|
|
|
 Re: نحن ما عندنا معارضة (Re: عبدالحفيظ ابوسن)
|
حتي العملاء والمارقين ديل مرات بتحولو كلهم ولا جزء منهم لاحزاب شبه حكومية تحت مظلة الحكومة .. وممكن يقلبو تاني خونة ومارقين
حسب التوصيف الرسمي
أي نقد للحكومة خلا عمل ممكن يحولك ل خائن ومارق
| |
 
|
|
|
|
|
|
|
|
Re: نحن ما عندنا معارضة (Re: عبدالحفيظ ابوسن)
|
حسب قراية الزول المتواضعة انو التناقض يصنع الحركة .. الحياة
التناقض او الاختلاف
عالي واطي .. بتمش الحاجات من فوق لي تحت بشكل انسايبي .. ولا من تحت لي فوق بواسطة مؤثر خارجي
تتأرجح القيم زاتها لوجود الفوق والتحت دي
الشد والجذب
عشان يكون في حياة اقلاها
| |
|
|
|
|
|
|
|
|
|
Re: نحن ما عندنا معارضة (Re: عبدالحفيظ ابوسن)
|
Quote: المجموعة السودانية للديمقراطية .. تلفيق الاكاذيب !!
انتقد خبراء ومراقبون سياسيون تقرير " وهم الاستقرار في السودان " الذي ناقشته المجموعة السودانية للديمقراطية اولاً ضمن عدة قضايا ، ابرزها قضايا الحرب والسلام في السودان ، المعارضة السودانية – المكاسب والخسائر – والحوار الوطني ومخرجاته .
وقالوا أن المجموعة لم تكن " محايدة " في طرحها ، واتهمت الحكومة السودانية بهتاناً ، وتجاهلت الجهود المبذولة في سبيل تحقيق الامن والاستقرار خاصة في دارفور والنيل الازرق ، وانها عملت على إعادة الألاف الى قراهم – طواعية – بعد توفير البيئة الصالحة لاسرهم .
على صعيد متصل أقر التقرير السنوي لوزارة الخارجية الأميركية حول مكافحة الإرهاب بإحراز السودان خطوات متقدمة حيال عدم دعم التنظيمات المصنفة كإرهابية بجانب تعاونه مع شركاء إقليميين في مكافحة الإرهاب ، وذهب التقرير الى ابعد من ذلك حيث وصف مكافحة الإرهاب بأنها أصبحت أولوية أمنية للسودان وانه بات شريكاً متعاوناً مع الولايات المتحدة في مكافحته رغم وجوده على قائمة الدول التي تدعم الإرهاب.
وفي اطار رغبة الولايات المتحدة بتعاون السودان في مكافحة ظاهرة الإرهاب جاء اعلانها صريح بإن حكومة السودان خلال السنوات الماضية قامت بعمليات لمكافحة الإرهاب مع شركاء اقليميين شملت عمليات ضد تهديدات استهدفت مصالح وموظفين أميركيين في السودان ، كما سبق أن اعترفت الحكومة الأمريكية العام الماضي بجهود الحكومة السودانية الكبيرة في محاربة داعش والمنظمات الإرهابية الأخرى ومنع حركتهم عبر السودان.
معلوم ان جهود السودان في مكافحة الإرهاب والتى اشادت بها وزارة الخارجية الأمريكية جاءت مستندة على وقائع حقيقة يقوم بها السودان من منطلقات فكرية وموروثات أخلاقية لمحاربة الظاهرة وشمل ذلك سن القوانين والتشريعات الداخلية التى تعاقب مرتكبي الظاهرة ، بجانب المصادقة على القوانين والمعاهدات الدولية ، فضلاً عن رفع مستوى التعاون بين الأجهزة الأمنية والتعاون الدولي لمجابهة خطر التنظيمات الإرهابية.
|
| |
|
|
|
|
|
|
|
|
|
Re: نحن ما عندنا معارضة (Re: عمر قسم السيد)
|
وضعنا الدستوري بموجب القانون يقتضي وجود بعض الأحزاب المسجلة قانونيا
في الحكم وبعضها الاخر في مقاعد المعارضة بالبرلمان
برلمان اليوم كله مشارك في الحكم وهذه وضعية انتجتها مؤتمرات الحوار والاتفاقيات
يعني دخول البرلمان بالتعيين وضع استثنائي يتم تصحيحه حينما تقوم الانتخابات في 2020
هذه معلومات عامة طبعا هناك نواب مستقلين لم يتم انشاء كتلة لهم (ربما لكي لا يكتسبوا صفة
معارضة وبالتالي يأخذوا مساحة من زمن النقاش حسب ا للائحة ويكون لهم خطاب منفصل
هناك أحزاب مسجلة بموجب القانون لكنها غير ممثلة في البرلمان لانها لم تختار التوقيع على
اتفاقيات .. وهي كالماء المقطر .... والحال يغني عن السؤال
كل اللف والدوران دا لا يؤدي إلا إلى صحة عنوانك
تحياتي
أحمد الشايقي
| |
|
|
|
|
|
|
|
|
Re: نحن ما عندنا معارضة (Re: عمر قسم السيد)
|
| Quote: المجموعة السودانية للديمقراطية |
المجموعة السودانية للديمقراطية مركزها كمبالا موسفيني
الرئيس الدائم لجمهورية يوغندا ... وهي من تأليف وتمويل
وإخراج المناضل ياسر عرمان وهدفها الذي أنشئت من اجله
هو السعي بلا هوادة في الإبقاء علي العقوبات الإقتصادية
علي السودان ....
ياسر عرمان الذي هرب للنضال في صفوف الحركة الشعبية
في سبتمبر 1986 اي بعد ثلاثة اشهر من قيام حكومة
الديمقراطية الثالثة بقيادة السيد الصادق المهدي ...
ياسر عرمان مرشح الحركة الشعبية للرئاسة في إنتخابات
الانقاذ 2010 ...
ياسر عرمان الذي لفظه ابناء النوبة من الحركة الشعبية
لدكتاتوريته.
اظنها ديمقراطية الحزب الواحد والجبهة العريضة او
كما يدعون ...
تحياتي اب سن ...
| |
|
|
|
|
|
|
|
|
|
Re: نحن ما عندنا معارضة (Re: Salah Zubeir)
|
التحية للجميع وختص الكلس ود ابو سن ..
سؤال للجميع ؟ ممكن تمشوا تشاركوا في البوست
دا وتقللوا من الردحي البتعملوا فيهو دا واختص :
الرداح صلاح الزبير والرداح الكبير ناصر الماعندو كلمة .
سوال آخر ؟ انتوا بتعملوا في شنو وقت دايرين ليكم معارضة
السودان دا موش وطنكم ؟ زانتوا برضو رجال زي باقي الرجال ؟
طيب الحرسة والردحي في شنو امشوا انتوا ابقوا معارضة وضمونا
معاكم ..
دا البوست الدايركم تشاركونا فيه . وبتمني ما تعملوا عميانيين ابقوا
قدر المسوولية الوطن دا حق الجميع ما حق المعرضة بس !
ادونا رايكم شنو في المقترح دا .
حزب المؤتمر السوداني مقاومة جديرة بالدعم . فهل من مؤيد ؟
| |
|
|
|
|
|
|
|
|
|
Re: نحن ما عندنا معارضة (Re: مني عمسيب)
|
Quote:
والرداح الكبير ناصر الماعندو كلمة .
سوال آخر ؟ انتوا بتعملوا في شنو وقت دايرين ليكم معارضة
|
اصلا ما ادعيت انا قائد او سياسي ممارس لها
بل مواطن اكتب وفق ما ارى
ونعم لا توجد معارضة لان الادعياء لايفقهون شيئا ويحتلون واجهة المعارضة
| |
|
|
|
|
|
|
|
|
|
Re: نحن ما عندنا معارضة (Re: ناصر حسين محمد)
|
الرداح ناصر !!!
اصلا ما ادعيت انا قائد او سياسي ممارس لهااصلا ما ادعيت انا قائد او سياسي ممارس لها
وهل الا تكون قائد عشان تكون معارض !!!!!!!!!!!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟
طيب اسألك انت داير المعارضة تعمل ليك شنو ؟ وانت قاعد متفرج ؟!
| |
|
|
|
|
|
|
|
|
|
Re: نحن ما عندنا معارضة (Re: ناصر حسين محمد)
|
ههههههههه
انا غايتو متاكد اكان لاقيتيني وجها" لوجه حا تديني
بونيه .. هههه
صاحبتي مني ... البوست دا فاتحو اخونا اب سن وهو
القاعد يتكلم (نحنا البرندح) عن المعارضة .... انا جيت
شتتا الكورة واتكلمتا في موضوع خارج سياق البوست
وبتاسف علي كدا يا حفيظ ... تجي طوالي تردميني ...
بوستيك البيهناك شوفتو ودخلتا وكتبت مداخلة شحمانة
قمتا مسحتها خوف ساكت من المناضلين ... لكن بما إنك
وجهتي دعوة رسمية ... بجيب مداخلتي لكن انتي تتحملي
كل التداعيات ....
| |
|
|
|
|
|
|
|
|
 Re: نحن ما عندنا معارضة (Re: عبدالحفيظ ابوسن)
|
الاخ عبدالحفيظ وضيوفه الكرام - سلام عليكم
اولا اعزيكم واعزى نفسى فى فقيده الوطن رمز حواء السودانيه فاطمه احمدابراهيم ادخلها الله فسيح جناته.
.
حسب اعتقادى المتواضع من بعض الشواهد ان المؤتمر الوطنى / الكيزان / الجبهه او اى مسمى دال على هذه المجموعه
نجحوا فى اضعاف المعاارضه (سياسيه ومسلحه) ببث الخلاف وحدوث الانشقاقات واصبح النزاع بين شظايا الحزب الواحد يشغلهم عن صميم قضايا الوطن
ومثال ذلك الدقير واشراقه.
فى نفس الوقت خرجت التيارات الموجوده ضمن تنظيم الاخوان لتصبح كيانات سياسيه منفصله اصلاح/غازى ومنبر /الطيب ومؤتمر / الترابى ومازال العرض
مستمر واتوقع ان تعمل هذه الاحزاب على ازاحه الاحزاب الضيعيفه ليكون (ظاهر) المشهد السياسى احزاب مسماه اسلاميه ليكتمل ديكور المشهد السياسى بعد انتخابات 2020.
اما عن الوارثين للزعامه والقداسه الموجدين الان تحت جناح الحكومه سيذوبون تدريجيا فى حزب المؤتمر الوطنى.
طبعا مايتردد عن الحزب الصوفى الديمقراطى واحد من مكونات القادم المتوقعه.
.
الله يكضب الشينه وتكون توقعاتى يكذبها وعى الشعب ونضاله.
.
وشكرا
| |
|
|
|
|
|
|
|
|
|
Re: نحن ما عندنا معارضة (Re: عبدالحفيظ ابوسن)
|
| Quote: ليه نحن ما عندنا معارضة |
تحية طيبة لك وتقديرا
مقدمة لابد منها
رغم أني مليااااااااااااااااااان سياسة حتى العظم
,احب قراءة مجريات الامور بل أجيد التوقع بدرجة
أعتقد أنها ممتازة ...وأستمتع بذلك لحد بعيد جداً
إلا أني منذ أن دخلت هنا لم أشارك في المواضيع
السياسية وده طبعا فوق رأي وليس من فراغ .
لكن سؤالك ده أو نعليقك ده أو ملاحظتك دي
أجبرتني بكل الجمال الفيها أني أشارك
أهاااااااا قبل ما نسأل ليه ماعندنا معارضة ؟؟؟
ياريت يتم تعريف المعارضة ذااااااتها هي شنو ؟؟؟
خاااااااصو في الزمن العلينا ده ...أها بعد التعريف
الواحد ممكن يقرر يواصل في المشاركة
في الطرح ده ( إستثناءاً ) أم أتراجع وأكون متابع
زي أول وخلاص !!!!!!!!!!!
عند اللفة بس :
-------------
جاني كلام لكن أخرتو لوقت تاني إن شاء الله
| |
|
|
|
|
|
|
|
|
|
Re: نحن ما عندنا معارضة (Re: معتصم سليمان)
|
يا جماعة الخير
ود ابو سن بيتكلم عن ضرورة وجود حزبين في السودان ، حزب يحكم..
وحزب في المعارضة،،يعني زي في امريكا الحزب الجمهوري يحكم والحزب
الديمقراطي في المعارضة،،،ولكن في السودان كل الاحزاب بتحكم،،،ومافي معارضة
والمعارضة فقط بتعمل من الخارج وتاثيرها ما قوي على الجماهير في الداخل..وعشان
كده الحكومة حكمت ٣٠ سنة وحتحكم كمان ٣٠ سنة ثانية اذا مافي معارضة داخل السودان،،
مع وافر الاحترام والتقدير
| |
|
|
|
|
|
|
|
|
|
Re: نحن ما عندنا معارضة (Re: عبدالحفيظ ابوسن)
|
حفيظ يا حفيظ
كل ما يمكن أن يضعف بقاء النظام
اشتغلوا فيه من 89 وللآن:
نحن ما عندنا معارضة (يا قولك) (توجد مخرجات)
نحن ما عندنا ثقافة ولا حراك ثقافي (يوجد مخزون)
نحن ما عندنا فن (توجد ذكريات)
نحن ما عندنا نسيج اجتماعي (توجد قبلية)
نحن ما عندنا أمن (يوجد انفلات)
نحن ما عندنا اقتصاد (توجد جثة)
نحن ما عندنا مشاريع وبنى تحتية (يوجد كبري وسد)
نحن ما عندنا كورة (يوجد دافوري)
نحن ما عندنا سياسة (توجد تصريحات تحرّق الروح)
نحن ما عندنا حراك فكري (يوجد مشروع حضاري)
نحن ما عندنا فن (توجد حقيبة ويوجد غرف)
نحن ما عندنا أي شئ (يوجد وطن)
بقت علي المعارضة يا حفيظ
مودتي
| |
|
|
|
|
|
|
|
|
|
Re: نحن ما عندنا معارضة (Re: عمر أبوعاقلة)
|
كلكم أوف بوينت !
المفتاح في المداخلة دي Quote: هنا عندنا حكومة
وعملاء ومارقين
وشذاذ افاق
ولهم اجندة سرية مدعومة من اعداء السودان |
ود اب سن في حملته اليومية على السلطة عايز يقول انها لا تعترف بالمعارضة كما بقية دول العالم بل هم في نظرها خونة و عملاء وبتاع ...
كل واحد فيكم يغني على ليلاه أو كما يقال بالدارجي : يونّسو غردو :)
| |
|
|
|
|
|
|
|
|
|
Re: نحن ما عندنا معارضة (Re: محمد البشرى الخضر)
|
اظن يا محمد البشرى انا ما اوف بوينت...
لاني قلت ان كل الاحزاب بتحكم مع الحزب الحاكم ومافي معارضة رسمية داخل السودان،،،،.
وللاسف كلها نفاق ونهب وسلب،،،وكمان زي نا بيقولوا شذاذ افاق.....وقد وصفهم وزير داخل الحكومة
مع الاسف،،،،
مع وافر الاحترام والتقدير،،،
| |
|
|
|
|
|
|
|
|
|
Re: نحن ما عندنا معارضة (Re: امتثال عبدالله)
|
غايتو إلّا كان اجاملك ساي يا امتثال لكن النصيحة انتي أوفين بوينت مش أوف واحدة :)
ابوسن لا يوجه نيرانه نحو الأحزاب المعارضة التي وصفتيها انها تحكم مع الحزب الحاكم و تمارس النفاق بالعكس هو يذب عنها و يلقي باللائمة على السلطة - كالعادة - و يحملها مسؤولية عدم الاعتراف بالعمل المعارض كما يجري في بلدان العالم و بدلا عن ذلك السلطة تعتبر المعارضة خونة ومرتزقة وما إلى ذلك
هذا و الله ثم أبوسن أعلم
| |
|
|
|
|
|
|
|
|
|
Re: نحن ما عندنا معارضة (Re: Hamid Elsawi)
|
Quote:
عبد الحفيظ دايماً عميق في الطرح بتاعو
و عاوز مقدرة ذكاء عالية عشان نعرف ما وراء الحروف و السطور
|
كلام عبد الحفيظ واضح وضوح الشمس يا حامد
بس منو البقرا ؟
الناس دي بترد من العنوان
....................................................
غايتو لو كتبوا مداخلاتهم دي بعد قرو تبقي فضيحة
مع التحية لي أبو سن
والتحية ليك ولي ود البشرى (الباقين ما بحييهم لانو أساساً ما أظن يقروا المداخلة لغاية هنا) 
| |
|
|
|
|
|
|
|
|
|
Re: نحن ما عندنا معارضة (Re: Hamid Elsawi)
|
سلامات جميعا
في راي المعاضه موجوده لكنها مكبله وخترقه
وقدر النظام اطوعه حسب ما هو عايز ومعطيها
مساحة ضيقه تتحرك فيها وهو ماسك كل مفاصل الدوله
تاني شي اذا نظرنا للنقاذ ده نفسها قبل الانقلاب
بنلقي انه في الانخابات الدمقراطيه صاح ماكان عندهم اثر
لكن قبلها كان اتصالحة مع نظام نميري وبدو اتقلقلو في مؤسسات الدوله
وده سهل ليهم انقلابهم في الدمقراطيه وكلام عرابهم الترابي
للجزيره عن الانقلاب وضح كيف انشا كيان موازي للدوله قبل الانقلاب
عشان كده بنلقهم ماسكين جميع مفاصل الدوله
| |
|
|
|
|
|
|
|
|
|
Re: نحن ما عندنا معارضة (Re: عبدالحفيظ ابوسن)
|
حباب الشايقي
برلمان بصفق لي رفع الدعم
ويطلب حديثا من السلطة ان تشدد علي عقوبات النشر الالكتروني
تعرف من زمن ناس تعبير اللعبة الديمقراطية تأكدت انو اللعبة دي دايرة تغيير ان شاء الله الرمة وحراسا
| |
|
|
|
|
|
|
|
|
|
Re: نحن ما عندنا معارضة (Re: عبدالحفيظ ابوسن)
|
بس يا صلاح الزبير
جبت نموذج مثالي
ياسر عرمان
شوف الحكومة ادتو كم اسم .. قاتل بلل وهارب .. المجرم .. ثم العفو والعائد .. ومنصب حكومي دستوري ويحرسو ناس الامن الكانو ساكينو .. ويمشي عربية وراء وعربية قدام .. ومرشح لرئاسة السودان . ثم تلك الصفقة البقتنا دولتين .. واخيرا ياسر المارق الخائن
اها ياهو كدة
| |
|
|
|
|
|
|
|
|
|
Re: نحن ما عندنا معارضة (Re: عبدالحفيظ ابوسن)
|
نعم عاصم
زي لعبة عسكر وحرامي
مرة ديل عسكر ومرة ديل حرامي
كل مرة يتبادلو
من سخف تاريخنا شوف كم واحد فيهم مرق نبذ خش تاني غالط
حتي الكانوا اصحاب الصوت الاعلي والسلوك الاسوأ
ادونا كورتنا ما دايرين معاكم
| |
|
|
|
|
|
|
|
|
|
Re: نحن ما عندنا معارضة (Re: عبدالحفيظ ابوسن)
|
رش كلامك يا معتصم
عارف انت سألت معروف الاجابة بداهة
لكن سألتو لالتباس المفهوم داخل الوطن
بل لالتباس مفهوم الوطن زاتو
طه سوداني ويقدم طلب لنيل جنسية وطن تاني وهو في موقع دستوري حساس وبعلم الرئيس
شفت كيف
بلعب في المريخ وبتفاوض مع فريق اجنبي بعلم الادارة
ياخ ناس الكورة ما بقبلو
| |
|
|
|
|
|
|
|
|
|
Re: نحن ما عندنا معارضة (Re: عبدالحفيظ ابوسن)
|
عاين يا ودو
عندك مؤسسة تجارية ضخمة .. كل سنة بتخسر .. رغم انو المدير كلو سنة ولا نص سنة بغير في الادارات
برضو بتخسر
اها يعني شنو؟
يعني الادارة الفوق فاشلة وفلسفتها فاشلة
مش لأنو الموظفين فاشلين
تتغير الادارة بس
مدير ناجح برؤية مختلفة
يعيد هيبة الادارة ويضبط العمل
عشان كدة
نقط نقط نقط
| |
|
|
|
|
|
|
|
|
|
Re: نحن ما عندنا معارضة (Re: عبدالحفيظ ابوسن)
|
صباحك زين يا الكلس ود ابو سن .. ولضيوفك الكرام ..
ونعم بالشعب .. امثالكم نحمد الله .
وللسودان ابناؤه ما تشيلي هم مهما هم تأخروا فإنهم يأتون
وبقول لي الحبيب ايمون ود عمي الطيب .. بعد التحية والتقدير .
انا ما برد علي العنوان انا فاهمة تمامآ مايقصد الكلس ابو سن
لا لانني ابو العريف ولكن انا بفهم الرجال اصحاب المواقف
المشرفة امثال ابو سن . دي الفكرة لما انا رديت وانا ما رديت
وردي ما عندو اي علاقة بي ابوسن ردي كان علي اصحاب
المواقف المخزية ناصر حسين وصلاح الزبير الدايرين معارضة
بالوكالة !!! عينهم لي الشباب والشابات يعتقلوا وينكلوا بيهم وبعد
دا كلوووووو بشككوا في المعارضة نفسي اعرف هم دايرين ...
المعارضة تعمل ليهم شنو وهم قاعدين فراجة ؟؟؟؟؟
ولكم الشكر ,,
| |
|
|
|
|
|
|
|
|
|
Re: نحن ما عندنا معارضة (Re: عبدالحفيظ ابوسن)
|
Quote: رش كلامك يا معتصم
عارف انت سألت معروف الاجابة بداهة
لكن سألتو لالتباس المفهوم داخل الوطن |
بالضبط ياحصيف يامن تجيد القراءة وراء السطور
أها عاد النرش على قولك
كان الناس تزعل مني
أو تحاول تفهمني ...
زماااااان كان في معارضة
وكان فيها رموز يشار ليهم بالبنان
واحد منهم إسمو محمد أحمد المحجوب عليه رحمة الله
يا أخي ديل كانوا بياكلوا أخوان وبيتحاسبو تجار
أها عاد بعد كدي كلو واحد يتحسس موضعو وين !!!!!!!!!
شكراً لطرحك الخلاني أستمتع بالمشاركة
شكراً ليك جداً
| |
|
|
|
|
|
|
|
|
|
Re: نحن ما عندنا معارضة (Re: عبدالعزيز الفاضلابى)
|
والنرش ليك دي يا معتصم
ناس المحجوب ديل اس البلاء
البرلمان كان عندهم لعبة ذكاء ومؤامرات .. وتمت في اول سنة فيهو مجزرة عنبرة جودة اكتر من ميتين مزارع مات لأنهم طالبوا بحقوقهم
وتمت فيهو تسليم الحكومة لي عبود كأول ديكتاتورية
هم ارسوا لي كدة وورثوا
هم من هتكو الدستور بحل الحزب الشيوعي
ياخ نحن وارثين الفشل
| |
|
|
|
|
|
|
|
|
|
Re: نحن ما عندنا معارضة (Re: عبدالحفيظ ابوسن)
|
سلام الأخ عبدالحفيظ أبو سن وضيوفك الكرام
مواصلة للردحي من أجل الوطن وتقدمه وإزدهاره
أقول بأن الإنتزاع بالقوة ليس هو الحل وهو خطأ سابق لا نرغب تكراره،
الإنتزاع يجب أن يكون عبر صناديق الإنتخابات الحرة والنزيهة
وعشان يتم ذلك على المعارضة التخلي عن ثوب الوراثة والقبلية والحزبية الضيق
وتجميع نفسها في ثوب قومي سوداني واسع وواحد وتستعد للإنتخابات القادمة
وبذلك يكون عندنا حزبين فقط :
- حزب حاكم وحزب معارض
غير كده سوف يستمر الصراع حول السلطة
ويضيع وقتنا وجهدنا في محاربة بعضنا البعض
وعدونا يراغب ويصفق
مع كامل تقديري واحترامي
Quote: تقوم شنو
تنتزع الحق انتزاعا |
| |
|
|
|
|
|
|
|
|
|
Re: نحن ما عندنا معارضة (Re: عبدالحفيظ ابوسن)
|
اردح معاكم شوية
اتفق معاك
مافي معارضة
معارضة شنو يا اخي
المعارضة لو ماكان ليها تاثير على مسار الحكومة يبقى منها العوض و على الحكومة العوض
و الحكومة القوية هي من تصنع المعارضة لا من تضعف المعارضة
و ناس بشة ديل من النوع التاني
و يكفينا اكتر من 200 حزب يمثلوا 40 مليون سوداني
ود اب سن
لك التحايا من القلب للقلب
| |
|
|
|
|
|
|
| |
عبدالحفيظ ابوسن
ناصر حسين محمد
عمر قسم السيد
أحمد الشايقي
Salah Zubeir
مني عمسيب
صلاح حمد
Asim Ali
معتصم سليمان
عمر أبوعاقلة
محمد البشرى الخضر
Hamid Elsawi
أيمن الفاضل
محمد عمر ابراهيم
عبدالعزيز الفاضلابى
فيس بوك
تويتر
انستقرام
يوتيوب
بنتيريست