طيب يا استاذ حاتم ومعاهو البجّا (الولد) أمير بوب، لو الموسيقار Robert Estrin المرجع الاساسي في البوست دا قال للمستنير المبدع إنّو الكاونتر ميلودي عبارة عن شكل من أشكال الكاونتر بوينت، في الحالة دي، هل نطمع في اعتذار كبير للاستاذ الموسيقار يوسف الموصلي؟
تهديد: امتلك تعليق مباشر مكتوب من الموسيقار روبرت للمبدع أبوبكر عباس في هذا الشأن
التوقيع: الحوار الغلب شيخو
06-03-2017, 08:17 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3452
هههههههه و حاتك يا اخ ناصر أمين لسه الإيزنهاور محاصرة بنطون رفاعة ما شايف المستنير قاعد يتنطط كيف ! ياخ والله عاوزين نقزقز بيه شويه و ما دايرين نرشّوا طوالي كدا 😜 .... حاتم بجامل فيه ساي و ما داير يديه بالحتة الفيها الحديدة ... لاكين بعد زولنا صرّح و بقي يهدد غايتو إلا يشوف ليه حلة تانية ... والله صحي !
.... تحياتي
06-10-2017, 08:53 AM
ترهاقا ترهاقا
تاريخ التسجيل: 07-04-2003
مجموع المشاركات: 8414
والله يا حاتم سوناتا لو انا الوقفتك بعد سرقة التحليل الحقيقية الحصلت منك كان تشمها قدحة هنامش لو كتر جماعتك النواح او عملو الحي ووب هسع كتبت الكلام القالو عنك ولا لسه؟؟؟؟ نحن دايرنك هنا عشان نشوف حتكتبها ولا لا حتجي تقعد في التربيزه زي الرجال ولا لا ----------- لا انكر انك ابرعنا في اللف والدوران وجرجرة الناس الى اماكن توهان مثل غابات السنط ابقى راجل دق سدرك وتعال مارق على التربيزه يا مارق والله نقلعك عريان ميطي من اي معرفة تدعيها في الموسيقى ونفرج عليك اللي يسوى واللي ما يسوى هسع ناسك ديل لو صحي جادين خليهم يطلبو منك قبول مواجهة التربيزه بس انا متأكد انهم ما حيطلبو ذلك لانهم عارفين النتيجه ميه مقابلصفر كبير ايه راييك تجيبهم هم ذاتهم معاك في التربيزه؟؟؟ شغالين ترجمة والله حقو الواحد يعمل شركة ترجمة بعد كده
Quote: المرجع الاساسي في البوست دا قال للمستنير المبدع إنّو الكاونتر ميلودي عبارة عن شكل من أشكال الكاونتر بوينت، في الحالة دي، هل نطمع في اعتذار كبير للاستاذ الموسيقار يوسف الموصلي؟
أبداً وبكل تأكيد أقولها
مش مسألة مبدأ للمماحكة، لكن أصلاً لو كان يستحق الاعتذار لما تأخرت أنا، ولي سوابق كتيرة في المنبر قدمت فيها الاعتذار قبل أن يطلب منى أحياناً وعن أخطاء بسيطة مثل الإملاء.
ولو الأمور عندك تقاس بهذه الطريقة فأظنني (أنا) من يستحق الاعتذار عن (السفاهة) التي ظل يبادر بها بدون اللجوء للنقاش أو مجرد محاولة تبرير أفعاله السمجة.
عموماً نسمع من روبرت أسترين أو نشوف رده، الإيميل بتاعي تحت وحأعرض النص بتاع أسترين هنا، بعد إذنك طبعاً. sudanbanana @ gmail.com
_____ وتأكد منذ الآن أن رأيي سيكون الصحيح.
06-03-2017, 09:55 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3452
Robert Estrin - host, on June 2, 2017 @4:01 pm PST Counterpoint is the global term for polyphonic music which is built upon the weaving of independent lines. Counter-melody is one example of counterpoint.
06-03-2017, 10:28 AM
امير بوب امير بوب
تاريخ التسجيل: 01-02-2013
مجموع المشاركات: 1552
قبل ما يرد عليك حاتم مبدئياً كدا يا مستنير بقول ليك الكلام الجبتو دا فيه تبسيط شديد مُخل بالمعني و ذلك ربما لعدم رغبة قائله في الدخول في التفاصيل ! انا بتفق معاك انو الكاونترميلودي هو شكل من أشكال الكاونتربوينت و ما أظن الحتة دي موضع خلاف و لكن كونك تقول انو الاتنين حاجة واحدة و مافي فرق بينهما و إنما فقط مجرد تلاعب بالمصطلحات ، فهنا موضع الخلاف ! .... انا الما بتاع ميوزك دا بقول ليك هناك فروقات بين المصطلحين و اختلاف واضح .... و مادام الشغلانة جابت ليه روبرت استرين ... انا كمان بجيب ليك رأي الموسيقيين الما خمج !
....
06-03-2017, 10:13 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: Counter-melody is one example of counterpoint
إذن نخاطب روبرت أسترين بالطريقة البعرفها أنا
فالراجل عرض ليك المعلومة على وجه التيسير واختزل ليك الرد.
إضافة إلى أن ما فعله أب جاكومة أصلاً لا يسمى كاونتربوينت، وإلا فإن نور الجيلاني ومحمد أحمد عوض أيضاً يكونون أشد (جكومية) منه ونحن ما عارفين الزمن دا كله.
_____ انتظر رد أكثر تفصيلاً.
06-03-2017, 10:17 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
لكن برضو أحييك على محاولة الحصول على المعلومة من المصادر المناسبة وأشجع الآخرين على ذلك الناس بتخاف تتواصل مباشرة مع مثل هؤلاء، وبالنتيجة نظل تحت خيمة الجهل والتجهيل الفني بسبب من الاعتماد على (جواكيمنا) المحلية.
06-03-2017, 10:34 AM
امير بوب امير بوب
تاريخ التسجيل: 01-02-2013
مجموع المشاركات: 1552
يا حاتم ياخ المستنير دا ما يعمل ليك ارهابات بالحركات و الأسماء دي ... كضاب ساي ! .... يا مستنير انت مالك و مال الكاونترميلودي و الكاونتربوينت ..؟ هسي لو فتّشناك بنلقي ثقافتك الموسيقية لا تتجاوز البُنقُز !😂😂
06-03-2017, 10:41 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3452
Quote: اذا كان الطير المهاجر فيهو كاونتر ميلودي، نقدر نقول فيهو كاونتر بوينت +++ كل كاونتر ميلودي هو كاونتر بوينت، لكن ليس كل كاونتر بوينت هو كاونتر ميلودي
إذن غنا الحقيبة مليان كاونتربوينت، حقيبة شنو! أولاد البرعي وحاج الماحي عرفوهوا قبال ما يسمعوا بالخواجة باخ
الكاونترميلودي والكاونتربوينت اثنين من المصطلحات الموسيقية يتم استخدامها على وجه الخطأ كل واحد مكان التاني.
خلينا نتفق على تعريف الكاونترميلودي بمصطلح (اللحن الداعم) مؤقتاً، عشان الناس ما تتلخم بالمصطلحات اللاتينية دي.
فمجرد رص النوتات بطريقة هارمونية (فوق بعض يعني إذا نظرت إليها) لا يعني أن النتيجة ستعتبر (لحن داعم "كاونترميلودي")، الفكرة الأساسية في اللحن الداعم هي تقوية النغم في اللحن الأساسي وهذا يفيد بالضرورة أنه غير مهم ويمكن الاستغناء عنه.
بينما الشرط الأساسي في الكاونتربويت (اللحن المقابل) هو ارتباط خطوط الألحان بعلاقات موسيقية وقوانين صارمة مع استقلالها عن بعضها في ذات الوقت، هذا ما لا يتوفر في اللحن الداعم (الكاونترميلودي).
بالنتيجة، قولك بأن كل كاونترميلودي هو كاونتربوينت خطأ، لمجرد عدم اتباع القوانين دي، وحتى كلام روبرت أسترين في النقطة دي عام، وهو غالباً استبان من لغتك أنك غير متخصص فعمد إلى التبسيط والتلخيص.
كنت أتمنى أبو جاكومة في موقفك دا، على الأقل كان كسب احترام الناس بالنقاش المفيد بدل السعي المحموم وراء المدح، والكبكبة غير الرشيدة. _____ على فكرة أنا رسلت إيميل لروبرت أسترين (بوب) وأتوقع رده خلال ساعات.
06-03-2017, 11:46 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
يا حاتم ابجاكومة حريييييييف وزاغ من الكجّامة ... خلّي لينا الحمام الميت دا 😂 ..... يا مستنير ياخ انت لسّه في مدي النيران ... حاول شوف ليك بصارة كلام روبرت استرين الجبتو دا ... ما بحلّك ... والله صحي . ... انا غايتو ماشي أجيب تسالي و فول حاجات و فشار و ... راجع 😜 ..... المستنير في متاهته !!
06-03-2017, 12:01 PM
امير بوب امير بوب
تاريخ التسجيل: 01-02-2013
مجموع المشاركات: 1552
وحات ابشرأ، يا ناصر، ثقافتي الموسيقية أقل من الدلوكة وما عندي في الموسيقى دي أي معرفة، لكن بخصوص الموضوع دا، مسألة اطلع غلت دي أقل من واحد في المية. مشكل حاتم معاي إنّو هو مصدر معرفتي، ووقعت عليهو قصة: الحوار الغلب شيخو أما بخصوص المدعو أمير بوب دا؛ أنسى
06-03-2017, 03:22 PM
امير بوب امير بوب
تاريخ التسجيل: 01-02-2013
مجموع المشاركات: 1552
يا مستنير ياخ والله انت قاعد ساي ! 😂 علي بال ما حاتم يجيك بالنجيضةً ، هاك الدانة دي نظام تسخين للماسورة ! .... انا ما عارف ليه انت مُصر انو مافي فرق بين الكاونترميلودي و الكاونتربوينت ! طيب نديك رأي جهابذة الميوزيك الجد جد ! الكاونتربوينت هو ميلودي يضاف الي الموجود أصلاً لخلق نوع من الهارموني و لكن يحتفظ كل منهما بخصوصيته و مستقلاً عن الاخر ! بينما الكاونترميلودي هو ميلودي ثانوي او إضافي يعزف بالتزامن مع الميلودي الرئيسي لتدعيمه ! عشان كدا لما يكون الميلودي الأساسي به نغمات كتيرة ، يكون نغمات الكاونترميلودي اقل و العكس صحيح ! حركة الكاونترميلودي تكون زي النداء و الاستجابة ( call and response) الحتة ألقالها ليك حاتم فيما يخص الطير المهاجر سليمة و انو دا ما كاونتربوينت !! دا تكنيك كاونترميلودي يقوم فيه المغني بأداء اللحن الرئيسي و يردد الكلماتً و يستجيب الكورس لذلك النداء و قد يتم ذلك بميلودي مختلف في النهاية يكون هناك لحن رئيسي يتم التجاوب معه بصيغ مختلفة. ..... يا زول قوم علي حيلك ... و ما أظنّك تقوم 😂
06-03-2017, 03:27 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
يا ناصر انا خايف المستنير دا عينة اولاد مدني الثقافتهم لا تتجاوز البُنقز او الدربكّة ... والله صحي 😜 .... انا من الاول نصحتو انو يسحب كلامو بس هو مكابر و عايز يعمل ملاوزات ساي . كنت واثق انو حاتم ح يوضّبو 😂 ... انا شخصياً بشجّع اللعبة الحلوة ... جبتا تساليني و قعدتا 😂 و كل ما يرشّوه ، بتكيّف للدين !
....... بنطون رفاعة بدا يتلخلخ و الإيزنهاور لسه ما سخّنت كويس !!
06-03-2017, 03:37 PM
امير بوب امير بوب
تاريخ التسجيل: 01-02-2013
مجموع المشاركات: 1552
Quote: Naser Osman · El Gzera انا اقترح عليك يا استاذ حاتم ود. ابوبكر عباس ترسلو المقطع المختلفين فيهو للموسسقار هو حا يوريكم فيو كاونتر بوينت ولا مافيهو اعتقدو دا حاجة علمية ما فيها جدال كتير ولا شنو
نحنا ما مختلفين في مقطع، الاختلاف في التعريف مع شيء من نشافة الراص للمستنير.
بكور معول على إنو في تشابه في جزئية تعدد الألحان وداير يدغمس الكاونترميلودي جوة الكاونتربوينت بناء على التشابه الجزئي الكمي دا، بلعربي، في رأيه اعتبار أن اللحن الداعم لا يختلف عن تقنية اللحن المقابل.
مع أن الأمور واضحة، اللحن الداعم مجرد حلية أو إضافات للحن موجود أصلاً ولا يضير التخلي عنه، بينما اللحن المقابل واحدة من تقنيات التأليف الموسيقى لبناء عمل واحد متكامل بقوانين موسيقية واضحة. في فرق بين التحسين والبناء من الصفر على أسس تتعلق بالموسيقى الغربية. كلامو دا زي اعتبار طالب الكديت عسكري رسمي، أو أن قطعة اللقيمات رغيفة كاملة الدسم بجامع الدقيق في كل.
روبرت أسترين ما عارف إنو نظرية بكور دي حتحشر ليهو ناس قيقم وشنان وأولاد الموردة من (ناس) باخ وهندل وموتزارت وباقي الإخوة الثوار الأحرار.
_____ أنا شرحت للخواجة المأرب الخبيص دا شان يعمل حسابو
06-03-2017, 03:51 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: Naser Osman · El Gzera انا اقترح عليك يا استاذ حاتم ود. ابوبكر عباس ترسلو المقطع المختلفين فيهو للموسسقار هو حا يوريكم فيو كاونتر بوينت ولا مافيهو اعتقدو دا حاجة علمية ما فيها جدال كتير ولا شنو
ونمشي بعيد ليه؟
نحنا عندنا (موسيقار) هنا قدر الضربة، علام برة سبورة وطبشيرة، سمى نفسه (موصلي) قبال ما يبدأ الغناء ذاتو، ثم لقبها بأبي جاكومة، نحن الملكية وهو الحكومة.
اليجينا أو يكتب لأبوبكر بتحت تحت نظام (لحن داعم) وتدخل طاعم ورد ناعم لحاتم بنانا وبقية البراعم.
_____ ياريتو
06-03-2017, 04:22 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3452
الداير اصل ليهو يا ناصر عثمان، إنّو أستاذ الموصلي لمان يوصف "من ٣٠ سنة" لطلابو الكاونتر ميلودي الموجود في الاغنية الفلانية بانو دا كاونتربوينت، الكلام دا لا غبار عليه ويعتبر من ناحية أكاديمية صحيح حسب تعريف الموسيقار روبرت استرن
06-03-2017, 05:30 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: إنّو أستاذ الموصلي لمان يوصف "من ٣٠ سنة" لطلابو الكاونتر ميلودي الموجود في الاغنية الفلانية بانو دا كاونتربوينت، +++ الكلام دا لا غبار عليه ويعتبر من ناحية أكاديمية صحيح حسب تعريف الموسيقار روبرت استرن
أبو جاكومة عادة يصف نفسه ليس إلا
وإذا استحسن أو أشار لعمل فغالباً لأنه غمس يده فيهو، يعني برضو إشارة لذاته، فواحد بيعوعي ممكن ببساطة يطلع (فنان متألق ومتلألي وفي عروقه جينات حداثة) لأنه غنى واحدة من أغنياته المركونة أو لحن عمل ليهو تعديل (طبعاً هو يسمي الريمكس remix توزيع)، ودا موضوع تاني حنفتح ليهو بوست عريض المنكبين.
أهي دي مصطلحات الكاونتربوينت في (الموسيقى السودانية) انتهت إلى مجرد (حركات) شفت كيف، ويطلع الفنان زيو وزيو شوبان.
Quote: خلفيه موسيقييه مضاذه للحن الاساسي الذي يتغنى به المغني بتمشي في حركة متوازيه وحركة جانبية و حركة عكسية تقهقريه المصدر : Re: الصاعد حسين الصادق تجري في عروقه جينات ال�Re: الصاعد حسين الصادق تجري في عروقه جينات ال�
ولما حاججناه في تقنية تغيير المود وقلنا ليهو يا أخينا انت ما أول زول تعملو نط وقال لا أنا قاصد بطريقة (علمية) قالها بالإنجليزي هنا في رد عليك انت شخصياً
Quote: And Yes Mr Abu Baker I"m the first one to have done it scientifically in the history of Sudanese music المصدر : Re: الموسيقار يوسف الموصلي يهدي امنة حيدر الكRe: الموسيقار يوسف الموصلي يهدي امنة حيدر الك
ومستعد يصل مرحلة (أنا أول واحد اسمه يبدأ بحرف الياء ودرس في أمريكا وفي ولاية أيوا عمل تغيير للمود) بس عشان يكون الأول.
وانت قايل حاتم اتآمروا عليهو عشان شنو؟ ما عشان بنحافظ ليكم على حقوق الفنانين ما يسطوا عليها ناس (الحركات) ديل.
+++
باختصار، يوسف صفر في الأكاديميات، وكلامه من ناحية أكاديمية غير صحيح يا أبوبكر، وسوء فهمه عميق ومعتق، فالراجل دا ياهو فهمه للكاونتربوينت، لاحظ خلطه بين الكاونترميلودي والكاونتربوينت، بيقارن بين عقد الجلاد وجوزف هايدن، واحد كلاسيكي غربي وفرقة سودانية أفريقية:
Quote: وهنا مدحة اسمها صلوا على النبي الهواب ادهشني فيها دور الفنان انور عبد الرحمن عضو المجموعه وزميلنا في المنبر هنا في خطه المضاد للحن الاساسي وخطه المضاد هنا كان في شكل دوبيت واعتقد هذا الخط لو سمعه جوزيف هايدن لاندهش لانه معقد ومتشابك ومساره الايقاعي حتى مختلف المصدر : Re: تحليلي لمقولة السر قدور andquot;نقلتينا من ثقاRe: تحليلي لمقولة السر قدور andquot;نقلتينا من ثقا
كدي ناغمو لينا يورينا التشابه وين مش موسيقياً طبعاً بل تقنياً بين (المدحة) وأي من أعمال هايدن، عشان تتأكد بنفسك.
إضافة لعثرته الفضيحة بخصوص سوناتا موتزارت الاضطر يوقفني بسببها، ويحتل الآن ويزوغ من مواجهة طلبها بنفسه مع النفخة ويقول ليك (المية تكذب الغطاس)
_____ ياخوي الجاكومي دا كان خاميكم ساكت، استنى لمن نفضى لهترشات الطير المغامر
06-03-2017, 06:10 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: لكن الاطلاع لايعني الفهم العميق لتخصص ساهم في نظرياته الهارمونية على سبيل المثال لا الحصر "فيثاغورث" صاحب النظرية الهندسية الشهيرة مربعات الوتر في المثلث القائم الزاوية تساوي مربعات الضلعين الاخرين الهارموني ده حتى النوع البسيط منه عندنا موسيقيين ذاخو في الامتحان بتاعو لمن جابو ريحة وريحوهم وفاقو المصدر : Re: الصاعد حسين الصادق تجري في عروقه جينات ال�Re: الصاعد حسين الصادق تجري في عروقه جينات ال�
طبعاً هو بيتكلم عن أيام الدراسة في مصر، الأمريكان ما بيدوخوا لأنو بيعلموهم الموسيقى وهم أطفال، والراجل أخينا متخيل إنو المثلثات ليها علاقة بالهارموني، عشان كدة جابها ليكم تاني هنا، مسألة للأذكياء فقط، نظام أنا قريتها (ليكم) وما يلقاها إلا كل ذو حظ عظيم: Re: الصاعد حسين الصادق تجري في عروقه جينات ال�Re: الصاعد حسين الصادق تجري في عروقه جينات ال�
والله يا حاتم كنا نتمني انو الاستاذ الموصلي يجي البوست دا و ياخد و بدّي مع الناس و يدافع عن وجهات نظرو ... ولكن يبدو انو ما داير يخت نفسو في حتة ضيقة و فضّل الابتعاد و عدم التداخل. الراجل حرّكنا ليه الإيزنهاور مخصوص و إستعدينا لمساجلة ممتعة يستفيد منها القاريء و لكن ... تعبنا راح شمار في مرقة ... لو كنا عارفين كدا كان خلينا الإيزنهاور لمعركة تانية ! اما المستنير التعبان دا ... بي مركب صيد ساي بننتهي منو ... والله صحي 😜
06-03-2017, 08:01 PM
MAHJOOP ALI MAHJOOP ALI
تاريخ التسجيل: 05-19-2004
مجموع المشاركات: 4000
طيب، قبل خمسة ساعات تقريباً وجهت سؤال للموسيقار روبرت أسترين (بوب)
Quote: Dear Bob Greetings
This is Hatim Ibrahim, a fan of your tube writing to you.
I have been discussing the counterpoint with some colleagues for a while and come to a point where we need to resolve the misunderstanding with other term i.e. counter-melody.
From my point of view, I believe that counter-melody is more of a generic term used by classical musicians but it is not the same thing or even a "direct" derivation from counterpoint, the two terms are quite often used interchangeably with each other.
I say, counter-melody deals with subordination i.e. a second tune that played along with the main tune but isn't as important, also, harmonically fitting series of notes and values does not automatically equal a counter-melody.
So, what do you think؟
Best regards
Hatim Ibrahim
فجاء رده
Quote: Hatim-
Counter-melody is simply a second melody that plays along with another melody. This is one example of counterpoint. How important the counter-melody is in relation to the melody can only be assessed on a case by case basis. It is just a general term with no significance beyond what I articulated above.
Hope this helps!
Robert Estrin
يلا الجديد شنو في رد أسترين؟ إنو اتراجع شوية وقرر إنو الحكم النهائي مرهون بأخذ كل حالة منفصلة يعني (on a case by case basis) وهذا ببساطة يعني أن (ليس كل كاونترميلودي يعتبر كاونتربوينت).
وذكر برضك (This is one example of counterpoint) بمعنى إنو الكاونترميلودي قد يصدف أن يأتي مشابهاً للكاونتربوينت وليس إطلاقاً، لاحظ أن المثال الذي يعنيه أسترين هو بالضرورة نموذج من كاونترميلودي في (الموسيقى الغربية)، نفس الكلام القلتو أنا سابقاً
Quote: (الكاونترميلودي تبسيط مخل جداً للكاونتربوينت من حيث الأغراض والبنية والتقنيات
وخليني أوضح ليك أكثر، روبرت أسترين غير معني بعقد الجلاد أو وردي أو الموسيقى السودانية، فلما يتحدث عن المصطلحين يكون في ذهنه الموسيقى الغربية التي نشأ عليها بدءاً من عصر الباروك إلى الموسيقى المعاصرة بكل أنماطها، وهذه الأنماط الموسيقية بالضرورة أخذت من بعضها، وصدفة التشابه بين الكاونترميلودي والكاونتربوينت في (إحدى الأمثلة) واردة جداً.
دا بالنسبة لي مبدئياً كافي عشان أتعمق في مناقشته بتوفير نماذج معينة (ليس من بينها هترشات أبو جاكومة بالطبع، فهذه يحسمها الأخ أمير بوب هنا) ليس لتأكيد أن الكاونترميلودي في الموسيقى السودانية لا علاقة له بالكاونتربوينت، بل إطلاقاً لا علاقة تجمع بين الاثنين على مستوى التقنية أو الوصف الأكاديمي حتى إذا كان الموضوع عن الموسيقى الغربية.
يبقى يا أبوبكر، لو أن روبرت هذا اطلع على ما يقوله (موسيقارنا الممدوح بضراعو) عن الحركات والكاونتربوينت في الموسيقى السودانية لما زاد عن القول (دا لعب عيال ساكت)، ولمال على شماله يبزق السفة. _____ هل لديك أقوال أخرى؟
Quote: والله يا حاتم كنا نتمني انو الاستاذ الموصلي يجي البوست دا و ياخد و بدّي مع الناس و يدافع عن وجهات نظرو ... ولكن يبدو انو ما داير يخت نفسو في حتة ضيقة و فضّل الابتعاد و عدم التداخل.
يجي شنو ياخوي!
إذا كان دا مستواهو
Quote: Mr. Raul Fernando Sorry to tell that you are not the arranger for the songs. You did not transcribe the songs, you just took the notes which were recorded by the orchestra that led by myself and apply your computer program to it to get the notes in order for us to do the multi tracks. The only thing that you added was tow little musical bridges for the brass in Agablik and some parallel thirds in the string. I expected you at least to have you pointing to your friend Hafez Carar and his colleagues for the great effort they made doing the rhythmic section for all the songs which you never touch one second in them. I expected you to tell the truth about who led the musical workshop which produced the outcome of this recording
Quote: Ashgar Taiba كويس إنك جبت الرسالة العدوانية المهببة الرسلها بُل بُل الغربي لراؤل. كنت إستفسرت بُل بُل حينها إذا كان -بالفعل قد أرسلها لمستر فيرناندو "المسكين"؟ و اليوم أواصل سؤال بُل بُل الغربي إن كان راؤول قد رد عليه!
مرحباً أشجار طيبة
لا أظنه فعلها، فالراجل مهواش ساعة الجد. أبوبكر سأله نفس السؤال ولم يرد، إذن فالرسالة موجهة لجمهوره العزيز. _____ جعجاع ولا طحن.
06-04-2017, 07:32 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: الحبيب اسامة "انا برئ" براءة الذئب من دم بن يعقوب فيما تفعله بالديوك الالكيترونية من اخبار بكسر الالف قبل الخاء المصدر : Re: القاهرة تكرم الفنان يوسف الموصلي - فيديو -Re: القاهرة تكرم الفنان يوسف الموصلي - فيديو -
Quote: يا موصلي كلامك التالي عايز توضيح في ما يتعلق ب، "الديوك الالكترونية"، وقُلْ "مزرعة الحيوان"-جورج اوريل: المصدر : Re: القاهرة تكرم الفنان يوسف الموصلي - فيديو -Re: القاهرة تكرم الفنان يوسف الموصلي - فيديو -
يادووووب بدأ يتفاعل معانا، ومعاهو الياور خائض بوراهو
الواحد يطلب النزال ويفتحو ليهو بوست مخسووووس يقعد يعرض خارج الدارة هياااا أبانا الذي في السموات، نحنا راجينك هنا ههههه.
غايتو النديهو خجتين تلاتة يمكن يفور. طبعا المرة دي مرقوني ديك، في الليلة دي
يبدو أن التهم قد نفدت. +++
انت يا أسامة يا أخوي مش زمااان "زعمت" ما يأتي"
Quote: الجدول الحاتمي هو "اختطاف مختصر" ، لتحليل الموصلي "الشافي الكافي الوافي" للطير المهاجر... المصدر : Re: يوسف الـموصلـي يبدّل الـحقائق أمام قبـر وRe: يوسف الـموصلـي يبدّل الـحقائق أمام قبـر و
فهل نعشم في مزيد من التوضيح منك بخصوص هذا الشافي الكافي الوافي؟ _____ لأنو سيدو ذاتو ما بقدر يقول وصفك دا.
06-05-2017, 02:17 PM
وهبه الشبلي احمد وهبه الشبلي احمد
تاريخ التسجيل: 05-08-2016
مجموع المشاركات: 398
يعني "شلبي" الانت قاصدو فوق دا ,انت قاصدني انا ؟؟؟؟
طيب يا حاتم نظرية انا ما اسمي شلبي ...انت كان تقول اسمي بالعديل عشان اجيك واننفض ريشك
انا والله م عارف انو المقصود انا ,والا كان جيتك ومن زمااااان. اها كمان عملتني انا عندي علاقك بايقافك ؟؟؟؟ والله فعلا حالتك النفسية كعبة خلاص. والله ياحاتم نظرية (علي وزن حاج نظرية الشخصية الكاركتيريه المضحكة في حقبة التسعينات) انت مريض مرض نفسي خطير جدا ،وفي مرحلة متأخرة من المرض كمان . حالتك فعلا تححن الكافر زي مابيقولوا... مرات كدة الواحد لمن يحس بالشفقة عليك.. ومع مرضك النفسي دا كمان معاها اسلوب قديم ،وطريقة بالية في صنع البطولات . يعني علي طريقة السجين لمن يدخل السجن في اللحظات الاولي ..بيشوف اضخم مسجون وبمش عليهو يديهو بنية عشان المساجين التانين يخافوا منو ..وما بعيد ينصبوهوا ملك عليهم!! دائما بتلاقيها في الافلام المصرية القديمة طريقة قديمة علي طريقة استهدف النجوم ،.يٌرفع اسمك ويُقرن بهم طريقة قديمة وبالية ،علي طريقة انا اصارع النجوم الكبار ...اذا انا كبير. كدي ناخد بوستك دا مثال ,معركتك الفي غير معترك دي مع القامة الموصلي...وأنت زول بتاع تكاتيك و نشوف!!! بالنهاية كدة داير تصل لي شنو ؟؟؟ الموصلي ما بفهم في الموسيقي ؟؟؟؟ بالله عليك الموصلي ما بعرف مصطلحات موسيقية ؟؟؟ ياخي تخ الموصلي دا زول متسلبط في الموسيقي دي ساي ومادرسها ؟؟؟ يازوووول الموصلي ما اكاديمي وما مٌدرس للموسيقي ؟؟؟ ياحاج نظرية روق شوية,واديها صنه الموصلي قاشر بي مصطلحات موسيقية علينا نحن الرعاع ديل ؟؟؟؟ يا نظرية الموصلي بقشر بإسهاماته في الاغنية السودانية طبعا ما اظن انك قاصد تعلمنا المصطلحات الموسيقية ..ليه ؟؟؟ لأنك انت ما صنعتها ولا عندك فيها اي اسهام ،ولا يعرف عنك اي اسهام ابداعي موسيقي..كل العملتو انك جبتها من النت ...وللتذكير النت متاح للجميع الا لمن لم يرغب. وبمناسبة المصطلحات عموما والتعريفات في اي مجال نظري او عملي هي دائما بتكون محط خلاف واختلاف وتنوع علي حسب نوع الموضوع وتشعبه واختلافه. دا ناهيك عن (ترجمة) المصطلحات من لغة الي اخري ،شوف بس هنا في البوست دا فوق في كم تعريف يصلح لكلمة كاونتربوينت !!!! اذا المجال واسع ولا تحده حدود ..وكلا يتبني مدرسة ينتمي اليها ولا عجب،ولا توجد معركة و حني لا يفهم المتابع اني ادافع عن الاستاذ الموصلي بصفة شخصية ..والله العظيم لم التقي الموصلي في حياتي وجه لوجه..ولم اتواصل معه باي وسيلة من وسائل التواصل الاجتماعي ...وان كان دا حيكون شرف عظيم لي انا. ولكني اعرف القامة الموصلي من خلال اعمالة في خارطة الغناء السوداني ...استمعت الية وهو يغني ويؤلف الالحان ...وتابعت مثلي مثل الملاين من السودانيين كل اسهاماته في توزيع الاغنية السودانية من خلال شركة حصاد ..عرفت الموصلي لأنة وزع اشرطة كاسيت كاملة(في زمن الكاست) لأسماء كبيرة في سفر الاغنية السودانية ..ابراهيم عوض، وردي ،حمد الريح ..مصطفي سيد احمد ...والقائمة تطول الموصلي واحد من الذين وضعة بصمة في سفر الغناء السوداني ..ومقامة محفوظ عند السودانيون ..وله اسهامات كبيرة في الموسيقي السودانية ...يختلف الناس او يتفقوا عليها مثلها ومثل أي تجربة ابداعية اخري. عرفت انو معركتك دي بندق في بحر.. زي معركتك في بوست الدليب اليوناني !!! والتي حاولت ان تصنع فيها بطولة وهمية كالعادة ..ومن فراغ كبير واصل البوست ان الاستاذ الخواض علي لسان الموصلي قال ان الدليب موجود في السودان وفي اليونان. يعني مفارقة غريبة شويه ان تكون هناك قواسم مشتركة بين السودان واليونان ...ايقاعيا. لا الخواض قال انو الدليب الفي السودان جا من اليونان. ولا الموصلي قال انو الدليب الفي اليونان ذهب اليهم من السودان. كل القالوهو انو ايقاع الدليب مشترك... مشترك... مشترك... مشترك ...وكمان ممكن يكون موجود في امريكا الجنوبية او عند قبائل اعالي التبت ...ما ايقاع وممكن يكون موجود هنا وهناك ..ما المانع ؟؟؟ روحك محرقاك ساي ياحاتم نظرية. لكن جيت انت وبقدره قادر وعلي حسب المرض النفسي الفي راسك افترضت انهم قالوا انو الدليب الفي السودان جا من اليونان عن طريقة مكة !!! وكالعادة مشيت خميت ليك رسوم كدة من الانترنت وجيت عبيت بيها البوست ..في محاولة بائسة لإثبات شي لم يقلة صاحب البوست ...وبرضو سرحت ومرحت..وكنت مثير للشفقة زي كل مرة . الموسيقي ليست ملكا لك ...ولا للموصلي ولا لاي احد اخر، زيها وزي كل مجالات الفنون الاخري ..متاحة للجميع ولا بوست الدرون ...وخلاصته انك لم تشاهد درون علي ارض الواقع مطلقا..ودا براهو بيكفي. يعني انا مثلا ما بفهم في الانشطار النووي...بس ممكن افتح بوست عن الانشطار النووي ...وأجيب كل التعريفات وكل الرسوم البيانية ..والجداول وادي الناس محاضرات من خلال البوست عن الانشطار النووي وكيفية حدوثه.. ونظرية انشتاين..وادخل علي القوقل بالصيني والياباني ...واخم ليك كمية كبيرة جدا من تاليفات خاصة بالانشطار النووي ...وادعم ارائي بي مستندات عالية ورسوم توضيحية ومقاطع فيديو ...صعبة دي ؟؟؟ شنو الصعب فيها.. شوية وقت وكم ساعة فراغ ...ايوة زي ما بتعمل انت في الموسيقي بالضبط..وكمان ما لازم اشير لاي مصدر ..فيفهم منها انو دا شغلي انا
انت عارف احسن حاجة عملها الموصلي شنو ؟؟؟ انو ما اشتعل بيك وخلاك تهوهو براك كدة ..وكجامتك دي ما قبضتو وطبعا كدة بوستك دا ما حيجيب مريسة تام زين... انت طبعا عارف انا مسميك حاج نظرية ليه !!!!! الاسم خايل والله
الاستاذ وهبي سلام اولا انت جاي غازي مداخلتك دي بعد ايقاف حاتم ما كان تجي من زمان و اساسا انك عارف في بوست مفتوح و بناقش في موضوع معين.كونك تجي تتداخل بعد ايقاف صاحب البوست و انه لن يستطيع الرد عليك و جعل مداخلتك وسط المداخلات كانها من قبل ايقاف صاحب البوست بعتبروا جبن منك سلام
Quote: انشاءالله نتعلم ان الاختلاف مع اهل المعرفة اضافة لاخصم
مرحبا أخ محجوب علي، وكلامك صحيح
فالخلاف مع أهل المعرفة فعلاً إضافة، لكن مع مدعي المعرفة (خصم)، هسع شوف المستنير حمسناهو اجتهد كيفن براهو واتعلم، لو كنا خليناهو يباري ناس أب جاكومة وأب لاكومة كان ليوم الليلة ما فرز الكانتاتا من الكابيلا.
أنا أول مرة في حياتي أشوف شخص بيقول على نفسه (عالم) و(هههه)
Quote: مشكلتك في البوست داك انك بتغالط في ضرب ايقاعي جلبته ابرز لك خطأك فيه (العلماء ههههه) والذواقة وانت مازلت محلك سر حارن المصدر : Re: ويغني ليك...... الموصلي ( أو عندما يرتقي الفنRe: ويغني ليك...... الموصلي ( أو عندما يرتقي الفن
ولما يسألوهوا يلبد، ولما يحاصروهوا يكورك ويتآمر على الناس ويشتمهم.
_____ العالم الحارن في الزمن البقارن.
06-04-2017, 03:47 PM
امير بوب امير بوب
تاريخ التسجيل: 01-02-2013
مجموع المشاركات: 1552
استعمال الكاونتربوينت بالوسائل الأخرى في الغناء الشعبي: يتضمن ذلك صوتان بشريان أو أكثر، يُغنيان بشكل آني (أو يلعبان ضد بعضهم) كما يفعل وردي في الطير المهاجر مع الكورس.
نموذج لكاونتربوينت شعبي أوربي:
06-06-2017, 01:13 PM
امير بوب امير بوب
تاريخ التسجيل: 01-02-2013
مجموع المشاركات: 1552
فوق ... و يبقي سؤال الاخ حاتم قائماً ، اين الكاونتربوينت في سوناتا موتزار وبريليود شوبان الذين يقول الاستاذ الموصلي إنهما ينصحان كاونتربوينت ؟ ... ما زلنا نطمع في اجابة كافية شافية !!
06-06-2017, 05:19 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3452
سلام يا بوب، شكرا على الرسالة وشكرا لحاتم، وسوف أتابع الحوار حق حاتم حول الفرق بين الكاونتربوينت والكاونترميلودي بمنتدى سودانفورم.
يا أخي، وساطة شنو البقدر أعملها لحاتم هنا، أنا رصيد علاقاتي هنا يصل للصفر والناس زهجانة مني أكتر من حاتم
وبكري كرئيس تحرير تعبان جدا وليس لديه معرفة بالتحرير، هي الصدفة من وضعته في هذا المكان العظيم زي حاتم دا ممكن تصل مرحلة تدفع ليهو عشان يقعد هنا، صحي الموصلي موسيقي أكاديمي مؤهل، لكنه نمطي وقديم شوية، ولسع متحنط في قصة احترام وبرستيجي وحركات أولاد أم درمان ديك
06-06-2017, 05:30 PM
وهبه الشبلي احمد وهبه الشبلي احمد
تاريخ التسجيل: 05-08-2016
مجموع المشاركات: 398
يا شلبي اسأل لينا الحيطة كيف قدر (يشغل نفسه) بتأليف (الموسيقى التصويرية) لفيلم قبل ما يبدأ تصويره، يا كمان جاوب انت.
ما هو انت واحد ما عندك اي علاقة بالموسيقي‘ وبتفتح فيها بوستات واكاديمية كمان!! انت بالاول ورينا ما هي علاقتك بالموسيقي ؟؟؟ بعني هل انت متخصص في الموسيقي ؟؟؟ هل درست الموسيقي ؟؟؟ وين ورينا هل تعمل في اي مجال موسيقي ؟؟؟ هل درست نقد وانتقاد الموسيقي و الاعمال الموسيقية والتحليل الفني ؟؟ لكن لأنو اكيد ما حترد علي ,انا بكون احسن منك وبرد علي سؤالك,مع انو سؤالك زاتو غلط !! يعني انت فاكر انو الموسيقي التصويرية للافلام يتم البدء (بتأليفها) بعد الانتهاء من التصوير ؟؟؟ اصلا قبل البدء بالتصوير لأي فيلم يُعطي الموسيقين المكلفين بعمل الموسيقي التصويرية نسخة من السناريو المحدد لكي يبدوا بالإعداد وتكوين الافكار الموسيقية الخاصة بالمشاهد المحتاجة لموسيقي تصويرية. ويبدا الاعداد لعمل (افكار ) موسيقية تقريبية للمشاهد المحددة. واختيار نوع الالات المستخدمة في هذا المشهد ,ونوعية الموسيقي والإيقاعات وخلافة. وكل دي بتكون افكار اولية ,وأحيانا بتكون في شكل ورش مكونة من عدة موسيقين ببساطة يبداء العمل في تاليف موسيقي تصويرية لاي مشاهد لفيلم سينمائي قبل بد التصوير !!! اعتمادا فقط علي السناريو المقدم للموسيقي. اديك مثال,,,, في مشهد غرق والبطل يحاول انقاذ البطلة من الغرق وفي النهاية يفشل !!! داس سناريو واضح فيبدأ المؤلف الموسيقي بعمل(بعض) التصورات الموسيقية , (الافكار) اللحنية التي (ربما) تناسب المشهد ود كلو من وحي خيال المؤلف الموسيقي ,طبعا في انتظار تصوير المشهد والحصول علي اللقطة النهائية من المخرج وبعدها القيام بالمرحلة النهائية لتنفيذ العمل موسيقيا ,,, يعني الموسيقي التصويرية للافلام مش بيتزا ..تمش لبتاع المطعم وتقول ليهو اديني بيتزا كبيرة ..لا لا بيتم النقاش حولها وترتيبها مع اعضاء فريق عمل الفيلم نفسه..وبتكون هناك اجتماعات كبيرة وكثيفة قبل البدء بالتصوير وبيكون الموسيقين جزء اساسي من هذه الاجتماعات لذلك تراهم مشغولين جدا حتي (قبل) بدء التصوير ..وقع ليع يا نظرية. ضيف علي كدة يا حاتم نظرية ان الكثير من الافلام تحتوي علي اغاني مكتوبة ,وخاصة الوثائقية منها وطبعا دي تلحينها غالبا ما عندو علاقة بتصوير الفيلم ,,,فيستلم الملحن نص شعري مكتوب ويبدءا في وضع اللحن المناسب. يعني دي ما عندها علاقة بالتصوير بداء ولا لسه . خاصة الافلام الوثائقية ,يعني لو داير اعمل فيلم وثائقي عن اهرامات السودان مثلا ُوعملت سناريو للفيلم وجهزت اشعار تمجد الامة السودانية مرتبطة بالفيلم ,فهنا الموسيقي المؤلف للموسيقي للاشعار(وهو في الغالب نفس الذي يعمل الموسيقي التصويرية للفيلم ) لا يحتاج ان ينتظر ان ينتهي تصوير المشاهد ..ويبدا غالبا في التلحين قبل بدء التصوير. عشان كدة ممكن جدا تشوف الموصلي او أي واحد غيرة من الموسيقين مشغول جدا ب (وضع) افكار اولية لفيلم لم يبداء تصويرة بعد ..
06-06-2017, 06:59 PM
امير بوب امير بوب
تاريخ التسجيل: 01-02-2013
مجموع المشاركات: 1552
Quote: صحي الموصلي موسيقي أكاديمي مؤهل، لكنه نمطي وقديم شوية، ولسع متحنط في قصة احترام وبرستيجي وحركات أولاد أم درمان ديك
😂😂 بالاضافة لما قاله احد الإخوة في البوست المجاور : هو لا يستطيع ان يفصل بين الموصلي الفنان و الموصلي عضو البورد .... كثيراً ما يتعدّي عل الاخرين مرات متهكماً و مرات متهماً لهم واصفاً إياهم بصفات قبيحة جداً بل و يتعدي الامر لتقمّص شخصية صعلوق المنابر ! و أول ما ترد عليه بضاعته ... يشبك الناس الزول دا ما احترمني و لم يراعي لعامل السن ... و انا قدر أبوه ! و باقي عبارات إستدرار عطف الآخرين دي !! ....
ياخ العلم إتطور ... و المعرفة في شتي المجالات بقت في متناول الجميع و الغريبة انو الناس ديل يجو يصادروا حقك في التعبير و إبداء الرأي لأنهم لسه فاهمين انو المعلومة ما زالت محتكرة عند البعض من حملة الألقاب !
تحياتي
06-06-2017, 07:04 PM
Nasser Amin Nasser Amin
تاريخ التسجيل: 02-07-2017
مجموع المشاركات: 3562
Quote: السيد ناصر لم استغرب مطلقا ان تكون شخص ظالم لهذه الدرجة ,فالذي يشجع الناس علي الظلم (المعنوي) علي الاقل لابد ان يكون ظالما مثلهم.ويلوي هنق الحقائق باستمرار ,ويحترف الكذب الصراح
السيد وهبة اسمح لي بالرد هنا...و المقتبس اعلاه من مداخلتك ورداً علي مداخلتي في بوست تكريم الاستاذ الموصلي... اولاً : ما دعاني لكتابة مداخلتي غضبي ورفضي للظلم ...و تأكد تمام لو انك تعرضت لهذا الموقف او اي زميل لكان لي نفس رد الفعل. ثانيا : في هذا البوست لن تجد اي اصطفاف مني لانو ببساطة علاقتي بالموسيقي كمستمع فقط و يمكنك للرجوع لمداخلاتي و كانت مشاغبة و مداعبة للمستنير و الذي اجتهد و بحث في مسألة ليست من تخصصه. ثالثاً : انت ما شايف في حاجة غلط؟؟!! انت ترد علي حاتم في بوست التكريم قبل سحب الباسوورد ثم تاتي للرد في البوست بتاعو بعد السحب بحجة انه زكرك بالاسم من الفيسبوك طيب انت ما ترد عليهو من الفيسبوك. و اخيرا تاتي لفتح نقاش معه في البوست بتاعو بعد ان تم تجريده من الباسوورد...علي الاقل كان تطالب باعادة الباسوورد ليكون هناك نوع من العدالة.
06-06-2017, 07:04 PM
وهبه الشبلي احمد وهبه الشبلي احمد
تاريخ التسجيل: 05-08-2016
مجموع المشاركات: 398
Quote: 3- مافي راجل (موسيقار) بيوصوهو يبقى جبان من (منازلة) هو طلبها، وكونك تخاف على الحيطة يجي يدافع عن نفسو فدا رد تلقائي عن عجزة في موسيقى يدعيها ومزاعم يكذب بها.
كالعادة يا حاتم نظرية ,لي عنق الحقائق وتبيدل الكلام , وتغير المواقف شغلك الاساسي الذي تجيده ,مفتكرها شطاره ونجاح كبير,مع انك في النهاية هطرقات وضياع زمن للمتداخلين وما تمش بعيد بوستك تكاتيك بيوضح الحقائق دي. ففي تكاتيك وضحت بجلاء كيف انك تتلاعب بالمتداخلين ‘وتدي دا في راسو وتشلت داك ..وتكفت بي اليمين عشان يجيك مستعدل بالشمال ...وترشوا وتجيب قووون !!! موش ياها دي تكاتيكك في ألحوار؟؟؟ طيب حاول جدد او غير لأنها بقت مكشوفة ..والله صحي انت دائما تلبس الباطل ثوب الحق وتبدا في كيل السباب للجميع والتقليل منهم ,مع ان المواضيع التي تناقشها هنا غالبا ليس جديدة والاختلافات فيها واردة بنسبة كبيرة وهي امور ثقافية فكرية ابداعية لا تحتمل ابدا التقليل من اسهامات الاخر فيها. بالعودة لكلامك المقبس فوق داك ,انا رديت علي ابوبكر بانني لا افضل تداخل الموصلي معاك وبينت الاسباب هناك ,انت ليه ما تكون امين وتنقل كلامي كلو ؟؟؟ ليه تقطع الكلام من سياقه وتجي بجزء بس وتترك التاني ؟؟ انا حددت ظروف معينة يجب توافرها حتي يكون للحوار معني ,ويكون مفيد بعيد عن لغة ضربوا وكتلوا ورشاهو. فعلا طلب منك الموصلي فتح بوست منفصل للحوار في الكاونتربوينت ,مادا اليك يده بكل بساطة حتي تفتح صفحة جديدة للحوار ,ارثاء لمبدا التبادل الثقافي وتبادل المعلومات ظنا منة انك سوف تغير في اسلوبك الغريب في الحوار في مصطلحات الموسيقي ويكون حوارا يستفيد منه الجميع , ولكن هيهات يبدو سريعا انة اكتشف خطاة الكبير ,وانك مازلت في طغيانك الكبير!!
عارف يعني شنو حوار ثقاقي في الموسيفي تحديدا ,ياحاتم نظرية ؟؟؟ ان يكون هناك حوار ثقافي فني يرتقي بالناس في الاول يكون ان يكون الحوار نفسه راقيا, ومهذبا يقوم علي احترام المتدخلين بعيدا عن اللغة التي تمارسها انت هنا ,وهي لغة لا تشبه الموسيقي ابدا,لغة لا تشبه حوار الموسيقين حول المدارس الموسيقية المختلفة والتعريفات الاصلاحية المتعددة والاختلافات الكبيرة والتنوع والتعدد في تعريف حتي المدرج الموسيقي ...!! ان يكون هناك حوار ثقافي فني موسيقي يجب ان يكون هناك احترام واضح وبين للناس ,ان يكون هناك حوار ثقافي يجب بالضرورة ان من يدعو لهذا الحوار شخصا محترما لا يستخدم الحوار كأداة لتكسير العظام وذبح الناس علي قارعة الطريق والعمل علي الصعود علي اكتافهم وصنع الاقاويل والتقليل من قيمتهم والعمل علي اخراجهم صفر اليدين مع ان الحوار دائما بيكون الهدف منه الفائدة العامة للجميع بمن فيهم المتحاورين انفسهم.وليس الغرض منه اضعاف طرف معين مطلقا.
عارف يعني شنو يا حاتم نظرية حوار ثقافي ؟؟؟؟ يعني ما دق طبول الحرب ...ودعوة الناس ان هلموا اليوم سوف اثبت لكم ان الموصلي صفر كبير ...اليوم سوف تعلمون من انا ...اليوم حاتم نظرية يسدد طعنة نجلاء لصدر الموصلي ويرديه قتيلا ويتربع علي عرش الكاونتربوينت والمصطلحات الموسيقية والتعريفات ..ايها الناس اليوم حاتم نظرية يحقق نصرة الساحق علي الموصلي وبذلك يصبح حاتم نطريه استاذا للموسيقي ومؤلفا لها وملحنا وموزعا كبيرا ...اليوم قد اكملت لكم نوتتكم الموسيقية وانا حاتم نظرية الاستاذ الاوحد وصاحب بوست التكاتيك اصبح استاذا لكل العلوم ومن اليوم انا استحق هذا الاسم حاتم نظرية الذي ملا الدنيا وشغل الناس.
ليس الموصلي وحدة الذي فضل عدم التداخل ..فموسيقين كتر حاولوا ايضا ولكنهم ايضا يا اما لم يواصلوا في التداخل ,او فضلوا عدم التداخل من اصلة ,لأنهم تقريبا فهموا ان هذا ليس حوار في مصطلحات موسيقية ولكنة شي اخر. هسي الاستاذ احمد ياسين دا ذنب شنو ؟؟؟ طوالي اديتو علي راسو ...وكالعادة بصورة ليست كريمة لأنه فقط يختلف معك؟؟ +++++ فعلا الموسيقي التصويرية للافلام (يبداء) وضع اللبنات الاولي لها قبل بدء التصوير حتي..!! لية صعب عليك تفهم الحتة دي ؟؟؟ شنو الصعب فيها ؟؟؟ ياخد المؤلف الموسيقي نص من السناريو (ويبدءا ) في عمل لحني اول بغرض مناقشته لاحقا بعد تصوير المشهد المحدد. يعني بي فهمك دا بعد اكتمال التصوير تماما واستلام اللقطات من المخرج حتي يبيدا (تاليف الموسيقي التصويرية) ؟؟ الانت قاصدوا هنا اسمو مرحلة (تنفيذ) العمل ...ولكن العمل الاولي يبدءا قبل ذلك بكثير. شكلك عندك خلط هنا في مراحل العمل ..كالعادة. زي القاعد في العنقريب دا علي رايك ,ما محتاجين التصوير ينتهي حتي (نؤلف) موسيقي تصويرية تناسب المشهد ,هسه من هنا المشهد الذي يراد تصويره واضح لاي زول فبامكان واضع الموسيقي التصويرية البدء(من الان) في وضع تصور موسيقي للمشهد المعني ,مع ان التصوير الفعلي للمشاهد ممكن يكون السنة الجاية ودي حاجة بسيطة يا نظرية!! مستوي فهمك كمان مش ولا بد .الله يشفيك بس وينورك. يعني لو داير اصور فيلم وثائقي يتضمن مشاهد عن افطار الصائم في رمضان في شارع مدني مثلا ,يكمن من الان البدء بوضع موسيقية تصويرية لمشاهد التي في السناريو وين المشكلة هنا ؟؟؟ فيكون الموسيقي مشغول جدا بوضع اللحن او الموسيقي التصويرية للمشاهد بغض النظر عن بدء التصوير الفعلي. اختصارا كده ....عمل أي موسيقية تصويرية لاي فيلم ممكن جدا يبدا قبل بدء التصوير ..وبتكون عبارة عن افكار لحنية اولية وتصورات موسيقية مبدئية وفكر للالحان التي سوف تشارك في العمل ,واحيانا يتم وضع اكتر من موسيقي تصويرية لمشهد واحد ,ويتفاكر القائمون علي العمل ايهما افيد وانسب. نظرية , او حاتم نظرية ...الاسم يليق بك.
06-06-2017, 09:31 PM
وهبه الشبلي احمد وهبه الشبلي احمد
تاريخ التسجيل: 05-08-2016
مجموع المشاركات: 398
Quote: السيد وهبة اسمح لي بالرد هنا...و المقتبس اعلاه من مداخلتك ورداً علي مداخلتي في بوست تكريم الاستاذ الموصلي...
طيب كان تجيب مداخلتي كلها ,علي العموم انا برفقها هنا.
Quote: Quote: سلامات مرة تانية المقتبس: مداخلة الاستاذ وهبة الشبلي في بوست "كاونتربوينت" مباشرة بعد ايقاف الاخ حاتم و في مداخلة سابقة بهذا البوست اعلاه وصفت الحركة دي و اكررها للمرة التانية بالجبن لانها اشبه بالتشفي من شخص مقًيد ولا يستطيع الرد لمان كان مفكوك ما كان تجي؟؟!!
السيد ناصر لم استغرب مطلقا ان تكون شخص ظالم لهذه الدرجة ,فالذي يشجع الناس علي الظلم (المعنوي) علي الاقل لابد ان يكون ظالما مثلهم.ويلوي هنق الحقائق باستمرار ,ويحترف الكذب الصراح. يا خي انت لم تضع مداخلاتي حتي في سياقها الزمني الصحيح. وانا هنا بوريك فافتح اضنيك وحاول تفهم رد ابوبكر عباس في بوست التكريم هذا مطالبا الموصلي بالتدخل في بوست كاونتر بوينت رددت علي ابوبكر عياس باني اختلف معة في الراي ,واري عدم جدوي تدخل الموصلي بي هناك ,لعدم توفر أي درجة من الاحترام. وذكرت في مداخلتي امير بوب ,ورد علي بوب ورردت علية. كل المداخلات اعلاة ي هذا البوست (اطلع فوق شوية بتلقاهافي هذه الصفحة). وقتها تم ايقاف حاتم نظرية ,ولكنة اورد المداحلة ادناه من نافذة الفيس.
Quote: يا أمير بوب، وهبة شلبي دا قول ليهو حاتم كانت يفضل تجي تقول ليهو كلامك دا قبل ما (تضمن) سكاته.
لذلك جاء ردي علية الذي اوردته انت هنا. اما حكاية الرد جاء في النص , وليس في اخر مداخلة ,فدي والله انا زاتي مستغرب فيها!! كان المنبر بطي جدا يوم امس وقت انزال الرد.. ربما هذا هو السبب ’لان الكثيرين بالامس شكو من بط المنبر!! ومشاكل فنية اخري حتي في بوست لبط المنبر اظنها مشكلة تقنية . ارجع للرد في بوست كاونتر بوينت حتلاقيني حاولت اعدل مرتين ولم انجح. ما في شي يخليني (ازق) الرد في النص ,لا خايف منك ولا من حاتم نظرية وامثاله ,لكن فهمك تقيل بس. منو القليك حاتم نظرية مكتف , اهو لسة بهوهو من الفيس وشغال نبز تقيل في الناس. شغال قلة ادب مبالغ يها...ومنابيز لاترقي ابدا لشي اسمة الموسيقي. انت حاول تتاكد اول من موضع الكورة قبل ما تشوت ضفاري...وتبقي عليك فضيحة.
طبعا انت بي هناك اتهمتني بالجبن وانو انا (قزيت) مداخلتي في النص ,وماشايفك علقت علي الموضوع
لكي ترفض الظلم ,يجب الا تكون شخص انتقائي يتخير المواقف ,ولكن يجب ان تكون مبدئي وتقف ضد الظلم اينما وجد ,وباي شكل من اشكاله . اذا انت بتري ان هناك ظلم وقع علي صاحب البوست ,فمن باب اولي برضو تشوف الظلم الكبير الذي اوقعة صاحب البوست علي الاخرين..!!! الظلم المعنوي الكبير الذي يمارسه حاتم نظرية وعلي الجميع بدون فرز اولي ان تشير الية ,ولا تحتاج لكبير عناء لتفهم كيف يصر نظرية علي التجدع في الناس واللعب بهم وتسفية مشاركاتهم والامر واضح بين لا يخفي عليك. ياخي في واحد عندو رسالة دكتوارة كان بشارك من نافذة الفيس للاسف ما متزكر اسمو ,صاحبك دا عمل فيهو عمائل ولم ليك فيهو بصورة غريبة جدا ,شي تريقة وشي ضحك وشي استهتار وشي تقليل قيمة وعييييك. مطالبتك لي بالرد علية من نافذة الفيس والله دا شي غريب ..!! لية ارد عليهو من الفي سوانا والحمد لله اتمتع بكامل عضويتي هنا ,فانا ليس موضع شك مطلقا لا من قبل صاحب الحوش ولا الاخرين ,,فليه ارد عليهو من الفيس ؟؟ هو زاتو صاحبك دا لو عندو كرامة تاني ما يتداخل من الفيس ولا غيرو ...والله انا لو منو تاني ما ادخل علي المنبر خلي اتاوق من الفيس !!! يا خي صاحب الدار قاليك شتت تاني شنو ؟؟؟؟ عالم لصقه غريبة. انا رديت عليك بي هناك وقلت ليك انا ما اتداخلت هنا الا بعد ما صاحبك دا زكرني بالاسم في تعليق لة من شباك الفيس,فاصبحت مرغما ان اتداخل معه هنا. انا لا اطالب مطلقا بعودة حاتم للمنبر علي عكسك تماما ,واعتبر دار اي اخر عكس رايك.وزي ما انا بحترم رايك في مطالبتك بعودة نظرية للمنبر ,يجب عليك ايضا ان تحترم راي ,تخت شرط واحد ممكن ان اطالب بعودة حاتم وهو ان يتعلم احترام الاخر,هسة بش خش علي نافذة الفيس وشوف البكتب فيهو !!! والله شي يخجل فعلا ,منابيز علي اعلي مستوي وعبارات لا ترقي ابدا لشكل حوار يفضي الي نتيجة.
06-06-2017, 09:57 PM
امير بوب امير بوب
تاريخ التسجيل: 01-02-2013
مجموع المشاركات: 1552
يا شلبي اسأل لينا الحيطة كيف قدر (يشغل نفسه) بتأليف (الموسيقى التصويرية) لفيلم قبل ما يبدأ تصويره، يا كمان جاوب انت.
صعبة دي؟
يا حاتم نظرية ,انت عارف انت بتزكرني نكتة قديمة لواحد ايام الشهادة السودانية ممتحن ادبي, وقتها كانت المقالات المقررة في التاريخ من ضمنها سياسة "بسمارك" الداخلية والخارجية,وصاحبنا ما كان قاري الا سياسة بسمارك الداخلية فقط!! في الامتحان كان السؤال اذكر سياسة بسمارك الخارجية ؟؟؟ فاسقط في يده ,ولانو ما قاريها ولا عارفها كان ردو كالاتي : دعك من سياسة بسمارك الخارجية ودعنا نتكلم عن سياسة بسمارك الداخلية وعبا ليك ثلاثة اربعة ورقات عن سياسية بسمارك الداخلية مع انو السؤال عن سياسة بسمارك الخارجية .!!!..اكيد جاب صفر في المقالة.
اها حالة صاحبنا الفوق دا زيك كده بالظبط.
الواحد يحاول يحصر(النقاش) معاك في نقطة محددة تقوم تلف يمين ويسار وتهضرب وتهطرق وتملا الدنيا بكلام ليس له علاقة مباشر بموضوع (الحوار).
انا نقطتي واضحة ,يمكن (البدء) بتالف اللبنات الاولي لاي موسيقي تصويرية لاي فيلم قبل ان يبدءا تصوير المشاهد حتي !! ودا بيكون باستلام المؤلف الموسيقي لنسخة من السناريو او تحديدا اللقطات المراد عمل موسيقي تصويرية لها وعلي اساسه ممكن ان يبدءا بمحاولات اولي لوضع افكار لحنية تتناسب والمشاهد التي قراها في السناريو ,وبعد انتهاء التصوير وعرض المشاهد النهائية علية يمكن ان يعدل في تصوره اللحني او يبدل او يعيد صياغة العمل من اساسة.
اديك مثال بسيط وافتح اضنيك كويس ان شاء الله بتفهم بس قول بسم الله. انا مخرج انوي عمل فيلم سينمائي من ضمن مشاهدة المشهد التالي : امراه فقدت زوجها للتو, واقفة في شرفة منزلها ليلا ,مرتدية لباس اسود وهي تحمل في يدها كاس ماء ,تتأمل الافق البعيد وهي سارحة في تصاريف القدر ويكسوها الحزن الشديد,في هذه الاثناء يدخل عليها طفلها ذو الست اعوام وهي في تلك الوقفة ويسألها ببراءة ,ماما انتي ابوي بجي متين ؟ فتنظر اليه امة والدموع تنهمر من عينيها ولا تستطيع ان تجيبه فتحضنه بقوه وتظل فترة وابنها في حضنها.
ينتهي المشهد هنا,,,
مدة المشهد اعلاه تقريبا دقيقتين ونصف ..
اها يا حاتم نظرية وبما انك موسيقي ضليع وعازف متمكن انا كلفتك (للبدء) بعمل موسيقية تصويرية للمشهد اعلاه ,مع ان التصوير الفعلي للمشهد سوف يكون بعد ستة اشهر تقريبا. ما الذي يمنعك وأنت موسيقي متمكن من (البدء) فورا لوضع تصورات لموسيقي تصويرية للمشهد اعلاه ؟؟؟اتوقع انك تسحب سيكسفونك فورا وتبدءا بالزمبره وسوف تكون مشغول علي الاقل للأسبوعين القادمين ,مع انو التصوير الفعلي لم يبدا بعد!! ولو أي زول سالك وين انت يانظريه مختفي وبتعمل في شنو ؟؟؟ طبيعي انو تقول ليهو مشغول بوضع لبنات اولي وأفكار لموسيقي تصويرية لفيلم ما سوف يبدا تصويره بعد ستة اشهر تقريبا !!! وبعد عرض المشهد النهائي عليك بعد التصوير سوف تقوم بالعمل النهائي لموسيقتك التصويرية ,تعدل هنا في الحته دي ,تعلي النقمة في الحته ديك , تزيد صوت معين تغير تبدل وربما تغير الفكرة التي وضعتها كليا.
ببساطة ما لازم تنتظر لحدي ما يجيبوا ليك المشهد مصور وبعدها تبدءا في الزمبره. صعبة دي يا حاتم نظرية ؟؟؟ مستحيلة دي يا نظرية ؟؟؟ الغريب فيها شنو عشان ما تقدر تفهما؟؟ عالم غريبة فعلا.
+++++++++
قال كلمة يهوهو دي ما مناسبة !!! يا زول والله انت فعلا ما بتشوف عوجة رقبتك .دي ولا أي شي من كمية السباب الذي تكيله للجميع وبدون فرز,يا اخي الادب والتهذيب في الشرق وانت في اقصي الغرب ,اصلا انت عارف سبب ايقافك ومتاكد منو تماما,ومع كدة بتلف وتدور زي جمل العصارة ,كدي ركب ليك نظارات تانيه وحاول تقراء مداخلاتك هنا في الفيس وشوف كمية المنابيز الانت قاعد توزعها علي العالمين ,ياخي والله انت فعلا ظاهرة غريبة ,يا الناس البتحبوا حاتم نظرية دا حاولوا تفهموموا انو عندو مشكلة في فقه التحاور مع الاخر وان العك الذي يمارسه هنا لا يمكن ان يكون باي حال من الاحوال صورة لنقاش حول أي فكرة ,وانه يزيد من جو الكراهية في مواضيع ليست لها علاقة بهذا النوع من التهاتر ,احتمال يسمع منكم ويرعوي, واهو ينوبكم ثواب.
06-07-2017, 04:11 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3452
يا مستنير والله انا ما قايلك مستنير قدر دا 😂 بقيت تجيب من جوٌوه ...! و الله صحي !! ... بتفق معاك ان الاغنية دي مصنّفة من الأغاني القليلة المكتوبة علي فكرة الكاونتربوينت ... الاغنية عندي في أسطوانة و كنت بسمعها كتير جداً زمان .. و هي من تأليف زول اسمو إرفن برلين Irvin Berlin
و هي من ضمن الأغاني القليلة التي نجحت في هذا النوع من الأداء المدهش ، بس الفكرة هنا قايمة علي وجود مجموعتين من الكلمات الغنائية Lyrics كل واحدة قائمة بذاتها يعني كأنو الجماعة ديل بغنّوا في أغنيتين منفصلتين في نفس التوقيت ! الفكرة العامة هنا انك تكتب أغنية علي طريقة الكاونتربوينت و تنجح في أداء المجموعتين من الكلمات بمجموعتين من الألحان و في نفس التوقيت بدون ما يكون هناك تنافر بينهما !! لاكين انا شايف انو الكاونتر بوينت بصورة عامة معني باللحن و ما عندو كبير غرض بال Lyrics .... طبعاً دا إجتهاد مني ساي ... علي بال ما تسمع رأي الاخ حاتم.
وبالمرة .. (الصوت) بتاع (بونية) البطل في فيلم هندي .... عارف يا وهبة .. موضوع الموسيقى التصويرية دا جميل وممتع وفيهو ابعاد للخيال وابعاد تكنيكية بديعة في بعض اللقطات بتتعمل ليها مؤثرات صوتية (بدون آلة موسيقىة ) بخبطوا على طربيزة او حيطة او برموا حاجة على الارض
06-07-2017, 12:53 PM
امير بوب امير بوب
تاريخ التسجيل: 01-02-2013
مجموع المشاركات: 1552
Quote: الاخ وهبة الشبلي هل لك علاقة بالحساب الخاص بالمدعو Mohamed Ahmed والذي يتداخل عبر نافذة الفيسبوك ؟؟ ... الرجاء التكرم بالإفادة
والله يا اميرانا ما لي اي علاقة بالحساب المذكور !!!
وتالله انا ليس بصاحب ذلك الحساب المعني ,ولم اتداخل من نافذة الفيس باي حساب كان. بالعقل كدة انا زول عندي عضوية هنا البخليني اتداخل من الفيس شنو ؟؟؟ كدي احسبها انت براك كدي وبي رواقه ,,,,يعني ممكن اكون دافعي شنو ؟؟ مرات نحتاج للدليل العقلي حتي في المسائل الفقيه ,وحتي في المسائل القانونية ما الدوافع ؟؟؟ ما الذي يمكن ان استفيده حال تداخلي باسم اخر من نافذة الفيس ؟؟
كل العايز اقولوا في حاتم نظرية اهو انا بنزلوا هنا مباشرة فما الداعي للتخفي تحت اسم ما؟؟؟ اصلا واحدة من اشكالاتي مع نظرية حول من هو حاتم نظرية ومن يكون !! وفي كتيرين هنا عندهم نفس التساؤل دا , اقوم انا زاتي اجي متستر باسم ما ؟؟
اهو حاتم نظرية ابو خيال خصب عمل ربط عجيب بيني وبين صاحب الحساب داك ,وانت ما صدقت وطواالي جيت جاري والكلام البقولوا نظرية دا انت طوالي عندك منزل ,طيب شغل عقلك شويه قبل ما تتهم الناس مباشرة وتمسك اضنين الخروف.
و كدة حاتم نظرية يكون مسكك ضنب الككو.
ياخي انا بكتب القامة الموصلي ,ونفس المفردة استخدمها الاخ احمد ,حاتم نظرية ربط بين الاستخدامين ديل ,طيب يا نظرية كتيرين هنا وفي المنبر بستخدموا نفس العبارة دي اها ديل كلهم انا؟؟ حتي علامات الاستفهام في التساؤل ربط بينها ...اب الزفت زاتو ..!! ما شاء الله عليك يا حاتم نظرية.
لو اتفقنا انا والاخ احمد حول فكرة عدم الترحيب بعودة حاتم نظرية ,دي معناتا انا واحمد دا حاجة واحدة ؟؟؟ يا ناس اصحو شوية.
كتيرين متداخلين من نافذة الفيس وهم في الغالب متضامنين مع نظرية ,بس زول واحد كان عندو راي مخالف طوالي قمتوا علي نظرية المؤامرة , وطوالي جريتوا عايزين تعرفوا الزول دا منو ؟؟؟ طيب يا بوب من باب اولي كمان تورينا هو حاتم نظرية دا زاتو منو ؟؟؟ ويطلع شنو ؟؟؟
انا ما بعرف الاسموا احمد دا ...بس ياريت يا اخ احمد تورينا نفسك وتفصح حتي يرتاح اصحاب نظرية المؤامرة.
يا بوب انا كمان دخلت علي حساب ,ولم اجد فية ما يدل علي شخصيتك او أي اشارة اليك !!!
اهو كدة كشفناك يا حاتم نظرية كلما نزنقك في حته ضيقة تمش تعمل جلبة وصوت عالي وتقعد تودر في الاثر ,يا ها طريقتك
06-07-2017, 02:27 PM
امير بوب امير بوب
تاريخ التسجيل: 01-02-2013
مجموع المشاركات: 1552
يا شلبي ياخ الله يهديك ، يازول سألتك سؤال محدد كان ممكن تجيب عليه بلا او نعم بدون الردح الكتير دا سألتك لانو الشخص الاسمو Mohamed Ahmed دا اتساخف معاي و عاوز أحسم النقطة دي ... يعني بلا ضنب ككو بلا ضرب حمار معاك !!
Quote: مرات نحتاج للدليل العقلي حتي في المسائل الفقيه ,وحتي في المسائل القانونية ما الدوافع ؟؟؟ ما الذي يمكن ان استفيده حال تداخلي باسم اخر من نافذة الفيس ؟؟
تستفيد شنو في الحالة دي ما بعرفها ... لاكين علي الاقل ممكن تشتم وتسيء للآخرين بدون ما حد يقول ليك تلت التلاتة كم !! 😜
Quote: يا بوب انا كمان دخلت علي حساب ,ولم اجد فية ما يدل علي شخصيتك او أي اشارة اليك !!!
يا راجل !! 😂 كدي حاول تاني !!
06-07-2017, 02:35 PM
امير بوب امير بوب
تاريخ التسجيل: 01-02-2013
مجموع المشاركات: 1552
اهو انت هنا استخدمت نفس الاسم البناديني بيهو حاتم نظرية ,مع انك في مداخلاتك الفاتت كلها كنت بتناديني باسمي الكامل ,نفهم من كدة انو الشخص الاسمو حاتم نظرية والسيد امير بوب شخصية واحدة ؟؟؟ اهدي الملاحظة دي لحاتم نظرية.
انت لو ركزت شوية في الصورة الانت جاي خامها دي اكان عرفته انو حاتم نظرية افلس فعلا ,وان الضربة علية كانت شديدة لدرجة انو فقد صوابو اكتر واكتر وقعد يلخبط يمين وشمال ,بس الواضح انو عندو درجة من السيطرة عليك بتخليك تؤمن بكل ما يقول وبكل ما يفكر بدون ما تفكر انت ولا تستخدم عقلك ودا شي غريب فعلا.
انت لو صبرت شويه بدون ما ترد او تخم كلامو من الفيس انا اساسا كنت حا ارد عليهو.
الزول دا مشي خم ليهو كمية من ملاحظات ما بترتبط مع بعضها اصلا , ولو كان في رابط بينها فعلا فدا بيكون من قبيل توارد الخواطر ليس الا,فانا لا اعرف صاحب ذلك الحساب ,وليست لدي ادني فكرة عمن يكون فا انا ما محتاج للدخول من شباك الفيس عشان انبز زول , مشكلتي مع نظرية اساسا في المنابيز التي يوزعها علي خلق الله والعالمين وشخصية الغير معروفة ابقي كيف انا امارس نفس اساليب حاتم نظرية ؟؟؟
تاني بعيد ليك انا ما محتاج للتداخل من نافذة الفيس ,لانو ببساطة اتمتع بكامل عضويتي هنا ولله الحمد فما في اي شي بخليني اخش تحت اسم مستتر. هسي لو الاسمو محمد احمد يقعد يشكر في حاتم نظرية والسيد بوب وقعد يكسر في التلج ,اكان جيتو ناطين هنا وجبتو كلامو ؟؟؟ ما اظن لكن لانو مخالف لكم في الراي طوالي عملتوا علي اقصاءه وتهميشة.
06-07-2017, 03:28 PM
وهبه الشبلي احمد وهبه الشبلي احمد
تاريخ التسجيل: 05-08-2016
مجموع المشاركات: 398
وبالمرة .. (الصوت) بتاع (بونية) البطل في فيلم هندي .... عارف يا وهبة .. موضوع الموسيقى التصويرية دا جميل وممتع وفيهو ابعاد للخيال وابعاد تكنيكية بديعة في بعض اللقطات بتتعمل ليها مؤثرات صوتية (بدون آلة موسيقىة ) بخبطوا على طربيزة او حيطة او برموا حاجة على الارض
استاذنا احمد ياسين
فعلا الموضوع بيعتمد علي (الخيال) الواسع للموسيقي زائدا ابعاد تكنيكية جميلة جدا بتدي العمل الموسيقي في النهاية شكل جمالي كبير.خاصة اذا كان الموسيقي (ضليع).
تحياتي,,
06-07-2017, 03:35 PM
امير بوب امير بوب
تاريخ التسجيل: 01-02-2013
مجموع المشاركات: 1552
للمرة التانية بقول ليك يا اخ شلبي انو انا إستغربت من مداخلات المدعو Mohamed Ahmed من نافذة الفيسبوك و عدائيته الغير مبررة ! حاولت اعرف من هو حتي أتمكن من التعامل معه دخلت بروفايلو في الفيسبوك ما لقيت حاجة و واضح انها شخصية وهمية !! اليوم فوجئت بانو الاخ حاتم برضو حاول يستقصي عنها ... و لقيتو أشار بإنك صاحب الحساب و جاب صورة في معرض إتهامه لك ! ... انا لم أسلّم برأي حاتم و لم اتعامل معك علي انك صاحب الحساب الوهمي ، بل حاولت أوجه ليك السؤال مباشرة هنا .. لانو اجابتك بتختصر عليّ مجهود كبير في البحث... . و قلت ليك هناك اتهام موجه لك من قبل حاتم و هو جاب صورة كدليل اتهام لك ... أها رأيك شنو ؟؟ الموضوع كان ممكن تجيب عليه بطريقة أكثر هدوء و تشنج ! و ردحي كتير !! كونك عندك مشكلة مع حاتم و عامل ليك حبس كبس ، دا ما موضوعي !! ... كونوا انك تدافع عن نفسك بحجة انك عندك حساب في المنبر و ما محتاج تتداخل بحساب فيسبوك دا حنك عاضّي ... لانو النبذ الممكن تنبذو و الكلام الممكن تقولو بحساب وهمي ما بتقدر تقولوا بحسابك في المنبر !
علي كل حال ، شكراً ليك ، اجابتك وصلت !! .... انتهي
06-07-2017, 04:01 PM
وهبه الشبلي احمد وهبه الشبلي احمد
تاريخ التسجيل: 05-08-2016
مجموع المشاركات: 398
وللمرة الثانية بقول ليك انت وحاتم نظرية شخصيه واحدة ...!!!
اهو كشفناك ,طول الفترة الفاتت دي متخبي وداسي روحك وطلعت انت وحاتم نظرية شخصية واحدة ؟؟؟؟ سبحان الله.
حاتم نظرية بناديني شلبي ,وحاتم التاني برضو زيو !!
امير بوب وحاتم نظرية شخصية واحدة ,ندعو صاحب المنبر للتحقق من الامر.
انا في المداخلة السابقة اتهمتك انت ونظرية شخصية واحدة فكان تكتفي بالرد بلا او نعم وبهدوء ومن غير تشنج وبدون انفعال بدل الهرجلة والكلام الكتير دا .!!
Quote: كونوا انك تدافع عن نفسك بحجة انك عندك حساب في المنبر و ما محتاج تتداخل بحساب فيسبوك دا حنك عاضّي ... لانو النبذ الممكن تنبذو و الكلام الممكن تقولو بحساب وهمي ما بتقدر تقولوا بحسابك في المنبر !
كدي يا عبقري انت جيب لي من كلام محمد احمد فيهو نبز زيادة لا استطيع انا انزاله هنا باسمي فلجات الي الفيس ؟؟؟
فكر شوية بس ...
لكن فعلا انت وحاتم نظرية شخصية واحدة لانو كلامك دا بالحرف بيقول فيهو نظرية بي هناك.
كشفناك وكشفنا الخطة....بوب+نظرية
06-07-2017, 04:14 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 24982
سلام يا مستنير لو رجعت لمداخلة حاتم السابقة حول الطير المهاجر ، شايفو قال ليك حتة أداء وردي و الكورس دي تعتبر كاونتر ميلودي في جزء محدد من العمل و الفهمتو انا انها نوع من ال call and response بين وردي و الكورس ، يعني وردي يقول الميلودي و الكلمات و الكورس يرد بميلودي مختلف لاكين اللحن الأساسي و بطول العمل ثابت و ما فيه كاونتربوينت هذا حسب فهمي لمداخلة حاتم السابقة حول الطير ابمهاجر
06-07-2017, 05:23 PM
بكرى ابوبكر بكرى ابوبكر
تاريخ التسجيل: 02-04-2002
مجموع المشاركات: 18727
Quote: ا أخي الزول التعبان الكحيان دا، بس محظوظ إنّو نحنا مكتولين في المنبر دا
دي ما محتاجة تجاهر بيها يا المستجير .. اتا من الناس القاعدين هنا 26 ساعة في اليوم الواحد .. شعبطة الحسكنيت في جلابية تيترون البوست دا خير دليل على ما أقول .. فااااااااشنو بطل التذاكي المقيت دا، وتابع هرجيك ساي بلا الله أداني.. خخخخ
حمدلله ع السلامة يا أخونا حاتم الموقوف حسب كلام الكاسرين رقبة الحقيقة رجالة وحمرة عين .
06-07-2017, 05:40 PM
امير بوب امير بوب
تاريخ التسجيل: 01-02-2013
مجموع المشاركات: 1552
اخونا الباشمهندس بكري ابوبكر رمضان كريم و تصوم و تفطر علي خير .. شاكر و مُقدَّر مرورك بالبوست و الإفادة والتوضيح ... إذاً الزميل حاتم يعاني من مشكلة في الباسوورد و لا يستطيع الدخول الرجاء إكمال جميلك و العمل علي حل المشكلة و تسهيل دخوله المنبر ولَك كل الشكر و التقدير
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أبوبكر عباس
Nasser Amin
ترهاقا
Osama Mohammed
Elmosley
حاتم إبراهيم
MAHJOOP ALI
usama Babiker
عبدالمنعم الطيب حسن
Ahmed Yassin
حيدر حسن ميرغني
بكرى ابوبكر
جمال ود القوز
طلحة عبدالله
فيس بوك
تويتر
انستقرام
يوتيوب
بنتيريست