|
|
|
 Re: الاماني السندسية (Re: ناصر حسين محمد)
|
تخريمة اخيرة قبل نركب الزلط:
من كل قلبي التحية لكل من بذل الجهد في سبيل انجاح العصيان المدني
للناس الدعت ليهو، والناس التعبت تعمل بوسترات، والناس الدفعت قروش من جيبها، والناس الساهرت وهي تبشر بالعصيان
جهد عظيم بُذل في سبيل انجاح خيار (فاسد) وفقا لمعطيات أبرزها
سيطرة النظام على مفاصل المصالح الحيوية مما يفشّل أي حركة عصيان مدني
| |
 
|
|
|
|
|
|
|
|
Re: الاماني السندسية (Re: ناصر حسين محمد)
|
مهما فيك طولت صابر
يا سنين عمرى الشقية
ومهما طال فيك حظى عاثر
وذوبت عمرى الاسية
ما بقول انا راح أوانى
التحية لك في عليائك استاذ مصطفى
هنالك بيت شعر أحسبه ثقيل للغاية
مبارينا من قمنا محل نمشي نسمعو
في طابور الصباح
في ميدان الكورة
في مركز التطعيم
وووهلمجرا
واجد نفسي استخدمه لاني لا اعرف بديل له وهو:
على قدر اهل العزم تاتي العزائم ..!!!
نظام مقنطر زي ( البلنتي) داير اليشوت بس
وتحرك الشعب عشان يشوت ..!!
وقفوه الجماعة قالو ليه لا لازم تسخن اول قبل تشوت البلنتي ( رغم انو القون فااااضي)
تحولت أو اتضحت اهداف العصيان الممثلة في ( درس من الشعب للنظام)
وكانما النظام ساقط ..!!
وعايز دروس عصر
النظام اخذ درس مؤسس ودرس جامد في سبتمبر
درس قدمه اكثر من 200 شاب غض سالت دمائه
وكانت عظمة الدرس في ان القتل لم يتم في يوم واحد فقط
بل في ثلاثة أيام متتالية
ما يعني :
ان الذين خرجوا في اليوم الثاني يعلمون ان النظام يقتل كما قتل اخوتهم بالامس
ورغم هذا خرجو
وشهداء اليوم الثالث شاهدو باعينهم دماء اخوتهم تسيل وتروى الارض البكر
ولكنهم لم يتراجعو وخرجو ونالو الشهادة
أي درس اعظم من هذا .!!
أي درس اعظم من هذا لنشعل له الاسافير ونصير (مسخرة)
أي درس اعظم من دماء تسيل وامهات صابرات لاعتقادهن ان دماء ابناهنّ لن تذهب سدى
وللاسف يأتي الرد من بلاد الصقيع ب( عصمان) مدني
أي اقعد في بيتك أضرب القراصة وزرط ..!!!
| |
|
|
|
|
|
|
|
|
|
Re: الاماني السندسية (Re: ناصر حسين محمد)
|
* مصطفى المرة دي تلقوه (نهاية المداخلة)
وَمِنَ العَداوَةِ ما يَنَالُكَ نَفْعُهُ وَمِنَ الصّداقَةِ ما يَضُرّ وَيُؤلِمُ
المتنبي في قصيدته (لهوى النفوس سريرة لا تعلم)
وكاني به يقصد (بشطر البيت) الانقاذ ويخاطب الكيزان ويبشرهم بعداوة دعاة (عصمان) مدني وينالهم النفع منه
هههههههه( أسه في ذمتكم (عصمان) بشيد بيه ملاسي ويقر بيه المسلمي ده ما نفع للكيزان)
وكاني به يقصد ويخاطب بعجز البيت ( الشعب المعلم) شعب السودان ولا يحتاج لتفصيل ... واااضح جدا..!!
وقيل من فوائد العصيان ( نشر الوعي)
وسط الشعب ( المعلم)
ومن مساوي مراهقي المعارضة انهم يفترضون في ذواتهم الوعي
ولا يعلمون ان الشعب فاقهم وعي وادراك ..!!!
الشعب واعي جدا،
شعب صنع اكتوبر وأبريل
شعب صنع سبمتبر
شعب يدرك أصغر من فيه ان الخلاص واجب وطني
شعب توقف وصبر ( يحسبون صبره جبن)
بل هو الصبر الذي يعقبه الاعصار ( ان صمت الكلب) ..!!
الشعب ياسادتي فاق معارضته وعي وادراك وافتراض ان العصيان ساهم في الوعي لهو محض هراء
وذر رماد في العيون التي لاترى سواء خياراتها ( الخايسة) والتي لاتشبه الشعب الذي ادرك ان ( عصمان) هذا كائن غريب وليس قريب
كائن لاينمو في وجود سياسة ( التمكين) .!!
فان كان هذا من فوائد العصيان لعمري هو مؤبقة أكبر من مؤبقة العصيان
بل هو زندقة
بل هو
خياسة ومياعة واستعلاء على شعب معلم ..!!
الحبيب مصطفى:
عارفو ببسم لى امانى
وسعدى برجع ليا تانى
بالامانى السندسية
فىالامانى السندسية
بكرة بصبح ذكريات
| |
|
|
|
|
|
|
|
|
|
Re: الاماني السندسية (Re: ناصر حسين محمد)
|
وآخرون ( نسوني مداخلة مصطفى سيد احمد) يقولون :
كفاية النظام يرجف وارتعب..!!!
هؤلاء لا يعلمون ان النظام يرجف ومرتعب منذ ان ادرك انه وصل الحضيض
يرجف ويرتعب عندما رفضت الامارات اغاثة خزينة البشير
يرجف ويرتعب عندما حرر سعر الدولار
النظام ياسادتي برجف من بدري لانو عرف هو وصل نهاية الخط
ومنتظر مصيرو وبكابد ويجاهد ليجد قشة يتعلق بها ووجدها
وكانت تلك القشة الخيار الخايس ( العصيان)
ويكذب على نفسه من يقول ان النظام برجف من العصيان ..!!
لا وألف لا
النظام برجف لانو عرف تماما مصيرو الراجيهو
لا دخل للعصيان بهلع النظام ياسادة
حتى وان كان ..!!!
هل نجيش الجيوش فقط ليرجف النظام ..!!
رجفان النظام ده بكون خيار لمن النظام يرفع سعر مرقة الجداد
او النظام يغلق حمامات عامة لغرض الصيانة ومايرجع يفتحها
في الحالتين ديل فقط بنعمل على انو يرجف النظام ..!!!!
لكن نظام
قتل
وسحت
ويبيع السلع باضعاف سعرها عالميا
برضو نقعد نرجفو بس..!!
وهل الجوطة دي كلها مقابل الرجفان ده صفقة ناجحة .!!!
هؤلاء تجار بلداء ..!!!!
نسيت مصطفى ..!!
| |
|
|
|
|
|
|
|
|
|
Re: الاماني السندسية (Re: علي دفع الله)
|
Quote:
الرجفة ولا صمت الخشم 😂😂😂
مثل عصياني
ناصر ازيك
|
الزميل (تكعيب) ود دفع الله
ياخ معليش بس اتحملني شوية كده
يمكن اكون قاسي
بس بدوافعي
( ونحمدو قمت بواجبي ونص وخمسة تجاه محاولة 19 ديسمبر )
اتفقنا يا كلس ( ماتشوت ضفاري)
| |
|
|
|
|
|
|
|
|
|
Re: الاماني السندسية (Re: ناصر حسين محمد)
|
وجغ ورجغ ورجغ ورجغ
وكمية مهولة من الصور
المصور زقاق، زريبة، حوش بيتهم، وهلمجرا
كانما يقاس او يعرف العصيان بالشوارع الخالية
العصيان ياسادة اكبر من كده ودعونا نسال انفسنا
هل تم ارجاع طائرة من المطار لان عمال التفريغ (معتصمين)؟
هل تم تاخير أقلاع طائرة من المطار لان عمال الشحن ( معتصمين)؟
هل تم تاجيل النظر في قضية لان القاضي( معتصم)؟
هل غابت عربة أموال البنك المركزي لان الموزعين ( معتصمين) ؟
هل قطعت الكهرباء او المياه لان العمال ( معتصمين)؟
لا
قفل كنتين الضوء، ومكوجي بله، وجزارة كروبي ( ولهذه حكاية نعود اليها في سياق البوست)
| |
|
|
|
|
|
|
|
|
|
Re: الاماني السندسية (Re: ناصر حسين محمد)
|
أبو السيد ( رحمة الله عليه)
حالى داك الكنت فيهو
تملا آمالى العراض
كل درباً اقتفيهو
بكرة تجمعنى الصلات
بى عزيزاً اصطفيهو
ترجع ايامى النضيرة
بى لياليها الهنية
ومن هو المخاطب بالعصيان ..؟؟
الموظف الذي بلاشك سوف يدفع الثمن غاليا وهو الفصل والتشريد وعلى أسواء الفروض النقل ..!!
يعني بالجد كده كنا عايزين موظف يستجيب للدعوات دي ..؟؟
ربما يستجيب الموظف للدعوات بشرط
أن يثق في ان من خلفها معه حتى النهاية
وان تضحيته هذه مقابل ذهاب النظام ليعود في ظل نظام جديد مرفوع الراس
ولكن ..!!
من ضحّوا بدمائهم تم نسيانهم ..!!
ماااتو عديل كده
ناهيك عن يفصلوني ..!!
القصة ما شخصية
لكنها قصة ثقة في الحركة السياسية المعارضة
طالما توفرت الثقة ينجح العصيان
غابت الثقة غاب النجاح عن العصيان
عشان مانورجغ كتير اتكلمت قبل كده عن فزّاعات لازم الاعتراف بها وحلحلتها
ولكن..!!!
باختصار:
طالما مافي ثقة في الجهة الداعية للعصيان، واقصد بالثقة قدرتها على مواصلة المشوار وازالة النظام
وان يكون لديها خطط وأضحة للغاية ومبذولة لمن يريد ان يعرف ( ما شغل كتامي)
بدون الثقة والخطط الواضحة البقيمها المقصود بالعصيان يبقى ده
فوضى عارمة وتلاعب بالوطن باختيار خيارات فطيرة للغاية
| |
|
|
|
|
|
|
|
|
|
Re: الاماني السندسية (Re: ناصر حسين محمد)
|
والله السودان ده جميل جدا
وناسو حلوين وواعين ومستنيرين وفايتين الكبار والقدرهم في الفهم بس ربنا ابتلاهم بجوقة .!!
ومن جمال السودان والوجوه المشرقة وردي لمن يقول:
ﻭﺩﻳﺖ ﻟﻴﻬﻮ( عصيان) ﻣﺮﺳﺎﻝ ﻭﺍﻟﻤﺮﺳﺎﻝ ﻣﺸﻰ ﻭﻣﺎ ﺟﺎ
ﺑﻘﻴﺖ ﺍﻧﺎ ﻭﺍﻟﻨﺠﻮﻡ ﺑﺎﻟﻠﻴﻞ ﺳﻮﺍ ﻧﺴﺎﻫﺮ ﻭﻧﺘﻨﺎﺟﻰ
ﻭﺍﻟﻨﺎﺱ ﺍﻟﻠﻲ ﻛﺎﻧﻮ ﺍﻟﺴﺒﺐ ﺭﻣﻮﻧﻲ ﻭﺻﺒﺤﻮ ﻓﺮﺍﺟه
مسكين البدا يأمل املو يغلبو تحقيقو
ياخ تأمل في روعة وردي ده ..
مرسال والمرسال مشى وماجاء
والله عيب الواحد يخت الحلاوة دي في بوست زي ده لكنها الضروريات
وآخرين قالو العصيان رسالة للنظام وللمجتمع الدولي .!!!
النظام ما داير رسالة داير زول يمشي يدق لهيو الباب ( كو)
يمشي دغري زي قصة ( عز الدين) راجل المرة الشديدة المجننه ناس الحلة مع بتاع الدكان ..!!!
المهم لو النظام عايز رسالة مافير سالة أبلغ من دماء سبتمبر الزكية .!!
المجتمع الدولي شرق وغرب عارف بشة وعمايلو ما اظنو عايز رسالة
وحتى لو وصلت رسالة فهي رسالة ( خايسة) جدا .!!
أهداف فطيرة ومكاسب فطيرة شرع مناصري ( عصمان) في ترديدها لتغبش الفشل الذريع
وتالله وبالله ما ضّر الوطن سواء هؤلاء الالف (جيفارا)
يكابرون بدلا عن الاعتراف بالفشل ..!!
والثمن مدفوع من قبل الشعب مزيد من المعاناة
سكتو الكلب نحن بنوقف الجمل براااانا
| |
|
|
|
|
|
|
|
|
|
Re: الاماني السندسية (Re: ناذر محمد الخليفة)
|
سبحان الله ...
طيب يا ناصر لمّا كتبت "تتابعو مع الشعب المعّلم الدرس الجديد " هل كنت تقصد الخيار الفاسد دا زاتو أم أمرا آخر ؟؟
لمّا كنت تتلصّص - حسب تعبيرك - وكتبت Quote: ولكن ..!!
ما أسمعه وما أراه يجعل القلب يخفق
والوجدان يحترق شوقا الى الحرية التي دنت قطوفها
دنت قطوفها
نعم
دنت قطوفها
واذا كان اليوم الخالد في الوجدان 19 ديسمبر
أكمل المشوار فلنرقص معا على انغام الحرية
أو فلنضع خطواتنا في الطريق اليها في 19 ديسمبر
احرفه تتراقص جذلة وولهانة بهذا الزخم الأبي
وهذا الاحتفاء الكبير به
فرحت أرقام واحرف 19 ديسمبر لانها بلاشك وبعمق أيماني بهذا الشعب سوف تدخل التاريخ مجددا
مستصحبة معها ارث ثقيل وتركة كبيرة من البطولات |
ألم تكن تعي انّ ما سيجري في هذا التاريخ هو نفس الخيار الفاسد الجاي تبشّع بيه أسّي!!
| |
|
|
|
|
|
|
|
|
Re: الاماني السندسية (Re: محمد البشرى الخضر)
|
Quote:
سلام ...
الاماني السندسية ليست لأبو السيد وان غناها ..!!
|
سلام ناذر، شكرا ع التوضيح بس كان تتم جميلك وتحدثنا عنها شوية
انا زول استماع بس معلوماتي الفنية ضعيفة خالص
تحياتي
| |
|
|
|
|
|
|
|
|
|
Re: الاماني السندسية (Re: محمد البشرى الخضر)
|
Quote:
سبحان الله ...
طيب يا ناصر لمّا كتبت "تتابعو مع الشعب المعّلم الدرس الجديد " هل كنت تقصد الخيار الفاسد دا زاتو أم أمرا آخر ؟؟
لمّا كنت تتلصّص - حسب تعبيرك - وكتبت
|
الاخ محمد
تحياتي
نعم
وكتبت ماكتبت لاعتبار واحد فقط
وهو ( الصبر)
قلنا نصبر عليهم شوية وندعمهم
ولاسف نفد الصبر
| |
|
|
|
|
|
|
| |
ناصر حسين محمد
علي دفع الله
ناذر محمد الخليفة
محمد البشرى الخضر
فيس بوك
تويتر
انستقرام
يوتيوب
بنتيريست