قاعد اتفرج في التلفزيون فجأة قطعوا الاخبار وقالوا بيان هام من رئيس الجمهورية جاء بعد شوية وقال انا والله بعتذر من الشعب السوداني من المرمطة والفقر والجوع الحاصل دة وابشركم ايها الشعب الصابر كلما نحفر شبر نلقى ذهب نحفر متر نلقى بترول وهسع انتاج البترول فاق كل ما تنتجه دول اوبك مجتمعة لهذا قررت الاتي: القبض على جميع الوزراء وسارقي قوت الشعب وآكلي المال العام. اغلاق جميع المستشفيات الخاصة وفتح مستشفا حكومية العلاج فيها وصرف الدواء مجانا مجانية التعليم بناء ابراج سكنية ومسكن لكل مواطن ومواطنة مجانا فتح سوبرماركيتات ومولات في جميع الاحياء والمواطن ياخذ ما يريده مجانا تمليك كل مواطن سيارة برادو مجانا. فجأة لقيت ليك المرة بتصحي فيني للغداء قالت لي يا راجل بتضحك وانت نايم مالك؟ حكيت ليها الحلم قالت لي هداك الرئيس هسة في التلفزيون في كسلا لقيتوا ليك بيقول الراجل فيكم يطلع لينا الخلاء. قلت بسم الله الرحمن الرحيم اللهم اجعله خير. ولي هسة ما اتغديت.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Adam Youssif
فيس بوك
تويتر
انستقرام
يوتيوب
بنتيريست