|
|
|
 Re: واحدة من اهم اسباب انهيار التعليم (Re: عبدالحفيظ ابوسن)
|
في زمن قريب قبل مجئ الانقاذ
وقبل ان يأتي ابراهيم احمد عمر بثورته المدمرة . ولازال صوته يرن في اذني في التلفزيون الذي اصابني بالغثيان وقتها . دون اقتباس مني ولكن اعتمادا علي الذاكرة
الناس بتقول لازم نعمل دراسات قبل نعمل الجامعات . الدراسات بعملوها الناس المقتدرين . نحن محتاجين لجامعات . نعمل الجامعات ولي قدام لو قدرنا نعمل الدراسات
واهو ملا البلد جامعات
جامعات عامة وخاصة زي كناتين الحلة
وتدهور المستوي بما لايدعو للاثبات
اهو واضح
تراجع ترتيبات الجامعات فصرنا اثرا بعد عين
زمان كان في زول واحد اظنو بقولو ليهو دكتور وهو ما طبيب . عبدالله الطيب وبعدو عون الشريف قاسم واستحقو الدكترة
هسة الدكترة علي قفا من يشيل ولا اثر او منتج فكري علي ارض الواقع . دكترة ما تديك الدرب لو عترت يكون عتر ليك دكتور !
دكترة في كل شي
لا استغفر الله الا في الفنانين اظنو الفنانين البخلو الجامعة عشان يغتنو سوري عشان يغنو
| |
 
|
|
|
|
|
|
|
|
Re: واحدة من اهم اسباب انهيار التعليم (Re: عبدالحفيظ ابوسن)
|
حكاية الماهية الشهرية دى
وما سبق
كانت سبب في انو طلاب مميزين اكاديميا يخشو معهد المعلمين والبوست
يخشو لظروف الفقر ومحاولة مساعدة اسرهم
القروش البياخدوها بتترسل كلها للاسرة
وبالمناسبة هو من دخولو المعهد بيعتبر موظف في وزارة التربية . بتخرج مع امر توزيعو
ف شنو كانوا من خيرة الطلاب اكاديميا
والمجال جاذب للطلاب
وطريقة تعليمهم في المعهد كانت صارمة ومنضبطة
لذا تخرجوا معلمين اكفاء
ومربين اكفاء
والتعليم كان مهنة وهواية وشغف
وليس منصة راحة للانطلاق
ولا من اعجزته الحيلة كما اليوم
كدة عرفتو اسباب الانهيار
| |
|
|
|
|
|
|
|
|
|
Re: واحدة من اهم اسباب انهيار التعليم (Re: عبدالحفيظ ابوسن)
|
سلامات ابو سن
| Quote: لدرجة ان تتبوأ جامعة الخرطوم المراكز الاولي عالميا |
الكلام دة كنا بنسمع بيه شفاهياً عند أبواتنا وكانوا بقولوا جامعة الخرطوم التالتة عالمياً لكن لحدي هسة ما لاقاني ليه توثيق
ياريت لو واحد عندو رابط رسمي لترتيب الجامعات العالمية في الزمن الاتصدرت فيه جامعة الخرطوم العالم دة
| |
|
|
|
|
|
|
|
|
|
Re: واحدة من اهم اسباب انهيار التعليم (Re: عبدالحفيظ ابوسن)
|
اب سن
أديك مثال ..
المعهد الفنى .. تحول الى معهد الكليات التكنلوجية بعد ان اضيفت له كليات تكنلوجية ..
كان يقبل فيه طلاب الصناعية ..
وهم ركيزة للتطور التكنلوجي
و نطبيقات الهندسة و التقنية و الفنيات ..
كان يخرج طلاب ( ستة و سنتين وثلاث سنوات )
فنيين و مهندسين فنيين
المبرزون كانوا يقبلون فى جامعة الخرطوم لينالوا درجة بكالريوس
كانوا أعمدة العمل فى كل المجالات .. و فى كل الوزارات و الشركات
فى النقل النهرى و النقل الميكانيكي و ابو العلا و المحالج و المصانع ..
كانوا فى المواقع أساها
ففى العمارة تجد فورمان خريج المعهد
و معلم ( اسطى) خريج المعهد
و مهندس فني مهندس الموقع خريج المعهد
لذا كان التنفيذ و الاداء راقيا ..
كانت الأعمدة .. مستقيمة
و حوائط الطوب لا تحتاج لبياض لانها جميلة التبفيذ ..
ولا توجد هوة بين المهندس والعامل
لأان هناك أسطى ..فورمان .. و مهندس فني ..
و هكذا .. قِس ..
| |
|
|
|
|
|
|
|
|
Re: واحدة من اهم اسباب انهيار التعليم (Re: معتصم الطاهر)
|
اشارة في التنك معتصم
تأهيل للكل
تأهيل اكاديمي محترم
هسة طلاب المدارس الفنية في استحالة يخشو جامعة
يا مهندس
ولا عامل فاقد تربوي
الهوة شاسعة
المدارس الصناعية ترفد المجالات الهندسية بالعمال المهرة المؤهلين اكاديميا . وترفد المعاهد بمساعدي المهندسين
يسهل التوجيه
المهندس لل فورمان
ال فورمان للعامل
في بيز اساس لغة مشتركة
مرجعية هندسية كل واحد عندو منها حبة
| |
|
|
|
|
|
|
|
|
|
Re: واحدة من اهم اسباب انهيار التعليم (Re: عبدالحفيظ ابوسن)
|
اها في نقاشنا دة
عرفت انو معهد التربية بجامعة () يقبل 50% كنسبة نجاح للدخول ومعظم المعاهد في الحدود دي . مارجنال مع الحركرك
يكاد يقرب للرسوب
وبعض الكليات كم وتسعين
ودة مطلوب منو يجي معلم عشان يساعد واحد يجيب كم وتسعين
اهم مرفق لتنمية الشعوب هو التعليم
يدخله الطلاب الذين كادوا ان يرسبوا
وفي بالنا انو يتم دعم النتيجة ب بوش ليبدو وضع التعليم جيدا
يعني اب خمسين دة ممكن يكون ساقط عديل
بعض اشراقات التعليم الان تقوم علي اكتاف اولئك الرواد . الذين قرأوا معاهد التربية في الدلنج والدويم وشندي وغيرها
ويل لنا ثم ويل
من المسؤول؟
االسلطة .. سلطة الانقاذ
ثم من؟
مافي غيرها
جعلت مهنة التعليم غير جاذبة
جعلت المعلم يتسول راتبه الذي لا يقيم اوده
وجعلته مهنة لكل من يحمل شهادة جامعية ضاق عليه ان يجد عملا
اتمسك بيهو لامن تلقا شغل احسن
هل يمكن ان ننجو !
نعم يمكن ! ولنا في مهاتير اسوة حسنة
| |
|
|
|
|
|
|
|
|
|
Re: واحدة من اهم اسباب انهيار التعليم (Re: حمد عبد الغفار عمر)
|
كانت يا احمد من افضل الجامعات
ومش كدة وبس بل في اساتذة في جامعة الخرطوم ممكن يتوسطو لي طالب في الجامعات العالمية
يتم تبادل الطلاب بالدراسة هنا وهناك طلاب الاكسجينج
هسة بقا الطالب البتخرج ويمشي برة عشان يشتغل بشهادتو او يحضر يعملو ليهو اسيسمينت ويرجعو تانية ولا تالتة جامعة
| |
|
|
|
|
|
|
|
|
|
Re: واحدة من اهم اسباب انهيار التعليم (Re: عبدالحفيظ ابوسن)
|
ايوة يا حمد
ضعف الراتب وعدم الاهتمام
والمناهج
المناهج ما حقتهم هم
زمان المنهج بكتبوهو متخصصين ويدرس في بخت الرضا كم سنة وينقح حتي يقرر
هسة المنهج بتكتب من واحد وياخد حافز مليوني عليه . ونحن كآباء كل مرة في غلاط مع اولادنا في معلومة يقوم يطلع ليك الكتاب
يعلمونا ويغالطونا
معلومة السنة تدحض السنة الجاية
مش تتذكر قبل كم سنة الوزير ولا منو مابعرف عمل لي نفسو حافز مية وزقة مليون حافز امتحانات
| |
|
|
|
|
|
|
|
|
|
Re: واحدة من اهم اسباب انهيار التعليم (Re: عبدالحفيظ ابوسن)
|
سلامات حمد
برضو ما لقيت التوثيق العاوزه وبرضو كلام شفاهي
هل الجامعات الانجليزية والأوربية الآن بترفض الطلاب السودانيين !
ما فهمت اعتراف الجامعات بالجامعة يتم كيف .. هسة لو دخلت مواقع كتير من الجامعات الخليجية بتلقى عندها شراكة أكاديمية مع جامعات امريكية كبيرة لكن دة ما بقدمها في التصنيف بالدرجة المتصورينها عن جامعة الخرطوم دي لدرجة إنها تكون من أفضل 10 جامعات في العالم متفوقة على جامعات اوربية أقدم منها بي 700 سنة
يا ابو سن طلاب الاكسجينج البريطانيين ديل أنا شفتهم في جامعات ولائية في الألفينات دي .. وهسة عندي زملائي كتااااار مشوا يحضروا دراسات عليا في اوربا وأمريكا متخرجين من جامعات خاصة وصغيرة وما شفت زول رجعوهو بسبب عدم كفاية المادة الأكاديمية .. تم قبولهم عادي
أنا سؤالي الحائر لازال قائم
هل يوجد توثيق لتصنيف الجامعات في الزمن اللي قالوا اتصدرت فيه جامعة الخرطوم الجامعات العالمية دة ولا ياهو بس الكلام الشفاهي ؟
| |
|
|
|
|
|
|
|
|
|
Re: واحدة من اهم اسباب انهيار التعليم (Re: عبدالحفيظ ابوسن)
|
دون ان نعيش في احضان الماضي . لكن المعلم قديما استطاع ان يخلق جيلا فاعلا
المعلم مزاجو رايق ومرتب . يربي ويعلم
لا يشغله عن مهنة التعليم شاغل متفرغ ومحب لها
المناهج ايضا كذلك يضعها معلمون قدامي لهم تجربة في التدريس ومؤهلين
الآن المناهج توضع لاهداف سياسية . اهو شايفين علاقتنا خربت مع ايران تم تنقيح الكتب
يضعها اناس يريدون ان يخرجوا اجيال بمفاهيم معينة جهلا منهم ان الامور لا تسير كما يشتهون
قبل فترة كتبت بوست عن إلغاء سنة الاعادة بالثانويات . يعني امشوا الشارع
ولنا في مهاتير اسوة حسنة
| |
|
|
|
|
|
|
|
|
|
Re: واحدة من اهم اسباب انهيار التعليم (Re: عبدالحفيظ ابوسن)
|
كان يخرج طلاب ( ستة و سنتين وثلاث سنوات )
فنيين و مهندسين فنيين
المبرزون كانوا يقبلون فى جامعة الخرطوم لينالوا درجة بكالريوس
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أخى معتصم الطاهر تحية طيبة
حسب معلوماتى فإن المعهد الفني كان ينقسم إلى قسمين :
القسم الأول : نظام الأربعة سنوات وفيه تخصصات الهندسة المدنية والكهربائية والميكانيكية ،، عند التخرج
كانوا بيمشوا التعليم العالى ويختموا شهاداتهم يختم ( إن هذه الشهادة تعادل شعادة البكللاريوس ) لأنو شهادتهم
كانت دبلوم ،، لاحقا طبعا أصبحت بكلاريوس عندما تغير الأسم إلى معهد الكليات التكنولوجية ،،
القسم الثانى : نظام الثلاثة سنوات ( وكانوا يسمونه القسم الشرقى ) حيث كانت في الأمتداد ( وأعتقد مازالت هنالك )
في نفس التخصصات أعلاه وكانوا يمنحون شهادة الدبلوم ،، وهذا اللذين تقصدهم على ما أعتقد . ولاحقا جات جامعة
شمال شرق ويلز وبعد أطلاعهم على المنهج أقترحوا شهادة أسمها ( بى تك ) وهى أعلى من البكلاريوس شوية حيث
يقبل لمن يحرز نتائج معينة لظراسة نفس التخصص لمدة سنتين أضافيتين لينال هذه الشهادة ،، أعتقد الكلام ده لم يتم
أجازته من الوزارة
زميل في كلية مجاورة للهندسة في معهد الكليات التكنولوجية
| |
|
|
|
|
|
|
|
|
|
Re: واحدة من اهم اسباب انهيار التعليم (Re: عبدالحفيظ ابوسن)
|
شكرا يا أبو سن علي طرحك للمواضيع الهمة
المهم أن تعرف
عند الإستقلال أصر وزير المعارف حينها
عبد الرحمن علي طه
أن يكون نصيب التعليم في الميزانية 15 في المية
وقد كان
ويمكن دا يفسر ليك التطور الحدث في التعليم
الآن
نصيب التعليم في الميزانية
1 في المية
فقس علي ذلك
وما تشطح بعيد باقي الميزانية ما بيمشي للزراعة أو الصحة أو الصناعة
1 في المية للصحة
وأقل من واحد للزراعة
بس الأمن والشرطة والجيش أكثر من 75 في المية
القصر الجمهري لوحده أكثر من 16 في المية
| |
|
|
|
|
|
|
|
|
|
Re: واحدة من اهم اسباب انهيار التعليم (Re: Nasr)
|
عبدالرحمن علي طه قريب بدر الدين الامير يا ناصر
فعلا صدقت ميزانية التعليم تكاد تكون صفر
الطلاب بدفعو حتي ورق الامتحانات
وانتقل الامر للجامعات بشكل خبيث
الدكاترة بعملو شيتات للبيع
ولو ما اشتريت شيت بلاقيك
تحول التعليم لدكاكين
والسبب السلطة
ما دام المعلم كافي شره منها اليتصرف في الطلاب
النقابات بقت وظيفة حكومية عديل
تلزم الولاء
| |
|
|
|
|
|
|
| |
عبدالحفيظ ابوسن
معتصم الطاهر
حمد عبد الغفار عمر
Nasr
فيس بوك
تويتر
انستقرام
يوتيوب
بنتيريست