|
|
|
 Re: ايها الاسلاميون (Re: أبوبكر عباس)
|
شنو في رأيك السبب الحقيقي في فشل المشروع الاسلامي؟
بتقديري هذا هو السؤال الذكي جدا والذي يعجز كثير من الاسلامين المنششقين عن الاجابة عليه رغم اهميته ....و الاجابة علي هذا السؤال هي الضامن الوحيد لمستقبل الشعب السوداني وهو الضامن الوحيد لماهو البديل .....
اذ ان كثيرا من المنشقين يرون ان الفشل هو الاشخاص وان هؤلاء لا علاقة لهم بهم بالاسلام ولا علاقة لهم بالتدين وووووووووو
اذن هذه التفكير المفخخ هو المعوق الاساسي للبديل والذي يجعل من غازي بديلا ومن المحبوب عبدالسلام بطلا
ومن حسن مكي مناضلا وينزعنا من بشير ثم يسلمنا لبشير اخر يطبق فينا نظرته الاخري للاسلام ......
في الواقع ان هؤلاء الحاكمين ليس كفار ولا مشركين ولا تنقصهم التقوى بل يحجون لبيت الله في العام اكثر من مرة ....
.ويصلون الفجر حاضرا وووووووو ولكن العجز يتعلق بالمنهج نفسه .....وهو المنهج المتعلق بتصور الفرد للدين وهذا المنهج لصيق لكل
شخص طارح لفكرة الدولة الدينية اذ انها ليس لها اي عصمة طالما هي تصور بشري ولا يطبقها انبياء ولا ملائكة ولا مرسلين فانها حتما ستنتهي لدولة استبداد تحتمي بالدين .....
ففكرة الدولة نفسها فكرة حديثة ليست موجودة في نصوص الدين ولا في التراث الديني ولذلك مالم يحدد الاسلامين المنشقين
اسباب الفساد والحاضن الايدلوجي له فانهم بتقديري لا يستحقون التصفيق طالما بقو مخلصين للفكرة نفسها ...
| |
 
|
|
|
|
|
|
|
|
Re: ايها الاسلاميون (Re: doma)
|
أحييك يا اخي الكريم عمار محمد آدم على كلمتك الصادقة وهيهات ان يسمعوك فأولئك قوم قد اغشى بريق السلطة والمال أبصارهم .
وقاك الله واهلك من شرهم المستطير.
| |
|
|
|
|
|
|
|
|
Re: ايها الاسلاميون (Re: Osman M Salih)
|
الأخ عمار محمد آدم
شكراً
دئما ما يتذكر مرتضي جعفر شقيقي الأصغر
ايام اشتراككم في بيوت الأشباح سجناء
يتم تعذيبكما ظلماً و إهانة
و من بين ضباط الأمن حينها المجرم ابو القاسم حليب
و المجرم عبد الغفار الشريف كانا يشرفان علي تعذيبكما
بطريقة وحشية
يحكي مرتضي أنك أوصيته بالزرع في حوش بيتكم
و أن يهتم بإخبار الأهل عن صحتك و وصيتك بالزرع
فانت انسان يا عمّار قبل أن تكون إسلامياً
و ظللت إنساناً كريماً و انت تنشق عنهم
فهؤلاء ليسو أكثر من جيف
فلا تحزن و نحن معك و سندافع عنك إلي آخر رمق فينا
فانت منّا يا عمار و لنا أخ عزيز
و سنذيقهم كما تعلم عذاب المحاسبة عن الجرائم كلها التي
ارتكبوها ضد الشعب السوداني فرداً فرداً
و سنذيقهم جحيم إسترداد أموال السحت التي نهبوها من خزائن الدولة
أو حازوها جراء المناصب
فلا تحزن
و اصبر
فكما قال الأهل الصبر جبر
طه جعفر الخليفة
| |
|
|
|
|
|
|
|
|
|
Re: ايها الاسلاميون (Re: Yasir Elsharif)
|
إسلام دولة الشريعة، اليوم، هو الإسلام هو الذي يطلق عليه الإسلام الراديكالي وهو إرهابي بامتياز، ولن يجد من العالم سوى الحرب والمواجهة، كما هو الحال مع داعش، ولن تقف المسألة عند داعش وإنما تذهب إلى أبعد من ذلك، إلى السعودية وإلى إيران والسودان وباكستان إلخ...
الحرب القادمة على الإسلام الراديكالي..الحرب القادمة على الإسلام الراديكالي..
ياسر
| |
|
|
|
|
|
|
|
|
|
Re: ايها الاسلاميون (Re: عمار محمد ادم)
|
الغريبة يا عمار الناس ديل ممكن يكون مفهوم موقفهم من المعارضة لكن الما مفهوم إنهم يهمشوا الناس الصنعت مجدهم
لأنهم حاولوا نصحهم عندما بدت معالم الإنحراف
ياخ معقول يهمشوا كلامات حسن مكي والطيب زين العابدين والطيب حاج عطية ومحمد طه والتجاني عبدالقادر والكتيابي
وديل انت تعرف قبل غيرك قيمة الخدمات القدموها
فبعد دا تتوقع منهم شنو بعد ما إتخولوا كلهم لتجار
| |
|
|
|
|
|
|
|
|
|
Re: ايها الاسلاميون (Re: عبد الصمد محمد)
|
والله يا رفاق لا نود ان نكون شواذا ز مناقرين و لكننا عاصرنا عمارا هذا في جامعة الخرطوم.. لا يمكن لكم تصور سوء هذا الإنسان.. شعب طيب ليس إلا أنتم .. طيبة والله بس..
عمار هذا شارك فساد هؤلاء الناس في الجامعة من عنف و تزوير و إرهاب للطلاب.. عمار هذا عايش بذخ في الجامعة لمان عرس و فتح بيت و هو طالب.. اجعص طالب في الجامعة في زمنا بخمس السيجارة و يحوم الجامعة كلها عشان يلقى واحد عندو كيس يديهو سفة.. عمار كان عندو بيت و بيأكل في بيت القزاز و كافتريا البركس.. أي علي الطلاق.. شاهد عيان.. بلا دين بلا ........! قال إسلامين قال.. قام بلا دين معاك...
عمار هذا يمكن أن يقول ما يقول و يمكن الله ذاتو يغفر ليهو لكن أنا والله ماشايف فيهو خير و ما حقو الشعب السوداني يغفر لمثل عمار هذا..
الرجل مكن لهؤلاء الناس و لم يألو جهدا أبدا من النيل من الشرفاء في الجامعة..
أكتب ما تكتب فأنت تحصل الحاصل و الناس قد عرفوا هذه الحقيقة منذ الستينات عندما كنت انت تبني معهم في معبد الشيطان هذا و تقول الأن ما دهاكم يا أسلامين..Get the hell out
أكتب أنت كتاب إعترفات عن شرور هؤلاء القوم " و حفرهم" منذ أن كانوا فقراء كما قلت و إعترف لنا ماذا كانوا يخططون و مستوى تأمرهم على هذا الشعب و شرفاءه! يمكن الله يغفر ليك و لكن لا تطمع في غفران الشعب خاصة أنا دا مش لو قالوا مجنون لو قالوا من أولياء الله ذاتو..
أذهب معهم إلى الجحيم..
| |
|
|
|
|
|
|
|
|
|
Re: ايها الاسلاميون (Re: Omer Abdalla Omer)
|
بالله عليك شنو الكلام القبيح دا ياعمر. يا جماعة إتعلموا إنه لكل مقام مقال
أولاً عمار دا طالب إغترب في اليمن وجاء وقدم لكشك في مسجد الجامعة وكان بعول منه أسرته وغيرها
بعدين ياخ انت زول قال كلام طيب تطفر عشان تقول ليه لا انت زمان ما كنت كعب ولا ترد في نفس موضوع الكتابة
أديك مثال انت الجمهوريين يعني على سبيل المثال قالوا شنو قبل إعدام الشهيد محمود محمد طه
دالي مش قال حيخلي الفكرة وحيخلي وحيخلي
طيب لو جاء واحد في محاضرة عاملها دالي وبدل ما يسأل في موضوع المحاضرة قال ليه انتوا منافقين يا الجمهوريين
انتو مش حلفتوا كدا وكدا وكدا وجيتوا بلعتوا كلامكم.. نعم في عالم تدمن تسميم أي جو
أعوذ بالله منك ياخ
| |
|
|
|
|
|
|
|
|
|
Re: ايها الاسلاميون (Re: عبدالغني محمد الحاج)
|
يا جماعة
عايزين زول يجيب لينا تاريخ عمار محمد ادم دا ككادر عنف في جامعة الخرطوم
سفك دماء الأبرياء والمناضلين
أعجب لك يا ياسر الشريف وأنت تصدق استهبالات هذا الرجل
وهو من هتف حين شُنق الشهيد الأستاذ محمود: سقط هُبَل!
ما لكم كيف تحكمون؟!
-----
أشكرك أخي عمر عبد الله عمر
كتبت مداخلتي وقبل إرسالها رأيت مداخلتك فأجلتها لما بعدك
هذا الشعب طيب ومسكين
أرجو أن يطلع أعضاء سودانيز أونلاين الجدد على تاريخ عمار قبل يسارعوا بتمجيده
ولا حول ولا قوة إلا بالله
| |
|
|
|
|
|
|
|
|
|
Re: ايها الاسلاميون (Re: معاوية الزبير)
|
شكرا يا معاوية.. هذا الشعب طيب و دي ذاتها من البشارات.. دا الشعب الامي الذي بعث فيه النبي الأكرم صلى الله عليه و سلم..
عبد الغني.. عذت بمعاذ يأخي و ربنا يعيذك من كل شر لكن عمار هذا لا ترجو منو خير.. مافي عمل بمر غير حساب.. ما يا هو إنت دا بعد ثلاثين سنة تذكر ماذا قال دالي.. من يعمل مثقال ذرة.. الله مخير معاه لكن أنا دا ما عافي لعمار اي دعم قدمه لبطانة السؤ هذه حتى نالت منا.. إنت مخير يا زول..
أنا في راي حكاية إنو مشى اليمن دي و ادوهو بوفيه دي حقو ما تفتحتها لانو حتجيب ليهو هوا شديد خلاص..
إنت خليك امين و ورينا في زمنا داك عشان تقدم لعطاء دي ذاتها عايزة قدرة قدر شنو ولو ما كنت كوز هل حتقدر تطلع عطاء؟
بيت القزاز كان ماسكو كوز و كل بوفيهات الكليات كيزان ناس محمد محجوب هارون و عمار وغيرهم..
يا زول نحن بنعرف الخير و لكننا نستنكف السذاجة..
قال إسلامين قال!
| |
|
|
|
|
|
|
|
|
|
Re: ايها الاسلاميون (Re: Omer Abdalla Omer)
|
لا أدري و لكن طالما اكتشف خطأه و تراجع أعتقد ذلك يكفي .
هل ليس للإنسان أن يتراجع أو يتوب أو يغيّر اراءه السياسية بل و حتى الفكرية؟
ربما يكون هناك شيء لا أفهمه.أم أن وراء الأكمة ما ورآها؟
أرجو التوضيح؟
| |
|
|
|
|
|
|
|
|
|
Re: ايها الاسلاميون (Re: معاوية الزبير)
|
الأخ معاوية يعني نحن حننصب من نفسنا قضاة تاريخ كأنه في تنظيم ما عنده تاريخ شين
عمار كان صادق مع نفسه لما كان مع الجماعة ديل ولما خلاهم
وكان كادر عنف في أيام الإستقطاب العنيف بين الكيزان والقوى الأخرى في الجامعة
وما عيب تموت في سبيل ما تؤمن به
وما عيب تكتشف خطأ ما آمنت به وتحدد موقف شجاع منه
حتى الحزب الشيوعي كان بيوصف بالدموية وكذلك البعثيين والأنصار فهل جات على عمار
بعدين زول كتب كتابة ممتازة نجي نقول ليه لا لن يغفر الله لك
| |
|
|
|
|
|
|
|
|
 Re: ايها الاسلاميون (Re: معاوية الزبير)
|
Quote: يا جماعة
عايزين زول يجيب لينا تاريخ عمار محمد ادم دا ككادر عنف في جامعة الخرطوم
سفك دماء الأبرياء والمناضلين
أعجب لك يا ياسر الشريف وأنت تصدق استهبالات هذا الرجل
وهو من هتف حين شُنق الشهيد الأستاذ محمود: سقط هُبَل!
ما لكم كيف تحكمون؟! |
عزيزي معاوية الزبير
تحياتي لك
مداخلتي ليس فيها تصديق ولا تكذيب لما كتبه عمار.، وليس فيها تمجيد ولا شيطنة له أنا طالبته أن يتعرف على أن السبب ليس هو الأشخاص وإنما المنهج نفسه.
أتفق مع من يقول أن عمار نفسه ضحية الإسلاميين، تماما كما أن الشاب الذي قتل فجر البارحة في ميلانو بإيطاليا، أنيس عمري، التونسي الذي قاد شاحنة ودهس بها الناس في سوق لعيد الميلاد في برلين وقتل 12 وجرح 48 بعد أن قتل سائق الشاحنة البولندي واختطف شاحنته ليرتكب بها الجريمة الإرهابية، هو أيضا ضحية الهوس الديني.
لذلك قال الأستاذ محمود "هذا.. أو الطوفان".. وما نراه الآن في السودان وفي العالم العربي والإسلامي وبدأ يزحف نحو أوروبا هو الطوفان.
ياسر
| |
|
|
|
|
|
|
|
|
|
Re: ايها الاسلاميون (Re: Yasir Elsharif)
|
(الأخ معاوية يعني نحن حننصب من نفسنا قضاة تاريخ)
كلا يا عبد الغني، لكن هناك أولياء دم وأولياء أمور طلاب تم فصلهم من جامعة الخرطوم
ولا يحق لأحد في هذا المنبر أن يسلبهم حقهم في العفو أو مقاضاة المجرمين طال الزمن أو قصر
هناك فرق بين الكتابة الساهلة في المنابر الاسفيرية
وبين حرقة حشا الوالدين
| |
|
|
|
|
|
|
|
|
|
Re: ايها الاسلاميون (Re: Yasir Elsharif)
|
الأخ محمد الحسين، سلامات و فرصة طيبة اول مرة نتداخل مباشرة..
طبعا لابأس من تغير الفكر و لكن لم يستجد شئ في فكر الإسلامين و لا في فسادهم. عمار شاركهم الفساد عندئذ و إختلافو معاهم ما فكري و لا حتى أخلاقي و لكن عند تقسيم الميتة كانوا كالذئاب تماما القوي يأكل اولا و ربما يأكل الميتة كلها.. عمار لم يكن قويا كبقية الذئاب فاكثر العواء! عامر كان مشاركا في الفساد و اللؤم مع سبق الإصرار و الترصد.. عمار كان مستفيد كبير.. عمار مشت الأشياء من غير ما يشتهي هو مش لانو فكرو تبدل أو إنو صار إنسان نبيل او شريف..
عبد الغني.. عمار مشارك أساسي في الفساد.. شنو الجديد و هل دا في تقدريك مبدأ ممكن الإنسان يموت فيهو و يسند تبريرك الغريب هذا..عمار كان فاسد مع سبق الإصرار بعظمة لسانو.. أسألوا من المؤمرات التي كان هو فيها رأس الرمح.. بعظمة لسانو!
طيب يا عبد الغني.. يا خي الله بغفر كل الذنوب إلا حق الناس.. حق الناس ما يغفرهو إلا اصاحبو بس.. الله ممكن يديك من فضلو لكن حق الناس دا لا يعفيهو.. اها أنا قلت الله مخير معاهو، لكن حقنا نحن.. بالأحرى حقي انا دا لحسع دي ما عفيتو... تب ما عفيتو..
بعدين لو أي واحد زي عمار و لا المحبوب و لا حتى غازي صلاح يجي يقول كلمتين حلوات بعد إجرامهم دا كلو نقول والله "" بوركتم" ! يا سلام يا عمار.. ياها المحرية فيك... يالله الله يا سلام ياخي الشعب السوداني دا بديع.يالله عاشة الفلاتية و الحقيبة.. يالله.. بالله شوف الإبداع. شوف عمار جاب الديب من ضيلو!
غايتو.. مشوار طويل مع الكيزان ديل!.. و بعدين مشوار معاكم اطول أنتو يا الشعب الطيب شعب الكرامات دا.. بس روحنا بضيق بزي الأشكال الاكلتنا لحم و عايزة تكدنا عضم ناس عمار دا...
| |
|
|
|
|
|
|
|
|
|
Re: ايها الاسلاميون (Re: Omer Abdalla Omer)
|
(وكثيرا ما أسأل نفسى كيف كنت مع هؤلاء القوم الذين يفتقدون ابسط مقومات الانسانية والاحساس
ولكنها خطى كتبت علينا ومن كتبت عليه خطى مشاها)
تعال يا عمار اشرح للأعضاء الجدد في هذا المنبر تفاصيل ما فعلته في تلك الخطى
وبالمرة ورينا ( كُتبت علينا ) دي معناها شنو
يعني محمد صالح عمر داك ما كُتبت عليه خطى سفك الدماء تلك؟
أم أنه اختار الثبات على الفكرة بكل إنسانية وطهر وأنت اخترت طريق الدم؟
من كَتَبَ عليك ذلك؟
ما تقولي رب العدل والرحمة
لا يا شيخ
| |
|
|
|
|
|
|
|
|
|
Re: ايها الاسلاميون (Re: عبدالغني محمد الحاج)
|
الأخ عبد الغني،
إعترافات عمار بالسؤ منشورة و مبذولة و حسع إنت أسألو سؤال مباشر، دوره شنو كان في المؤمرات في أيام الجامعة بس؟ و عند بداية الإنقاذ؟ بل و مشاركتو كانت شنو في الإنقلاب؟ و الله قاعد شايف و شاهد! خليهو كتابتو الفوق دي يماثلها بشجاعة امام هذه الأسئلة!
موضوع العطاءات دي خلو تب.. موضوع شائك و من الجامعة عمموه الكيزان بعد الإنقاذ على كل السودان..و ماظنيتها خافية عليك لانها صارت عيان بيان.
بوفيهات الجامعة دي خلها تب كمان.. حكاية اليمن دي خلو يجي هو يحكيها لينا لا أعرف عنها الكثير و المؤمن صديق..
قبل الإنقاذ و بعد تخرجنا رفض وزير التربية حينها بكري عديل نذهب بعقود شخصية و قفلوا الباب علينا رغم أننا في اشد الحوجة و أهلنا امرهم ما ينتظر فورة البرمة!.. الكيزان اخدهم الترابي وداهم عمرة "" كلهم زملاءنا من الاداب، العلوم، و التربية" و من العمرة على اليمن.. لمان جات الإنقاذ رجعوا كلهم ظباط امن مدربين.. دربوهم في صحاري اليمن دي في أبين ولحج وفي جبالها في الحديدة و مأرب و غيرها و حسع دي معانا شهود عيان قاعدين و ممكن يوروك الجبال و الشعاب التي تدربو فيها.. الجماعة يتأمرون بليل و عمار كان أصيل مش دخيل في الإنقاذ! عمار قديم مش قادم.. يا زول اصح!
يا زول المؤامرة اكبر من تصورك..
ما قالوا ليك إنهم يفوقون سؤ الظن العريض نان!
| |
|
|
|
|
|
|
|
|
|
Re: ايها الاسلاميون (Re: Omer Abdalla Omer)
|
بصراحة يا بكري ابوبكر سياسة المنبر دا أصبحت ما مفهومة ولا تشجع على الاستمرار بالكتابة فيه
قبل سنوات يعترف عمار محمد ادم بما اقترفت يداه بحق هذا الشعب
واليوم تُرفع بوستاته مع بوستات العناوين الرئيسية
فرانكلي يدعو لإطلاق الرصاص على رؤوس المتظاهرين ولا يزال يكتب في المنبر
الشفيع وراق يعترف بالعمل مع جهاز الأمن ضد الشعب وخاصة ضد أعضاء المنبر
ولا يزال يكتب في المنبر وكأن شيئا لم ولا ولن يحدث للأعضاء بسبب أمنجيته
هل من توضيح لهذه السياسة؟!
| |
|
|
|
|
|
|
|
|
|
Re: ايها الاسلاميون (Re: معاوية الزبير)
|
بالعكس يا معاوية خليهم يكتبوا لانو ما كنا عرفنا ما عرفنا لو ما كتابتهم هنا..
الشفيع أنا شخصيا هددني بإطلاق الرصاص على راسي.. اي والله في البورد دا..
قلت ليهو و مازلت، لا تطلق تهديد إنت ما قدرو.. أنا واثق و عارف ناس الشفيع ديل و حافظهم.. هم ضاقت بهم الأرض بما رحبت جزاء غبائهم.. و الدنيا بينا و بتلم كان العمر طال و بعدين كل زول سكينو في ضراعو..
هذا الفرانكلي يدعو للشفقة يا راجل.. إنه يخدم القضية و يضر الإنقاذ ظانا، بحماقته المعهودة، إنه يسديها معروفا و خدمة..
دعهم.. هؤلاء ميتو شعور و ضمير و لا تزيدهم كتاباتهم إلا بعدا عن الناس و صغرا في أعينهم.. دعهم يا صديق.. دعهم..
| |
|
|
|
|
|
|
|
|
|
Re: ايها الاسلاميون (Re: معاوية الزبير)
|
الفاضل / معاوية الزبير . لك التحيه والتقدير .
يعني مثلا لولا المداخلات اعلاه لظننت ان الزميل / عمار من الحانقيين علي نظام الانقاذ ، وعلي الاسلاميين اللصوص . ومن القابضين علي الجمر !!
دعه يتحدث ، وطالما يوجد اشخاص معاصرين له ، لن يستطيع اللف والدوران كثيرا . وسيثبتون عدم صدقه .
نتمني من الاخوة " قدامي " سودانيز ، ان يأتونا بروابط لاحاديث صاحبنا هذا . حتي نكون مواكبيين . حتي لايخدعنا من يرتدون ( ثياب الحمل الوديع ) .!!
| |
|
|
|
|
|
|
|
|
|
Re: ايها الاسلاميون (Re: أحمد محمد عمر)
|
اردمو يا ابو حميد.. نحن قاعدين هنا دا و عمار يحكي في البلاوي دي..
بعدين شوف عدم أخلاق ناس زي ناس الطاهر ساتي.. الناس كمان مغشوشة في هذا المسخ المشوه..
أما الهندي.. يكفيه الفيه.. لا تعليق..
| |
|
|
|
|
|
|
|
|
|
Re: ايها الاسلاميون (Re: Omer Abdalla Omer)
|
كل يغني ليلاه
الخطورة انو عمار ما زال يؤمن بامكانية قيام الدولة الاسلامية الرسالية
المشكلة انو ضياع ٢٧ سنة من عمرنا دا، ممكن يكون راح شمار في مرقة
هناك الكثيرين من المعارضين الحاليين بيعتقدوا انو الخطأ في التطبيق وليس التنظير؟؟
دي يا ها الكارثة
أنا شخصيا مستعد أقبل توبة أي كوز حتى لو لهط ليهو عطاء ستة بوفيهات، بس يقر انو جذر الفشل فكري وليس تطبيقي
| |
|
|
|
|
|
|
|
|
|
Re: ايها الاسلاميون (Re: أبوبكر عباس)
|
سلام يا أبابكر عباس،
كان حرياً بك توجيه "كل لليلاه يغني"لنفسك أولاً قبل أن توجهها للآخرين.
اماقولك بأنك على استعداد لغض النظر عن فساد الاسلاميين لقاء إقرارهم بأن فشل مشروعهم يعود الى النظرية نفسها وليس الى التطبيق وحده فهو ضرب من الرشوة تغري بها القوم للافلات من المحاسبة شريطة أن يعزفوا لك اللحن المستطاب.
| |
|
|
|
|
|
|
|
|
|
Re: ايها الاسلاميون (Re: مني عمسيب)
|
هذا هو معاوية محمد صالح الأمنجى الهارب واحدا من حماة المشروع الحضارى الذى قام على مبدأ التمكين الذى أحال كل الشرفاء الى ما يُسمى الصالح العام وأتى بأقويائهم الأمناء الذين كانوا كالزلزال الذى يعقبه إعصار
نهبوا المؤسسات والشركات واختلسوا أموال البترول والدهب والقروض والجبايات وباعوا كل الميادين والساحات واستأثروا بالعقود المليارية واحتكروا الصادر والوارد فصار السودان مكبا للنفايات وامتهنوا
غسيل الأموال والإتجار بالمخدرات والتى تدخل جهارا نهارا عبر الميناء الرئيسى وبمستندات كاملة لبضاعة دُست معها المخدرات( بوليصة وفاتورة وشهادة منشأ الخ ) والمستندات تحمل إسم الشركة ومقرها
وأرقام الإتصال وهنالك إعتماد بنكى قام به شخص معين لصالح الشركة وهى جريمة كاملة الأركان ومع ذلك لم نر إدانة لأى أحد . نهبوا دولارات الدواء ومات من مات وتفاقمت حالات ولم يقدم أحد للمحاكمة
مع ان ما قاموا به قتل عمد مع سبق الإصرار والترصد . هذا غيض من فيض لجرائم هذا النظام الذى يُعذب فيه الشرفاء لأنهم جهروا بقول الحق فى وجه نظام فاسد .
(مشاركة شاركت بها فى بوست أخونا عثمان محمد صالح )
مع أصدق التحايا أخى عمار
| |
|
|
|
|
|
|
|
|
|
Re: ايها الاسلاميون (Re: جمال خضر)
|
يا اخوانا حرام عليكم انا طالب حيت من كسلا ابوى كمسارى فرملة عندو 6 بنات و3اولاد اول سته فى الحامعة عملت لى صندوق اورنيش واديتو ولد كان يلف الحامعة وبالليل يقابلنى حم داخليات بركت يحاسبنى وبقى عندى محموعة من بتاعين الاورنيش فى الحامعة ومافى زول عارف الموضوع ده علبة الاورنيش والادوات الاخرى بى خمسة وفى يوم واحد تربح 5 بعضهم كان يهرب بالقروش وبعد ده حبت واحد وعملت حلة لمشروب الكركدى فى مدخل شارع الحامعة الكركدى يربح 12 ادى الولد 4 واشيل 8 اصبحت مريش اكل الشية فى دار العاملين بعد شوية دخلت حلة الكركدى مسحد الحامعة واحرت البوفية كان يبيع الشاى والبارد والكاكاو وانواع الباسطة ويعتمد اساسا على طلاب الخرطوم القديمة الكيزان الشايفنهم ديل والان اسماء كنت احن عليهم وارسل الولد عشان يفك ريق بعضهم خاصة بعد ما يتخرحوا مشيت اليمت خمسة شهور عملت معلم مع مرتب الاحازة المبلغ كلو 4الف دولار عرست بالصدفة فى عرسة طرشقت خشيت وانقدت الموقف عشت .
| |
|
|
|
|
|
|
|
|
|
Re: ايها الاسلاميون (Re: عمار محمد ادم)
|
ما دام تكلفة التشغيل بتاعت الأورنيش زهيدة كدا؛ شنو البمنع الصبي يستقل عنك؟
اللهم إلا تكون محتكر المنطقة وبتأمن للاطفال ديل حماية للعمل داخل الجامعة
----
يا عثمان، كل يغني ليلاه قاصد روحي في المقام الأول
| |
|
|
|
|
|
|
|
|
|
Re: ايها الاسلاميون (Re: أبوبكر عباس)
|
خش في الموضوع يا عمار
خليك من الورنيش والكركدي والعرس الطرشق ودخلت مكان العريس
(بالمناسبة قصتك الطرشقت ديك ذاتها أنا عارفها، لكن دي خصوصيات ما بتهمنا)
أحكي للأعضاء الجدد في المنبر قصة مجاهداتك الدموية في جامعة الخرطوم
عشان يحكموا ويشوفوا حكمة بكري في رفع البوستات
دي ليلى بتاعتي يا مستنير
| |
|
|
|
|
|
|
|
|
|
Re: ايها الاسلاميون (Re: أبوبكر عباس)
|
شكرا للملاحظة الزكية كنت اخميهم ضد الحرس الجامعى بالتدخل فى الوقت المناسب ...لم اسفك دما ولكننى مارست العنف ضد استاذ جمهورى فى كسلا وانا طالب فى الثانوى وضد احد اعضاء الحبهة الديمقراطية فى جامعة الخرطوم وقد تلاقينا وتعافينا وتنسب لى احداث فى الجامعة لاصلة لى بها مثل اخداث منتدى الفلاسفة والهجوم على اعضاء اتحاد الدقير فى موضوع طالبة الظب كنت انا المعتدى عليه ثم مارست العنف ضد حسين خوجلى ومحمد لطيف ومحمد طه والظافر وربيع عبد العاطى هذا سجلى فى مجال العنف.
| |
|
|
|
|
|
|
|
|
|
Re: ايها الاسلاميون (Re: عمار محمد ادم)
|
موضوع الاسلام انا اشهد ان لااله الا الله وان محمد رسول الله وللدين رب يحميه اسألونى عن تاريخى واموالى بالمناسبة انا اسكن فى بيت قرب كبرى المنشية فى حى الزين الشابك (القادسية) وعندى بيت تانى الاول مناصفة مع المرحومة زوجتى والتانى خالص لى وعندى مربوع فى القرير واخر فى قرية بشرق النيل وفى قطعة سكنية حى الهدى مربع 10 باسم المرحومة زوجتى البيت الاول اغلبه من قيمة جزء من بيت نسيبى فى برى اللاماب والتانى قطعة ارض بدلتها بتكسى هنتر
| |
|
|
|
|
|
|
|
|
|
Re: ايها الاسلاميون (Re: عمار محمد ادم)
|
يا معاوية، إتّا عشان فراعي؛ ما فهمت علاقة الحرس مع الطلاب المتنفذين
نحن أولاد الخرطوم وقعت لينا شكل الحماية دي
يا عمار، لو سمحت رد لي على سؤالي الأول
| |
|
|
|
|
|
|
|
|
|
Re: ايها الاسلاميون (Re: أبوبكر عباس)
|
يا ابوبكر عباس فشل المشروع الاسلامى انو مافى حاجة اسمها مشروع اسلامى فى قيم دينية تلتقى مع القيم الانسانيةالنبى قال (انما بعثت لاتمم مكارم الاخلاق ) يتمم وبس
| |
|
|
|
|
|
|
|
|
|
Re: ايها الاسلاميون (Re: أبوبكر عباس)
|
يا عمار كلامك دا تقولوا في المحكمة الشرعية
نحن هسع في محكمة ثورية إسفيرية استباقية
"فراعي" بصورة ما، نعم يا مستنير، لكن كنا ساكنين عديل في جامعة الخرطوم طيلة الثمانينات
بعدين ياخ بس اكتب عمار محمد ادم سودانيز و اعمل سيرش
عشان تشوف الاعترافات بنفسك
---
معليش أنا ح أكون في جلسة علاج طبيعي وسأعود لاحقا لو أذن الرحمن
| |
|
|
|
|
|
|
|
|
|
Re: ايها الاسلاميون (Re: معاوية الزبير)
|
علاج طبيعى عندك شنو؟؟؟؟؟؟؟؟ المشروع الاسلامى زى بنك.....الاسلامى لافتة بس الترابى كان عندو مشروعو الحضارى وزى ما قال محمد عمارة مشروع حصارى فى واقع هش.
| |
|
|
|
|
|
|
|
|
|
Re: ايها الاسلاميون (Re: عمار محمد ادم)
|
المشروع الحضارى بتاع الترابى انا عندى قضية كنت اظن ان تنظيم الاسلاميين هو الوعاء الذى يعبر عنها ولكن اصبت بخيبة امل واحاول ان اعبر عنها عبر حزب الامة وهى الديمقراطية والشعب اولا والله من قبل ومن بعد ومحمد بين الجوانح والضلوع. عووووك وين الجامعة قال علاج طبيعى عوووك وين الجماعة اياهم الليلة اوصلها الحد معاكم
| |
|
|
|
|
|
|
|
|
|
Re: ايها الاسلاميون (Re: معاوية الزبير)
|
يا عمار، تكفيني هذه الإجابة، أشهد انك رجل متطور
عافي ليك السكّة السكيتنا ليها لمان حاولنا ندخل داخلية البنات في كشة مارس ٨٤ ، وملايتي الصفراء الكنت متبلم بيها وقعت وشلتوها غنائم
| |
|
|
|
|
|
|
|
|
|
Re: ايها الاسلاميون (Re: عمار محمد ادم)
|
يا اخوانا الجمهوريين الناس بتتطور وتتغير انتو لسه واقفين لى فى محطة واحدة تقولوا فى كلامكم الزمان ما ممكن انا بعد الجامعة بقيت عدة عمارات شكلا ومضمونا...
| |
|
|
|
|
|
|
|
|
|
Re: ايها الاسلاميون (Re: عمار محمد ادم)
|
أستاذ عمار السلام عليكم
ولله أنا حاسة بصدقك ومرتاحة لطريقتك وبالك الواسع في الكتابة أتمنى أن لا تنشغل بمن البحرقوا في روحك ديل وإستمر أحكي لينا عن البتعرفوا انت وما بنعرفوا نحن وذي ما قالوا خياركم في الجاهلية خياركم في الإسلام
| |
|
|
|
|
|
|
|
|
|
Re: ايها الاسلاميون (Re: ود الباوقة)
|
التحية لك يا عمار وأنت "تنضج" علي نار هادئة
وزي ما قال ياسر الشريف
هو مطالب بال"تعرف" علي أسباب فشل التجربة
الذين يطالبون ب"إقرار" عمار أو "إعترافه" بالأسباب والجذور الفكرية
لفشل تجربة "المشروع الحضاري"
إنما يهربون من فرصة ممتازة أتيحت لهم لل"حوار"
نكبر شوية ونكبر عقولنا عشان نناقش الأفكار
وأنسوا الأشخاص
(وجرائمهم )
إسلاميون كثر قدموا نقدا للتجربة "المشروع الحضاري"
فما حاورناهم
فتشنا فش الغبائن فيهم
ولو حاورناهم
(من زاوية نظر مختلفة، وبمناهج أخري نرغب أن تكون علمية)
لتطورنا جميعنا
(عمار والسكاهم عمار في شارع الجامعة)
عمار تطور ونضج وكانت له شجاعة كافية لأن يقول لا
لتنظيم وهو في قمة السلطة
في الوقت الذي هرع له آلاف الارزقية والمنتفعين
(الواحد يدخل نخيف ويطلع سميييييين)
عماراتهم تتطاقش في شارع الستين وفي نواحي المعمورة والرياض
زي عمار دا حاوروه ما تحاكموه
عمار ضحية وليس مجرما
زيه وزي آلاف زيه
تم "تجنيدهم" بواسطة الأحزاب العقائدية وهم لما يزالون زغب الحواصل
في المتوسطة "الثانوي العام" والثانوية
قالوا لهم أن هذا هو طريق المسلم ومنهاجه وعداه كفر بواح
(وفي اليسار المكنة مختلفة لكنها تؤدي نفس الغرض)
حرموه زي الآلاف من التطور الحر والتعرف "المحايد"
علي المذاهب والفلسفات والحركات الإجتماعية والسياسية
لذلك
متي ما أسقطنا الديكتاتورية
وشيعناها ومشروعها إلي مقبرة التاريخ
وأقمنا مجتمع الديمقراطية والحرية
أول حاجة نعملها
نمنع طلاب الأساس والثانوي منعا باتا
من الإنضمام للمنظمات السياسية والمذهبية
(وبالتالي منع هذه المنظمات من تجنيد طلاب الأساس والثانوي)
دعوا الطلاب يتعلموا ويعرفوا ويقرروا الإنضمام لهذا التنظيم أو ذاك
بعد تمحيص ومعرفة و"نضج عقلي وعاطفي"
أن تنضم وأنت يافع لتنظيم
(أي تنظيم، عقائدي بالأخص)
وحصيلتك من المعرفة كتابين تلاتة وقراية جرايد ومجلات
هذا من شأنه أن يكبلك ب"قيد حريري"
تقضي العمر تحاول أن تبرر صحة قرار إتخذته وأنت طفل
وبتكون محظوظ لو بقيت صاحي عقل وضمير
(زي عمار كدا)
وفي الوقت الصاح تقول: هذا يكفي
أنظروا أيها القوم لمليككم العريان
(أو أيها الجن أن سليمان قد مات وشبع موت
وإنتوا يا وهم لسه شايلين عرش قد نهشته الارضة)
لو في حسنة واحدة في تجربة المشروع الحضاري
وثم فشله
أنها أسقطت الهيبة و"القداسة" عن مشروع
هو إنساني في الأساس
كانوا قد ستروا عورته بثياب الدين
في حوالي أواخر تمانينات القرن الماضي
في ناس كتيرين (عمار واحدهم )
لو قلت لهم أن المشروع الإسلامي سيفشل
لإتهموك بالكفر والزندقة و"العلمانية "
الناس ديل هم ذاتهم الذين أزال فشل التجربة
غشاوة من أعينهم
إنها لحظة مضيئة في تاريخنا
فأغتنموها للحوار لا للكجار
| |
|
|
|
|
|
|
|
|
|
Re: ايها الاسلاميون (Re: Nasr)
|
طلعت وجيت لقيت بعض مداخلات في الموضوع أشعرتني بعدم جدوى الاستمرار
واكتفيت بالمقتطف أدناه من مداخلة للزميل عمر عبد الله عمر
وفي بالي الاستقبال الحافل الذي لقيه النميري بعد عودته من المنفى
و الله المستعان
(غايتو.. مشوار طويل مع الكيزان ديل!.. و بعدين مشوار معاكم اطول أنتو يا الشعب الطيب شعب الكرامات)
شكرا يا Omer
| |
|
|
|
|
|
|
|
|
|
Re: ايها الاسلاميون (Re: معاوية الزبير)
|
Quote: عمار تطور ونضج وكانت له شجاعة كافية لأن يقول لا
لتنظيم وهو في قمة السلطة
في الوقت الذي هرع له آلاف الارزقية والمنتفعين
(الواحد يدخل نخيف ويطلع سميييييين) |
ود الباوقة فوق قال ليك شافو طالع مع مخرجات الحوار
| |
|
|
|
|
|
|
|
|
|
Re: ايها الاسلاميون (Re: أحمد محمد عمر)
|
| Quote: في بالي الاستقبال الحافل الذي لقيه النميري بعد عودته من المنفى |
يا ود الزبير هاك دي أقرب, جاري حكى لي يوم تشييع الترابي اتصل على الاهل في السودان سال من أبوه الكان من أوائل المسؤولين الذين احالتهم الإنقاذ للصالح العام واعتقل و عذّب قيل له أنه في المقابر يشيع جنازة الترابي !
| |
|
|
|
|
|
|
|
|
|
Re: ايها الاسلاميون (Re: محمد البشرى الخضر)
|
عمار احييك بي حرارة واشد علي يدك،
كزميل سابق لك بالجامعة عايشتا او شفتا بي عيوني الكثير من مواقفك وتصرفاتك، بل اذكر مرة انتا حذرتني عديل كده، لاني كنتا بشبك مع المرحوم محمد طه كتير في اركانكم، واحيان قليلة امين حسن عمر، او قتا لي انتو خالني عشان كنتا بدورا مع الجمهوريين تحديدا في الاركان!
طبعا كنتا ببدا بالحاج وراق اي الشيوعيين واختم بالكيزان من بعد الجمهوريين!!!
نعم كنت مراقب باستمرار من امن الاتجاه الاسلامي بالذات في الاحداث الكبيرة في الجامعة، بل امن التنظيم كان بباريني خارج الجامعة ولحدي حاج يوسف احيانا، نعم في البص بكونو راكبين وراي لحدي ما ادخل البيت او المكتب ايا كان في الخرطوم.
اذن بتكلم عن معرفة لصيقة بي دور امثالك، او سمعت من صديقتي الدكتورة لا لا، ما بدر منك تجاها او رد فعلها القوي ضدك في المقابل، لها التحية.
اتمني الجميع هنا يقدرو موقفك لانو كسودانيين دي المحرية فينا في المواقف الزي دي.
سلامي او مرحب بيك كثائر.
| |
|
|
|
|
|
|
|
|
 Re: ايها الاسلاميون (Re: Bashasha)
|
(يا ود الزبير هاك دي أقرب, جاري حكى لي يوم تشييع الترابي اتصل على الاهل في السودان
سال من أبوه الكان من أوائل المسؤولين الذين احالتهم الإنقاذ للصالح العام واعتقل و عذّب
قيل له أنه في المقابر يشيع جنازة الترابي ! )
أهلا ود البشرى
رغم أنني قررت أن آخر كتاباتي في المنبر ستكون في البوست الآخر
إلا أنني لا أجد غضاضة في الرد عليك هنا وتحيتك على هذا المثال الأحدث والأبلغ
عن هذه المحن السودانية
| |
|
|
|
|
|
|
|
|
|
Re: ايها الاسلاميون (Re: معاوية الزبير)
|
أن يرجع أي شخص عن ما كان عليه من ( السوء ) فده شئ كويس
طيب في حال كاتب البوست و سرد ما كان بيعمل فيهو و شهادات العاصروهو في الفترة ديك
الشئ المهم ، هل إعتذر للناس
هل شعر بأنو نادم عن أفعالو دي
هل فضح من كان يخطط و يدبر و ينفذ للأعمال دي
بالأسماء و التفاصيل و التواريخ ؟
الكلام العام ما بينفع في الحاجات دي ، و مكتوبو هنا معروف حتى للماعندهم عداء تجاه النظام ده
مهما كانت مبرراتو لعدم توثيق فترتو العمل فيها مع النظام ده ، توثيق يصلح لإدانة الناس ديل
الكتابة الزي دي ما بتنفع
| |
|
|
|
|
|
|
|
|
|
Re: ايها الاسلاميون (Re: معاوية الزبير)
|
عمر عبدالله سلامي،
معليش، هذا شطط ليس الا.
نعم حتي بالعقل والحكمة ده تفكير عاطفي انعالي، لايخدم غرضك، لو غرضك تكسب صراع البقاء ضد نظام القتلة، لانو المعادلة صفرية.
مفروض في وضع زي ده، نرحب بي موقف امثال عمار بعد ما راجع روحو وتراجع ولا يهم السبب ولايصح تفتيش النفوس.
المهم انو رفع يدو منهم ومدا اياديهو لينا، بالذات من زول في موقعو او دورو المحوري والاساسي، اللي حيرفد المعسكر الاخر لاشك، ويتسبب لامحالة في انو الكثيريين في معسكر النظام من غير المنتفعين من الكيزان حيدوها صنة.
اعرف الكثيرين من الكيزان المرقو بي قد القفو في سباق الهبر لاي سبب، وبالتالي زي موقف عمار ده بساعد انهم يدوها صنة، كما فعل بعضهم سلفا وهذا كلو في صالحنا لو حسبتها.
اذن زي موقفك ده من اي جهة اتيتها، اولا لايشبهنا كسودانيين في المواقف الزي دي، وثانيا مكلف، وثالثا يخدم المعسكر الاخر.
لو ده حاصل، فما الحكمة من زي موقفك ده؟
| |
|
|
|
|
|
|
|
|
|
Re: ايها الاسلاميون (Re: Bashasha)
|
الجماعة قاعدين بره ضاربين الكندشه هم من جيلى فى جامعة الخرطوم وانا طالب فى بدايات العشرينات من عمرى جئت من كسلا الى الخرطوم ةتغير نمط حياتى كله فى الاكل واللبس حدثت صدمة حضارية بلا شك كنت متدينا عبرت عن هذه الصدمة بطريقة المتدينين وغيرى عبر عنها بطريقة اخرى جيلنا تخرج من الجامعة بعد الانتفاضة وكانت الساحة قد امتلأت من السياسيين القدامى من جيل ما بعد الاستقلال والذين كانت مايو تكتم انفاسهم تخرج جيلى ووجد الساحة مكتظة لم يجد مكانا يتنفس فيه او يعبر عن نفسه اثروا الخروج من البلاد وتشتتوا فىانحاء الارض وبعضهم انزوى داخل البلاد الاحظ ان الذين يتداخلون معى هم من ذاك الجيل الذى قطع التواصل بين الاجيال وهم يحملون مرارات الماضى وقد عدت لجامعة الخرطوم لاكمل دراستى وعشت مع جيل جديد فى ظروف صعبة للغاية مطلع التسعينات لهذا الجيل تحيتى واحترامى واعتقد ان البلد تنتظركم وسنفسح لكم الطريق ودعوا الذين يعيشون فى احقاد الماضى ومراراته ومكانهم الان اوهم فى طريقهم الى دور المسنين التحية للاجيال الجديدة الصاعدة وما الانقاذ الا غربال كبير قد كشف الكثير.
| |
|
|
|
|
|
|
|
|
|
Re: ايها الاسلاميون (Re: عمار محمد ادم)
|
طبعا كالعادة عمار ميع النقاش و كالعادة يجوك الناس يا ها المحرية فيك و نحن السودانين و ما في زينا و الكلام الزي دا.. كلام في الحقيقة صحيح و لكن ما هو واقع الأن.. و لا يمكن أن يكون ما لم يحاسب كل من أجرم في حق هذا الشعب.. الشعب السوداني لا شك كالذهب و لكن الأن تعلوه غبرة و لابد من جلوه بشئ من النار.. لا بد!
عمار ما عندو خيار و موقفو دا مو من منطلق أخلاقي لكن لحسابات خاصة بيهو هو طرقشت.. ليس إلا.. نفس الشئ ينطبق على غازي و ود ابراهيم.. و غيرهم..
هسع عمار دا حتى أبراء ذمته أختلف في شهور قليلة.. قبل فترة ما ها طويلة قال عندو بيتن فقط واحد أظنه ورثة و واحد قال أشتراه من الكشف بتاع وفاة زوجته "الله يرحمها".. هسع طلع أهو بأملاك الناس الاقتربو قد عمره دا ما ملكو نصها.. أها حكاية الورنيش كان عايزين تصدقوها صدقوها.. مخيرين..!
كلامنا عن عمار لا ينبغي أن يصنع منا وحوش او غير سودانين.. نحن سودانين نبتغي سودان جديد.. سودان حقوق مش عواطف..
بعدين سلامات يا بشاشة.. والله كلام عجيب... قال ما بشهنا كسودانين.. أها دا الكلام العاطفي الخاوي!
ما يا هو نحن السودانين ديل ذاتنا خضنا اطول حرب اهلية في أفريقيا أستمرت لاكثر من خمسين سنة و ماتوا فيها أكثر من مليون و نص..
يا هو نحن السودانين ديل ذاتنا ما زلنا نضرب الأطفال و النساء في دار فور و كردفان و النيل الأزرق بالنابالم و الكيماوي.. لعند كلامنا دا.. قال ما بشبهنا كسودانين..
يا هو نحن السودانين ديل ذاتنا الأغتصبنا البنات و الرجال في المعتقلات و خصينا الرجال.. ديل كانوا من واق الواق؟
يا نا نحن ذاتنا القلتنا الشباب المسالم الذي خرج في مظاهرات سلمية... كلهم عمر زهور و ما حمل أحدهم حجرا حتى.. هل كان داك قوات دفاع إسرائيل؟ مش غريبة كلام زي دا يجي من زول زيك متابع و ناشط..
يا راجل هنالك حقوق و سوف لن تسقط هذه المرة.. الناس حزمت أمرها إتحزمت و عملت حسب ما ترى كدفاع عن و حسب ما يحميها.. و ما زالوا سودانين و بسمعوا الحقيبة كمان..و بقولوا يا سلام زمان في السودان الجوز كان ثلاثة.. و مبارك حسن باركات وود شيخ البطانة
لذلك نصف السودان الأن أراضي محررة.. اي والله! لا أحد يعرف ذلك في جنوب كردفان ودار فور و جبال النوبة.. حموا نفسهم بنفسهم و هو سودانين أصلاء يقولون بغير ما تقول من غير ما ينقص من سودانيتهم شئ.. حقهم لا بد من أخذو اكان طال الزمان و لا قصر..
الخيارات واضحة.. كل زول يشوف المناسبو.. لكن هذه المرة سوف لن يسقط الحق بعز عزيز أو ذل ذليل! هذا او الطوفان...
| |
|
|
|
|
|
|
|
|
|
Re: ايها الاسلاميون (Re: عمار محمد ادم)
|
الاخ عمار محمد آدم.
لقد رأيت لك صورة في مؤتمر الشيوعيين الأخير وانت موشح باللون الأحمر لكن ود الباوقة يقول هنا انه راك وحياك في يوم الاعلان عن مخرجات مؤتمر الحوار الوطني. الوداك لناس الانقاذ شنو بعد ما فارقتهم وانتم تعلم بتجذر صفة الدجل والنفاق فيهم وتكالبهم على ملذات الدنيا؟!. والسؤال الثاني: متى فارقت الانقاذ ولماذا؟.
| |
|
|
|
|
|
|
|
|
|
Re: ايها الاسلاميون (Re: عمار محمد ادم)
|
بكون قفلوها معاهو ماديا عموما شخصية عمار مصادمة وميالة للمشاكسة ولا يقبل الاوامر
عموما اعتبره ضعيف من الناحية العقلية مع الاعتذار له
عن نفسي اقول من كان منكم بلا خطيئة فليرمها بحجر
الرجل لايطلب منصب ولا عز ولا جاه
واهو بفضح في الجماعة
عن العنف ايام الجامعة طيش شباب
ولو الرجلا طالب العفو، العفو شعور سامي
لايقدر عليه الا اصحاب النفوس الراقية
| |
|
|
|
|
|
|
|
|
|
Re: ايها الاسلاميون (Re: كمال عباس)
|
نشرب تجلدونا
نصلي ترشونا
قريمان ترك المعارضة و مشي للحكومة. انجلد و ما زال ينجلد حتي شنو كدا ما عارف
هسي الزول خلي الحكومة (ما نقول جاء المعارضة) . خلي يترشي شوية و عليه ان يستحمل كثير
| |
|
|
|
|
|
|
|
|
|
Re: ايها الاسلاميون (Re: Mahjob Abdalla)
|
تحياتي الصديق الصادق ميرغنى والمشاركين
قلت :"ضعيف من الناحية العقلية مع الاعتذار له"
ودا مذهب في الإعتذار يقع فيه كثير من المثقفين يشابهه المثل السوداني "الإضينة دقو وأعتذرلو"
أولاً الإعتذار لا يكون إلا عن خطأ، فإذا شايف الكلام دا خطأ بتقولو ليه؟!!
ثانياً يا جماعة الله الكلام المن باب : مجنون، ضعيف العقل، متخلف عقلياً ... دا بدخل في باب الإساءة اللفظية والعنف والقهر تجاه الآخر.
وأخيراً: بيني وما بينهم دعم النظام فإن تركوه تركتهم إلا الحقوق وهذه لها المحاكم.
| |
|
|
|
|
|
|
|
|
|
Re: ايها الاسلاميون (Re: aydaroos)
|
يا عمار، عنف التمانينات، البوفيهات، استغلال شفع الاورنيش كلو مفهوم في ظل جاهلية التنظيم الأولى
تجي في بداية الانقاذ تنافح الفساد والتنظيم ودا مفهوم في ظل تطورك
كيف تجي في بداية الألفية وتدي كلمة مرورك هنا للطاهر والهندي؟
هل دي ردّة ارتديت عنها تاني؟
| |
|
|
|
|
|
|
|
|
|
Re: ايها الاسلاميون (Re: aydaroos)
|
اخ عيدروس التحية لك والاخوة المتداخلين
انا قصدت بالقصور الفهم باعتبار انو بارا الجماعة ديل عن سذاجة وحسن نية وبعداك
خش الغريق وعجبوا الموضوع وضرب الراحات وجرب السلطة والبطش
مش الورنيش الاداهو القروش ولكن السلطة والهيبة والبطش المسنود بقوة العصبة اولي البأس
عشان كده اعتذرت مقدما للاخ عمار
يعني ما ممكن نساويهو بي الطيب زين العابدين ولا حسن مكي
وكما قال انو كان كادر عنف ومصادم وزول دوشمان ما زول عمييق
| |
|
|
|
|
|
|
|
|
|
Re: ايها الاسلاميون (Re: كمال عباس)
|
عمار ليس فرد...هو جزء مننا وفينا..هل حل الان وقت المحاكمة والمسائلة..هل سقطت الانقاذ...تابعت معظم المداخلات وقد اصبت بالخوف..ياجماعة هل نحنا جاهزين..هل جاهزين لمحاكمة الانقاذ ..هل جاهزين لاعادة مئات المليارات التي سرقت..هل قمنابرصد كل هؤلاء اللصوص ومعرفة ممتلكاتهم واين وكيف اخفوها..هل جاهزين وعندنا برنامج سياسي متفق عليه يمكننا ان نحكم به ونقود البلاد بعد سقوط الانقاذ..هل جاهزين انه ماتحصل ردة ومن الثورة المضادة كما حدث لنا في ابريل..هل جاهزين لمكر ودهاء الانقاذ...هل وهل وهل...
المطلوب من عماران يكشف بشجاعة للشعب السوداني وان يقدم كل ما يمتلكه من معلومات عن الافراد الذين قاموا بتعذيب وقتل الشرفاء من ابناء الشعب ويكشف كل الجرائم التي تمت باسم الجماعة في حق هذا الشعب...ويترك للشعب حق المسائلة او المحاكمة...واذا تاكد لنا انه ارتكب جرم في حق اي انسان فليتم شجاعته ويستعد لتقديم نفسه لمحكة الشعب التي يجب ان نكون مستعدين لها نحن ايضا كيفا وشكلا ومضمونا...
| |
|
|
|
|
|
|
|
|
|
Re: ايها الاسلاميون (Re: Hussein Mussa)
|
ما بكشف اسم اى واحد هو اكشفو لى منو يا اخوانا ما تستهدوا بالله واى زول يعرف حجموا الطبيعى خليكم واقعييين هسى قاعدين تجيبو لى حاجات ايام انا طالب فى الجامعة ما تجيبو لى حاجات بعد الانقاذ اتحداكم انتو عايشين معانا فى البلد دى ولا طاشين بره شكلكم طاشين بره الحلبى الغليد ده من وين...
| |
|
|
|
|
|
|
|
|
|
Re: ايها الاسلاميون (Re: عمار محمد ادم)
|
من سابع المستحيلات بل المستحيل بعينه ان يخرج فايروس .. فيروس ..الكوزنة من الانسان - الشخص المصاب .
ما عارف بالظيط نحنا السودانيين سذج ام اغبياء .. ولا طيبة لدرجة السذاجة ؟
الله اكون في عونا
| |
|
|
|
|
|
|
|
|
|
Re: ايها الاسلاميون (Re: منتصر صلاح)
|
Quote: من سابع المستحيلات بل المستحيل بعينه ان يخرج فايروس .. فيروس ..الكوزنة من الانسان - الشخص المصاب .
ما عارف بالظيط نحنا السودانيين سذج ام اغبياء .. ولا طيبة لدرجة السذاجة ؟
الله اكون في عونا
|
دا كلام ما دقيق فعلى سبيل المثال كان معانا كوز هنا إسمه جمال هوبفل إتحول لمسيحي وعلي محمود حسنين إتحول لإتحادي معارض بقوة للكيزان والشاعر الكتيابي كذلك وأعرف بعضهم أصبحوا يساريين
| |
|
|
|
|
|
|
|
|
|
Re: ايها الاسلاميون (Re: عبد الصمد محمد)
|
طبعا كالعادة عمار ميع النقاش و كالعادة يجوك الناس يا ها المحرية فيك و نحن السودانين
عمر عبدالله
بطل لف ودوران.
هذه مزايدة، شغل شوفوني والسلام.
كلامي وجهتو ليك بي اسمك، في وشك عنقر ما مدنقر كالعهد بنا وعكس امثالك.
علي كده عندك كلام كرد علي الكلام القالو العضو بشاشا كمثال، وجهو ليهو بي اسمو عديل كده، او بطل لف او دوران.
نعم احنا كسودانيين التسامح هو عماد ارثنا الحضاري، وليس غل امثالك، ولا يملك ايا كان يغير هذا فينا اطلاقا مهما فعل.
بالنسبة لي مهما كان الثمن المدفوع قصاد تسامحنا المشهود له او طيبتنا، فنحن علي استعداد لدفعو، وهكذا علمونا اهلنا في جبال النوبة الصبرو دون غل او حقد من اي نوع علي قهر القرون، وهم اشجع من مشي فينا علي قدمين، رماة الحدق، لله درهم.
انتا عمدا تخلط مابين المواقف والتوجهات الفكرية للفرد ايا كان هذا الفرد، وما ارتكب هذا الفرد من جرائم، اللي بظل برئي الي ان تثبت ادانتو وفق نظام عدلي مستقل، واجراءات تحفظ الحقوق الدستورية للمتهم كمواطن وانسان.
اذن لو عندك ماخذ قضائي ضد ايا كان، فانتا ما بتحاكمو هنا في موقع زي ده مخصص للصراع الفكري، والا فرقك من امثال نافع شنو؟
| |
|
|
|
|
|
|
|
|
|
Re: ايها الاسلاميون (Re: Bashasha)
|
بشاشا يا زول أنا ما بلف و ما بدور.. الكلام الفوق ما بخصك لكن ذكرتك بالاسم يا بشاشا لمان رديت عليك..ركز يا بشاشا...
ما في مزايدة ! نزايد على شنو؟ لكن مستغرب في رايك العجيب دا.. عايز تقول أن السودانين ملائكة و إنو التسامح هو إرثنا.. نحن أكثر امة قتلت بعضها في الستين سنة الأخيرة.. أكثر من أي أمة أفريقية أخرى حتى رواندا و تجي تقول لي تسامح!
التسامح ما معناه العضارة.. التسامح ما معناه السكوت عن الضيم و الحقارة.. التسامح ما معناها إسقاط دم الناس و هتك عروضهم..
بعدين جبال النوبة البتكلم عنها دي حمت نفسها رجالة و الليلة كلها- غير المدن- أراضي محررة. و المدن ذاتها- أكرر المدن ذاتها - لو عايزين يدخلوا أي مدينة بيدخلوها.. ديلك إتحزموا و عرفوا كويس الناس ديل شنو..
مافي غل يا بشاشا لكن ما في مجاملة.. تاني بقول ليك دولة حقوق مش مجاملة.. حقوق تأخذ و تحفظ.
هذا كل ما في الامر..
تاني بنكرر كل زول يعارض بالطريقة البتناسبو.. لكن أحسن للناس تشوف حل جذري و يكون موقفها واضح جدا لسودان جديد.. كل من أجرم يحاسب و الحق العام لا ينبغي أن يسقط..
أنت يا بشاشا صاحب مرجعية أفريقية.. شوف جنوب أفريقيا تجربتها شنو؟ هل عفا الله عم سلف و لا لازم الواحد يعترف بكل جرم إرتكبو بعدين ناس الحق يعفوا و لا يحاكموا..
تاني أنا ما بلف و بدور اقرأ الكلام و افهمو و شوف منو العنقر ما دنقر.. إنت بتعرفني كويس لو أنا بلف و بدور.. ركز يا رفيق ركز.. ما تستعجل الحلول.. ناس عمار دا ما بتغير يا هو ذاتو... و كذلك كل من اجرم في حق هذا الشعب و يلحن.. يرقون منك كما يروق الثعلب..
| |
|
|
|
|
|
|
|
|
|
Re: ايها الاسلاميون (Re: Omer Abdalla Omer)
|
عايز تقول أن السودانين ملائكة و إنو التسامح هو إرثنا.. نحن أكثر امة قتلت بعضها في الستين سنة الأخيرة.. أكثر من أي أمة أفريقية أخرى حتى رواندا و تجي تقول لي تسامح!
عمر عبدالله،
ماهي لوحة، كل زول فينا بقراها بي طريقتو هو.
نعم نحن اكثر من قتل بعضه البعض الان واللحظة، ورغم انف هذا نظل اقرب شعوب الارض بعضنا لبعض، والفارق هنا.
اذن قتل الشعوب بعضها للبعض من قامت الدنيا هو القاعدة ولاجديد.
الاختلاف هو في طريقة تعامل كل شعب علي مستوي الافراد في عصر الابادة.
الاختلاف هنا.
رغم انف جنون البقر المصابين بيهو كشعب، فلا يمكن واحد من الفور كمثال لما يلاقي واحد من دنقلا في العاصمة مثلا يروح فاشي غبينتو فيهو، كما يفعل السوري بالسوري مثلا!
نعم بعد ده كلو ابن الجبال والشايقي بتلاقو الخرطوم او بتواصلو عادي، في ذات اللحظة الفيها الانتنوف بتسقط براميل المسامير علي رؤس اطفال الكراكير في الجبال، وهذا مشهد وموقف لايتكرر كثير كقاعدة في اوساط الشعوب الاخري!
قارن هذا، بالامريكي الابيض، البقوم وهو في كامل وعيو، بتفجير دار للعبادة، فقط لانو البتعبدو جواهو ديل ناس سود البشرة، من دون ماتكون هناك حرب اهلية، او جوع او عطش او فوضي لغياب السلطة المركزية!
واضح انو في السودان في شئ مختلف والسودانيين نعم وبملئ الفم، مع جنونم ده، حقيقة ملائكة عديل كده مقارنة بالاخرين اللي في اكمل وتمام العافية والحياة الرغدة ماديا!
من الجانب الاخر هناك صراع بقاء او فناء مابين النظام المجرم وبقية السودانيين اي الشارع الاعزل، بزعامة معارضة مهلهلة، مفككة، وضعيفة.
اذا غرضك تكسب الجولة، وبعيد عن المثاليات البتثير حنق امثالك، فليس من الحكمة، وانما من الغباء انك تقفل الباب امام البتسللو من معسكر نظام القتلة، والي معسكر الشارع!
اذن موقفك هذا وبغض النظر عن دوافعك ونواياك يصب في مصلحة النظام.
ده ما وكت جرد حسابات علي الاطلاق.
لما يجي وكتو اعلم امثالك في اليسار القديم حيكونو علي راس القائمة او مش فقط اليمين لانو اليسار بدورو اجرم في حق الشارع، سوي جنائيا ام اخلاقيا ام سياسيا، وكنتيجة حدث فراغ ملاه اليمين ممثل في الجبهة الاسلامية.
كلامنا ده ما وليد اللحظة وانما من فتحنا او قمنا ده كان موقفنا من كل منظومات دويلة الاحتلال الثنائي، ومقهي النشاط من قبل اكثر من 30 سنة شاهد علي مانقول!
كنا منذ اكثر من 30 سنة والي هذا التاريخ ضد المدلوق كمياه مجاري في ملجة السياسة السودانية، من بالوعة دويلة امثال شقير وونجت الخاصة بالجلابة حصريا!
بالنسبة لي نموذج اهلنا في الجبال، البمثلو المثل الاعلي بالنسبة لي، والمرجعية، فما كان غالبم عسكريا يزحفو علي الخرطوم ويحيلو ليلها نهار، ويشعلو فتيل الفتنة، ولكن ليس هذا طبعهم، ولاهذه طريقة تفكيرم، وهذه الحرب مفروضة عليهم، بغض النظر عن شكل النظام الحاكم في الخرطوم.
بدل احترام توقير وتبجيل نموذج انسان الجبال في الطريقة البدير بيها الخصومة بل محارق الابادة، ها انت وبطريقة غير مباشرة بتسخر منهم، عامل ذكي جدا، مقددا، شغل "شو"، او شغل مزايدة، وانت حركة شعبية!!
| |
|
|
|
|
|
|
|
|
|
Re: ايها الاسلاميون (Re: Bashasha)
|
كل من أجرم يحاسب و الحق العام لا ينبغي أن يسقط..
نواصل مع عمر عبدالله:
واضح انك عمدا بتخلط الاوراق شغل مخارجة!
مافي زول هنا قال عفا الله عن ماسلف من جرائم ارتكبت بحق السودان والسودانيين، سوي بواسطة نظام القتلة، او بقية الاحزاب السياسية في الوسط واليسار.
هذا موضوع اخر، ده ما وكتو وانت عارف كده، ولكن من باب استمالة الاخرين واعادة شك اوراق اللعبة انت تلجا لمثل هذا الخلط استدرارا للعواطف!
همنا الان ازالة نظام القتلة، وليس المساءلة الجنائية لايا كان، اللي مفروض يتم في المرحلة التالية لسقوط النظام وقيام دولة البديل.
احنا كهوام، من العوام، العنقالة، ناس قريعتي راحت، الما "منظميين" زي ما بتصفونا بكل عنجهية، احرص منكم علي يوم الحساب لاننا ماعندنا رموز او تنظيم خايفين عليهو كما هو حالك، كحركة شعبية، يقودها رجل فاسد، فاسق، نرجسي، ديكتاتور، غرير مغرور متهم بارتكاب جرائم!
اذن لمن يجي وكت الكلام ده، انتا من الحيابو الكلام ده!
| |
|
|
|
|
|
|
|
|
|
Re: ايها الاسلاميون (Re: Bashasha)
|
| Quote: احرص منكم علي يوم الحساب لاننا ماعندنا رموز او تنظيم خايفين عليهو |
بشاشا
تحياتي
كلامك سمح ومنطقي، بس لماذا تأجيل الحساب إلى حين سقوط الإنقاذ المنتظر منذ 27 عاما، لماذا لا يتم العمل
بخطين متوازيين، الخط الأول من خلال الإنقاذ نفسها وبرنامجها للحوار وإسماعها وحوارها بكل ما يخطر بأذهان
الناس للإصلاح، فإن قبلته فيتم إختصار الطريق وتتم المحاسبة قضائيا أو عرفيا وبما يتناسب مع تحقيق السلم الإجتماعي،
وأما إن تعنتت الإنقاذ وماطلت كعادتها فيستمر الخط الآخر وإنتظار سقوطها ووقتها لكل حادث حديث.......
| |
|
|
|
|
|
|
|
|
|
Re: ايها الاسلاميون (Re: عمار محمد ادم)
|
اصلها الملوطه بتبدا من الشرفاء ودى اكبر نكبات بلدنا مع الاعتزار الصادق عن الكلمه لكن
على الايمان قدر ما بحتا فى راسى مالقيتلها بديل عمار منو والله مافى اى عفا الله عن ما سلف
لانو عمار زى وزى اى كوز جيفه ماعندو ضمير خلى بس يتشاطر ويبرئ رقبتو امام المحاكم
وبرضوالناس الطلع دينم بجو يقيفو معاهو قدام قضاء على اسؤ الاحوال ح يكون نضيف ومنصف
بعدين تعالو هنا يعنى لو اى فاسق جاكم بحنك زى حنك عمار تقعدو تتراجفو ليهو كدا والله العظيم تلاته ماحيحصل
واشخطوها هنا دا فى حيطة حوش بكرى دا بالمناسبه ح يظهرو عمامير كتار فى الايام القادمات
ومثل ما يلقو ناس نيتم سليمه يقنعوهم ح يلقو ناس بتعرفم وبتقيفلهم قوم لف ياخى يلفك بلا يحرقك
| |
|
|
|
|
|
|
| |
عمار محمد ادم
doma
علي دفع الله
ibrahim alnimma
عبدالكريم الامين احمد
Osman M Salih
طه جعفر
Yasir Elsharif
Omer Abdalla Omer
معاوية الزبير
محمد عبد الله الحسين
Hasheem Karouri
مني عمسيب
جمال خضر
Nasr
محمد البشرى الخضر
Bashasha
kamal omer
كمال عباس
Mahjob Abdalla
aydaroos
WAD ELGAALI#4
فيس بوك
تويتر
انستقرام
يوتيوب
بنتيريست