|
|
|
 Re: إغلاق البوستات وحذف المداخلات (Re: حيدر حسن ميرغني)
|
الغريبة البوست الوحيد النسى يطبلو شات ليك منتصر اب سطر زى السلام عليكم
بكرى زى ما اخد راينا فى تعليقات الفيس بوك المفروض ياخد راينا فى حكاية الاستكة و قفل البوستات دى
ما محتاجين بكرى يفتح البوست ده برانا نفتح البوست و نصوّت على الاستيكة و الحذف و الطبل
نعم بكرى مالك الموقع و لكن رأى العضوية بجب ان يتعامل معه باعتباره قرار واجب التنفيذ
او اعلان العصيان عن الكتابة فى الموقع حتى يستجيب الامبريالى لرأى الاشتراكى
و اهو نجرب الثورة فى منبرنا ده و نصدّرا للسودان كمان
| |
 
|
|
|
|
|
|
|
|
Re: إغلاق البوستات وحذف المداخلات (Re: جلالدونا)
|
سلامات ود الزبير
مالها؟ واحدة من أفضل التحديثات المرّت على المنبر
كل عضو يدير بوسته بمعرفته وحسب فهمه, لا شيئ يجبرك على تحمل ما تراه سخافة في بوست أنت صاحبه, ودائما المجال متاح للمأستك ليفتح بوست آخر يمارس فيه حقه في بداء رأيه في الموضوع
كان في تصويت - وارى أن لا داع له - أصوّت بنعم لحق الكاتب في إدارة بوسته
| |
|
|
|
|
|
|
|
|
Re: إغلاق البوستات وحذف المداخلات (Re: Hatim Alhwary)
|
تعرف يا ود الزبير
اغلاق البوست بتاعي لي الليلة خارب مزاجي
فهو قطع توصيل فكرتي ووضعني في مرمي النيران بقطع تسلسل وجهة نظري كمن يقرأ ولا تقربوا الصلاة
اغلاق البوستات عموما
بعتقد انو اغلاق بوستي حرب ضد الاستنارة والوعي
واعلاء لقيم الهتافية
وما اكضب عليك فكرت ولاول مرة بالتوقف عن الكتابة في صمت
ولي هسة بكتب بي نص مزاج
بقينا محاصرين بديكتاتورية السلطة
وديكتاتورية المنبر
لا مفر
سوي الموت سنبلا ساكت
| |
|
|
|
|
|
|
|
|
|
Re: إغلاق البوستات وحذف المداخلات (Re: عبدالحفيظ ابوسن)
|
لا للحذف ولا لوجود امكانية الحذف اساسا
نعم للتصويت
نعم للحوار والحجة والاقناع الكلام القبيح يجب ان يظل عنوانا لكاتبه
الجمهوريون هم اكثر من يتبجحون بالحريات واول من يتضايقون منها ويمسحون الآراء المخالفة، ياسر الشريف انموذجا
لا للاستيكة
لا للطبلة
نعم لمعلقي الفيسك بوك
الحرية والجدية وقوة المنطق هي العلامات الحيوية لمبرنا
تحياتي
| |
|
|
|
|
|
|
|
|
|
Re: إغلاق البوستات وحذف المداخلات (Re: محمد الزبير محمود)
|
ود الزبير سلامات وعوافي
ههه مالك جاي مسخن كدا
الجمهوريين يا ود الزبير لا يضيقوا بالحوار وانما يضايقهم السب والشتم الذي يتعرضو له
من سابع المستحيلات ان يسبك احدهم او يسيء لك لذلك هم يتضايقون ممن يسبهم ولهم الحق
فلماذا لا تعاملني باحترام كما اعاملك
دا غير انك عممت عليهم استخدام هذه الوسائل وعلى ما اظن ليس جميعهم يستخدمها
فالتعميم هنا مخل جداً
عموماً انا ضد الاستيكة وضد الطبلة وضد الحزف
بالنسبة للفيس بوك اذا كان لا يمكن التوصل لكاتب التعليق ولا يمكن ملاحقته بالقانون اذا تطلب الامر
فهنا اعطي الحق لمن يقول لا لنافذة تتيح لبعض المجهولين ان ينالو من الاعضاء ويكيلو لهم السباب
والشتائم دون تحمل اي نوع من المسؤولية القانونية
معاوية يا فردة تحياتي يا انسان
انت اقعد لاوي في اب صلعة دا لامن يلحقك امات طه
تحياتي للجميع
| |
|
|
|
|
|
|
|
|
|
Re: إغلاق البوستات وحذف المداخلات (Re: ابراهيم عبد الوهاب)
|
زمااااان ... زمن الصحافة الورقية - أي قبل ثورة الإنترنت - كان الكتاب يستمتعون بكتاباتهم دون ان يعرفوا صداها لدى الأخرين
كانوا بالكثير يفردون حيزا في عمودهم لرأي القراء ، وغالبا ما كانوا يختارون الكتابات التي تثني عليهم وتمجدهم
اليوم أصبح البوست بمثابة عمود في جريدة الكترونية يتيح للأعضاء حق إبداء الرأي دون اي حواجز او عقبات يفرضها مبتدر البوست
لما نلجم هذه الخاصية المتقدمة بسبب إختلافنا في الرأي.
| |
|
|
|
|
|
|
|
|
|
Re: إغلاق البوستات وحذف المداخلات (Re: معاوية الزبير)
|
(فعلا يامعاوية الميزة دي افقدت المنبر الكثير من حاجاته السمحة ياريت بكري يعيد النظر فيها )
أنا غايتو يا حيدر ما بتذكر المناسبة شنو والبداية كانت متين لإعطاء الميزات دي
لكن مهما كانت الأسباب، علينا أن نراجع التجربة لتقييم سلبياتها وإيجابياتها ومن ثم تقرير مصيرها
| |
|
|
|
|
|
|
|
|
|
Re: إغلاق البوستات وحذف المداخلات (Re: معاوية الزبير)
|
(و اهو نجرب الثورة فى منبرنا ده و نصدّرا للسودان كمان)
والله فكرة يا جلال
اصلنا مصنفين مناضلين أسافير، خلينا نناضل من أجل أسافير أفضل
(الغريبة البوست الوحيد النسى يطبلو شات ليك منتصر اب سطر زى السلام عليكم)
يا حليلك يا مسيكين ما لحقت تشوف مداخلتيني؟ كَف ختفها زي الفِرّه قبل أن يجف حبرها
الغريبة مداخلتي معاهو كانت عن سبب إغلاق بوست حمور، فجاء الرد
الإغلاق بالإغلاق
| |
|
|
|
|
|
|
|
|
|
Re: إغلاق البوستات وحذف المداخلات (Re: فرح الطاهر ابو روضة)
|
(يا محمد البشرى تحياتي
ابدا انت ليس "صاحبه" ...بل "مفترعه" وتفرق كثير
في اللحظة الانت نشرت فيها البوست في المنبر العام...اصبح هناك مشاركون في موضوع البوست قراء ومتداخلون)
اتفق معاك يا هواري
ياخ مرات الواحد بسكب عصارة فكرو ويعز عليهو أن يُدلق عصيره هكذا هدرا
(دا بهدم اهم ركنين من اركان المنبر العام...هما "حرية التعبير" و "الحوار")
بس ابعد لينا من حرية التعبير دي
الواحد طوالي بقوم يتحسس ميزاتو 
| |
|
|
|
|
|
|
|
|
|
Re: إغلاق البوستات وحذف المداخلات (Re: معاوية الزبير)
|
(اغلاق البوست بتاعي لي الليلة خارب مزاجي
فهو قطع توصيل فكرتي ووضعني في مرمي النيران بقطع تسلسل وجهة نظري كمن يقرأ ولا تقربوا الصلاة)
حارّة والله يا أبو سن
زي زمان لمّا الحبيبة ترجّع ليك جوابك بي زهرتو من غير ما تعرف انت قلت ليها شنو زاتو
لكن اطمنك رسالتك وصلت لمن أصاخ السمع
| |
|
|
|
|
|
|
|
|
|
Re: إغلاق البوستات وحذف المداخلات (Re: حيدر حسن ميرغني)
|
(لا للحذف ولا لوجود امكانية الحذف اساسا
نعم للتصويت
نعم للحوار والحجة والاقناع الكلام القبيح يجب ان يظل عنوانا لكاتبه)
متفق معاك يا محمد الزبير
إذا كانت هناك إساءات تخالف قوانين المنبر يجب تنبيه مدير الموقع لحذفها ومعاقبة كاتبها
ما عارف الجمهوريين المقصودين حذفوا شنو، لكن تربية الأستاذ محمود تقوم على تحمل الأذى والدعوة بالتي هي أحسن
بالنسبة للفيسبوك يجب أن تكون هوية المتداخل معروفة حتى لا يؤذي الناس وهو في مأمن من العقاب
| |
|
|
|
|
|
|
|
|
|
Re: إغلاق البوستات وحذف المداخلات (Re: aydaroos)
|
أظن أنها آلية لخلق منتدى خاص لكل عضو بالمنبر
له نفس خاصية بكري أبو بكر
إلا أنها تكون في حدود دولته الكتابية
وهذا يتعارض مع مفهوم التواجد المنبري الذي من أهم خصائصه إتاحة الفرصة كاملة
للمنشور والقراء
لقول ما يرونه حسب وجهات نظرهم
وعلى الكاتب قبولها كيفما جاءت، وله حق الرد عليها من عدمه
تحياتي واحترامي
| |
|
|
|
|
|
|
|
|
|
Re: إغلاق البوستات وحذف المداخلات (Re: بله محمد الفاضل)
|
لقد اسمعت لو ناديت حيا ... ولكن لا حياة لمن تنادي ...
.
.
عليك الله يا ود البشرى تخيل ميزة حذف المداخلات كانت موجودة في زمن بوست الدرويشة كمثال بس ...
تخيل شكل البوست داك كان حا يكون وعليك الله شوف المتعة الكبيرة المتوفرة في البوست داك مع توفر الرأي والرأي الآخر ...
من يوم تم تفعيل ميزة حذف المداخلات بواسطة صاحب البوست فقد المنبر الكثير من ألقه وأختفت البوستات ذات المتعة العالية ...
عموما أؤيد رأي اخونا جلالدونا وأصوت لصالح منبر بلا استيكة أو مكنسة ...
التحية لاخونا معاوية وضيوفه الكرام ...
.
.
| |
|
|
|
|
|
|
|
|
|
Re: إغلاق البوستات وحذف المداخلات (Re: قسم الفضيل مضوي محمد)
|
هههه بالغت يا قسم الفضيل
لو كانت موجودة ما كان ح يكون في بوست الدرويشة اساسا!! لأنو كانت كفت الناس من كثير من قلّة الأدب و السخف, وما كان احتاج الكثيرين للإختباء خلف أسماء مستعارة يقولوا بيها ما يعجزون عن قوله بأسمائهم الحقيقية
وإن كنت اتّفق معك في مسألة متعة بوست الدرويشة لكن مش عشان الرأي و الراي الآخر ولكن للشو القدّمه الخبير و بعض جمهور الترسو
| |
|
|
|
|
|
|
|
|
|
Re: إغلاق البوستات وحذف المداخلات (Re: بله محمد الفاضل)
|
تحياتي حاتم هوّاري
نعم مفترع تفرق عن صاحب من ناحية نظرية
لكن خليني اسأل سؤال: هل في الفيس بووك توجد خاصية البلوك أو تحديد القراء و المشاركين في بوستات معينة أم لا؟ هل يعتبر هذا نوع من تحديد حرية التعبير!! اي نعم الفيس بووك أساسا مختلف و قائم على الصداقة لكن برضه في بوستات ممكن تختار ان تكون عامة ويراها و يشارك بالتعليق أصدقاء أصدقاءك غير المضافين عندك لو قمت بلّكت واحد من ديل أو حذفت تعليقه او حتى تعليق واحد مضاف عندك هل يعتبر هذا تعدّي على حرية التعبير!!
الشي التاني الناس ما تاخد الموضوع من ناحية نظرية فقط لكن لنستدعي التجارب التي أدّت لتفعيل هذه الخاصيّة, مرّت على البورد تجارب غاية في الألم و الأذى عن مداخلات مسيئة و جارحة تنال من الناس و تقعد لا تاني يوم لحدّي ما بكري يصحى حتى يقوم بمسحها وإزالة الأذى
خلّيك من المداخلات المؤذية ساي واحد فتح كوت وغلبه يقفله بجهجهة أم حلّة البوست كذّلك اضافة صورة كبيرة أو حتى جر الههههههه دي ساي بفتل البوست
مرّة أخطأ احدهم ونس حرف الحاء في عنوان يتحدّث عن حزب الترابي يفعل كذا وكذا !! الناس دي قعدت تتضاير لي تاني يوم ما عارفة تتصرّف كيف و ايّامها العنوان ما بتعدّل!!
دي مجرّد أمثلة لسيناريوهات سمحت ميزات تمكين العضو من إدارة بوسته بتجنبها أو علاجها.
القاعدة الفقهية - دي لمولانا محمد الزبير ههههه - تقول درء المفاسد مقدّم على جلب المصالح
بالفهم دا أقف مع تمكين العضو من إدارة بوستاته خاصة أن المجال مفتوح للآخرين لإفتراع بوستات بماخلاتهم المأستكة أو إكمال مناقشة المواضيع المقفولة أو المحذوفة
يعني لا تعدّي أو منع كامل لحرّية الـ (تبعير) و التصحيف مقصود
هههه يا ود الزبير شنو حكاية من أصحاب الصوت العالي دي, الملافظ سعد و التعابير بخت ياااخ
الصوت المسموع مالها بتأدي المعنى برضك و لطيفة وتفوّت الفرصة على المتربصّين ههه
| |
|
|
|
|
|
|
|
|
|
Re: إغلاق البوستات وحذف المداخلات (Re: محمد البشرى الخضر)
|
الله يديك العافية يا ود البشرى
لقد قلت كل ما كنت أود أن أقوله.. أفتكر إدارة الأعضاء لبوستاتهم مسألة حيوية جدا لأن بكري لا يستطيع متابعة كل البوستات.
أنا أحذف التشويش والتهريج والإغراق والاتهامات الجزافية والتكفير.
ياخ في أناس فهمهم للدين يعطيهم الحق في التكفير والرمي بالزندقة وكمان مستعدين إذا لاقوا الواحد يقوموا بتغيير ما يرونه منكرا بأيديهم.. ديل مافي معاهم نقاش. ممكن يمشوا يفتحوا بوستاتهم الخاصة ويمارسوا فيها مثل هذه الممارسات وبكري مخير معاهم.
ياسر
| |
|
|
|
|
|
|
|
|
|
Re: إغلاق البوستات وحذف المداخلات (Re: Yasir Elsharif)
|
هيثم يا غالي .. سلام
مداخلتك الرئيسية أظنها تخص أخونا محمد الزبير
أنا والله العظيم ما بعرف الفرق شنو بين وهابي وسلفي وأنصار سنة
ليس تقليلا من أحد منهم لكني حقيقة لا أفرز، ولا أشغل بالي بذلك
الدين دا عندي زي الحب العذري.. مناجاة بس
بعد داك اتبع ضميري في سلوكياتي..
أندم معناتا غلطت.. أرتاح معناتا أصبت
أيام رقدة الحادث كنت أقرب إلى الله أكثر من أي وقت في حياتي
وملائكاته بالزي الأبيض يلبين استجابته لدعواتكم ودعواتي
وما لا يزال ساريا من دعوات أمي
---
أما ما يخص
(معاوية يا فردة تحياتي يا انسان
انت اقعد لاوي في اب صلعة دا لامن يلحقك امات طه)
فقد قال حميد
حقك تحرسو ولا بجي .. حقك تلاوي وتقلعو
| |
|
|
|
|
|
|
|
|
|
Re: إغلاق البوستات وحذف المداخلات (Re: Yasir Elsharif)
|
هو تمرين ديمقراطي يا معاوية
اياها الكتابة دي مافي غيرها وبرضو ما متحملين بعض
اكان في اليسار ولا اليمين
من يتحدثون بي اسم الدين او الناكرين له
بتلقاهم في كل الاتجاهات
ماذا لو آل لهم امر الحكم !؟
وبعد ده كلو يتحدثون عن تكميم الافواه واغلاق الصحف
رحم الله مظفر
قتلتنا الردة
قتلتنا الردة ان الواحد فينا يحمل في الداخل ضده
هو الديمقراطية
وتقبل الاخر مع منو
ما اصلا مع الزول الما معاك
مختلف معاك
مش في الهدف بس
بل في الوسيلة زاتها
بل في السلوك
هو لا يقبلك اها بضاعتك الانسانية المتقدمة عليهو شنو !
برضو تقول ليهو انا ما قبلانك
طيب الفرق شنو
ولا توريهو انك متقدم انسانيا عليه
الواقع تجاوز فرض الراي الواحد
| |
|
|
|
|
|
|
|
|
|
Re: إغلاق البوستات وحذف المداخلات (Re: عبدالحفيظ ابوسن)
|
Quote: خلّيك من المداخلات المؤذية ساي واحد فتح كوت وغلبه يقفله بجهجهة أم حلّة البوست
كذّلك اضافة صورة كبيرة أو حتى جر الههههههه دي ساي بفتل البوست مرّة أخطأ احدهم ونس حرف الحاء في عنوان يتحدّث
عن حزب الترابي يفعل كذا وكذا !! الناس دي قعدت تتضاير لي تاني يوم ما عارفة تتصرّف كيف و ايّامها العنوان ما بتعدّل |
دى حاجات يمكن معالجتا بى خاصية التعديل و لا علاقة لها بطل البوست او استكة المداخلة
ود الخدر عاوز بى اى طريقة يكبّر كوم اعتراضاتو
____
شايف فكرة التصويت لقت بعض القبول عليه اقترح فتح بوست يحدد يوم التصويت كأعلان
و ازيد ان يفترع بوست التصويت احد قدامى المحاربين و عضو لفحص المداخلات لابعاد التالف و المكرر من نتيجة التصويت و اعلان النتيجة
و ود الخدر اهل للمهمة دى حسب التجربة السابقة
| |
|
|
|
|
|
|
|
|
|
Re: إغلاق البوستات وحذف المداخلات (Re: جلالدونا)
|
.....ضد إستخدام خاصية الحذف إذا ماصادر حق التعبير وكممت الرأي الآخر ! مع الحد الأدني لإستخدام خاصية حذف المداخلات - في حالة توجهيه إساءات مباشرة وشخصية لصاحب البوست أو الإغراق المتعمد للبوست علي أن يتم تحذير المتعدي وإذا ما أصر وتمادي في تعديه هنا إعتقد الحذف مبرر ! -لا أفهم مطالبة صاحب بوست بترك مداخلة تطعن في شرفه وأمانته وعرضه !
** إغلاق البوست فيه قساوة وعدم إحترام لاراء المتداخليين وعصارة الأفكار والحوار المثمر الذي قد يكون دار فيه وفي تعسف وهضم لحق شخص فقد حق الرد علي محاور ! إن كان لابد من مقص الحذف فليكن جزئيا يطال المداخلات المتعدية ! * أما إذا كان هناك خطأ من مفترع البوست ( البوستتات الخبرية) حيث بني البوست علي معلومة أو خبر خاطئ ورأي إن إستمرار البوست قد يضر فلا بأس!
* أما االإغلاق الجزافي والتعسفي لكامل البوست بدون سبب مقنع ولا إحترام للضيوف فهذا أمر مدان وأعتقد أنه يمكن أن يواجه بالكف عن التداخل مستقبلا مع من يفعل هذا
| |
|
|
|
|
|
|
|
|
|
Re: إغلاق البوستات وحذف المداخلات (Re: جلالدونا)
|
اياهو يا معاوية
اغلاق الصحف ومنع الليالي الثقافية والسياسية
وسجن المعارضة
اياهو زاتو الحذف واغلاق البوست
الديمقراطية وتقبل الاخر سلوك
وحق التعبير كما ذكرت في البوست الما سمعن بيهو بناتو عمو
مع حرية التعبير
مع حرية الرد
مع تحمل المسؤولية ايا كانت
| |
|
|
|
|
|
|
|
|
|
Re: إغلاق البوستات وحذف المداخلات (Re: muntasir)
|
من أكثر اللحظات التي استمتعت بها بالمنبر، حذفي لمداخلات بعض الأخوة، يقوم تاني يتداخل، تاني أحذفها زي خمسة ستة مرات
بعد عيوني يحمروا من السهر؛ بقفل البوست
تاني يوم ما بفتح بوست ردّة الفعل، بفتحو اليوم البعدو
طرح أفكار مستنيرة، ومداخلات خالية من المجاملة
تبيح للمستنير ما لا يباح للعامة
| |
|
|
|
|
|
|
|
|
 Re: إغلاق البوستات وحذف المداخلات (Re: muntasir)
|
هلا
المنبر دا يا معاوية زي السودان مر بمراحل كتيرة من ديمقراطية إلى شمولية 
ولكل مرحلة الآكشن الخاص بيها وهنا تكمن روعة المشهد
مرحلة الاسماء المستعارة ومرحلة المعيار ومرحلة الحردان الكبير ومرحلة الفيسبوك واخير مرحلة الاستيكة
الاستيكة منغصة بالتأكيد وبتسبب الجضمارة
ياخ فرانكلي أيام كدا عمل لناس هيثم ومنتصر وجلالدونا نفسيات عديل
ومن هنا ضد الاستيكة
| |
|
|
|
|
|
|
|
|
|
Re: إغلاق البوستات وحذف المداخلات (Re: حمد عبد الغفار عمر)
|
ماياها يا بكري عباس
الرؤية الاحادية
تراها استنارة ويراها غيرك ظلامية
تري نفسك ليس مثل احدهم
وكذلك الاخرين
ان كل ظلام العالم عاجز عن اطفاء نور شمعة
الاستنارة ان تتحمل ظلام الاخرين حتي تقودهم للنور
او
يقودوك !!
لعلك في ظلام كبير وتحسب انه النور لأنك لم تدع نفسك ان تر نورا اعظم منه
لذا
تقبل الاخر ليتقبلك
| |
|
|
|
|
|
|
|
|
|
Re: إغلاق البوستات وحذف المداخلات (Re: عبدالحفيظ ابوسن)
|
أقصد يا أبسن،
كثير من مداخلاتي في بوستاتهم أو بوستات أخرى تغضبهم، فيأتون لمفترع أفترعته لتخريبه وليس للحوار؛ فأقوم بممارسه هذا النوع من الدفاع.
الجميع هنا مقتنع قناعة لا يدخلها شك بقوة حجتي ونصاعة فكرتي في الحوار
يعني أنا بفسر سحبي للمداخلات بعجز للطرف الآخر
زول بدأ يستعمل الحجار في الحوار، تعمل ليهو شنو؟
| |
|
|
|
|
|
|
|
|
|
Re: إغلاق البوستات وحذف المداخلات (Re: أبوبكر عباس)
|
ود الفرق بينك وبينهم
انت تدعو للعقل والمنطق والحجة ليس انصع من ان توضح انهم لا يستعملون عقولهم مرتكزا علي حصبهم لك بدلالة وجود حجارتهم في مرمامك
يا بكري من يقرأون مئات امثال من يقرأون .. بل آلاف من يقرأون ليسو بأعضاء هنا
هم من تتوجه إليهم لا هؤلاء من يناصبونك العداء والعكننة هذا ان كنت تريد ان تحمل مصباحك
تعرف
لايعوزك الذكاء ولا الدهاء ان تحول السلاح المصوب نحوك .. تحوله نورا يثقب من تحسبه ظلام عقولهم
معاك تماما بعض المتداخلين يريدون ان يصرفوك نحو ميدانهم
ولست انا من ينصحك ولكن اقول دوما
حارب في ميدانك وبأسلحتك التي تعرفها
لافي ميدانهم ولا اسلحتهم التي يعرفون
من كان سلاحة نصاعة المنطق وموضوعية الحجة وليس بلاغتها لن يعجزه الرد
اها نسيت
الصمت والانصراف عنهم رد
يوجد كثر من يجيدون القراءة وبالذات قراءة الصمت ترفعا
عموما
ضد اغلاق البوستات وحذفها وضد الاستيكة
مع حرية الرد
ان كفلت لهم ان يكتبوا فقط ساويني بهم ان ارد
ويظل الارشيف باقيا ان يأتي اقواما غيرنا يقرأون ويفقهون
| |
|
|
|
|
|
|
|
|
|
Re: إغلاق البوستات وحذف المداخلات (Re: أبوبكر عباس)
|
يعني يا ابوبكر اذا في زول بيستخدم الحجار ويرميك بيهم في الحوار
حتعمل شنو ؟ طبعا مافي حل غير تقفل الباب في وشه عشان ما تتعوق
نفسيا ...لان الكلمة الشينة اشد ضررا من الحجار....
وطبعا برضه ممكن تختلف مع من تحاوره بدون ما تستخدم الحجار ...
وتستعمل الكلمة الطيبة...
وود ابو سن عنده مقولة بتقول: الكلمة الطيبة معطت شنب الاسد
ودمت بالف خير
| |
|
|
|
|
|
|
|
|
|
Re: إغلاق البوستات وحذف المداخلات (Re: Basamat Alsheikh)
|
تشكري بسمات
امي فاطنة بت حليمة عليها رحمة الله وغفرانه
بتقول لي كتير لامن ازعل من زول ومن مكايدو وغلطو علي
قابلو بالبيضا .. البيضا بتغلب السودا
واهلنا بقولو النية السودا والنية البيضا
انت يا الابيض ضميرك صافي زي قلب الرضيع
| |
|
|
|
|
|
|
|
|
|
Re: إغلاق البوستات وحذف المداخلات (Re: عبدالحفيظ ابوسن)
|
ود الزبير يا جميل لك التحية ولضيوفك
لا اود تحريف بوستك ولكني قصدت الأخ ياسر الشريف مثالا لضيق الجمهوريين من الحريات فقد عمد الى مسح كل مداخلاتي من بوستاته بالرغم من انني لم اشتم ولم اسيئ الى احد في تلك المداخلات علما بانه يحاورني في بوستات الآخرين !!!!
لو يا ياسر كل انسان تحذف مداخلاته يروح يفتح بوست يبقي مافيش داعي للحوار ، المنبر يبقي زي التلفزيون تعاين او تغادر تمشي تعمل محطة خاصة .
| Quote: المهم هو الذي يجمعهم مع بعض ويجمعهم حتى مع الشيعة.. واسأل أي واحد منهم "ما هو الموقف من الذي يخرج من الإسلام ويروِّج للخروج من الإسلام؟؟".. أي واحد من ديل سوف يقول أن حكمه القتل. نعم هناك من يقولون أن قتل المرتد يقوم به الحاكم (الإمام). وطبعا حكاية حاكم دي مسألة مطاطة شوية. ممكن أي زول يسطو على الحكم ينصَّب نفسه إماما.. البغدادي مثال والنميري مثال والبشير مثال. لو أخذنا بس الموقف من المرتد نستطيع أن نقول أن أي دعوة تنادي بقتل المرتد يمكن تصنيفها بالإرهاب |
كلامك هذا اكبر دليل على تناقضات الجمهوريين وكيلهم بمكيالين طيب مش استاذك كان مؤيد النميري الذي سطا على الحكم طول عمره ؟؟؟
لماذا ايد الأستاذ انقلاب النميري ، ليتخلص من خصومه فقط !!
طيب انت الآن تنادي بتصنيف خصومك بالارهابيين وطيب فرقك منهم شنو انت تستقوي بالحكومات على خصومك وهم يفعلون كذلك .
وبعدين الردة دي هي حكم الشريعة باعتراف الفكر الجمهوري يبقى أي انسان غير مقتنع بالفكر الجمهوري يظل على الشريعة التي تقول بقتل المرتد المشكلة شنو عشان يبقى إرهابي وهل كان نبينا إرهابيا يوما ما ؟؟
وهل الله تعالى شرع الإرهاب يوم كانت الشريعة محكمة وحاكمة قبل ان ينسخها نبي القرن العشرين ؟؟
انت لو حاضر الرسالة اكيد كنت بتنادي بتصنيف الرسول إرهابي بي منطقك دا يا ياسر .
آسف يا ود الزبير للخروج عن المسار الذي اقتضه ظروف المداخلات ..
تحياتي
| |
|
|
|
|
|
|
|
|
|
Re: إغلاق البوستات وحذف المداخلات (Re: Basamat Alsheikh)
|
Quote: يا ابو بكر
انا لسع ما رموني بالحجار
لكن بت السيد رموها بكرات النار
|
Basamat
time to let go ya bittana, this will not help heal any wounds
I am not sure what are you expecting to happen
؟You are doing the same things, are you expecting different results
__________________________________________
*Sorry no Arabic computer and my cell is dead.*
| |
|
|
|
|
|
|
|
|
|
Re: إغلاق البوستات وحذف المداخلات (Re: Basamat Alsheikh)
|
| Quote: يا ابو بكر انا لسع ما رموني بالحجار لكن بت السيد رموها بكرات النار |
يابت اخوى ماتقولى عمكن خلاكَن براكَن
كتبت ليكن فى أكتر من بوست لكن الظاهر ماشفتنها
وعلى العموم ,, ماتخلَن اللى اتكتب يؤثر عليكن
والبرشكن باللبن بنروشو بالدم
حَوِّلن الكلام السالب لطاقة ايجابية ..
بكور ده ماتشتغلى بيهو بكور ده اصلو عامل زى كديبا
قون مازيمبى.
هييييع انا الرضعان فوق الخُلال
| |
|
|
|
|
|
|
|
|
|
Re: إغلاق البوستات وحذف المداخلات (Re: Basamat Alsheikh)
|
.....تحياتي أخ عبد الحفيظ أبوسن
| Quote: عموما ضد اغلاق البوستات وحذفها وضد الاستيكة مع حرية الرد ان كفلت لهم ان يكتبوا فقط ساويني بهم ان ارد ويظل الارشيف باقيا ان يأتي اقواما غيرنا يقرأون ويفقهون , |
ضد إستخدام خاصية الحذف إذا ماصادر حق التعبير وكممت الرأي الآخر !
ونقول الإغلاق الجزافي والتعسفي لكامل البوست بدون سبب مقنع ولا إحترام للضيوف فهذا أمر مدان
نعم نقر بأن إغلاق البوست فيه قساوة وعدم إحترام لاراء المتداخليين وعصارة الأفكار والحوار المثمر الذي قد يكون دار فيه وفي تعسف وهضم لحق شخص فقد حق الرد علي محاور
>>>>>>>>>>>>>.
مقدمة لابد منها
شخصيا لم يحدث أن أغلقت بوست يخصني وكذلك لم أطالب الإدارة بحذف بوست يخصني ولا أذكر إني إستخدمت خاصية الأستكة ضد أحد ولا أذكر إنها إستخدمت ضدي ولكن مع هذا أقول
(مع الحد الأدني لإستخدام خاصية حذف المداخلات - في حالة توجيه إساءات مباشرة وشخصية لصاحب البوست أو الإغراق المتعمد للبوست علي أن يتم تحذير المتعدي وإذا ما أصر وتمادي في تعديه هنا إعتقد الحذف مبرر ! الظلم حار والتعدي الشخصي مرير لايحسه إلا من إكتوي به لذا -لا أفهم مطالبة صاحب بوست بترك مداخلة تطعن في شرفه وأمانته وعرضه ! نعم ..ضد إستخدام خاصية الحذف إذا ماصادر ت حق التعبير وكممت الرأي الآخر ! الإغلاق الجزافي والتعسفي لكامل البوست بلا إحترام للضيوف وبدون سبب مقنع فهذا أمر مدان وأعتقد أنه يمكن أن يواجه بالكف عن التداخل مستقبلا مع من يفعل هذا قلت
| Quote: إغلاق البوست فيه قساوة وعدم إحترام لاراء المتداخليين وعصارة الأفكار والحوار المثمر الذي قد يكون دار فيه وفي تعسف وهضم لحق شخص فقد حق الرد علي محاور ! إن كان لابد من مقص الحذف فليكن جزئيا يطال المداخلات المتعدية !, |
الخلاصة من التعسف بمكان والمزائدة توصيف شخص تم الطعن في شرفه وأمانته بأنه يصادر حق التعبير وحرية الرأي الآخر لمجرد أنه حذف مداخلات عضو تعدي عليه- تعدي تحاسب عليه القوانين - أو طالب الإدارة بالحذف ومحاسبة الجاني ! ملاحظة أنا هنا أتحدث عن التعدي الشخصي السافر والمباشر لا عن نقد الشخص أو حتي ممارسة الخشونة اللفظية معه ! * تاريخي الشخصي في هذا المنبر أمتد لأكثر من 15 عاما تابعت خلالها تعدي شخصي ومباشر مس الشرف والعرض لبعض الأعضاء - وقد أدي هذا لإنسحاب كثيرا من الأعضاء والإنزواء وتشويه سمعة الإعضاء ! - وشاهدت البعض يصف آخر بأنه عبد وفرخ ويتلفظ بعنصرية سافرة فهل نقول للضحية لا تحذف شئيا لاتطالب بحذف وأترك التعدي يترسخ ! أترك هذا فهذه حرية تعبير وهذه هي ضريبة الرأي والرأي والآخر والحرية؟؟ - ..........
الضمير والمسؤلية يجب أن تشكل سياج يحصن ضد التعدي الشخصي وذلك قبل القوانين واللوائح !! العدل والعدالة قيم إنسانية سامية وحق الدفاع ( بكل الوسائل الأخلاقية والقانونية المتاحة) حق الدفاع عن الذات ضد التعدي الشخصي حق مشروع
:
| |
|
|
|
|
|
|
|
|
 Re: إغلاق البوستات وحذف المداخلات (Re: كمال عباس)
|
الأخ محمد الزبير محمود
السلام عليك
Quote: لو أخذنا بس الموقف من المرتد نستطيع أن نقول أن أي دعوة تنادي بقتل المرتد يمكن تصنيفها بالإرهاب كلامك هذا اكبر دليل على تناقضات الجمهوريين وكيلهم بمكيالين طيب مش استاذك كان مؤيد النميري الذي سطا على الحكم طول عمره ؟؟؟
|
الأستاذ محمود أيد النميري لأنه أوقف المشروع الآخر وهو فرض حكم إسلامي بالفهم السلفي على يد الأخوان المسلمين والطائفيين. وعندما صار النميري نفسه مهووسا ونصب نفسه إماما وبايعه الأخوان المسلمون عارضه الأستاذ محمود وكان مستعدا لدفع حياته في سبيل تلك المعارضة. ليس هناك تناقض إطلاقا في موقف الأستاذ.
| Quote: طيب انت الآن تنادي بتصنيف خصومك بالارهابيين وطيب فرقك منهم شنو انت تستقوي بالحكومات على خصومك وهم يفعلون كذلك . |
من يعترض على حرية الناس في الاعتقاد ويدعو إلى قتل المرتدين الذين يخرجون من الإسلام ويروجون للخروج، هذا إرهابي بدون كلام. وهذا سيكون واقع عليكم مواجهته، أو التنازل عن هذا الموقف بعقلانية. الكلام دا أنا كررتو كتير وهو ليس استقواء بالحكومات. هو استقراء لما يجري فقط.
| Quote: وبعدين الردة دي هي حكم الشريعة باعتراف الفكر الجمهوري يبقى أي انسان غير مقتنع بالفكر الجمهوري يظل على الشريعة التي تقول بقتل المرتد المشكلة شنو عشان يبقى إرهابي |
أنا ما عارف إنت ما قادر تفهم المسالة دي ليه؟ الردة حكم الشريعة نعم، ولكنها الآن غير صالحة، وتطبيقها تزييف للدين ووقوف في وجه عرف صالح هو العرف المعروف الذي أقر حرية الاعتقاد وحرية تغيير الاعتقاد (الإعلان العالمي لحقوق الإنسان المادة 18 و 19). "كنتم خير أمة أخرجت للناس تأمرون بالمعروف وتنهون عن المنكر".. قتل المرتد اليوم منكر، وحرية الاعتقاد معروف وعرف صالح وممتاز.
قولك:
Quote: وهل كان نبينا إرهابيا يوما ما ؟؟وهل الله تعالى شرع الإرهاب يوم كانت الشريعة محكمة وحاكمة
|
أستغرب كيف فات عليك ما تقوله الفكرة الجمهورية في هذا الخصوص. تطبيق النبي عليه الصلاة والسلام في القرن السابع للشريعة بما فيها قتل المرتد وقتال المشركين وأهل الكتاب لم يكن إرهابا وإنما نزول عند حكم الوقت. ولكن من يحاول أن يطبق أوامر الشريعة هذه في يومنا هذا هو الإرهاب بعينه.
قد لا يقنعك هذا الذي أقوله. ولا أملك لك شيء.
لكن فقط أرجو أن تعرف بأن العالم كله سوف يصطف لمحاربة الإرهاب. وأنا أرجو ألا يحتاج المسلمون للدخول في مثل هذه الحرب.
ياسر
| |
|
|
|
|
|
|
|
|
|
Re: إغلاق البوستات وحذف المداخلات (Re: Yasir Elsharif)
|
معاوية الزبير تحياتي و سلامي للجميع
عارف يا ود البشرى موضوع التفاهات و قلة ادب البعض، الدايما يطالب الناس من بكري بحذفها حتي قبل اتاحة الخاصية للاعضاء، هذه التفاهات حتي ان كانت ضدي انا شخصيا كنت سوف امانع و ارفض حذفها، حتي تكون شاهدا علي تفاهة و وضاعة قائلها
واحد تافه حقير يفك اخرو و يظهر علي حقيقتو، يجي بكري يحذف عفنو و ما تقيأه، يختفي يوم يومين، و يخلي هدومو الهرى فيها و وسخها في خور بكري، و يلبس ليهو جلابية بيضاء و مكوية و يجر ليهو سبحة و يعمل لينا فيها مصلح اجتماعي
بالله في مهذلة اكتر من كدا
| |
|
|
|
|
|
|
|
|
|
Re: إغلاق البوستات وحذف المداخلات (Re: ناصر جامع)
|
حاجة تانية برضو يا ود البشرى
انا لي اكتر من 13 سنة في حوش بكري دا يوم واحد ما كتبت كلمة انا ما قاصدا تماما. و مداخلاتي التي عدلتها في كل هذه السنوات لا تتعدى أصابع اليد الواحدة
عارف ليه؟
لأنو الكلمة مسؤولية.
يجي واحد متهور، غبي، جهلول، يسب الناس يمين و شمال و يقل ادبو علي الناس
و برضو يغيب يوم يومين، و يجي يفتح بوست اعتذار و يبقي بطل قومي بين ليلة وضحاها. و تسمع كلمات الإطراء و الشكر و يا كبير و يا شجاع و كلام فارغ كتير حتي يشهيك تبول في راس واحد منهم و تجي بكرة تعتذر، عشان تبقي بطل قومي
| |
|
|
|
|
|
|
|
|
|
Re: إغلاق البوستات وحذف المداخلات (Re: ناصر جامع)
|
تحياتي كمال
وحبابك
تعرف اي كتابة وان تم حذفها بكون في ناس قروها
الفكرة انو تظل هذه الكتابة موجودة . ويكون الرد عليها موجودا . الرد ايا كان قانوني او موضوعي
اي عنصرية بتولد عنصرية مضادة كدة الامر .. لامن تلقي كلام عنصري من شخص ابحث سوف تجد انه ردا علي عنصرية اخري في مكان ما . وذلك غالبا وفق ملاحظتي هنا
ف الفكرة شنو
ان تجد التهمة والرد عليها
الاساءات الشخصية بهذا المنطق يمكن ان اكتبها في غير بوستك ولن تستطيع لها حذفا
مع التأكيد التام بمنع التناول الشخصي والاساءة الشخصية والنبش في تاريخ الاسر
ويجب ان تكون تلك مسؤولية الادارة حال الانتباه لها او نبهت لها
مع توجيه مباشر منها ليعرف الناس ان ذلك مخالف
| |
|
|
|
|
|
|
|
|
|
Re: إغلاق البوستات وحذف المداخلات (Re: عبدالحفيظ ابوسن)
|
تحياتي بسمات
وحبابك
اظن نفسي شخصا يحترم كلمته . واسعي نحو قيم تشرفني
تركت بوستي عن اميرة احتراما لوشائج المحبة والمودة والحب
سأقول مبتسرا لم اقف ضد اميرة ولم انصر عثمان
بل ابنت وجهة نظري في الحقوق المتساوية
ومن المربك ارباكا شديدا
ان ير عثمان ايضا ذلك حسب ما وصلني
اديك مثال منفلت جدا ومتطرف
النقول بتي في مكان عام قالت معلومة اراها خطأ او كان منطقها مرتبكا
صدقيني سأرد لها
وتظل بنتي التي احبها
بلغيها محبتي
وايضا محبتي لعثمان
| |
|
|
|
|
|
|
|
|
|
Re: إغلاق البوستات وحذف المداخلات (Re: عبدالحفيظ ابوسن)
|
برضو لم استخدم الاستيكة ابدا
ولم احذف بوستا
كتبت مرة بوستا وكان فيه معلومة خطأ وطلب مني حذفه ورفضت .. ليذكرني دوما بخطأي
لا اعدل ابدا ابدا إلا كلمة شيئا كتبت خطأ وغيرت المعني او خاطبت عضوا بغير اسمه
للاسف اكتب مباشرة علي المتصفح
وقبل كدة طالبت بكري يتبرع لي بي لاب توب
ما كتير علي يا بكري ياخ
| |
|
|
|
|
|
|
|
|
|
Re: إغلاق البوستات وحذف المداخلات (Re: عبدالحفيظ ابوسن)
|
Quote: أعتقد أن إعطاء صاحب البوست حق إدارته من تحديثات المنبر المفيدة.
المنبر مفتوح لمن أراد أن يفتح بوست آخر ويكتب فيه ما يريد. |
أهلا دكتور ياسر الشريف
معليش للتشبيه لكن، نظريتك دي بتذكّرني بالجيران الفسلين البجيبوا صوانيهم في صيوان العزاء
ويقعدوا ياكلوا فيها براهم
| |
|
|
|
|
|
|
|
|
|
Re: إغلاق البوستات وحذف المداخلات (Re: معاوية الزبير)
|
ولمن هي تكتب معلومة خطا يصفونها بالجهل وبصفات قبيحة...
ولا يصححوا ليها المعلومة بكلام غير النبذ والشتيمة ...والحاجة
الغريبة ان المعلومات الخطا عن امريكا....وكان امريكا هي نهاية
الدنيا والدولة المثالية ...وفي ناس تانين كتبوا عن امريكا وقالوا
فيها كلام كتير ومافي زول اتعرض ليهم وشتمهم من المتامركين
...والشئ الاغرب ان اصحاب الحق انفسهم انتقدوا بلدهم وانتقدوا
سلبيات بلدهم وهناك من يعشق امريكا والنظام الامريكي النموذجي
ولا يرى اي سلبيات ....ولكن اصحاب الحق انتقدوا الرئيس ترامب
حين قال ايام الحملة الانتخابية انه سيضع كاميرات في المساجد لمراقبة المسلمين ...
.المعلومات الخطا يا ود ابو سن ما بيصححوها بالشتائم الا اذا كان هناك غرض ...
ودمت بالف خير
| |
|
|
|
|
|
|
|
|
|
Re: إغلاق البوستات وحذف المداخلات (Re: عبدالحفيظ ابوسن)
|
د ياسر الشريف وعليكم السلام
اذن ما المانع في ان نتحاور في بوست منفصل تفترعه او افترعه عن الفكرة والتزم لك بكل القواعد والشروط التي تضعها؟
انا جاهز ويشرفني قبولك للفكرة، وشروطك اوقع عليها كلها قبل ان تكتبها وفي انتظارك
تحياتي
| |
|
|
|
|
|
|
|
|
|
Re: إغلاق البوستات وحذف المداخلات (Re: معاوية الزبير)
|
Quote:
(اليوم أصبح البوست بمثابة عمود في جريدة الكترونية يتيح للأعضاء حق إبداء الرأي دون اي حواجز او عقبات يفرضها مبتدر البوست)
---------
خخخخخ ودا السبب على ما اعتقد اللي أبعد بعض
المتصيحفين من الكتابة في المنابر ومواقع التواصل الإجتماعي
في الجريدة ينظروا ويكضبوا ويألفوا ويتفلسفوا زي ما عايزين |
وزمان يا طلحة الردود على مقالات الصحفيين كانت بتجي عن طريق البوستة
يعني لمّا ردك يصل (إذا وصل) يكون صاحب المقال تجاوز المرحلة وبدّل جلدو
دا لو ما المُرسل هو زاتو بدّل رايو بمرور الزمن
أها ارتقيت من الليق للدرجة التالته ولّ لسه بتكافح
| |
|
|
|
|
|
|
|
|
|
Re: إغلاق البوستات وحذف المداخلات (Re: معاوية الزبير)
|
Quote: أظن أنها آلية لخلق منتدى خاص لكل عضو بالمنبر
له نفس خاصية بكري أبو بكر
إلا أنها تكون في حدود دولته الكتابية
وهذا يتعارض مع مفهوم التواجد المنبري الذي من أهم خصائصه إتاحة الفرصة كاملة
للمنشور والقراء
لقول ما يرونه حسب وجهات نظرهم
وعلى الكاتب قبولها كيفما جاءت، وله حق الرد عليها من عدمه |
شكرا لهذا الفهم عزيزي بلة الفاضل
ضف إلى ذلك الإحساس بالإهانة عند صاحب المداخلة المحذوفة عندما يكون تعليقه خاليا من أي إساءة
أو أؤلئك الذين انتظروا منك تعليقا على مداخلاتهم فإذا بك تغلق البوست دون اعتبار لكلمتهم!
| |
|
|
|
|
|
|
|
|
|
Re: إغلاق البوستات وحذف المداخلات (Re: معاوية الزبير)
|
ود الزبير
ممكن نقترح محكمة اسفيرية من عدة أعضاء ونعمل بوست مثبت بمثابة بوابة المحكمة يتقدم كل عضو متضرر بشكوى فتنظر المحكمة في الامر وقد تحذف المداخلة، تقيد مداخلات الكاتب، توقفه لفترة ، تجمد نشاطه !!!
بس ما تكون زي محكمة اوكامبو تستثني ناس دينق!!!
تحياتي
| |
|
|
|
|
|
|
|
|
|
Re: إغلاق البوستات وحذف المداخلات (Re: معاوية الزبير)
|
Quote: من يوم تم تفعيل ميزة حذف المداخلات بواسطة صاحب البوست
فقد المنبر الكثير من ألقه وأختفت البوستات ذات المتعة العالية ...
عموما أؤيد رأي اخونا جلالدونا وأصوت لصالح منبر بلا استيكة أو مكنسة ... |
أشكرك يا قسم الفضيل وننتظر منك تصميما فنيا للبوست المقترح بالتصويت على مسألة الحذف والإغلاق
| |
|
|
|
|
|
|
|
|
|
Re: إغلاق البوستات وحذف المداخلات (Re: Hatim Alhwary)
|
Quote: .....ضد إستخدام خاصية الحذف إذا ماصادر حق التعبير وكممت الرأي الآخر !
مع الحد الأدني لإستخدام خاصية حذف المداخلات - في حالة توجهيه إساءات مباشرة وشخصية لصاحب البوست
أو الإغراق المتعمد للبوست علي أن يتم تحذير المتعدي وإذا ما أصر وتمادي في تعديه هنا إعتقد الحذف مبرر !
-لا أفهم مطالبة صاحب بوست بترك مداخلة تطعن في شرفه وأمانته وعرضه ! |
وجهة نظر مقدرة يا كمال عباس
لكن في حال طرح المقترح للتصويت (أاشك في ذلك) ومهما كانت نتيجته
يصبح من الصعب الأخذ بالاعتبار كل وجهات النظر
شخصيا أقترح معاقبة كل مسيء بعقوبات رادعة
أظن الإساءات الشخصية واضحة ولا يماري فيها إلا زول متلقي حجج
وبيننا قضاة وخبراء في القانون
| |
|
|
|
|
|
|
|
|
|
Re: إغلاق البوستات وحذف المداخلات (Re: معاوية الزبير)
|
Quote: سلام معاوية أيام رقدة الحادث ديك إسمها خوفة ما مناجاة
أوع تكون بعت السبحة
😀خلاص رجع لينا كتبنا المستنيرة وانت قايل كنا بنديك ليها ليه |
أصلا مناجاة الله يا muntasir بتكون في لحظات الهلع والخوف
شفت ليك زول بناجي ربه في حفلة عرس
السبحة موجودة، لكن الفقهاء قالوا الأكل بالأصابع أبرك من الأكل بالشوكة والسكين
| |
|
|
|
|
|
|
|
|
|
Re: إغلاق البوستات وحذف المداخلات (Re: معاوية الزبير)
|
كل زول يكتب حاجة هو مسئول عنها و عليه تحمل تبعاتها ، دي مفروغ منها
الإساءات الشخصية و قلة الأدب تأثيرها ما على الشخص السبوه بس لأنو كتير من الأسر متابعة و بتقرأ
المفروض كل المكتوب يظل محفوظ و ما يُمسح
لأنو الشايفو كل من يضيق بالرأي الآخر طوالي يمسح
بدل ما ندي صاحب البوست الحق في المسح ، لييه ما تكون بدلها أيقونة ( للمسجلين فقط ) يعني محجوبة لغير الأعضاء و تظل في وش من أساء و قل أدبو
و يستخدمها صاحب البوست فقط
ما عارف إذا في إمكانية زي دي و لا لا
في بعض المواقع قراءة الموضوع للمسجلين فقط
| |
|
|
|
|
|
|
|
|
|
Re: إغلاق البوستات وحذف المداخلات (Re: حيدر حسن ميرغني)
|
Quote: طرح أفكار مستنيرة، ومداخلات خالية من المجاملة
تبيح للمستنير ما لا يباح للعامة |
اتلهي يا ديوجين زمانك
--------
سؤالك مرتد إليك انت يا هواري
بيني بينكم أحيانا مداخلات المستنير تستثير شهوة الحذف
لولا إنو الزول بستعين بقراءة الإخلاص تلاته مرات
| |
|
|
|
|
|
|
|
|
|
Re: إغلاق البوستات وحذف المداخلات (Re: حيدر حسن ميرغني)
|
| Quote: دى حاجات يمكن معالجتا بى خاصية التعديل و لا علاقة لها بطل البوست او استكة المداخلة ود الخدر عاوز بى اى طريقة يكبّر كوم اعتراضاتو |
يا شيخ تعدّل كيف في مداخلة زول تاني؟ قول سيد المداخلة خلّى الكوت فاتح قاصد أو نسى ومشى نام وكذا جرّة الهاء أو غيرها... تقعد ترجى فيه لامن يصحى!
ثم شنو أكبّر الكوم دي! الخواص دي ما منحت عبثا بل بعد قريب عقد من الزمان من المنابرة وخلاصة تجارب ومعاناه عاشها الزملاء و مدير الموقع وقد نجحت في الحد من كثير من الشكاوي و النزاعات
ثم ارجع للقاعدة الفقهية القبيل دفع المفاسد مقدّم على الإحتفاء بمداخلات مهما قيل عن انها عصارة فكرية و المجهود المبذول فيها فهي لا تعدو ان تكون آراء كاتبها يمكنه اعادة قولها في اي مكان آخر - ما لم يكن لافحها - ولا داع للتباكي عليها كأنّها بحوث عظيمة من أو اعمال فكرية نادرة لمفكرّي عصر النهضة!!
تحياتي دكتور ياسر و شكرا على الدعاء وربنا يجزيك مثله
سلامات ناصر جامع
مع وجاهة منطقك لكن فر رأيي إزالة الأذى أفضل, خاصة إذا كان البوست يتناول موضوع يهم الكثيرين و المداخلة المحذوفة تمثل إلهاء و قطع تسلسل افكار أو نقاش حسب تقدير كاتب البوست
مرّة ثانية كامل الإتفّاق مع مسؤولية الكلمة وكونه الواحد محاسب على ما يكتبه كما يحاسب على ما يقوله
بالنسبة لمقترح التصويت, رغم قناعتي أن لا جدوى منه باعتبار المادة واحد ههه
لكن من ناحية ممارسة وكدا, هذا التصويت يتعلّق بنزع حق العضو في إدارة بوسته, حاجة كدا زي نزع حق الإنسان في اختياراته, هل ينفع نصوّت على حقوق زي تاكل شنو أو تلبس شنو
أو على حقوق مجتمع زي الحرية مثلا...
| |
|
|
|
|
|
|
|
|
|
Re: إغلاق البوستات وحذف المداخلات (Re: محمد البشرى الخضر)
|
يقولون الضربة التي لا تميتك تقويك ..
كيف يعني ؟
يعنى بتنبهك للحتة الغفلت منها ؤجاتك من تالاها الضربة ..
إذا سديت الثغرة الدخل بيها ؤمضيت في حجتك تبقى الضربة قوتك ..
أما لو ضايرت روحك تكون فعلا الضربة قتلتك ..
طيب مين قال ليك الإساءة ضربة ؟
هي كذلك لإنو المتداخل لما تبقى كل حجته تحقير شخصك والإساءة لك ..
بتطلع إنت بمفهومين ..
الأول : زي ما قلت فوق بتعرفك بكان غفلتك او الحتة الضعيفة في حجتك ..
التاني : إن ما كانت في غفلة بتعرفك إفلاس هذا الآخر وسبب لجوءه للإساءة الشخصية ..
بس في ناس كتيرين بفسروا الحجة القوية المفندة لضعف رؤيتهم تحقير وإهانه لهم ..
ومن باب الانتصار لكرامتهم يحذفون مداخلتك ؟
طيب ما ياهو دا موضوع البوست دا تحديدا..
باختصار ..
الاستيكة بتفقد المنبر أهم ما كان يميزه عن المنابر الأخرى ..
التدرب على قوة الاحتمال وتعلم محاورة الآخرين.
التحايا مقدما ليك يا ود الزبير ولزوارك الأكارم ..
(الأكارم) دي ما تاخدوها بتخريج صاحبي المستنير المجغمسة ديك.
| |
|
|
|
|
|
|
|
|
|
Re: إغلاق البوستات وحذف المداخلات (Re: معاوية الزبير)
|
بعد داك اتبع ضميري في سلوكياتي.. أندم معناتا غلطت.. أرتاح معناتا أصبت
كلامك الفوق ده يا ود الزبير فيه حديث شريف يقول الرسول عليه الصلاة والسلام
إذا سرتك حسنتك وسائتك سيئتك فأنت مؤمن) بالله شوف الدين ساهل كيف
قلت لي زميل مولانا يوم رياضة مباركة يا شيخ قال يوم الثلاثاء يوم خلق فيه الشر
قلت ليه فعلا كلامك صح حتي طلع يوم فلنتاين هههههههه
أها طلقت رجلنيك شوية ولا قاعد زينا تحت البطانية هههههههه
لي موضوع بوستك ده غايتو أنا مع القطيع في الضد ههههه
ناس منتصر ودكتور محمد الحسن ديل الواحد بقي يشوفهم من رمضان لرمضان
شوفو لينا لمة تانية غير فطور رمضان داك
سلام وتحايا لجميع ضيوف البوست
| |
|
|
|
|
|
|
|
|
|
Re: إغلاق البوستات وحذف المداخلات (Re: حيدر حسن ميرغني)
|
ضربت مثل ببنتك وقالت معلومة خطا في مكان عام يا ود اب سن
وقلت حترد ليها...
فلتفرض ان بنتك يوم قالت ليك يا ابوي انا شايفة انك كل يوم بتقول اللهم صلي
على سيدنا محمد.....محمد شنو البتصلي عليه ده راجل مجنون وقاطع طريق
وانت صدقت انه نبي ..وبدات بنتك تشتم وتصف الرسول الذي تؤمن به بافظع
الصفات ...انت حتقوم تشكر بنتك وتقول ليها يا سلام يا بنتي انت اديبة ومفكرة
و كلامك كلام عقل....
فلا مجال للتسامح يا ود اب سن في موضوع يخص الدين والعقيدة....
اما مواضيع الدنيا والكلام الما عنده موضوع امريكا والكلام الفاضي فليست
ذات اهمية كبيرة ويمكن التسامح فيها لانو يجوز فيه الخطا ويجوز فيه الصواب
ودمت بخير
| |
|
|
|
|
|
|
|
|
|
Re: إغلاق البوستات وحذف المداخلات (Re: Basamat Alsheikh)
|
تعرفي يا بسمات انت ضربتي مثل متطرف جدا لم يدر بذهني ابدا
لكن اقول ليك
الحوار بيني واطفالي ليس له سقف .. يمكن مناقشتي في كل امر والاعتراض حتي علي اوامر بالمنطق .. المنطق الذي يرونه مقنع .. وانا اناقشهم بمنطقي . لا افرض امرا دون سبب
وموضوع الدين دة لايمكن ان يسب واحدا من اطفالي الدين . ابدا لكنهم يمكن ان يناقشوا الدين .. اي نقاش يخطر بذهنك واتقبله وارد عليه
لكن لايمكن اطلاقا ان اقول له انت كافر وملحد واخرج من بيتي واشتمه
الفكرة يا بسمات
انا مش موافق علي السب الذي حدث . لكن لا استطيع ان امنع احدا من ذلك . ليست لدي السلطة
املك سلطة الرد وليس من بينها ان اشتمه .
الامر تحول لمزايدة وتهاتر
الامر عندي ليس ان اكفره واشتمه بل ان ابين له ان ما يفعله غير صحيح
| |
|
|
|
|
|
|
|
|
|
Re: إغلاق البوستات وحذف المداخلات (Re: عبدالحفيظ ابوسن)
|
يا بسمات ربنا بخاطب عباده الذين اسرفوا في الخطيئة لا تقنطوا من رحمة الله
التكفير والطرد من الدين لا يملكه سوي رب العالمين
الهدف شنو من منبر حوار لو كل زول خالف نطردو ونسئ ليهو
لو كل زول اساء نطردو
الغفور الرحيم صفة ازلية لله ليه مصرين تعطلوها
الغفران في شنو مافي الذنوب
لا يملك احد ان يسبر مافي الغيب ويعمل الرجل عمل اهل الجنة حتي لا يبقي بينه وبينها ذراع
بسمات
الدين دة دين تسامح ما غلظة وتكفير
كلو من بكري ابوبكر
معليش معاوية
| |
|
|
|
|
|
|
|
|
|
Re: إغلاق البوستات وحذف المداخلات (Re: عبدالحفيظ ابوسن)
|
يا جماعة الخير
منبر سودانيز أونلاين هذا له قوانين ولوائح. صاحب المنبر ومديره الأخ بكري أبو بكر يستخدم سلطته في حذف ما يراه مخالفا لقوانين ولوائح المنبر. ولكنه لا يستطيع أن يتابع كل ما ينشر هنا ولذلك أعطى خاصية حذف المداخلات لصاحب البوست وأعطاه أيضا خاصية قفل البوست ولكن من يقف البوست لا يستطيع إعادته ثانيا وذلك في يد مدير المنبر. أيضا صاحب البوست يستطيع أن يحول البوست إلى مكتبته ولكنه لا يستطيع أن يعيد نفس هذا البوست إلى المنبر العام.
الأخ بكري رأى أن الأخ عثمان محمد صالح قد انتهك لائحة المنبر. أنا لم أقرأ البوست المعني ولكن إذا كان مدير المنبر قرر هذا القرار معناه لديه ما يستند عليه.
موضوع حذف المداخلات ليس له علاقة بحرية التعبير. لا يمكن أن يصر أحد على وصف آخر بالكفر والزندقة والردة في الوقت الذي أرى أنا مثلا أنه كلام غير صحيح وغير مؤسس ومن حقي أن أحذفه وأمنع هذا المستخدم من المشاركة في بوستي أو بوستاتي. يمكنه أن يكتب ما يريد في بوستات أخرى وردي عليه هنا هو أنني أتجاهل هذا الكلام ولا ألوم مدير المنبر على تفعيل اللائحة فأنا لا أريد إشغاله أكثر مما هو مشغول. ولكن لو كانت هناك وسيلة ملاحقة قانونية ضد المنتهك سوف أسلكها.
لا تستهينوا بالتكفيريين فهم قنابل موقوتة. أرجو قراءة هذا البوست.
عضو جماعة سلفية في بلجيكا حُكم عليه بالسجن 28 سنة وهذه هي القصة!!عضو جماعة سلفية في بلجيكا حُكم عليه بالسجن 28 سنة وهذه هي القصة!!
يجب علينا أن نضطر التكفيريين على الاعتذار علنا عن سلوكهم إذا كنا جادين في مكافحة الإرهاب. وإلا فإن الإرهاب سيصل إلينا جميعا لا محالة.
ياسر
| |
|
|
|
|
|
|
|
|
|
Re: إغلاق البوستات وحذف المداخلات (Re: Munir)
|
الأخ محمد الزبير
السلام عليك
بخصوص دعوتك التالية:
Quote: د ياسر الشريف وعليكم السلام اذن ما المانع في ان نتحاور في بوست منفصل تفترعه او افترعه عن الفكرة والتزم لك بكل القواعد والشروط التي تضعها؟ انا جاهز ويشرفني قبولك للفكرة، وشروطك اوقع عليها كلها قبل ان تكتبها وفي انتظارك
|
أرجو أن أفيدك بأن أولويتي لم تعد مناقشة الفكرة الجمهورية أو الجدال في مقولاتها، خاصة النقاش الدائري الذي لا يصل إلى نتيجة، وقد ناقشتك بما يكفي في تقديري، ووصلت إلى قناعة أن ذلك يهدر وقتي فيما لا يفيد. ولكني أهتم بإعداد الأرضية الضرورية لإقامة منابر حرة بمعنى هذه الكلمة. ولدي خطة في فتح مواضيع مكافحة الأفكار التي تدعو إلى تطبيق الشريعة الإسلامية لأنها، في تقديري، تنتهك الحقوق الأساسية، وتفتح الباب للإرهاب والتكفير، وقد أوضحت ذلك في عديد مداخلاتي معك وحتى في هذا البوست. مرحبا بمشاركاتك في بوستاتي إذا كنت تقر وتعترف بالمادتين 18 و 19 من الإعلان العالمي لحقوق الإنسان:
المادة 18.
لكل شخص الحق في حرية التفكير والضمير والدين، ويشمل هذا الحق حرية تغيير ديانته أو عقيدته، وحرية الإعراب عنهما بالتعليم والممارسة وإقامة الشعائر ومراعاتها سواء أكان ذلك سراً أم مع الجماعة.
المادة 19.
لكل شخص الحق في حرية الرأي والتعبير، ويشمل هذا الحق حرية اعتناق الآراء دون أي تدخل، واستقاء الأنباء والأفكار وتلقيها وإذاعتها بأية وسيلة كانت دون تقيد بالحدود الجغرافية.
ياسر
| |
|
|
|
|
|
|
|
|
|
Re: إغلاق البوستات وحذف المداخلات (Re: معاوية الزبير)
|
Quote: المنبر دا يا معاوية زي السودان مر بمراحل كتيرة من ديمقراطية إلى شمولية
ولكل مرحلة الآكشن الخاص بيها وهنا تكمن روعة المشهد
مرحلة الاسماء المستعارة ومرحلة المعيار ومرحلة الحردان الكبير ومرحلة الفيسبوك واخير مرحلة الاستيكة |
كلامك صاح يا حمد
لكن بالله شوف كم زول جميل مشى.. وساب المنبر عقب كل آكشن
ما عايزين مرحلة الاستيكة دي تمسح المزيد من السمحين
إدارة منبر في حجم ومحتوى سودانيز اونلاين مسألة قاسية وتحتاج للمشاركة والتضافر
لكن بكري عنيد ياخ
| |
|
|
|
|
|
|
|
|
|
Re: إغلاق البوستات وحذف المداخلات (Re: معاوية الزبير)
|
معاوية الزبير
تحياتي لك
لدي شريحة أشاهد فيها وأرجو أن تجد الوقت لمشاهدتها كاملة.. لاحظ أن المحاضرة في فبراير 2014، قبل دخول الدولة الإسلامية إلى الموصل. The Gathering Storm
كثيرون يصفون فرانك غافني بأنه كاره للإسلام ولكنه كاره للإسلام بالفهم الراديكالي العنيف.
16.09.2014
Noted expert on Middle east affairs Frank Gaffney speaks in Whippany, NJ about the threat of Islam. This took place on August 28th, 2014
| |
|
|
|
|
|
|
|
|
|
Re: إغلاق البوستات وحذف المداخلات (Re: علاء سيداحمد)
|
Quote: she blames u and Wad Abu Sin
because of one reason You are special
people for her...you always try to make her
life easier now she felt lonely |
تحياتي يا بسمات ومثلها لأميرة
ود قباني وود أبو سن ما تخلوا عن أميرة والدليل مداخلاتهم هنا التنضح نصح من محبة
لا شيء يثقل على النفس أكثر من حمل الغضب والعيش تحت مرارة الإحساس بالإساءة
العلاج الوحيد للشفاء من هذا الكَرَب هو التسامح والتجاوز
وإنها لكبيرة إلا على ذوي النفوس الكبيرة
أرجو أن تتجاوز الاخت أميرة وكذلك شخصك الكريم هذا الإحساس الثقيل
ومن هنا أدعو كل من وصلته رسالة من أميرة بأنه أساء إليها أن يتقدم بالاعتذار
بغض النظر عن اعتقاده أو يقينه بأنه لم يسيء
الاعتذار للآخر الذي أحس بالإساءة
وليس إقناعه أو مجادلته بأننا لم نسيء له
وبالمثل أدعو أميرة للاعتذار عن أي إساءة أحس الأخ عثمان أنها موجهة إلى شخصه
ومن حقها وغيرها أن يحتفظوا برفضهم وإدانتهم لأفكاره
شخصيا أتقدم للأخت أميرة ولك اختي بسمات بالاعتذار عن أي مداخلة مني اشعرتكما بالإساءة
| |
|
|
|
|
|
|
|
|
|
Re: إغلاق البوستات وحذف المداخلات (Re: عبدالحفيظ ابوسن)
|
عزيزنا الفاضل معاوية الزبير
اسلوبك دائما مهذب وما وجهت لي اي اساءة
تستوجب الاعتذار وانت الخير والبركة....
لكن الاساءات التي وجهت لبت السيد كانت عنيفة
وغير مبررة..
اما ود اب سن وود قباني فهما لم يوجها اي اساءة
لاميرة بت السيد فهي فقط لومتهما لانهما لم يفهما
جيدا ما كانت تقصده عن انتقادها لامريكا السجم
والرماد وايدا العاشقين لامريكا الذين راوا ان معلوماتها
عن امريكا غلط في غلط وبداوا في شتمها انها جاهلة
وانها..وانها...وانا اعرف جيدا معزة ود ابو سن وود قباني
في نفس بت السيد...وهما لم يسيئا ابدا لاي شخص
في هذا المنبر حتى للاعضاء الذين يهاجمونهما...
لكن نقول شنو...بت السيد حساسة زيادة عن اللزوم..
وفقدنا قلما رائعا ...
ودمت بالف خير
| |
|
|
|
|
|
|
|
|
|
Re: إغلاق البوستات وحذف المداخلات (Re: Basamat Alsheikh)
|
| Quote: انت يا ود الفاضلاب ما بتحتاج لزول يعتذر ليك لانك عائش باخلاق القرية .... ودمت |
نان يابت اخوى وكت انا عايش باخلاق القرية
مالِك عاملة عين الحامل حوْصا
كتبت ليك فى اكتر من بوست
واجبت بت اخوى اللميرة ,, ووجابتك انت
وكنت داير اشوف كلامى نفع ولا بندق فى بحر؟
وحتى ودالزبير طالبو مداخلة ابى يسددها وانا حسب
معيشتى فى امريكا بمشى بنظام البنوك الامريكية
مافى زعل يابنات اخوى انا بس دايركَن
تمشن بكلام الشافعى اللى كتبتو ليكن فى واحد
البوستات.
| |
|
|
|
|
|
|
|
|
|
Re: إغلاق البوستات وحذف المداخلات (Re: عبدالعزيز الفاضلابى)
|
ود الفاضلاب
كلامك بينفع معاي..
لكن بالنسبة لبت السيد فكانك بتحفر في البحر....
وما حينفع لسببين ..السبب الاول انها سافرت لاختها في
لوس انجلوس ومابتقرا سودانيز اون لاين..والسبب الثاني
هي سحبت عضويتها وقررت ما ترجع لسودانيز اون لاين
وما دايرة تسمع فحيح الافاعي تاني...
ووصاياك على العين والراس....
ودمت بالف خير وصحة وعافية
| |
|
|
|
|
|
|
|
|
|
Re: إغلاق البوستات وحذف المداخلات (Re: عبدالعزيز الفاضلابى)
|
العفو يامعاوية .. صراحة تفاجأت بهذا البوح عن مشاعر سالبة والذئ منه .ولم أكن أدرى عنها شيئاً ولا أعرف السبب ، فأنا لا أذكر أنى تخاشنت معاك أو حتى تناقشت معاك فى أى موضوع جاد أو عنيف .. ولا أعرف ماهو نوع الإختلاف بيننا ونوع المواضيع التى ترانى أختلف معك فيها جوهرياً ؟.. ولذلك مشاعرى نحوك تقريباً محايدة لا فيها ود ولابغض ــ ربما أحياناً لا أستحسن بعض تعليقات هنا وهناك، لكن لا يرقى ذلك لمستوى البغض .. بل إحترام وحفاظ لمسافة تبعدنى من المعانفة .. وحتى لوتذكر أنى فى أحد البوستات تجاوزت عن إساءة أحد الأعضاءعشان خاطرك بس..
المهم، أنا تقريباً زهدت فى نقاشات هذا المنبر ، اللهم إلاّ لو خواطر شخصية وآراء أحب أدونها للتذكار .. فالواحد قاعد يحرثفى البحر هنا .. وتصفحى للمنبرأصبح قليل.. وفى هذا البوست ضحكنى تعليق الأخ إبراهيم الساخروأنا كنت فى عز المشغولية، وحفزنى للمشاركة..
وياخى آسف على الدخول بدون سلام وإستئذان ولك العتبى ..
وبالنسبة لموضوع البوستا أنا كتبته فى بوستات سابقة، وقلت مع الإستيكة حتى الثمالة، ولوفى طريقة كمان لخاصية مسح بوستات الآخرين يكون تمت الناقصة زيما قال إبراهيم عبدالوهاب .. 😁😎🙃😏😏
المهم ياعزيزى العفو والعافية الدنيا ما معروفة .. وأشكرك على الإهتمام والترحيب ، وحقيقى ما كنت قايل دخولى أوخروجى فارق معاك .. 🙂
| |
|
|
|
|
|
|
|
|
|
Re: إغلاق البوستات وحذف المداخلات (Re: Munir)
|
منير ومعاوية
ياسلام عليكم ياخ
من فضائل هذا النفاج انه خلانا نتعلم حاجات كثيرة اقلها ان العتاب النبيل لايفسد الود طالما كان مبذول بعشم وحسن نية ... ليس فيه تسول لاعتذارات واستدرار للعواطف ..
جد انتو من ايقونات هذا الحوش لانحيازكم للقيم النبيلة في كل مفاكراتكم ومدافراتكم مع من تختلفون معهم في الرأي ..
شكرا ليكم ياخ
كبرت كراعي من الفرح لامن قدت الشراب زاتو :))
| |
|
|
|
|
|
|
|
|
|
Re: إغلاق البوستات وحذف المداخلات (Re: حيدر حسن ميرغني)
|
سلام معطر صديقى حيدرحسن ميرغنى .. شكراً لكلامك الطيب ..
ياخى أنا غايتوتعلمت من المنبركتير .. دى ١٥سنة خبرة ياعم .. مرات الواحد يقول يكب آخره، وبعدما يكتب كلام يقوم يمشى يشرب موية وينسى الموضوع .. الزوول قلبه بقى ميت ياخ .. هههه ..
بعدين معاوية شكله كده شايلاهو موجة تسامحية مع أنى ماكنت قايل سحابته شايلة منى قدر ده .. أنا عارف إنو عنده إثنين من أصحابه باغضنى ــ وعارف السبب ــ .. .. 😏
| |
|
|
|
|
|
|
|
|
|
Re: إغلاق البوستات وحذف المداخلات (Re: Munir)
|
سلام يا منير
صدقني أنا لا أعرف أو لا أذكر سببا أو موقفا محددا لهذه المشاعر السالبة
لكن ظل الشعور الذي نتج عن تلك المواقف والأسباب قائما
وهذا شيء لا نملكه .. لكن المهم أنني قد تخلصت منه الآن
Quote: المهم ياعزيزى العفو والعافية الدنيا ما معروفة .. وأشكرك على الإهتمام والترحيب ،
وحقيقى ما كنت قايل دخولى أوخروجى فارق معاك |
صاح العفو والعافية
و.. فلتسد قيمة التسامح بين الناس وخاصة الأعضاء في هذا المنبر
و.. لا بأس أن يستمر الاختلاف في النظر إلى أمور الوطن والدنيا
دمت بخير يا عزيزي
------
شكرا يا حيدر يا حنين على الظن الحسن
| |
|
|
|
|
|
|
| |
معاوية الزبير
سيف النصر محي الدين
حيدر حسن ميرغني
جلالدونا
محمد البشرى الخضر
Hatim Alhwary
عبدالحفيظ ابوسن
Yasir Elsharif
ابراهيم عبد الوهاب
فرح الطاهر ابو روضة
طلحة عبدالله
aydaroos
بله محمد الفاضل
قسم الفضيل مضوي محمد
كمال عباس
أبوبكر عباس
حمد عبد الغفار عمر
عبدالعزيز الفاضلابى
يحي قباني
kamal omer
محمد على طه الملك
محمد محمد قاضي
Munir
علاء سيداحمد
فيس بوك
تويتر
انستقرام
يوتيوب
بنتيريست