للتوثيق .. الألوان بالنوبية (الانداندي ) .. ومراحل ثمار النخيل ..

نعى اليم ...... سودانيز اون لاين دوت كم تحتسب الزميل عبد الله بولا فى رحمه الله
يا للفجيعة ............ عبدالله بولا
رحيل زميل المنبرالفنان التشكيلي عبدالله بولا له الرحمة
رحيل الإنسان الممتاز بولا فقد عظيم للوطن
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-12-2018, 11:51 AM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
30-04-2017, 12:34 PM

علي عبدالوهاب عثمان

تاريخ التسجيل: 17-01-2013
مجموع المشاركات: 7941

للتواصل معنا

FaceBook
تويتر Twitter
YouTube


للتوثيق .. الألوان بالنوبية (الانداندي ) .. ومراحل ثمار النخيل ..

    01:34 PM April, 30 2017

    سودانيز اون لاين
    علي عبدالوهاب عثمان-جدة
    مكتبتى
    رابط مختصر

    أحسن مكان للتوثيق سودانيز أون لاين .. حتى القوقل له موده خاص مع سودانيز
    فحاولت أن أجمع بعض المصطلحات النوبية ..
    الألوان .. مرتبطة بمراحل نضج ثمار النخيل

    مع التحية وسوف أواصل في جلب مقالتي هنا

    ==========================



    القمر والخضرة والشفق والنيل .. الخ كل هذه المعطيات تكون مجموعة من الالوان الطبيعية المختزنه في االوجدان النوبي .. وجمال الالوان ولوحتها البديعة تشاهد في موسم إثمار النخيل وتجد زحمة من مختلف الالوان ( اخضر احمر اصفر ..الخ ) في إطار مساحة تكفي ان تكون لوحة رائعة تتجلى فيها قدرة الخالق عز وجل .. وتظهر اهمية الالوان كعامل مهم في تحديد كل متطلبات الزراعة .. ولكل مرحلة لون خاص بها فمثلا في النخيل :
    كاورن دفييه ( Caroon diffiah ) هي اولى مراحل الثمار وتكون ( حبوب خضراء بحجم اصغر من الفول(
    سالي فوكا ( Salaih focca ) هي المرحلة الثانية ما قبل القلو وبها مرارة شديدة وتؤكل من الصغار
    قلوو (Galou ) وهي مرحلة تكون شكل الثمرة ( خضراء تؤكل بعد دفنها في تربة ساخنة وتسمى ( قلوو كونوسل ) وكونوسل ( Konosel ) هو اللين او الطري .. وتطلق على البنت المدللة ..
    ( قنتي Gintee ( هي ليست مرحلة ثابتة ولكن في بعض النخيل يظهر نضوج مبكر للثمر فتجد حبة صغيرة اخذت اللون الاصفر او الاحمر من بين ( القلوو ) ويتباهي من الاطفال من يجدها ودائماً لا يأكلها إلا بعد رؤيتها من شهود حتى يثبت له الاسبقية ويتفاخر بها طول العام .. ويشبه البنت الجميلة ( بالقنتي ) لانها تكون ظاهرة وسط اخواتها ويمكن رؤية ( قنتي ) بين الثمر الاخضر بسهولة .
    هوان قيلي Howan Gailiah ودائما ما تكون في النخيل التي ثمارها حمراء مثل ( الكرش الاحمر) او ( اوسميدان ) وهي فقط تكون حمراء ولكن بنفس طعم (القلوو ) وهي خادعة ولا تكون ناضحة بل تحمل صفات الثمرة الناضحة من الخارج .. حتى الشخص المنافق يسمى ( هاوان قيلي ) .. لآنه يغريك بالشكل الخارجي فقط .. ولكن المحتوى غير مختلف ..
    قوبوش ( Goboosh ) اولى مراحل النضوج الحقيقي لونه اصفر في بعض النخيل واحمر في البعض لذيذ الطعم في بعضها وبدون طعم محدد احياناً ولا تكون مرة إلا نادراً .. من اجمل الالوان في مراحل التمور .. ويشبه بها البنت ذات اللون الفاتح ( قوبوش ( ..
    كوجي كول ( Cougi Koal ) الرطب وتطلق على الثمرة التي تكون لينة حتى نصفها أو اكثر .. فإذا كانت لينة او مستوية حتى النهاية تكون ( كوريه ( Cooriah .. وهي مرحلة في بعض انواع النخيل وليست قاعدة ثابته كباقي المراحل ..
    سوو ودا ( sowooda ) المرحلة قبل النهاية عندما يجف الرطب ويتضح الشكل النهائي للتمر وتأخذ درجة من الصلابة ..
    شييه ( Shayiah ) التمر بالشكل النهائي ويجب جمعها بسرعة حتى لا تتساقط ويضيع المحصول وهي مرحلة النضوج الكامل ولا بد من
    ..
    أما الالوان المعروفة باللغة النوبية الدنقلاوية فهي الالوان التي كانوا يتعاملون معها في حياتهم اليومية :
    أرو ( Arow ) اللون الابيض ويقال أرو (إجي بسري ) يعني ابيض مثل الحليب او يقال أرو ( كود تري ) وكود هو العظم الابيض ويرى حتى في الظلام وغالباً ما تكون قطعة من عظم لوح الكتف القديم وكلما طال الزمن ازداد بياضه ( كود ) ويطلق عليه العرب ( كعود ) لعبة مشهورة تمارسبهذا الاسم ( كود شل (
    قيلي ( Gailiah ) اللون الاحمر وغالباً ما يوصف به الرطب .. او الحيوانات .. ( برتي قيلي ) .. او)ويل قيلي) .. كما تدلل البنت وتسمى ( قيلي ) ..ويطلق على كل لون يبدو عليه اللون الاحمر او البني فمثلا يطلق على ( الابقار والحمير والكلاب والماعز ) وهي الوانها ليست حمراء ولكن اقرب الى اللون البني .. ومعظم الوان الطرحة كانت قيلي حتى الشيلة زمان ماتكون خاليه من طرحة ( قيلي ) .. وهناك خلط ما بين قيلي و ( قيل Gail ) وهو الغزال كما يطلق على السراب (قيل اسي) ..
    اورومي ( الاسود ) وقد تحدثنا عنه بإسهاب في بحث سابق .. وهو في الغالب لون تشاؤم ..
    دسيه ( اخضر ) لون الزرع .. ولون بشرة معظم اهلنا ( برو دسي ) وهو كذلك اللون الغالب على الجزر والمزارع .
    قمريه ( gumriah ) اللون الاصفر وهي مرحلة من النضوج بالنسبة للزراعة والثمار .. وفي احيان كثيرة يرمز الى نوع من التشاؤم فأن الاصفرار غير مرغوب وهي المرحلة التي تسبق موت الزراعة إما من العطش او الآفات الزراعية مثل العسل في الفول ( بورود) وكان في السابق اصفرار الجسم والعين ويقال للشخص ( فلان قمري كو ) يعني عنده صفار وكانت حالة ميئوس منها قبل الطب الحديث ..

    والابداع الحقيقي لدى اهلنا في تسمية درجات الالوان حسب تدرج اللون فيقال :
    اورومي ( دولما كري ) وهي ربما تكون مأخوذه من اللغة العربية (ظلمة) والمسمى الآخر ( شلماد كري ) الأكثر ظالماً بل ويجلب الكآبة الى النفس
    اللون المركز الغامق يطلق عليه ( قميل ( Gumail
    واللون الفاتح او شاحب ( فيريل ( Fairil
    واللون الغير الثابت او المحدد ( قوبشيل ) Goob shel ( مثال الشاي عندما يكون فيه اللبن قليل وغير محدد اللون ) هندابوسا ( اللون البرتقالي ) وهذا اللون فقط يستخدم في صناعة البروش وهو لون يجلب من السوق ( العطار) سابقاً ويصبغ به السعف .. وهو لون برثقالي خفيف يميل الى الاصفر ..
                   |Articles |News |مقالات |بيانات

30-04-2017, 04:37 PM

علي عبدالوهاب عثمان

تاريخ التسجيل: 17-01-2013
مجموع المشاركات: 7941

للتواصل معنا

FaceBook
تويتر Twitter
YouTube


Re: للتوثيق .. الألوان بالنوبية (الانداندي ) .. � (Re: علي عبدالوهاب عثمان)

    الألوان :
    أرو : أبيض
    أوروميه : اسود
    قيلييه : أحمر ..
    ديسيه : أخضر
    قمرييه : أصفر
    إلييه : قمحي
    قومييل : لون مركز
    قوبشيل : اللون الخفيف
    بالمحسية ( نولو أبيض ، أوروم أسود ، قيل أحمر ، ديسي أخضر ، إلييه قمحي )
    اللغة النوبية وحدة واحدة ولا فرق كبير أكثر 80% من الكلمات متشابهة .. ويجيدها الفرعين يعرف ذلك جيداً


    نواصل ,,
                   |Articles |News |مقالات |بيانات

01-05-2017, 05:26 AM

محمد محمد قاضي
<aمحمد محمد قاضي
تاريخ التسجيل: 23-12-2014
مجموع المشاركات: 465

للتواصل معنا

FaceBook
تويتر Twitter
YouTube


Re: للتوثيق .. الألوان بالنوبية (الانداندي ) .. � (Re: علي عبدالوهاب عثمان)

    (دفنها في تربة ساخنة وتسمى ( قلوو كونوسل ) وكونوسل ( Konosel )
    هو اللين او الطري .. وتطلق على البنت المدللة ..
    ( قنتي Gintee ( هي ليست مرحلة ثابتة )


    يا سلام عليك يا أستاذ يا ملك التوثيق النوبي بوست جميل وياريت بعد الألوان
    تدينا فكرة عن أسماء أنواع التمور والبلح عموما

    ما بين القلوو كونوسل وقينتي يوجد قلوو ديسيه ولا رأيك شنو؟

    بصراحة أول مرة أعرف بعض أسماء الألوان خاصة اللون الأصفر يسمي قومرييه
    ومن هنا نرسل التحية لأخونا سيف الدين قومرييه وأهله في بنا والحفير

    التحية لضيوفك الكرام وبجيك راجع إن شاء الله
                   |Articles |News |مقالات |بيانات

01-05-2017, 06:23 AM

علي عبدالوهاب عثمان

تاريخ التسجيل: 17-01-2013
مجموع المشاركات: 7941

للتواصل معنا

FaceBook
تويتر Twitter
YouTube


Re: للتوثيق .. الألوان بالنوبية (الانداندي ) .. � (Re: محمد محمد قاضي)

    ووو قادنتود .. سرناقمي ..
    قلنا نعمل شوية توثيق لأن في أشياء بدأت تنقرض من اللغة النوبية
    أسماء ورموز ..
    بخصوص النخيل سوف آتي بالمزيد إن شاء الله ..
    قادنتود .. أهلنا زمان كان يتعاملوا مع النخلة زي البني آدم يعني ما شجر ولا نبات
    زي عندها عقل وإحساس وشعور .. ( أنا مؤمن تماماً بالكلام ده )
    وأزيدك كمان .. حتى ساقية لم يعتبروها من الجمادات ..
    الترابلة عندهم عمق وخيال واسع ..

    مودتي وووو قادنتود ..

                   |Articles |News |مقالات |بيانات

01-05-2017, 07:23 AM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 4573

للتواصل معنا

FaceBook
تويتر Twitter
YouTube


Re: للتوثيق .. الألوان بالنوبية (الانداندي ) .. � (Re: علي عبدالوهاب عثمان)

    يا سلام استاذنا علي عبد الوهاب ..
    ده توثيق جميل للألوان وانواع التمر والالوان وارتباطها بمراحل النضج ..
    أو ارتباطها بالحياة المحيطة بالانسان النوبي ..
    رغم اننا بنعرف الألوان حتى الـ قومرييه ..
    لكن توثيقك ليها كزول متمكن من اللغة النوبية بشقيها ..
    أكيد حيضيف زوايا جميلة نفتقدها ..
    اعجبني جدا ربطك للون الـ (قوبشيل) بالشاي بالحليب ..
    بالذات لمن يكون الـ ( إجي ) قليل و ما حيكفي الموجودين ..
    ماكنا بنحب اللون القوبشيل ده غايتو انا ارتبط معاي بي شاي الصباح ..
    بالذات لمن تصحى متأخر وتلقى الناس شربوا اللبن وعملوا منك غمرانين ..
    وخلوا ليك منو حاجة لاتذكر فطوالي كبايتك تبقى قوبشيل .. هههه ..
    الكلام ده في الخرطوم طبعا ..
    في البلد الشاي القوبشيل ده ولا بنعرفوا ذاتو .. ههههههه ...

    شوف لو في طريق لربط اللون الاصفر بالـ (المري ) الذرة الرفيعة ..
    مع تركيز اللون لانه في انواع منها لونها قريب من الاصفر الفاتح ..
    فتم اضافة اللون المركز الـ قومييل .. قومييل مرييه ..
    لتأتينا الكلمة المختلطة أصفر مركز .. أي قومرييه ..
    وكمان ارتباط اللون القمحي ( إلييه ) بلون القمح ( إيلي ) ..
    لأنه لغتنا النوبية وصفية ومرتبطة بايصال المعلومة في شكل لوحة مصورة ..
    وأعتقد لو صح افتراضي ده فهو يصب في نفس منحى ربطك للألوان ..
    بنسبتها لأشياء محددة في الطبيعة المحيطة بالنوبي ..
    ما أجمل هذه السياحة في معاني ومضامين الألوان في لغتنا النوبية ..
    لايوجد فرق يذكر بين الدنقلاوية والمحسية ..


                   |Articles |News |مقالات |بيانات

01-05-2017, 07:45 AM

علي عبدالوهاب عثمان

تاريخ التسجيل: 17-01-2013
مجموع المشاركات: 7941

للتواصل معنا

FaceBook
تويتر Twitter
YouTube


Re: للتوثيق .. الألوان بالنوبية (الانداندي ) .. � (Re: جمال ود القوز)

    اعجبني جدا ربطك للون الـ (قوبشيل) بالشاي بالحليب .. بالذات لمن يكون الـ ( إجي ) قليل و ما حيكفي الموجودين .. ماكنا بنحب اللون القوبشيل ده غايتو انا ارتبط معاي بي شاي الصباح ..
    بالذات لمن تصحى متأخر وتلقى الناس شربوا اللبن وعملوا منك غمرانين .. وخلوا ليك منو حاجة لاتذكر فطوالي كبايتك تبقى قوبشيل .. هههه ..
    الكلام ده في الخرطوم طبعا .. في البلد الشاي القوبشيل ده ولا بنعرفوا ذاتو .. ههههههه ... شوف لو في طريق لربط اللون الاصفر بالـ (المري ) الذرة الرفيعة .. م
    ع تركيز اللون لانه في انواع منها لونها قريب من الاصفر الفاتح .. فتم اضافة اللون المركز الـ قومييل .. قومييل مرييه ..
    لتأتينا الكلمة المختلطة أصفر مركز .. أي قومرييه .. وكمان ارتباط اللون القمحي ( إلييه ) بلون القمح ( إيلي ) ..
    =======
    ووو جمال .. سيريناقمي .. يا اصيل ..
    حبيبنا جمال .. تعرف في الخرطوم الشاي ( قوبشيل ) عشان بلبن البقر .. لأن لبن البقر
    لا يستخدم لدينا في البلد في الشاي أبداً .. إلا سمن .. روب أو مهام اخرى ..
    القليل من لبن الماعز ( برتي ) يجعل الشاي أكثر بياض .. لأن طعم الشاي بحليب البقر ما حلو
    ======
    بالنسبة للذرة الرفيعة ( مرييه )
    أجمل أنواع الذرة في البلد هي الذرة البلدية وهي بيضاء ناصعة ( مرييه أرو ) والترابلة يطلقواعليها
    مسمى ( دوق دوق ) والآن إنقرضت نهائي .. لأن أيام نميري تم إستبدالها بذرة (مايو) وهي تميل للحمرة
    وبعدها ترك أهلنا زراعة الذرة نهائياً إلا للعلف .. لأن أهلنا في الأصل لم يكن يحبوا أكل الذرة بتلك الكثرة
    =======
    إلييه ( اللون القمحي ) لوصف البنت وهي من أحب الألوان

    شكراً .. نترك الحاجات دي توثيق لعمنا القوقل ..
    مودتي يا جميل ..
                   |Articles |News |مقالات |بيانات

02-05-2017, 05:10 AM

محمد محمد قاضي
<aمحمد محمد قاضي
تاريخ التسجيل: 23-12-2014
مجموع المشاركات: 465

للتواصل معنا

FaceBook
تويتر Twitter
YouTube


Re: للتوثيق .. الألوان بالنوبية (الانداندي ) .. � (Re: علي عبدالوهاب عثمان)

    أسماء مراحل ثمار النخيل (البلح):
    1- كاورن دفييه ( Caroon diffiah )
    2- سالي فوكا ( Salaih focca )
    3- قلوو (Galou )
    4- قلوو كونوسل (Galou Konosel )
    5- قنتي ( Gintee)
    6- هوان قيلي Howan Gailiah
    7- قوبوش ( Goboosh )
    8- كوجي كول ( Cougi Koal )
    9- كوريه ( Cooriah
    10- سوو ودا ( sowooda )
    11- شييه ( Shayiah )

    أستاذنا علي أنا الظاهر علي ح أسكن في البوست ده
                   |Articles |News |مقالات |بيانات

02-05-2017, 05:35 AM

محمد ادريس زمراوي
<aمحمد ادريس زمراوي
تاريخ التسجيل: 04-01-2015
مجموع المشاركات: 55

للتواصل معنا

FaceBook
تويتر Twitter
YouTube


Re: للتوثيق .. الألوان بالنوبية (الانداندي ) .. � (Re: محمد محمد قاضي)

    كوجي كول ( Cougi Koal )
    الرطب وتطلق على الثمرة التي تكون لينة حتى نصفها أو اكثر .
    . فإذا كانت لينة او مستوية حتى النهاية تكون ( كوريه ( Cooriah .. وهي مرحلة في بعض انواع النخيل وليست قاعدة ثابته كباقي المراحل ..

    يا سلام يا استاذ /على
    ارتاوي
    التحية لك حبيبنا
    توثثيق راىع ومهم جدا وكلمات نوبية قاربت للاندثار

    ونتابع
                   |Articles |News |مقالات |بيانات

02-05-2017, 05:39 AM

علي عبدالوهاب عثمان

تاريخ التسجيل: 17-01-2013
مجموع المشاركات: 7941

للتواصل معنا

FaceBook
تويتر Twitter
YouTube


Re: للتوثيق .. الألوان بالنوبية (الانداندي ) .. � (Re: محمد محمد قاضي)

    قا\دنتود .. سيرناقمي ..
    يا سلام يا رائع ده شغل جميل جداً ومرتب ..
    شكراً كثير يا أصيل ..
    بعد كده نأخذ رمزية كل مرحلة .. لأن هناك نواحي جمالية
    وتشبيه خاصة للاناث ووصفهن بأسماء هذه المراحل ..
    ما قصرت ... ووو قادنتود ..
    مودتي .. ..
                   |Articles |News |مقالات |بيانات

10-05-2017, 02:57 PM

علي عبدالوهاب عثمان

تاريخ التسجيل: 17-01-2013
مجموع المشاركات: 7941

للتواصل معنا

FaceBook
تويتر Twitter
YouTube


Re: للتوثيق .. الألوان بالنوبية (الانداندي ) .. � (Re: علي عبدالوهاب عثمان)

    ووو .. زمراوي .. فنانا الجميل
    لك التحية

    المبالغة مع إسماعيل حسن ( قمر بوبا ) في وصف الحبيبة
    نواصل :
                   |Articles |News |مقالات |بيانات

10-05-2017, 02:58 PM

علي عبدالوهاب عثمان

تاريخ التسجيل: 17-01-2013
مجموع المشاركات: 7941

للتواصل معنا

FaceBook
تويتر Twitter
YouTube


Re: للتوثيق .. الألوان بالنوبية (الانداندي ) .. � (Re: علي عبدالوهاب عثمان)

    الدفيفيق الدابو ني


    يا سلام على جمال أهلنا الشايقية وتنغيم الكلمات النوبية على أبدع ما يكون .. ومثال ذلك كلمة .. (دفيه ) .. هي من المراحل الاولية في تراتب التمر .. والتشبيه هنا للبنت متوسطة القامة مكتنزة الجسد لأن الدفيق بعد النضج ينكمش قليلاً فكان وصفه ( الدابو ني ) مازلت صغيرة :

    الدفيفيق الدابو ني
    البسيمتو بتكويني كي
    اهلو ضنو عليها وعلي
    حبها النساني والدي
    ما بخليك ان بقيت حي
    يا قصيبة السكر الني
    نهدك الما رضع جني
    ووب على امك ووبين علي
    القمر بوبا عليك تقيل
    لاحظ أن كلمة ( الدفيفيق ) تتكون من ثمانية أحرف تقريباً ولكن طريقة تنغيم الكلمة والامالة تجعلها ذات عمق جمالي ولحني لا محدود ..
    وأنا تـرنم بهذا اللحن إستحضرت نخيل قريتي في عمق دنقلا .. ومعها وقفت اتعجب عن قوة ملاحظة شاعرنا الرائع إسماعيل وكيفية اكتشافه لقيم هذا الجمال المكنون ، أشياء كنا نشاهدها يومياً ولكننا لم نكتشف فيها كل هذا الجمال .. ( الدفيفيق الدابو ني ) والدفيق هي مرحلة ما قبل الصفار ..
    وقبلها عبارة ( التميره الفي سبيطتا .. الصفار صابغ خضرتا )
    (الصفار صابغ خضرتا ) هي مرحلة قصيرة جداً من مراحل نضوج التمر ولا يمكن ملاحظتها إلا عن طريق شخص له حس عالي وذوق راقي .. لأن اجمل ألوان التمر هي هذه المرحلة .. وتسمى بالنوبية (هوان قيليه ) ... الحمرة او الصفرة الخفيفة المخلوطة مع الاخضرار .
    أهلنا الشوايقه ديل ناس جميلين فوق الوصف ..

    نواصل ..

                   |Articles |News |مقالات |بيانات

10-05-2017, 04:17 PM

أبوذر بابكر

تاريخ التسجيل: 15-07-2005
مجموع المشاركات: 6236

للتواصل معنا

FaceBook
تويتر Twitter
YouTube


Re: للتوثيق .. الألوان بالنوبية (الانداندي ) .. � (Re: علي عبدالوهاب عثمان)

    تحياتى أستاذنا على وليك كل التقدير والود انت زول عميق ومكتنز بالمعلومات الدسمة والكلام المفيد وزول عندك رؤيا ورؤية وزول شواف بتشوف اكتر من باقى الناس يمكن عشان عندك تلاته عيون عين فى على عين فى عبد الوهاب عين فى عثمان ههههههه ياخى شكرا ليك على المعلومات القيمة فعلا بالمناسبة انا خمسة وعشرين فى المية محسى يعنى ربع محسى والتلاتة ارباع الباقية برضو ما بعيده من النوبة جدنا من ناحية الوالدة من جيهة ابوها من احفاد الشيخ محمد الامين ود الشيخ احمد ارباب العقائد شيخ الشيوخ كلهم من محس توتى والخرطوم ولو قالو لى اختار بختار ربعى المحسى والله بكل صدق مع انى ما قاعد اميل للتصنيفات القبلية وتانى شكرا ليك

                   |Articles |News |مقالات |بيانات

10-05-2017, 04:46 PM

علي عبدالوهاب عثمان

تاريخ التسجيل: 17-01-2013
مجموع المشاركات: 7941

للتواصل معنا

FaceBook
تويتر Twitter
YouTube


Re: للتوثيق .. الألوان بالنوبية (الانداندي ) .. � (Re: أبوذر بابكر)

    الشيخ محمد الامين ود الشيخ احمد ارباب العقائد شيخ الشيوخ كلهم من محس توتى والخرطوم ولو قالو لى اختار بختار ربعى المحسى
    والله بكل صدق مع انى ما قاعد اميل للتصنيفات القبلية وتانى شكرا ليك

    ===================
    حبيبنا أبوذر .. يا سلام يا جميل يا اصيل ..
    أحفاد ود الارباب أصحاب الاسكلة .. توتي وبحري وإنت ماشي .
    تعرف حبيبنا أبوذر .. أجدادكم نشروا ثقافة السواقي على إمتداد النيل
    وما مسمى ( الاسكلة ) إلا جمع لكلمة ( أسكليه ) وهي الساقية بالمحسية ..
    =========
    معليش لا توجد أي تصنيفات قبلية .. هي إنتماء للأصل ..
    وهي شعور وإحساس داخلي لدى الشخص وتصالح مع الذات ... والانتماء غريزة في كل المخلوقات ..
    بعدين الحكاية بقت فيها وراثة وجينات حتى الطب بدأ يتدخل في الأصول والمكونات ..
    ==============

    جميلة أرض المحس والسكوت حيث التاريخ والنيل والنخيل والجزر ..
    بيئة جميلة ورائعة وهادئة وآمنة .. جاء منها ( جدكم الارباب ، وجاء خليل فرح وجاء وردي وكثيرين )

    شكراً يا اصيل .. حبيبنا أباذر ..
    ==========

    بالمناسبة أسمك يذكرني بإبن عمي عبدون .. سمى ولده إبوذر نسبة للصحابي الجليل
    اليوم بقى أحسن فنان نوبي يظهر في التلفزيون والحفلات .. ومعروف أبوذر حتى في القوقل ممكن تجد أغانيه
    أبوه مبسوط عداده رامي.. أهلنا ديل مرات عندهم شوية ليبرالية ودراسة جدوى ..(هه)

    مودتي ..





                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de