. رد قباني: ما شخص معين ... معني بيهو أي واحد عندو (عقدة)، فإذا عندك عقدة فأنت معني. رد حاتم: لا والله ما عندي عُقدة.
طيب .... ليه البوست بقى كله عن حاتم وأصلاً البوست ليس موجه له؟ في حقيقة الأمر، بعد توضيح قباني الفوق والوصول لإنو حاتم ليس معني بالبوست ... أصر الأخير على تسليط الضوء عليه وليس على غيره.
مش حاجة تحيّر؟
Quote: الجامعات دورها أكاديمي محض
في دي الـ(جميلة ومستحيلة) تفوقت على بقية الجامعات ... لأنو أدوارها الأخرى يعرفها القاصي والداني.
____ بالمناسبة: لم أدرس في جامعة الخرطوم!!
09-30-2017, 01:50 PM
السر عبدالله
السر عبدالله
تاريخ التسجيل: 11-10-2006
مجموع المشاركات: 1425
اخونا يحى قباني السلام عليكم، عام ١٩٧٣م قبلت بجامعة الخرطوم بعد ان اكملت المرحلة الثانوية بمدرسة القوز الثانوية في مدينة كوستي العريقة.وعند وصولي مباني الجامعة وجدت المظاهرات العارمة تجوب الشوارع المحيطة بالجامعة والعساكر محاصرين الجامعة والغاز المسيل للدموع يهمي العيون...ورعم ذلك وصلت الى الداخل ووجدت الطلاب بتهامسون بان اتحاد طلاب الجامعة قرر ان يحتل الجامع خلال اسبوع من التاريخ الذي وصلت فيه الى داخل مباني الجامعة،، وهرولت نحو مباني عمادة كلية القانون التي قبلت بها وسجلت اسمي بعد تكملة الاجراءات الادارية اللازمة.. واثر خروجي من مكتب مسجل الكلية قابلني صديق من كوستي كان طالبا في كلية الاداب، وسالني عن الكلية التي قبلت بها وعندما اخبرته ضحك وقال لي يبدو انك ما ناوي تكمل الجامعة ،لانك حتترفد قبلةما تدخل سنة ثانية، وقال ياخي المراجع الشايلنها طلاب القانون تنوء عن حملها الجبال، فحملها طالب القانون وكان ظلوما جهولا...واصبح يشرح لي ان اصعب كلية في الجامعة هي كلية القانون ومعظم الطلاب المرفودين هم من طلاب هذه الكلية، ونصحني ان اتحول لكلية الاداب كما نصحني ان اتخصص لغات وان اسرع واسحب اوراقي لان مسجل الملكلية لسع ما دخل اوراقي درج مكتبه...وسمعت نصيحته وهرولت راجعا اليه اطلب اليه التحول لكلية الاداب..وبعد اجراءات ادارية معقدة حولت اوراقي لكلية الاداب قسم اللغات،،وتخصصت في نهاية المطاف لغة فرنسية.. وفي اليوم التالي فقط من قبولي طالبا في كلية الاداب، وكان عميدها انذاك البروفيسور يوسف فضل، تم اغلاق الجامعة امدة ٦ اشهر قبل ان احضر محاضرة واحدة ، لان طلاب الجامعة قادوا مظاهرات صاخبة وكادوا ان يطيحوا بحكومة النميري.. جامعة الخرطوم فعلا في ذلك الوقت الذهبي كانت جميلة ومستحيلة،، وبعد دخولك الجامعة يمكن تلقى نفسك في الشارع اذا سقطت مرتين في المواد الاساسية،،ولم تكن هناك مجاملات واذا لم يجتهد الطالب ويسهر الليالي يسقط ويعيد السنة واذا استمر في السقوط يرفد دون اي مجاملة، ولم تكن هناك مجاملات في القبول كما يحدث الان،،،ولخريج جامعة الخرطوم ان يفتخر بانه حصل على شهادة منها ، واي طالب تحصل على الشهادة الجامعية من اي جامعة ان يفتخر بجامعته التي تخرج منها... وانا افتخر باني تخرجت من جامعة الخرطوم ، وافتخر بان الذي كان يدرسنا البلاغة في اللغة العربية والمعلقات السبعة هو المرحوم البروفيسور عبد الله الطيب، والذي كان يدرسنا العروض في الشعر العربي هو البروفيسور الحبر يوسف نور الدائم، ،، وكل يفتخر بجامعته التي تخرج منها، وفي نفس الوقت افتخر ايضا بمدرستي الثانوية، مدرسة القوز الثانوية في كوستي، حيث كان يدرس بها اكفا الاساتذة،،، فكما يفتخر خريجو مدارس خور طقت ووادي سيدنا وحنتوب بمدارسهم ، افتخر انا ايضا بمدرستي القوز الثانوية... السر عبد المنعم عبد الله... نيويورك..
09-30-2017, 01:48 PM
أيمن محمود
أيمن محمود
تاريخ التسجيل: 01-14-2013
مجموع المشاركات: 4940
Quote: أتحدث عن إسهام (أي إحصاءات) مقارنة بالجامعات المعروفة! وليس نماذج.
هذا لم يكن سؤالك الاساسي الذي حاولت الاجابة عنه بنماذج من علماء جامعة الخرطوم. انت سالت عن الاسهام في الاكاديميا العالمية وبخاصة ذكرت مجال البحث العلمي. تمعن في النماذج جيدا وفي اسفل كل منهما ستجد اهم جزئية وهي التاثير في انتاج المعرفة وستعرف كيف ان علماء الجامعة يؤثرون ايجابا في انتاج المعرفة على المستى العالمي.
09-30-2017, 01:19 PM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
اغلب الابحاث يقوم بها افراد وعليه تجئ اهمية الاشارة اليهم. وحتى في حالات المشروعات البحثية التي تمولها مؤسسات تتم اضافتها في قواعد البيانات المعروفة عن طريق اسماء المشاركين فيها.
09-30-2017, 01:34 PM
الصادق يحيى عبدالله
الصادق يحيى عبدالله
تاريخ التسجيل: 10-02-2009
مجموع المشاركات: 926
حتى في هذه الحالة يا حاتم لعلك تعرف ان الافراد ( النماذج) يقوم بادوار مهمة جدا في تضمين اسماء مؤسساتهم في مقدمة التصنيف. ولعلك سمعت بتعاقد جامعتي الملك سعود والملك عبدالعزيز مع باحثين من ذوي الوزن الثقيل (كافراد) لتضمين اناجهم العلمي في قواعد بياناتها لتضمن ذلك دخولها تصنيف شانقهاي. فلا تستهر بما يقوم الافراد (النموذج) في الارتقاء بمؤسساتهم.
09-30-2017, 01:36 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
تحياتي حاتم بكا شنو ياخ التعليم الجامعي في السودان انحدر انحدارا شديدا غير مسبوق .. اكثر من 50% قبول خاص بي قروش لا يخضع لمعيار التنافس الاكاديمي في امتحان الشهادة السودانية . حتي الجامعات الحكومية . لذا تجد نسبة الدخول مرتفعة جدا ونسبة النجاح العامة منخفضة . فلازم يتراجع مستوي الجامعات واضف لها اسباب اخري من سياسات السلطة النماذج الجبتها نماذج اسهمت في المعرفة عالميا . لا ادافع عن جامعة الخرطوم او غيرها .
09-30-2017, 02:02 PM
الصادق يحيى عبدالله
الصادق يحيى عبدالله
تاريخ التسجيل: 10-02-2009
مجموع المشاركات: 926
Quote: حتي الجامعات الحكومية . لذا تجد نسبة الدخول مرتفعة جدا ونسبة النجاح العامة منخفضة
اسعد الله اوقاتك بكل خير عبدالحفيظ ما هو مصدر الكلام المقتبس دا؟بعد غياب تسع سنوات عن جامعة الخرطوم، تمت دعوتي منذ فترة لحضور اجتماع لاجازة نتيجة الامتحان النهائي. علمت منهم ان احد احدى الطالبات كانت الاولى على مستوى الشهادة الثانوية وهذا شئ لم يكن مالوفا على ايامنا في كلية الاداب. واشاروا الى طالب اخر كان الاول على مستوى العالم في اللغة الصينية. تم تكليفي لاحقا بالاشراف على ابحاث تخرج لبعض طلاب السنة الخامسة وفي جلستي الاول معهم اكتشفت اني امام طلاب على قدر عال من المعرفة بما درسوه ولديهم قدرات كتابية متقدمة جدا. بلغة الاخ حاتم دي نماذج فردية ولكنها ايضا مؤشرللمستوى الاكادديمي للطلاب. استطيع ان اؤكد لك بان الكثير من طلابنا افضل حالا منا اكاديميا ايام دراستنا بالجامعة في منتصف ثمانينات القرن المنصرم. الجيل الحالي لديه قنوات معرفة ليست متوافرة على ايامنا. كنا نتسابق للمكتبة للحصول على المرجع الوحيد في المقرر، وكما تعلم ان مصادر المعرفة لم تعد قضية في الوقت الراهن. لا يمكن ربط ضعف المستوى بزمن معين خاصة وان عوامل النجاح والفشل في حالة تغير مستمرة وتتغير نتائجها سلبا وايجابا تبعا لذلك.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة