|
|
|
 Re: جمعة مُباركة (Re: أبوبكر عباس)
|
أول مرّة أشوف فليم عباد الشمس كان سنة ٨٤ بسينما ال BN من فوق داخلية النشر، كان معاي زول اسمو السماني من قرية جنب تندلتي اسمها كدايس
قعدنا نبكي بعد الفيلم، تاني يوم دخلناها بالدرب وبرضو بكينا!!
فكرت أعمل معاهو قروب واتس اسميهو:
الحزن النبيل
| |
 
|
|
|
|
|
|
|
|
Re: جمعة مُباركة (Re: أبوبكر عباس)
|
Quote: الناس الوحيدين الرفضوا عضويتي هم نسابتي؟؟
قالوا لي:
كفاية المحنة النحنا اتورطنا فيها |
أنا لو محل نسابتك بقول ليك
لو بي مرادنا فيسك العديل دا حق الله والرسول ما عايزين نشوفو
بمناسبة الحزن النبيل، أولريدي فتحت لي قروب في المنبر دا اسمو: الحزن العيد
أي والله من غير "سين" زاتو
| |
|
|
|
|
|
|
|
|
|
Re: جمعة مُباركة (Re: أبوبكر عباس)
|
عيدكم سعيد بكور و مِعا ...
يا ابوبكر ... عباد الشمس ده حق صوفيا لورين و مارسيلو ماسترياني و لا واحد تاني ؟
انا شفته في سينما غرب و انا شافع في بداية السبعينات ؟
الجابو البي ان سنة 84 شنو ؟
ما تسرح بينا يا حبيب ... البي ان ما كانت بتعيد أفلام زاتو ...
قول شفته في سينما الخواجة معليش ...
و لا تفتكر ما ادقق في التفاصيل واركز في المضمون ؟ 
| |
|
|
|
|
|
|
|
|
Re: جمعة مُباركة (Re: أبوبكر عباس)
|
حبيبنا .. ابكرونا ..
كل عام وانت والاسرة الحبيبة بالف خير ..
ومعاك بالمرة اسلم علي الاصلي ومشتاقة ليك يا اصلي .
والتحية موصولة لي صديقي المفضل ود الزبير ..
وبعدين شنو السلفية الانت فيها دي مستنير ؟ انت العيد عيدت علي
الناس عشان تبارك ليك الجمعة الكل اسبوع ؟
عمومآ العنوان مضلل هههههههههههههههه .
ولكم جزيل الود ,,,
| |
|
|
|
|
|
|
|
|
|
Re: جمعة مُباركة (Re: مني عمسيب)
|
ابدا بالرد على المداخلة الفيها غلاط وبعدين أرجع أبارك العيد لمعاوية ومنى وبعد قباني يقتنع نبارك ليهو برضو.
في سنة اربعة وتمانين كان في اسبوع أو شهو عرضت فيه البي إن عدة افلام لجيلة الجميلات صوفيا لورين، على ما أذكر عرضت فلم الاوسكار الستيني امرأتان، عباد الشمس وجسر الكسندرا
لو مغالطني ارجع لارشيف السينما وممكن حسما للغلاط نكلف خرطومي للذهاب للسينما ومراجعة الملفات
المهزوم يتكفل بمصاريف الخرطومي من تاكسي، عشا وشاي في شارع النيل ومصاريف جيب
| |
|
|
|
|
|
|
|
|
|
Re: جمعة مُباركة (Re: أبوبكر عباس)
|
تنشيط حساب الوش قادمي لمتابعة أهم أربعة نجوم بالفيس:
دينا خالد
حسين ملاسي
البروف أمين
"الصدوق" جادات
صحيت يوم الجمعة القبل العيد لقيت عندي ٨١٢ رسالة واتسابية تهنأني بالجمعة المباركة
١٠١ صورة لملاح نعيمية
١١١ صورة لشعيرية
١٣ صورة لصحن شيّة جنبو سلطة وشطّة
| |
|
|
|
|
|
|
|
|
|
Re: جمعة مُباركة (Re: يحي قباني)
|
يا قباني، وحات منو داك، نسيت البوست بتاعك دا!
الغريبة مداخلة سيف النصر في بالي بتاعت انو جمعة مباركة دي ممكن تكون جات من السعودية.
عموما حقوق الاسم ليك، لكن الموضوعين مختلفات خالص.
أنا ساخر من ونسة الواتساب والفيسبوك وممكن تكون اهدار موارد وزمن ساكت
اليوم ح الغي حسابي بالفيس وسوف احتفظ بالواتس، لأنو بعمل بيهو بعض البزينس
| |
|
|
|
|
|
|
| |
أبوبكر عباس
معاوية الزبير
يحي قباني
مني عمسيب
Muhib
فيس بوك
تويتر
انستقرام
يوتيوب
بنتيريست