- الرئيس :السلام عليكم - كل الدستوريين : وعليكم السلام - الرئيس : يا جماعة انا معصور : - دستوري 120: خير ياريس اي مبلغ نحن سدادين دولار يور او ريال ما عندك مشكلة داير ككم - دستوري 17: انت يا 120 خاتي قروشك في البنك والا في البيت -دستوري 120 : لا دي في البيت لانو ساستنا بقت مامضمونة يلم فيها واحد من ناس الجداد يقمحني فيهم - الرئيس : انت وهو بتتكلمو في شنو ، انا ما معصور قروش انا معصور حوار - دستوري 2: يا ريس العصرك منو وكيف ؟ ناس الحوار ديل كلهم كل احد ادينا بي مكياله - الرئيس: انا قطعت قلت يوم 10 اخر يوم الجا جا والما جا .... - دستوري 2500: طيب المشكلة وين يا ريس - الرئيس: المشكلة انو نحن في الاعلام قلنا كل القضايا متفق عليها - دستوري 199: طبعا ياريس كلها مطبوخة جاهزة مع هامش حرية ملعوب - الرئيس : طيب قالو حكومة قومية ورئيس وزراء - دستوري 1 : ايوة حكومة نكونها نحن منهم ذاتهم يعني زيتنا في بيتنا -الرئيس : طيب وامريكا؟!!!! - دستوري 2779: قد دنا عذابها - الرئيس :اتنيل بلا نيلة نحن الدنا عذابنا - دستوري 113: كيف ياريس نحن الدنا عذابنا - الرئيس : اولا الخزينة فاضية عدمانة التكتح ولو ما دخلنا الممانعين ما حنلقى ولا دولار مساعدة ولو مالقينا قروش ندفع للامن من وين؟ - دستوري 5: نحن قروشنا البرة كم - الرئيس : ياتها؟ - دستوري 113: الفي ماليزيا ، الباقين نخليهم لقراية الاولاد - الرئيس : اعتقد الفي ماليزيا 40 مليار لو ما ناسي -دستوري 113: خلاص نتخاتت كل زول يخت ميلغ يكون المجموع حوالي 16 مليار نسكت بيها الامن - دستوري 999: يا جماعة نحن على قدر حالنا يادوب دخلن الجك يعني العندنا ماقدر العندكم - دستوري 2800: يا 999 كلامك صاح هسة انا لحد الان لسة ما عملت مليون يعني ادفعها واقعد في السهلة ؟!!! - الرئيس : طيب والحل ؟!! - دستوري 350: انت يا ريس ناس اليمن ما قحو ليك حاجة - الرئيس : بلدكم الرملة دي بتشبع ، كلكم فاتحين خشومكم - دستوري 3: ياريس انا عندي اقتراح الرئيس : قول يا مستشار دستوري 3: انت تعلن انو بعد يوم 10 حكم القانون اي زول يسرق او يختلس نحاكمو وبكده الناس ختبدا تاريخ جديد وحينسوا القديم السودانيين ديل ناس طيبين وحيفرحو بالكلام ويصفقوا ليك ، وبكده ايرادات الدولة نديها الامن ونشيل نحن مرتباتنا ومخصصاتنا الموظفين الصغار لمن نحن نسيب التعدي على المال العام والتسهيلات والعطاءات حيخافو وما حيسرقو وبكده يكون في شوية براح للناس تتنفس ونحن براااااحة نزوغ نمشي ماليزيا او دبي نشوف مصالحنا - الرئيس : الفكرة حلوة يا مستشار بس في مشكلة -دستوري 3: المشكلة وين ياريس؟ - الرئيس : بالنسبة لي انا اوكامبو - دستوري 3: ياريس مسالة اوكامبو دي محسوبة - الرئيس: كيف محسوبة ؟ - دستوري 3 : انت يا ريس تمشي تجاور - الرئيس : معقولة جدا ، لكن انتو ما حتقدرو تمرقو بره - دستوري 3: ليه ياريس - الرئيس :لانو عصابات غسيل الاموال البرة راجياكم قروشهم الدخلتوها الحكومة البجيبها ليهم منو؟ وناس الحاويات انتو نسيتو؟ - دستوري 75: والعمل ياريس - الرئيس : انا حاقول ليهم الجزء بتاع بعد يوم 10 ما في الا حكم القانون واوافق على الحكومة لحد 2020 و نضيف للحكومة دي ناس تراجي وناس الحركات ونشيل مامون حميدة برة عشان نوقف اضرابات الاطباء وفي الفترة دي نحنك الصادق ونديه رئاسة الوزراء واتنين من الشيوعيين نديهم واحد الثروة الحيوانية والتاني نديه وزارة الخدمة المدنية وباقي المناصب زي ما هي وتاني يوم نعمل ليهم حفلة ومسيرة نغش بيها العالم انو الموضوع تمام بس عليكم الله جيبو لي ندى القلعة عشان اخد لي عرضة عرضتين اووووووووعكم من القيقم - الجميع جزاك الله خير يا ريس رفعت الجلسة
10-11-2016, 01:40 PM
مهيرة مهيرة
تاريخ التسجيل: 04-28-2002
مجموع المشاركات: 944
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
د.محمد حسن
مهيرة
فيس بوك
تويتر
انستقرام
يوتيوب
بنتيريست