عارف يا السنوسي..اخر مرة قابلت محمد حسن هلال قبل خمس وعشرين سنة تقريبا..ولغاية اللحظة متذكر سنة البرليم ونحن بنذاكر القانون الجنائي بصورة لا تخطر على بال..!!
من الطرائف ، احد الزميلات..قالت لي دايرة كراسك بتاع القانون الجنائي..وانا يا مؤمن يا مصدق اديتها ليك الكراس..والزولة نست ليك النص وسرحت مع الحواشي..مرة غنية لعثمان حسين ، وبعدها المادة الفلانية بتقول شنو..وبعضها جرداق ورطانة اهلك ديلاك..وشنو كده ما عارف..اها البنية بعد اسبوع جاتني وقالت لي: القانون الجنائي انت بتلخصو بصورة الدكتور ما بيقدر يوصلها لينا..لكن النقة الفي الحواشي دي؟؟
الغريبة يا مؤمن يا مصدق..قريبتي شالت الكراس ومشت لمحمد..وقام ضحك ليك ضحكتو العجيبة ديك وقال ليها: المواضيع ما تابع للمقرر..!!
المهم..
ده كلام شنو يا ول ابا؟
Quote: ولم اكن اعرف ان لهذا الفلكلور ولقصيدة رواج وقد غنيت
اول بالتبادي التحية لأخونا يحي ، والأهم التحايا تصل لجدتنا ربنا يمد في ايامها بالعافية..
وعشان ما نحرف ليك الحوار يا السنوسي..
صديقنا ول ابا بريمة..هو من اكتشف الفنان التشادي اخونا محمد احمد يوسف ، وقبل كم سنة ..جاب ليهو غنية اسمها (الدمبجويا)..وبعدها بسنوات انا لقيت غنية (اماه ما قشت كريب ، وهي المرفقة اعلاها) وجبتها واهديتها لبريمة واخونا المرحوم كباشي الصافي..وبعدها..قبل سنتين او تلاتة سنين..قمت اتغاشمت.. وحنبكت ..لأنو لقيت بنية سودانية (بلدياتي) بتغني نفس الغنية..وقالت من تأليفها والحانها كمان..وقمت دقيت جرس في المنبر..وبريمة الزول الوحيد الوقف قدامي واداني راسي..!!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة