|
Re: شيوعى .. مطرطش و كافر .. كمان ... !! (Re: الطيب رحمه قريمان)
|
كنت فى المرحلة الثانوية .. حينما ذهبت لزيارة أحد الشيوعيين الكبار و الذى كان يعمل مديرا لاحد الهئيات الكبيرة ..
بصحبة ابن خالتى .. صاحب ذلك القيادى .. و بينما نحن وقوف بعد انقضاء الزيارة .. و نحن وقوف اباب بيته ..
حضر اعرابى .. من قبائل النيل الابيض .. فاذا به يبدر حيدثه ....
| |
|
|
|
|
|
|
Re: شيوعى .. مطرطش و كافر .. كمان ... !! (Re: الطيب رحمه قريمان)
|
أنا كلامى .. ل الزويل ده .. الشيوعى المطرطش الكافر .. ده .. و اشر اليه بكازه الضبب ..
فقال له ابن خالتى .. يا زول انت كلامك ده كيف ..
فرد عليه ..
تعرف يا ود اخوى .. انا ام عيالى .. جات ام بارح .. و باعت للزويل ده .. ديكين ..
فمسك بالاول و ضرب بو الحيطة .. و بتن مسك الديك التانى و ضرب بيهو الحيطة ..
و بعد داك .. نادى خدامته .. لتمعطهم و تطبخهم ليو .. و مرتى انتظرت .. و فعلا جات الخدامة و شالت الديكين .. و مشت بيهم المطبخ ..
و ام عيالى انتظرت عشان تستلم القروش .. فانتظرت مع الخدامة فى المطبخ .. لحدى الحلة جهزت ..
فالرجل ده يا ود اخوى .. شيوعى .. و كافر عدييييييييل ..
ياكل الفطيس و يشرب العرقى ..
نواصل
| |
|
|
|
|
|
|
Re: شيوعى .. مطرطش و كافر .. كمان ... !! (Re: الطيب رحمه قريمان)
|
فالسؤال الذى يفرض نفسه ..
ارجو ان يجيب على السؤال الشيوعيون فقط لا غير .. بقية الاعضاء عليهم القراء .. لا مداخلة و لا تعليق ..
السؤال :
هل كل شيوعى .. يأكل الفطيس .. و يحتسى الخمر مثل ذلك الرجل .. و ان ذلك امر شايع بين اعضاء الحزب الشيوعي .. ؟؟
انتهى السؤال ..
...........................................................................................................................................................
فيما بعد .. تحققت ان ذلك الدكتور .. يشرب العرقى فى وضح النهار .. غير كل السودانيين من شاربى العرقى ..
و و كما يقولون فان .. الليل بيغطى الجبال ... !!
| |
|
|
|
|
|
|
Re: شيوعى .. مطرطش و كافر .. كمان ... !! (Re: الطيب رحمه قريمان)
|
يا الطيب رحمة
انا ما شيوعية وما عندي اي افكار شيوعية،،بل على النقيض من افكارهم ،،،
وهسع ما حاسمع كلامك وسوف اعلق..لانك قلت بقية القراء ما يعلقوا ويقروا بس..
كتار من غير الشيوعيين بياكلوا الفطيس القلته ده وكتار البشربوا الخمور ومنهم من يدعي
انه صالح وبيخاف الله،،،
ومنو القال ليك الشيوعي كافر،،،،الشيوعي السو د اني ما كافر.....الكفار هم الذين يتاجرون
بالدين الاسلامي السمح وياكلوا اموال اليتامى والمساكين والفقراء ويكتنزوا الاموال والذهب
والفضة ويبنوا القصور من اموال السحت وياكلوا ماطاب ولذ من الطعام ويرموا الفضلات بالكراتين
في القمامة لياتي الفقير والمسكين لياكل من فضلات القمامة،، ولقد شاهدنا مناظر من هذا النوع في
هذا المنبر،،،،
هؤلاء هم الكفار الذين كفروا وجحدوا نعمة الله ولم يعطوا الفقراء والمساكين من اموالهم ،،،،
ولو كانوا فعلا مسلمين لاتبعوا ما قاله سيدنا عمر بن الخطاب، والذي كان يبكي حتى تبتل لحيته
بالدموع ويقول ويلك يا عمر ماذا ستفعل امام الله عندما يسالك ماذا فعلت بالرعية؟ واذا تعثرت
بغلة في العراق فان عمر مسؤول عنها،،،،
وسوداني مسجون ليه عشرين سنة في قطر وهم غير مسؤولين عنه،،، وفقير يموت جوعا وعطشا
وهم غير مسؤولين عنه،،،، فمن هو الكافر يا ترى!!!!
مع وافر الاحترام
| |
|
|
|
|
|
|
Re: شيوعى .. مطرطش و كافر .. كمان ... !! (Re: معاوية المدير)
|
هسّع عليك الله دا بوست دا ؟، تبوسك السحارية ...
غايتو يا ود المدير نقول شنو ؟ .... وكمان قال ما يدخل في البوست إلا شيوعي .... يعني بوست بشروط مسبقة
أنا المحيرني الواحد مما يقيف في صف النظام السجمي الحاكم السودان دا .. تاني ما بخجل كلو كلو بيتكلم زي ما عاوز غلط صح ما بهمه .... صحي بعد الكفر تاني مافي جريمة !!!
سلامي المربع ليك يا ود المدير وللأخوة الكرام في هذا البوست العجيب
عاصم فقيري
| |
|
|
|
|
|
|
Re: شيوعى .. مطرطش و كافر .. كمان ... !! (Re: Asim Fageary)
|
عاصم فقيرى .. س .. سؤال .. هل انت شيوعى ..
Quote: هسّع عليك الله دا بوست دا ؟، تبوسك السحارية ...
غايتو يا ود المدير نقول شنو ؟ .... وكمان قال ما يدخل في البوست إلا شيوعي .... يعني بوست بشروط مسبقة
أنا المحيرني الواحد مما يقيف في صف النظام السجمي الحاكم السودان دا .. تاني ما بخجل كلو كلو بيتكلم زي ما عاوز غلط صح ما بهمه .... صحي بعد الكفر تاني مافي جريمة !!!
سلامي المربع ليك يا ود المدير وللأخوة الكرام في هذا البوست العجيب
عاصم فقيري |
| |
|
|
|
|
|
|
Re: شيوعى .. مطرطش و كافر .. كمان ... !! (Re: معاوية المدير)
|
شيل معاك هذه الأسئلة، مواقف عايشتها لشيوعيين اثنين، مواقف، وليس موقف، عمريهما الان فوق ال55 سنة،... عدم الصلوات دي ملاحظة بالسنين، وليس الايام.... بحكم كثرة احتكاكي معهما.... أما الصوم فقصته الاولى باختصار: في نهار رمضان مضى منذ سنين ونحن جلوس اذ دخل علينا ذاك الشيوعي المعروف للكل، فقام بلمس الزير بظهر كفه ونصحنا بأن نشرب حتى لا نتمقلب ، لأنه - حسب حديثه -ّليس ليست هنالك قيامة... وأخبرنا أنهم حال الوصول للسلطة فسيحولون ذاك المسجد، مشيرا اليه، الى مخبز آلي... والقصص تطول ، ولكن أعطيك الأسئلة مباشرة: هل كل شيوعي لا يصلي؟ هل كل شيوعي لا يصوم رمضان؟ هل كل شيوعي لايؤمن بيوم الحساب؟ أعتقد أن أي شخص يصلي، او يصوم، او يؤمن بالقيامة، فهو ليس شيوعي، وانما فقط .... متشعبط... ...... حبيت فقط أشاركك موضوع: موقف مع شيوعي
| |
|
|
|
|
|
|
Re: شيوعى .. مطرطش و كافر .. كمان ... !! (Re: حيدر حسن ميرغني)
|
الاخ حيدر حسن ميرغنى .. تحياتى وتقديرى ..
Quote: حسبتك اوعى من كده ياقريمان يالفجيعتي فيك والله |
و كما قلت .. فانى شهدت واقعة .. و بموجب ذلك سألت سؤالا .. الم يكن ذلك منطقيا .. ؟
لا تنفجع فيى يا صديقى .. فانا كما انا .. مناهض للفساد و الفاسدين اينما كانوا بصرف النظر عمن هم .. ؟؟
و سوف ابذل كل ما استطيع لاصلاح حال السودان .. بعيدا عن المؤمرات السياسية و الالعيب التى تمارس علينا ..
| |
|
|
|
|
|
|
Re: شيوعى .. مطرطش و كافر .. كمان ... !! (Re: عباس محمود)
|
الاستاذ عباس محمود .. تحياتى و تقديرى ..
اشكرك على حضورك .. رائى فى سؤالك واضح و لا مجاملة فيه .. من قتل نفسا بغير حق .. فما جزاه الا الموت ..
فالديك و غيره من الانعام .. حدد الشرع ذبحهم بطريقة معينة .. فما بالك بالمجرم الذى حكمت عليه المحكمة ..
ينبغى ان يقتل بطريقة بعينها حددها الشرع و القانون .. بصرف النظر عن القاتل و المقتول ..
اشكر اخى عباس محمود .. انا هنا لقول الحق و لو على نفسى ..
Quote: السلام عليكم أخ قريمان
سؤالي بسيط وأعتبر مشاركتي من الهامش الذي يمكن أتاحته لغير الشيوعيين بحكم طبيعة المنبر ... مارأيك في من يفعل بالأنسان الذي كرمه الله سبحانه وتعالي مافعله الشيوعي بتاعك في الديك.
دم بخير |
| |
|
|
|
|
|
|
Re: شيوعى .. مطرطش و كافر .. كمان ... !! (Re: عبدالحفيظ ابوسن)
|
تحياتى يا ابو سن ..
Quote: تحياتي قريمان وضيوفه بعرف ناس ما شيوعين مابصومو ولا بصلو وبحجو سنويا تصدق دة غير العمرة كدى نجي لي موضوع الديكة حكاية ضرب بيهن الحيطة دى فيها الشك والظن من عدة جوانب |
هذا ما كنت عليه شاهدا .. أعلم ان هناك الكثيرون .. لا علاقة لهم بالعبادات ايا كانت .. أنا ذكرت واقعة شهدتها .. و سألت سؤالا .. !!
| |
|
|
|
|
|
|
Re: شيوعى .. مطرطش و كافر .. كمان ... !! (Re: فرح الطاهر ابو روضة)
|
فرح الطاهر ابو روضة .. هل انت شيوعى .. أم انك متعلق فى لورى الشيوعيين القديرى ..
الا تفتخر بالحزب الذى تنتمى اليه .. يا هذا ؟
Quote: انت انسان فاقد الاحترام لذاتك لذا لن نقول لك احترم عقول الأعضاء فقصتك دي ما يجري وراها إلا حد هايف وعاطل فكر وموهبة زيك كده |
| |
|
|
|
|
|
|
Re: شيوعى .. مطرطش و كافر .. كمان ... !! (Re: قصي محمد عبدالله)
|
أخى الفاضل الاستاذ الجليل قصى محمد عبدالله ..
تحياتى لك و تقدير .. اشكر لك حضورك ان اضفت اضافة .. هى صلب الموضوع ..
هل الشيوعيون الذين يتداخلون .. يعلنون عن انفسهم انهم ينتمون للحزب الشيوعيى السودانى ..
انا لو انتميت للحزب الشيوعيى او حزب الكيزان أو الاصلاح الآن او غير ذلك فانى ساعلن ذلك الانتماء هنا و بكل فخر و جراءة ..
Quote: شيل معاك هذه الأسئلة، مواقف عايشتها لشيوعيين اثنين، مواقف، وليس موقف، عمريهما الان فوق ال55 سنة،... عدم الصلوات دي ملاحظة بالسنين، وليس الايام.... بحكم كثرة احتكاكي معهما.... أما الصوم فقصته الاولى باختصار: في نهار رمضان مضى منذ سنين ونحن جلوس اذ دخل علينا ذاك الشيوعي المعروف للكل، فقام بلمس الزير بظهر كفه ونصحنا بأن نشرب حتى لا نتمقلب ، لأنه - حسب حديثه -ّليس ليست هنالك قيامة... وأخبرنا أنهم حال الوصول للسلطة فسيحولون ذاك المسجد، مشيرا اليه، الى مخبز آلي... والقصص تطول ، ولكن أعطيك الأسئلة مباشرة: هل كل شيوعي لا يصلي؟ هل كل شيوعي لا يصوم رمضان؟ هل كل شيوعي لايؤمن بيوم الحساب؟ أعتقد أن أي شخص يصلي، او يصوم، او يؤمن بالقيامة، فهو ليس شيوعي، وانما فقط .... متشعبط... ...... حبيت فقط أشاركك موضوع: موقف مع شيوعي |
| |
|
|
|
|
|
|
Re: شيوعى .. مطرطش و كافر .. كمان ... !! (Re: Asim Fageary)
|
تحياتى عاصم فقيرى ..
و انا ايضا ضد الجوع و ضد الفقر ..
و ساعمل وحيدا او مع جماعة وطنية من أجل تحرير السودان .. من الجوع و الفقر ..
فان كنت يا عاصم فقيرى و طنيا خالصا فانت من حزبى و تعمل من اجل القضاء على الجوع و الفقر .. فانا معك و بك ..
Quote: يقولون الكفر جريمة ... والجوع أب الكفار
مولاي أنا في صف الجوع الكافر ... ما دام الصف الآخر يسجد من ثقل الأوزار
مع تحياتي،،،،
عاصم فقيري |
| |
|
|
|
|
|
|
Re: شيوعى .. مطرطش و كافر .. كمان ... !! (Re: امتثال عبدالله)
|
الاخت امتثال .. لك التحية الطيبة و التقدير ..
لعل المطلوب منهم التعليق هم من ينتمون الى الحزب الشيوعى السودانى ..
اشكر لك حضورك ..
Quote: يا الطيب رحمة
انا ما شيوعية وما عندي اي افكار شيوعية،،بل على النقيض من افكارهم ،،،
وهسع ما حاسمع كلامك وسوف اعلق..لانك قلت بقية القراء ما يعلقوا ويقروا بس..
كتار من غير الشيوعيين بياكلوا الفطيس القلته ده وكتار البشربوا الخمور ومنهم من يدعي
انه صالح وبيخاف الله،،،
ومنو القال ليك الشيوعي كافر،،،،الشيوعي السو د اني ما كافر.....الكفار هم الذين يتاجرون
بالدين الاسلامي السمح وياكلوا اموال اليتامى والمساكين والفقراء ويكتنزوا الاموال والذهب
والفضة ويبنوا القصور من اموال السحت وياكلوا ماطاب ولذ من الطعام ويرموا الفضلات بالكراتين
في القمامة لياتي الفقير والمسكين لياكل من فضلات القمامة،، ولقد شاهدنا مناظر من هذا النوع في
هذا المنبر،،،،
هؤلاء هم الكفار الذين كفروا وجحدوا نعمة الله ولم يعطوا الفقراء والمساكين من اموالهم ،،،،
ولو كانوا فعلا مسلمين لاتبعوا ما قاله سيدنا عمر بن الخطاب، والذي كان يبكي حتى تبتل لحيته
بالدموع ويقول ويلك يا عمر ماذا ستفعل امام الله عندما يسالك ماذا فعلت بالرعية؟ واذا تعثرت
بغلة في العراق فان عمر مسؤول عنها،،،،
وسوداني مسجون ليه عشرين سنة في قطر وهم غير مسؤولين عنه،،، وفقير يموت جوعا وعطشا
وهم غير مسؤولين عنه،،،، فمن هو الكافر يا ترى!!!!
مع وافر الاحترام |
| |
|
|
|
|
|
|
Re: شيوعى .. مطرطش و كافر .. كمان ... !! (Re: محمد عمر محمد)
|
محمد عمر محمد ..
اشكرك على وضوح اجابتك .. واضح انك شيوعى .. كلامك زى الفل .. لا تجد منى الا كل تقدير ..
اما حكاية .. ما يباع فى مايو من لوح .. فطيس .. فانى اطالب السلطات المحلية و الولائية على العمل الان .. على التخلص من ذلك .. و معاقبة كل من يفعل ذلك حفاظا على صحة المواطن .. و من ناحية توفير اللحوم للمواطن باسعر مناسبة حتى لا يلجاء المواطن الى ذلك .. و طالما انكم تحكمون البلاد فان الله تعالى سوف يحاسبكم على كل كبيرة و صغيرة ..
Quote: بالنسبة للعرقي نعم وفي وضح النهار مرات مرات ..اما في مايتعلق بالفطيس فالامر يختلف من شخص الي اخر انا عموما مابسأل عن مصدر الديك طالما كان مسبك بصورة ممتازة وتسبقه روائح طبخه .. بعدين انت ليه جاري علي الشيوعين ماهدا الفطيس بتباع عييييينك عينك في سوق مايو لعامة الشعب بما فيهم المسلمين شديد كما يقول صديقي حسن الطويل |
| |
|
|
|
|
|
|
Re: شيوعى .. مطرطش و كافر .. كمان ... !! (Re: الطيب رحمه قريمان)
|
Quote: الشيوعيين الكبار و الذى كان يعمل مديرا لاحد الهئيات الكبيرة .. |
رأيك شنو في الاسلاموين 28 سنة يحكمو بإسم الله يضبحو صح ويصلو ويصومو ويحجو .. يعني ما كفار مسلمين صح صح .. رأيك شنو في طريقة حكمهم للسودان ..؟ هل اسلامهم كان كفاية عشان يحفظو للانسان حياته وحقوقه وكرامته ..؟
.
| |
|
|
|
|
|
|
Re: شيوعى .. مطرطش و كافر .. كمان ... !! (Re: عثمان عمر صالح)
|
الاستاذ عثمان .. تحياتى ..
يجب اقامة محاكم قضائية و عدلية .. ليتحاكم اليها الناس .. و لا كبير فوق القانون ..
و لو سرقت فاطمة بنت محمد لسرق محمد يدها .. صلى الله عليه و سلم ..
Quote: رأيك شنو في الاسلاموين 28 سنة يحكمو بإسم الله يضبحو صح ويصلو ويصومو ويحجو .. يعني ما كفار مسلمين صح صح .. رأيك شنو في طريقة حكمهم للسودان ..؟ هل اسلامهم كان كفاية عشان يحفظو للانسان حياته وحقوقه وكرامته ..؟ |
| |
|
|
|
|
|
|
Re: شيوعى .. مطرطش و كافر .. كمان ... !! (Re: الطيب رحمه قريمان)
|
بالتأكيد السؤال والموضوع يستفز غير الشيوعين قبل الشيوعين انفسهم .. ويضيق السودان بما رحب ..
صاحب البوست تعتقد ان مشكلة السودان هي لان الشيوعي الانت تعرفو عشان ما بصلي ..؟ تفتكر مشكلة السودان هي مشكلة عقيدة ودين ..؟ السؤال الاهم: تفتكر انو الدين هو كل شيئ في الحياة ..؟
.
| |
|
|
|
|
|
|
Re: شيوعى .. مطرطش و كافر .. كمان ... !! (Re: muntasir)
|
هل انت شيوعيى يا منتصر .. ؟
Quote: أريتو عمك اب عكاز ما حضر زمن بعض عيال الأنصار الكرام البياكلوا السحت من عرق الغلابة بدون حق على يد القتلة المفسدين من تذاكر طيارات وفنادق و نثريات لي وأكل بدعوى الحوار |
عليك اثبات ذلك و قدمنى الى محاكمة ..
| |
|
|
|
|
|
|
Re: شيوعى .. مطرطش و كافر .. كمان ... !! (Re: عثمان عمر صالح)
|
الأخ الطيب رحمة قريمان.
للأسف الشديد هذا بوست لا يختلف كثيرا عن البوستات التي يفتحها الكيزان والمتطرفين, وولو مشيت في هذا الطريق فمن المؤكد أن بوستك القادم سوف تسئل عن أن الشيوعي يتزوج شقيقته أم لا!
بماذا نصحت الناس في السودان عندما ذهبت اليهم عائدا من كندا، وماذا قدمت الى شعبك؟
| |
|
|
|
|
|
|
Re: شيوعى .. مطرطش و كافر .. كمان ... !! (Re: MOHAMMED ELSHEIKH)
|
كدي سيبونا من حكومة ومعارضة ... الزول دا طرح سؤال وجيه للاخوة الشيوعيين وما اظن الطيب هو اول من سألكم له ... وعلي حسب ما هو راسخ في العقل الجمعي للشعب السوداني بأنو الشيوعي كافر فهي فرصة لمحاولة تغيير هذا الواقع ... اذا كنتم تحفلون بهذا الشعب ... فلو كنتم تعتبرونها معلومة غلط فلماذا لا تدافعون عنها وانتم تعلمون تماما" بان الشعب وليس الكيزان او الحكومة ولا الطيب هم من يقول بذلك ... إذا انتم جادون في نضالكم من أجل هذا الشعب فلابد من الاجابة علي مثل هذه الأسئلة الحاسمة جدا" للتصالح معه. الجري للأمام لن يفيدكم لقيادة هذا الشعب. المتداخلين جميعهم لم يعلنو شيوعيتهم إلا واحد فقط ... نظام دعم سريع وحرس الحدود يعني حميدتي وموسي هلال ما كيزان لكن ممكن يضحو بانفسهم من اجلهم لتشابك المصالح ... لكن انتو مصلحتكم شنو في الدفاع المستميت عن الحزب الشيوعي وانتم ليسو بي شيوعيين ... بعدين تعالو هنا وين الوعي الشيوعي المتشدقين بيهو وأنتم تقتالون في سيرة صاحب البوست منذ اكتر من سنة والرجل صامد لم يبادلكم عنفكم وسهامكم السامة إلا بالكلمة الطيبة واحيانا" كثيرة بالتجاهل. تحياتي واحترامي للطيب وجميع المتداخلين.
| |
|
|
|
|
|
|
Re: شيوعى .. مطرطش و كافر .. كمان ... !! (Re: اخلاص عبدالرحمن المشرف)
|
المداخله أدناه كتبتها قبل ساعة تقريبا" وقتا يا ود سيبك مافي داعي ليها ... جابت لها طعين ... هاكم خمو وصرو ...
Quote: هههههه عليك الله شوف مدي السذاجه في البوستين المنبثقات من هذا البوست .... غايتو ديل (سبه) عديييل في وجه أي شيوعي. ياهو دا الوعي ... واحد جري للنبذ والشتيمه والتاني جري لنفي تهمة الكفر عن نفسه فقط. الله يرحمك الأستاذ عبدالخالق فقد قبر الوعي الشيوعي برحيلك ... |
تحياتي دكتورة إخلاص ...
Quote: يعني شئ بخصني ما له دخل بالتاني |
شكرا" علي التوضيح ...
| |
|
|
|
|
|
|
Re: شيوعى .. مطرطش و كافر .. كمان ... !! (Re: Salah Zubeir)
|
صلاح زبير
انت بتستنكر لغير الشيوعيين يدخلوا البوست ويردوا على
سؤال الطيب قريمان،،،
وانا اشرت في مقدمة تعليقي باني ما شيوعية بل بالعكس
بختلف معاهم في حاجات كثيرة،،،وما عندي ود مع اعضاءهم
بالمنبر العام لان لسانهم فقع مرارتي اكثر من مرة...
لكن الحقيقة يجب ان تقال بانه كثير من الشيوعيين السودانيين
بيعرفوا الاسلام وثوابت الاسلام اكثر من مدعي الاسلام والذين
يدعون تفقهم في الدين،،،ويرتكبون الكبائر المحرمة المشار اليها
بصورة واضحة في القران الكريم،،،
وانا اساسا دخلت كي اعلق لان سؤال الطيب قريمان وتعليقه
استفزازي وغير منطقي لانه عارف الاجابة وهو عاوز بس
يستفز الشيوعيين ويستدرجهم عشان يجوا يشتموهو ويسبوهو
وهو عارف ان لسانهم زي سوط العنج وبياذي (هههههههه) وهنا يقول
ليهم شايفين ياهم ديل الشيوعيين البتدافعوا عنهم،،،وياها دي اخلاقياتهم
...انا قلت هو عارف الاجابة لان زعيم الشيوعيين المرحوم محمد ابراهيم
نقد رد على تساؤلاته في مقابلة تلفزيونية قبل وفاته...وما كان في داعي
اساسا يسال هذا السؤال،، لان الذي يكفر والذي يدخل النار والجنة هو الله
وليس البشر،،،
مع وافر الاحترام والتقدير
| |
|
|
|
|
|
|
Re: شيوعى .. مطرطش و كافر .. كمان ... !! (Re: امتثال عبدالله)
|
امتثال عبدالله ... بالتأكيد خطابي لم يكن موجه ليك لأنو من كتابتك هنا واضح إنك ما شيوعية ولا من اصدقائهم المدافعين عنهم دائما هنا في المنبر العام ولا من الشيوعيون المتنكرين لي شيوعيتهم. ثم إن (الشيوعي كافر) تكاد تكون من ثقافة المجتمع السوداني ... يعني ما حاجه جديده قالها اخونا الطيب والعبارة معلومة لدي الجميع منذ انشاء الحزب الشيوعي وكانت سببا" مباشرا" في عدم شعبية الحزب وفشله الدائم في الدخول للبرلمان ... الحزب الشيوعي من ما عرفناهو يكافح ويناضل من اجل الوصول لكرسي السلطة فكان من باب اولي ان يفتح مثل البوست الفاتحو اخونا الطيب ويدافع عن نفسه وينفي عنه هذه التهمة التي اضرت به كثيرا" داخل المجتمع السوداني مع علمنا التام بمرجعية ربنا سبحانه في تحديد من هو الكافر ومن هو المسلم .. تحياتي واحترامي ...
| |
|
|
|
|
|
|
Re: شيوعى .. مطرطش و كافر .. كمان ... !! (Re: علي دفع الله)
|
سلام اخونا قريمان و سلامات لضيوفك
Quote: تعرف يا ود اخوى .. انا ام عيالى .. جات ام بارح .. و باعت للزويل ده .. ديكين ..
فمسك بالاول و ضرب بو الحيطة .. و بتن مسك الديك التانى و ضرب بيهو الحيطة ..
|
قلت لي ديكين ضرب بيهم الحيطة؟ والله ده شيوعي (ختري خلاس) تعرف يا الطيب يا خوي الشيوعي ده اكيد بكون معرس اخته
| |
|
|
|
|
|
|
Re: شيوعى .. مطرطش و كافر .. كمان ... !! (Re: علي دفع الله)
|
كيفك يا الطيب
بوستك دا وبوست صلاح البندر دليل على فقدان البوصلة ما بقول خواء انتو الاتنين ما خاويين بل ناس مدركين بس أقول ليك حاجة، الكيزان اسياد الجلد والرأس واصحاب النزاع التاريخي مع الحزب الشيوعي خلو الكلام دا وتركوه لجداد الأسافير النكرات مدفوعي الأجر الرخيص. لذلك أرى أنه لا يليق بكم هذا النهج
| |
|
|
|
|
|
|
Re: شيوعى .. مطرطش و كافر .. كمان ... !! (Re: علي دفع الله)
|
كفر الدوار
كفر الشيخ
كفر البذور يعني غطاها وسترها
فماذا تعني كلمة كافر في دين الاسلام او اي دين اخر؟!
اذا كانت تعني ان الانسان يعلم بوجود الله ثم يستر علمه ذاك ويغطي عليه
فهي حينئذ لاتعني الحاد بالله او عدم الاعتراف بوجود الله وانما العلم به وستر المعرفة به
لاسباب اخري ....فلماذا يعلم الانسان بوجود الله ثم يتستر او ينكر معرفته ؟!
الاسلام قطعا لم ياتي بمفردة (كافر) وانما وجدها مستخدمة اصلا وفي مجالات اخري
فهل هي مناسبة في سياق الاعتراف او عدم الاعتراف بوجود الله ؟!
اعتقد ان الكلمة غير مناسبة ولكن اكتسبت حمولة نفسية عبر القرون بسبب القمع والقهر
والتسلط باسم الدين وسياتي اليوم الذي لاتعني فيه كمفردة نفس الحمولة النفسية
| |
|
|
|
|
|
|
Re: شيوعى .. مطرطش و كافر .. كمان ... !! (Re: عبداللطيف حسن علي)
|
سلام الأخ قريمان
أخشى ان الأسئلة مثل التي تطرحها ستزيدنا تخلف و توصلنا الى ان
يصدر الكيزان قانون يلزم المواطنين باستخراج صكوك مختومة تفيد
بان حامل الصك يشهد ان لا إله إلا الله، يصلي، يصوم ، يزكي و يحج .
دعوا الخلق للخالق ، فهو لا يحتاج تدخلكم .
| |
|
|
|
|
|
|
Re: شيوعى .. مطرطش و كافر .. كمان ... !! (Re: muntasir)
|
ترى كم من أهل السودان يؤمنون بما يُؤْمِن به إلاسلاميون من دين ؟! ده سؤال .. السؤال التانى ، لكى يتقرب شخصاً ما من النظام او ليثبت الولاء للنظام هل يصير لزاماً عليه ان يشتم الحزب الشيوعي ؟ حتى لو كان ذلك على طريقة " ينعى والده و يصلح ساعات"؟ و الله يا الشيوعيين تطير عيشتكم اى زول بفك الخط عايز يشتمكم.. محن سودانية على قول الاستاذ شوقى بدرى..
| |
|
|
|
|
|
|
Re: شيوعى .. مطرطش و كافر .. كمان ... !! (Re: امتثال عبدالله)
|
انا زمان كان عندنا ديك عامل لي قلق كل ما اطردو من الراكوبة يجي راجع اها مسكتو وضربت بيهو الحيطة عليك امان الله قام يفرفر واخد ليهو زي تلاتة دقايق كده وجا راجع تاني. بس حيطتنا كانت جالوص ما عارف دي بتفرق وللا لا. انتظر اجابة الخبير قريمان.
| |
|
|
|
|
|
|
Re: شيوعى .. مطرطش و كافر .. كمان ... !! (Re: سيف النصر محي الدين)
|
يا علي حكى لي واحد اظنه شيوعيا مطرطشا بلغ المنتهى في الكفر والعياذ بالله انهم شالوا عرقيهم نصة نهار وشالوا معهم عتودا وذهبوا الى مزرعة في سوبا، وهناك دوروا الكاسات ولموا في العتود المسكين ذبحا وسلخا و لم يفطسوه كما جرت العادة. المهم يا زول بعد ظبطوا حلتهم اكتشفوا انهم نسوا العيش فضربوا الجرسة. قال احدهم وكان مثقفاتيا متفائلا دون مبرر للتفاؤل: ما مشكلة يا جماعة. فقالوا له: ما مشكلة كيف؟..العتود ده نسوي فيهو شنو يعني؟ فرد عليهم: نبوزوا ياخي.
| |
|
|
|
|
|
|
Re: شيوعى .. مطرطش و كافر .. كمان ... !! (Re: سيف النصر محي الدين)
|
بالجد دي نافذة جيدة نتبادل فيها قفشات الشوايعة المطرطشين والمن غير طرطشة يا سيف . هي دعوة للحكاوي .. معاوية تروتوسكي قالوا مرة وقفوا لط ومعاه مجموعة المهم لمن قاموا كان في خور غلبو ينطو اها طاااخ وقع وقال قولته المشهورة (الخور فيما اختاره الله) يلا يا سيف مد واحكي لانو بعد شوية بكون في الفيافي والشبكة بتطش اتمنى انك والشباب ما يقصرو ..
| |
|
|
|
|
|
|
Re: شيوعى .. مطرطش و كافر .. كمان ... !! (Re: عثمان عمر صالح)
|
الاخ عثمان ..
نعم .. انا اعتقد ان الدين هو محور الحياة .. و الا ما انزله الله سبحانه و تعالى الا لانه مهم و ضرورى و بدونه لا تستقيم حياة الانسان ..
لذلك نجد ان الانسان بطبيعته يبحث عمن يعبد .من اله . و الامثلة دونك ..
Quote: بالتأكيد السؤال والموضوع يستفز غير الشيوعين قبل الشيوعين انفسهم .. ويضيق السودان بما رحب ..
صاحب البوست تعتقد ان مشكلة السودان هي لان الشيوعي الانت تعرفو عشان ما بصلي ..؟ تفتكر مشكلة السودان هي مشكلة عقيدة ودين ..؟ السؤال الاهم: تفتكر انو الدين هو كل شيئ في الحياة ..؟ |
| |
|
|
|
|
|
|
Re: شيوعى .. مطرطش و كافر .. كمان ... !! (Re: الطيب رحمه قريمان)
|
شهاده لله
رحم الله الاستاذه فاطمه احمد ابراهيم
كنت اتحدث معها في جامعه الخرطوم و انا برلوم مليان بجهل العامه ، لم اتكلم معها تصريحا لفارق العمر و المكانه ، و لا حتي تلميحا ، و لكن هي بذكائها الفطري ، عرفت انه ما يدور في راسي انه الشيوعيين لا بصلوا و لا بصوموا
قالت لي اول حاجه انا اسمي فاطمه زي اسم بت الرسول عليه الصلاه و التسليم
في معرض كلامها و كان موجه لي انها تصلي و تصوم و الكلام طويل
و الله علي ما اقول شهيد
الزبير الختمي
| |
|
|
|
|
|
|
Re: شيوعى .. مطرطش و كافر .. كمان ... !! (Re: امتثال عبدالله)
|
السؤال :
هل كل شيوعى .. يأكل الفطيس .. و يحتسى الخمر مثل ذلك الرجل .. و ان ذلك امر شايع بين اعضاء الحزب الشيوعي .. ؟؟
انتهى السؤال
ــــــــــــــــــــــــــــــــــــــــــــــــــ
ارجو ان يجيب على السؤال الشيوعيون فقط لا غير .. بقية الاعضاء عليهم القراء .. لا مداخلة و لا تعليق
بكل فخر يا الطيب أقول ليك أنا شيوعي أولاً أحب أن أشكر كل من انتزع حقة في الرد علي سؤالك بطريقته الخاصة و احترم منهم من اعلن انه غير شيوعي و يختلف مع الشيوعيين. و ما حرك قلمه الا احساسه الوطني العالي, بالرغم من انك جردتهم من حق المحاورة في منبر عام اي زول عندو حق يقول ما يقول. و طالبت أن يجيب علي السؤال الشيوعيون فقط لا غير؟ يعني انت داير الشيوعيين يخلو شغلهم و يردوا علي انهم ياكلوا فطيس ولا ............لأ الشيوعييين معاركهم أكبر من كده ... و همومهم أكبر من كده .... ياخي خليهم الشيوعيين الكفار ديل انت المسلم ده رايك شنو فى الناس البتاكل من الكوشة (طبعاً ما قاصد كوشة العرس عشان ما راسك يودي و يجيب) ياريت ود المدير ينزل ليك فيديو الناس البياكلو من صناديق النفايات النفايات و أقول ليك بصراحة ده حوار لا يمكن ان يتشرف به أي شيوعي عندو التزامات تجاه الوطن و الشعب و الانسانية, و بالعقلية دي امشي واصل في حوارك مع النظام و كان ممكن أن اتجاهل هذا البوست زي بوستات كتيرة تأخذ من الوقت و لا تفيد لا علي المستوي الشخصي أو علي المستوي العام و
لكني تحديت الألم
و كتبت لسبب واحد هو لأنني أكن لك احترام. و أحترم تاريخك فى المنبر. و لم أبادرك العداء عندما ذهبت للحوار مع النظام. فقط وضحت (انكم لا تمثلوا المنافي) غير كده الحوار مع النظام من حقكم و حق من سبقوكم في الحوارات باسمهم. و ليس بأسماء مستعارة و انتظرنا النتيجة و ظهرت لنا الآن. و كما ذكربعض المتداخلين البوست ما بشبهك ............
| |
|
|
|
|
|
|
Re: شيوعى .. مطرطش و كافر .. كمان ... !! (Re: Hamid Elsawi)
|
سنة تلاتة وتسعين ونحن راكبين عربيتنا البافلو في البطانة، شيخ عوض الكريم خير الله وقفنا، كانت في حبارة تحت شجرة كتر، من مسافة ٣٥ متر فكّ فيها السفروق، مصنوع من شجر الطندب، اتعطلنا شويّة، لمان مشى ليها لقاها ماتت، لكن قطعنا رأسها وأكلناها كأحلى لحم اتذوقه حتى الآن المهم، شيخ عوض الكريم قبل يفك السفروج كان كبّر دحين يا قريمان، الشيوعي الكافر دا، لمان فكّ الديك كبّر ولّ ما كبّر؟
| |
|
|
|
|
|
|
Re: شيوعى .. مطرطش و كافر .. كمان ... !! (Re: أبوبكر عباس)
|
يا أبوبكر يا صديقي سيرة كبر دي أختاها كبر شنو عليك الله الليلة كان يوم عظيم في مدينتنا كالقري قابلت كبر صحي صحي محمد النور كبر .... قابلتو بالأحضان و اتونسنا و شربنا سيجاير و اتناقشنا... و اتفقنا .... واختلفنا و ما زلنا نبحث عن القاسم المشترك البحث عن وطن متعافي بحث شاق ... و نواصل
| |
|
|
|
|
|
|
Re: شيوعى .. مطرطش و كافر .. كمان ... !! (Re: Hamid Elsawi)
|
يا قريمان ما كنت قايلك حتكتب كلام هردبيس من شاكلة "الشيوعي كافر وما بصلي وبيأكل الفطيس" ياخي والله والله الشيوعين الأنا بعرفهم كانوا بيصحونا الصبح للصلاة في الداخليه وكانوا قمة في الأخلاق علي المستوي الإجتماعي والأخلاقي وما كانوا حرامية ولا لصوص وكنا اذا إختلفنا في شيء بنجيب صاحبنا شيوعي إسمه عمار (لأننا بنثق في صدقه) ديل الشيوعين الأنا بعرفهم علي المستوي الإجتماعي والأخلاقي
| |
|
|
|
|
|
|
Re: شيوعى .. مطرطش و كافر .. كمان ... !! (Re: Hatim Alhwary)
|
سلام يا أختنا امتثال
Quote: غايتو يا امير بوب اذا جانا طبيب بيطري من اعضاء المنبر وايد
النظرية بتاعتك دي يكون الطيب ماسك ضنب الكوكو زي ما بيقولوا |
الديك يا امتثال لو ضربوا بيه الحيطة ما بموت دا كلام حقيقي و أهو ديك ناس سيف النصر قام جاري و يفرفر زي الماحصل شيء ! نتجدي أي بيطري يجي يثبت لينا انو الديك بموت لو ضربو بيه الحيطة ... و الله صحي ! بعدين معانا في البوست هنا المستنير و هو طبعاً بيطري تعبان بتاع ( سواسيو) بس لاكين ممكن يفيدنا في تأكيد المعلومة دي لأنو قايمة عليها قصة قريمان المنجورة دي !!
... قريمان ، قوم علي حيلك !
| |
|
|
|
|
|
|
Re: شيوعى .. مطرطش و كافر .. كمان ... !! (Re: قصي محمد عبدالله)
|
يا قصي وينو الموضوع سؤال واحد اجابتو كالاتي بعض الشيوعيين بسكروا والباقي لا بعض الكيزان بسكرو الباقي لا بعض السلفية بسكرو والباقي لا السودان بلد سكر وما فيهو زول بتعمد ياكل فطيسة متعمدا الا يكون ما عارف او تحت ضغط الجوع بعدين رايك شنو في الطيور البضربوها ببندقية وتقع ميتة وهي ميتة يضبحوها عشان يحللوها وياكلوها
| |
|
|
|
|
|
|
Re: شيوعى .. مطرطش و كافر .. كمان ... !! (Re: Salah Zubeir)
|
صلاح بن زبير ازيك تاني يا صديقي شايفك جبت كم نموزج للشيوعي ما عارف انت عشت الحالة دي ولا حكو ليك بيها على كل حال اي منتمي ومتلزم بالحزب وفكره وخطه السياسي والاجتماعي ثق ما بعمل الكلام الكتبتو دا لانو دا بنافي دستور الحزب وثقافتو وروحه .. يعني الشخص البسب الدين وبولع سيجارة اثناء اداء الناس لشعيرة من شعايرهم دا ما شيوعي دا متشويع والله صحي . و كتار جدا اتفتحت فيهم بلاغات حزبية لانهم بسكرو بصورة قبيحة ومؤذية وكتار تم فصلهم وكذلك بقية الاشياء البتتنافى مع طبيعة المجتمع ... وبعدين انت قايل الشوعيين السودانيين ديل جايين من خارج ثقافات المجتمع العايشين فيه دا يا اخي بتلقاهم في الافراح والاتراح والمولد والكريسماس وبباركوا العيد وببروا اباؤهم وامهاتهم وعايشين في هارموني جميل مع الحواليهم ما فيهم اي شذوذ عن مجتمعهم . اتمنى تخلوا الشغل الانطباعي والتكتل اليميني المبني على الغباين والكره وحاكمونا من غير تكفير لاننا ما طارحين نفسنا قديسين او انبياء بينا وبينكم الشغل السياسي والاقتصادي والمجتمعي . الشيوعي ممكن ما يصلي لكن بحترم الانسان البصلي وممكن ما يصوم وبرضو بحترم الزول البصوم لانو دي مدرسة الحزب الشيوعي وممكن اجيب ليك مية وثيقة و دراسة بتأكد كلامي دا . اما ثناءية الكيزان حرامية والشيوعيين كفار دي مقارنة عبيطة جدا وتسمح لي اقول ليك نحن كحزب سياسي خطنا واضح بننادي بالدولة العلمانية يعني تصلي تصوم تقلب هوبة دا شيء شخصي بينك وبين مل تعتنق من عبادة البهمني بيك كمواطن او جماهير كلكم واحد تحت حكم القانون . فيا صلاح اتمنى انك تفهم انو الحزب الشيوعي حزب سياسي طارح برنامج سياسي واقتصادي متكامل ركزوا فيه وبعد داك نكون كفار نكون حطب نار دا ما الدرب البتحاكمونا بيه . --------------------------- الصديقة منى عمسيب اي والله بسف التمباك وفكرت كم مرة اخليه لكن البديل الدخان هسي لصقت فيهن الاتنين هههههه ------------------------------------------------------- الطيب قريمان طبعا زاغ عليك رب المجرات كدي تعال تعال ورينا بقية قصص وحكاوي الشوايعة اولاد الذين ديل .. تعال يا اخي هي بقت عليك انت بس ما تتحسس تعال العن خاشهم اولاد الهرمة . المافي شنو !!!
| |
|
|
|
|
|
|
Re: شيوعى .. مطرطش و كافر .. كمان ... !! (Re: علي دفع الله)
|
حبابك يا علي ... واليوم السعيد الليله جابك ... اخوي شقيقي شيوعي ... وابن خالتي زوج شقيقتي شيوعي ... اصحابي وشلتي زمن قبل ما اغترب شيوعيين وفيهم الزمن داك شيوعيين صينيين تبع ماو ولازلنا علي تواصل ... امشي معاهم ونعمل السبعة وزمتا ولم يفكرو ولو لمرة واحدة ان احضر معهم نشاطاتهم الحزبية ... فما زكرته فوق عن معايشه ولم يكن نقلا" من احد ... دا اولا" ثانيا" اخواني أنا الفوق ديل حضرت لهم مواقف مخزيه ومؤذيه والسبب ما يعتنقونه من فكر ... كمثال فقط عند الصلاة علي جنازة عزيز وعزيز جدا" لدينا في مسجد عند طرف المقابر .. لم يهن عليهم حضور صلاة الجنازه وكانو يتنقلون داخل المقابر من شجرة سدر الي الاخري كالاغنام السايبه ... ثالثا" ودا المهم ... تقول الحزب يدعو لدولة علمانية هل الدولة التي يدعو لها الحزب الشيوعي دولة احزاب ومنظمات مجتمع مدني ام هي دولة علمانية نظام الحزب الواحد وحلفائه من العمال والصناع والمزارعين الذين يؤمنون بالفكر الشيوعي .... دير بالك وما تطلع عبيط زي انا ... انا مزاكر فكركم. رابعا" بتقول ...
Quote: فيا صلاح اتمنى انك تفهم انو الحزب الشيوعي حزب سياسي طارح برنامج سياسي واقتصادي متكامل |
نبدا بالبرنامج السياسي وأسألك ماهو موقف الحزب من سياسات التمكين والتأميم والمصادرة وهل سيسمح الحزب بانشاء شركات خاصة سودانية واجنبية ... مثال قطاع الاتصالات ... هل سيسمح الحزب بتواجد بنوك اجنبية ... هل سيسمح الحزب بتواجد راس المال الأجنبي في الزراعة والصناعة والتعدين وانتاج البترول. ملحوظه ... اتمني تكون اجابتك شفافه ومن جوا الجك كما هو مخطط لها في مرجعيتكم الفكرية (الماركسية و الإشتراكية).
| |
|
|
|
|
|
|
Re: شيوعى .. مطرطش و كافر .. كمان ... !! (Re: كمال عباس)
|
كان من الأنسب والاجدى مناقشة مدى تعارض الفكر الشيوعي .. مع الأديان وهل هناك أي محاولات من منظّري الحزب في قبول الاديان .. في برامجهم الحزبية ومحاولة تضمينها كنوع من المواكبة والتجديد .. وكسب المزيد من المنتمين الجدد وتغيير تلك الصورة النمطية السالبة .. التي ارتسمت في أذهان الكثيرين عن رفض هذا الحزب للأديان ومحاربتها ..
أعتقد النقاش ربما يكون أجدى وأنفع بدلا عن اتهام الشيوعيين بالكفر .. ولو جاء هذا الأمرعلى لسان أناس آخرين عبر القصص والحكاوي .. لأن التعيين بالكفر للأشخاص شيء يحتاج إلى الكثير لاثباته وثبوته .. فضلا عن عدم جوازه وكمان ما كل الأفراد المنتمين للحزب الشيوعي .. على حد سواء فكريا وعمليا في القبول بعزل الدين وتحييده .. في اعتقادي الامر يحتاج لقليل من الحصافه للخروج بنتائج أفضل من الحوار ... حتى يستفيد الناس اما تناول الامر من هذه الزاوية الضيقة جدا .. ففيه مافيه من الاستفزاز وعدم القبول بالآخر فضلا عن تكفيره واقصاءه .. وأكيد لن ننال من المناقشة عبر هذه الكوة الضيقة غير الهتر .. والكلام الما منه فايدة ..
بالمناسبة إن كان في التوضيح فايدة : ..
نظرتي شخصيا للفكر الشيوعي سالبة جدا .. بالذات في منحى التعامل مع الاديان والعلمانية.. لكني أفكر ألف مرة قبل تعيين أحدهم بالكفر .. ولو من باب المزاح أو الاستفزاز لان الأمر جد خطير .. ولازلت في انتظار تجديد هذا الفكر الذي اجزم بان نجمه قد أفل .. مهما حاول مريديه احياءه والتشبث اليائس بالنموذج الصيني المختلف .. والذي استطاع المواكبة عبر اصطحاب خصوصيات مجتمعه .. وهذا سبب نجاحه .. فليت شيوعيي المشرق يواكبوا خصوصيات مجتمعاتهم .. ليمضوا قُدما في كسب نجاح ربما أضاعوا طريقه .. والدين الاسلامي أخص خصوصيات المجتمعات المسلمة ..
| |
|
|
|
|
|
|
Re: شيوعى .. مطرطش و كافر .. كمان ... !! (Re: جمال ود القوز)
|
ساعود للرد على بيقية المداخلات المهمة ..
عليكم بالتفكير فى الاتى .. الشيوعيون و غيرهم من الاعضاء ..
انا .. شهدت واقعة .. حدثت أمامى .. و نقلتها اليكم .. و سألت سؤالا .. وفقا لذلك .. !!؟
أنا لم آتى من كوكب آخر .. ؟ أنا اتيت من صلب المجتمع السودانى .. !!
فسؤالى .. ليس لجهل .. او عدم معرفة بالشيوعى او غيرهم من افراد المجتمع .. لا تضيقوا على انفسكم .. و فكروا ملئيا فيما ذهبت اليه .. !!
فالامر ليس شخصى كما فسره البعض .. !!
فلكم تناول الموضوع من حيث هو .. !!
| |
|
|
|
|
|
|
Re: شيوعى .. مطرطش و كافر .. كمان ... !! (Re: كمال عباس)
|
سلام يا قريمان ... سألتني هل أنت شيوعي ودي أنا أجبت عليها في أول مداخلة أرجع أقراها
أوضح ليك أكتر ... أنا ما عضو في أي حزب شيوعي من الأحزاب الشيوعية في العالم
لكن لو عاوز تسأل عن رأيي في الماركسية والجدل العلمي المادي مرحب بيك تعال وأفتح بوست أتناقش معاك
وأوريك رأيي في نظرية كارل ماركس وأنا بتعامل معاها كيف وبفهمها كيف
أما إنتمائي الحزبي معروف لكل رواد هذا الموقع
مع تحياتي،،،
عاصم فقيري
| |
|
|
|
|
|
|
Re: شيوعى .. مطرطش و كافر .. كمان ... !! (Re: Asim Fageary)
|
ول ابا الطيب..حبابك يا صديقي وحباب الصديقات والأصدقاء هنا..
وانا بدوري أسألك واسأل كل من عبر هنا: هل كلامنا عن الحريات وحقوق الإنسان هو مجرد ونسة ساكت ولا نحن فعلا جادين نسوى مجتمع تسود فيهو قيم وثقافة حقوق الإنسان؟..
المسائل التي تساءلت عنها هنا كل تدخل في باب الحريات التي تتحدث عنها ثقافة حقوق الإنسان..سواءا كانت حريات فردية او حرية اعتقاد او حرية رأي..فما هو موقفنا الحقيقي من الحريات دي؟..
الحاجة التانية..حكاية الفطيس..معروف زمان في مدينة كوستي كان في مصنع لحوم..والمصنع ده اتقفل.. سواءا لأسباب فنية او اخرى..!
(الأسباب الأخرى) بتدخل فيها فكرة الوعي الإجتماعي والثقافي الكان سائد وقتها بانو الذبيح بيتم بطريقة غير شرعية..يعني فطيس..! السؤال: يعني ما نعمل مصانع لحوم (بقر/غنم/فراخ..الخ) لأنها بتشتغل فطيس؟.. مع ملاحظة ان المصنع.. أي مصنع كان ..وجودو بيعني توفير فرص عمل وعائد للخزينة العامة..يعني دعم الإقتصاد الوطني..فهل ده كلو نضرب بيهو عرض الحائط ونتمسك بحكاية الفطيس؟..
عندنا هنا في مدينة كالقري ..مصانع ذبيح ..من ضمنها مصنع الفراخ..اها الناس ديل الجدادة بيجدعوها في غلاية موية..بتمرق من غير ريش ..وبتتعلق في الشناكل وبتمشي في سير..لغاية تقسيمها الى اجزاء صغيرة..! الجماعة قالوا مدينة كالقري فيها مسلمين كتار وما دايرين يخسروا مستهلك بهذا الحجم..جابوا ليهم شيوخ حاموا المصنع..وطلعوا بفتوى انو طريقة ذبح الفراخ دي لا تتعارض مع الشرع الإسلامي..وناس المصنع عينك ما تشوف الإ النور..!! بيجيبوا ليهم اكياس بلاستيك جاهزة ومكتوب فيها عبارة (حلال) بالإنجليزي والعربي..وبيشيلوا وبيعبوا..!!
ذبيح البقر بيتم بطريقة تانية..لأن العدد كبير (بين اربعة الف الى ست الف في وردية عمل زمنها ثمانية ساعات)..وهنا بيستخدموا بندقية هوائية..وبيضربوا البهيمة في نص راسها لمن المخ يتطاير..وبعد داك بتتشنكل..وبتلف في السير لغاية ما تتقطع حتة حتة..وبيتم تعبئة اللحم في اكياس وبرضك مكتوب عليها (حلال)..اها ناس المصنع لأنو برضو في عينهم المستهلكين المسلمين..اخترعوا حيلة عجيبة..انو الناس البتشوت البقر (اول زول في خط السير وبيكون عندو البندقية الهوائية دي) كلهم مسلمين..وبعضهم كانوا سودانيين..والجماعة بيسألوهم من باب النكتة (يا شباب كبرتوا ولا حأتكلونا فطيس ساكت)..!!
اتمنى ان اسمع رأي الجميع في حكايات الحريات بالتحديد..هل نحن فعلا جادين في امرها ولا الموضوع ونسة ساكت؟..
ودمتم..
كبر
| |
|
|
|
|
|
|
Re: شيوعى .. مطرطش و كافر .. كمان ... !! (Re: Kabar)
|
سلام يا كبر، كلامك حول "حلال" في عمومو مقبول، لكن خليني أكون أكثر دقّة حلال تعتبر شهادة جودة معترف بها تصدر من معاهد معترف بها زيها وزي شهادات الISO و ال HACCP يعني ما أي زول بقدر يكتب حلال في منتجو بدون استيفاء معايير حلال الفنية
| |
|
|
|
|
|
|
|