Quote: البينا وبين المصريين لم تعد عمرانه تب. رأيك صواب يحتمل الخطأ وأراءنا نحن المعاكسين العبطه والمراهقين سياسيا خطأ يحتمل الصواب.ربما من محاسن شهرة النجومية التي تتمتع بها جعلت البعض هنا يرشقك بالزهور والورد رغم إختلافهم الصريح معك ودا لو كان غريبة وحبوبتو كان الموقف يماثل رمي الجمرات في الحج.
يا حبيبنا أولاً : قولك أن الموصلي مشهور أواسط المصريين حتى وصل الأمر إلى رشقه بالزهور دي قوية ووارمه شوية ... يا أخي مع احترامي للموصلي في ناس في السودان ما بيعرفوه ودي حقيقة خليك من أن الشعب المصري يعرفه ويضرب له تعظيم سلام أثناء مروره في أزقة وحواري القاهرة والأسكندرية .. أتمنى من الموصلي ما يزعل لأنها حقيقة . يا أخي الموصلي نفسه بيقول سأل مقدمة البرنامج التي استضافته عن سبب عدم استضافة الهرمين محمد وردي ومحمد الامين مصطفى فردت "ازاي حنعرف انهم في القاهرة... يعني بيجوا القاهرة ويسافروا وما حد بيحس بيهم تجي تقول لي الشعب المصري يقذف الموصلي بالزهور وأنه مشهور ... يا حبيبي الملا نحن فننا local ودي حقيقة وزيد أو عبيد من الناس اللي بيروح للعلاج في القاهرة والموصلي في نظر الشعب المصري واحد .
ثانياً : الشتم والردح وسوء المعاملة والحملة المصرية المسعورة والحرب الشعواء العنصرية التي يشنها الشعب المصري تستهدف جميع السودانيين وليس الموصلي استثناءاً ... زهور ايه وورد ايه يا حبيبنا الملا .
ثالثاً : الموصلي يمجد المصريين ويرفعهم فوق هام السحب وأنهم يحترمون الشعب السوداني ويصف تعاملهم بأنه قمة الرقي في الوقت الذي يعتبرون الشعب السوداني عبيد وبوابين وأنهم متخلفين فضلاً عن إعلامهم الموجه من قبل مخابراتهم الذي ينفث سمومه تجاه بلدنا الحبيب ، بالمقابل يصف أولاد أهلنا المقيمين في مصر أنهم سكارى حيارى متكلين على الحوائط من فرط الشرب وأنهم عصابات متخصصة في السطو على السودانيين ( اللي عاوز Confirmation على كلامي ده يطلع فوق ويقرأ كلام الموصلي بنفسه ...
يا أخي الموصلي أنا بنصحك نصيحة (اذا لم تستطع قول الحق فلا تطبل للباطل ) ... عجبي .
Quote: ثالثاً : الموصلي يمجد المصريين ويرفعهم فوق هام السحب وأنهم يحترمون الشعب السوداني ويصف تعاملهم بأنه قمة الرقي في الوقت الذي يعتبرون الشعب السوداني عبيد وبوابين وأنهم متخلفين فضلاً عن إعلامهم الموجه من قبل مخابراتهم الذي ينفث سمومه تجاه بلدنا الحبيب ، بالمقابل يصف أولاد أهلنا المقيمين في مصر أنهم سكارى حيارى متكلين على الحوائط من فرط الشرب وأنهم عصابات متخصصة في السطو على السودانيين ( اللي عاوز Confirmation على كلامي ده يطلع فوق ويقرأ كلام الموصلي بنفسه ... يا أخي الموصلي أنا بنصحك نصيحة (اذا لم تستطع قول الحق فلا تطبل للباطل ) ... عجبي . (عدل بواسطة الهادي الشغيل on 05-10-2017, 11:40 AM المصدر :
اكعب حاجة في المسلم انو يكذب ويزور الكلام ربنا يشامحك ويغفر ليك اما حكاية شهرتي دي لو داير تعرفها امشي اقرا تمجيدك للموصلي في احد بوستاتك بتاعت عطبرة حيث تغزلت في ابداعي وكدت ان تتفوق على ماقاله قيس في ليلاه عشان تعرف معنى النكاية والحقد الاعمى هنا ---------------------------- وا اسفاي
05-10-2017, 06:20 PM
Elmosley Elmosley
تاريخ التسجيل: 03-14-2002
مجموع المشاركات: 34683
ثثثابدلوهاب تود شكرا ياقريبي كلامك ده هو الزبدة عينها وهسع مجلس وزاري مشترك سيعقد يوم الجمعة للفكاك من مقلب التوتر ووفد السودان وصل القاهرة حسب معلومات موثوق فيها لك التحية
05-10-2017, 08:26 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
بيلة بكر بن وائل بن قاسط بن هنب بن أفصى بن دعمي بن جديلة ابن أسد بن ربيعة بن نزار بن معد بن عدنان، من أشهر قبائل ربيعة على الإطلاق في العصر الجاهلي وصدر الإسلام وفي عصور الخلافة الأموية والعباسية، وتعد من أكبر القبائل العربية عدداً وعدة. وهم أبناء عمومة تغلب وأحد طرفي حرب البسوس. وقد خرج معظمها إلى بلاد العراق وبلغت في نجعتها إلى ديار بكر (في جنوب تركيا حالياً)، وبعد الإسلام دخل الكثير من رجال قبيلة بكر مع الجيوش الإسلامية واشتركت في الفتوحات ومنهم قادة عظام كما برز منهم علماء وهي واحدة من جماجم العرب الكبرى ------------------------- من ويكبيديا ======== قيل ان الزلابية كانت تؤكل في القبائل الغنيةلذا فقدج كانت عزيزة ومن ضمن الحروب النفسية في حرب البسوس قالت القبائل المعادية لبني وائل هذا المثل عندما علمو انها تأكل الزلابية كنوع من الاهانة =========== زمان نحن كنا بنقول هانت الزلابية حتى اكلتها بنو قريظة
05-11-2017, 05:24 AM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
Quote: انتو الخبير صلاح غريبة وين ؟ والله يا الموصلي الناس ديل بريدوك ساكت .. لكن غريبة دا قبال كدي قال كلام زي دا .. ردموهو ردم لامن عرف حاجة تحياتي مثنى وثلاث ورباع
والله انا ذاتل بريدهم حتى اولئك الذين جنحوا الى العنف قليلا انا متفهم انفعالاتهم بس هي وجهة نظر نابعة من مشاهدات انية وحية\ كل الود والتقدير والشكر
05-12-2017, 08:20 AM
mohmmed said ahmed mohmmed said ahmed
تاريخ التسجيل: 10-25-2002
مجموع المشاركات: 8788
الموصلى كتب انطلاقا من ايمانه باهمية العلاقة بين الشعبين وكتب ملاحظاتو المباشرة من واقع مشاهدة فى القاهرة كتب لقيم الحب والاخوة والجيرة
فانتحت عليه اقلام الهمز واللمز
يوسف الموصلى فنان وموسيقى كبير وعندما درس فى مصر درس بمنحة وبابتعاث من حكومة السودان بعد تفوقه وفى مصر كان نموذجا للفنان المجتهد ونالت اعماله اعجاب وتقدير اهل الموسيقى فى مصر الموصلى لا يحتاج لطرق ملتوية كتب عن قناعة
سيتوافد الملايين من السودانيين الى مصر للعلاج والدراسة والسيتحة والتسوق وستبقى العلاقة الازلية
05-12-2017, 12:13 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: الموصلى كتب انطلاقا من ايمانه باهمية العلاقة بين الشعبين وكتب ملاحظاتو المباشرة من واقع مشاهدة فى القاهرة كتب لقيم الحب والاخوة والجيرة فانتحت عليه اقلام الهمز واللمز يوسف الموصلى فنان وموسيقى كبير وعندما درس فى مصر درس بمنحة وبابتعاث من حكومة السودان بعد تفوقه وفى مصر كان نموذجا للفنان المجتهد ونالت اعماله اعجاب وتقدير اهل الموسيقى فى مصر الموصلى لا يحتاج لطرق ملتوية كتب عن قناعة سيتوافد الملايين من السودانيين الى مصر للعلاج والدراسة والسيتحة والتسوق وستبقى العلاقة الازلية
زميلنا الخلوق هؤلاء بعض منهم مخلص في رأيه الذي نخالفه والبعض الاخر يتبع اجندة ترفها, اجندة في اتجاه هواء وهوى محدد بيد ان هنالك فئة قليلة جدا لا تحسب حتى باصابع اليد اعتادت عاى التسلق اللبلابي كلما ظهر خلاف مع الموصلي في هذا البورد وهي قديمة جدا هنا ---------- احترم كل الذين خالفوني الرأي واعفو عمن حاولو الاساءة بحسن نية اما الفئة الاخيرة فهي في عداد الموتي بالنسبة لي لك الود والتقدير وسيبقى الشعب السوداني شقيقا للشعب المصري مهما ارتفعت حدة الخلافت بينهما وان كادت ان تصل الى شفا حرب فهذا فعل الساسة والساسة فقط كل الود
05-10-2017, 09:30 AM
almulaomar almulaomar
تاريخ التسجيل: 07-08-2002
مجموع المشاركات: 6485
يا موصلي إذا إختزلنا علاقتنا بالقاهرة في العلاج والجزم والملايات فهذه علاقات أقل ما يقال عنها أنها وضيعه. نائب المندوب المصري لدي الأمم المتحدة – وهو موقف رسمي لدولة مصر والدليل أنه لم يصدر أي تعليق رسمي أو إعتذار من النظام المصري على أي مستوى كان – قاتل بضراوة للإبقاء على العقوبات المفروضة على نظام الخرطوم ، إختلفنا أم إتفقنا فالمتضرر الأول من هذه العقوبات هو المواطن البسيط العادي ، أما المسئولين في الخرطوم فما فارقه معاهم بينكحوا مثني وثلاث ورباع وبيسافروا وبرجعوا ويتطاولون في البنيان. السلع الفاسدة التي تدخل السودان وإعترضت عليها الكثير من دول العالم ورفضت دخولها بدء من أمريكا وروسيا وإنتهاء بالإمارات والسعودية وعندما رفض السودان دخول المواد غير الصالحة والتي تتسبب في إضرار صحية أقل ما يمكن أن يقال عنها أنها خطيرة تندر المصريون وتهكموا علينا فبدلاً من أن يصلحوا حالهم وأمورهم تتفرغوا للضحك علينا وقالوا بالحرف الواحد حتي السودانيين بيقاطعوا السلع المصرية. أي صفاقة وأي جهل في ثنايا مثل هذه التصريحات ناهيك عن المتطرفين الذين لا يرون في السوداني أكثر من عبد وبواب وطباخ. أما شغل الإستخبارات وما تقوم به والإضرار بمصالح السودان على كافة الأصعدة فحدث ولا حرج. مصر يا سيدي لا تري فينا إلا تبعاً ولا تؤمن بعلاقة الند للند فما فعله السد العالي في بلاد النوبه ما أنفك أثره باقياً ولو حدث في أي مكان في العالم لقامت الدنيا ولم تقعد. لك أن تحب مصر وتزورها وتتود لها بصفتك الشخصية ، لكن لا يحق لك أن تري في وجهة نظر من يخالفك الرأي بشأن العلاقة السودانية المصرية شذاذ أفاق ومراهقين سياسيين وعبطه وهلم. حلايب وشلاتين أراض سودانية شاء من شاء وأبى من أبى ولن تعودا لخارطة الوطن بالود لأنهما أخذا بغير ذلك.
05-10-2017, 06:53 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: البينا وبين المصريين لم تعد عمرانه تب. رأيك صواب يحتمل الخطأ وأراءنا نحن المعاكسين العبطه والمراهقين سياسيا خطأ يحتمل الصواب. ربما من محاسن شهرة النجومية التي تتمتع بها جعلت البعض هنا يرشقك بالزهور والورد رغم إختلافهم الصريح معك ودا لو كان غريبة وحبوبتو كان الموقف يماثل رمي الجمرات في الحج.المصدر :
عزيزي الملا عمر نعم الخطأ وارد والصواب وارد وانا لم افارق الملة ------------------------------ يعاملني الناس باحترام ليس للشهرة ولكن لانني اعاملهم باحترام ولكن يا عزيزي من أس مشاكل السودان عدم تقبل الرأي الاخر وشخصنة الردود في مواضيع الخلاف العام لذا ستظل بلادنا محلك سرالى ان نتخلص من هذه العادة الذميمة او أني قضي الله امرا كان مفعولا تحياتي
ربما من محاسن شهرة النجومية التي تتمتع بها جعلت البعض هنا يرشقك بالزهور والورد رغم إختلافهم الصريح معك ودا لو كان غريبة وحبوبتو كان الموقف يماثل رمي الجمرات في الحج. -------------------------------------------------
عفوا اخونا الهادي تصويب بسيط
الملا ما قال المصريين هم من يقذفون الموصلي بالزهور أنما قال هنـــــــــــــــــــــــــــــــا يقصد في المنتدى
أنه البورداب مغيوظين من البوست دا لكن لسبب نجوميته و مكانته في نفوسهم لم يستطيعوا أن يردوا عليه بغلظة مثل ما فعلوا مع غريبة مثلا
لكن أرجع لموضوع الاستضافة التلفزيونية
معقولة فنان بحجم وردي يقال عليه يدخل البلد ويخرج منها سكيتي
وردي كانت حفلاته في أديس أبابا وارتريا لا تقام الا في ملاعب كرة القدم لأن المسارح لا تحتمل الزحمة
05-10-2017, 03:17 PM
كمال عباس كمال عباس
تاريخ التسجيل: 03-06-2009
مجموع المشاركات: 17133
شماعة تصويت مصر علي تمديد العقوبات المفروضة علي الإنقاذ بسبب كارثة دارفور !! علي من يأخذ هذا المبرر ويراه مبررا لوصم لطعن السودان من الخلف والإضرار بمصالحه نهديكم ماذا عن تصريح وزير خارجية السعودية الذي افاد فيها بسيادة مصر علي حلايب وحماية حقوقها فيها! وتصريح السفير السعودي في القاهرة الذي يفيد بذات الشئ!! بل ودعم ولي عهد المملكة محمد بن سلمان لقرار ترامب بحظرابناء شعبنا من زيارة امريكا !! لااحتجاج ولااستعداء بالدفع بجنود الجيش السوداني ليموتوا دفاعا عن اجندة المملكة ! **وإين كانت الغيرة علي حلايب وعلي مصالح السودان حينما قام البشير باهداء البشير لعشرات السيارات وعشرات الاللاف من الدولارات لمنتخب مصر الكروي وحينما اهدي الحكومة المصرية خمسة الف من الابقار وحينما منح مصر وهي دولة محتلة اراضي زراعية في شمال السودان وحينما فرط في حلايب لمصر ! ........ قليلا من الإتساق ياهولاء!
قريبي الموصلي .. بلالتود .. قراءتي أن الموضوع هروب من الداخل للحكومتين السيسي والبشير في وضع إقتصادي مريع .. وهنا لا بد إشغال الشعب بِقضية انصرافية .. أو نقل الاهتمام إلى الخارج في مصر والسودان معظم الصحف والقنوات والتواصل تركت مشاكل الداخل وتحويل الانتباه عن القضايا الرئيسية إلى الفرعية .. دي ممارسة معروفة .. كلينتون في قضية مونيكا .. قصف مصنع الشفاء في السودان .. ترامب عندما فقد الشعبية .. قصف مطار في سوريا ( كيميائي ) لأن إستعداء الخارج يوحد الداخل ويثير الغيرة الوطنية وينصرف الناس عن الداخل أكثر فترة تعاطف فيها الناس مع الحكومة هي الفترة الحالية .. السياسة فن وناس الانقاذ معروف عنهم كيفية إستغلال الفرص بكرة يرجعوا عسل ولبن زيارات وأحضان نفس الحالة كانت بعد مباراة الجزائر ومصر في الخرطوم وبعد محاولة إغتيال حسن مبارك صعد الموضوع حتى إلى مجلس الامن مودتي .. وتحياتي ..
05-10-2017, 05:59 PM
Mirghani Taitawi Mirghani Taitawi
تاريخ التسجيل: 05-26-2013
مجموع المشاركات: 2056
Quote: يا حبيبنا أولاً : قولك أن الموصلي مشهور أواسط المصريين حتى وصل الأمر إلى رشقه بالزهور دي قوية ووارمه شوية ... يا أخي مع احترامي للموصلي في ناس في السودان ما بيعرفوه ودي حقيقة خليك من أن الشعب المصري يعرفه ويضرب له تعظيم سلام أثناء مروره في أزقة وحواري القاهرة والأسكندرية .. أتمنى من الموصلي ما يزعل لأنها حقيقة .
قصد .. رشقه بالزهور هنا .. مش وسط المصريين يا الهادي.
05-10-2017, 07:26 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: شماعة تصويت مصر علي تمديد العقوبات المفروضة علي الإنقاذ بسبب كارثة دارفور !! علي من يأخذ هذا المبرر ويراه مبررا لوصم لطعن السودان من الخلف والإضرار بمصالحه نهديكم ماذا عن تصريح وزير خارجية السعودية الذي افاد فيها بسيادة مصر علي حلايب وحماية حقوقها فيها! وتصريح السفير السعودي في القاهرة الذي يفيد بذات الشئ!! بل ودعم ولي عهد المملكة محمد بن سلمان لقرار ترامب بحظرابناء شعبنا من زيارة امريكا !! لااحتجاج ولااستعداء بالدفع بجنود الجيش السوداني ليموتوا دفاعا عن اجندة المملكة ! **وإين كانت الغيرة علي حلايب وعلي مصالح السودان حينما قام البشير باهداء البشير لعشرات السيارات وعشرات الاللاف من الدولارات لمنتخب مصر الكروي وحينما اهدي الحكومة المصرية خمسة الف من الابقار وحينما منح مصر وهي دولة محتلة اراضي زراعية في شمال السودان وحينما فرط في حلايب لمصر ! ........ قليلا من الإتساق ياهولاء! المصدر :
الاستاذ القدير كمال عباس لا تحلموا بعالم سعيد
انه الكيل بكيلين والرؤية من زاوية واحدة حادة
05-10-2017, 07:07 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: ربما من محاسن شهرة النجومية التي تتمتع بها جعلت البعض هنا يرشقك بالزهور والورد رغم إختلافهم الصريح معك ودا لو كان غريبة وحبوبتو كان الموقف يماثل رمي الجمرات في الحج. ------------------------------------------------- عفوا اخونا الهادي تصويب بسيط الملا ما قال المصريين هم من يقذفون الموصلي بالزهور أنما قال هنـــــــــــــــــــــــــــــــا يقصد في المنتدى أنه البورداب مغيوظين من البوست دا لكن لسبب نجوميته و مكانته في نفوسهم لم يستطيعوا أن يردوا عليه بغلظة مثل ما فعلوا مع غريبة مثلا لكن أرجع لموضوع الاستضافة التلفزيونية معقولة فنان بحجم وردي يقال عليه يدخل البلد ويخرج منها سكيتي وردي كانت حفلاته في أديس أبابا وارتريا لا تقام الا في ملاعب كرة القدم لأن المسارح لا تحتمل الزحمة
درديري اخوي عليكم الله ما تحملوا كلامي اكثر مما يحتمل لو جاء بتهوفن اعظم موسيقي في تاريخ البشرية او مايكل جاكسون اشهر من غنى قاطبة وخشو القاهرة بلا دعوة او خشو القاهرة بلا اعلان عن وصولهما فلن يعرف احد ولن تلفت القنوات الى وجودهما لانها لاتعرف ذلك الوجود من الاصل ان من عيوب جميع فناني السودان الخجل وعدم تقديم النفس بل وتزكيتها لعلني قد اوضحت لك
أستاذ يوسف الموصلى تحياتى جميل نسمع منك وأنت تبدأ مشروعك الطموح بمصر وإن شاء الله يطيب لك المقام. كنت أتمنى أن يتيح لك المتداخلين بالبوست الفرصة لإستكمال عرض مشاهدتك وإنطباعاتك من أرض الواقع بمصر، بدلا عن الهجوم ومحاولة إسكاتك.
مسألة التعميم عن أى شعب بأنه سئ بسبب بعض الأمثلة والتجارب ليس تسنده حكمة أو منطق. والتراشق المتبادل من مواطنين من البلدين السودان ومصر كل واحد فيهم نصب نفسه ناطق رسمى بإسم بلده، أزم الأمور ورفع الحساسيات والضغط والسكرى، وكما ذكر الموصلى والمتداخلون الإعلام السالب والجاهل.
لو كان السودان ومصر يفصل بينهما بيد دونها بيد أو محيط أطلنطى دونه محيط هادى ما كان فى مشكلة الناس تختو قرض بين البلدين. ولكنهما بلدين متجاورين وبدون حيطة طبيعة بل وثاق نيلى ومصالح وثقافة وتعليم وعلاج وسياحة. ومصر ملجأ من جور بنى الجلدة ومنفذ للعالم إستخدمه السودانيون خلال ربع القرن الماضى.
أستاذ الموصلى أرجو أن تفيدنا عن تعامل الناس مع المنتجات الزراعية الملوثة الخضار والفاكهة والأسماك .. هل هم شاغل السودانيينوالمصريين؟ هل مصادرها خشم بيوت يعنى فى مصادر معروف نقاء منتجاتها والناس بتفرز .. أم فقط توكل على الله وقول بسم الله لا يضر مع إسمه شئ؟
ربنا يحفظكم مع التقدير
05-11-2017, 07:03 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: أستاذ يوسف الموصلى تحياتى جميل نسمع منك وأنت تبدأ مشروعك الطموح بمصر وإن شاء الله يطيب لك المقام. كنت أتمنى أن يتيح لك المتداخلين بالبوست الفرصة لإستكمال عرض مشاهدتك وإنطباعاتك من أرض الواقع بمصر، بدلا عن الهجوم ومحاولة إسكاتك. مسألة التعميم عن أى شعب بأنه سئ بسبب بعض الأمثلة والتجارب ليس تسنده حكمة أو منطق. والتراشق المتبادل من مواطنين من البلدين السودان ومصر كل واحد فيهم نصب نفسه ناطق رسمى بإسم بلده، أزم الأمور ورفع الحساسيات والضغط والسكرى، وكما ذكر الموصلى والمتداخلون الإعلام السالب والجاهل. لو كان السودان ومصر يفصل بينهما بيد دونها بيد أو محيط أطلنطى دونه محيط هادى ما كان فى مشكلة الناس تختو قرض بين البلدين. ولكنهما بلدين متجاورين وبدون حيطة طبيعة بل وثاق نيلى ومصالح وثقافة وتعليم وعلاج وسياحة. ومصر ملجأ من جور بنى الجلدة ومنفذ للعالم إستخدمه السودانيون خلال ربع القرن الماضى. أستاذ الموصلى أرجو أن تفيدنا عن تعامل الناس مع المنتجات الزراعية الملوثة الخضار والفاكهة والأسماك .. هل هم شاغل السودانيينوالمصريين؟ هل مصادرها خشم بيوت يعنى فى مصادر معروف نقاء منتجاتها والناس بتفرز .. أم فقط توكل على الله وقول بسم الله لا يضر مع إسمه شئ؟ ربنا يحفظكم مع التقدير
الزول الخلوق المهذب الاستاذ نادر الفضلي نعم هنالك من يحاول من الجانبين اللعب بنار الفتنة ولكن سيصيبهم الفشل في النهاية الناس من جميع الاجناس متوكله وبتاكل في السمك واللحوم والكماكم والبطيخ والشمام وبتشرب عصير القصب زي الترتيب اما انا شخصيا فمدمن لفول بتاعين العربات في الشارع اعتقد حل لمشكلة بين السودان ومصر لن تحل عسكريا نعم ان الجيش المصري اقوي عددا وعدة وعتادا وان جيشنا يضج بشجعان واسود بل وتحديثا وفي زمن التكنلوجيا هذا فان الدفاع بالنظر لن يجدي فتيلا خلاصة الامر انها حرب اذا قامت فان المنتصر فيها مهزوم فعلى هؤلاء الذين ينقرون طبول الحرب ان يخافوا الله في حق الشعبين المتجاورين
لك الود ياصديقي
05-11-2017, 06:48 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: انا جبت ليك لنك ما كتبت ليك بوستات تلاتة فما تعمل لي فيها ذكي يماني بعمل ليك نفسيات المصدر :
معليش يامحمد عثمان وعشان ماتجيب لي نفسيات اعديد الوصف بالطريقة الصحيحة هما ثلاث بوستات احدهما فيه اللينك واثنان ممسوحات مما قد يكون لينكا اواشياء اخرى ---------------- اها لعلني لم أجئ بشئ من لدن الموصلي
05-11-2017, 06:41 AM
Elmosley Elmosley
تاريخ التسجيل: 03-14-2002
مجموع المشاركات: 34683
العفو اخي الهادي انا لم اقصد شتمك انما قصدت القول بانك مثل الكثيرين متأثر ردود الافعال السودانية العامة ضد صلف بعض الجهلة من مقدمي البرامج المصريين وهذا لا يمنعني بان اقول لك هات ماعندك مما استحقه
05-11-2017, 07:25 AM
عمار عبدالله عبدالرحمن عمار عبدالله عبدالرحمن
تاريخ التسجيل: 02-26-2005
مجموع المشاركات: 9162
عمار أمبس .. إرسيه .. قريبي الموصلي ده .. من أهل المراوارتي الطيبين .. في بوست لعبدالله شم .. أنا ماعارف كيف ينقلوا الرابط بالله شوف أهلنا في مراوارتي يستقبلوا الضيوف كيف .. بوست رائع .. عمار الموصلي ده من ناس ( بلالتود ) ناس سمحين جداً .. وجزيرتهم معروفة بالفن وجمال الطبيعة الخواجة هيرمان بيل جلس فيها شهرين لافي في الجزيرة عشان شاعر النوبة جلال عمر .. وهو من أطلق عليه شكسبيرالنوبه يا أخي والله الزول رمز بالنسبة لينا .. مودتي عمار .. هيروو .. بلالتود ... هيروو .. ووو .. أمار
05-11-2017, 02:29 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: عمار أمبس .. إرسيه .. قريبي الموصلي ده .. من أهل المراوارتي الطيبين .. في بوست لعبدالله شم .. أنا ماعارف كيف ينقلوا الرابط بالله شوف أهلنا في مراوارتي يستقبلوا الضيوف كيف .. بوست رائع .. عمار الموصلي ده من ناس ( بلالتود ) ناس سمحين جداً .. وجزيرتهم معروفة بالفن وجمال الطبيعة الخواجة هيرمان بيل جلس فيها شهرين لافي في الجزيرة عشان شاعر النوبة جلال عمر .. وهو من أطلق عليه شكسبيرالنوبه يا أخي والله الزول رمز بالنسبة لينا .. مودتي عمار .. هيروو .. بلالتود ... هيروو .. ووو .. أمار المصدر :
والله ياقريب لا احمل في قلبي ذرة من الحقد على أحد ولكنني تعلمت من ردود الافعال في مثل هذه البوستات عن ماهو السبب الرئيسي لفشل الديموقراطيات المتتالية في السودان فنحن شعب لا نحامل الرأي الاخر البتة تخيل تقول رأي سياسي مخالف لغير ويجي غيرك لدل ما يفند حددك يهاجمك في شخصك وربما يهبش اسرتك وه\\ك بالثبور وعظائم الامور لك الود
05-11-2017, 08:28 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: نتفق او نختلف مع استاذنا القامه الموصلي ليكن ذلك بقليل من الاحترام والتقدير فهو احد مبدعي بلادي ومن الذين لايستطيع احد ان ينكر عبقريته في المجال الفني
العزيز عمر عثمان عبد الوهاب ان ما يحيرني في هذا الموقع ان البعض فيه بمجرد الخلاف معك في امر ما فانه يجعل منك عدوا لدودا ويشخصن المسالة ------------- ان طرحت رأي قد يحتمل الخطأ فلماذا لا نتحاور بدلا من لن نتشاجر اشكر لك تفضلك بالنصح لحملة معاول الهدم عسى ان يهديهم الله الى ما فيه خيرنا جميعا
05-11-2017, 09:22 PM
Elmosley Elmosley
تاريخ التسجيل: 03-14-2002
مجموع المشاركات: 34683
لك العتبى حتى ترضي اخي ميرغني تيتاوي فعلا قبل ان اقرأ ردك لاحظت ان ردي لم يكن مناسبا لمشاركتك معليش نحن الفنانين ذاتنا مرات بنقوم نمره واحد برضو شكرا لتوضيح اللبس تقبل احترامي وتقديري ولك ان تتفسح ما تشاء
اختلف معك يا موصلي يا فنان .. وتقديرا لزمن سمعت فيهو غناك .. احجمت عن المشاركة .. فسجل الكلام ده عنده لو تكرمت .. اطلاقا لم يعجبني معايرتك للهادي بانه في بوست ما أشاد بي غناك .. حتى لو اثقل عليك فيما بعد .. صراحة توجست انك تقوم تنكت لي شكيره ليك في بوست ما .. فتحبطني .. سجل دي كمان معاك بالمره ..
وين الغنا الـ باللغة الدنقلاوية .. ليتك تنزل لينا منو أغنية هنا حتى لو بروفة ساي .. بعدين عندنا هنا لن تعدم المساعدة الدناقلة كتار في المنبر .. وبالذات بوجود فطاحلة على رأسهم الاستاذ علي عبد الوهاب .. حقا .. مرواراتن آدمي ولن سرري .. الله يحفظهم .. رفعوا راسنا بي طيبتهم .. الخواجة الشفت قال ليك هو من المانيا تنقارتون .. هههههههه .. اعجبتني صور استقبال اهل مروراتي للزوار .. صراحة قمة في الكرم النوبي الأصيل .. تحية لمروارتي وناسها ..
Quote: اطلاقا لم يعجبني معايرتك للهادي بانه في بوست ما أشاد بي غناك .. حتى لو اثقل عليك فيما بعد .
حبيبنا جمال طدي حاول شوف ليه ردي كان كده لانه عايرني بشئ كان لابد من تفنيده لاحظ انا لم ات باي سيرة للموضوع قبل ذلك لقد سلمني الشعراء الدناقلة العديد من النصوص المسجلة عالجت منها واحدة انزلتها زمان ولكن يبدو انك غير متابع تحياتي
05-13-2017, 07:30 AM
عليش الريدة عليش الريدة
تاريخ التسجيل: 08-17-2015
مجموع المشاركات: 1709
والله بصراحة ياباش،مستواك بقى متواضع جدا.. الوقفة ليها أثر.. شكلك كدا دايرليك شهر عشان تدخل الفورمة.. بمناسبة الشياطين،تبارك كان حايم بي جاي قبل يومين تلاتة.
05-13-2017, 11:24 AM
Elmosley Elmosley
تاريخ التسجيل: 03-14-2002
مجموع المشاركات: 34683
حبيبنا عليش هل انا تطرقت لهذه الشخصية طيلة غيابه وبعد عودته؟؟؟ انظر للطريقة التي حضر بها الى هذا البوست عموما انا لا اريد مطلقا التعاطي معه مطلقا واريده ان يعرف رغبتي هذه ويعطيها حق قدرها وأكون شاكر له هذا المعروف ---------------- أحيانا افكر مليا في الابتعاد عن المنبر رغم حبي لاعضائه ولا تستبعد أن ياخذ قراري هذا مجراه واكون اخر المارقين ربما من المبدعين الموسيقيين
يا أستاذنا الختمية في المولد حقهم بقولوا :وأشغل أعدائي بانفسهم.. أنا عندي ليك اقتراح،توسط لبكري عشان يسجل السلفي عاطف عمر في المنبر.. وبعداك لو بدّخن ،ولع واتفرج...هاع هااع
05-14-2017, 07:33 AM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20357
* يجب, في إعتقادي المتواضع, تجاوز العاطفية في علاقات الشعوب ..
* يجب عدم الانزعاج من اي مشاعر وطنية تلقائية غير مسيسة وغير مدفوعة بتحريض سلطوي .. مثل هذه المشاعر مطلوبة في سياقات وطنية جميلة كإحياء الحس الوطني وغير ذلك
* من واجب الصحافة التعبير والدفاع عن الذات الوطنية والتصدي لاي انتهاكات اعلامية لكرامة الشعب السوداني
.............................
على المستوى الرسمي
*الدولة السودانية مسؤولة امام الشعب السوداني في المطالبة بالحقوق السيادية على حلايب .. ومطالبة كذلك بالتعامل بالمثل ... هذه حقوق مشروعة جدا
* الدولة السودانية مطالبة أمام الشعب السوداني في مسالة تحري المصالح الوطنية الحقيقية في مسألة سد النهضة دونما ضغوطات عاطفية ساذجة تجاه مصر او اثيوبيا ..
* على الدولة السودانية ادارة الصراع الديبلوماسي باحترافية عالية دون الوقوع في الانفعالات المتجاوزة
.. ....
على المستوى الإستراتيجي من مصلحة الشعب السوداني وجود علاقات صحيحة ومعافاة مع جميع الدول الحدودية ومن ضمنها مصر .. علاقات على المستوى السياسي والاقتصادي ... تتفاوت احجام الدول الجارة بتفاوت المصالح المشتركة والقدرات الاقتصادية .. ومصر مؤهلة جدا لادوار وشراكات اقتصادية مهمة مع بلدنا .. بيد ان ذلك يستلزم من المصريين روح ورؤية جديدة لعلاقتهم مع السودان وتجاوز رؤاهم التأريخية البالية غير الفعالة والفاشلة في التعامل مع جارهم الاهم على الاطلاق (لمصر دولتين جارتين ليس الا وعمقهم الاستراتيجي الحقيقي هو السودان .. والسودان غالي جدا في هذا الصدد والغالي تمنو فيهو)
الموصلي اميس .. لو سمحت ودالقوز جاب كلام جميل .. عن إذنك ووو بلال تود .. ============= مداخلة جمال ود القوز
وين الغنا الـ باللغة الدنقلاوية .. ليتك تنزل لينا منو أغنية هنا حتى لو بروفة ساي .. بعدين عندنا هنا لن تعدم المساعدة الدناقلة كتار في المنبر .. وبالذات بوجود فطاحلة على رأسهم الاستاذ علي عبد الوهاب .. حقا .. مرواراتن آدمي ولن سرري .. الله يحفظهم .. رفعوا راسنا بي طيبتهم .. الخواجة الشفت قال ليك هو من المانيا تنقارتون .. هههههههه .. اعجبتني صور استقبال اهل مروراتي للزوار .. صراحة قمة في الكرم النوبي الأصيل .. تحية لمروارتي وناسها .
================ حبيبنا جمال .. يا أخي الخواجة ده جلس شهرين ما بين مراوارتي وارتقاشا .. وكان مرافقه إبننا فريد محمد أحمد وفريد إبن أخي محمد وهو باحث وزول تراث .. الخواجة عندو قصة جميلة مع عمتي ( قولا) .. في أرتقاشا وهي حبوبة فريد .. سألها الخواجة : أيقونن ألمانيا نوقنا .. ( هل تمشي معي إلى ألمانيا ؟) بالمناسبة الخواجة دا يجيد الدنقلاوية .. وعمتى كانت مشغولة ولما كرر السؤال ... ردت عمتي وقالت : ألمانيا أنسودر توريل .. ( المانيا في ....... ) .. وهذه العبارة بالنوبية ليست عيب لأن المقصود هو ( كلامك فاضي ساكت) الخواجة يفهم الدنقلاوية ولكن هذه العبارة ( إنسودر ) كانت غريبة عليه وأصر ان يعرف معناها وتمت الترجمة له ( .............IN YOUR ) الخواجة أنبسط جداً ولم يزعل وقال هذه عبارة كونية مستخدمة في كل أنحاء العالم ومتداولة بين كل شعوب الأرض على كل المستويات وهي عبارة المقصود منها ( أن كلامك غير ذي فائدة .. او أنا مشغول وما فاضي ليك ) وفي النوبية هي عبارة عادية خاصة إذا جاءت من كبار السن للصغار ففي النوبية هناك عبارات لها مدلول ربما تكون ككلمات غير منضبطة ولكن عبارة لها مدلول وليس عيباً
وهي عبارات حصرية على كبار السن ومحظورةعلى الشباب ..
معليش بلالتود .. سقنا البوست إلى مسار آخر ..
مودتي بلالتود .. التحية لجمال ودالقوز ..
وأخيراً .. قريبي الموصلي .. بالنسبة لهذا البوست بالدنقلاوية ((((( موقو ))))))
05-14-2017, 08:28 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
لا صدقني المستوى أفضل، وما داير أمسكك من (الشكيرة) بتاعتك في بوست المال ههههه هسع شوف الشغيل دا كمدوهو كيفن بتكتيك (المعايرة) سكت جم، الواحد يخلي بالو من شكاكيرو ما يوزعهن لليسوى والما يسوى، أن الشكر إلا لله الواحد القهار ولا ما كدة يالشغيلي؟
أود أن أنوه (أيضن) إلى أن شارع سوق المشاط في القاهرة يودي إلى سوق الضمائر، عبر زقاق ضيق يمر بسوق الملابس والملايات.
______ والجزم، دونما عناء.
05-14-2017, 08:33 AM
عليش الريدة عليش الريدة
تاريخ التسجيل: 08-17-2015
مجموع المشاركات: 1709
Quote: والله بصراحة ياباش،مستواك بقى متواضع جدا.. +++ *ياحاتم ركز على معالي الإمور وتجنب سفاسفها. +++ توسط لبكري عشان يسجل السلفي عاطف عمر في المنبر.. وبعداك لو بدّخن ،ولع واتفرج...هاع هااع
Quote: حبيبنا عليش هل انا تطرقت لهذه الشخصية طيلة غيابه وبعد عودته؟؟؟ انظر للطريقة التي حضر بها الى هذا البوست +++ واريده ان يعرف رغبتي هذه ويعطيها حق قدرها وأكون شاكر له هذا المعروف
+++ عليش لعلك طيب يبدو ان مهنة المشاط اللفظي اصبح لها سوق في النت وريمة لاتنسى عادتها القديمة يا ساتر استر
برضو مستواي بقى متواضع عليش؟!!
هسع كدي شوف الكوراك دا، والحالة لسة ما اتوهطت (زي الناس)، شفت فايدة أن يكون المرء مستقلاً برأيه لا يمالي أو يبالي أو يشكر ولا يمدح أو يردح!
قال ليكم:
- أنا آخر موسيقي مبدع ناوي أغادر المنبر، بعدي مافي إبداع، يا تبقوا علي يا تخسروني
وفي بكان آخر: - لم يعد لي خيار آما استفيد من وقتي وابتعد عن هذا المنبر آو آفيدكمم بما يتاح لي من وقت بحسم آمر حاتم فهو رجل جبل على التشويش Re: في حسم آمر عبقري زمانو حاتم شو Put up or Shut upRe: في حسم آمر عبقري زمانو حاتم شو Put up or Shut up
يعني ملخص كلامه، أنا الموسيقي المبدع هنا وأفيد ليكم، ويا جمهوري العزيز إنتو العليكم يا إمساك بمعروف يا هجر غير مخلوف والسبب أسلوب حاتم غير المألوف، يعني يا أمدح وأبقى زي الباقين خروف اتحمل الكفوف يا يسكتوني باستغاثة ملهوف، فالحسم المقصود آنفاً كان بالرأي المحذوف، أها الاستيكة شالوها، فلا مفر إلا بالغواية بشبهة الشكاية فالنكاية ما عادت تنفع بمجرد الحكاية وسقط الرواية.
بعدين سفاسف شنو يا عليش يا أخوي؟ الشعب كلو اتشتم، نقوم نخلي دا ونلتفت لإعلانات الملابس والأحذية المجانية في منبر سوداني؟
بخصوص محارب عنيزة، والله ياريتو يجينا، لكن ما ظنيتو زول مواجهة، جبنا ليهو اشتراك في منبر تاني وأنا رسلت ليهو الباسورد بنفسي، وما جانا، دايره يجي هنا قدام النيس؟
يا يوسف تداخلي هنا دا من حقي، منبر عام، والموضوع واضح، لو الإعلام المصري شتم شخصك فما يهمني، لكن لو اتشتم الشعب السوداني فأنا معني ومن واجبي أواجه أي صاحب مصلحة يصر على تأكيد الإساءة بزيادة الطين بلة ومسح الجوخ والترويج للملابس والملايات، والأحذية يا أستاذ.
وذكرنا الجميع بما حدث من (فنانين) سابقين، فإن الذكرى تنفع المؤمنين، فتعال انت بدورك كمان ذكرنا وأقعد شوية عشان نستفيد منك (يا أستاذ) بدل شغل الباعة المتجولين دا، ملابس وأحذية؟. غلايات موية باسم (أجهزة كهربية)
سوء الخاتمة.
الكلمة أمانة، ودي بلدنا ولازم نعلي شأنها، ولا كيف؟.
Quote: ياحاتم ،لو كنا نملك حق الطلب.. أرجوك حاول تجنب الموصلي.
ما عندي أي مانع، أصلاً بعد ساعة حيكورك عشان يمسحوا ليهو مداخلاتي
خير، (صحيهو) يجي يثبت جدارته الأكاديمية الموسيقية، طالما انت استلمت وظيفة (ابن خواض بحور كالسفينة). نحن بنشتغل برة تحت الشمس، لا بنكضب لا بنعمل دسائس ولا بنشتغل لحصان (البيه) سائس.
ما عاوز اعلق على العلاقات السودانية المصرية .. ( شايف الجو مكهرب ) ودخلت فقط للسلام ... متمنياً لك التوفيق والنجاح في مشروعك الاكاديمي وتحقيق اهدافك المستقبلية ... وان شاء الله نحتفل بك قريبا لنيلك الدكتوراه مع طيب الإقامة في قاهرة المعز .. ولو احتجت أي حاجة .. نحنا تحت الخدمة ...
تحياتي ,,,
عاالم بطاااالــــــــــــــــــة ,,
05-14-2017, 09:34 AM
امجد الجميعابى امجد الجميعابى
تاريخ التسجيل: 01-08-2013
مجموع المشاركات: 2623
مشكور حاتم.. في مبدأ انا شغال بيهو في البورد دا،لو اتنين ادواسو ماتخش بيناتم..لأنك ما ح تعرف مين الصاح ومين الخطأ.. طبعا ماممكن نكون رومانسيين ونقول دايرين منبر من غير دواس،لكن كمان الدواس الدائري بسبب عدم ارتياح... بالنسبة لتعليقاتي عن عاطف عمر واللياقة ...إلخ فدي ياباش مجرد دعابات ..فشنو... ماتحسس... ماعندي علاقة بالموسيقى إطلاقا،لذا لايمكن أن استفيد من الموصلي كموسيقار...فعليه طلبي منك لاعلاقة له البتة بالجدل الأكاديمي بينكما... رأيي في مصر واضح وقد بذلته أكثر من مرة.. المعالي قاصد بيها بوستات المعرفة القعد تنقلا للناس،السفاسف هي تضييع الزمن في المعارك الدائرية.. تسلم ولك جزيل الشكر
05-14-2017, 10:21 AM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
تصدق أستاذنا علي عبد الوهاب عادي جدا بنسمع الكلام الزي ده .. والى أواخر التسعينات ومنتصف الالفينات توفت آخر حبوباتي .. الله يرحمهن والله كانن بقولن كلام أصعب من كده بي مراحل .. لا بيخلن أمك ولا أبوك ولا أي زول بالفعل الشرح والتفسير ما بنفع .. لانه لا يعبر بدقة عن سياق الكلام ومتى اتقال ولايراعي محبة الناس ديل .. والله الواحد ما بياخد في الكلام أي حاجة ولا بزعل خالص ... الواحد فينا بيضحك ويتخارج هسه أنا عندي عمتي في الخرطوم .. كان لمت فيني بالذات لو طولت ما مشيت ليها في بيتها .. بتكون دي وقعة مطينة بي طين هههه .. ما عندها شغله بي أي زول معاي كان زوجة أو أبناء وأخوات .. او كنت وسط جمع من الناس والله تصرف كلام من العينة دي .. وقدام كل الناس فطوالي أنا بقوم جاري من قدامها ههههه .. الله يرحم من ماتوا ويحفظ ويستر العايشين من عماتنا وخالاتنا .. عموما الخالات متحفظات جدا ما بيقولن الكلام الشين الزي ده هههههه .. لكن العمات والحبوبات يا هو جنس الكلام الصعب ده ههههههههه ...
بالمناسبة عمتنا هل هي ( قولا ) أم ( هولا ) ..
ما أجمل وما احلى ناسنا الحلوين .. حقاً .. اندا دنقلا ووووو مسود .. هيجت علينا الأشواق والله استاذنا علي ..
ارتن حسبر ..
05-14-2017, 11:03 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12475
قريبي الموصلي .. جمال أمبس حول البوست للتراث بعدين أسم جزيرتكم مراوارتي بقت رمزية للتراث النوبي معليش بلالتود .. حولنا مسار البوست شوية .. ده كلو من جمال (هههههههههه ) ================
بالمناسبة عمتنا هل هي ( قولا ) أم ( هولا ) ..
============== هي ألقاب ووو جمال امبس .. يا اخي أنت زول رائع .. طوالي تدخلني في ارتقاشا على الطول ..
هولا ( Hoola ) إسم دلع .. إما تكون آخر واحدة وبالدنقلاوية ( تون كاسييه ) أو وسط اولاد أو تكون في طفولتها حلوة وسمينة ومدورة ( لأن الاصل عندنا كان الضعف والهزال والجمال كان في ثقل الوزن ) وكمان ياجمال لمن يكون المولود توأم لاحظ كويس ( ولد وبنت ) مش توأم ولدين أو بنتين .. كان التوأم ولد وبنت يسمى دائماً أو في الغالب ( هولة ودرار ) البنت هولة والولد ( درار ) بالعربي ( ضرار ) وهولة كان أيضاً مسمى لصرف النظر عن جمال البنت وهي صغيرة عشان ( العين والسحر ) وكان المصطلح لهذا ( ندر باق ) تشتيت النظر divert attention الولد كان يعملوا ليهو (قمبور ) أو تشويه الشكل الخارجي شوية ( خوفاً من العين ) وكما كان يربطوا في عنقه ( حجاب ) أو (سور ) بالنوبية
أما قولا ( Goola ) على طول هي البنت السمينة وجوهها مستدير وعندها خدود ( كل هذه الاسماء ) تأتي في مرحلة الطفولة وهي ألقاب يعني من ( سنة ونصف أو سنتان ) عندما تتكون الملاح بالنسبة للبنت .. تعرف زمان كانت البنت المكتنزة الصدر وثقيلة الوزن كانت مهمة جداً وهي كانت رمزية ست البيت أما الرشيقة فهن الغالبية العظمى فكانت مهمة في العمل في السواقي وكمان تطلع النخلة عشان تكسر الجريد للعواسة ، وتحش القش ... الخ .. شوف قصيدة سيداحمد الحردلو إبن جزيرة ناوا : يابنت يا نهيداتا يا دوب قايمين شايلين تخا ورخا شايلين بنات وبنين هذه كانت البنت النموذجية عشان عندها صدر وترضع الولد عشان يبقى تربال قوي البنية والجسم وعمل الساقية زمان كان الأخل محتاجين لهذا النوع من الشباب يعني بمعنى أن إكتناز صدر فتاة كنابة عن القوة والحياة والعمل .. وتعرف نظرة أهلنا للاشياء في عمق وإعمال للعقل ودراسة جدوى
على عكس ( نهيداتا برتكان يافا ) وغيره من التشبيهات ..
يا جماعة شعراءنا ديل كلامهم فيه عمق وكلام حبوبات صح
مودتي جمال امبس والتحية لرمزنا الموصلي ..
05-14-2017, 11:21 AM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
ياسلااااااام أستاذنا علي .. خقا قلت فأوفيت وأمتعتنا بهذا الحكي الجميل .. كله كلامك صحيح وأنا سألت عن قصد وعندي فكرة عن التسمية .. وأنت أضفت لي الكثيربشرحك الوافي الممتع .. تسلم كتير أستاذنا علي عبد الوهاب ..
05-14-2017, 11:26 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: وان شاء الله نحتفل بك قريبا لنيلك الدكتوراه مع طيب الإقامة في قاهرة المعز .. ولو احتجت أي حاجة .. نحنا تحت الخدمة ... تحياتي ,,, عاالم بطاااالــــــــــــــــــة ,,
هلا ابو الكرم محمد مجيدو عارفك ما بتقصر وود قبايل تب ------ عموما صبرنا لسه ما كمل كل الود يا عزيوي المحترم جدا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Elmosley
عبدالعزيز الفاضلابى
نادر الفضلى
بدرالدين بابكر مصطفى
mohmmed said ahmed
Abuelgasim Mohamed
كمال عباس
علي عبدالوهاب عثمان
Mirghani Taitawi
عمار عبدالله عبدالرحمن
جمال ود القوز
عليش الريدة
محمد حيدر المشرف
حاتم إبراهيم
محمد مجيدو
امجد الجميعابى
فيس بوك
تويتر
انستقرام
يوتيوب
بنتيريست