الحضور في الأداء يضفي على النغم اوتار تشد المستمع وتغوص به في بحار الشجن ودنيا الأماني ( يا ريت لو قلت هذه الكلمات أنــــــــا وأعوذ بالله من كلمة أنا )
كُثر يعجبني حضورهمالمسرحي في الأداء صوتهم سلامـــة مخارج الحروف عندهم هذه الغادة وغيرها و أخرين كانت موهبتهم في حسن الأداء لكن الأزمة التي ظلت ملازمة لكل شى من الدقيق الفيني الأسترالي للكلمة واللحن وقفت دون أن يطفوا هولاء بالخاص لهم وظلوا يجترون ماضي حلو جميل لكن بسدالرمق
02-21-2016, 02:34 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
يا القمرة يا القمرة أقلبي السنسنة الحمرا وشوفي ابويا وين ما جا طراطيش أنغام كنا نرددها في ننظر لشكل القمر في ليلة هلته بدرا ونسرح بعيد ننسجمنصور خيالنا تلك المرأة الجالسة يُمشط لها في شعرها ( جلسة عنقريب لمشاط ) ليت القمر يحنو علينا كما كان يفعل في الماضي وليت الماضي يعود وهل من عودة لتلك الأيام الجميلة رغيفةالخبز تزن رطل وصبحت ضِنيب أمسيسي
وحـــــن يـــــــا قمــــــــر
02-21-2016, 03:02 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
أخي حيدر ود ميرغني تسعد روحك والروح السمحة لها السعادة مرورك يسعنا وبيك نسعد وفيك السعد وزي مابقول اخونا ود شيقوق البنية كان غنت ليك لي الموت تتمنى الموت شدة مو سمح الغنا في خِشيمة غادة حسن فنانة تحتاج من ياخذ بيدها في زمان فقدنا فيه الحضور المسرحي الطبيعي للمطرب وهي تمتلكه ووصافة شكرا كتير أخي حيدر للمرور
02-21-2016, 07:21 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
حبيبي الدنيا يوم بتروح لا بدوم لا فرح لا نوح ونحن اليوم ورود بتفوح غداً نصبح حطام احلام وتزرونا الرياح في الدوح فليه قلبك تزيدو جروح
حبيبي يا الظالم المظلوم حبيبي يا الحالم المهموم افيق واترك عزيز النوم واحلام تائهة في دنياك هناك لو دام سحابة يوم حبيبي الدنيا ما بتدوم
حبيبي الما جفاك نضار وما أضنت رؤاك أشواق وما فجعت هواك أيام وما كحلت سهاد عيناك شربت من المودة دوام ومن كأس السلامة سلام خلاص أنساني وأنا أنساك نتقاسم مرار البين أنا وياك
02-21-2016, 07:43 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
من أجل حبي كلمات: حسين بازرعة غناء: عثمان حسين جاي تترجاني أغفر ليك ذنبك ما كفاية الشفتو من نارك وحبك أنت فاكر تاني أرجع لك واحاسبك لا يا ناكر دربي أصبح ما هو دربك كنت تحلم بالسعادة في كلمة مودة وهي غير ما إنت فاكر وهي في نبضة مشاعر في القلوب الما بترد أي طارق أي زائر شايلة هم الدنيا زاده ومالية كل الكون بشاير إجتمعنا علي المحبة في ثواني في طريق مفروشة بي حبي وحناني وافترقنا كل واحد في طريقه انا ضائع وإنت مخدوع بالأماني كل زادي في ضياعي قلبي مفتوح للأحبة للجمال الأشجى روحي في شعوري سحره شبه ورسالة فني سامي تدعو للخير والمحبة إلا قلبك يا حبيبي لسه ما أدرك وشبه برضو سامحتك لحبى مالاجلك للمعانى الكنت بنظم فيها حولك والحقيقة كل املى ابقى جمبك اصلى بعدك ماهوييييت ... ولاعاطفة قبلك
02-22-2016, 03:04 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
ويا الطبيعة الواديك ساكن مافي متلك قط في الأماكن ويا جمال النال في ثراكن ويا حلات البرعن أراكن وبي قفاهن تور قرنو ماكن لا غشن لا شافن مساكن في الخُزام والشيح البراح
مرحب حباب بت شيوخ البطانة أبقي لي داخُل المتلي سعيد وزارتو البركة كيف أخبارك عفاف علكم العيال طبين مودتي وتحياتي
02-22-2016, 06:38 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
ابوبكر سيد أحمد وشهادتي فيه مجروحة لانه صديق شديد وحكمة الله تعرفنا ببعض في هئا المنبر العامر ومكسب هههههههه كما عرفنا فيه من الأخوان رجال بمعنى الكلمة وأخوات كريمات أخوات حارة
02-23-2016, 00:24 AM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
ود المنسي اتذكرناك في البوست الجديد ..قصة غرق تايتانيك..وما مريت علينا بهناك.. وزي ما قال ليك ود الفاضلاب ..كنت في ايران!! ودي هدية من نسرين ودمت بخير وعافية
02-23-2016, 04:54 AM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
هيييييع والخلا ولع والبحر جاب ناس الشمال والله حلو لو خليت التصحيح يااستاذ باشاب اسوي شنو بنكتب سريع والكي بورد التقول كابين لي صباع امير بين حروفو ديمة يلصق رجعت من شندي و جلست اجتر الذكريات كانت أجمل الأيام مع الوالد والاخوات و أولاهم ههههههههههههههه ايران مشى صابحك اب عيون قدود جلد
02-23-2016, 02:31 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: ود المنسي اتذكرناك في البوست الجديد ..قصة غرق تايتانيك..وما مريت علينا بهناك.. وزي ما قال ليك ود الفاضلاب ..كنت في ايران!! ودي هدية من نسرين ودمت بخير وعافية
بسمات بت الشيخ ساكنة الأتبراوي والبشرب منو بريد حتى ود الفاضلابي هههههههههه كيفنك وكيف حالك وحال إخياتك المعاك الأميرة أميرة وملكة الشيلو كوستي امتثال والله الشوق ليكن مطر آ الزينات تسلمي وتسلمي دوماً بسمات ويئكرك الله فيما عنده بالخير الوفير ويئكرك سعدك ينقر بابك كروووو الهدية حلوة وجميلة دا من جمال روحك الطيبة
ولك مثلها قال الحبيب المصطفى تهادوا تحابوا ( لكن ما غنا هههههههه لو كنت ود الفاضلابي كنت جبت ليك شال يقيكشر البرد وما تجيك نزلة )
02-23-2016, 02:35 PM
باسط المكي باسط المكي
تاريخ التسجيل: 01-14-2009
مجموع المشاركات: 5473
Quote: ياسلام يا خالد الله يكتر من امثالك في البورد اختيار موفق .... خاصة لاسم البوست فعلاً زمن ضاق فيه الحال
يا الحبيب ودالصاوي تسلم كتير علي المرور الجميل بجمالك وروحك الطيبة جيت راجع من البلد قبل أيام والحال لا يوصف لكن نقول الحمد لله لسة الضحكة تعلو شفاه أهلنا الطيبين رغم المرض والحاصل البتحصل يوماتي من هيمنة فئة ضالة تحكرت فوق صدورهم والنفاج بصيص أمل لحال كانت بينا أهلنا لما كان الزمن زين رفعت جدران النفاج ولزم كل زول بيتو وغاب تبادل صحن الغدا بين الجيران ويا حليل ايام أيام هنايا أيام كان الخزين معايا زي ما قالت بت قضيم تسلم يا الصاوي ولك المودة والسلام تحية وخليك بيننا
02-23-2016, 02:51 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: ود المنسي سلامات بصراحة كدا الفنانة الغنت انساني وانا انساك خربت الاغنية تماما لك كل الود
أخي باسط ود المكي سلاميا طيب أحترم رأيك لذا قلت في بداية حديثي فنانين يمتلكون حسن الأداء والموهبة في الحضور ويحتاجون لرعاية والرعاية تكون أن يكون ادائها بطريقتها هي ثانيا لم تخرج من اللحن أدتالأغنية كما وضع لها اللحن لكن ما عارف ...... هل ترغب أن تغني الأغنية بتقليد صوت الفنان الكبير الشفيع أكيد لو فعلت ما كنت أعجبت بادائها يعجبنيفيها الحضور المسرحي وهي تغني وبرضو احترم رأيك
02-23-2016, 02:56 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: رديت على حامد الصاويوقلت ليه فعلا يا حامد الله يكثر من امثاله لان طلته البهيةوتعليقاته الانيقة والخفيفة الروح تزيل عننا الكثير من همومالغربة ... وقلت لود المنسي ..غبت كتير المرة دي ..وغيب وتعال تلقانا نحن يانا نحن..يانا نحنوكمان جبت ليه هاشم مرغني بيغني..غيب وتعال....لكن لمن جيت راجعة اصلح غلط مطبعي وجدت بدلالغناء الجميل اعلانات...وماشة احاول تاني..
تسلمي يا بسمات نحن نفتح البوست ..... ولك لغيرك الأئن ..... أن يرد على كل مداخلة قد تعني بعض المداخلات لك شئ في نفسك تريدي ان تعقبي عليه فلك الإئن بت الأتبراوي وغيبنا وعدنا والحمد أنتم كما أنتم أخوات وأخوة نعتز بمعرفتكم عبر الأثير الفضائي ودمتي في خير عافية بسمات
الرائع الفنان أبو بكر سيد أحمد يتمتع بذوق عالي في الأختيار وكذلك حسن الأداء والتطريب وهذا بالإضافةلحسن مخارج الأحرف الذي أكتسبه من دراسته لعلم التجويد .. وهذه ملاحظة في في فناني هذا الزمان تجد أن مخارج الحروفغير واضحة إضافة في بعض الأحيان تجد فنان يخلق كلمة أصلا ما موجودة ( عميلة وزن ) ههههههه حكى لي مرة الشاعر الجميل الأستاذ عبدالقادر الكتيابي أنه حكى له صديقه رجلالأعمال عادل أحمد أدريس أنهسمع فنان يَطِرب باغنية ( لمحتــــك ) كلمات الشاعر الكتيابي ولحن وأداء الفنان عليه رحمة الله مصطفى سيد أحمد مطلع الأغنية لمحتك قلت بر أمان وبديت أحلم الفنان كان بقول لمحتك وقلت بردان وبديت أحلم هههههههههه عودة لأبي بكر جمعته حلقة قدمها الأستاذ الصحفي حسن ساتي عليه رحمة الله كانت حضور في هذا البرنامج الأستاذ القامة محمد وردي ...العازف البارع اسماعيل عبد الجبار الفنانة أسرار بابكر والفنان ابوبكر غني يومها الكثير من الأغاني لوردي وكان اعجاب وردي بصوته أدائه واضحاً في تلك الحلقة وردي الما بعجبو العجب ولا الصيام في رجب وعندما غنا ( الصورة ) صفق له الحضور لحسن الأداء
02-23-2016, 07:40 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
حسب ما حكى لي الأخأبوبكر سيد أحمد بعد هذا اللقاء قدم له الأستاذ وردي دعوة لزيارته في منزله مشى أبوبكر للأستاذ ورد بعد العاشرة صباحاً وجدته راقد في عنقريب هبابي في حديقته أمام المنزل ( للحديقة قصة مع ناس الإنقاذ ... الحكومـــة ) شربوا القهوة مع بعض قال لي ابوبكر ( طبعاً ابوبكر يدخن ... يدخن سجائر ما شي تاني هههههههه ) قال لي بعد القهوة خرمت خرمة بطالة وعاوز بس سجارة وبقيت ما بفهم في البقولو في وردي وكانت كلها نصائح و وردي يشيل ويكب في القهوة وأبوبكر وصلت به الخرمة إلى سجارة يطفئ بها عجاج فعل القهوة.... قال في النهاية طلعت علبة السجائر وقلت له يا أستاذ وردي اسف جداً جداً لكن عاوز أدخن سجارة قال : لم يقل شئ .... لكن امتد يده إلى السجارة وكسرها وقال له: يا أبني لو عاوز تمشي صح في هذا الطريق بطل التدخين وسف التمباك ومدا له الحقة قال تركت السجارة وبقيت في خرمتي إلى أن ودعت وردي
Quote: يشهد الله مشتهينكم زي العافية يا الكلوس .. ومشكور علي النفاج البسع الجميع ..
وانا قاعدة اموووت لمن مواعيدكم تفوت ..
بت عمسيب السمحة وسمعك زين لي فاطنة السمحة أنا قاعدة أموت لآمن مواعيدك تفوت وما أحلى الموعد وساعة اللقاء أجمل ما سمعت في الموعد كلام للشاعر الجميل عزمي أحمد خليل
أنا وأشواقي والساعة معيادك جينا من قبلو شوفي ما أحلى الكلام فاطنة السمحة وأمثالها لو وجدوا الكلمة العميقة من الشعراء واللحن المركز فهم يمتلكون موهبة الأداء ولهم شأن تسلمي بت عمسيب وتعظيم سلام للضابط أب نيشيان وما تنسينا من الزهور أجدعي ليك كوم زهور لي ود الفاضلابي و ود البوش و ود ابوسن و ود ابوسنينة خليهم يجوا مطفرين طفيرة صقور خاوية من الجو
02-24-2016, 02:10 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
أخوي الحبيب خالد ود الأرباب أغاني الفنان الراحل العطبراوي لها في النفس وقع خاص وجمال روح ومبادئ العطبراوي لها من النفس وقفة احترام لهذا الإنسان عليه رحمة الله العطبراوي غنا للوطنفاعطاه حقه و أوفّى وشدى في الغزل فأبدع وأطرب الفنان صوته قوي وجميل وكما قلت في بداية البوست يحتاجون لمن يرعى مواهبهم كلمة ولحن حتى لا يتقوقعوا في ثوب الأخرين
خالد ود سعيدود الأرباب سلالة فراسان وقفوا في وجه المستعمر الأنجليزي في الموقعة المشهور ابو طليح والتي برز يومها جدهلأبيه الأرباب سعيد
وهذه الأغنية نظمت تمجيد لذلكاليوم أغنية الأرباب سعيد وهي أغنية محلية في مناطق شندي لم تجد طريقها لكي يسمعها كل أهل السودان
02-24-2016, 06:12 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
أعجبتني تعليقات الشعب السعودي في الفيس بوك أن المملكة العربية السعودية تبرعت للسودان بمبلغ 5 مليار دولار كلهم أجمعوا أن لأول مرة مساعدات المملكة تصب في مكانها والشعب السوداني يستاهل ولكن يا خوف الشعب السوداني ما مافيات نكبة الإنقاذ التي سرقت كل عرق الشعب السوداني ديل يختفو اللقمة وإن حفّت من جنحين الملك إن رفّت وسيدا يموت بي الفاق القرش إن فاتهم لي البستاهلو يندموا ليهم ما جاهم
02-25-2016, 10:13 AM
Khalid Saeed Khalid Saeed
تاريخ التسجيل: 12-12-2005
مجموع المشاركات: 2605
صباح الرضا ... وصباح الحب لجميع المحبين والعاشقين ..
والله يا جماعة انا ما بقدر ادس احساسي الايجابي تجاه النا س وبامانة بريد الكلس خالد سعيد دا من جوووووه قلبي يشهد الله وقبل كدا هدأ لي اغنية ودايرة ,, اردها ليهو معاها باقة ورد ..
ود الفحل لو سمحت تفرز ما بين الريدة والحب ههههههههه بعدين خالد دا زي اخوي يعني ريدة اخوية .. اما فيصل دا شئ تاني .. وحا اجي اهدي ليهو اغنية قدر تصريحو الصرحوهههههههههه .. ان شاء الله الرسالة وصلتك ؟
وتسلم يا ود الفحل ... ولو سمحت ما تجيب لينا الهواء وسيبنا مع ( الهوي )
ههههههههه .ودمتم يا احلي ناس ..
(عدل بواسطة مني عمسيب on 02-25-2016, 11:20 AM) (عدل بواسطة مني عمسيب on 02-25-2016, 11:21 AM)
02-25-2016, 11:35 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9023
حباب الملكة بت عمسيب حباباحباب الخوتهم تتمنى .. هديتك يا أعز الناس .. اسعدت يومي ، تسلمي ويسلم المك خالد المنسي .. الفتح لينا نفاج فرح .. تداعى له كل الصحاب هاك يالملكة .. حسين شندي يحمل بعض حنينا واشواقنا الى عوالم لها في قلوبنا صدى وذكريات
Quote: ياسسسسلام عليك يامك ياسسسسسلام لك التحية والتقدير ، ادي قعدته في ديوانك العامر وسط هذا التطريب العالي ، والأرواح الشفيفه والألحان التي لها في القلب منازل اسعدتني بالبشيره ، تسلم يامك
أخي الحبيب خالد ود سعيد الأرباب وأنت عارف معزتك في النفوس كبيرة البكان بُكانك والدار دراك يا أرباب كان الشاعر الفنان ودالنزيهة مبدع غناء الفن في شندي وقطعوا أخدر بقطع كلمات الأغنية في الحفلة وهو شاعر الأغنية المشهور ( الكنينـــــــــــة ... الكنينــــــــة يا رُطب الجنينة ) ومن أجمل أغانيه أغنية غزليــــــــــــة التي أبدع فيها من الترطيب الفنان الجميل علي إبراهيم اللحو
بت عمسيب تلي وتتلتلي المروية وفوقنا أنكعي هزي وكان زحينا يوم الحارة قرنك جِزي
الشاعر ود النزية كان رجل بسيط مزارع وصاحب سعية يبيع منتوجات مزارعته في مدينة شندي هو من أهل الشقالوة ( قرية ساردية ) كان شاعر فحل لا يقارع في القطع الأخدر والغزل
أنظر في قوله تلي وتلتلي المروية المروية هي ضفير الشعر ... ومروية بالدهن المو مخمج أما الشيوخ أهل القباب البنيات ( البنية هي القبة التي يدفن فيها الشيخ ) الذين ندهم أعتقادا منه أنهم يقربوا بينه وبين المحبوبة ( الغزلية )
الشيخ العبيد ود ريا البادراب وشيوخ البادراب سلمان ود العوضية باسبار ابو العونية في منطقة البسابير والشيخ حسن ود حسونة
والأغنية قديمة جداً من الستينيات ( أيام الرئيس أسماعيل الأزهري )
02-25-2016, 09:22 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: صباح الرضا ... وصباح الحب لجميع المحبين والعاشقين ..
والله يا جماعة انا ما بقدر ادس احساسي الايجابي تجاه النا س وبامانة بريد الكلس خالد سعيد دا من جوووووه قلبي يشهد الله وقبل كدا هدأ لي اغنية ودايرة ,, اردها ليهو معاها باقة ورد ..
يا الكلس خلد ود سعيد يسعد صباحك ..
يا اعز الناس ..
بت عمسيب تلي وتتلتلي المروية وفوق اللحو عومي عوم الوز التحية لك والي الأرباب ود سعيد خالد ويسعدنا وجودك يا بت عمسيب
02-25-2016, 09:26 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
سيد الدار سلام ماشاء الله عليك نفاجك شايفه بقي درب عديل وجاب ليك كل الناس السمحين بت عمسيب اللضرص عرديب قلتي كلام
Quote: صباح الرضا ... وصباح الحب لجميع المحبين والعاشقين ..
والله يا جماعة انا ما بقدر ادس احساسي الايجابي تجاه النا س وبامانة بريد الكلس خالد سعيد دا من جوووووه قلبي يشهد الله وقبل كدا هدأ لي اغنية ودايرة ,, اردها ليهو معاها باقة ورد ..
يا الكلس خلد ود سعيد يسعد صباحك ..
يا اعز الناس ..
الارباب ماساهل يستاهل كل كلام يتقال فيه اخوبنات ومقنع كاشفات ومايعرف قدر الرجال الا بنات الرجال وانتي كمان بي ميه راجل عجبني كلامك في خالد لانه انسان حبوب يدخل القلوب من غير استئذان
02-27-2016, 09:40 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
واحتص الجبيبة الزينة وعاجباني بت ابو حريرة ومشكورة علي معرفة المزيد من الكلس مريودي خالد ود سعيد .. والله انا سعيدة بيكم كلكم يا عفة .. واحمد الله اني سودانية ومنكم فيكم ..
اها يا اخوانا بالمرة .. ناولو لي فيصل ود خليل الهدية دي لو انا ما لاقيتو .
02-27-2016, 09:06 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: سيد الدار سلام ماشاء الله عليك نفاجك شايفه بقي درب عديل وجاب ليك كل الناس السمحين بت عمسيب اللضرص عرديب قلتي كلام
بت أبوحريرة العزيزة ما مصدق الزيارة التانية ليك عودتيني بزيارة واحدة في كل بوست هههههههههه إتنين مانيبمصدق هههههه وليتك تبقي ونشوف كل يوم مداخلة منك وهل توعد بتشيوخ البطانة
02-27-2016, 09:17 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: واحتص الجبيبة الزينة وعاجباني بت ابو حريرة ومشكورة عليمعرفة المزيد من الكلس مريودي خالد ود سعيد .. والله انا سعيدةبيكم كلكم يا عفة .. واحمد الله اني سودانية ومنكم فيكم ..اها يا اخوانا بالمرة .. ناولو لي فيصل ود خليل الهدية دي لو انا ما لاقيتو .
مصطفى بطران من شعراء منطقة بحري والتي كانت تضم مجموعة من الشعراء هم ود الرضي وخليل فرح ومصطفى بطران وكان يحتدم التنافس بينهم وبين شعراء أم درمان نظم الشاعر العبادي أغنية ( عزة الفراق بي طال وطال وسال سيل الدمع الهطال )فنظم خليل فرح ( عزة في هواك )ونظم مصطفى بطران ( عزة وصالك .. وما لقيتلو مثيل ) وهي من القصائد الرمزية وكانوا يقصدون بعزة ( السودان ) وكان أختيار أسم عزة لأسباب سياسية أيضاً عزة هي زوجة المناضل علي عبد اللطيف ونسمع معاً أغنية عزة وصالك أداء الفنان الرائع عثمان الشفيع
عــــزه وصالك ما لقيتله نصــير ياللطيفه خصالك كيف يكون المصير درت أحاربه غرامك وأفنى عمري قصير جاني جيش اشواقى حاز على النصير قلت اترك حبك وعن سواك اختصر شفت عقلي التائه في هواك منحصر مهما أقول أسلاك القى قلبي مصر فكرى حار في رجوعه وحار معاه البصير بيك أصبح جوفي جروحه فائقة الحصر ما بفيدنى طبيب لو كان يجئ من مصر في فيافي غرامك قلبي جارى السير كيف أعيش دون قلبي عزه أسير قلت أرسل طرفي لو يراك يسير جاني دامع طرفي وعاد إلى حسير قلت أناجى خيالك صار على عسير ليه لأنه مقيد..... في هواك أسير العلى يا عزه لو قليل أو كثير كان سميتك قبلك جننته كثير عزه حتى جمالك زى غرامي شهير يا سلالة العفه الغانيه عن تشهير يا مثال الناعس طرفي بيك سهير يا بدايع طرفه ويا معاني زهير عزه بهجة حسنك حايزه كل تقدير زى شعاع البدر الطل فوق الغدير لولا طال بى هجرك برضي بيه جدير يا الملكتى فؤادي وليك أصبح دير ليته لي يا عزه جناح أحاكى الطير كنت اقصد حيك لي رباك أطير أجلى ظلمة ليلى يومي يبقى مطير تحيا بيك امالى وجوى يبقى عطير
02-28-2016, 07:00 AM
Khalid Saeed Khalid Saeed
تاريخ التسجيل: 12-12-2005
مجموع المشاركات: 2605
ياسسسسسلام يامك ياغزلية فوق الصيد عجب عينيه ياغزلية جاني مسرح البادرية زكرنى أنا المكنية أبدع ود النزيهة في ترجمة مشاعره الصادقة ، العفوية ، أجمل اشعار الفخر والحماس والغزل تلك التي تأتى تلقائيه دون ترتيب تأتي نتيجة انفعال لحظي لترجمة مشاعر صادقة فرضه الموقف . اهديك عرش دود مراسي السار ويقال أنها ايضا اتت في ظروف مشابهة من أمراة رأت ما رأت من العمدة مختار من كريم خصال وكرم وفراسة فقطعت فيهو الغنية . دم بخير يامك وهاك العمدة مختار ود طلحة ،
02-28-2016, 07:23 AM
Khalid Saeed Khalid Saeed
تاريخ التسجيل: 12-12-2005
مجموع المشاركات: 2605
في حضرة الأربابة أم أحمدعفاف أبوحريره والأرباب أبو أحمد خالد أبوحريرة.. الكلام مابوفي .. وأنا شايف إبداع يوسف البنا .. مافاطيهم .. وأظنه عناهم عديل كــده بي قوله .. شايف فيك فعايل والدك الكات عندو ستّار للعروض ديمه القرش بتفندو الحصحاصه فى المثل الضرس بتسندو والأجواد غناهو وفقرو واحد عندو أه شفتو الكلام ده .. أنا شفتوا عديل في الأرابيب ناس المحرب .. ماحدثني بيه زول .. افتقدتهم الرياض وافتقدناهم جدا ، فمثلهم فرقتهم ما بتنسده . أهديهم يوسف البنا وكل اهل النفاج بالله شوفوا كيف وصف أهل السودان كله ما خلي زول
02-28-2016, 07:43 AM
Khalid Saeed Khalid Saeed
تاريخ التسجيل: 12-12-2005
مجموع المشاركات: 2605
Quote: ياسسسسسلام يامك ياغزلية فوق الصيد عجب عينيه ياغزلية جاني مسرح البادرية زكرنى أنا المكنية أبدع ود النزيهة في ترجمة مشاعره الصادقة ، العفوية ، أجمل اشعار الفخر والحماس والغزل تلك التي تأتى تلقائيه دون ترتيب تأتي نتيجة انفعال لحظي لترجمة مشاعر صادقة فرضه الموقف . اهديك عرش دود مراسي السار ويقال أنها ايضا اتت في ظروف مشابهة من أمراة رأت ما رأت من العمدة مختار من كريم خصال وكرم وفراسة فقطعت فيهو الغنية . دم بخير يامك وهاك العمدة مختار ود طلحة ،
العزيز الأرباب لك التحية مزجى فعلاً أغنية غزلية مفردتها نابعة من صميم تلك البيئة الطيبة جهة شندي وضواحيها العمد مختار ود رحمة ناظر العبيدية رجل عرف مي صي وحضر تلك المنطقة وعرف فيه كل خصلة طيبة وقد رويت قصة عن مناسبة هذه القصيدة لكن لا اعلم مدى صحتها يقال أن العمدة في القطار وفقدت أمراة مبلغ من مال ( عشرون جنيه ) وعندما جاءتالشرطة أتهمت المرأة الناظر مختار ود رحمة فسألها مختار كم فقدت؟ قالت : فدتمبلغ 20 جنيه فتح جزلانه وأعطاها المبلغ وما هي إلا لحظات والشرطة مسكت النشال وأعادت للمرأة من النشال مبلغ الـ 20 جنيه وبعدها عرفت المرأة أنا هذا الشخص الذي ظلمته هو ناظر العبيدية المعروف مختار ود رحمة فنظت فيه القصيدة
02-28-2016, 08:05 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: السلام عليكم..أخى خالد المنسى وسلا م على ضيوفك الراقين .......
بوست منتهى الروعة..وبالذات روشتة الحياة الجميلة دى:
Quote: حبيبي الدنيا يوم بتروح لا بدوم لا فرح لا نوح ونحن اليوم ورود بتفوح غداً نصبح حطام احلام وتزرونا الرياح في الدوح فليه قلبك تزيدو جروح
أخي العزيز الذبيح سماعين لك التحية والود وتشكرات كتار علي المرور الجميل حيناً يتعذر الواصال أنساني وأنا أنساك نتقاسم مرار البين أنا أياك تعجبني تعليقاتك ما قل ودلّ فلك الشكر الجزيل مرات عددا
02-28-2016, 09:22 PM
عفاف أبو حريرة عفاف أبو حريرة
تاريخ التسجيل: 12-28-2006
مجموع المشاركات: 1818
Quote: أهديهم يوسف البنا وكل اهل النفاج بالله شوفوا كيف وصف أهل السودان كله ما خلي زول
حباب الارباب والله ياخالد في رفقتكم لقينا السودان كله لقينا فيهو يمه ويابه وحبوبه وخيتي واخواني ووليداتي انتم بتمثلو في زاكرتي اجمل ناس ربنا يديم المعروف بيناتنا وشكرا لي الهديه القيمه انا طبعا بعجبني شديد كلام ود البنا وذمان كان نزلت بوست انه كل كلامه القاله بحس انه قال في خالد كل الخوالد ضروس ربي يديمكم فوق راسي يارب
02-28-2016, 10:41 PM
عفاف أبو حريرة عفاف أبو حريرة
تاريخ التسجيل: 12-28-2006
مجموع المشاركات: 1818
Quote: بت أبوحريرة العزيزة ما مصدق الزيارة التانية ليك عودتيني بزيارة واحدة في كل بوست هههههههههه إتنين مانيبمصدق هههههه وليتك تبقي ونشوف كل يوم مداخلة منك وهل توعد بتشيوخ البطانة
Quote: دارك ديمه عامره والسمح ما بكعب
الشرف لي يا ابو احمد اجيك تاني وتالت المتلك انت ما ساهل انت زول مك
02-29-2016, 11:00 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
Quote: الشرف لي يا ابو احمد اجيك تاني وتالتالمتلك انت ما ساهل انت زول مك
وحات أسم الله الشرف هُولك من قمتي بيهو تاتي نحن اللينا الشرف تسلمي يا عفاف بت ابوحريرة وكلمتك دي فوقها الجبال وزن سوف تثقل كاهلنا وربي يقدرنا أن نكون دوماً عند حُسن ظنك قال سايق القيات عِج بي وأخد سندة وبي الدرب التحت إتجاه ربوع هُندا ونحن بنقول عِج بي و أخد سندة أتجاه ربوع ود المحرب ونُكرم الكرم عند أهلو لك بنت ابوحريرة سايق الفيات كلمات إبراهيم العبادي
وعزاز علينا من محاسن هذا المنبر عرفنا فيه ناس عزاز علينا وعلى على رأسهم الأميرة اميرة بسمات ورفيقتها ( وسواق عقبة بورتسودان انتثال ) والعقبة زمان كان بكون فيها السواقين الحاذقين فناً في السواقة يقودون اللواري وبعدوها من العقبة الملكة وضاحة عواطف ادريس سكينة بت كمبال ومن القدامة هههههه القدماء أجدادنا سمية بت ودطلحة ريحانة البطانة سلمى بت الشيخ سلامة سلمى صبحي أميرة الشيخ العروس والصناديد ود شيقوق ود البوش \ود ابوسن ود ابوسنينة ود الفاضلابي ود المحربابوبكر سيد احمد القمر بوبا ابوبكر ابوالقاسم عثمان موسى أحمد القرشي و ود المرتضى وطبعا يا خالد الأرباب وعباس أنتم حضور وغيرهم كثُر لهم المعزة في قلوبنا لك منّا أجمل التحايا والمودة كسلا كان صبحاً سمح المحيا ندياً إذ حللنا حديقة العُشاق
Quote: الى حين ميسرة ومسرةوالله حوارات بت عمسيب وود خليل وخالد عجبتني شديدوانا جاياكم بالجديد... والله يديكم الصحة والعافية..
سلام ومرحب حباب الأمير بت عبد الرحيم وعوداً حميد ومنتظرين الجديد إن شاء الله معا حبة جُرم والعجو الجاي من المحوس وإن عوّل ما بينقرو السوس المفلس شن داير يكوس بس يعاين ويشبع مغوص
هلا غلا ود الفاضلابي مالك جاري لي الكمونية البين دا ما حار والكمونية باردة ما بتسلك في البطن الدبيب سمعت أضاني ما سديتها قالوا مترشح لرائاسة نادي مسقط لكن جلاليبو أتنين بس ما أظن يكسب أصوات كتيرة كيف الأرباب وإخيانو هسيبجيك شيقوق طاير بي الفيديو دا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خالد علي محجوب المنسي
حيدر حسن ميرغني
عفاف أبو حريرة
عبدالعزيز الفاضلابى
Hamid Elsawi
باسط المكي
Khalid Saeed
مني عمسيب
فيصل محمد خليل
عزالدين عباس الفحل
ismeil abbas
الطيب شيقوق
فيس بوك
تويتر
انستقرام
يوتيوب
بنتيريست