إمتداد بوست الموسيقى

Quote: تخريمة لغوية : +++ وبعد تجربة بوست الموسيقى، اتضح ان علاقتك بأبجديات البحث الأكاديمي واهية، إن لم تكن منعدمة، رغم مطالبتك للجميع في بوست الدليب ابلكلام بشكل أكاديمي. +++ تحطّ من أقدار خلق الله. +++ طيّب دايرنا نصدّق عزيز "الما متخصّص"، والدارس -فقط- للموسيقى، ولّا "الهاوي" الذي أفنى زهرة شبابه الناضر الغضّ، "يغرف" من الشبكة العنكبوتية، بلا وازع أو رادع أو معيار؟

لغوية ولا إملائية، التقول عندك غيرها

واصل في التخريمات، لكن برضو حاول فرغ دقيقتين تلاتة عشان تفهم شوية في الموسيقى. يا راجل انت ليك ازبوع عامل رترتة في حتة التنوين والإملاء دي، دور معانا ياخي، إلا نشفِّط ليك زي الكومر ولا شنو؟ +++ دا كلام زول "متضايق"، قلنا ليك فوق لما نحب ننشره في موقع أكاديمي هناك حتشوف شكل مختلف، بعدين ياخي حاول شوية ناقش في الموضوع، التنوين دا خليهو للكيك، أبجديات البحث الأكاديمي شنو يا أسامة؟ والطرح الأكاديمي شنو في بوست الموسيقى؟ يعني الفرضية الطرحها حاتم وعايز يثبتها أكاديمياً شنو؟ +++ أها، داير تعمل لي فتنة مع عزيز؟ انت أصلو ما بتوب؟ لا حطينا قدره ولا حاجة ونحترمو ونحترم علمو، كاتل براك يا زول انجض. +++ طبعاً تسمع من الهاوي عديم الرازع، لأنو قبل كدة انت بشتنتنا، مشيت لمتخصص جبت لينا كبسولة (الأصوات جبلية وصحراوية)، وليوم الليلة لا نحنا قدرنا نبلعا ولا انت عرفتها حقت شنو، خسارة ساي، هسع كدة كويس؟ لو قبيل وجهناك لناس الميشلان أو الهانكوك كان استفدنا. أنا رأيي أخير ليك الهاوي بيقدم ليك المعلومة الظريفة بطريقة حريفة ولا قرش لا تعريفة، المتخسس دايمن بيطالب بمدحة خفيفة، وداير ضبيحة ما بيرضى بأم شعيفة _______ بوست الدليب دا الدخلتك فيهو مااااا بتمرق قريب دا.