|
|
|
 Re: انت المنبر فيهو شنو (Re: عبدالحفيظ ابوسن)
|
اها بقيت طوالي اقرأ روح المنبر
والجو السائد
تحسبا للاسئلة
والقصة بقت مرضة
اخش اقرا العناوين والاسماء
ولو في زول اسمو جاي في عنوان بوست
ويكون الرد يخص رؤيتي للمنبر
هادئ
علان منقرن في فلان
قصة مصر مدورة
فلان داير يغادر
وهكذا
| |
 
|
|
|
|
|
|
|
|
Re: انت المنبر فيهو شنو (Re: عبدالحفيظ ابوسن)
|
تحياتي يا عبدالحفيظ
كل زول بشوف المنبر فيهو شنو حسب الزاوية القاعد فيها
انا غايتو شايفو هادي وما قدر الاحداث
ولا الاحداث بقت اكبر منه ما عارف
ولا ست البنات ختفت الحديس ؟
| |
|
|
|
|
|
|
|
|
|
Re: انت المنبر فيهو شنو (Re: احمد الشيخ)
|
| Quote: المنبر دة فيهو مواسم وغزوات وايام كأنو في جو عام بفرض نفسو |
دي حقيقة يا ود أب سن
دائما هناك قضية مركزية يتفاعل معها المنبر و تلقى اغلب البوستات تدور حولها بتناول مختلف أو متشابه أحيانا
ممكن تكون قضية عامة تدور خارج المنبر لكن التفاعل معها عال مثل مظاهرات مثلا أو تطورات أحداث ما وممكن تكوت قضية داخلية تخص المنبر أو الزملاء عندك مثلا موضوع الدرويشة أو بوكرامي أو المعيار أو شهداء موزمبيق
أحيانا بكون بوست واحد لكن التفاعل معه عالي جدا وربما ينتج حوله بوست او اثنين زي مثلا بوست محسن خالد الأول عن المهدي و نار اليشب و حريق اللد وما صاحبه من قومة وقعدة ومصطلحات جديدة
هناك ايضا ظاهرة البوستات المتناسخة الفكرة, دي هوجة كدا بتاخد دورتها وتروح زي بوستات العشرات (العشرة بورداب الأذكى و العشرة الأجمل و العشرة الأغبى وما شابه ) على سبيل المثال
زمان شبهت الظاهرة دي بفعاليات مهرجان دبي البتاخد شكل اسابيع: أسبوع المرح, أسبوع الشاطئ, اسبوع الكذا .. إلخ وكتبت بوست بإسم اسابيع البورد يتناول الظاهرة دي
لكن يبقى البورد متنوع و غير محصور على إتجاه أو طريقة تفكير واحدة ودي االحاجة الدّياه الرونق و التميّز على كثير من المنتديات الأخرى
مسألة التنوّع دي كثيرين هنا ما قادرين يستوعبوها و عايزين البورد يكون عبارة عن نغمة واحدة تعزفها مختلف الآلات عشان كدا كل مرة تلقى البحر قام ويطلع ليك واحد ببوست عن الإنصرافيين و الضحكنجية و الكيزان ولاصوت يعلو وبتاع
ياخد فورته ويذهب جفاء كأي زبد يحترم نفسه, يومين وتلقى سيده و الكانوا مكابرينه آخر قرقرابة و إنصرافية و اصوات أعلى بكثير من صوت المعركة :)
| |
|
|
|
|
|
|
|
|
Re: انت المنبر فيهو شنو (Re: معاوية المدير)
|
المنبر اليومين دي عادي الانسياب
حتى اندراعة دينق وشكوكو ما فيها ابداع وتنوع لغوي زي الناس الشايلين مسدسات نفس الطلقات تطلع من نفس المسدس
بس محتار في غريبة القنع من الحكومة دا
| |
|
|
|
|
|
|
|
|
|
Re: انت المنبر فيهو شنو (Re: حمد عبد الغفار عمر)
|
فلان الفلاني في زمن ضربة البقعة زمن الخليفة .. الناس فزت وفي جماعة وصلوا العلقة .. منطقة صي
اها العجب ود حقار خلوهو مع شايب مرض في السكة
قالوا ليهو
اقعد معاهو لو مات ادفنو ولو بقا نصيح جيبو معاك
مرقتهم بي هنا كسر عود حربتو . وبدا يحفر
الشايب سألو بتحفر مالك
قال ليهو
قبر ادفنك فيهو
هي لكن تدفني حي !!
قال ليهو
حرم بدفنك حي .. اقعد اموت معاك بالعطش هنا .. ولا اخليك بي وراي يقولو لي خليتو كيف
الشايب قال ليهو
خلاس اسندني النقوم
سندو وقام واتدرج معاهو لامن وصلو
القصة حقيقية ومشهورة
اها
نكسر عود حربتنا
ولا بتتشدعو
| |
|
|
|
|
|
|
|
|
 Re: انت المنبر فيهو شنو (Re: عبدالحفيظ ابوسن)
|
ما قنع يا حمد ياخي
شاف ليه خبر بمجد مصر كباهو وبستتو* لكن علي الحلال ما قرأ فيه حرف
هسة تلقاهو ذاتو مخلوع من المتداخلين ما فاهمهم بتكلموا في شنو
ثم ازيكم صاحب البوست وضيوفه
_____________
* copy paste
| |
|
|
|
|
|
|
|
|
|
Re: انت المنبر فيهو شنو (Re: عبدالحفيظ ابوسن)
|
الاستاذ عبد الحفيظ ابو سن
ابن كوستي البار
المنبر ما فيهو حاجة لكن احتمال لبعض الناس المنبر بقى مسيخ...وما فيه حيوية ..
المنبر بيغيب منه الاستاذة الاعلامية عواطف ادريس اسماعيل ،والتي عندما تطل على المنبر تشرق الأنوار ، والشعراء فضيلي جماع ود. المعز بخيت وعبد الإله زمراوي،
وكذلك محمد احمد الريح بمواضيعه الساخنة في السياسة السودانية ، وست البنات وكاتبات واعلاميات اخريات لا استحضر الاسماء
الآن ، ولكنهن كن يملأن المنبر بمواضيع الساعة ، ولا ننسى ود شيقوق السوداني القح.
ولا ننكر ابدا ان هناك الآن كتاب فطاحلة يكتبون في شتى المواضيع الشيقة الجاذبة ، وهناك من يحمل الهم الوطني دائما بين جوانحه،، وكتاب آخرون
يعزفون بالكلمات سيمفونيات رائعة..
وكده اقرأ موضوع الاستاذة عواطف ادريس اسماعيل الاجتماعي ده وادينا رأيك.
أخواتي .. أخوتي قراء و أعضاء سودانيون على الخط ترجمة حرفية مية في المية .. جمعتكم مباركة وخطوطكم ساخنة .. غايتو الليلة أعذروني اتأخرت من كتابة موضوعي الصباحي
اللي ماعارفاه عاجبكم ولا ما عاجبكم عموما الواحد مرات بجيه احساس كدة أنه دمه تقيل ولصقة زي ما قال واحد من شعراء حلمنتيش لو قلتي ولا ما قلتي ياني اللصقة ودالكلب - عذرا _ للجوء
الى الثقافة الكلابية .. عموما ياجماعة الخير الليلة كان معاي ضيوف الله يعزكم - ما أنزل الله بهم من سلطان و مش الموضوع العايزة اكتبو طار وبس شباشبي ذاتن طارن أمسك الحلة و أفك الطوة
أمسك الفرن وأفك الميكرويف يااخواني دي حالة شنو دي قلت وين البنات الفالحات في المنبر ناس نهلة بت عمر وغادة بت عبدالعزيز وإيمان بت صالح , وبنات خوجلي وسومة وكل الأخوات الليلة
يوم حوبتكم لكن لاحياة لمن تنادي علاقات اسفيرية ساكت _ كيس نايلو والهوا شايلو _ الحمد لله هسة خلاص أكلو الحلو وشربو الشاي واطلبو الله بعد دة قمت اتذكرتكم وقعدت أحك في راسي المافيه
شعرة واحدة ولا طايوق أكتب شنو يا ربي كل ما أقترح على روحي موضوع ألقاه مثير للجدل الاسفيري ويقود الى اشعال حرب البسوس في المنبر أقول لي روحي ما في داعي لسة داحس والغبراء
ما وضعت أوزارها يا بت الناس خليك عاقلة و أسمعي كلام أبوبكر سيد أحمد الراجل المسالم وشوفي ليك موضوع غير مثير أو ليس من الأهمية بمكان وأثناء هذا التفكير أتذكرت موضوع ثقافة التعبير
عن المشاعر في المجتمع السوداني الل اقترحه لي أحد أعضاء المنبر قلت خلاص والله دة موضوع مهم وما بشعل حرب كيماوية ولا يحتاج لزيارة مكوكية من البرادعي الماعنده شغلة دة .. المهم يا اخواني
نحنا فعلا زي ما قال أخونا عضو المنبر ما قاعد نعبر عن مشاعرنا للناس اللي بنحبهم الا في حالات نادرة و بالرغم من أن التعبير دايما بكون ضمني أو من خلال تصرف معين لكن علماء النفس قالو وأنا خايفة
بكرة يقوموا يقولو لا قلنا ولا حاجة ويطلعوني كضابة _ الجماعة ديل بقولوا التعبير عن المشاعر شفهيا له دور إيجابي كبير على حاسة السمع التي تقوم بترجمة هذه المشاعر وتحويلها الى سلوك أو رد فعل ايجابي
مثلما تفعل الموسيقى تماما ولكن نحنا في السودان لم نتعود على سماع موسيقى صرفة ولم نتعود على سماع كلمات الحب من أهلنا الكبار يعني أنا مثلا لم أسمع أبوي مرة واحدة عبر عن شعوره لأمي بالكلام ومع ذلك
كان يحبها ويدللها ولما اتوفى كان عمرها خمسة وعشرين سنة ومع ذلك رفضت كل من تقدم للزواج منها وكان تعليلها دايما - أبو فاطنة ما فيش زيو في الدنيا _ وما بربط الحمار في قفى الحصان _ معليش يا ناس
جاردن سيتي سامحونا البيئة بتلعب دور حتى في الأمثال . بالطبع رفض أمي المطلق يؤكد حبها لأبي ولكن ياترى ماذا كانت ستقول عنه لو كان يعبر فعليا وشفهيا أكيد كانت كتبت فيه شعر لم يكتبه قيس في ليلى ولا جميل
في بثينة ولا الشاعرة الرقيقة تماضر الخنساء في من تحب . نلاحظ أيضا في مجتمعنا السوداني أنه يندر أيضا أن يعبر الأب أو الأم شفهيا أو لفظيا عن حبه لأبنائه بعكس المجتمعات الأخرى التي تنمي ثقافة الحب في أبنائها
منذ الطفولة وعندما يكبروا يصبحون أكثر قدرة على الافصاح عن مشاعرهم و بكل سهولة ويسر سواء كانت هذه المشاعر سلبية أو إيجابية ولكن نحن لا نستطيع أبدا التعبير عن هذه المشاعر يعني لو أنا زعلانة من حد ما أقدر
أقول ليه أنا زعلانة منك وافضل شايلة منه وساكتة ولو ولدي نجح في الامتحان أفرح بابتسامة الرضا ولكن ليس هناك أي نوع من التعبير عن هذا الفرح بصورة عملية أما الأزواج والزوجات فديل مشكلتهم مشكلة ما قعدت
في جلسة حريم إلا وأسمع قصص كثيرة عن عجزهم في التعبير عن حبهم لزوجاتهم لفظيا وإذا قلنا يا جماعة دة طبع الرجل السوداني ولا يعني عدم تعبيره أنه يكره زوجته يقولن لا - لا طبع لا حاجة اشمعنى لما كنت جكس
كان قادي أضاني بكلمات الحب والغزل _ ليل نهار _ صباح _ مساء هسة الجد شنو ولا خلاص عشان ضمني في يده طبعا نفس الكلام بقولوه الرجال يعني أخونا الاقترح الموضوع دة قال عنده صاحبه سوداني متزوج مغربية
عزمه غدا ولمن ضرب الجرس عشان تفتح ليه الباب جات جارية يمكن حفيانة الله العليم وهاك يا كلام في الحب وداك يالشوق الماخمج وصاحبنا واقف منتظر نفس الملامح والشبه وما صدق عيونو ولا أضنيه قال يا ربي أنا في
حلم ولا علم ولمن دخل جوة وقعد قال لصاحبو أيه البيحصل دة ؟ قام صاحبو رد عليه قال ليه دة السبب البي يخلي السودانيين يتزوجو أجنبيات طبعا دة ما سبب ولو إنه صحيح إلى حد ما ولكن هل ينكر الرجل السوداني أنه أيضا
لا يستطيع التعبير عن شعوره لزوجنه وإن كان يحبها ؟ مع أننا ناقشنا الموضوع دة كتير ولكن لا بأس من السماع إلى آراء جديدة حول هذه الظاهرة تختلف عن الآراء السابقة التي تقول الكلام بالعمل فقد يكون الكلام الشفهي في
بعض المواقف أجمل من ألف موقف تطبيقي نحن يا أخواني بشر وبنحتاج للكلمة الحلوة يعني لو في واحد شكلو ما حلو أبدا لكن زوجته بتقول ليه كل يوم أنت في نظري أحلى إنسان في الدنيا أكيد سوف يشعر بأنه في نظر الكل
أحلى واحد أو أذكى إنسان في الدنيا زي ما بتقول شريكة عمره لأنه بيكون واثق في نفسه ولو زوج بقول يوميا لحبيته زوجته وشريكة عمره او خطيبته كل يوم مهما كانت أنت الأجمل و الأشيك أو أنا أحبك لأنك شريكة حياتي
وأم أولادي الجميلة التي تقف معي في السراء والضراء هل ستكلف نفسها يوما لكي تتسول الحب او تطلب منه أن يسمعهاولو كذبا كلاما ناعما .. عايزين آراء صريحة إذا سمحتم وفتكم بعافية .. ملحوظة : قد ترى بعض االعقول
المستنيرة أن هذا الموضوع لا يرقى لمستوى النشر ولكن لا تنسوا أن أكثر القراء بحاجة لمناقشة الأمور الاجتماعية التي لا تقل أهمية عن المواضيع السياسية و الدليل آلولو ...
,,,
في غاية الأسف استاذنا عبد الحفيظ اذا ملأت ليك البوست بموضوع ربما تعتبره خارج المسألة ،
ولكن اعتبرها خطرفات ، فأنا مدمنة قراءة هذا الاسفير الاجتماعي السياسي .فأنت من الأرقام الصعبة في المنبر العام.
مع وافر تحياتي
امتثال.
| |
|
|
|
|
|
|
|
|
|
Re: انت المنبر فيهو شنو (Re: عبدالحفيظ ابوسن)
|
يا ود البشرى
حبابك
ال يعيبو لي الونسة والقرقراب
ناس الطب زاتهم قالوا كويسات وتطلع منها علاقات صداقة حلوة
اي
اللون الواحد اظنو زي رؤية ! الاعمي
الحياة اصلا ملونة
رغما عن افتراضنا لون اساسي
قالوا الاحمر والاصفر بعملو اخدر
| |
|
|
|
|
|
|
| |
عبدالحفيظ ابوسن
احمد الشيخ
محمد البشرى الخضر
معاوية المدير
حمد عبد الغفار عمر
البرنس ود عطبرة
بدر المعارف محمد المساعد
بدر الدين الأمير
فيس بوك
تويتر
انستقرام
يوتيوب
بنتيريست