|
|
|
 Re: انتو المنبر دة مدقر وين (Re: عبدالحفيظ ابوسن)
|
التصفح من الموبايل صعبة
وكذلك الكتابة
يعني بفتح المنبر واقنب افروو بي اصابعيني أكبر الصفحة عشان اقدر اشوف
اها قاعد اعمل حركة
الموضوع البفتحو بتحول لون العنوان للظهري
اي وقت افتح الموقع المواضيع المريت عليها بتكون ظاهرة بالظهري
ف ب قوم اعمل حركة توسيم .. افتح موضوع كحدود ولا ترس
اعرف منو المواضيع الجديدة
الحاصل
نفس الصفحة زاتا
بخش الصباح مع القهوة
وزي الوقت دة
وحين المساء
من امس الصفحة دي مصلبة
عاضي ترس
| |
 
|
|
|
|
|
|
|
|
Re: انتو المنبر دة مدقر وين (Re: عبدالحفيظ ابوسن)
|
الأخ أبوسن
و الله تعبيرك بليغ جدا
أنا لي مدة حاسة بنفس الإحساس بس ما قدرت أصل لتعبيرك ده.
حتى كم مرة شكّيت في نفسي و تاني قلت إمكن غمكن في حاجة البوست . بقى يكرر الموضوعات. الحكاية دي بالظبط ليها حوالي عشرة يوم.
غريبة!
| |
|
|
|
|
|
|
|
|
|
Re: انتو المنبر دة مدقر وين (Re: محمد عبد الله الحسين)
|
لقد انخفض معدل التداول في المنبر بشكل ملحوظ. ففي أيام عزه بين 2005 و2010 كان البوست غير النشط لا يستطيع أن يصمد في الصفحة الأولى أكثر من ثلاث ساعات وربما أقل، وكانت الأرشفة الفصلية تضم أكثر من 50 صفحة بينما الآن بعد سنة كاملة وصل عدد الصفحات إلى 81 صفحة. لقد جذبت شبكات التواصل الاجتماعي الرقمي عددا كبيرا من أعضاء المنبر، وقلل بعض الأعضاء من مداخلاتهم - وأنا أحدهم - إما بسبب ضعف البوستات أو بسبب عدم الحصول على مكتبة خاصة تشجع على إثرائها بالموضوعات.
الدقارات وُضِعَت من لدن إدارة الموقع وفقا لرؤية محددة، وتمثلت في الآتي:
1 - صعوبة الحصول على العضوية في وقت من الأوقات (ربما بسبب محدودية تجهيزات الموقع على استيعاب الزيادة المضطردة للأعضاء) وكأن الموقع محدود الطموح ولم يحلم كما حلمت شبكات التواصل الاجتماعي. (لما لم يطمح المنبر لأن تصل عضويته إلى 30 مليون سوداني؟؟)
2 - لم يكن حق الحصول على مكتبة خاصة مكفولا للجميع وفق معايير موضوعية. وهذا أمر محبط لبعض الأعضاء.
3 - تحديد عدد المداخلات في اليوم الواحد، وهذا أمر أضر بالأعضاء النشطاء.
4 - لم يجد المنبر وسيلة أكثر نجاعة لردع المخالفين للوائح من الإيقاف.
5 - تعدد الاختراقات الأمنية للمنبر خاصة عند الأحداث السياسية الكبرى، تسبب في إحباط البعض.
6 - لم يطور المنبر تصميمه بكيفية تشجع على التلقي الفعال.
7 - لا يقدم الموقع خدمات تسهل على المستخدمين عملية النشر أو التصفح، إلا من خلال بعض المتطوعين من العضوية (فعلى سبيل المثال لا يوجد شرح كاف ودائم لطريقة إرفاق الإيقونات أو إدراج الصور أو مقاطع الفيديو أو حتى الاقتباس داخل المداخلة).
| |
|
|
|
|
|
|
|
|
|
Re: انتو المنبر دة مدقر وين (Re: محمد الأمين موسى)
|
ود ابو سن
اذا بتستعمل التلفون الجوال عشان تقرا المنبر العام ما تمسك التلفون
بيد وباليد الثانية تفتش المواضيع وتكبر وتصغر الصفحة...لازم تخت التلفون
في التربيزة او في الواطة عشان مرات اليد بتتفاعل مع اشعاعات الجوال
والجوال يعمل فريز freeze وما يتحرك ..الا بعد فترة...
جرب وورينا ملاحظاتك...
والله يديك الصحة والعافية
| |
|
|
|
|
|
|
|
|
|
Re: انتو المنبر دة مدقر وين (Re: زهير عثمان حمد)
|
مرحب
محمد عبدالله
محمد الامين
اميرة
زهير
وحبابكم
الواحد بعاين للمنبر دة بلقا الاعضاء النشيطين ما بتمو عشرين وسط آلاف
اها العشرين المحركين المنبر دة البقعو تحت طائلة القانون المنبري العرفي 😀
دة بدلا عن تشجيعهم
بل يتم ايقاف بعضهم وهروب البعض
اعتقد يجب اعادة النظر في هذا الامر
| |
|
|
|
|
|
|
|
|
|
Re: انتو المنبر دة مدقر وين (Re: عبدالحفيظ ابوسن)
|
تحياتي الوريف ابو توتا .. |
والله المنبر بالموبايل صعب شديد الا تكون مدمن حتي تصبر ليو لانو الشبكة زفته والمنبر ذو سعات عالية جربتو كم مرة في السودان زهجت منو وقفلتو .. احيك علي المثابرة بس اطلع فوق واعمل تحديث للموضوعات ..
تحياتي
| |
|
|
|
|
|
|
|
|
|
Re: انتو المنبر دة مدقر وين (Re: عبدالحفيظ ابوسن)
|
مرحب ودالمشرف
تعرف موضوع عثمان رغم اني لا اقرأ ولا اناقش القضايا التي مثل هذه . رغم اعجابي بعثمان كقلم مستنير ورصين .. لم اقرأ بوسته وكنت اتتبع كتاباته كفاني العنوان مؤنة الدخول
لكن رأيت كتابة المسنوحة العزيزة اميرة وايضا لا افوت لها بوستا ثم تناسلت البوستات .
اندهشت جدا والله .. منه اولا فهو احصف من الجهر بمثل هذا الرأي الذي استفزني جدا . وجعلني اتراجع في مدي جدوي مثل هذه الكتابة لشخص يسعي لحل قضية السودان التي ليس منها امر الكفر او الايمان . بل هي مواصلة لخط السلطة في حرف النضال عن مسيرته . تحويل المعركة لكفر وايمان .. في تغطية خبيثة لجوهر الصراع .. وجوهره سوء توزيع الثروة والسلطة . وبكتابته خصم كثيرا من رصيد المعارضة كشخص محسوبا عليها
واحرج بعض المعارضين في ان يردوا عليه بعنف مما استدعي ان يجعل موقفهم وسط بعض المعارضة مربكا .
الامر عندي ان الدين لبارئ الدين . ومثل هذا الحديث لن ينتقص من قدر الرسول صلي الله عليه وسلم لا في نفوسنا اولا ولا تاريخيا هذا ان اردنا ان نتجاوز القداسة لدفع النقاش للامام
التدين امر شخصي جدا ..
عموما معركة عثمان يدي أكلتني لكن احجمت
| |
|
|
|
|
|
|
|
|
|
Re: انتو المنبر دة مدقر وين (Re: عبدالحفيظ ابوسن)
|
مرحب الطيب عباس
وحبابك
مش كدة
زي ما بكري بدي ماهية لي ابوبكر عباس
انا اطالبو يتبرع لي بي لاب توب
اقلاها بتبرع مرة واحدة مش ماهية كل شهر
ليه
عشان قاعد أكتب في منبرو متكبدا مشاق لو جربها كان قفل المنبر
| |
|
|
|
|
|
|
| |
عبدالحفيظ ابوسن
معاوية المدير
Arif Nashed
محمد عبد الله الحسين
محمد الأمين موسى
زهير عثمان حمد
Deng
محمد حيدر المشرف
الطيب عباس
فيس بوك
تويتر
انستقرام
يوتيوب
بنتيريست