Quote: تعرف يا باش مهندس في الضواحي دي مافي فنان حديث غناها صاح من ناحية نطق كلمات و حتي النطقوها صاح فطوا بيت و دخلوا واحد في التاني
لكن تجارب جميلة و بعث للتراث بنكهة موسيقية جديدة
نتمني مزيد من التجويد و الفهم حتي للمعاني
أنا غايتو الخزاع و الشيح و البراح ديل جننوني عديل كدة لمن لقيت المعني في كتاب الانداية ل المرحوم الطيب محمد الطيب
حامد يا صديقي ...
واحد من المعجبين بالأغنية بصوت انصاف فتحي في اليوتيوب اسمه ( عصام سيستم ) قال: " رحمك الله مصطفى سيد أحمد طيب الله ثراك. إبداع في قمة الروعة والجمال إنصاف احيكي من دول المهجر بفرنسا "
يعني فطّ الخليل ... و من بعده الشفيع ... و نسبها لي مصطفى ؟
ديل نلم فوقهم كيف قبال ما ينمحي التاريخ ؟
05-15-2017, 05:49 AM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
يحي التاريخ تاريخ ما بنمحي و تجارب انصاف و مصطفي و نانسي و الشفيع و غيرهم سوف تظل تجارب خاضعة لمزاجات مختلفه, و تقييم مختلف من مختلف شرائح المجتمع, و طبيعي تلقي تقييم لا يروق لك لكن عاين للموضوع بناحية مختلفة. طالما هذا التراث بقي سيد الساحة الفنية دي ظاهرة صحية و ما نبعت من فراغ نبعت من مجهود كبير قاموا بيهو ناس كُتار انت واحد منهم ... لك و لهم التحية و طالما موقعك موجود التاريخ ما بنمحي
تحياتي يا صديق
05-15-2017, 01:58 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
قول كسرت ضلع يأخ وانت الصادق يا قباني .. ههههه . ... أوع بس يكون عندك راي سالب في بتنا دي بتكون اتلومت معانا .. أي نعم انصاف فتحي غنت بطريقة فيها تطريب عالي .. رغم هنات النطق والجرجرة في حتات .. لكن نانسي شيء تاني خالص .. فما تهبش ياقباني عليك الله ياخ ..
ما صاح أجيب ليك الفيديو ده هنا .. لكن أهو.. مشيها لينا وعديها .. بس عليك الله قارن ..
ولاحظ الغنا الفخيم ده كان في 2008 زمن سطوة أغاني الجبه جبه وبداية غنا الكتمات .. فكان الشغل ده باعتباره مدرسة جريئة ابتدرتها نانسي .. فاتصلح معانا يا قباني يأخ .. ههههههه .. غايتو انا شايف انصاف فتحي قررررربت من حتة الاداء الفخيم بتاع نانسي .. ده حسب وجهة نظري الشخصية طبعا ..
معاك حق .. مرة في قناة بورتسودان شفت فنان إسمه شكرالله .. بهدل اغنية الطير المهاجر ( وردي) كان يغني حاجة زي نور العين على الماشي .. زعلت شديد .. وردي عندي خط أحمر مقدس .. بالعربي وبالنوبية === حلوة إصطيادك لعبارة (( غط في الاماكن )) .. تعرف يا قباني بنتنا دي لخبطت في أهم جزء من الاغنية .. إدخال كلمة مثل (( قط )) وهي من العبارات غير المموسقة .. ويقوم خليل فرح يلحنها وكأنها عبارة سحرية .. معجزة الاغنية دي كلها تمكن في (( قط )) وهذا يعني أنها لم تتعمق في القصيدة .. ===== كنت عايز أسألك .. نحن ناس الضواحي ديل ما عندنا عمق في المدن .. في برنامج ( خلاصة الحواري ) أحب برنامج إلى قلبي في قناة امدرمان .. عدد كبير من الفنانين حتى من كبار السن ومغمورين يتناولون الحقيبة بطريقة جميلة جداً .. وعلى أصولها وبعفوية محببة إلى النفس مما جعلني أتخيل ناس الحقيبة زمان كانوا بنفس الطريقة والاخوانيات .. تلقى واحد عمره فوق السبعين يبشر ومبسوط ويجدد شبابه .. أتخيل كل حي فيه عدد من الفنانين .. ماعدا فنان واحد شعره طويل زي ( بوب مارلي ) شوية كده ما زي باقي الجماعة في طريقة الغناء ( إضافات زائدة عن اللزوم ) كهز الشعر يمين وشمال والحركة دي في الرقصات الخليجية .. ( هذا رأي خاص بي )
ده إسمو "الغط" والثمين ، يأتيكم على لسان من إمتهنوا الغناء في هذا الزمن اللئيم! أحدهم يردد أغنية المسافة للراحل مصطفى سيد أحمد حين يغني: تبقى ايه الدنيا من بعدك تكون .. وأبقى ايه بعدك أكون لكن المغني يصر على إجراء تبديل يخصه بكلمة " ليه" : تبقى ليه الدنيا من بعدك تكون! وأبقى ليه بعدك أكون! يا أستاذنا قباني هؤلاء يجرحون الغناء! والعجب العجاب انهم يتكسبون ويعيشون في بحبوحة وشهره لم يدفعوا فيها فاتورة واحدة!
.
05-17-2017, 06:32 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
دا دلال أيه ! دا دلال معجن. محن الأمات يا رداح السحبة الفوق دي ما ظبطت الا مع الشفيع والخالدي عمل ليها (حليات) ... الغريبة ما جات مع مصطفى .. ودا دلالة على ان الشفيع كان فنان خارق للعادة في الاماكن العالية قصيدة الخليل اخدها منو في مصر الفنان (ابراهيم عبدالجليل) سنة 1932م وسجلها على اسطوانات شركة (اوديون) جيرماني وهي شركة (المانية). ويقال ان فنانة اسمها (فضيل) سجلتها ايضا على اسطوانات في الخرطوم انصاف قالت (غط) ونانسي قالت (شفغ) والحاجات دي بصراحة مهما كان الاداء بتخصم من المؤدي مهما حاول نرجع للخليل عمنا عبيد عبدالرحمن مباشرة جارى القصيدة دي بـ: من محاسن حسن المحاسن وفى جبينه النور والهلال ولحقو عتيق: فى الضواحى وطرف القضارف يلا ننظر صوفى البشير ثم ابراهيم العبادي : من محاسن حسن الطبيعة تلقى هيبة وروعة وجلال اخر المجارين كان الشاعر العشوق: فى التغزل بين المسارح ليلنا ادبر والفجر..لاح
05-17-2017, 06:34 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
و الحكاية دى عدّت من ود البشري كيف !!!!! ياخى كان عذّبا عذاب اندهاشاتى فى الحتة دى ----- و الله يا محمد ود الشيخ الجيل القام جديد ده كلو ما عاجبنى لكن سمعت لى واحد ح يظهر فى برنامج اغانى و اغانى الود ده فلتة .. نسيت اسمو .. لكن اول مرة يشارك
05-17-2017, 09:59 PM
امجد الجميعابى امجد الجميعابى
تاريخ التسجيل: 01-08-2013
مجموع المشاركات: 2623
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
يحي قباني
عبد المنعم سيد احمد
جمال ود القوز
Hamid Elsawi
علي عبدالوهاب عثمان
Ahmed Yassin
عبدالعزيز الفاضلابى
MOHAMMED ELSHEIKH
جلالدونا
امجد الجميعابى
فيس بوك
تويتر
انستقرام
يوتيوب
بنتيريست