|
|
|
 Re: تمخضت عضوية المجلس الخليجي فولدت شراكة (Re: محمد على طه الملك)
|
تحياتي يا ملك ..
طبعا ابصلعة ده أنا موقع معاه شراكة استراتيجية ،
بس مشكلته هو ماعارف يعني شنو شراكة ، وأنا ما واقعة لي قصة الاستراتيجية دي
Quote:
هم جماعة ود الباقة ديل بدل اللف والدوران ما يقولو اتفاقية دفاع مشترك بحقها .
|
يعني يا ملكنا الموضوع كله طلع اتفاقية دفاع مشترك
وطيب لاخمننا يومين انضمام وتعاون وبتاع
ونحن الراس والكاس والبطاقة والقرين كارد
لامن في واحدين جهزوا عقالاتهم
وفي النهاية طلعت اتفاقية دفاع
هو نحن محتاجين يدافعو عننا في شنو؟
كدي نتابع في الخبر شوية عسى ولعل نلقانا عروس خليجية ..
وقال وزير الخارجية السوداني ابراهيم غندوؤرر في تصريحات صحافية بمطار الخرطوم عقب عودته برفقة الرئيس البشير من مملكة البحرين أمس ، أن دول الخليج العربي قبت شراكة استراتيجية بين السودان ومجلس التعاون الخليجي ، يتم توقيعها في أقرب اجتماع للمجلس على مستوى وزراء الخارجية
..
..
نعتذر عن الاخطاء الاملائية المقصودة في صدر البوست
| |
 
|
|
|
|
|
|
|
|
Re: تمخضت عضوية المجلس الخليجي فولدت شراكة (Re: عمر التاج)
|
هذا وقد كشف وزير الخارجية السوداني عن شكل اتفاق بين بلاده ودول الخليج العربي
على أنه شراكة إستراتيجية شبيهة بحالة الأردن والمغرب.
وقال غندور في تصريح صحفي بمطار الخرطوم لدى عودته مرافقا للرئيس السوداني عمر البشير بعد زيارة للكويت والبحرين، عن اتفاق جرى خلال الزيارة على شراكة إستراتيجية بين السودان ودول مجلس التعاون الخليجي.
وأضاف أن التوقيع على تلك الشراكة مع الأمين العام للمجلس سيتم خلال أول اجتماع وزاري قادم، واصفا الخطوة بأنها نقلة في العلاقات بين السودان ودول الخليج.
وكانت السعودية قد طرحت عام 2012 فكرة ضم المغرب والأردن إلى دول مجلس التعاون الخليجي، ومنذ ذلك الحين والمجلس يدعم البلدين ويتعاون معهما في القضايا الإستراتيجية.
| |
|
|
|
|
|
|
|
|
|
Re: تمخضت عضوية المجلس الخليجي فولدت شراكة (Re: عمر التاج)
|
قبل مانخوض في كلمة استراتيجية خلونا نفهم كلمة شراكة في إطار الدفاع الخليجي
السودان طبعا مستهدف بشدة ومعرض للصواريخ الإسرائيلية والامريكية في اي لحظة.
طيب نفترض جانا صاروخ طائر ووزير دفاعنا لسه شغال بالنظر
هل من الممكن أن تفيدنا الشراكة الاستراتيجية وتقوم في الحتة دي بصد الصاروخ ولا ناسنا كالمعتاد حا يقوموا الصباح يسالوا المواطنين الشافوا الطيارات عشان يعرفوها جات من وين؟
طيب نفترض افتراضات اقل شوية .. قول جانا جيش السيسي واتعمق شوية بعد حلايب واستلم على الجاهز منطقة حدودية اخرى
هل حاتجي جيوش الخليج وتحررها لنا من المصريين ولا الشراكة دي من طرف واحد؟
| |
|
|
|
|
|
|
|
|
|
Re: تمخضت عضوية المجلس الخليجي فولدت شراكة (Re: عمر التاج)
|
يا ود التاج انت ما سمعت..
هسه اخر تقنيات الدفاع بالنظر استراتيجية الرصد بألموبايل..
انت من زمن يسالو الناس ..
بعين مش هم البدأفعو عننا لا نحن بنرسل ليهم عساكر نا ..
هم بالآليات والفلوس ونحن بالبشر ..
آومال إيه نحن داخليين بأيدينا!
| |
|
|
|
|
|
|
|
|
|
Re: تمخضت عضوية المجلس الخليجي فولدت شراكة (Re: محمد على طه الملك)
|
تقنيات الموبايل دي زاتها طلعت بالنظر يامولانا هههه
اما اذا ثبت انهم مش حايدافعوا عننا فدي تبقى ما استراتيجية
وما دفاع مشترك .. دي تبقى الطيش مشترك
الجماعة من الاسبوع الفات شغالين بهيئوا في شعورهم الماجنة
وحتى اغاني البنات ترجمتها للغة الخليجة تجي في النهاية يطلعلهم اسد
شوف ديل تعبوا كيف بعد اشاعات الانضمام للمجلس:
بمناسبة قرب الانضمام لدول الخليج
👌إغنيات سودانية عامية مدبلجة ل اللغة العربية الفصحى* 🙈🙈😂
ياسيدة تلك الأصداف البيضاء فلتطرحي تلك الأصداف البيضاء وقومي بدحرجتها ثم قومي بدحرجتها إلي وإنظري ماذا فيه دون إستحياء.
الترجمة:
ست الودع ارررررمي الودع لي كشكشي اهااا كشكشي شوفيهو لي كان فيهو شي ماتختشي...
😁😁😁😁
أفلج الأسنان هل رأيتموه
كلا كلا لم نراه
الترجمة:
عندو فلجة ما شفتو
بري بري ما شفناه
😁😁😁😁😁😁
الموتور دعه يعمل العمل بالجاز دعه يعمل.
الترجمة:
البابور جاز خلو يشتغل الشغل بالجاز خلو اليشتغل...
😁😁😁😁😁😂😂
ما اسمه
اين يقطن
وما هي هويته
حجبتم عليه طريقة التنفس
اين الاوكسجين
الترجمه ::
ده اسمو شنوو وساااكن ويييين وجنسوو شنووو كتمتووو نفسسسو الهواء ويييييييينوو..
😁😁😁😁😁😁
رفضو إعطائي الحليب رفضو رفضو
الترجمة:
ابو لي بي اللبن ابو لي بي.
🙈🙈😂😂😂😂😂
| |
|
|
|
|
|
|
|
|
|
Re: تمخضت عضوية المجلس الخليجي فولدت شراكة (Re: عمر التاج)
|
حلم الجعان إتفاقية معي أي كائن من كان
دول الخليج دول نامية ذات إقتصادات ريعية تعتمد علي بيع مادة خام ،واحدة
ناضبة هي البترول
وهي نفسها تسعي لشراكات إستراتيحية مع العالم الأول لتتطور و تصنع و تزرع و تبتكر بدلاً عن بيع الزيت
لذلك هرولة بشة الماكوكية تعكس عزلته عن العالم المتطور و الخليج ما ناقص دول عربية جعانة
تشاركه سلعته الواحدة
قوموا لتطوير بلادكم و أتركوا عقلية الملح القاتلة :)
| |
|
|
|
|
|
|
| |
عمر التاج
محمد على طه الملك
Adil Isaac
فيس بوك
تويتر
انستقرام
يوتيوب
بنتيريست