إجرام البشير يتمثل في سفكه لدماء الشعب السودانى وإعترافه بذلك. كم من الأرواح البريئة التى تسبب في موتها البشير؟ هي أرقام لا حصر لها.. مهما طال الزمن لابد من عدالة إنتقاليه تحاسب البشير علي إجرامه وتعيد التوازن والأمن لهذا البلد..
10-14-2016, 05:06 PM
وائل حمزه الزبير وائل حمزه الزبير
تاريخ التسجيل: 07-04-2014
مجموع المشاركات: 1769
سيف اليزل تحياتي دعنا نبدأ بقضية الاعتراف تلك .. وحقيقة كنا قد تحدثنا مع البعض فيما قاله سعادة الرئيس حفظه الله ورعاه في الفيديو الذي اشرت إليه .. بالمناسبة حديث السيد الرئيس لا اشارة فيه لما تتحدث عنه.
10-14-2016, 06:47 PM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9476
ما قدمته ليك في البوست ده من إثبات يا وائل لا يختلف عليه نفرين اللهم الإزول داير إتلولو ساي.
فقد إعترف البشير اعتراف واضح وصريح بإنه قتل الناس في دارفور لأتفه الاسباب..اسباب ما تستاهل ضبح خروف ناهيك عن ضبح بنى آدم زي ما قال هو... يا وائل الكلام واضح ويكفي لمحاكمة البشير في اي محاكمة علنية عادلة..ده إعتراف واضح وصريح... وإذا سمعك ربما يكون ضعيف شوية فأنا فرغت ليك ما قالوا البشير في الفديو عشان تقراهو.
البشير إعترف بعضمة لسانه في الفديو ده يا وائل وقال بالحرف الواحد: "فكيف ربنا بستجيب دعانا، ونحنا، وبقول نحنا. ونحن دي من الرئيس عمر البشير ومرورا بالتجانى ولغاية ما نصل لغاية آخر واحد (شايل بندقية). كلنا وكل واحد عايز إنه ربنا يستجيب دعاه ويتقبل عمله. كيف ممكن يكون ده؟ كيف ده ونحن (بنقتل) و (بنسفك دماء) مسلمين (لأتفه الأسباب)؟ أنا بقول لأتفه الاسباب. مافي حدث كبير في دارفور والحصد المئات، لما جينا شوفنا البداية لقيناهو والله العظيم ما بتستحق الزول يضبح ليها خروف خلي (يضبح بنى آدم)!. كيف أنحنا (إستحلينا دماء) المسلمين ونحن نعلم تماما أنه لزوال الكعبة اهون عند الله من قتل نفس مؤمنة. ونعلم أنه (قتل) المؤمن، أنه (قاتل النفس المؤمنة) دي، أنا غايتو قدر ما قلبتها، ما بعرف انا ما عالم لكن في علما قاعدين هنا، في شيوخ، في حفظة، في بتاعين حديث، بتاعين فقه، أنا ما لقيت أي خطأ عنده عقوبة في الدنيا وعنده كفارة في الدنيا، إلا قتل النفس المؤمنة. شيخ موسي: رايك شنو في الكلام ده؟ أنا غايتو ما لقيت"
البشير عارف تمام حسابه شنو في الدنيا والآخرة..
10-14-2016, 09:36 PM
وائل حمزه الزبير وائل حمزه الزبير
تاريخ التسجيل: 07-04-2014
مجموع المشاركات: 1769
حديث السيد الرئيس كان موجهاً لطرفي النزاع أليس كذلك؟؟ الحديث فيه تذكير لنفسه وللطرف الآخر في أن ما ينتج عن هذه الحرب هو الموت لكن دعني أذكر يا أخ سيف في أن هؤلاء المتمردين يملكون السلاح والعتاد ويملكون القوة التي يواجهون بها القوات المسلحة السودانية وهم ليسوا بالضعفاء ولو كانوا ضعفاء لكان قد حسم أمرهم وهذا جانب .. الأمر الآخر ولكي نقترب من المراد لو تهجم عليك أحدهم يريد أخذ مالك فرضاً واستخدم القوة معك فإن قتلته فأنت دافعت عن مالك وأجازت الشريعة الاسلامية دفاعك وقتل هذا المعتدي .. ففي الحديث الذي رواه البخاري ومسلم عن عبد الله بن عمر رضي الله عنهما قال نت قتل دون ماله فهو شهيد .. أيضاً حديث الرجل الذي قال للرسول صلوات الله وسلامه عليه أرايت إن جاء رجل يريد أخذ قال: لا تعطه. قال : فإن أبى قال :قاتله . قال فإن قتلني .قال : أنت في الجنة.. قال فإن قتلته قال : هو في النار. فاذا كان هذا يتوجب في حق المال فما بالك يا سيف في حق النفس ؟؟؟ النفس وما أدراك ما النفس . هذه الحركات المارقة المتمردة يا سيف هي التي بغت وابتدأت القتال وهي لا تقاتل بسيف العشر وانما بالمعدات الثقيلة وهي تعتدي على قواتنا المسلحة فحلالٌ بلالٌ قتل أولئك المعتدين حتى يفيؤوا الى أمر الله .
10-15-2016, 10:15 AM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9476
يا وائل ياخي ما مكن تلقي مخارجة لزول إعترف بعضمة لسانه وقدام كل العالم قال إنه (نحنا) وكررها مرة تانية قال نحنا قتلنا الناس في دارفور لأتفه الاسباب. هو المسؤول المباشر والأول عن هذا الاجرام. شايفك استشهدت بالاحاديث عشان تدخل هذه المجرم الجنة. الجنة الأنتوا حارسين أبوابها دي تدخلوا من تريدون وترفضوا لمن تريدون. ياخي البشير براهو عارف الراجيهو بسبب إجرامو ده. وفي الفديو ده زاتو قاعدين معاه علماء السلطان وقدامهم قال مافي اسوأ من قتل النفس المؤمنة..
بعدين انت داير تحلل قتل اهالي دارفور وتحرم عليهم دفاعهم عن انفسهم!!!!..إنت قايل دافور دي واقعة في البحر الاحمر ولا الجزيرة!!!! ما مواطنين الحرب دي مدورة في اراضيهم وقراهم. ما مواطنيين إنظلموا وبدافعوا عن حقهم في العيش الكريم.
البشير مجرم يا وائل وقاتل وسفاك دماء. ما مكن تلقي ليهو مخارجة في الحتة وكمان داير تدخلوا الجنة...
10-15-2016, 11:30 AM
وائل حمزه الزبير وائل حمزه الزبير
تاريخ التسجيل: 07-04-2014
مجموع المشاركات: 1769
Quote: بعدين انت داير تحلل قتل اهالي دارفور وتحرم عليهم دفاعهم عن انفسهم
الأخ سيف دين يزل حديثك المقتبس هو حديث غير صحيح .. لا تخلط الارواق ببعضها .. غير صحيح أن أهل دارفور كلهم يحملون السلاح ضد القوات المسلحة السودانية والحكومة .. هناك متمردين تمردوا على الحكومة وهم بالتأكيد يحملون السلاح ويقاتلون القوات المسلحة السودانية .. آمل التصحيح وهذه واحدة.
ذكرت في حديثك بأن من يحملون السلاح يدافعون عن أنفسهم وكذلك القوات المسلحة تدافع عن نفسها وعن النفس من القتل بالقتال.. حديث السيد الرئيس حفظه الله عن أن قتل النفس كان لأتفه الاسباب يقصد بأن الطائفة الباغية هي مؤمنة بالله ولكن ابتدرت القتال ووصلت القتال وتسقط نلك الانفس المؤمنة من كلا الطرفين مع أن الامر يمكن حله بدون اراقة الدماء.
نأتي لقضية الجنة والنار التي اتهمتني فيها بأنني اشرع فيها .. حاولت أن اجعلك تتصور تسلسل الاحداث بمثال بسيط حدث مع احدهم وفيما معناه ان احدهم جاء مستفتياً للحبيب المصطفى بأنه لو تهجم علي احدهم لأخذ مالي ماذا أفعل ؟ قال لا تعطه قال فإن رفض واصر قال الحبيب صلوات الله وسلامه عليه : قاتله بمعنى ادفع عدوانه (ولاحظ القتال يختلف عن القتل) فسأل السائل مرة أخرى لو تغلب علي هذا المعتدي وقتلني فقال الحبيب صلوات الله وسلامه عليه أنت في الجنة.. ثم سأل السائل مرة أخرى قال لو قتلته أنا رد عليه الحبيب صلوات الله وسلامه عليه بأنه في النار.
من هذا يا سيف نخلص الى أن الشريعة الاسلامية تُجوزُ قتل قاتل النفس بعد قتاله ودفع عدوانه لأن ماحدث كان يدور في في حفظ المال والنفس المؤمنة أولى بأن تحفظ اليس كذلك ؟
وللتوضيح يا سيف أكثر وأكثر وبالمثال مع العلم بأن التمرد هو من بدأ بالعدوان وهو من بدأ باطلاق النار هل تريد يا سيف من جندي في القوات المسلحة هاجمه متمرد يملك سلاحاً نارياً بأن يقف له (انتباه ويدق ليه تحية) سبحان الله !!! لا وألف لا (دانة دانة وطلقة طلقة ونكتُل الخونة اللئامَ) هذا هو ديدن (الديش).
10-15-2016, 12:29 PM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9476
Quote: يحملون السلاح ضد القوات المسلحة السودانية والحكومة .. هناك متمردين تمردوا على الحكومة وهم بالتأكيد يحملون السلاح ويقاتلون القوات المسلحة السودانية .. آمل التصحيح وهذه واحدة.
ههههههه شايفك يا وائل جبت لي إسم جديد (سيف دين يزل) .. علي العموم ما فرقت كتير خلينا في موضوعنا وهو البشير (كمجرم).
لاحظ لسا أنحنا ما دخلنا في موضوع البشير ككضاب ومنافق. تعجبني محاولاتك لغسيل يدي البشير من دماء الأبرياء من مواطني السودان. البشير قاتل ومجرم وسفاك دماء يا وائل وفي زيو كثير جدا في زمرته أمثال احمد هارون ونافع علي نافع وحميدتي وكوشيب وغيرهم من القتلة والمجرمين. ديل كلهم سفكوا دماء الشعب السودانى يا وائل وغيرهم كثير جدا.
عن اي قوات مسلحة تتحدث.؟؟؟ حاليا مافي حاجة أسمها قوات مسلحة في مليشيات مسلحة. مليشيات اساسها البشير لحماية نظامه. بعدين مافي حاجة إسمها حكومة في حاجة إسمها الإنقاذ. ودي مجموعة مجرمين إغتصبت السلطة بالقوة وقاعدة في السلطة بالقوة. الناس الشايلة السلاح ضد هؤلاء المجرمين يفعلون ذلك حماية لأنفسهم وأهلهم.
الزول الإسمه عمر البشير ده مجرم وكضاب ومنافق.
10-15-2016, 12:37 PM
عليش الريدة عليش الريدة
تاريخ التسجيل: 08-17-2015
مجموع المشاركات: 1709
الترابي قال اذهب للقصر رئيسا و سأذهب للسجن حبيسا ... غشوا بيها السودانيين لفترة،واعترفوا بعد ذلك.. مجلس قيادة الثورة كان لمدة عامين تقريبا بنفي علاقتو بتنظيم الجبهة الاسلامية القومية.. بعداك الترابي قال الانقلاب نفذوه ناسنا بمساعدة الضباط. التابعين لينا.. الرئيس في المفاصلة ـــ عشان يرضي الاسلاميين ـــــــــــ صرح بأنو منتمي للحركة الاسلامية من زمن بعيد، وزاد كمان ـــ رغم إنو دا كان مامطلوب منو ـــــ ،إنو والدو من المبايعين لحسن البنا شخصيا.. عمر عبد الرحمن حكى قصة الانقلاب بالتفصيل،وأوضح إنو عمر البشير اتصلوا بيهو في الأيام الأخيرة للإنقلاب بعد تجهيز الخطة..
*خداع الإمام للرعية ـــــ طالما دار نتكلم في الدين ــــــ فيهو حديث صحيح خطير جدا..
10-15-2016, 03:19 PM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9476
Quote: *خداع الإمام للرعية ـــــ طالما دار نتكلم في الدين ــــــ فيهو حديث صحيح خطير جدا..
الناس ديل هم أساسا ما محتاجين لحديث ولتذكرة..عارفين الغلط وبعملوا فيهو....وعارفين الكذب حبل قصير وعارفين انهم اساسا بقوا قاعدين ام فكو ساي أم الشعب السودانى لا تستر سؤاتهم سوي دبشك البندقية...الكلام ده هم عارفينو تماما يا العليش...
البشير اصبح يجيد فن الكذب والمرواغة. الكذب اصبح ظاهر في وشه وفي تصرفاته....
10-15-2016, 03:42 PM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
اصلا ما كنت عارف البشير عندو لقاء الا لمن قريت البوست بتاع الزميل لطفي العمدة ..وانا ما عافي ليه لاني سبيت الدين والامريكان ومليت التلفزيون تفاف.. عارف لي شنو يا سيف الدين بتاع اليزل هههه لانو هذا المعتوه عارف انو بكضب وعارف انو اي زول بشاهدو عارف انو بكضب وبعد دا مصر على الكضب ... قوة عين يا اخي اجعص عاهرة ما بتعملها ..و حسين خوجلي عارف بشة بكضب وشغال يا سلاااام يا سلاااام ... انا غايتو كملت الحوار لكن علي الطلاق جاتني حالة كدة قربت تكتلني ..يا اخي نحن اقزام وتافهيين ساي ما دام بحكمنا 27 سنة امثال هذا الكضاب ... سيف تحياتي
10-15-2016, 04:17 PM
وائل حمزه الزبير وائل حمزه الزبير
تاريخ التسجيل: 07-04-2014
مجموع المشاركات: 1769
Quote: لاحظ لسا أنحنا ما دخلنا في موضوع البشير ككضاب ومنافق.
Quote: وفي زيو كثير جدا في زمرته
الاخ سيف اليزل
بدايةً اعتذر عن الزيادة في اسمك هذه الزيادة التي أتت بأحدهم على عَجَل .. ولكني أحسبها زيادة طيبة كونها مربوطة بالدين.. أخ سيف اليزل المقتبسان أعلاه من حديثك والاول بالتحديد طمأنني بداية في أنك تعلم دستوري ونظامي الذي أسير به في طريقي وطريقتي في الحديث والتي تتمثل في (الاول فالأول) .. لكن أشكل علي المقتبس الثاني والذي خالفت فيه (النظام) الأول فالاول.. لم نحسم قضية الاعتراف التي تحاول تأويلها عن السيد الرئيس حفظه الله ورعاه . لم تتداخل معي في قضية بأن الشريعة المطهرة تجيز قتل المسلم المتعدي والمتهجم والذي يريد ازهاق النفس بمعنى (النفس بالنفس) .. وما أريد قوله أيضاً بأن حديث السيد الرئيس حفظه الله ورعاه بأن هناك نفراً ماتوا وقتلوا وإن ذكر عدداً في القتال الذي يدور بين حركات التمرد والقوات المسلحة السودانية فهذا شيء طبيعي جداً ومنطقي لما يحدث لماذا وكيف ؟؟ ماذا تريد أن يكون نتاج مواجهة وتبادل اطلاق نار بالذخيرة الحية والسلاح الثقيل والخفيف ؟؟ هل ستسقط الورود والزهور نتاج هذه المواجهة ؟؟ لا وانما يسقط القتلى بلاشك أليس كذلك ؟؟ اريد تعليقك على هذه النقطة أيضاً.
10-15-2016, 06:45 PM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9476
Quote: هذا المعتوه عارف انو بكضب وعارف انو اي زول بشاهدو عارف انو بكضب وبعد دا مصر على الكضب
القصة يا علي مافي كضبت مرتبي ما كافي عشان كدي عندي مزرعة..القصة في إنو كضب السنين حصل مرحلة إنو الزول ده بقت ما عنده كضبة جديدة. اها بقي علي كضب الونسة الزي دي... في شاب في الفيسبوك عنده توثيق ممتاز لكذب البشير بجيب ليك منها عينات هنا...
لكن اتفق معاك في إننا فعلا نستاهل ما يحصل لينا اذا كلنا بحالة الخنوع دي...
اجمل التحايا يا علي....
10-15-2016, 10:09 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
كدي النضيف ليك من الكضب ! افتكر البشير محتاج لدكتور امراض نفسية ولا العمله في الناس ودعي الناس عليه خلاهو يكون رجل ما متوازن .. عليهم من الله مايستحقون المجرمين الهوان .
10-16-2016, 03:54 AM
وائل حمزه الزبير وائل حمزه الزبير
تاريخ التسجيل: 07-04-2014
مجموع المشاركات: 1769
بعد أن تفرغ من الرد على الزوار والزائرات الكرام آمل الإطلاع على مخرجات حواري معك فيما يتعلق بالنقطة الاولى وهي كالتالي : 1- قضية أن السيد الرئيس أعترف بالقتل مردودة على أعقابها لأن الباديء كما يقولون (اظلم) ومن ابتدأ الهجوم التمرد ومن كان وما زال في الدفاع القوات المسلحة والشريعة المطهرة أجازت قتل المسلم المعتدي على النفس بالقتال ثم القتل. 2-قضية الاعداد التي ذكرها السيد الرئيس (اعداد القتلى) والتي قال عنها البعض بأنها دليل واعتراف بالقتل أيضاً مردودة على أعقابها .. وذلك لأن المنطق والفهم السليم بأن المواهة بين طرفين (طرف الحكومة وطرف التمرد) هي مواجهة بالرصاص فالبتالي من يسقط من كلا الفريقين هم قتلى وليس ورود .. اذاً من يقول بأن هذا اعتراف فعليه أن يراجع نفسه مراراً وتكراراً . تحياتي وتقديري إلى أن تعود محملاً بما يقوي ادعائك ويقنعنا.
10-16-2016, 07:22 AM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9476
Quote: ماذا تريد أن يكون نتاج مواجهة وتبادل اطلاق نار بالذخيرة الحية والسلاح الثقيل والخفيف ؟؟ هل ستسقط الورود والزهور نتاج هذه المواجهة ؟؟ لا وانما يسقط القتلى بلاشك أليس كذلك ؟؟ اريد تعليقك على هذه النقطة أيضاً.
يا وائل يا أخوي الانقاذ دي ما أعلنت حوار الوثبة حبا في إستقرار وسلامة السودان. إعلان حوار الوثبة ده جا بعد ان حصد الرصاص زهور وورود الشباب السودانى علي بعد خطوات من القصر في سبتمبر ٢٠١٣. إنت مشكلتك إنك بتفتكر إنو الموت ده فقط بين الناس الشايلة السلاح. بين البدافعوا عن اهلم وارضهم وعرضهم وبين المغتصبين والمجرمين من مليشيات الإنقاذ. حوار الوثبة ده جات في توصياته حل هذه المليشيات التى قتلت الآلاف من زهور وورود الشباب السودانى. البشير قال قتلنا وسفكنا دماء الإبرياء لأتفه الاسباب. يعنى هو زاتو مقر ومعترف إنه الناس القتلهم ديل ما شايلين سلاح حتى. يا وائل البشير مجرم وقاتل وملاحق بسبب هذه الجرائم.
يا وائل البشير هو الذي بدأ بالإجرام عندما إغتصب السلطة في يونيو ١٩٨٩. هو الذي بدأ بتقويض الدستور وفصل المواطنيين للصالح العام وإعدم ثمانية وعشرون ضابطا من زملاء المهنة في ليلة واحدة. وحرق قري السودانيون وقتلهم في الجنوب وبقية الفيلم معروف. مسيرة البشير الأجرامية تصلح لفيلم درامي يعرض في بيوتات العرض في كل العالم. ما فعله البشير من إجرام يا وائل لا يقل بشاعة عن إجرام هتلر في شعبه.
نجي لموضوع أعداد القتلي. ياخي قتل نفس سودانية واحدة، واحدة بس مفروض تغتس حجرك ناهيك عن قتل مئات الآلاف. بعدين إنتو بتقتلوا في منو زاتو؟ ما ياهو المواطن السودانى المسكين الغلبان ده. وبعد إحتراف القتل والاجرام جوه السودان بقيتو كمان مرتزقة تقاتلوا خارج الحدود تحت راية دولة أخري من أجل الدولارات في بلد يعتبر شقيق. يا وائل انا لا ادعي هنا. البشير مجرم وقاتل وكضاب ومنافق...بالثاااااااابتة
10-16-2016, 07:42 AM
منتصر صلاح منتصر صلاح
تاريخ التسجيل: 08-31-2012
مجموع المشاركات: 702
أنت الآن تنصرف بعيداً عن نقطتنا الاولى (الاعتراف بالقتل) .. أتيتك بوجهة نظري وأراك تتحدث عن (الوثبة تارة .. وعن اغتصاب السلطة تارة .. وتارة عن ضباط رمضان .. وتارة تتحدث عن الاجرام وبشاعته)
وانصرفت أيضاً بحديث غير مفهوم وغير مرتب عن قتل النفس حينما قلت (قتل نفس واحدة وانطلقت) .. ألاحظ بأن اوراقك قد تبعثرت يا سيف اليزل ولم ترد علي بشي مقنع ومنطقي .
حاول ان ترتب نفسك وتهدأ قليلاً من انفعالك وترتب اوراقك المبعثرة وتجيبني على ما حدثتك به .. كيف ذلك ؟؟ يا أخي على الاقل انتقد كلماتي البسيطات.
10-16-2016, 10:03 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
تخصص الشاب هادي بورسودان في رصد كل ما صدر من أقوال وأفعال المنافق عمر البشير. عبر هذه المداخلة أحيه علي كل الجهد والوقت الذي إستثمره في فضح كذب عمر البشير.
علي مدي سبعة سنوات كاملة قدم عمر البشير أصنافا من مسرحيات الكذب لأهالي بورسودان بخصوص مشكلة مياه الشرب في المدينة. يجيهم كل سنة ويجعر وينهق ويكورك ويهز صلبوا ويقول ليهم السنة الجاية الموية جاكم من منظومة نهر النيل. في مارس قال ليهم "أنحنا وعدناكم بموية من النيل وأنحنا ما بنكضب يا جماعة". أنا غايتو لو كنت في حتتوا كان كل شهر بأجر لي مية تنكر موية من عطبرة وبفرغها للمواطنين في بورسودان بس عشان أوفي بوعدي. يا بت عمسيب مافي رئيس دولة بستخدم كلمة الكضب دي أبدا إلا إذا كان هو زاتو عارف نفسه كضاب. نظام الفيك بدربو
البشير واحد مجرم وكضاااااااااااب
10-16-2016, 02:13 PM
حماد الطاهر عبدالله حماد الطاهر عبدالله
تاريخ التسجيل: 06-29-2006
مجموع المشاركات: 2159
Quote: كيف ممكن يكون ده؟ كيف ده ونحن (بنقتل) و (بنسفك دماء) مسلمين (لأتفه الأسباب)؟ أنا بقول لأتفه الاسباب. مافي حدث كبير في دارفور والحصد المئات، لما جينا شوفنا البداية لقيناهو والله العظيم ما بتستحق الزول يضبح ليها خروف خلي (يضبح بنى آدم)!. كيف أنحنا (إستحلينا دماء) المسلمين
سيف ووائل تحياتي الإعتراف سيد الأدلة. ما حدث بدارفور جريمة متكاملة الأركان. والرئيس البشير يعرف تماما ما يقول ومن المقصودين بالقتل لعلها صحوة ضمير. فيا سادتي لا يقصد الرئيس البشير المتمردين أو حملة السلاح من المتفلتين فاولائك لا بد من قتلهم وشئ طبيعي أن تحاربهم الدولة، أما أن تحارب الدولة القرى الآمنة وتتدونها الانتينوف بالقنابل الحارقة في الأسواق والعد والتمد ومجمعات المياه فهذا الذي قصده الرئيس البشير وهو ما يمثل وصمة عار في جبين السودان والإنسانية فيا وائل الموضوع غير.............
10-16-2016, 04:59 PM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9476
Quote: أما أن تحارب الدولة القرى الآمنة وتتدونها الانتينوف بالقنابل الحارقة في الأسواق والعد والتمد ومجمعات المياه فهذا الذي قصده الرئيس البشير وهو ما يمثل وصمة عار في جبين السودان والإنسانية فيا وائل الموضوع غير....
مهما طال الزمن يا حماد لن يستطيع البشير أن يغتسل من دماء الإبرياء مهما فعل.....
10-17-2016, 06:54 AM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9476
Quote: البشير قاتل ومجرم وله سجل طويل عريض في الاجرام بالاثباتات والأدلة.....
الاخ سيف اليزل
يبدو بأنك تريد الرجوع بنا إلى مربع واحد في نظام الأول فالأول الذي نتبعه .. لا ضير في أن أعيد لك الحديث مرة أخرى لكن في المقتبس أعلاه من حديثك دعنا نبدأ بأدلة القتل التي تملكها ضد السيد الرئيس حفظه الله ؟؟.
وآمل منك أخي سيف اليزل أن ترتب أوراقك المبعثرة كاملة وتركز حديثك في ما نتحادث أو نتناقش فيه .. وتحياتي للحضور.
10-17-2016, 11:43 AM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9476
البشير فوق ذلك ذو قدرات خطابية و سياسية محدودة جدا و يقف برهانا على قوله (تؤتي الملك من تشاء). نموذج مثالي للإسلامي المستعرب المغيب المتشنج الجاهل ، ليست لديه أي كاريزما و أصغر ما يكون متكلما. ويحمد للرجل أنه لم يقصر منذ مجيئه للسلطة في تقديم الأدلة الوافرة على هذه الأوصاف. سنة 2012 هدد شعبه بمجاهدين حقيقين أشار إليهم ب (ناسنا). و هذه اللغة معتادة و دارج استخدامها بين رؤساء العصابات و لكن ليس بين رؤساء الدول. فلا يمكن لرئيس دولة مهما بلغ به الحمق أن يقر على الملأ أن له (ناسا) خارج إطار الدولة طوع أمره يطلقهم على من تظاهر ضده من أبناء شعبه. هذا الرجل لا يدرك حتى الآن معنى ترأس دولة بل لا يدرك حتى معنى دولة. و اليوم يصرح بأن له عملا آخر يزيد به دخله ! ألم يسمع هذا الرجل بتضارب المصالح ؟ ألا يعلم الرجل أنه بنص دستورهم لا يجوز له ولا لجيشه الجرار من الوزراء و شاغلي المناصب التنفيذية و الدستورية ممارسة أي مهنة خاصة أو عمل تجاري أو صناعي أو مالي أثناء توليهم لمناصبهم.
10-17-2016, 09:57 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
موش حاجة غريبة ! و اليوم يصرح بأن له عملا آخر يزيد به دخله ! ألم يسمع هذا الرجل بتضارب المصالح ؟ ألا يعلم الرجل أنه بنص دستورهم لا يجوز له ولا لجيشه الجرار من الوزراء و شاغلي المناصب التنفيذية و الدستورية ممارسة أي مهنة خاصة أو عمل تجاري أو صناعي أو مالي أثناء توليهم لمناصبهم. عمر البشير ومن حوله اجهل ناس علي الاطلاق اشوفهم في حياتي ! حقيقة الواحد بقي يشك دير بشر حتي !
10-18-2016, 06:03 AM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9476
ده كمان إثبات آخر حسب إعترافات البشير بإجرامه.. إثبات آخر علي إهانة الدولة السودانية والسودانيون.. يكذب علي الملأ أن مرتبه لا يكفي... ثم يزوال مهنة أخري في خلاف صريح للقانون والدستور المتعارف عليه من زمن بعيد. لكن البشير لا يعرف قانون ولا دستور...وبكل بجاحة بقول نحنا كتلنا الناس في دارفور لاتفه الأسباب..
10-18-2016, 10:11 AM
وائل حمزه الزبير وائل حمزه الزبير
تاريخ التسجيل: 07-04-2014
مجموع المشاركات: 1769
أنت تتهرب والدليل هو رجوعك مرة أخرى لمربع واحد .. وقد وضّحتُ لك من قبل ما هو القتل الذي يعنيه السيد الرئيس .. فند ما ذكرته لك وسوف تتأكد بأن القتل الذي تدعي بأنه اعتراف لا يقصد به ما تكثر به الكلام جيئة وذهاباً .. حقيقة أصبح منظرك مزري من تصريحك أنت تريديني أن أكرر لك مرة أخرى ما قلته .. وهذا حقيقة خصم عليك .. ما تفعله يا سيف اليزل هو كمن يكرر الكلام الغير مفهوم .. فأنت صرت تكرر .. البشير قاتل .. البشير قاتل .. لكن كيف وبماذا لا تريد أن تتقدم .. تقدم يا سيف اليزل ما بالك يا رجل ؟؟ لا تجعلني أرسخ في مفهومي الذي تكون عنك بأنك انسان غير ثابت.. اليس كذلك.؟؟
10-18-2016, 12:57 PM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9476
Quote: البشير إعترف بقتل الناس في دارفور لأتفه الاسباب تانى داير تبرر شنو؟؟
سيف اليزل
نعم أريدك هكذا .. تأخذ وتعطي وتهدأ أيضاً .. أنت الآن تريد أن تقول بأن السيد الرئيس حفظه الله ورعاه قاتِل وثبُتت بحقه جريمة القتل لأنه قال تلك العبارة المقتبسة من حديثك وبالتحديد (قتل الناس في دارفور لأتفه الأسباب) دعنا نفند دليلك وبرهانك الساطع .. ولكن آمل أن تحافظ على ثباتك (هههه) .. من المقتبس ومن العبارة التي حددناها .. من هم أولئك الناس الذين أشار إليهم السيد الرئيس ؟؟ هذا بدايتاَ ولا شك بأن للقتل زمان ومكان آمل الاجابة أخي سيف اليزل.
10-19-2016, 08:54 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
ولكن آمل أن تحافظ على ثباتك (هههه) اسه ( هههههه ) دي لزومها شنو ؟ ماممكن تتكلم من غير ضحك لانه لكل مقام مقال وهنا مقام اموات اقصد قتل من قبل حكومتك !!! البتدعم فيها ؟
فعلآ عندما تموت قلوب الرجال يكونوا هكذا !!!!
10-19-2016, 03:51 PM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9476
Quote: لسؤال ده ليك يا وائل... إحتمال تكون ما شفته مع إنه في مداخلتى الفوق دي.. جاوب طالما انت عايز تبرر للبشير القتل المجانى... شكلك متخصص في القتل...
سيف اليزل
سؤالك لي واضح جداً وأملك الاجابة .. وللأجابة آمل أن تعدني بأن تجيبني على مداخلاتي وتداخلاتي التي وضحت لك فيها ما تريد لكنك تهربت ومازلت تتهرب وتنصرف عن نقطتنا الاولى (الاعتراف وقضية القتل) الأمر الآخر
الزميلة منى عمسيب تحياتي وتقديري .. انزعجتي من شيء بسيط جداً لم أكن أقصد به التقليل من شأن المضمون (مضمون الموضوع) .. وقد كان شيء من التواصل مع الزميل سيف اليزل .. آمل أن تزيلي حواجز التواصل التي بيننا وأن يكون التسامح هو شعار بين الزملاء ولنترك سؤ الظن فيما بيننا جميعاً كزملاء .
10-19-2016, 10:17 PM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9476
Quote: سؤالك لي واضح جداً وأملك الاجابة .. وللأجابة آمل أن تعدني بأن تجيبني على مداخلاتي وتداخلاتي التي وضحت لك فيها ما تريد لكنك تهربت ومازلت تتهرب وتنصرف عن نقطتنا الاولى (الاعتراف وقضية القتل)
اذا بتملك الاجابة إذن جواب يا وائل...
في اي إجابة من مداخلاتى معاك وضحت ليك انه سيدك عمر البشير مجرم وقاتل بإعترافه هو شخصيا...إنت قايل قتل النفس التى حرم الله إلا بالحق لعب ولا شنو؟؟؟
10-20-2016, 07:45 PM
وائل حمزه الزبير وائل حمزه الزبير
تاريخ التسجيل: 07-04-2014
مجموع المشاركات: 1769
Quote: فهل شاركت او كنت شاهد في عملية قتل لمواطن او مواطنة سودانية؟
سيف اليزل إجابة سؤالك كالتالي : لا . وبالمناسبة هذا السؤال هو اسلوب تهرب واضح وفاضح .. لكن أقول بأنك حينما قلت :
Quote: إنت قايل قتل النفس التى حرم الله إلا بالحق لعب ولا شنو؟؟؟
أظهرت بوضوح بأنك لم تعر ما حدثتك به اهتماماً .. ومرة أخرى أقول لك بأن النفس التي حرم الله قتلها إلا بالحق وتقصد بها أولئك المتمردين الذين يحملون السلاح في وجه القوات المسلحة السودانية .. لاحظ انت قلت (إلا بالحق) بمعنى أنت تُقر بأن النفس المؤمنة قد تقتل بالحق .. أليس كذلك ؟ حديثي البسيط والذي أردتك أن تعيه كان يدور حول (بالحق) وحول هذا الحق. فالشريعة الاسلامية أجازت قتال المسلم وقتله ان تعدى واعتدى على اخوه المسلم ومتمردي دارفور حملوا السلاح يريدون بالسلاح قتل افراد القوات المسلحة السودانية وهي بدورها حملت السلاح مدافعة عن أنفُسِ منسوبيها من قتال وقتل أولئك المتمردون. مرة أخرى يا سيف اليزل أقول بأن السيد الرئيس كان يوجه حديثه لأناس كانوا قد اعتدوا على القوات المسلحة وتراجعوا .. وحديثه كان تذكيراً له ولهم بأن مايحدث من قتل وسقوط قتلى من كلا الفريقين لهو أمر عظيم لابد من وقفة اتجاهه.
10-21-2016, 09:25 PM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9476
يا وائل أنفض يدك من البشير وإتق الله في الابرياء الذين قتلهم واعوانه بدم بارد..البشير ليس لديه مثقال ذرة من حق تحل له إزهاق ارواح المواطنيين بهذه الصورة وكمان يجي يقول انحا ويكررها كذا مرة إنهم قتلوا مواطنى دارفور لأتفه الاسباب... الكلام ده كافي عشان يغتش حجر البشير في ستين دهية في محكمة عادلة....عن اية شريعة تتحدث عندما يقف مجرم ويقول قتلنا الناس لأتفه الاسباب..
يمهل ولا يهمل... ولكل طاغية نهاية صعبة ومُرة....
يا وائل لا تدافع عن المجرمين...
10-23-2016, 07:56 AM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9476
حقيقة حزُنتُ على وضعك .. أنت تقهقرت يا سيف اليزل كالعادة ولم تتحرك قيد أُنملة في نقطتنا الأولى .. لم تستطيع أن تفسر أو تفُفصل في قضية القتل التي أبتدأناها .. لم تستطيع أثبات ادعائاتك ولم ترد على ما أتيتك به وبالمناسبة ما حدثتك عنه هو بداية المسير في هذه القضية حقيقة أشعر من حديثك المتطاير يمنة ويسرة بأنك تتحجج وتريد أن تنتقل الى النقاط الاخرى وانت قد تعثرت أيما تعثُر في نقطتنا الاولى التي اتفقنا برضاك وعدم اعتراضك وابتدأنا بها.سيف اليزل حينما تكون جاهزاً ومستعداً بعد أن تجمع أوراقك المنثورة .. آمل ان تناديني فأنا متواجد بإذن الله .
10-23-2016, 12:56 PM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9476
ويا حماد يا خيي امثال وائل قلوبهم ماتت ! عار في جبين السودان والإنسانية فيا وائل الموضوع غير............. فعشان كدا بقوا لامعروفين مجانيين ولا نصيحين والكلام معاهم مجرد اهدار زمن ليس الا !
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
سيف اليزل سعد عمر
وائل حمزه الزبير
عليش الريدة
علي دفع الله
مني عمسيب
حماد الطاهر عبدالله
Khalid Basheer
السنجك عثمان
فيس بوك
تويتر
انستقرام
يوتيوب
بنتيريست