|
|
|
 Re: الإنقاذ تسير نحو الهاوية .. (Re: حمزاوي)
|
| Quote: بس لو خليت عن الختم دا |
أيمن نواى كيفنك ..شكراً على حسن الظن لكين أطمئنك لو أديتنى مليون جنيه ما أدخل يدى فى سلطة.. إنت آزول ماك نصيح؟؟ أودى وشى وين لو كتلت لى زوول بالغلط ساى؟؟ كتير ياخوى قلنا السياسة يا قاتل أو مقتول ..
بعدين من المعضلات الجسيمة التى لا أرى لها حلاً هى الإختلاف المذهبى الحاد بين الختمية والأنصار والذى هو الأخدود العميق بين ناس الغرب وناس البحر ..
-----
الرد ده رسلته امبارح لكنه إرتد ــ أنعن أبوالرّدة ــ لنفاذ الكوتة .. :)
| |
  
|
|
|
|
|
|
|
|
Re: الإنقاذ تسير نحو الهاوية .. (Re: Munir)
|
| Quote: الامام / الصادق المهدى ومولانا / الميرغنى شريكين اساسيين وحليفين للانقاذ ويتقاسمان مع الانقاذ فجيعة ماحل بالبلاد والعباد من كوارث فى كافة مناحى الحياة . |
سلامات أحمدسيداحمد ..
فى هذه الجزئية: إن كان زعماء أكبر حزبين، يمثلان أكثر من ثلثى السكان التقليديين، شريكين للإنقاذ ــ والتى تمثل ربع السكان التقليديين و٩٠ فى المية من الخريجين ــ فمن تبقى من السكان ؟؟ ..
| |
|
|
|
|
|
|
|
|
|
Re: الإنقاذ تسير نحو الهاوية .. (Re: Munir)
|
أيمن نواى كيفنك ..شكراً على حسن الظن لكين أطمئنك لو أديتنى مليون جنيه ما أدخل يدى فى سلطة.
====================================================
استاذنا الرائع منير لو الجنيه إسترليني من المؤكد سوف أدخل
ولكن الجنيه السوداتي مليون يعني ( 250) ريال سعودي .. لا ما يغطي التكلفة ..
ندخل في المهم :
عندما أزور السودان أمر بالعاصمة مرور الكرام عربية من المطار إلى ضواحي الدنيا على الطول
وفي البلد عندنا لاحظت أن الناس ليس لديهم إهتمام بمن يحكمهم .. البعض منهمك في الموسم الزراعي
رغم المتاعب وتكلفة المدخلات والبعض الآخر وهو الأخطر بلغ بهم اليأس ما بلغ .. لا يسأل لا يهتم ..
لدرجة أنهم تركوا حتى العمل فقط تجد الجمهرة أمام الدكاكين في ( البرندات ) ونسة وضحك وفي الليل
كوتشينه في النادي وكمان برشلونه وريال مدريد .. وهذه من الحالات الخطيرة جداً .. لا تسمع سيرة للسياسة
ولا إسم الرئيس ولا الحوار ولا غيره .. فقط أحياناً جدال في كرة القدم هلال مريخ أو الدوري الاوربي ..
صدقني ما في أي إهتمام وكأن الحالة ميئوس منها وأن الوطن مصاب بمرض لا شفاء منه ..
شكراً على البوست حبيبنا منير .. مودتي ..
| |
|
|
|
|
|
|
|
|
|
Re: الإنقاذ تسير نحو الهاوية .. (Re: عبداللطيف حسن علي)
|
الي هيئة علماء السودان قبح الله وجوهكم
وبعد
هل بيع خط هيثرو مع سبق الإصرار والترصد سببه عدم توبة الشعب الكافر الفاجر الداعر ؟
هل بيع المستشفيات والجامعات والمصانع سببه الشعب الكافر الفاجر الداعر؟
هل تفشي العطالة والفقر والجوع والأمراض سببه الشعب الكافر الفاجر الداعر؟
هل هروب مدخلي حوايات المخدرات سببه الشعب الكافر الفاجر الداعر؟
هل نهب أموال الجمارك والحج والعمرة وأراضي الخرطوم سببها عدم توبة الشعب الكافر الفاجر الداعر؟
هل انهيار السكة الحديدية والموانئ البحرية سببها عدم توبة الشعب الكافر الفاجر الداعر؟
هل سقوط الكباري واحد تلو الآخر سببه عدم توبة الشعب الكافر الفاجر الداعر؟
هل صفقة باصات ولاية الخرطوم الفاشلة سببها عدم توبة الشعب الكافر الفاجر الداعر؟
هل فضيحة مكتب والي الخرطوم السابق الخضر سببها عدم توبة الشعب الكافر الفاجر الداعر؟
هل فضيحة مكتب مدير الجمارك السابق سببها عدم توبة الشعب الكافر الفاجر الداعر؟
هل فضيحة مدير عام الازاعة والتلفزيون حاتم محمد أحمد الأخيرة التي نهب فيها المليارات سببها عدم توبة الشعب الكافر الفاجر الداعر؟
هل ظهور الببغاوات أمثال بلة الغائب وحسين خوجلي والهندي عز الدين سببه عدم توبة الشعب الكافر الفاجر الداعر؟
هل فضيحة شركة الأقطان سببها عدم توبة الشعب الكافر الفاجر الداعر؟
هل فشل مشروع الجزيرة وإدخال التقاوي الفاسدة سببها عدم توبة الشعب الكافر الفاجر الداعر؟
هل بيع ملايين من الأطنان الإغاثية من دولة قطر لمتضرري السيول والأمطار سببها عدم توبة الشعب الكافر الفاجر الداعر؟
هل بيع التمور السعودية التي دخلت هدية للشعب السوداني ومكتوب عليها (غير مخصص للبيع) للمحلات التجارية سببها عدم توبة الشعب الكافر الفاجر الداعر؟
هل قانون نهب المال العام و (التحلل) أدخلها الشعب الكافر الفاجر الداعر؟
هل الصين التي ليس لها دين ولا تعرف الله سمعتم في يوم من الأيام أن لها فساد في مكتب أحد ولاتها أو ادخلت تقاوي فاسدة أو باعت أراضيها أو قامو بنهب المال العام ثم تابوا ثم تحللوا؟
هل الهند التي بها أكثر من (رب) يعبده شعبها سمعتم في يوم من الأيام باعوا مصنع من مصانعهم لعدم التوبة أو الرجوع الي الله ؟
هل الرئيس والوزراء من ضمن الشعب الكافر الفاجر الداعر أم أن الشعب لوحده؟
هل انتم بشر ؟
أخيرا هل نحن الشعب الذي يحتاج للتوبة أم انتم يا من تطلعون فتاوي لخدمة السلطان ؟
هل بعتم ضمائركم بثمن بخس ؟
نحن كفار وانتم مؤمنون !!
لا نامت أعين المطبلين المنافقين
والعزة للشعب الله أكبر والخذي والعار لعلماء السلطان
| |
|
|
|
|
|
|
|
|
|
Re: الإنقاذ تسير نحو الهاوية .. (Re: حمزاوي)
|
صديقي العزيز الودود .. المنير .. صباح صحو الضمير ,,,
يا ابن عمي محمد سليمان .. لك التحية الوطنية العميقة ,,
ولكن : ردآ علي الاقتباس :
(( أعجب لمن ينتظر من منير حكمة أو قولاً فصلاً ..
منير هذا يشهد له الأرشيف عن وقوفه مع الإنقاذ من منطلق جهوي عنصري بحت ))
الرد :
يا محمد سليمان يا ابن عمي . باب التوبة فاتح علي مصرعيه
فالرجاء الغفران . اي نعم المنير كان مدافع عن الانقاذ واخيرآ
تراجع عن الفكرة ومواقفه المخزية , هل يعتبر ايجابية ام سلبية
من مواقفه ؟ يا ود سليمان لو سمحت اعتبر تغيرات المنير جزء
من ايجابية التغيير القادم .
ولك وللمنير صديقي الودود كل الاحترام ,,,
| |
|
|
|
|
|
|
|
|
|
Re: الإنقاذ تسير نحو الهاوية .. (Re: مني عمسيب)
|
Quote: هنالك اسباب رئيسية ومنطقة ادت لان يكون اهل الشمال هم الذين تولوا قيادة البلد بعد الانجليز واجملها
في التعليم ووجودهم في مكان القيادة. وبعد تلاحق الكتوف من حق اهل الهامش ان يكون لهم دور في قيادة بلدهم. |
سلامات عبدالعظيم مكى
العنصرى محمدسليمان ده قلت ليك بقيت أتكيف لمشاركاته .. أول شئ لو رجعت للأرشيف تجد أنه ده ياهو خطابه منذ إنضمامه للمنبر .. وزمان أنا قلت ليهو إنك أكبر موديل ينبه أهلنا لمستوى الغبائن التى تترصدهم .. مشكلته أنو رغم تنبيهى ليهو لخطل كل تهديداته (زمان لمن أوباما إنتُخب رئيس، جاء جارى على المنبر وكتب عنوان عريــــض : أوباما جــــــــاكم !!).. أها أوباما أخد لفة دورتين ولسه ما جاء .. ومرة جاء قال الأساطيل الأمريكية جاءت البحر الأحمر ووو .. الكثير من الهلاويس والهوس .. عقدته الرئيسية هى أهل الشمال .. لدرجة إنو جاتو هستيريا عندما ظن أن موسى هلال ـــ عدوه اللدود لسنين طويلة وكان يحمِّله زعامة الجنجويد ــ جاتو هستيريا الفرح لتفاهمات موسى هلال مع الحركات المسلحة .. بلع كلامه كله عن موسى هلال وبل بقى يقول عليهو الشيخ موسى هلال !!.. وده كله بس عشان يحشد أكبر أعداء ضد الجلابة ..
المهم .. الغايظو فى الموضوع إنو توقعاته كلها طلعت فشوش لأنها أحلام رغبوية دافعها الحقد الذى يعمى البصيرة .. بينما هو شايف إنو توقعاتى ما وقعت واطة .. لأنها جاية من منظور يقرأ البنية النفسية للبنى آدم .. وأنا فاهم البنية النفسية للزبون ده كويس .. عشان كده طوالى الواحد بيدردق ليهو الكورة ويقوم يجى يشوت ضفارى ويحرز الهدف فى قونه ..
هسه عاين ليهو جاء يرغى ويزبد كيف :) ..
هسه حكاية إنو التعليم كان هو المؤهل الأساسى لغلبة الشمال والوسط فى دواوين الدولة لأنه كان يمثل أولوية ، ما حيفهمها ليك .. زمان أنا حاولت أقنعه بالجزئية دى، قلنا ليهم ياجماعة مدخل الخدمة المدنية دى يبدأ بإمتحان الشهادة الما فيهو واسطة ووو .. ولكن لاحياة لمن تنادى ..
لذلك قلنا نخليه يجى يفنجط هنا ، وأنا حأضقل بيهو وإتسلّى ..:)
| |
|
|
|
|
|
|
|
|
|
Re: الإنقاذ تسير نحو الهاوية .. (Re: حمزاوي)
|
Quote: .سبحان الله يا منير
تو الناس!!!!؟؟
بس فوقتا من الغيبوبة الكنت فيها ما تكون موقتة
وترد تانى زى زمان
ودافع عن الكيزان والنظام زى المسلمي !!؟ |
المناتلة وضاحة .. شكراً للمرور والتعليق ..
| |
|
|
|
|
|
|
|
|
|
Re: الإنقاذ تسير نحو الهاوية .. (Re: Munir)
|
Quote: اى فكره تريدون منير ان يوصلها لكم
منير شم الفساد متاخرا جدا بعد ان وقعت
الانقاذ على ركبتيها بعد ان ضاعت البلد |
عمر دهب .. إنت فهمت فكرة البوست واللـَّ مخك تخين زى بسمتك ؟؟ ..
| |
|
|
|
|
|
|
|
|
|
Re: الإنقاذ تسير نحو الهاوية .. (Re: Munir)
|
اقتباس :
سلامات أحمدسيداحمد ..
فى هذه الجزئية: إن كان زعماء أكبر حزبين، يمثلان أكثر من ثلثى السكان التقليديين، شريكين للإنقاذ ــ والتى تمثل ربع السكان التقليديين و٩٠ فى المية من الخريجين ــ فمن تبقى من السكان ؟؟ . ) انتهى
مرحبا مرة اخرى منير
الزعيمين شريكين للانقاذ باسرتيهما وذواتهما وليس بجماهير حزبيهما بدليل ان جماهير الحزبين وحتى تاريخه يرفضون رفضا باتا مشاركة الكيزان فى الحكم ..
| |
|
|
|
|
|
|
|
|
|
Re: الإنقاذ تسير نحو الهاوية .. (Re: علاء سيداحمد)
|
سلامات على تاج الدين..
شايف الهوس الحاصل ده كيف؟؟ .. الناس لقت المنبر متجمد وما صدقت لقت ليها موضوع عن الإنقاذ وجات تستعرض بطولاتها على منير ..!! ..
الحاصل إنو منير من زمان يكتب آراءه بالمبابشرة بدون تحيز .. لكن طبعاً زيما عارف فإن المهووسين لو ما شكرتهم طوالى يخندقوك فى الضد .. والعجب لو إنتقدتهم .. يجن جنونهم .. !!..
هسة شوف مافضل إلاّ المناتلة وضاحة تجى تتنوضل علىّ .. أما فلان داك حشّاش بشنبه أسكت خليهو ساى ..
زمان قلنا دنيا السياسة إما قاتل أو مقتول .. هسه العالم ديل لو لقو فرصة تأكد ستكون هناك تصفيات جسيمة .. فالحرب بينهم والإنقاذ حرب دموية ـــ حياة أو موت ـــ
ولذلك قلنا قواعد الإنقاذ ظلت جاهزة للتعبئة لمثل هؤلاء ..لأن الخصومة الدموية دى أساسها الثانوى العالى ثم الجامعات .. خصومات دموية وصراع على السلطة والنفوذ من الثانوى إلى اللحد ..
والبوست يعكس رؤية عن مصير الإنقاذ حينما تنفض عنها هذه القواعد الجاهزة للتعبئة بسبب رؤيتهم لفساد القدوات الذى لا يستطيعون إخفاءه ..
فى عهد الإنقاذ الأول كانت القواعد تؤمن بمشروعها وحاربت من أجله تطوعاً .. ذلك العهد إنتهى .. وأصبحت القواعد ترى القيادات تتصارع وتتهم بعضها وتقصى بعضها وتنهب المال العام وتتطاول فى الثراء بلا رقيب ولا محاسبة ..
تلك تراكمات لم تكن ظاهرة حين كان الخطاب التعبوى هو السائد ..
وهذه جزئية واحدة من المشهد .. لسة هناك مسائل أخرى ما جبت خبرها ..
| |
|
|
|
|
|
|
|
|
|
Re: الإنقاذ تسير نحو الهاوية .. (Re: Munir)
|
| Quote: مسالة الفساد في حد ذاتها احد عوامل ومقومات وأدوات هذا النجاح في الإستمرار في السلطة |
سلامات محمد البشرى..
النقطة دى ما دقيقة .. ربما كان المفسدون يحمون بعضهم بعضاً إلى حين . ولكن هذا السيناريو مثل اللعب بالبيضة والحجر .. خطورته إذا فلتت إحدى حلقات هذه الدورة فإن عواقبها وخيمة .. بعدين أنا مركِّز على رد فعل القواعد من هذه الحلقة القيادية .. فقدان القواعد بسبب إنعدام الثقة سيجعل هؤلاء القيادات الغافلة قاعدة فى الصقيعة ..
بإختصار.. الكلام معناهو إنو زمان الإنقاذ كان خطابها تعبوى جهادى عنيف .. إلخ .. الآن إنتهت هذه الهوجة وإنتهى الجهاد الأصغر فانهزمت فى الجهاد الأكبر .. وهو جهاد المصالح الذاتية ..
| |
|
|
|
|
|
|
|
|
|
Re: الإنقاذ تسير نحو الهاوية .. (Re: Munir)
|
Quote: تسيس الخدمة المدنية عبر التمكين
والمشكلة ان التمكين نفسه تم بعناصر غير جديرة وليست لها سابق خبرة في المجال
وطبقت سياسات الولاء قبل الكفاءة
وتلك
كانت بداية للفساد والذى اسست عليه هذا البوست
ورغم تعدد الانظمة منذ الاستقلال
لم تمس الخدمة المدنية بهذا الكم الهائل من التمكين
الا في عصر الانقاذ
ومن هنا بدات الكارثة |
سلامات Al Sunda
دعنى أولاً أتفق معك ..
ثم ثانياً أقول أن تراكمات هذه المساوئ بالإضافة لطفح الفساد هو الذى يسير بالإنقاذ للهلاك .. وذلك لأنو الناس الراجية الكيكة لمن يشوفوا إنو قياداتهم مستأثرين بأى شئ فإنه يولد الغبن .. أرادت الحكومة ترضية رؤوس القواعد، فأكثرت من الأمانات والمنسقيات وكثير من الأجسام التنظيمية لإستيعاب كوادرها فى مناصب بإمتيازات لدرجة الكادر يطمع فى منصب وهو مايزال طالب .. أها هى حاولت ترضية الجميع ولكن هيهات .. الطريقة غلط .. المفروض بدل ترفيع الناس وإختلاق مناصب لهم يؤدى لترهل الدولة، مفروض تقليل المناصب .. فالترغيب والترضية بالمناصب لا يمكن التحكم فيهما لأن التنظيم مليان أفواه وأرانب كلها عايزة تاكل ..
-------------
كده إنتهينا من الصفحة الأولى ..
| |
|
|
|
|
|
|
|
|
|
Re: الإنقاذ تسير نحو الهاوية .. (Re: عزالدين عباس الفحل)
|
يكفى يا لماح اننى عرفت ان الانقاذ نظام فاسد وظالم من البداية
ما انتظرت حتى تمضى نحو الهاوية لاعلن خروجى عن موازرتها
السؤال انت الان بتنتقد الفساد كوطنية ظهرت متاخره والله عشان الانقاذ
بتسير نحو الهاوية ولا الاتنين
اركز مع جماعتك
| |
|
|
|
|
|
|
|
|
|
Re: الإنقاذ تسير نحو الهاوية .. (Re: عمر دهب)
|
| Quote: متين أعلنت دخولى لأعلن خروجى أيها الكذاب التافه .. |
يا منير عيب عليك تشتم إنسان محترم ومهذب زي الأستاذ عمر دهب بالكذاب والتافه
والله ما كنت ناوي اتدخل في البوست دا تاني لأني عرفت محتواه وما ناقص غلاط وجدل دائري
لكن صراحة آلمتني هذه الشتيمة وما قدرت امسك نفسي من التداخل
في ردك الأول برضك شتمتو | Quote: عمر دهب .. إنت فهمت فكرة البوست واللـَّ مخك تخين زى بسمتك ؟؟ |
صدقني يا منير لا دفاعك عن الإنقاذ سيفيدها بشيء ولا معارضتك ليها ستضرها
ونفس الحكاية تنطبق على موقفك من المعارضة
فا شنو، احفظ للناس إنسانيتهم وخُلقهم وخاطبهم بأحسن ما تملك من قول..
فلن تخسر شيئا سوى رأي كم زول فيك من مئات الناس القروا البوست لغاية الآن
| |
|
|
|
|
|
|
|
|
|
Re: الإنقاذ تسير نحو الهاوية .. (Re: معاوية الزبير)
|
آسف يا معاوية وأعتذربشدة للأخ عمردهب ..
لم يهن على أن أرد بهذه الحدة ، ولكن آلمنى التصنيف االذى أنا أعتبره إساءة لى برضو ..
أما لو كنتم تعتقدون أن إبداء رأيى دفاع عن الإنقاذ فليكن ..
لن أتخلى عن كتابة آرائى الحرة عشان خاطر زعيط أو معيط ..
| |
|
|
|
|
|
|
|
|
|
Re: الإنقاذ تسير نحو الهاوية .. (Re: Munir)
|
ههههه
الهوا دا جيبوا لنفسك يا منير شايف المناضلين زارنك في ركن زرة شديدة وبقيت تبرر أنا ختمي وأنا اتحادي
قايل دا بحلك؟
زي قصة الأمريكي الأبيض دخل حارة زنوج عايز يتجدع زيهم ويمشي يقدل الجماعة شافوها حقارة ولمو فيه الجابك هنا شنو وبتمشي كدا ليه؟ قال ليهم يا جماعة ما تشووا اللون الأبيض دا أنا من جوا أسود حتى اسألوا فلان دتا ح يقول ليكم أنا صحبه جرجروا فلان وسألواه قالوا ليه الأبيض دا صاحبك ؟ عاين كدا اتلفت يمين شمال قال ليهم "نوب"
وانت هسع بقيت تقول ليهم محمد سليمان دا زبوني يعني يا ها ذاتها صحبي بس لحنتها
هههه
| |
|
|
|
|
|
|
|
|
|
Re: الإنقاذ تسير نحو الهاوية .. (Re: حمزاوي)
|
يقول أبو مسلم الخراساني، وقد سئل عن سبب سقوط دولة بني أمية، يقول: لأن دولة بني أمية قرَّبت الأعداء، حتى تأمَنَ شرَّهم، وأبعدت الأصدقاء ثقةً بهم، فقرَّبت الأعداء لتأمَنَ شرهم، فإذا وجدوا شخصاً يخافون منه؛ أعطوه ولاية، وأعطوه منصباً؛ حتى يأمنوا شره، وأبعدوا الأصدقاء ثقة بهم، واتكلوا على حسن الثقة بينهم وبينهم، فأبعدوا الأصدقاء، يقول: فلم يتحول العدو إلى صديق، بل تحول الصديق إلى عدو، والعدو بقي على عدوانه، واستغل منصبه في تحقيق مطامعه، لكن الصديق الذي يمكن أن تصطنعه وتوليه وتثق به تحول إلى عدو؛ لأنه رآك أبعدته، وقربت أعداءك ومناوئيك. وهكذا الشأن في كثير من الدول
| |
|
|
|
|
|
|
|
|
|
Re: الإنقاذ تسير نحو الهاوية .. (Re: Munir)
|
بالنسبة للمواطن العادي البسيط:
1- انخفض دخله من عام 2006 وحتى 2016 بنسبة 800% وزادت أعباء الحياة بالنسبة له بنسبة 1600% (بقياس بسيط بين أسعار الصرف وأسعار الخدمات والسلع الأساسية بين العامين).
2- فقد الثقة في "الحكومة"
3- فقد الثقة في أي شخص يأتي ليتحدث عن الدين ولو كان في حلقة وعظ - لك أن تشاهد ردة فعل الشباب -
4- بدأ التديّن السوداني الوسطي البسيط المسالم بالاختفاء وظهر تفريط أو تطرف على طرفي نقيض.
| |
|
|
|
|
|
|
|
|
|
Re: الإنقاذ تسير نحو الهاوية .. (Re: Hani Arabi Mohamed)
|
Quote: آسف يا معاوية وأعتذر بشدة للأخ عمردهب ..
لم يهن على أن أرد بهذه الحدة ، ولكن آلمنى التصنيف االذى أنا أعتبره إساءة لى برضو .. |
أشكرك يا منير وأرجو من الأستاذ عمر أن يتقبل اعتذارك.
الحكاية ما بتستاهل، كلنا قاعدين نتشاجر ونتشاتم في خلاء بكري دا زي مجانين في مشهد عبثي بلا معنى ولا نهاية ولا ثمرة
إذا ما عايزين نستفيد من وجود كفاءات علمية وخبرات عملية متنوعة في هذا المنبر تخطط لرفعة ومنفعة البلد،
خلونا نتونس في الكورة وأغاني أغاني وغيرها من المواضيع الما بتجيب زعل وانفعالات تقودنا للإساءات
وأنا برضو آسف يا منير لأي تلميح سيء القصد
| |
|
|
|
|
|
|
|
|
|
Re: الإنقاذ تسير نحو الهاوية .. (Re: معاوية الزبير)
|
ولا يهمك يامعاوية .. بالجد أنا ما كنت قايل الناس صاراها لى قدر دا، بالرغم من أنى أصلاً ماشايف نفسى غير بكتب الشايفو.. وأكثر آرائى هى عن مناهضة الحرب وضد دعاة الحرب .. وصاح آرائى دائماً تصطدم بدعاة النضال وخاصة الذين يدعمون الحرب ويجبنون عن النزال فى الميدان . ولذلك أعرف أن كلامى يمسهم مباشرة .. وهو ما يقودنى دائماً للشجار الجاد لأنو آرائى جادة لا يهمنى لو زعل مناضل أو موالى للحكومة ..
ده للمعلومية ..
هسه أنا منى عمسيب دى حأتغاضى عن كلامها وأكظم الغيظ عن إساءتها بأن مواقفى مخزية ، ودى المرة التانية تكتب كلامها ده.. حأسكت لأنى لو رديت عليها حأخسرها بشدة ..
ومرة أخرى سلام لعمر دهب ..
| |
|
|
|
|
|
|
|
|
|
Re: الإنقاذ تسير نحو الهاوية .. (Re: Munir)
|
احي انا من المنير واخلاقو النتشة دي ههههههه
قدر ما قلت ليهو زيدها لينا شوية ياهو دي الحال
هههههههه .
قلت لي يا صديقي العزيز :
(هسه أنا منى عمسيب دى حأتغاضى عن كلامها وأكظم الغيظ عن إساءتها بأن مواقفى مخزية ،
ودى المرة التانية تكتب كلامها ده.. حأسكت لأنى لو رديت عليها حأخسرها بشدة .. )))))
ودي برضو :
( بالرغم من أنى أصلاً ماشايف نفسى غير بكتب الشايفو)
شاهدين علي المنير دا آآآناس يعني هو يكتب الشايفو وانا اكتب
مغمضة ! اها انا زيك يا المنير بكتب الشايفاهو هههههههههه.
بعدين القال ليك كلمة مخزية دي نبز منو ؟
مخزية معناتها مارق من الصف شوية .
ولك العتبي والود وكل جميل يا صديقي .
| |
|
|
|
|
|
|
|
|
 Re: الإنقاذ قوية و فتية و فولاذية .. (Re: Mohamed Suleiman)
|
الشائعات المكذوبة ،
تجعل من الحبة قبة ،
ومن الحقير خطيراً ،
و المجتمعات لا تخلو من الشائعات السيئة ،
يتلقاها الناس ويتداولونها بكثرة ،
عبر الـ WhatsApp
و الـ Social Media
خاصة أوقات الأزمات و الفيضانات ،
و السيول و الأمطار ،
Times of crisis
شائعات الإرجاف و التخويف ،
هذه الشائعات مرادها خلخة الأمن ،
و جلب الضعف ،
و زرع الفتن بين الناس
حادبها تركيع الأُسود و ترويضها ،
لكن الليث حين يهجم يكسر الرقبة ،
ويذل روح المقاومة الهزيلة ،
المرجفون في المدينة ،
الخائفون من وثبة الليث ،
حين يظفر بفريسة الضباب ،
القابعون علي أشدة الموت ،
البطئ بغيظهم ،
لن ينالوا إلا الحسرة و الندم ،
حين يكشف غطاء المنافقون ،
الإنقاذ قوية فتية ،
يجيد فتيانها مراوغة السياسة ،
ويتفننوا في فذلكت الشيوعية المنبوذة عالمياً ،
و أحزاب الفكة ،
إلي أشلاء و قرابين للبؤسهم ،
الحالمون علي الأنقاض بالولادة العسيرة ،
ما زال الليل يحبوا ،
و ما زالت الإنقاذ فولاذية القوام ،
و ما زالت حشرات المساء ،
تنهش بعضها البعض ،
ليظهر فلق الحق المبين ،
للإنقاذ فرسان أشداء ،
رهن الإشارة ،
حين تؤذن المدائن ،
بأن لا إله إلا الله ،
،،،،،،،
عزالدين عباس الفحل
ابوظبي
| |
|
|
|
|
|
|
|
|
 Re: الإنقاذ قوية و فتية و فولاذية .. (Re: عمر دهب)
|
انافى الحقيقةلم ارىوصفى بالتافه وشكرا لك يامعاوية على توثيقهاوبهذايكون هذا الشخص اول من وصفنى بهذه الصفه من الطفوله حتى شيخوتى هذه وبالتاكيد لن اسامحه وايضا لن ارد عليه بمثلهالان هذه تربية والدين واهل
واكيد المطالعين هنا ببفرزوا من خلال لغتنا من منا التافه ومن منا
العفبف ومن الذى تقوده انفعالاته الى سوء الخلق ولغه الشوارع
الفالته فيخرج ما انعمت به عليه تربيته.
| |
|
|
|
|
|
|
|
|
|
Re: الإنقاذ قوية و فتية و فولاذية .. (Re: عمر دهب)
|
Quote:
ومن الذى تقوده انفعالاته الى سوء الخلق ولغه الشوارع
الفالته فيخرج ما انعمت به عليه تربيته. |
سأتجاوز هذه الإساءة يا متربى يامن تنقض بالشمال ما تكتبه باليمين ، إحتراماً لكلماتى مع معاوية ..
| |
|
|
|
|
|
|
|
|
|
Re: الإنقاذ قوية و فتية و فولاذية .. (Re: عمر دهب)
|
| Quote: بعدين القال ليك كلمة مخزية دي نبز منو ؟ |
الصديقة منى .. تفلقى الزوول وبينما دمه سايح تقومى تلصقي ليهو لصقة :) ..
قبل كده برضو قلت لى عبارة زى دى (أحاول أفتشها أجيبها) وجيتى قلتى : منو القال دى نبذ !!... حلوة أوى .. هههه ..
غايتو ياعزيزة لولا بسمة البروفايل والروح الودودة دى كنا .. كنا قمنا جارين من المنبر شردنا .. هههه
على أى حال الود فى محله .. وسأظل مسردب فى إنتظار الشكلة القادمة .. :)
| |
|
|
|
|
|
|
|
|
|
Re: الإنقاذ قوية و فتية و فولاذية .. (Re: Munir)
|
المنير .. سلمات ,,
جيت اذكرك :
(قبل كده برضو قلت لى عبارة زى دى (أحاول أفتشها أجيبها) وجيتى قلتى : منو القال دى نبذ !!)
كلمة ردحي موش ؟
وانت جيت فرجت فيني .
وفعلآ لو مواكب المصطلحات
هي ما نبذة هي مجرد مصطلح
ههههه
وقلت لي :
( وسأظل مسردب فى إنتظار الشكلة القادمة ) .
بالتأكيد مخزن المشاكل حقي متروس واتوقع تحت
اي لحظة حا ينفجر فيك انت فقط لاغير هههههه .
ولك الود يا لدود .
| |
|
|
|
|
|
|
|
|
|
Re: الإنقاذ قوية و فتية و فولاذية .. (Re: مني عمسيب)
|
الاخ منير
الناس الهنا دخلت لانها بتقدرك عالي ، قول اغلبهم عشان الدقة ف شنو ما تتحمق بالساهل
البلد وصلت حال تحنن الكافر ، وانت زينا شايف كده بس الاختلاف في التفسير
انا أظن ان الانقلاب علي الديمقراطية خطأ. وخطيئة وهو القاد لما بعده
ارجع لفكرتك وواصل
| |
|
|
|
|
|
|
|
|
|
Re: الإنقاذ قوية و فتية و فولاذية .. (Re: اخلاص عبدالرحمن المشرف)
|
(فا مسالة الفساد في حد ذاتها احد عوامل ومقومات وأدوات هذا النجاح في الإستمرار في السلطة )
سلامات يا منير
نقطة ودالبشرى الفوق دى دقيقة جدا جدا وباعتراف احد قيادات الانقاذ من طراز عبدالرحيم محمد حسين .
فى ازمة ابن منطقته النقيب شرطة ابوزيد عبدالله صالح الذى فصل من الخدمة وعوقب بالسجن والغرامة فى محكمة صورية غير قانونية بسبب مخاطبته لعمر البشير كتابة بالفساد الذى يحدث فى ادارة الشرطة ووزارة الداخلية ككل
قال عبدالرحيم محمد حسين فى غرفة مغلقة وامام مجموعة من ابناء منطقته الذين ذهبوا اليه طالبين منه التدخل فى قضية ابوزيد وانصافه قال لهم الاتى :
1/ ابوزيد هو مالو ومال الفساد ما يمسك خشمو ويشوف شغله ولو حريص على محاربة الفساد يمشى يعمل انقلاب ويستلم السلطة وبعدين يحارب الفساد .
2/ نحن عارفين الفساد موجود فى كل مفاصل الدولة لكن ما حنحاربه لانو لو حاربناهو .. النظام حيسقط ونحن ما عايزين النظام يسقط .
| |
|
|
|
|
|
|
|
|
|
Re: الإنقاذ قوية و فتية و فولاذية .. (Re: خالد حاكم)
|
( وصاح آرائى دائماً تصطدم بدعاة النضال وخاصة الذين يدعمون الحرب ويجبنون عن النزال فى الميدان . )
سلامات تانى يا منير
الحرب اداة وخيار من ادوات وخيارات النضال وموجودة فى كل الدنيا وهى ليست بدعة سودانية !
الناس التى تدعم الحرب يدعمون حق اختيار من لجاء الى خيار الحرب وما بالضرورة انهم ينزلوا الميدان !
وبعدين نظام الانقاذ الذى تنقده الان عنده مقولة مشهورة كما تعلم ( نحن لا نفاوض ولا نجلس الا مع من يحمل السلاح ) !
| |
|
|
|
|
|
|
|
|
|
Re: الإنقاذ قوية و فتية و فولاذية .. (Re: خالد حاكم)
|
أدعو القراء لقراءة مداخلة محمدسليمان ـــ ربيب save darfur ـــ الأخيرة ويستبدلوا إسم منير بـ محمدسليمان .. حتستغربوا من شدة تطابق الحال مع المقال ..
أنا ما حأصرف زمن مع الزبون ده.. التكرار يعلّم الحمار ، وكررنا ليهو بما فيه الكفاية بلا جدوى ..
وأدعوكم فقط تعملوا القلتو ليكم : استبدلوا الأسماء فى كل مداخلاته الجاية عشان الما آمن يأمِن ..
| |
|
|
|
|
|
|
|
|
|
Re: الإنقاذ قوية و فتية و فولاذية .. (Re: Munir)
|
هههه .. يافرانكلى عوقتنى ياخ .. الظاهر البوست ده وجعك ..
تخيل يافرانكلى أخوك ماكان عارف إنو حاكِّى الناس كده .. حك شديد ..
والله كنت قايل نفسى زوول ساى، أو سودانى جرئ أوأو .. وأتكلم على كيفى وأشوت يمين شمال حكومة على معارضة .. لكين شايف إنو الحرية فى دنيا السياسة مكلفة .. المناتلين زعلانين والحكوميين زعلانين .. هسه شايفك زعلت بإشتماتة (بالشين).. وعزالدين زعلان .. وصاحبنا محمدسليمان جاء تقيأ كراهيته كلها ويفضح نفسيته المتقيحة ..
وناس ودالزبير محبطين وماعارف المدعو منو كده جاء يفش غبينتو ..
المهم الواحد عرف ليه الناس فى المنبر ده عاجزة عن إبداء آرائها بشجاعة، وليه الناس شردت ونفدت بجلدها ..
بعدين شايفك سويتنى الرجل الأبيض فى حارة الزنوج.. الكلام ده ماعارفه بيدينك بالعنصرية ؟؟
| |
|
|
|
|
|
|
|
|
|
Re: الإنقاذ قوية و فتية و فولاذية .. (Re: Munir)
|
الأخت إخلاص .. شكراً على حسن ظنك وأيضاً على طولة بالك ..
أنا عندى نظرتى الكلية ــ أو قولى الشمولية ــ ولا أنظر للجزئيات .. وإلاّ ممكن كل يوم أجى خاشى المنبر وأدى الحلة وصا والنقارة عصا .. وأقضى يومى أشيل وأنبذ فى الحكومة كل يوم وأكون فى السليم ..
لكنى شايف أصلاً المشكلة فى أساسها هى ذهنية العالم الثالث وخاصة الأفريقى والعربى والإسلامى .. والشئ التانى أنى مؤمن بأن حكم البلد دى صعب شديد .. أيوة التنظير ساهل ــ حرية اشتراكية حقوق إنسان وووو ـــ ولكن how؟؟ .. مطلوب تنظير لتطبيق التنظير !!.. كيف نحدث تغيير لإرساء البلد فى بر آمن بدون سفك دماء وبدون ما الطربيزة تنقلب فى راس أهلنا الغافلين زيما انقلبت فى العراق وسوريا وليبيا واليمن؟؟ نحن ترانا برة البلد وإيدنا فى الباردة.. لكن نحمى أهلنا الغافلين عن التحريض الدولى الحاصل ده كيف؟؟ ..
أنا شايف المعادلة معقدة والناس جايطة ماعارفة وينو راس الخيط .. وو .. ياهو زى ما شايفة .. كل واحد شايف نفسه هو الصاح .. وهكذا نحن فى دوامة ..
قول إنت الصاح وشايف داك غلط .. أها كيف تقنع الآخر الشايف نفسه هو الصاح وشايفك إنت الغلط ؟؟ .. دى هى الغلوتية ..
| |
|
|
|
|
|
|
|
|
|
Re: الإنقاذ قوية و فتية و فولاذية .. (Re: Munir)
|
مرحبتين حباب الحبيب على عبدالوهاب عثمان ..
والله أنا دائماً بحاول أتفاعل مع الزوول المتداخل وأحاول أنسج معاهو من مداخلته بعد جديد ومُفتَرع متجدد من البوست عشان يشعر بقيمة مداخلته وبأنى مقدِّر مساهمته .. فتتناسل الأفكار وتتلاقح الآراء وتتجدد مادة البوست .. لكن كما ترى فإن بعض المتداخلين لم يأتوا للنقاش أو تبادل الآراء ، بل تحركهم غبائن وضغائن مكتومة ضد صاحب البوست وذلك ما يجرفنا للحماقة والعنف اللفظى ..
| |
|
|
|
|
|
|
|
|
|
Re: الإنقاذ قوية و فتية و فولاذية .. (Re: Munir)
|
سلامات خالد حاكم ..
Quote: نحن عارفين الفساد موجود فى كل مفاصل الدولة لكن ما حنحاربه لانو لو حاربناهو .. النظام حيسقط ونحن ما عايزين النظام يسقط .
|
أهو زى كلام عبدالرحيم ده الحيجيب ضقلها يكركب .. وهذا ما يسند موضوع البوست .. وهو أنه عندما تقتنع القواعد أن الكبار لا تهمهم محاربة الفساد فإنه سيقضى على أهم محرك نفسى وأخلاقى ظل هو وقود الشباب الزمان الذين ذهبوا للحرب تطوعاً وضحوا بأرواحهم فى سبيل أفكارهم .. فحينما تتسرب مثل هذه الأقوال الفاسدة وتتراكم وتظهر نتائجها فإن التكبير والتهليل الكان زمان وقود الإنقاذ ، سيصبح علامة من علامات النفاق ..
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام المفرط للقوة (Re: Munir)
|
ظل هو وقود الشباب الزمان الذين ذهبوا للحرب تطوعاً وضحوا بأرواحهم فى سبيل أفكارهم
------
سلامات يا منير
إنت متحسر علي تضحية شباب الحركة الإسلامية الضحوا بأرواحهم عشان فكرة مهببة في رأس الترابي وحيرانه
ولا متحسر علي حال البلد المال والضاع والإتقطعته أوصاله وما معروف متيـن تنتهي معاناة أهله؟
الفصل بيـن الحسرتين مهم جدا
تحياتي
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
إرتفاع كبير في أسعار السلع الضرورية
ﺗﺸﻬﺪ ﺍﻟﻌﺎﺻﻤﺔ ﺍﻟﺴﻮﺩﺍﻧﻴﺔ ﺍﻟﺨﺮﻃﻮﻡ ﻫﺬﻩ ﺍﻷﻳﺎﻡ ﺍﺭﺗﻔﺎﻋﺎ ﻛﺒﻴﺮﺍ ﻓﻲ ﺃﺳﻌﺎﺭ ﺍﻟﺴﻠﻊ ﻭ ﺍﻟﺨﺪﻣﺎﺕ ﺍﻟﻀﺮﻭﺭﻳﺔ ﻣﻊ ﺍﻧﺨﻔﺎﺽ ﻛﺒﻴﺮ ﻓﻲ ﻗﻴﻤﺔ ﺍﻟﺠﻨﻴﻪ ﺍﻟﺴﻮﺩﺍﻧﻲ ﺃﻣﺎﻡ ﺍﻟﻌﻤﻼﺕ ﺍﻷﺟﻨﺒﻴﺔ، ﺧﺎﺻﺔ ﺍﻟﺪﻭﻻﺭ، ﺍﻟﺬﻱ ﺑﻠﻐﺖ ﻗﻴﻤﺘﻪ ﺃﻛﺜﺮ ﻣﻦ 15 ﺟﻨﻴﻬﺎ ﻓﻲ ﺍﻟﺴﻮﻕ ﻏﻴﺮ ﺍﻟﺮﺳﻤﻲ .
ﻭ ﺗﺠﺎﻭﺯ ﺳﻌﺮ ﻛﻴﻠﻮ ﻟﺤﻢ ﺍﻟﻀﺄﻥ 80 ﺟﻨﻴﻬﺎ، ﻭ ﺑﻠﻎ ﺳﻌﺮ ﻛﻴﻠﻮ ﻟﺤﻮﻡ ﺍﻷﺑﻘﺎﺭ 70 ﺟﻨﻴﻬﺎ، ﻭ ﺍﺭﺗﻔﻌﺖ ﺃﺳﻌﺎﺭ ﺍﻟﺨﻀﺮﺍﻭﺍﺕ ﻭ ﺍﺧﺘﻔﻰ ﺍﻟﻜﺜﻴﺮ ﻣﻨﻬﺎ . ﻭ ﻋﺰﺍ ﺗﺠﺎﺭ ﺫﻟﻚ ﻟﻔﻴﻀﺎﻥ ﻧﻬﺮ ﺍﻟﻨﻴﻞ ﻭ ﺍﻟﺴﻴﻮﻝ ﺍﻟﺘﻲ ﺟﺮﻓﺖ ﺍﻟﻤﺰﺍﺭﻉ ﻭ ﺍﻧﻘﻄﺎﻉ ﺑﻌﺾ ﺍﻟﻤﻨﺎﻃﻖ ﺑﺴﺒﺐ ﺇﻏﻼﻕ ﺍﻟﻄﺮﻕ.
ﻭ ﻳﻘﻮﻝ ﻣﺤﻤﻮﺩ ﺍﻟﺬﻱ ﻳﻌﻤﻞ ﻓﻲ ﺑﻘﺎﻟﺔ ( ﺍﻟﺴﺎﻗﻴﺔ ) ﻓﻲ ﻣﺪﻳﻨﺔ ﺍﻟﺼﺤﺎﻓﻴﻴﻦ ﻓﻲ ﺍﻟﻮﺍﺩﻱ ﺍﻷﺧﻀﺮ ﺇﻥ ﺍﻷﺳﻌﺎﺭ ﻓﻲ ﺣﺎﻟﺔ ﺯﻳﺎﺩﺓ ﻳﻮﻣﻴﺎ ﻭ ﺃﺣﻴﺎﻧﺎ ﺗﺰﻳﺪ ﺃﻛﺜﺮ ﻣﻦ ﻣﺮﺓ ﻓﻲ ﺍﻟﻴﻮﻡ ﻧﻔﺴﻪ . ﻭ ﻗﺎﻝ ﺇﻥ ﺳﻌﺮ ﻛﻴﻠﻮ ﺍﻟﺴﻜﺮ ﻭﺻﻞ 12 ﺟﻨﻴﻬﺎ، ﻭ ﺟﻮﺍﻝ ﺍﻟﺒﺼﻞ 600 ﺟﻨﻴﻪ، ﻭ ﺭﻃﻞ ﺍﻟﺸﺎﻱ 48 ﺟﻨﻴﻬﺎ، ﻭ ﻛﻴﻠﻮ ﺍﻟﻌﺪﺱ 24 ﺟﻨﻴﻬﺎ، ﻣﻀﻴﻔﺎ ﺃﻥ ﺍﺭﺗﻔﺎﻉ ﺍﻷﺳﻌﺎﺭ ﺷﻤﻞ ﻛﻞ ﺍﻟﺴﻠﻊ ﺍﻟﻀﺮﻭﺭﻳﺔ ﻛﺎﻟﺰﻳﻮﺕ ﻭ ﺍﻷﺭﺯ ﻭ ﺍﻟﺼﺎﺑﻮﻥ ﻭ ﺍﻟﺪﻗﻴﻖ ﻭ ﺣﺘﻰ ﺍﻟﻤﻠﺢ ﺍﻟﺬﻱ ﻛﺎﻥ ﻳﻀﺮﺏ ﺑﻪ ﺍﻟﻤﺜﻞ ﻓﻲ ﺍﻧﺨﻔﺎﺽ ﺃﺳﻌﺎﺭﻩ .
ﻭ ﺍﺭﺗﻔﻊ ﺳﻌﺮ ﺭﻃﻞ ﺍﻟﻠﺒﻦ ﻣﻦ ﺛﻼﺛﺔ ﺟﻨﻴﻬﺎﺕ ﻭ ﻧﺼﻒ ﺇﻟﻰ ﺧﻤﺴﺔ ﺟﻨﻴﻬﺎﺕ ﺭﻏﻢ ﻫﻄﻮﻝ ﺍﻷﻣﻄﺎﺭ ﻭ ﺗﻮﻓﺮ ﺍﻟﺤﺸﺎﺋﺶ ﻓﻲ ﻣﻨﺎﻃﻖ ﺍﻹﻧﺘﺎﺝ ﺑﺄﻃﺮﺍﻑ ﺍﻟﻤﺪﻥ ﺍﻟﺮﺋﻴﺴﻴﺔ، ﻭ ﺑﻌﺪ ﺍﺭﺗﻔﺎﻉ ﺳﻌﺮ ﺍﻟﺨﺒﺰ ﻭ ﻧﻘﺺ ﻭﺯﻧﻪ، ﻇﻬﺮ ﻧﻮﻉ ﺭﺩﻱﺀ ﻣﻦ ﺍﻟﺨﺒﺰ ﻭ ﺃﺭﺟﻊ ﺃﺻﺤﺎﺏ ﺍﻟﻤﺨﺎﺑﺰ ﺫﻟﻚ ﺇﻟﻰ ﺳﻮﺀ ﻧﻮﻉ ﺍﻟﺪﻗﻴﻖ .
ﻭ ﻣﻊ ﺍﻗﺘﺮﺍﺏ ﻋﻴﺪ ﺍﻷﺿﺤﻰ ﺍﻟﻤﺒﺎﺭﻙ ﺃﻋﻠﻦ ﺍﻟﺼﻨﺪﻭﻕ ﺍﻟﻘﻮﻣﻲ ﻟﻠﺘﺄﻣﻴﻦ ﺍﻻﺟﺘﻤﺎﻋﻲ ﻋﻦ ﻣﻨﺤﺔ ﻟﻠﻤﻌﺎﺷﻴﻴﻦ ﺗﺒﻠﻎ 250 ﺟﻨﻴﻬﺎ ﻳﺘﻢ ﺩﻓﻌﻬﺎ ﻓﻲ ﻣﻄﻠﻊ ﺷﻬﺮ ﺳﺒﺘﻤﺒﺮ / ﺍﻳﻠﻮﻝ ﺍﻟﻤﻘﺒﻞ ﻛﻤﻨﺤﺔ ﻟﻤﻨﺎﺳﺒﺔ ﺍﻟﻌﻴﺪ . ﻭ ﻭﺻﻒ ﻣﻌﺎﺷﻴﻮﻥ ﻫﺬﺍ ﺍﻟﻤﺒﻠﻎ (ﺑﺎﻟﺘﺎﻓﻪ)، ﻭ ﻗﺎﻝ ﻋﺒﺪ ﺍﻟﻌﺰﻳﺰ ﻃﻪ ﺇﻥ ﺍﻟﻤﺒﻠﻎ ﻻ ﻳﻜﻔﻲ ﻛﺮﺍﻉ ﺧﺮﻭﻑ!.
ﻭ ﻳﻘﻮﻝ ﺍﻟﺪﻛﺘﻮﺭ ﻋﺼﻤﺖ ﻣﺤﻤﻮﺩ ﺍﻟﻤﺤﺎﺿﺮ ﻓﻲ ﺟﺎﻣﻌﺔ ﺍﻟﺨﺮﻃﻮﻡ : « ﺍﻷﺳﻌﺎﺭ ﻓﻲ ﺍﻟﺴﻮﻕ ﺗﺸﻬﺪ ﺣﺎﻟﺔ ﻃﻴﺮﺍﻥ، ﻓﻘﺒﻞ ﺛﻼﺛﺔ ﺃﻳﺎﻡ ﺍﺷﺘﺮﻳﺖ ( ﺛﻮﻣﺎً ) ﻭ ﺩﻓﻌﺖ ﻣﺒﻠﻎ ( 60 ) ﺟﻨﻴﻬﺎ ﻟﻠﻜﻴﻠﻮ، ﺛﻢ ﻋﺪﺕ ﻟﺸﺮﺍﺀ ﺑﻌﺾ ﻣﻨﻪ ﻓﻮﺟﺪﺕ ﺍﻟﺴﻌﺮ ﻗﺪ ﻗﻔﺰ ﺃﻭ ﺑﺎﻷﺣﺮﻯ ﻃﺎﺭ ﺇﻟﻰ ( 120 ) ﺟﻨﻴﻬﺎ ﻟﻠﻜﻴﻠﻮ، ﻭﻳﻀﻴﻒ ﺃﻥ ﺗﺠﺎﺭ ﺍﻟﺠﻤﻠﺔ ﺍﻭﻗﻔﻮﺍ ﺣﺮﻛﺔ ﺍﻟﺒﻴﻊ ﺗﻮﻗﻌﺎً ﻟﺤﺎﻟﺔ ﻣﺎ ﺑﻌﺪ ﺍﻟﻄﻴﺮﺍﻥ .
ﻭ ﺗﻘﻮﻝ ﺍﻟﻤﻮﺍﻃﻨﺔ ﺳﻤﻴﺔ ﻋﺒﺪ ﺍﻟﻐﻨﻲ ﺇﻥ ﺍﻷﺳﻌﺎﺭ ﺃﺻﺒﺤﺖ ﻻ ﺗﻄﺎﻕ ﻭﻓﻲ ﺯﻳﺎﺩﺓ ﻣﺴﺘﻤﺮﺓ، ﻣﺸﻴﺮﺓ ﺇﻟﻰ ﻧﺪﺭﺓ ﻟﺤﻮﻡ ﺍﻟﻔﺮﺍﺥ ﻭ ﺍﺭﺗﻔﺎﻉ ﺃﺳﻌﺎﺭﻫﺎ ﺑﻌﺪ ﺍﻹﻗﺒﺎﻝ ﺍﻟﺸﺪﻳﺪ ﻋﻠﻴﻬﺎ ﻧﺴﺒﺔ ﻟﻌﺠﺰ ﺍﻟﻨﺎﺱ ﻋﻦ ﺷﺮﺍﺀ ﺍﻟﻠﺤﻮﻡ ﺍﻟﺤﻤﺮﺍﺀ . ﻭ ﺃﺿﺎﻓﺖ ﺑﺄﻥ ﺍﺭﺗﻔﺎﻉ ﺍﻷﺳﻌﺎﺭ ﺷﻤﻞ ﺣﺘﻰ ﺍﻷﺳﻮﺍﻕ ﺍﻟﺘﻲ ﺧﺼﺼﺘﻬﺎ ﺍﻟﺤﻜﻮﻣﺔ ﺗﺤﺖ ﺷﻌﺎﺭ ( ﺍﻟﺒﻴﻊ ﺍﻟﻤﺨﻔﺾ ) . ﻭ ﻗﺎﻟﺖ ﺇﻥ 100 ﺟﻨﻴﻪ ﻻ ﺗﻜﻔﻲ ﺃﺳﺮﺓ ﻣﺘﻮﺳﻄﺔ ﻓﻲ ﺍﻟﻴﻮﻡ ﺍﻟﻮﺍﺣﺪ .
ﻭﺯﻳﺮ ﺍﻟﻤﺎﻟﻴﺔ ﻓﻲ ﺍﻟﺴﻮﺩﺍﻥ ﺑﺪﺭ ﺍﻟﺪﻳﻦ ﻣﺤﻤﻮﺩ ﻟﻤﺢ ﺇﻟﻰ ﻋﺰﻡ ﺍﻟﺤﻜﻮﻣﺔ ﻟﺘﺤﺮﻳﺮ ﺳﻌﺮ ﺍﻟﺨﺒﺰ ﻣﺴﺘﻨﺪﺍ ﻋﻠﻰ ﺍﻟﺰﻳﺎﺩﺓ ﺍﻷﺧﻴﺮﺓ ﻓﻲ ﺳﻌﺮ ﻃﻦ ﺍﻟﻘﻤﺢ ﻣﻦ 900 ﺟﻨﻴﻪ ﺇﻟﻰ 1950 ﺟﻨﻴﻬﺎ، ﻭ ﺍﻟﺘﻲ ﺟﻌﻠﺘﻪ ﻣﺘﻮﻓﺮﺍ ﻓﻲ ﺍﻷﺳﻮﺍﻕ ﻋﻠﻰ ﺣﺪ ﻗﻮﻟﻪ . ﻭﻗﺎﻝ ﺍﻟﻮﺯﻳﺮ ﺇﻥ ﺯﻳﺎﺩﺓ ﺃﺳﻌﺎﺭ ﻏﺎﺯ ﺍﻟﻄﺒﺦ ﺟﻌﻠﺘﻪ ﻣﺘﻮﻓﺮﺍ ﻓﻲ ﺍﻷﺳﻮﺍﻕ .
ﻭ ﻓﻲ ﻧﻬﺎﻳﺔ ﺷﻬﺮ ﻛﺎﻧﻮﻥ ﺍﻟﺜﺎﻧﻲ / ﻳﻨﺎﻳﺮ ﺍﻟﻤﺎﺿﻲ ﺍﺭﺗﻔﻊ ﺳﻌﺮ ﺇﺳﻄﻮﺍﻧﺔ ﺍﻟﻐﺎﺯ ﺍﻟﺬﻱ ﻛﺎﻥ ﻳﺒﻠﻎ ( 25 ) ﺟﻨﻴﻬﺎ ﺑﻴﻦ ﻋﺸﻴﺔ ﻭﺿﺤﺎﻫﺎ ﺇﻟﻰ ( 75 ) ﺟﻨﻴﻬﺎ ﻓﻲ ﻭﺳﻂ ﺍﻟﻌﺎﺻﻤﺔ ﻭ ﻭﺻﻞ ﺇﻟﻰ ﺃﻛﺜﺮ ﻣﻦ 90 ﺟﻨﻴﻬﺎ ﻓﻲ ﺍﻷﻃﺮﺍﻑ ﻭ ﺍﻟﻮﻻﻳﺎﺕ ﺑﺴﺒﺐ ﺍﻟﻮﺳﻄﺎﺀ ﻭﺃﺟﺮﺓ ﺍﻟﺘﺮﺣﻴﻞ .
ﻭ ﺃﻋﻠﻨﺖ ﺍﻟﺤﻜﻮﻣﺔ ﺍﻟﺴﻮﺩﺍﻧﻴﺔ ﺭﺳﻤﻴﺎ ﻓﻲ ﻣﻄﻠﻊ ﻫﺬﺍ ﺍﻟﻌﺎﻡ ﺗﺤﺮﻳﺮ ﺍﻟﻔﻴﺮﻧﺲ ﻭ ﻭﻗﻮﺩ ﺍﻟﻄﺎﺋﺮﺍﺕ ﻭ ﻏﺎﺯ ﺍﻟﻄﻬﻲ، ﻭﺫﻟﻚ ﺭﻏﻢ ﺃﻥ ﺍﻟﺒﺮﻟﻤﺎﻥ ﺍﻟﺴﻮﺩﺍﻧﻲ ﺃﺟﺎﺯ ﻣﻮﺍﺯﻧﺔ ﻋﺎﻡ 2016م ﻓﻲ ﺍﻟﺴﺎﺩﺱ ﻋﺸﺮ ﻣﻦ ﻛﺎﻧﻮﻥ ﺍﻷﻭﻝ / ﺩﻳﺴﻤﺒﺮ 2016م ، ﻭﺧﻠﺖ ﻣﻦ ﺭﻓﻊ ﺍﻟﺪﻋﻢ ﻋﻦ ﺃﻱ ﺳﻠﻌﺔ .
ﻭ ﺑﺮّﺭ ﻭﺯﻳﺮ ﺍﻟﻤﺎﻟﻴﺔ ﻫﺬﺍ ﺍﻹﺟﺮﺍﺀ ﺑﺄﻧﻪ ﻳﻀﻤﻦ ﺗﻮﻓﺮ ﻫﺬﻩ ﺍﻟﺴﻠﻊ ﻓﻲ ﺍﻷﺳﻮﺍﻕ، ﻣﺆﻛﺪﺍ ﺃﻥ ﻫﺬﻩ ﺍﻟﺴﻠﻊ ﺗﺸﻬﺪﺍ ﻫﺒﻮﻃﺎ ﻛﺒﻴﺮﺍ ﻓﻲ ﺃﺳﻌﺎﺭﻫﺎ ﻋﻠﻰ ﻣﺴﺘﻮﻯ ﺍﻟﻌﺎﻟﻢ .
ﻭ ﻓﺮﺿﺖ ﺍﻟﺤﻜﻮﻣﺔ ﺯﻳﺎﺩﺓ ﺑﻠﻐﺖ 100 ٪ ﻋﻠﻰ ﺭﺳﻮﻡ ﻣﻴﺎﻩ ﺍﻟﺸﺮﺏ ﻓﻲ ﻭﻻﻳﺔ ﺍﻟﺨﺮﻃﻮﻡ، ﻓﻲ ﺷﻬﺮ ﺃﺫﺍﺭ / ﻣﺎﺭﺱ ﺍﻟﻤﺎﺿﻲ ﺑﻌﺪ ﺃﻥ ﺃﺟﺎﺯ ﺍﻟﻤﺠﻠﺲ ﺍﻟﺘﺸﺮﻳﻌﻲ ﻟﻮﻻﻳﺔ ﺍﻟﺨﺮﻃﻮﻡ ﻫﺬﻩ ﺍﻟﺰﻳﺎﺩﺓ ﻭﺳﻂ ﺳﺨﻂ ﻭ ﻏﻀﺐ ﻛﺒﻴﺮﻳﻦ .
ﻭ ﻳُﺮﺟﻊ ﺍﻟﺨﺒﻴﺮ ﺍﻻﻗﺘﺼﺎﺩﻱ ﺣﺴﻦ ﺳﺎﺗﻲ ﺍﻟﺰﻳﺎﺩﺍﺕ ﺍﻟﻜﺒﻴﺮﺓ ﻓﻲ ﺍﻷﺳﻌﺎﺭ ﻟﻠﻔﺸﻞ ﻓﻲ ﺇﺩﺍﺭﺓ ﺍﻻﻗﺘﺼﺎﺩ ﺍﻟﺴﻮﺩﺍﻧﻲ ﻷﻛﺜﺮ ﻣﻦ ﻋﻘﺪﻳﻦ ﻣﻦ ﺍﻟﺰﻣﺎﻥ، ﻭ ﻳﻘﻮﻝ ﺇﻥ ﻣﺎ ﻳﺤﺪﺙ ﻳﻌﻜﺲ ﺣﻘﻴﻘﺔ ﺍﻟﻌﺠﺰ ﺍﻟﻤﻮﺟﻮﺩ ﻓﻲ ﺍﻟﻤﻴﺰﺍﻧﻴﺔ . ﻭ ﻳﻀﻴﻒ ﻓﻲ ﺣﺪﻳﺜﻪ ﻟـ « ﺍﻟﻘﺪﺱ ﺍﻟﻌﺮﺑﻲ : » ﺍﻟﺒﻼﺩ ﺗﻤﺮ ﺑﺄﺯﻣﺔ ﻣﺎﻟﻴﺔ ﻭ ﺍﻗﺘﺼﺎﺩﻳﺔ ﺣﺎﺩﺓ، ﻭ ﺍﻟﻮﺿﻊ ﺑﺎﺋﺲ ﺟﺪﺍ ﻭ ﺍﻟﻤﻮﺍﻃﻦ ﻫﻮ ﺍﻟﻀﺤﻴﺔ ﺍﻟﺠﺎﻫﺰﺓ ﻷﻱ ﻋﺠﺰ ».
ﻭ ﺗﺤﺎﻭﻝ ﺍﻟﺤﻜﻮﻣﺔ ﺍﻟﺴﻮﺩﺍﻧﻴﺔ ﺍﻟﺴﻴﻄﺮﺓ ﻋﻠﻰ ﺗﺪﻫﻮﺭ ﺍﻗﺘﺼﺎﺩﻱ ﻣﺴﺘﻤﺮ ﺧﺎﺻﺔ ﺑﻌﺪ ﺃﻥ ﻓﻘﺪﺕ ﺛﻼﺛﺔ ﺃﺭﺑﺎﻉ ﺇﻧﺘﺎﺟﻬﺎ ﻣﻦ ﺍﻟﺒﺘﺮﻭﻝ المواد ﺑﻌﺪ ﺍﻧﻔﺼﺎﻝ ﺩﻭﻟﺔ ﺟﻨﻮﺏ ﺍﻟﺴﻮﺩﺍﻥ ـ ﺍﻟﺘﻲ ﺗﻮﺟﺪ ﻓﻴﻬﺎ ﻣﻌﻈﻢ ﺣﻘﻮﻝ ﺍﻟﻨﻔﻂ ـ ﻓﻲ ﻋﺎﻡ 2011 م، ﻭﻛﺎﻥ ﺍﻟﺮﺋﻴﺲ ﺍﻟﺒﺸﻴﺮ ﺃﻋﻠﻦ ﺃﻥّ ﻣﻴﺰﺍﻧﻴﺔ ﻫﺬﺍ ﺍﻟﻌﺎﻡ ﺗﺴﺘﻬﺪﻑ ﺗﺤﺴﻴﻦ ﺍﻟﻮﺿﻊ ﺍﻟﻤﻌﻴﺸﻲ ﻟﻠﺸﻌﺐ ﻟﻜﻦ ﺍﻷﻭﺿﺎﻉ ﺍﻟﻤﻌﻴﺸﻴﺔ ﺗﺪﻫﻮﺭﺕ.
صحيفة القدس العربي
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
عبدالعظيم عثمان ... أنا بوصف الشايفو .. فلا تتمحك لتفتح ليك موضوع جانبى لأجل تصنيف الكاتب .. قلنا الإنقاذ فى بدايتها كانت تعتمد على الحماس الدينى للشباب لدرجة التجييش للحرب تطوعاً.. والآن إنحسر هذا الحماس .. عندك غلاط فى النقطة دى؟؟ ..
-------
الحماس الديني " الهوس" نعم هو أحد جوانب الوجه القبيـح لإنقلاب 30 يونيو يا منير " مافي غلاط ولا شيء "
شباب الحركة الإسلامية كانوا في حالة هوس وغيبوبة صعبة خلاص .. سنوات قليلة والبنج فكة
ما هي دي المشكله ذاتا يا الحبيب ... حرب سياسية في السودان قاموا المهاويس ديل حولوها الي حرب دينية
وحور عيـن .. وسكران الجنه وشيخ الشهداء . وفي النهاية عملوا فيها براغماتيين وعاوزين أي حل يحلهم من الورطه
الدخلوا فيها وأدخلوا فيها البلد .. ودي قمة الإنتهازية والإستغلال للدين ولمشاعر الناس الدينية
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: عبدالعظيم عثمان)
|
طيب يانصرالدين ، أهو إنت عندك رأى سياسى فى الحماس وسميته هوس .. الهوس الإنت شايفو ده أنا قلت هو الوقود الرئيسى للإنقاذ قعدت بيهو السنين دى كلها.. والآن خبا هذا الحماس ــ أو الهوس حسب تعبيرك ــ بسبب فتنة الفساد ، والذى قلنا سيجعل المتحمسين ينفضوا عنها ويضعفها .. دى خلاصة الكلام القاعد أنبح بيهو منذ أول مداخلة .. بعدين بما إنو زر الإقتباس ماشغال ممكن تعملوا الإقتباس يدوياً تكتب (quote) أكتب الإقتبااس هنا وغير الأقواس لمربعة [زى دى] (/quote)
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: عبدالحفيظ ابوسن)
|
سلام وبعد
الاخ منير
مبتدر النقاش او فاتح بوست خاصة في ساسة يسوس
بيتعرض للكتير من الضغط تقريبا من كل الاتجاهات ولسبب بسيط لانو هو مبتدر النقاش قدر ما تقدر وتملك من قوة تحمل وامتصاص حاول ما تنفعل كتير من ردودك يظهر فيها الضجر روق وواصل الفكرة اعتقد تفاعل الناس في البوست سالبا/موجبا ممكن جدا يكون محفز ودافع لمواصلة الفكرة الرئيسة
راجع مداخلات الرجل المحترم جدا علي عبدالوهاب
لك العتبي
ودوورد
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: عبدالحفيظ ابوسن)
|
منير:
Quote:
تخيل يافرانكلى أخوك ماكان عارف إنو حاكِّى الناس كده .. حك شديد ..
والله كنت قايل نفسى زوول ساى، أو سودانى جرئ أوأو .. وأتكلم على كيفى وأشوت يمين شمال حكومة على معارضة .. لكين شايف إنو الحرية فى دنيا السياسة مكلفة .. المناتلين زعلانين والحكوميين زعلانين .. هسه شايفك زعلت بإشتماتة (بالشين).. وعزالدين زعلان .. وصاحبنا محمدسليمان جاء تقيأ كراهيته كلها ويفضح نفسيته المتقيحة ..
وناس ودالزبير محبطين وماعارف المدعو منو كده جاء يفش غبينتو ..
المهم الواحد عرف ليه الناس فى المنبر ده عاجزة عن إبداء آرائها بشجاعة، وليه الناس شردت ونفدت بجلدها
|
كاااااااااااااااااك !!!
يا جماعة مصيبة شنو الوقعنا فيها دي؟؟!!
الواحد يفتح التلفزيون ... يلاقي جوطة في دراب عنصري أدلي به دونالد ترامب ..
و لما يزنقوهو (دونالد ترامب) .. يردد: I tell it as it is ..... I am not a politician .. many people don't like the truth as I say it .... because I speak my mind ..... it takes courage to say what I say ..... bla bla bla bla
الواحد يفتح سودانيسأونلاين ... يلقي منير يردد نفس كلام دونالد ترامب ... بس بالعربي ( لذلك لا داعي لترجمة دراب دونالد ترامب اللذي أوردته هنا ... نفس كلام منير لكن بالإنجليزي )
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
منير سلام
الأصل في كل الأنظمة الشمولية هو الفساد ولا فكاك من الفساد
خصوصاً حين تفرض نفسك بالقوة، وتفرض رؤيتك
على أساس مقولة فرعون ، وما اريكم الا ما اري وما أهديكم الا سبيل الرشاد
ولذلك يبدأ الفساد منذ اللحظة الأولى وذلك بتولية الأمر لغير اهله
وهو ما فعلته الإنقاذ من لحظتها الأولى (كشوف الفصل للصالح العام) وكشوف احلال أهل
الولاء.
وبعد ذلك الفساد في الاستمرار بإستعمال كل الوسائل عنصرية وقبلية وقمعية وغيرها.
الآن بعد اشتداد الحصار الاقتصادي والتراجع المريع في الانتاج والموارد، اضافة للفساد المنظم
نجد أن النظام، كما قلت يا منير، وصل لقمة فشله وبدأ في التدحرج نحو الهاوية.
بالطبع الحرب كان لها دور كبير في ضعضعة النظام والذي كان مدخله منذ البداية خاطئاً لهذه الحرب، حيث كان يعتقد
أن أمر الحرب هين كل ما عليه هو أن يوفر السلاح والرجال وسيقضي على التمرد قضاءاً مبرماً
ونسي النظام أن الحرب هي تجلي لمشاكل حقيقية موجودة في أرض الواقع. وهاهو النظام يقع في فخ الصرف
الأمني البذخي، ويستأجر المليشيات حتى يستطيع منع الإنهيار بتشديد القبضة الأمنية، ولكنها مكلفة جداً، والحل العسكري لم يقدم أي جديد
لحل المشكلة، لأن المشكلة سياسية في المقام الأول، وحتى لو حققت انتصارات على أرض المعركة ستكون المفاوضات هي الحل.
الحل هو في اختراق قوي يصاحب المفاوضات والحوار يثمر عن تنازل حقيقي من النظام للحفاظ على ما تبقى من وطن، أو سيكون الإنهيار بخطى
متسارعة تأتي على الوطن
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: عبدالحفيظ ابوسن)
|
تحياتى عبدالحفيظ ..
يااخى الزمن ده زاتو بقى ضاغط شديد .. التدين الحقيقى أصبح صعب ، فما بالك بالهتاف الـ من الحنك للسان؟؟ .. ولذلك التباين الطبقى وطبقات النفوذ هى تطوُّر طبيعى .. زمن الكيزان كانوا فى طور معارضة الأنظمة لم تكن هناك طبقات بينهم .. ولا حتى فى السنين الأولى .. ولكن إفرازات السلطة أحدثت التغيير .. وتبعاً لقوانين ميرفى فالأشياء غالباً تسير للأسوأ بدل الأحسن ..
طبعاً البشوف فصاحتى دى يقول أنى متابع :) .. تصدق أخوك غير التلاقيط بتاعة المنبر ده، وشوية فيسبوك ما متابع أى شئ .. إيلا خبره شنو كمان ؟؟ ..
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Mohamed Suleiman)
|
( أهو زى كلام عبدالرحيم ده الحيجيب ضقلها يكركب .. وهذا ما يسند موضوع البوست .. وهو أنه عندما تقتنع القواعد أن الكبار لا تهمهم محاربة الفساد فإنه سيقضى على أهم محرك نفسى وأخلاقى ظل هو وقود الشباب الزمان الذين ذهبوا للحرب تطوعاً وضحوا بأرواحهم فى سبيل أفكارهم .. فحينما تتسرب مثل هذه الأقوال الفاسدة وتتراكم وتظهر نتائجها فإن التكبير والتهليل الكان زمان وقود الإنقاذ ، سيصبح علامة من علامات النفاق .. )
سلام منير
اذا كنت تقصد بالقواعد قواعد الانقاذ والجبهة الاسلامية القومية , القواعد دى هى المحافظة والصاينة على استمرار هذا الحكم مقابل الفساد الذى يمارسونه وكلهم امنجية وكلام عبدالرحيم محمد حسين من اجل هؤلاء , يعنى باختصار الدولة محكومة بقبضة امنية محكمة و90 % من ميزانية الدولة بتصرف على هذا الامن واى محاربة للفساد فى جهاز الامن وفى رجال جهاز الامن معناه انهيار وسقوط للنظام وهذا ما يعنيه عبدالرحيم محمد حسين بالضبط !
وبعدين اى شاب ذهب الى الحرب تطوعا وبقى على قيد الحياة تم مكافاءته بوظيفة اقلاها معتمد والمجاهد انس عمر والى شرق دارفور الحالى نموذج حى لهذا الشاب الذى ذهب الى الحرب تطوعا وطلاب الجامعة الاهلية فى تسعينات القرن الماضى يعرفون من هو انس عمر !
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Mohamed Suleiman)
|
عزيزى القارئ .. كما دعوتك فى إحدى المداخلات السابقة لمتابعة مداخلات الصنديد محمدسليمان وقلت ليكم بس استبدلوا إسم منير ــ أو ضمير المخاطب المستتر وتقديره منير ، بـ إسم محمدسليمان وشوفوا النتيجة .. ـــ أها شوفوا الإقتباس ده Quote: خلاس أفلست؟
دعك من الإنصرافيات و محاولات تشتيت موضوع بوستك
أركز
|
وشوفوا الأفلسس لامن بقى يكاكى منو .. ههههه .. وهسه دونالد ترمب دخله شنو فى موضوعنا ده لوما الإنصرافية الفايتة الحد .. ههههه
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
عزيزى حامدعبدالله ..
أنا فتحت البوست تحصيل حاصل بصورة عفوية نتيجة زهجة منى ساى .. وبرضو لأنو أمبارح بالمساء كان جانى الـpc/tablet بتاعى من الصيانة .. أصلو كنت قبل شهرين غيرت خدمة النت بعدما الشركة الأولى فجأة زادت لى السعر بدل كنت بدفع ٥٥يورو فى الشهر بِقت ٦٠ .. قمت حولت للشركة التانية وديل كان عندهم عرض إضافى وهو هذا الـ pc/tablet بسعر ٤٩يورو فقط، وسعر أشباهه من ٣٠٠ لـ٤٠٠ .. وسعر النت ٦٠ يورو بينما السرعة ١٠٠ميقابت .. ضعف سرعة الشركة الأولى .. قلت ياود مكسب كبير .. أها جيت بديت استعمل فى الـpc/tablet قمت لقيت شغله ماتمام .. أول شئ الواي فاى بتاعة ما بيلقط إلاّ تعمل restart من الـ sleep mode .. وقام شوية شووية كهربته قطعت مرة واحدة ... إتصلت بالشركة جو شالوه للتصليح وقعد معاهم اسبوعين ... جابوه أمبارح زيما قلت .. فبالمساء فتحت البوست .. أها شغال فى الردود حق الله بق الله ، وقلت أكتب ردى لبت عمسيب قام فجأة تانى كهربته قطعت القطعة الياها .. لهسى كاضم .. قمت الصباح رسلت للشركة رسالة شديدة اللهجة بسبب هذا pc/tablet المدغمس ... الرخيص برخصته يضوّقك مغسته .. أها يمكن ده السبب المخلينى متنرفز .. الغايظنى إنو العرض المرتبط بهذا الكمبيوتر/تاب أنو الإشتراك فى الخدمة يكون سنتين ..
إذن هذه الشركة الغشاشة ــ رغم أنها الشركة الرئيسية فى البلد ـــ تكون إشترت هذه الكمبيوترات رخيصة جداً وما مستوفية مواصفات التصنيع ، ومن ثم قامت إستفادت من هذه الـ pc/tablet الكرور وطلّعت دعاية بالعرض المغرى بتاعها ده ـــ pc/tablet بـ٤٩يورو فقط ـــ ولكن الـشرك بتاعهم هو إنك تمضى عقد لمدة سنتين على الأقل .. ومن حرفنتهم إنك ما تشوف شرط السنتين ديل إلاّ بعدما تملأ الفورم أون لاين وتبقى على دوسة send ..
شفت الإحتيال ده كيف ؟؟.. الخدعة التانية هى إنو عند وقت تركيب النت تكلمت مع الفنى عن السرعة فإكتشفت إنو الـ ١٠٠ ميقا دى برضو خدعة، فإنماا الـ١٠٠ميقا دى ــ على أحسن الفروض ــ
وفى الآخر كمان جاتنى منهم رسالة قال شنو أنى خمشت الكوتة بتاعتى طبعاً فى البيت هنا الجماعة شغالين streaming شديد .. شى يوتيوب... شئ فيسبوك .. شئ إكس بوكس لعب أون لايد .. يكونوا لحسوا الكوتا لحس .. وعشان كده نقصوا لى االسرعة والزيادة بـ ٥ يورو إضافية ـــ يعنى نبقى فى ٦٥ يورو فى الشهر للنت ـــ.. .. شفتوا ياجماعة سبل الإحتيال القانونى ده!!! .. غايتو فى البلاد دى لو ماعملت حسابك تتلحس فواتير ساى ...
معليش حامد صبِّيتك بموضوع جانبى .. لكين برضو قلنا نطلع من الجو شوية ..
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: عزالدين عباس الفحل)
|
سلام إخ منير
الإنقاذ تقتل مجدي وجرجس وتحمي صابر وقطبي المهدي ومع هذا يؤيدها بعض من ماتت ضمائرهم وإفتقروا للحس الإنساني !
في مطلع عهد الأنقاذ الأغبر تم إعدام مجدي وجرجس بدعوي إنه ضبطت بحوزتهم عملة صعبة والان تجد أن رموز الإنقاذ يحوزون أضعاف تلك الأموال
قتل بلا محاكمة عادلة وهدر لدم الشباب الغض وأزهاق لأرواحهم البرئية وسط حماس وصخب تأييد الدوغما المسا ندة للإنقاذ
Quote:
تسللت مجموعة من اللصوص إلى شقة يستخدمها القيادي البارز بحزب البشير ومحافظ بنك السودان السابق ورئيس القطاع الإقتصادي بالحزب صابر محمد الحسن، كمقر لادارة اعماله، وتمكنت من سرقة (28) ألف يورو و(32) ألف دولار، بجانب بعض المبالغ بالعملة المحلية والعملات الاجنبية |
...........Quote:
وذكر قطبي تفاصيل المبالغ المسروقة وهي (91) ألف جنيه سوداني، و(13,140) يورو، و(11,360) فرنكاً سويسرياً، و(645) ألف ليرة لبنانية، و(420) ألف ليرة سورية، و(20) ألف جنيه مصري، و(9) آلاف ريال سعودي، و(5) آلاف جنيه إسترليني، و(26) ألف دولار، وتعادل العملات المسروقة قرابة (300) ألف جنيه سوداني. |
هولاء هم من يتحدثون عن ضرورة أن يتم التعامل في العملة عبر قنوات القطاع المصرفي و والإلتزام بالسعر الرسمي للعملات ومحاربة السوق السوداء وإرساء القدوة في ذلك ! هم" نفسهم" من تحولت بيوتهم لغرف بنكية تكتظ بالنقد الأجنبي ! أين المطبليين لإعدام جرجس ومجدي؟ من يتحمل وزر دم مجدي وجرجس المسفوك ظلما؟
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: كمال عباس)
|
مقدمة إبن خلدون تنذر بسقوط الإنقاذ !
يقول إبن خلدون عن سقوط الدولة( الدولة تعني نظام الحكم والسلطة)
في انقسام الدولة الواحدة بدولتين
اعلم أن أول ما يقع من آثار الهرم في الدولة انقسامها. وذلك أن الملك عندما يستفحل ويبلغ من أحوال الترف والنعيم إلى غايتها، ويستبد صاحب الدولة بالمجد وينفرد به، يأنف حينئذ عن المشاركة، ويصير إلى قطع أسبابها ما استطاع، بإهلاك من استراب به من ذوي قرابته المرشحين لمنصبه. فربما ارتاب المساهمون له في ذلك بأنفسهم، ونزعوا إلى القاصية واجتمع إليهم من يلحق بهم، مثل حالهم من الاغترار والاسترابة. ويكون نطاق الدولة قد أخذ في التضايق ورجع عن القاصية، فيستبد ذلك النازع من القرابة فيها. ولا يزال أمر يعظم بتراجع نطاق الدولة، حتى يقاسم الدولة أو يكاد.
2 شيخوخة وهرم نظام الحكم
في أن الهرم إذا نزل بالدولة لا يرتفع
قد قدمنا ذكر العوارض المؤذنة بالهرم وأسبابه واحداً بعد واحد، وبينا أنها تحدث للدولة بالطبع، وأنها كلها أمور طبيعية لها. وإذا كان الهرم طبيعياً في الدولة كان حدوثه بمثابة حدوث الأمور الطبيعية، كما يحدث الهرم في المزاج الحيواني. والهرم من الأمراض المزمنة التي لا يمكن دواؤها ولا ارتفاعها، لما أنه طبيعي، والأمور الطبيعية لا تتبدل. وقد يتنبه كثير من أهل الدول ممن له يقظة في السياسة، فيرى ما نزل بدولتهم من عوارض الهرم، ويظن أنه ممكن الارتفاع، فيأخذ نفسه بتلافي الدولة وإصلاح مزاجها عن ذلك الهرم، ويحسبه أنه لحقها بتقصير من قبله من أهل الدولة وغفلتهم، وليس كذلك، فإنها أمور طبيعية للدولة، والعوائد هي المانعة له من تلافيها. والعوائد منزلة طبيعية أخرى، فإن من أدرك مثلاً أباه وأكثر أهل بيته يلبسون الحرير والديباج ويتحلون بالذهب في السلاح والمراكب، ويحتجبون عن الناس في المجالس والصلوات، فلا يمكنه مخالفة سلفه في ذلك إلى الخشونة في اللباس والزي والاختلاط بالناس، إذ العوائذ حينئذ تمنعه وتقبح عليه مرتكبه. ولو فعله لرمي بالجنون والوسواس في الخروج عن العوائد دفعة، وخشي عليه عائدة ذلك وعاقبته في سلطانه.
وانظر شأن الأنبياء في إنكار العوائد ومخالفتها، لولا التأييد الإلهي والنصر السماوي. وربما تكون العصبية قد ذهبت فتكون الأبهة تعوض عن موقعها من النفوس. فإذا أزيلت تلك الأبهة مع ضعف العصبية تجاسرت الرعايا على الدولة بذهاب أوهام الأبهة فتتدرع الدولة بتلك الأبهة ما أمكنها حتى ينقضي الأمر.
3
الظلم مؤذن بخراب العمران
اعلم أن العمران على الناس في أموالهم ذاهب بآمالهم في تحصيلها واكتسابها، لما يرونه حينئذ من أن غايتها ومصيرها انتهابها من أيديهم وإذا ذهبت آمالهم في اكتسابها وتحصيلها انقبضت أيديهم عن السعي في ذلك. وعلى قدر الاعتداء ونسبته يكون انقباض الرعايا عن السعي في الاكتساب، فإذا كان الاعتداء كثيراً عاماً في جميع أبواب المعاش كان القعود عن الكسب كذلك لذهابه بالأمال جملة بدخوله من جميع أبوابها. وإن كان الاعتداء يسيراً كان الانقباض عن الكسب على نسبته. والعمران ووفوره ونفاق أسواقه إنما هو بالأعمال وسعي الناس في المصالح والمكاسب ذاهبين وجائين. فإذا قعد الناس عن المعاش وانقبضت أيديهم عن المكاسب كسدت أسواق العمران، وانتقضت الأحوال وابذعر الناس في الأفاق من غير تلك الإيالة في طلب الرزق فيما خرج عن نطاقها، فخف ساكن القطر، وخلت دياره، وخربت أمصارة، واختل باختلاله حال الدولة والسلطان، لما أنها صورة للعمران تفسد بفساد مادتها ضرورة.
4 الفساد
فإذا استفحلت طبيعة الملك، وحصل لصاحب الدولة الاستبداد على قومه، قبض أيديهم عن الجبايات، إلا ما يطير لهم بين الناس في سهمانهم، وتقل حظوظهم إذ ذاك لقلة غنائهم في الدولة، بما انكبح من أعنتهم، وصار الموالي والصنائع مساهمين لهم في القيام بالدولة وتمهيد الأمر، فينفرد صاحب الدولة حينئذ بالجباية أو معظمها، ويحتوي على الأموال ويحتجنها للنفقات في مهمات الأحوال، فتكثر ثروته وتمتلىء خزائنه ويتسع نطاق جاهه ويعتز على سائر قومه، فيعظم حال حاشيته وذويه، من وزير وكاتب وحاجب ومولى وشرطي ويتسع جاههم، ويقتنون الأموال ويتأثلونها.م إذا أخذت الدولة في الهرم بتلاشي العصبية وفناء القبيل الماهدين للدولة احتاج صاحب الأمر حينئذ إلى الأعوان والأنصار، ولكثرة الخوارج والمنازعين والثوار، وتوهم الانتقاض، فصار خراجه لظهرائه وأعوانه، وهم أرباب السيوف وأهل العصبيات، وأنفق خزائنه وحاصله في مهمات الدولة، وقلت مع ذلك الجباية لما قدمناه من كثرة العطاء والإنفاق، فيقل الخراج وتشتد حاجة الدولة إلى المال، فيتقلص ظل النعمة والترف عن الخواص والحجاب والكتاب بتقلص الجاه عنهم، وضيق نطاقه على صاحب الدولة. ثم تشتد حاجة صاحب الدولة إلى المال وتنفق أبناء البطانة والحاشية ما تأثله آباؤهم من الأموال في غير سبيلها من إعانة صاحب الدولة، ويقبلون على غير ما كان عليه آباؤهم وسلفهم من المناصحة. ويرى صاحب الدولة أنه أحق بتلك الأموال التي اكتسبت في دولة سلفه وبجاههم، فيصطلمها وينتزعها منهم لنفسه شيئاً فشيئاً وواحداً بعد واحد، على نسبة رتبهم وتنكر الدولة لهم، ويعود وبال ذلك على الدولة بفناء حاشيتها ورجالاتها وأهل الثروة والنعمة من بطانتها، ويتقوض بذلك كثير من مباني المجد بعد أن يدعمه أهله ويرفعوه.
،،،،،،،،،،
من أجل هذه المفاسد حظر الشرع ذلك كله وشرع المكايسة في البيع والشراء، وحظر أكل أموال الناس بالباطل سداً لأبواب المفاسد المفضية إلى انتقاض العمران بالهرج أو بطلان المعاش.
واعلم أن الداعي لذلك كله إنما هو حاجة الدولة والسلطان إلى الإكثار من المال بما يعرض لهم من الترف في الأحوال، فتكثر نفقاتهم ويعظم الخرج ولا يفي به الدخل على القوانين المعتادة، فيستحدثون ألقاباً ووجوهاً يوسعون بها الجباية ليفي لهم الدخل بالخرج. ثم لا يزال الترف يزيد، والخرج بسببه يكثر، والحاجة إلى أموال الناس تشتد، ونطاق الدولة بذلك يزيد، إلى أن تنمحي دائرتها ويذهب رسمها ويغلبها طالبها. والله أعلم.
،،،،،،،،،،
أن التجارة من السلطان مضرة بالرعايا و مفسدة للجباية
اعلم أن الدولة إذا ضاقت جبايتها بما قدمناه من الترف و كثرة العوائد و النفقات و قصر الحاصل من جبايتها على الوفاء بحاجاتها و نفقاتها و احتاجت إلى مزيد المال و الجباية ...
فتارة توضع المكوس على بياعات الرعايا و أسواقهم ...
كما قدمنا ذلك في الفصل قبله
و تارة بالزيادة في ألقاب المكوس إن كان قد استحدث من قبل...
و تارة بمقاسمة العمال و الجباة و امتكاك عظامهم لما يرون أنهم قد حصلوا على شيء طائل من أموال الجباية لا يظهره الحسبان...
و تارة باستحداث التجارة و الفلاحة للسلطان على تسمية الجباية لما يرون التجار و الفلاحين يحصلون على الفوائد و الغلات مع يسارة أموالهم و أن الأرباح تكون على نسبة رؤوس الأموال... فيأخذون في اكتساب الحيوان و النبات لاستغلاله في شراء البضائع والتعرض بها لحوالة الأسواق و يحسبون ذلك من إدرار الجباية و تكثير الفوائد و هو غلط عظيم و إدخال الضرر على الرعايا من وجوه متعددة ....
فأولاً مضايقة الفلاحين و التجار في شراء الحيوان و البضائع و تيسير أسباب ذلك ...فإن الرعايا متكافئون في اليسار متقاربون و مزاحمة بعضهم بعضاً تنتهي إلى غاية موجودهم أو تقرب...
و إذا رافقهم السلطان في ذلك و ماله أعظم كثيراً منهم فلا يكاد أحد منهم يحصل على غرضه في شيء من حاجاته و يدخل على النفوس من ذلك غم و نكد ...
ثم إن السلطان قد ينتزع الكثير من ذلك إذا تعرض له غضاً أو بأيسر ثمن أو لا يجد من يناقشه في شرائه فيبخس ثمنه على بائعه...
ثم إذا حصل فوائد الفلاحة و مغلها كله من زرع أو حرير أو عسل أو سكر أو غير ذلك من أنواع الغلات و حصلت بضائع التجارة من سائر الأنواع فلا ينتظرون به حوالة الأسواق و لا نفاق البياعات لما يدعوهم إليه تكاليف الدولة فيكلفون أهل تلك الأصنافى من تاجر أو فلاح بشراء تلك البضائع و لا يرضون في أثمانها إلا القيم و أزيد فيستوعبون في ذلك ناض أموالهم و تبقى تلك البضائع بأيديهم عروضاً جامدة و يمكثون عطلاً من الإدارة التي فيها كسبهم و معاشهم و ربما تدعوهم الضرورة إلى شيء من المال فيبيعون تلك السلع على كساد من الأسواق بأبخس ثمن.
............
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: كمال عباس)
|
كدى قبلما أمشى لقدام خلونى أعتذر للصنديد محمدسليمان عن الرشة الرشيتها ليهو فى عبارة ــ كـــااااااك ــ دى !!.. حقيقى حنيت عليهو .. لأنى حسيت إنو جيته من حيث لم يحتسب ..
لكينى والله بالجد استغربت منو هذه الـ كـــااااااك ، لأنى متعود على جديته وحقده الأعمى خاصة بعد مداخلاته النارية الشفتوها دى التى ممكن تدخله الأولمبياد عديل كده .!!... بالرغم من ذلك عندى إحساس إنو زوول فيهو بذرة الخير وما عنده المكر والخبث التى نشهدها من البعض، اللهم إلاّ فى عدائه غيرالمبرر لأهلى الشماليين بمن فيهم من العابديين القانتين والأولياء الصالحين ..
فأنا ماعارف كيف ممكن زوول يكره الناس بالجملة كده ؟؟... حاجة محيرة والله ..
طبعاً تكونوا لاحظتوا كمية الحنق والغِل التى يحملها فى صدره تجاهى ــ والذى طرشه فى مداخلاته هنا ــ ومشكلته أنو ما حاسى بأنه بيكشف فى نفسياته التعبانة شديد ..ــ وأنا بالجد زمان كنت حانق عليه برضو لكين مع طول المدة وما علمتنى إياه الحياة حاسى أنى بقيت كووول وما بنفعل من كلامه كتير ـــ وأهو أصلو العمر مافضل منه كتير، وقدامنا يوم قيامة وكلنا أمة محمد ونشوف قدام الله والرسول حيتصرّف كيف ..!!!
بعدين أنا الزبون ده شابكنى ليك عنصرى ونازى وجهوى ووو .. وأنا عاذره لأنو ما تربى ونشأ فى البيئة الشعبية العاصمية الأنا نشأت فيها ــ ويكون فى ملاحظتكم ياجماعة إنو من أسباب الغبن وقيادات التمرد هى النشأة بعيداً عن بؤرة إنصهار الشعوب السودانية ..وهذه البؤرة هى منطقة الوسط ومركزها الخرطوم .. فممثلاً زى محمدسليمان ده يكون ماشاف العاصمة دى إلاّ على كِبر حين المرحلة الجامعية ــ ولذلك فإإنه يفتقد لمكوّن نفسى أساسى للتعايش مع شعوب السودان الأخرى.. وهو ماجعله إنسان منكفئ على نفسه وجهته وقبيلته .. وذلك عكس العبدلله ، فأنا فتحت عيونى منذ الطفولة فى بيئة الشعبية التى هى شعبية بحق .. بيئة عمالية آباؤنا زملاء شغالين عمال فى الوابورات والمخازن والمهمات والنقل الميكانيكى وووو .. وفى شارعنا نحن بالذات كانت كل جهات السودان جيراننا ــ بالشمال تعايشة وباليمين نوبة ويمينهم نوبة ويمينهم ويمينهم زاندى ويمينهم تانى نوبة .. ومنذ الطفولة وإلى الآن لم يحدث بالغلط ساى إتشاكلنا .. بل إن جارنا بالحيطة النوباوى صديق الطفولة من شدة الخوة مشيت السودان لقيته مسمى ولده منير .. ده غير أخ عزيز برضو دنقلاوى سمى ولده منير ــ وذلك ليس لشئ سوى معزة الأخوة الصادقة .. الأول سماه منير تذكاراً لأيام الطفولة الزاهية وونسات المسطبة والطمبور ووأفلام سينما الصافية ولعب الدافورى أيام الصبا الباكر.. والثانى سماهو منير تذكاراً لأيام القعاد فوق البروش وليليات المديح والموالد فى أيام الشباب الباكر .. تلك هى خلطة الحياة والعيش المنفتح على الآخرين بدون إعتبار لعرق وجهة ..وذلك مكوّن نفسى عظيم لشخصية إنسان الوسط واللتىى طبعاًً أكسبنيها القدر الذى أوجدنى فى الزمان والمكان الصاح . وأأنا شايف إنو محمدسليمان وكل من على شاكلتته يفتقدون لهذا المكوّّن النفسى المهم للتعايش السلمى فى السودان .. ولذلك أنا فى الأرشيف ده كتبت كتيرعن أشواقى بأن يتم إننصهار الشعب من مركزه فى الوسط زى سواطة العصيدة .. تسوط وتدور وتسوط لغاية ما دائرة االسواطة تتسع وتتسع لتسع كل السودان وتتماسك على كده .. ودى مامحتاجة لشئ غير إنو الجميع حينما يصلوا الوسط ده تخت بقجاتها جنب الباب وتخلع نعالها وتتدخل بالكراع اليمين، وتقول بسم الله حيّا على التعايش ..
عموماً نرجع لموضوعنا، أظن بعد البلنتى العملو الزبون ده والشنكل الختيناه ليهو تانى لو شتتنا ليهو العيش كلمة كـــااااااك دى تانى مابيكتبها ..
كـــااااااك بتاعة الساعة كم ياخ ؟؟ :)
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Haytham Ghaly)
|
هيثم الغالى مرحب ..
عارفها مستخدمة كتير لمن الموود يكون رايق والمقام مقام دعابة بين الأصدقاء والزوول زاتو يكون زوول friendly وحبوب.. لكين مع الزبون ده ماعادية .. لأنو زوول خطه واحد، عدائى .. لدرجة بوستات العزاء ما بيجى يقول المرحوم الله يرحمه أو للعيان الله يشفيهو (شفته يوم دخل عزى ليهو فى ميت؟؟).. منعزل تماماً فى حيز الكراهية بتاعه .. لذلك لمن يقعد يكاكى لينا هنا بتكون مستغربة منه ..
| Quote: تستخدم في حالة الإحساس بعدم جدية الموضوع المطروح |
هسه الموضوع ده ماجادى يعنى؟؟ عشان يجى يكاكى لينا هنا؟؟
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: عزالدين عباس الفحل)
|
الصديق عزالدين مرحباً برفد البوست بهذه الفيديوهات ..
لا أختلف معك فى الجهود الكبيرة والإنجازات الإنقاذية والتى أنا أرى أعظمها ثورة الإتصالات .. فى التسعينات شهدنا كيف أن سوداتل حفّرت الدنيا لإنشاء شبكة حديثة للإتصالات، وكيف أنه فى فترة وجيزة السودان كله إتملأ تلفونات أرضية .. وثم فى فترة أوجز إتركنت التلفونات الأرضية وحلت محلها الموبايلات ، ومن ثَمّ خشينا مرحلة الإسمارت فون .. ده غير الإنجازات الأخرى وخاصة العسكرية ..
لكين فكرتى فى البوست ده إنو الفساد العلنى المتراكم هو الآفة التى تضعف الحكومة ..
فالناس والقواعد تراقب .. لاحظ المقارنة بين أعدام مجدى بسبب حفنة دولارات بآلاف الدولارات المخزنة فى خزائن القيادات فى البيوت الذى يكشفها رب العالمين ــ زى العملات المهولة عند قطبى المهدى زمان ، والآلاف بتاعة وزير المالية السابق ده .. ده contrast صارخ ياخى .. لو كانوا أعدموا هؤلاء الوزراء زيما أعدموا مجدى كنت أضمن ليك الإنقاذ دى خمسين سنة لقدام .. لكين بالحالة بتاعة إذا سرق القوى تركوه وإذا سرق الضعيف أقاموا عليه الحد ؟ دى الرسول (ص) ذكرها بالنص إنها سبب الهلاك .. .. ده عضم الموضوع بتاعى ..
قول الشعب فى حالة خدران لسه بسبب إنو شايف الخيارات المتاحة ربما تدخله فى متاهة .. زى متاهات دول الربيع الإنطلق.. لكين القواعد لن تستكين طويلاً ..
المشكلة ليست فى الإنجازات، المشكلة فى قضية إذا سرق القوى تركوه وإذا سرق الضعيف أقاموا عليه الحد .. !!!
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
Quote: الصديق عزالدين مرحباً برفد البوست بهذه الفيديوهات ..
لا أختلف معك فى الجهود الكبيرة والإنجازات الإنقاذية والتى أنا أرى أعظمها ثورة الإتصالات .. فى التسعينات شهدنا كيف أن سوداتل حفّرت الدنيا لإنشاء شبكة حديثة للإتصالات، وكيف أنه فى فترة وجيزة السودان كله إتملأ تلفونات أرضية .. وثم فى فترة أوجز إتركنت التلفونات الأرضية وحلت محلها الموبايلات ، ومن ثَمّ خشينا مرحلة الإسمارت فون .. ده غير الإنجازات الأخرى وخاصة العسكرية ..
لكين فكرتى فى البوست ده إنو الفساد العلنى المتراكم هو الآفة التى تضعف الحكومة ..
فالناس والقواعد تراقب .. لاحظ المقارنة بين أعدام مجدى بسبب حفنة دولارات بآلاف الدولارات المخزنة فى خزائن القيادات فى البيوت الذى يكشفها رب العالمين ــ زى العملات المهولة عند قطبى المهدى زمان ، والآلاف بتاعة وزير المالية السابق ده .. ده contrast صارخ ياخى .. لو كانوا أعدموا هؤلاء الوزراء زيما أعدموا مجدى كنت أضمن ليك الإنقاذ دى خمسين سنة لقدام .. لكين بالحالة بتاعة إذا سرق القوى تركوه وإذا سرق الضعيف أقاموا عليه الحد ؟ دى الرسول (ص) ذكرها بالنص إنها سبب الهلاك .. .. ده عضم الموضوع بتاعى ..
قول الشعب فى حالة خدران لسه بسبب إنو شايف الخيارات المتاحة ربما تدخله فى متاهة .. زى متاهات دول الربيع الإنطلق.. لكين القواعد لن تستكين طويلاً ..
المشكلة ليست فى الإنجازات، المشكلة فى قضية إذا سرق القوى تركوه وإذا سرق الضعيف أقاموا عليه الحد .. !!! |
ربنا يديك العافية يا منير
أبصم على كلامك بالعشرة
دا الكلام البدمنا لقدام
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
الأخ العزيز Maawya Hussein شكراً لهذه اللمحة المعاشية فى هذا السودان المنكوب ..
بس أنا عندى رأى فى مسألة إرتفاع الأسعار دى .. وزمان كتبت رأيى فى الجزئية دى .. وهو أن الإقتصاد العالمى فى هذا العصر مربوط مع بعض فى شبكة واحدة مع بعض الفروقات المحلية .. وبلدنا بما أنها أصبحت تستورد أكتر مما تصدر ، وبما أن الإستيراد كله للبضائع الكمالية فقنوات السوق المحلى فاتح على السوق العالمى ، والقوى ياكل الضعيف .. يعنى مثلاً يكون عندك حوض موية قريب من المحيط يفصل بينهم حاجز ترابى ، فيقوم الحاجز ده ينهار ويقوم يجيك المحيط كاسح يغمر لك الحوض ويبتلعه ويمسحه من الوجود ويغرِّق أسياده زاتهم .. ذلك مثَل الإقتصاد المحلى (الحوض) مع العالمى (المحيط) .. ولذلك لن يتوقف إرتفاع الأسعار حتى تصل للمستويات العالمية .. وطبعاً المستويات فى بلاد الدولار بدولار بيأكلوها والعة ـــ ياعملات المصريين ـــ لكين ناس قريعتى راحت فقريعتهم راحت جد جد ..
طيب .. الضيق المعيشى ده كله ماكان سيؤثر على صمود الشعب .. فزى ما عارف البنى آدم السودانى ده عنده مقدرة جبارة على إمتصاص الفقر وشظف العيش .. فممكن الزوول بدل ياكل كسرة بملاح يتنازل لكسرة بموية .. وبدل تلاتة وجبات يتنازل لوجبتين ثم وجبة واحدة، ثم يقلبها صيام ، ثم صيام داؤود .. ثم.. ثم ..ثم .. وده ممكن يحصل بكل طيب خاطر وإحتساب لو الجميع حيتقشفوا جماعة .. فتقشف الجماعة يفوق تقشف الفرد والموت مع الجماعة عرس .. لكين القضية المتعلقة بموضوعى ده هى أن التقشف فردى وليس جماعة.. فبينما الفرد يتضور جوعاً تجد المسؤولين يتطاولون فى البنيان ويكتنزون الدولارات فى بيوتهم .. أها ده الحال المايل والميزان المفتول الذى يؤدى للهاوية ..
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
سلامات االصادق اسماعيل ..
(غائص) وين ياخى .. شايف قلّلت المشاركة فى المنبر ..
أتفق معاك طبعاً فى ككل هذه المسببات التى ذكرتها .. الحصار والحرب ووو .. ولكن قد استطاعت الحكومة التغلب على كل ذلك واستمرت ٢٧ سنة ــ ما تنسى الـ٢٧سنة دى ــ إلاّ إنو القضية التى تراكمت هى عدم المساواة فى هذه مجابهة سوء الأحول هذه ... فأساساًً من زمان تجد المواطن يقول ليك أنحن مضغوطين والكيزان مرطبين .. لكن هذ التراكم ينتقل لقواعد الإنقاذ ذاتها بصورة حتمية .. والآن فاق حاجز التغاضى ولا يمكن إحتماله any more ..
أسمع زمان لمن كتبت ليكم عنوان عن أن ــ الجبهة الثورية هالكة لامحالة ــ جيت غالطتنى .. هسه وينها :) ؟؟ .. الحاصل إنو كل تشكيلات أعداء الإنقاذ ظلت تقع وتقوم وتترنح .. ولولا الدربات المغزوزة ليها من الخارج لكانت إتمسحت من الوجود .. لكنها تطفو وتغطس ساى.. تحالف ... جبهة عريضة ... فجر جديد ... نداء سودان .... الخ .. كلها ذهبت مع الريح ... وظلت الإنقاذ ثابتة ..
بس كما قلت ليكم مشكلة اللإنقاذ ستتفاقم from within ...
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
| Quote: لو مكان بكري اخليك كوتتك مفتوحة لانها جرداية في سروال |
عبداللطيف .. إنت بالنسبة لى منتهى ــ
وشايفك فاتح بوست عبثى ــ حروف عشوائية ــ تطربق فيهو زى المجنون ..
أنا قلت زى المجنون، لكين بصراحة لن أستغرب إذا حصل ليك ذهول وأصبحت مجنون بالفعل .. فأنا شايفك الأيامدى متوتر وحالت بقت تسوء ..
ألحق نفسك والله ، و اتشهّد وخت الرحمن فى قلبك ..
ماتستهين بنصيحتى دى ..
أنا رديت عليك فقط رثاءً لحالك ..
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Mahjob Abdalla)
|
( وظلت الإنقاذ ثابتة )
منير سلامات
يا عزيزى شايفك بتكرر دائما عبارة ( الانقاذ ثابتة )
الانقاذ ثابتة مقابل الخراب والدمار الذى حل بالوطن والمواطن !
الانقاذ ثابتة مقابل الفساد الذى يمارس فى جميع مستويات السلطة القائمة !
الانقاذ ثابتة مقابل الانحناء لاى رياح عاتية تاتى من الخارج والسكوت عليها !
باختصار الانقاذ مارس الخراب حتى يبقى فى السلطة واهلنا بيقولوا الخراب ساهل .. صعب العمار واى نظام فى مقدوره ان يقوم بما قام به الانقاذ حتى يكون ثابت ويستمر فى الحكم!
السودان اليوم ليست هنالك دولة , بل هنالك نظام حكم فاشى على انقاض دولة !
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
الأخ كمال عباس .. ياخى مشكور على هذا الجزء الضافى من مقدمة ابن خلدون والتى وجدت أن فكرتى ملخصة ومتضمنة فيها ..
هناك فقط إختلاف بسيط وهو أنه فى أحد الفقرات تحدث كأنما إفترض أن الحكم والبلد وصلت مرحلة الرفاهية ثم تبدأ مرحلة الهِرم ومن ثمّّ السقوط .. الإختلاف هو أن بلدنا لم تصل مرحلة الرفاهية ..
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
بدون عنف بالله يامنى .. مش تقولى لى 'تردح' ولمن أحمبك تجى تقولى منو القال ده نبذ .. ..
وتانى تقولى 'مواقف مخزية' ولمن أحمبك تجى تقولى منو القال دى نبذة .. ..
المرة الجاية حتفلقينى بطوبة ولمن اتلحس تجى تقولى منو القال دى فلقة !!! .. :):):):):)
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
Quote: عزيزك القارئ ما حيحلك هنا يا منير ربما لانه ليس بقارئ
فموضوعك مخلصو في العنوان كما قال لك محمد سليمان و الحقيقة الثانية انو محمد سليمان قدر يعمل تحليل لشخصيتك بطريقة حتي انت اقتنعت بيهو و ما قادر تقول شئ غير "عزيزي القارئ". |
محجوب عبدالله سلام .. ممكن تكتب لينا نقطتين تلاتة من الأشياء الكنت متوقعنى أقولها؟؟ ذكِّرنى، يمكن أنا نسيت حاجة إنت متوقعها ..
لكين واضح من مداخلتك الحانقة دى إنو تحليلى لشخصية محمدسليمان وحكاية المكوِّن النفسى دى وجعتك وراس السوط لحقك ..
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
هذا مقتبس للأخ ادريس خليفة علم الهدي قرأته فى للأخ عبدالحفيظ ابوسن ، قللت أنسخه هنا لنشر الفائدة ..
(نفسك) عالم عجيب !
علي الطنطاوي
نفسك عالم عجيب يتبدل كل لحظة ويتغير ولا يستقر على حال..
تحب المرء فتراه ملكًاً، ثم تكرهه فتُبصره شيطاناً، وما كان ملكًا ولا كان شيطانًا وما تبدّل! ولكن تبدلت (حالة نفسك).
وتكون في مسرّة فَترى الدنيا ضاحكة، ثم تراها وأنت في كدر باكية قد فرغت في سواد الحداد..
ما ضحكت الدنيا قطّ ولا بكت !ولكن كنت أنت (الضاحك الباكي).
مسكين جداً أنتَ حين تظن أن الكُره يجعلك أقوى، وأن الحقد يجعلك أذكى.. وأن القسوة والجفاف هي ما تجعلك إنساناً محترماً!
تعلّم أن تضحك مع من معك، وأن تشاركه ألمه ومعاناته.. عش معه وتعايش به عش كبيراً، وتعلّم أن تحتوي كل من يمر بك....ولا تصرخ عندما يتأخر صديقك، ولا تجزع حين تفقد شيئاً يخصك.
تذكر أن كل شيء قد كان في لوحة القدر قبل أن تكون شخصًاً من بين ملايين البشر!
إن خسرت شيئاً فتذكر: أنك قد ربحت أشياء.
وإن فاتك موعد: فتذكر أنك قد تلحق موعداً آخر!
مهما كان الألم مريرًاً، ومهما كان القادم مجهولاً افتح عينيك للأحلام والطموح..
فغدًاً يوم جديد، وغدًاً أنت شخص جديد.
هل تعلم أن الحكمة الشهيرة: "رضا الناس غاية لا تدرك"... دائما يتناقلها الناس مبتورة وغير مكتملة، وأنها بتكملتها من أروع الحكم وهي:
"رضا الناس غاية لا تدرك ورضا الله غاية لا تترك، فاترك ما لا يدرك، وأدرك ما لا يترك".
لايلزم أن تكون وسيما لتكون جميلًا، ولا مداحًا لتكون محبوبًا، ولا غنيًا لتكون سعيدًا.. يكفي أن ترضي ربك وهو سيجعلك عند الناس جميلًا ومحبوبًا وسعيدًا.
لو أصبت 99 وأخطأت مرة واحدة لعاتبوك بالواحدة وتركوا الـ99.. هؤلاء هم البشر!
ولو أخطأت 99 مرة وأصبت مرة لغفر اللہ الـ99 وقبل الواحدة.. ذاك هو ربي!
فما بالنا نلهث وراء البشر ونبتعد عن الله؟ !
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
في إنتظار البترول ! في سيرة إنجازات متوهمة أو مبددة!حقائق مرة!- السودان يستورد النفط حاليا!ذهب جل النفط بذهاب الجنوب ومايعود علي السودان من رسوم عبورنفط الجنوب مهدد بفعل الحرب الإهلية في الجنوب والبؤر النفطية في الشمال قليلة الجدوي والتأثير
توثيق
(قال مسؤول كبير في وزارة النفط السودانية إن السودان يستورد مليون برميل من الديزل شهريا لمقابلة احتياجاته، ومن جانبه قال مسؤول في صندوق النقد الدولي في وقت باكر من هذا العام لفرانس برس "صندوق النقد الدولي يدعم بقوه رفع الدعم لأنه يزيد من العجز ويرفع من التضخم ويؤدي الي احتكار الثروة". وقال مسؤول سوداني إن "دولة مثل السودان تواجه صعوبات خيارها الوحيد حماية الفقراء والمحتاجين في المجتمع"http://www.i24news.tv/ar/%D8%A3%D8%AE%D8%A8%D8%A7%D8%B1/%D8%A7%D9%81%D8%AA%D8%B5%D8%A7%D8%AF/130909-%D8%A7%D9%84%D8%AD%D9%83%D9%88%D9%85%D8%...,,,,,,,,,,,,بكين 29 يناير 2015 (شينخوا) قال وزير المالية والاقتصاد الوطني السوداني بدر الدين محمود، الذي يقوم حاليا بزيارة للصين، إن "تراجع أسعار النفط في هذه الفترة بالذات له أثر إيجابي على اقتصاد السودان".صرح بذلك الوزير بدر الدين محمود خلال مقابلة أجرتها معه وكالة أنباء ((شينخوا)) يوم الأربعاء ، قائلا إن ذلك يرجع إلى أن السودان يقوم بدعم أسعار المنتجات النفطية والبترولية للمواطنين. ومن خلال انخفاض الأسعار، سينخفض مستوى العجز أو الدعم المقدم في الموازنة وسيؤدى إلى خفض عجز الموازنة وتحويل موارد الدعم إلى مشروعات الخدمات العامة ومشروعات التنمية.وقال الوزير إنه نظرا لكون السودان يستورد حاليا المنتجات البترولية من الخارج، فإن تراجع أسعار النفط سيؤدى بدوره إلى خفض فاتورة استيراد المنتجات البترولية من الخارج، بما يعزز الوضع في الميزان التجاري وميزان المدفوعات في القطاع الخارجي، وهذا سيوفر عملات أجنبية تعين في بناء احتياطيات من النقد الأجنبي للسودان.,,,,,,,,,,,,,,برز عناوين الصحف السياسية الصادرة يوم الثلاثاء الموافق 03 ديسمبر 2013م.صحيفة آخرلحظة :* (الجاز ) العجز في استيراد المنتجات النفطية بسبب شح النقد الأجنبي .!..........الرئيسية»العرب والعالمآخر تحديث: الخميس 7 شوال 1436هـ - 23 يوليو 2015م KSA 00:28 - GMT 21:28السودان يوقع مع اثيوبيا للاستفادة من كهرباء "النهضة"الخميس 7 شوال 1436هـ - 23 يوليو 2015مشاركرابط مختصر http://ara.tv/vfy6pالعربية نتوقع السودان واثيوبيا اليوم عقد الاعمال الاستشارية لخط الربط الكهربائى على مستوى 500 كيلو فولت والذى يمكن السودان من الاستفادة من الكهرباء المنتجه من سد النهضة.واعلنت وكالة الانباء السودانية الرسمية ان مدير الشركة السودانية لتقل الكهرباء وقع مع تظيرة الاثيوبي عقد الاعمال الاستشارية للربط الكهربائي بين البلدين مما يمكن السودان من الاستفادة من كهرباء سد النهضة , واختارا شركة ايطالية للقيام بالاعمال الاستشارية للخط.ويبلغ عجز السودان من الكهرباء 40%من احتياجات الدولة، ومن المتوقع ان يكتمل بناء السد فى عام 2017 بتكلفة مقدارها 4,7مليار دولار, ويبلغ طولة 1780 مترا بارتفاع 145 مترا وينتج ستة الف ميغا واط.ويعتبر السد من اكبر السدود فى افريقيا ويتوقع الخبراء ان يضع السد اثيوبيا فى مصاف الدول المصدرة للكهرباء فى القارة http://www.alarabiya.net/ar/arab-and-world/2015/07/23/%D8%A7%D9%84%D8%B3%D9%88%D8%AF%D8%A7%D9%86-%D9%8A%D9%88%D9%82%D8%B9-%D8%B9%D9%82%D8%AF...%87%D8%B6%D8%A9.html
(عدل بواسطة كمال عباس on 09-04-2016, 00:01 AM)
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: كمال عباس)
|
في إنتظار البترول ! في سيرة إنجازات متوهمة أو مبددة!
حقائق مرة!
السؤال إين مردود الترول والذهب علي الإقتصاد القومي؟ وعلي الإنسان السوداني؟
_ إين مردود الترول والذهب علي الميزان التجاري وميزان المدفوعات والدخل القومي؟ السودان يعاني من عجز في الميزان التجاري وميزان المدفوعات !
* أين مردود الترول والذهب علي الخدمات الأساسية من علاج وتعليم وصحة ؟ الحكومة رفعت يدها عن دعم العلاج و والتعليم!
* أين مردود الترول والذهب علي الزراعة التي إنهارت في عهد الآنقاذ (مشروع الجزيرة القضارف نمازج) وإنهارت الصناعة التحويلية !
*وإنهارت العملة الوطنية بمتواليات هندسية ! كنا سنفهم لو إنعكس إنتاج الذهب والبترول في تقوية العملة الوطنية أو قل إستقرار سعر الصرف أو حتي إنخفاض قيمة الجنيه بوتيرة بطئية!
* السودان في عهد ا الإنقاذ
* تفريط في تراب الوطن وسيادته الوطنية ! الحفاظ علي السيادة الوطنية والتراب في وجه الإجنبي هو المهمة الأولي لأي نظام حكم "وطني"
- تضرب إسرائيل مجمع القدس فتقول الحكومة ـ في البداية أنه إنفجار أنبوب غاز!
-يضرب شرق السودان للمرة الرابعة فيقول وزير الدفاع!( الدنيا ضلمة والطايرة طافية نور والناس كانوا في الصلاة! وطفق يتحدث عن إستراتجية الدفاع بالنظر )
* والحكومة فوق هذا مسحت بهيبة الوطن بالتراب ومرغت كرامته وعزته بالتراب ! وحولت جيشه القومي لمرتزقة تحارب من أجل أجندة الدول الأجنبية وأمارات النفط !
*الإنقاذ= فساد وإستبداد وإذلال للإنسان وإهدار للموارد وتمزيق للوطن والنسيج الإجتماعي وضياع هيبة الحكم وكرسي الرئاسة( فنيلة ميسي وعباءة التكريم الأفريقي المزعوم والكذب
والحنث بالقسم والتعهدا ت
.......
| |
|
|
|
|
|
|
| |
عزالدين عباس الفحل
Munir
علي عبدالوهاب عثمان
عبداللطيف حسن علي
Mustafa Mahmoud
مني عمسيب
علاء سيداحمد
عمر دهب
معاوية الزبير
Frankly
Hani Arabi Mohamed
Mohamed Suleiman
خالد حاكم
عبدالعظيم عثمان
Maawya Hussein
عبدالحفيظ ابوسن
حامد عبدالله
الصادق اسماعيل
saidahmed shami
كمال عباس
Mahjob Abdalla
حمزه بابكر الكوبي
فيس بوك
تويتر
انستقرام
يوتيوب
بنتيريست