|
|
|
 Re: اعتذار لكل من مسه السوء من بوستات الدولار. (Re: ود الباوقة)
|
((وتعتبر جميع بوستاتي الخاصة بالدولار معلقة
لحين اشعار اخر
واستميحكم العذر
انتهى.......))
--------------------------------------------------------------------------------------------------------------------------
خدعتنا بتنبؤاتك الكاذبة وسببت لنا خسائر مالية كبيرة ...نطالبك بالتعويض..نحن وراك وراك ....سيك سيك معلق فيك وسيدك زاتو لن يحميك
| |
 
|
|
|
|
|
|
|
|
Re: اعتذار لكل من مسه السوء من بوستات الدولار. (Re: Mustafa Mahmoud)
|
وبماذا يفيد الاعتذار
بعد الحصل .. وبصراحة انا بسببك تكبدت خسائر فادحة ووالله اعاني من اثارها
حنى اللحظة ودخلت في دوامة ما يعلم بيها الا الله .. واكبر نكسة اتعرض ليها في حياتي
كلها .. بسببك
مشكلتي انو انا صدقت كلامك .. وقلت عمر بتكلم بثقة وهو ادرى
هل كلمة منك بالاعتذار سترجع الذي ضاع ؟
وهل اعتذارك سيعوض جزء ولو يسير من الخسائر؟
اسال نفسك هذا السؤال .. وشوف كيف انت حتجاوب عليه بينك وبين نفسك اولا
| |
|
|
|
|
|
|
|
|
|
Re: اعتذار لكل من مسه السوء من بوستات الدولار. (Re: جمال ود القوز)
|
يا جماعة انا ليس وزيرا للمالية ولا محافظا للبنك المركزي
ولا عضو اللجنة الاقتصادية
انا انقل اليكم فقط ارهاصات الدولار وموضوع محاولة
كلح جماحه والجلامه ولكن تعلمون السياسات الاقتصادية
تتداخل بعضها ببعض وتتشربك مع السياسات العالمية
ومصر ليست ببعيدة عن هذه الارهاصات
ودول اخرى
اذن لاداعي لتحميلي وزر استعجالكم وعدم قراءتكم
جيدا للارهاصات الدولية
وشكرا
| |
|
|
|
|
|
|
|
|
|
Re: اعتذار لكل من مسه السوء من بوستات الدولار. (Re: ود الباوقة)
|
و لسع يا ود الباوقة.. كنتو قالين نفسكم أذكى من الشعب السوداني و ممكن تكذبوا و تسرقوا و تلعبوا على دقنو.. لسع حتشوف..
والله كلكم تزحفوا على الارض إعتذرا للشعب السوداني دا و ترجعوا السرقتوه كلو و الامتيازات الاخدتوها بدون وجه حق و بعد داك يمكن يقبل اعتذراكم و يمكن ما يقبل..
أنتم و انت بالذات يا ود الباوقة تفوق سؤ الظن العريض..
أعوذ بالله!
| |
|
|
|
|
|
|
|
|
|
Re: اعتذار لكل من مسه السوء من بوستات الدولار. (Re: محمد أبوالعزائم أبوالريش)
|
ارهاصات يا ودالباوقة؟
وعدم قراءة !!!!
الان تسمى العملته وباصرار عجيب وبمجموعة كبيرة من البوستات وباصرار ملفت للنظر
اتقي الله الحي القيوم الذي لايموت
وتجي تقول انت ماوزير مالية وماعندك علاقة بالسعر وبالصرف
طيب البوستات لزومها شنو وعامل فيها مديرة البنك الدولي
معقول ما راجعت نفسك ان في ناس ممكن تخسر وممكن تتبهدل
وشايفك ماخد الموضوع تريقة وتشفي
لكن في كمية من الناس البسطاء الذين اصابهم (الضر) حتى حياثر على مستقبلهم
وكم من بيوت حتتبهدل بسببك
اتخيل في ناشئة الليل التي هي اشد وطئا واقوم قيلا .. ارتفعت اكف بصدق للسماء تدعو عليك
الدنيا دي قصيرة ومهما بلغت مساحاتك التي تلعب فيها ياودالباوقة لكن يتبقى لك سوى شبر
| |
|
|
|
|
|
|
|
|
|
Re: اعتذار لكل من مسه الضر من بوستات الدولار... (Re: علي الكرار هاشم)
|
انا غايتو الحمد لله ما خسرت اي حاجة بسبب بوستاتك
لأني ببساطة الحمد لله ما بصدق اي كوز
لكن اي زول صدق بوستاتك واتصرف على اساسها يستاهل البجرى ليه
لأنه ما معقول زول عاقل يصدق ليه كوز
مع انه دا ما بعفيك من المسؤولية المالية اذا زول اتضرر منها
المال هين
طيب كيفية التحلل من الدماء
دي تعمل فيها شنو
| |
|
|
|
|
|
|
|
|
|
Re: اعتذار لكل من مسه الضر من بوستات الدولار... (Re: علي الكرار هاشم)
|
طيب اتا وكت ما وزير مالية وأضينة ساي بتتشلق
وتقابض فوق كم .. وأول تاني بوست لما فتحتو
وطلع كلام وهم ومقابضة ساي منك جيت فتحت
تاني باصرار شديد بوستات زيو لشنو ؟؟
.......................
زي ما قلتا ليك عافي ليك حق الأولاد لكن يلزمك اعتذار
عن الشتيمة الما عندك ليهم ضهر دي .
زول سطرين وراء بعض يلهث في كتابتم وبقل أدبو كمان .
لا وفوق دا كلو بهدد ... ههههههههههه .
| |
|
|
|
|
|
|
|
|
|
Re: اعتذار لكل من مسه الضر من بوستات الدولار... (Re: ود الباوقة)
|
التربية دي بتاعت الأهل
لو عندك أهل خايف عليهم خليك بعيد من سيرة أهلي .
وبعدين اتا عايز تلفوني ليي .. لو عندك حاجة اعملا هنا لو بتقدر .. كلو كلام في كلام..
ما تدخل في تربية الأهل
ما تدخل في تربية الأهل .
خليك راجل داوسني أنا في الملجة دي طالما عامل نفسك صعيليق..
| |
|
|
|
|
|
|
|
|
|
Re: اعتذار لكل من مسه الضر من بوستات الدولار... (Re: علي الكرار هاشم)
|
طبعا يا باوقه
العملة والذهب لها قوانين خاصة
يبدو ان توقعاتك كانت سليمة فقط عامل السوق
و البترول
والبورصة العالمية
كل هذه الجهات لها تأثيرات قوية
الاعتذار عمل راقي جدا يشبهك تماما
شكرا
................................................................................................................
اخونا الكرار
الجماعة ديل ما صدقوا
وهس الليلة في اخبار في الجرايد بتأكد نزول الدولار
وشكرا
| |
|
|
|
|
|
|
|
|
|
Re: اعتذار لكل من مسه الضر من بوستات الدولار... (Re: ود الباوقة)
|
يا باوقة ..
خلينا نثبّت أول إنه اعتذارك عمل تُشكر عليه ..
لكن الا ترى إنه اصرارك على فتح بوستات ولنفس الغرض ..
رغم مخالفة الواقع وعلى الدوام ..
لكل ما توقعته اليس في ذلك غش وتضليل للناس !! ..
كان مفروض من اول بوست لو انت ما متعمد كان تتوقف تماماً ..
لانه شغلة الاقتصاد وسعر الصرف أمر لا يخضع للأمنيات ..
والا كان جنيهنا ده فاق كل العملات الصعبة ..
وده شيء نتمناه عشان يخف وطء المعيشة ..
والغلاء الطاحن على الناس المساكين ..
بعدين تهديدك لي طلحة عيب كبير في حقك .. لو تدري ..
لأنه ببساطة مافي زول خايف ليهو من زول ..
وكمان لو هو غلطان قول ليه انت غلطان ..
وكان انت غلطان مفروض تعتذر ليهو ..
وشغلة التهديد دي شغل شفع فليتك تتركه تماماً ..
ونحن شهدنا هنا وطوال سنين بإنك زول اخلاقك جيدة ..
ولا تميل للكلام الخارج وساقط القول ومنضبط في عباراتكـ ..
فما تجي تخرب الشغلة دي في الآخر ..
أدعم النظام زي ما عايز ده خيارك وانت مسؤل عنه ..
أمام الناس ومن ثم أمام الله ..
لكن من حق الناس إنهم يردوا عليك ..
ومن حقك ترد وتفند كلام أخونا طلحة اوغيره ..
لكن بتاتاً لا تفكر إنك تهدد ليك زول ..
ولا ترد بي كلام يُحسب عليك ..
لأنه ما أعتقد إنه طلحة أو غيره حيخافوا منك ..
ولا ده حيعني إنك على صواب ..
بل أنت وقتها أكيد حتكون انت على خطأ ..
والله هذه نصيحة أخوية لك ولوجه الله لانك أخ فاضل ..
ولم يخطر في بالي ولو أنا شخصيا إنك زول بطال ..
او أخلاقك مش ولا بد ..
فاضبط نفسك بالذات في هذه المرحلة وحافظ على وضعك واسمكـ ..
ولو على المستوى الشخصي البحت ..
دمت يأخ .....
أخونا على الكرار يأخ لو انت ما ليك في الاقتصاد ..
ما تخلي ود الباوقة يدافع عن كلامه ..
احترامي لكما .. ولطلحة ولكل من مر من هنا ..
ويشهد الله أحبكم جميعاً وأتمنى لكم الخير ..
ولي بلدنا أنها تكون أحسن بلدنا ..
| |
|
|
|
|
|
|
|
|
|
Re: اعتذار لكل من مسه الضر من بوستات الدولار... (Re: جمال ود القوز)
|
يا جيمي اتا جادي ؟
كلامك كبير على الكائن الرخو دا ما بفهمو ليك
لازم تنزل ليهو كتير عشان يشيل ويدي معاك ..
الواحد مما يجنح للتهديدات ويحاول يجر الأهل معاهو في الصعلقة
أعرفو شوال قديم فاضي .
كدا عاين بس لهرجلتو البعمل فيها هنا دي عشان تعرف قدرو بس ..
علي بجملة الأيمان الساعة الأخاف من العوقة دا أتلب من رأس بيت في
رقبتي أكسرا طرق .. وأتمني ربنا يحقق ليهو أمنيتو نتلاقي في مكان ما ..
أية حاجة في الدنيا بنعرفا بما في ذلك الصعلقة ولغة الشوارع والشتيمة
لكن ما بنلجأ ليها إلا في حالة الرد بالمثل .. عشان عارفين ما في زول
برضي ليك تشتمتو واللا تقل أدبك عليهو ساي كدا زي ما فاكر البتاع دا .
| |
|
|
|
|
|
|
|
|
|
Re: اعتذار لكل من مسه الضر من بوستات الدولار... (Re: ود الباوقة)
|
الأخ ود الباوقة,
قبل كده كتبت ليك كلام لكن ما أديتو أي إهتمام وأؤكد ليك الكلام ده مرة تانية, لا يمكن كبح الدولار في السودان إلا بإصلاح الإقتصاد وإصلاح الإقتصاد مربوط بمحاربة الفسااااااااااااااااااااااااد. إنتشر الفساد في جسد الأمة السودانية كما تنتشر النار في الهشيم وأصبح سرطان.
| |
|
|
|
|
|
|
|
|
|
Re: اعتذار لكل من مسه الضر من بوستات الدولار... (Re: aosman)
|
حبيبنا طلحة ...
تشكر لالتفاتك لما كتبت ..
وأأمل إنه النفوس تتطايب ..
وينصلح حالنا وحال البلد ..
بعدين يجب البُعد عن كل ما يحسب على الواحد ..
من كلام جارح وتهديدات وحاجات من على هذه الشاكلة ..
أما الاهل فده خط أحمر لانهم ببساطة ما عندهم ذنب ..
ولا دخل لهم في الحاصل هنا ده ..
ربنا يهدي النفوس غايتو ..
احترامي لك .. ولأخونا باوقة ..
| |
|
|
|
|
|
|
| |
امجد الجميعابى
جمعة هري بوش
أيمن نواى على
محمد أبوالعزائم أبوالريش
Farida Mahgoub
وهبه الشبلي احمد
محمد عبد الله الحسين
جلالدونا
أيمن محمود
Mustafa Mahmoud
Hassan Farah
kamal omer
عمر التاج
طلحة عبدالله
elsawi
ياسر منصور عثمان
باسط المكي
Ahmed Yassin
Deng
جمال ود القوز
Omer Abdalla Omer
aosman
متوكل حسن
علي الكرار هاشم
احمد الشيخ
الامين محمد علي
مني عمسيب
عبد اللطيف السيدح
Hafiz Bashir
عباس الدسيس
ادريس خليفة علم الهدي
فيس بوك
تويتر
انستقرام
يوتيوب
بنتيريست