د. النور حمد لمحمد لطيف: نحن لا نختلف عن ارتريا وتشاد واثيوبيا في موقفنا من "العروبة"

Quote: شرق السودان وقبائل شرق السودان أقرب للاحباش من بقية السودانيين نتيجة الجغرافيا والتداخل العرقي (وهذا القرب واضح جدا" ) غرب السودان ودارفور أقرب لتشاد من البقية برضو شمال ووسط السودان أقرب للعرب ودول شمال افريقيا برضو نتيجة الجغرافيا والتداخل العرقي.e

Quote: رجاء خاص لا تضعني في اي قالب اثني او ثقافي او ايديولوجي ، انا فقط شخص مهتم بالثقافات السودانية وبمستقبل السودان بشكل عام ويسوءني كثيرا ان أرى مثل هذه النقاشات كثيرا ما تتحول الى مناكفات كله بفعل التعصب ومحاولة الهيمنة واقصاء الاخر المختلف . لا تظنن ابدا انني متحيز لأي جهة ، أنا لا اقدم ابدا حجج واحكام مطلقة او قطعية لأننا نتناقش في قضايا علمية انسانية او ثقافية على وجه التحديد ولا مجال هنا لإطلاق احكام قطعية الا بتوفر ادلة مادية وهو ما لا يتوفر غالبا +++ لا يا حاتم تعني ملك ده معناها في ويكيشنري : Etymology[edit] Borrowing from Amharic ንጉሥ (nəguś, “king”) وده من قاموس الامهرية : ንጉስ ገዢ የነገሰ የተቀባ የሀገር አስተዳዳሪ n'gus 'king'. وفي الحقيقة هذه ليست مشكلة فالحاكم يمكن يكون ملكا والعكس لكن ال"مكونن" لا يمكن ان يكون ! لانها لا تعني ملك وانما ضابط عسكري او نبيل من نفس المصادر . لذا لا يوجد داعي اصلا للتأويل والاستنتاج لان معاني الكلمات واضحة ، لو اردنا استلاف كلمة للدلالة على الملك لاستلفنا الكلمة االصحيحة وهي "نيقوس" وليس مكونن . ولو اردنا استلاف كلمة مكونن لاستفلناها كلها وليس اول حرفين منها . +++ الشيء الثاني استخدام مفردة "مك" ليس قاصرا على المناطق المتاخمة للحبشة فالجعليين والجموعية ليست لديهم حدود مع الحبشة ، كلاهما لغته الام هي العربية فلماذا يستلف مفردة من لغة اخرى طالما ان نفس المفردة موجوده في قواميس لغته ؟ ولماذا لم تستلف من المجتمعات النوبية التي تقاسمها الارض والدم والتي تعتبر من اقدم الحضارات في العالم ولديها ارث ملكي عريق جدا ؟ لماذا القفز فوق حواجز الجغرافيا والتاريخ لاستلاف مفردة عرفتها كل قواميس المجتمعات البشرية ؟ يعني كل الشعوب قدرت تنحت مفردة للدلالة على الملك الا الناطقين بالعربية ؟ كان يجب ان تقول "ربما" او" اعتقد" او "حسب تحليلي" لكن لا تجزم او ان تلقي بها هكذا كمعلومة لا تقبل الجدل. +++ وهذا يذكرني بالزميل عبدالعظيم الذي يترأءى له ان كل عاداتنا مستوردة ، كأنما نحن قطيع من فضائيين عجزة هبطوا لتوهم من مجرة ما وطفقوا يلهثون باحثين عن "سوبرماركتات" الثقافة للحصول عليها جاهزة في علب ! +++ تاريخيا تنسب الاسرة الملكية الاثيوبية "سابقا" اصلها للنبي سليمان وملكة سبأ وهي عربية (كينغ سولومون أند كوين اوف شيبا ) ولذا تسمي بالاسرة السليمانية ، رغم رومانسية الرواية وتوراتيتها ، ولذا فلا يمكن القول بأن اثيوبيا عرفت السلطة المركزية قبل المجتمعات العربية القديمة نسبة لحدوث للتزامن او المعاصرة بين قيام الممالك في المنطقتين. ووسط الجزيرة او شمالها لا فرق ، كلاهما اثنيا ينتمي لنفس العنصر ويتحدث نفس اللغة . +++ اما قصة اليهود والاسلام ومحمد والكتابة الجعزية ، فهذه ليست بذات صلة بموضوعنا فالأديان لم تخترع لا اللغات ولا ابتدعت اشكال السلطة في المجتمعات القديمة بل ظهرت بعدها بطبيعة الحال. نحن لا نتحدث عن رتب كنسية او دينية ، بل Royal او Imperial ranks . +++ مستعارة من وين ؟ لم اقل هذا قلت لو كان معناها "ملك" لما اتخذها الملوك والامراء اسما لمواليدهم وهو شيء منطقي جدا . +++ من قال بهذا ؟ عموما الموضوع لا يجب ان يخضع لاي احكام قيمية وانما التقصي المتعارف عليه علميا . +++ لا يا حاتم انكرته هنا : +++ انت تقول بأن العرب السودانيين نتاج اباء "سادة" عرب ، وامهات افريقيات "رقيق" ، ثم تأتي وتنكر اصلهم العربي وتعتبرهم هاربين من اصلهم الافريقي ! في الحقيقة محاورك لم يكن بحاجة لهذه الرواية التي لم تأت لها بمصدر ، بل ابتدرك القول بأنه نتاج تزاوج بكل وضوح . ولذا تساءلت انا ان كان هنالك وصمة في الأمر ، بمعنى ان ربما ترى انهم لا يجب ان ينتسبوا لأبائهم لأن امهاتهم من الرقيق .. وهذا شيء متجذر لدى الكثير من السودانيين ممن يرى في الامر عارا لا ينمحي +++ يعني هجرات عربية من الجزيرة العربية او اي مكان الى السودان في اي فترة خلال ما اصطلح عليه تاريخيا بالقرون الوسطى .. يعني تقريبا من ظهور الاسلام الى القرن ال16 . +++ لا اعرف لماذا الوقت غير مناسب ، مجرد مصدر طلبته منك ، لاني قرأت هذه المعلومة كثيرا في سودانيز اون لاين يرددها البعض "جهلا" في سياق تهكمي او بدافع الاحتقار

كيفك يخينا؟ قلنا نخليك تروق شوية من فوران الدم الحار دا بعدين نطبق ليك الرد

خليني أول أكون صريح معاك، أنا من البداية شايفك متشنج قلبك في حلقومك وداخل مخلوع وشغال (leading questions) تعدل فيها مرتين وتلاتة مرات تعيد في السؤال عن أمور هي حقائق تاريخية في أغلبها، فالمداخلة الأولى بتاعتك دي مثلاً Quote: لو سمحت عايز المصادر الخاصة بالاقتباس ده الحاجة التانية لو سلمنا بصحتو ، الا يعني هذا ان هؤلاء الخلاسيين يحملون دما عربيا "، اب عربي وام افريقية " ؟ وهل تظن ان استرقاق الاسلاف وصمة عار لابد ن تلاحق احفادهم الى الأبد ؟ الحاجة التالتة ، هل تجزم بعدم حدوث هجرات عربية للسودان في القرون الوسطى مطلقا عدا عن العنصر الخلاسي الذي اشرت اليه ؟ مافيها غير السؤال الأول والباقي افتراضات من عندك كنت حريص على أن تطلب مني إثباتات ليها، شوف مثلاً (لهفتك) على تأكيد (وجود الم العربي) وأنا قلت بوضوح كلمة خلاسي، ودي ما دايرة ليها (انزعاج) أي خلاسي فيهو كوكتيل بتاع دماء شوف انت عايز ياتو نسبة من أي فصيلة أو عرقية و(أفرح) بيها ما شئت وبرضو ما حتطلع من الوصف (خلاسي). وسؤالك التالت برضو استدراجي، فأنا مطلقاً لم أذكر مفردة (وصمة عار تلاحق أحفاد) فما عارف ليه انت (خاتيها في راسك) ومصر تنزع مني تأكيد بيها عشان تجي في النهاية تقول لي (انت أنكرت علينا الشرف العربي)، فياخي منظورك الأحادي وتصوراتك دي ما مسؤوليتي أنا، فبطل الأسلوب دا عشان اشتغل معاك صاح. +++ والله العظيم؟ ماهدا انت بكل بساطة قطعت بأنو حاتم (أنكر الأصل العربي) هههه مع إنو حاتم في الحقيقة أكد وجود الدماء المختلطة بكلمة (خلاسي) شفت (الخوف) و (الهلع) بسون شنو؟ دا لأنك يا إدريس بكل بساطة ما شايف غير النسبة العربية من الدم، وطوالي اتخلعت وافترضت إنو كلمة (خلاسي) معناها حاتم قاصد منها إنو ما فينا دم عربي هسع المتهافت منو؟ ههههه والمتبني لأفكار مسبقة منو؟ بعدين بتقول ما منحاز وجاي لغرض علمي وكترة التعديل والحذف وأسئلتك الاستدراجية تعبر عن (حيادك) كما يظهر أعلاه. +++ دلالة المفردات يحدث لها انزياح (semantic shift) يا إدريس والكلمة موضوع الخلاف في عصرنا الحالي تعني حاكم أو رئيس بكل بساطة، لأنو إثيوبيا الحالية ليست مملكة، وأنا طرحت عليك مصطلح (منقستي) وهذه ترجمتها حكومة وليس (بلاط ملكي)، إذن فالمفردة (نقس) في وقتنا الحالي تأخذ هذه الدلالة، في إمكانك التعريج على العصور الوسطى لإثبات وجهة نظرك لكن لن تقنعني أن الرئيس الحالي لإثيوبيا يسمى النجاشي، اعتقد واضح. وليه ما (تستفلوا) المفردة وتنحتوها، النحت ما ياهو رااااقد في العامية ولو داير بنغرف ليك، بس ما من النزاهة تفترض إنو مبرد النحت دا ما بياكل إلا المفردات العربية، ياخوي قرآنك استلف من الأمهرية، لمن عاميتك المجوبكة دي؟ +++ فضائيين من مجرة! مش قلت ليك إنت جاي متشنج وقلبك في حلقومك وشايف الناس دي متلهماك! ياخوي اترحمن مافي زول شايفك (ET) +++ هههه ما هدا كمان هنا انت بتقطع بأنو بلقيس وسلومون بأنها (عربية) وكأنك تفترض إنو العربية المعاصرة ياها لغتهم زمان، ولاحظ إنو إيرادي للفقرة جاء في إطار الكلام عن المفردات المستلفة وغيرها. وما عارف قصدك (عربية) ولا (عبرية) لأنو كتابتك بقت متعجلة ومرتبكة شديد خلاس. فشنو قصدك بأنو (يتحدث نفس اللغة)؟ أي لغة تقصد بالضبط؟ +++ كيفن ماليها صلة؟ إيرادها هنا مجرد مرجع عشان تعرف كلمة (ملك) مثلاً استخدمت في فترة سابقة ولا لا. +++ مستعارة من العربية، دا مش كلامك وأدرجتها مع كلمة راس في نفس الجملة؟ Quote: راس طبعا تعني امير في الامهرية وهي في الغالب مأخوذة من العربية لانها ايضا تعني "رأس" المعروفة لدينا في العربية ، هنا استغرب ان يستخدم افراد الاسرة الحاكمة في اثيوبيا كلمة "ملك" ، كإسم دلالي، لأبناءهم الامراء ! طبيعي ان يستخدم عامة الناس اسم "ملك" لابناءهم ، لكن لا يبدو الامر منطقيا للملوك .اعتقد ان اصلها كلمة ملك المعروفة +++ مافي زول قال! مش ياها طريقة أسئلتك الاستدراجية في مداخلتك الأولى؟ مستنكرها مالك؟ +++ هنا دلوقتي انت بتسقط على (مخاوفك) هههه أنا قلت ( ميلك للعروبة لا دخل للدين فيه، بل هروبك من أصلك الأفريقي حسب وعيك المستلب.") والنص بوضوح بيحدد الهروب من الأصل الأفريقي وهذه حقيقة واقعة لا تستطيع إنكارها، ومكتوب (ميلك للعروبة) وهذه أيضاً حقيقة واقعة لا تستطيع إنكارها، والمخاطب واضح ميله (الشديد) للعروبة وإنكاره (العتيد) للأفريقانية، وجملتي جاءت مجرد تقرير لهذه الحقيقة، واعتقد أنني مثلت لهذا الواقع بمرجع أو اثنين. لكنك لن تستطيع إثبات (إنكاري لشرف متوهم) ببساطة فأنا محايد في نظرتي لوجود شرف أو عار من أصله، وهذه قلتها بكل وضوح، لكنك أنت من ظل يضع الافتراضات بدافع من الهواجس ويلاحقني بها، شوف مثلاً سؤالك الانفعالي المتشنج دا: Quote: الا يعني هذا ان هؤلاء الخلاسيين يحملون دما عربيا "، اب عربي وام افريقية " ؟ وهل تظن ان استرقاق الاسلاف وصمة عار لابد ن تلاحق احفادهم الى الأبد ؟ فتش البوست دا كله هل حتلاقني ذكت كلمة (عار) ولا كلمة (شرف) ولا(وصمة)؟ ما حتلقاها، لكنك حتلقى بالضبط قول (البرنسي) بوضوح (تهمه لا أنكرها وشرف لا أدعيه) وأظنك ملخبت بيناتنا هههههه، أمشي قول ليهو (شرف) ونص وخمسة. فياخي، ما تحاول تستنبط كلام (تخلق بيهو عداوة) من مافي، أنا ما عدوك ولا شايفك فضائي جاي تكابس سوبرماركيتات، كل الموضوع حقائق بنضعها وبنضع معاها نماذج مشابهة بالكربون من مواقع أخرى في العالم، مجرد تذكرة، للمؤمنين، غير الذين وجلت قلوبهم. +++ مش كفاية قولك (العرب السودانيين) فطالما صنفت نفسك باحث متبحر في التاريخ فأرنا تعريفك لهذه الفئة الإثنية الجديدة، صعبة دي؟ بعدين وين أنا أنكرت أصلهم العربي؟ هههههه الخلعة ياخي أنا قلت (خلاسيين) فما عارف فهمك للمصطلح دا شنو، بعاعيت ولا زومبي مثلاً؟ وفعلاً في هروب من الأصل الأفريقي، فلو عايز نتبحر معاك مافي مشكلة، الشواهد على قفا من يشيل. وأنا كمان (صححت) ليهو معلومة (التزاوج) دي، فالتسري وملك اليمين برضو نوع من التزاوج على شريعة الإسلام السمحة وسنة رسوله، المشكلة وين؟ ولو عايز تنكر موضوع الرق في السودان دا يبقى شأن تاني، تعال قولوا لينا عديل عشان نناقشك. وكونك تقول: Quote: وهذا شيء متجذر لدى الكثير من السودانيين ممن يرى في الامر عارا لا ينمحي . دي نظرة تخص أولوا الأمر الذكرتهم، أنا ما تحسبني من أهل التجذر، لي رأيي المستقل، ما لم تكن متحرفاً لقتال أو معقد ساكت كايس ليك زول تنفش فيهو. +++ إدريس أخوي، أنا سألتك بوضوح: Quote: شنو تقصد بمصطلح (هجرات عربية)؟ يعني من وين في الجزيرة العربية وبأي من المسارات التاريخية وفي أي فترة في القرون الوسطى؟" تقوم ترد وتقول: Quote: يعني هجرات عربية من الجزيرة العربية او اي مكان الى السودان كأننا والماء حولنا قوم جلوس حولهم الماء ههههه ما تتوتر ياخ ههههههه فأنت رغم (قراءتك لكمية كبيرة من كتب التاريخ) بتوقع منك تحدد على الأقل منطقة جغرافية معينة في الجزيرة العربية ومسار واضح (للهجرات) دي، فوضح لينا شنو يعني (هجرات)؟ ومن وين؟ الحجاز ولا نجد ولا تهامة ولا الحسا ولا عنيزة ولا النعيرية؟ وبعدين يجيك ردي على سؤالك الاستنكاري. أظن المعنى واضح. +++ يلا أنا أجلت موضوع المصادر دا عشان شايفك متحرف لتفسير أي معلومة على أنها (تهكم واحتقار) فياخي برد نفسك شوية الدنيا زايلة. _____ محمد ما تقول نسيتك، أنا بس خليتك للتحلية.

Quote: كن يا دكتور التراث الصحيح ما ممكن يكون تراث ؟

Quote: طيب التراث الاسلامى ده مافى شعوب أخرى بتشارك الناس المؤمنيين ايمان كامل بانهم عرب وهم على سبيل المثال ( مسلمى جنوب شرق اسيا )

Quote: يا اخوانا مسألة انو نحن عرب ما ننساها يا اخوانا مسألة انو نحن عرب ما ننساها ثالثا دعاوى عروبة السودان اصبحت مدعاة للشقاق تفرق بيننا كسودانيين ولا تحقق انتماء حقيقيا للامة العربية +++ ماهى المكتسبات من الحاقناعنوة بالعرب فان كان الدين .. فلا اعتقد ان من حسن اسلام المرء عروبته +++ الانتماء للعرب لا يحقق اى عمق استراتيجى او اى ثقل سياسي .. هذا ان لم يكن العكس تماما هو الصحيح +++ ما هو الموروث العربى المحدد لعروبتنا ؟ +++ حقيقة لم ولن اجد اى مسوغ لادعائنا الانتماء للعرب ثم بالله ماهى المزيه التى نلهث وراءها ؟ +++ العروبه يا مجاهد اصل ونسب .. بدون اى دلالات ثقافية تخصنا وان كانت تخص شعوب الجزيرة العربية .. وما نحن الا حاملين جهلها وكفرها اكتسابا لا اصالة .. فحقرنا بقية شعوب السودان باسم نقاء دماء البعض العربية .. هذه حقيقة ليس لنا الا الاقرار بها .. والا كانت النتيجة ان المضمون الحضاري والثقافى للعرب هو الممعن فى احتقار الاخر +++ المأزق الواقعين فيهو هسع هو نتيجة تراكم غبن تاريخى مقابل ظلم تاريخى .. للاسف الثقافة العربية لم تكن استثناء فى استعباد الاخرين كما وان الدين الاسلامى لم يكن قاطعا فى تحريم استعباد البشر كل ذلك شكل مخزون وعى سالب عند مستعربين السودان وحتى تاريخ قريب كانت العبودية ممارسه بشكل واسع .. قطعا لم يكن مستعربين السودان الوحيدون الذين مارسوها ولكنهم شكلوا الغالبية .. لذا لا اعتقد ابدا ان رد الفعل اكثر فظاعة من الفعل وان كان خطأ ومضر جدا لاى مشروع قومى لسودان يمكن ان يكون واحدا +++ للازمة السودانية مراكز ثقل عديدة اهمها المشروع الاسلاموعروبي والذهنية المكرسة لعروبة السودان والتى اسلفت بانها تخدم مشروعها الخاص بالهيمنة على مقدرات الشعب السودانى .. اتفق معك تماما فى اقتلاع هذه الذهنية وان لا مكان لها فى اى مشروع قومى قادم .. ان تحارب فكرة اصعب بكثير من تقتل حامليها .. هذا قدر اصحاب القضايا الكبيرة ان يحاربوا الافكار لا الافراد .. +++ هذا هو بيت القصيد .. ان يكون حبلنا المتين الذى نلتف حولة هو سودانيتنا .. يبقي ان تتنزل هذة الهوية على كل مقومات الدولة بالطبع لاى شخص ذو اصول عربية ان يبقى عربيا ولكن دون ان يعتقد ان نسبة للعباس مثلا مدعاة للرفعة عن الاخرين +++ واكرر يجب ان تتنزل الهوية السودانية على جميع هياكل الدولة واعمدتها من الدستور لى التعليم الابتدائي .. وننسى هيمنة عرقية واحدة تريد ان تصبغ كل السودانيين بلون جذور مفترضة

Quote: خليني أول أكون صريح معاك، أنا من البداية شايفك متشنج قلبك في حلقومك وداخل مخلوع وشغال (leading questions) تعدل فيها مرتين وتلاتة مرات تعيد في السؤال عن أمور هي حقائق تاريخية في أغلبها، فالمداخلة الأولى بتاعتك دي مثلاً” "مافيها غير السؤال الأول والباقي افتراضات من عندك كنت حريص على أن تطلب مني إثباتات ليها، شوف مثلاً (لهفتك) على تأكيد (وجود الم العربي) وأنا قلت بوضوح كلمة خلاسي، ودي ما دايرة ليها (انزعاج) أي خلاسي فيهو كوكتيل بتاع دماء شوف انت عايز ياتو نسبة من أي فصيلة أو عرقية و(أفرح) بيها ما شئت وبرضو ما حتطلع من الوصف (خلاسي).وسؤالك التالت برضو استدراجي، فأنا مطلقاً لم أذكر مفردة (وصمة عار تلاحق أحفاد) فما عارف ليه انت (خاتيها في راسك) ومصر تنزع مني تأكيد بيها عشان تجي في النهاية تقول لي (انت أنكرت علينا الشرف العربي)، فياخي منظورك الأحادي وتصوراتك دي ما مسؤوليتي أنا، فبطل الأسلوب دا عشان اشتغل معاك صاح."

Quote: " مستعارة من العربية، دا مش كلامك وأدرجتها مع كلمة راس في نفس الجملة؟"

Quote: الانتكاسة دي دايرة مني شغل تقيل الأسبوع دا، نفرتقها واحدة واحدة. والغريبة منتشي وفرحان عشان شلبي قال ليهو انت أفكارك (متسقة). مش قلت ليكم بعابيصو بسويهن براهو.

Quote: كلام دكتور المشرف متسق جدا وواضح وافكارو مترابطة رغما عن راسك الماكن دا . +++ ما عارف ليه الواحد بيصر انو يكون مكروه جدا وغير محبوب في مجتمع ما (سودانيز اون لاين مثلا)

فياخي أكرمني، أنا جهزت ليك الرد المناسب، وأجلته لما شفت إحالتك للبوست (التعزيزي) لكن اتمنى ترد على سؤال خالد حاكم الأصريت تتجاهله:

Quote: ممكن نفهم من كده بانو انت ما شايف إشكالية للتعريب القسرى الحاصل للشعوب السودانية التي لا صلة لها بالعربية ؟

===========================

Quote: السر شنو في انه اللغة العربية في السودان متركزة في وسطه ، بينما هي محاطة من الجهات الأربع شمالا وجنوبا وشرقا وغربا بلغات غير عربية؟ العرب الفي الوسط ديل قاموا بروس؟

فكر في الموضوع على أنه مضخة تعمل في اتجاه واحد، فعند إيقافها يعود مافي باطنها في الاتجاه العكسي، لهذا طلبت توضيح سلوك (الهجرات) وماهيتها.


===========================

أنا عندي كوتة ستة مداخلات في اليوم ومضطر أخطط لطريقة استغلالها،
لكن اسمحوا لي أقول ملاحظتي العامة:

السلوك العام للإخوة المضطربين هنا يبين منه (فجيعتهم) لمجرد المقارنة مع دولتي إثيوبيا وشاد، هذه واحدة.
الثانية رد فعلهم الساعي لركل أي منافس في السباق إلى مركز الفائز بالوقوف بين سيقان العروبة، للتمسح فيها.
حالهم أشبه باليتيم يمسك في تلابيب المارة خوفاً من مواجهة أمه.

Quote: وليس من المعقول الحديث عن عملية تعريب واسعة في الوسط الا بواسطة غزاة اقوياء اجتاحوا البلاد من اي من بواباتها وفرضوا ثقافتهم قسرا ، وفي هذه الحالة كان الارجح ان تبدأ عملية التعريب من البوابة نفسها ، هذا مع العلم بأن هذه القوة الغازية التي افترضناها لم توجد من الأساس لأن العرب لم يتمكنوا ابدا من اجتياح بلاد التوبة بالقوة العسكرية ، لكن يوجد بند في اتفاقية البقط يعزز من الادعاء بدخول مهاجرين عرب من الشمال عبر بلاد النوبة الى وسط السودان ، وفحوى البند هو انه "يجوز للعرب المرور عبر بلاد النوبة مسافرين غير مقيمين " ولولا وجود نية من العرب الدخول الى السودان لما تم تضمين هذا البند في الاتفاقية من الاساس

Quote: لا يوجب تعريب قسري .. هذا فهم خاطيء لما كتبته هنا توجد ثقافة وافدة استطاعت ان تسود عبر مكنيزمات الاحالة والاستبدال حيث تتنحى الثقافة الضعيفة أمام القوية والحضارة التي تعيش حالة من الانحطاط بالحضارة الأقوى ...

Quote: الموضوع الأساسي في البوست هو هل نحن نختلف في علاقتنا بالعرب عن علاقة الأحباش والتشاديين والإريتريين بالعرب؟

Quote: العلماء التحت ديل كلهم من غير العرب , إجادتهم للغه العربيه لم تحول شعوبيهم للتصلبط في العرب ابن سينا افغاني، البخاري من بخارى أوزبكستان، والإمام مسلم من نيسابور، وابو داوود صاحب السنن والنسائي صاحب المجتبى تركماني، عشق آباد، والخامس هو الإمام الترمذي من مدينة ترمذ، وتقع في جمهورية أوزبكستان، وابن تيمية كردي.

Quote: ومسلسلاتنا ومسرحنا وطيب صالحنا وأحمد زكينا ومحمد نجيبنا وأسماء السوداني المسمى بها كثيرون من أبناء دول عربية

Quote: Arab Identity and Ideology in Sudan: The Politics of Language, Ethnicity, and Race Heather J. Sharkey Heather J. Sharkey teaches in the Department of Near Eastern Languages and Civilizations, University of Pennsylvania 1Abstract In what is now Sudan there occurred over the centuries a process of ta'rib, or Arabization, entailing the gradual spread of both Arab identity and the Arabic language among northern peoples. After the Anglo-Egyptian conquest of 1898, British colonial policies favoured a narrow elite from within these ‘Arab’ communities. Members of this elite went on to develop a conception of a self-consciously Sudanese Arabic national identity, in the process adapting the term ‘Sudanese’ (sudani), which derived from an Arabic word for blackness and previously had servile connotations. At decolonization in the 1950s, these nationalists turned ta'rib, into an official policy that sought to propagate Arabic quickly throughout a territory where scores of languages were spoken. This article considers the historical diffusion of Sudanese Arabic-language culture and Arab identity, contrasts this with the post-colonial policy of Arabization, and analyses the relevance of the latter for civil conflicts in Southern Sudan, the Nuba Mountains, and, more recently, Darfur. Far from spreading Arabness, Arabization policy sharpened non-Arab and, in some cases, self-consciously ‘African’ (implying culturally pluralist) identities. Arabization policy also accompanied, in some quarters, the growth of an ideology of Arab cultural and racial supremacy that is now most evident in Darfur.

Quote: لا يوجب تعريب قسري .. هذا فهم خاطيء لما كتبته هنا توجد ثقافة وافدة استطاعت ان تسود عبر مكنيزمات الاحلال والاستبدال حيث تتنحى الثقافة الضعيفة أمام القوية ونستبدل الحضارات التي تعيش حالة من الانحطاط بالحضارة الأقوى ...

أفضل حاجة فيك إنك بتكتب بوعيك الباطن وبدون تفكير

ومن الواضح إنو (نهجك) دا بيكلفك بعبوص كل مرة ويخليك تقرر تدفع الضريبة بدري مع مواصلة خطك الخاص بافتراض إنو القاريء ساذج وما حيلاحظ. الجماعة كفوني تصحيح حرف الباء في ردك (يوجب) الى الدال (يوجد) لانو يمكن الكيبورد بتاعك مافيهو دال وبينوا ليك القسر في التعليم الأساسي، وطبعا دي كانت الوسيلة في الشمال والجنوب أما الشرق والغرب فتم توظيف الدين، وحأحكي ليك عنو بعد شوية. لكن لو عامل فيها ما شايف النوريك، تعريب المناهج في الجامعات دا في رأيك تم بمشاورة الطلاب؟ تسمية الشوارع العامة وحتى الشوارع الفرعية لأسماء عربية وشوية صعاليك من الجاهلية هل دا كلو حصل لانو الشعب عايز كدة؟ أنا في الحي بتاعي علاقتي شنو بالأقرع بن حابس مافي رجال أبطال سودانيين أو سودانيات بدل نسيبة والحميراء والقعقاع بن طرقاع؟ يلا النجيك للدين، شايف الجماعة ديل (لماذا تمّ اختيار الحرف العربي المنمّط لكتابة لغات شرق السودان) http://sudaneseonline.com/board/490/msg/%D9%84%D9%85%D8%A7%D8%B0%D8%A7-%D8%AA%D9%85%D9%91-%D8%A5%D8%AE%D8%AA%D9%8A%D8%A7%D8%B1-%D8%A7%D9%84%...-%21-1492063027.html واحد سوداني وواحد من نيجريا والتالت ما معروف عايزين يكتبوا لغة البداويت بالحروف العربية (بوصاية) من مؤسسة دولية عربية لمجموعة اتنين مليون متحدث بها بمزاعم أنهم (قالوا عايزين كدة) ومقابل فرصتين ماجستير ودكتوراة واحدة فقط لا غير والعاقبة عندكم في المسرات. شفت الرخسة كيفنها؟ بيع بالرخيص ومناقصة في الهواء الطلق لثقافة محلية مهملة كاملة مع أدواتها والشحن مجاني. مشكلتنا في الرخسة والتدافع غير الرشيد من أمثالك على تبجيل العروبة والتصفيق (لمنجزاتها) و(التوصية) بها لإحلال الثقافات المحلية غصباً، وما تحاول تنكر المانفستو الأوضح للناس هنا كيف راسك مربوط زي راس البعير وزنو طن وقادر وقوي لكن سايقنو بحبل خفيف من راسه (الصغير) يهيأ ليهو إنو مصلحته يتابع سيده محل ما يمشي ويردد كلامو من شاكلة التبريرات البتحاول تروجها هنا بالفيزا حقت (لسنا عربا). لكن حتى لوكتبتها بالباء وكنت قاصد (يوجب) دا ما كان السؤال، ببساطة سألوك انت شايف شنو في التعريب القسري يعني في رأيك شنو؟ نبسط ليك أكتر: يعني لما كتبت التوصية التحريضية الجزلة بتاعتك دي: Quote: ستمضي قاطرة الثقافة العربية في طريقها .. وستولد اجيالا كثيرة من السودانيين باسماء عربية من قبيل حاتم وماهر وحمد وكل ما حمد وعبد .. تماما كما تسمى اسلافهم بها من قبل انضمام السودان لجامعة الدول العربية .. كما سيكتبوا ابداعهم بهذه اللغة .. وسيكتسبوا بها معارفهم .. وسيسعون بها في الارض لكسب قوتهم وتعاملاتهم الخ .. وستطبع الملايين من كتب المنهج الدراسي بالعربية .. وستحكم الثقافة العربية قبضتها على كل أجيال السودانيين كما تفعل الآن وأكثر .. وسيحتاج اصحاب اللغات التي تم اكتساحها لانشاء منظمات ثقافية وعمل اكاديمي ومجتمعي شاق لاعادة احياء لغاتهم التي هي في طريقها للزوال بسبب عدم النشاط الانساني والعلمي والتكنولجي والابداعي الخ .. وبناء عليها خالد حاكم سألك هل انت ما شايف مشكلة في التعريب القسري، المفروض نسمع منك رأي في ما يحدث مش نفي ما حدث ونراه واقعاً؟ أنا يهمني إجابتك لأنك في البداية قررت تجاهل السؤال ولما كررناهوا ليك قررت تلتف على الإجابة وتنكر ما هو معلوم بالضرورة تاريخيا (وفي الوقت المعاصر) وتبدأ بقولك فهموك غلط وترجع تاني تسيء لثقافات السودانيين. تبدأ بتكرار بالشعار الظرفي المرحلي (لسنا عربا) وبعده بكل بجاحة تفترض انو ثقافتك المحلية (بافتراض قبولك لأصلك الأفريقي) كانت منحطة وضعيفة عشان كدة رضخت وانزوت ودا كلام منهزم وغاية في الخذلان والتخذيل لأنو الغرض منه مسح التاريخ والتحريض على نسيانه والمفروض أي سوداني ود بلد يقيف عنده لأنو مقرونا مع حملتك الترويجية لقاطرة السحق والمحق العربية لا تعني سوى شيء واحد (كراهية الذات). الجماعة بتاعين الحرف العربي الفوق ديل برضو ما عرب (زيك كدة) لكن مستلبين يعني نفس وضعك البخليك منهزم وما قادر تحدد موقف مرة تتكلم باسم السودان ومرة تشجع بسحق الثقافات السودانية، كل الفرق بينك وبينهم أنهم فاعلين منفذين وانت دورك التبرير بلسانك والنتيجة واحدة تدمير مقومات الدولة السودانية في كل الأصعدة طالما الهدف عزل المواطن عن إرثه وتاريخه. فياخوي حكاية تقطع ضنبك قدامنا عشان تلهينا بجملة (لسنا عرب) دي ما بتشغلنا أو تضللنا عن موضوعنا اللهو انت شايف نفسك مختلف في شنو عن اثيوبيا وتشاد يبرر كراهيتك للثقافة المحلية وتمجيدك لغيرها (في الفترة دي على الأقل) لأنو واضح إنو المسألة تبديل جلود حسب الظرف. تعال قول فهمنا كلامك غلط برضو وارجع جيب سيرة البوست إياه واقطع لينا كراع المرة دي. وبسألك ايه البخليك تفترض إنو الثقافة العربية أقوى وأرفع والمحلية أضعف وأحط منها؟ (اختار أي فترة زمنية تعجبك) يعني مقومات الثقافة العربية شنو البتخليها أقوى وأكثر رفعة زي ما قعدت تروج ليها من بداية دخولك هنا في تناقض صارخ مع محتوى البوست الأشرت ليهو (مراقة) وقطع ضنب؟ ونبسطها ليك تاني: شنو العاجبك في الثقافة العربية ما لاقيهو محليا هنا أو شنو بتكرهو عندنا ما حاصل في الجزيرة العربية لأي من المخرجات الممكن ننسبها للثقافة؟ أنا شايف أسلوب تفكيرك الانهزامي التخذيلي أخطر على البلد من الجيوش وطريقة تبديلك الموتورة للمقاعد دي لا تدل إلا على عدم انتماء ووبال على السودانيين الخلص. _____ هي البلد دي وقعت من شوية!

Quote: ادناه تناول جاد ورؤية واسعة تشمل توظيف اللغات المحلية في التعليم الالزامي في السوداني .. واتفق تماما معها (لو اراد الناس وجهة نظري في الذي اشرت انت نحوه)

Quote: يا جماعة والله الكلام ده ما بجي بالطريقة دي .. نحن نتحدث عن عمليات احلال تم بموجبها انتشار اللغة العربية في وسط غير عربي .. لا يمكن أن يكون الرد انو المسألة دي كانت قسرية ومفروضه من السلطة سلطة شتو يا اخوانا والتي كان يملكها العرب آنذاك ؟!!! واصلا نحنا شبه متفقين انو ما تمت هجرة عربية واسعة للسودان .. ولم تجتاح جيوش الاسلام ارض السودان قط !!!))

Quote: المرة عرفناها سكلبت وقالت يقفلوا البوست على كدة وما نست تقول كلمتها الأخيرة انت (الراجل)

(عدل بواسطة صباح حسين طه on 07-21-2017, 00:05 AM)
(عدل بواسطة صباح حسين طه on 07-21-2017, 00:07 AM)

Quote: كررناهوا ليك... تبدأ بتكرار بالشعار الظرفي.. انتماء.. إنو استخدام... سويتوا... البسببو نقلوا.. الانتو

(عدل بواسطة صباح حسين طه on 07-20-2017, 11:58 PM)
(عدل بواسطة صباح حسين طه on 07-21-2017, 00:15 AM)