|
Re: مدني فيها امطار (Re: عبدالحفيظ ابوسن)
|
هلا أبو سن
كدا اكدت الموضوع بس غريبة أمطار شتوية دي لأنو الامطار في السودان بتجيبها الرياح الجنوبية الغربية وكمان كوستي بتقع تقريبا في حزام السافنا يبقى فعلا في تحول في المناخ وموضوع الاحتباس الحراري الناس تأخدو جد جد
| |
|
|
|
|
|
|
Re: مدني فيها امطار (Re: حمد عبد الغفار عمر)
|
والله كلام غريب تخيل الوالدة الليلة الصباح بتتكلم معاي عن انوا الجو بارد جدا وقالت لي بس ناقصة مطرة ضحكت وقلت ليها البلد دي رطوبة مافيها من اي نوع قالت لي الله قادر سبحان الله مناخنا بقي زي مناخ البحر المتوسط
| |
|
|
|
|
|
|
Re: مدني فيها امطار (Re: الطيب عباس)
|
الطيب عباس حبابك
مطر الرياض المايل كان عايز يضيعني يوم الخميس طلعت قريب المغرب وهاك يا مطرة كبست لي ترتوار الله لطف بس بعدها قرشت لحدي ما خفت
| |
|
|
|
|
|
|
Re: مدني فيها امطار (Re: حمد عبد الغفار عمر)
|
حمد إزاى الحال
غايتو فى الشمالية سد مروي غير المناخ طبعا البحيرة كبيرة جدا ونسبة التبخر عالية تسببت فى أمطار فى غير الموسم والنتيجة إنتاج التمر ماشي فى تراجع . ياخى من ما عملو سد مروي ما شفنا لينا تمر زى الناس :) !!!!
| |
|
|
|
|
|
|
Re: مدني فيها امطار (Re: walid taha)
|
كيفك يا ولي ارتفاع التبخر يعني ارتفاع درجة رطوبة الجو وبالتاكيد باثر على انتاج المزروعات خاصة النخيل لانو بحتاج لفترة جفاف لتقوية ونضج الثمار انتو شفتو حاجة
| |
|
|
|
|
|
|
Re: مدني فيها امطار (Re: د.محمد حسن)
|
الاخ حمد تحياتي سبق ان نزلت امطار في الريف الجنوبي من كوستي تقريبا في شهر يناير ١٩٧٥ وكانت حاله نادره على حسب ما نسمع من آباءنا رحمه الله عليهم والزمن ما كان في مشاكل مناخ الناس عارفه متين تحرث ومتين تزرع ومتين تحصد وكان عندنا الخريف ما بتأخر أبدا مثل هذه الايام يعني ٧/٧ لو ما رميت التيراب حتى لو ( رميل) انت كسلان لكن هذه الايام الخريف يتاخر لحدي منتصف اغسطس في اكثر الأحوال إذن هناك مشكله مناخ واضحه من مواعيد وكميه الأمطار
| |
|
|
|
|
|
|
Re: مدني فيها امطار (Re: عبدالله ود البوش)
|
تعديل : فقاع وليس فقع بتعرف فقاع الشمش يا حمد ؟ . . المطرة كان ما قالوا ليها عية عية وشدوا ليها كنيش بتجي ؟ خلي تجي ساهي كدا قت ليك دا فقاع شمش . . وهذا مع التحية والاشواق
| |
|
|
|
|
|
|
Re: مدني فيها امطار (Re: عبدالله ود البوش)
|
يا د. محمد حس وينك ما ظاهر ولا غاطس مع ناس فنيلة زرقاء وبنطلون بنفسجي ديل محننونا غايتو
بعدين ناس مدني لما كانو بكتحوا البلموني صاح كانت مدني زهرة المدائن لكن هسه جاطت كان فيها جنس بلموني خلي في سرك يخليك تغني بلا سبب ما شايفهم بجضموا الغناء كيف؟
| |
|
|
|
|
|
|
Re: مدني فيها امطار (Re: حمد عبد الغفار عمر)
|
ود البوش حبابك ياخ
هسه فقاع الشمس دي نكتها من وين ياخ الحاجات دي قربنا ننساها
تذكر لما نجري وراء السحابة وهي راشة عشان نكون في ضلها قبل ما تفقع ايام ياخ
بس مطرة مدني دي كانت مع المغارب تكون فقاع قمر
| |
|
|
|
|
|
|
|