|
Re: رجاءً يا عمر دفع الله (Re: أبوبكر عباس)
|
حريم البشير كتمة من امها وردحي بالطريقة الصاح
طبعا انتو عارفين الشيخة موزا في الخرطوم لإقامة بعض المشاريع الخيرية وكدا ولمن وصلت استقبلتها الشيخة وداد رفرف قلب عمك اها فاطمة خالد ما عندها خبر قاعدة في التلفزيون كان تشوف ليك موزا ومعاها وداد الحمتا النوم والرقاد طوالي تاني يوم من الصباح لفحت ليك توبا ومشت لقت ليك الشيختين طالعين ماشين البجراوية وقبلت ليك علي وداد قالت ليها انتي كل زول جاي البلد دي عايزة تستقبليه واي مشروع دايرة تفتتحيه ما تهجسي شوية قامت وداد قالت هوي يا فاطمة دول التعاون الخليجي دي تخصصي لإني صفراء فاقع لوني بسر الناظرين وانت تستقبلي الأفارقة عشان انت سوداء او قصدي سمراء سوداء انا يا فاسخة يا جالخة يا شلابة يا كضابة قامت وداد اتفتحت ليك وقالت ليها هوي يا فاطمة انا ما فاسخة الشعر ربيعي واللون طبيعي وعمر انا ما شلبته انا بس عجبته ..... وهم وعدم فهم قامت الشيخة موزا حلاوة الجوزة قالت ليهم يا جماعة الخير ما يصير هادا انتو أخوات اتلفتت عليها فاطمة وقالت ليها انت يا موزا بت ناصر ما عارفة الحاصل دي معروفة حياتها كلها لهط وتلقط زي حمام الحرم ما تسمعي مشاريع تعليمية وشمال كردفان وموية طريق مستشفي والله دي روضة ما تعملها خليها المدارس دي رصتها وانا عارفة قصتها قامت وداد قالت ليها الكلام دا ابقي قدره و لمن يصل بشة فاطمة قالت ليها قلته وانا سته وبتحمل مسؤوليته اها في اللحظة دي عمك سمع بالكتمة وجاء يجري اها وداد من شافته مشت عليه وهاك يا بكاء وقالت وفعلت وتركت قام بشة قال ليها لا لا يا فاطمة ما ليك حق نحن متفقين من زمان دول الخليج تبع وداد وانت عندك افريقيا كلها من سيكافا للكنفدرالية تذكري لمن جاء موغابي ومرته استقبلتيهم وزوجة عمر قيلي ودبي وديسالين لمن قلتي لي فترت من المساسقة للمطار وبعدين ارض الخير افريقيا مكاني وانتي زوجة أسد افريقيا وانت الأولي والوراك مجهولة طبعا دي معاها غمزة سريعة لوداد وبعدين موزا صفراء ووداد صفراء ودي خلقة ربنا والصفار راحة بال andand انتو يا اخوانا حكومة بكوري خبرها شنو ££
تراجي سوي رجيم!!!
موزا ملا كانت ظريفة معنا !؟# وكمان الرسم ماعيب لا تحجروا علي المبدعيين حقهم في التعبير أرسم يا عمر دفع ما يعن عليك أنها أشراقات الفن قد نغيب ولا يولد الفن وتكون ضجر أذا حجب الفنان فنه متعك ربي بالعافية يا صديقي
|
|
|
|
|
|
|
العنوان |
الكاتب |
Date |
رجاءً يا عمر دفع الله | سيف الدين محجوب | 03-17-17, 03:49 AM |
Re: رجاءً يا عمر دفع الله | أبوبكر عباس | 03-17-17, 04:04 AM |
Re: رجاءً يا عمر دفع الله | زهير عثمان حمد | 03-17-17, 04:15 AM |
Re: رجاءً يا عمر دفع الله | سيف الدين محجوب | 03-17-17, 09:26 AM |
Re: رجاءً يا عمر دفع الله | طلحة عبدالله | 03-17-17, 10:02 AM |
Re: رجاءً يا عمر دفع الله | عمر دفع الله | 03-17-17, 10:47 AM |
Re: رجاءً يا عمر دفع الله | أبوبكر عباس | 03-17-17, 10:53 AM |
Re: رجاءً يا عمر دفع الله | عمر دفع الله | 03-17-17, 11:05 AM |
Re: رجاءً يا عمر دفع الله | Yasir Elsharif | 03-17-17, 11:22 AM |
Re: رجاءً يا عمر دفع الله | Amjad ibrahim | 03-17-17, 11:34 AM |
|
|
|