إمتداد بوست الموسيقى

Quote: Mohamed Siddig Abdalla · School of Oriental and African Studies 1. " الردود هناك حتكون رزينة ومنضبطة"! فعلاً رزينة ومنضبطة، والدليل سعيك إلى جر الحوار إلى مواضيع لا علاقة لها بالموضوع المطروح من قريب أو بعيد بعد أن تبيَّن لك أن النقاش لا يسير كما تشتهي. 2. "جاي تسألني كل دول العالم اجتمعت؟ لا ما اجتمعت كلها أها؟ وهذا هو المطلوب. كلنا نعلم أنها لم تجتمع. لذا، نصحتك بأن تكون دقيقًا في صياغة كلامك. إطلاق الأحكام الانطباعية في الكتابة الأكاديمية غير مقبول ويدخل الباحث في ورطات ويعرضه لنقد يمكن تجنبه بتوخى الدقة. إذا كتبت بأسلوب الصحفيين هذا في المجال الأكاديمي، فلن يُقْبَل منك إلا في جامعة أي كلام. 3. "أها ودايرني أكون شنو يعني؟" نريد أن نراك باحثًا يسد ثغرة في المجال الأكاديمي. لم نرَ منك شيئًا بعد. إن فعلت هذا فخير، وإلا فإنها مضيعة لوقتك ووقت قرائك. 4. "أمتع لأنو كل البشر بيتفاعلوا مع الموسيقى وحتى القرود بتحب الموسيقى ..." هههه رد أكاديمي مقنع. 5. " ... واعتذري ليها إنابة عني إنو الفصول جات غير مترابطة لأنو رؤوس المواضيع مختلفة وكان من الضروري أوردها كلها، لكن ابتداء من الباب التاني حتكون متدرجة وسلسة، وحتكون سهلة ابتداء من الباب الثالث للنهاية." هذا اعتراف بالتخبط، ودليل على أنك قد بدأت تجني ثمار النصائح التي زودناك بها. 6. يبدو أنك بدأت تفقد أعصابك بسبب الضغط الذي تعرضت له، وأخشى أن يصل أسلوب الحوار بيننا إلى ما وصل إليه مع الأخ هيثم مزمل. سأغيب أسبوعًا أو أكثر لأسباب خاصة، ولنا لقاءات قريبة بإذن الله. أعجبني · رد · 2 ساعة · تم تعديله

حمد لله على السلامة

أول حاجة، مداخلتك الخاصة بالترجمة وديها البوست المعني، أنا متابع أي حاجة هنا literally فما تخاف ما حتفوتني حاجة. 1- جملتك الأولى دي مكررة، مع ذلك المواضيع الما ليها علاقة دي شنو دي؟ زي خلط الموسيقى بالتنوين والإملاء مثلاً؟ 2- يلا مشكلتك هنا تلهفك على تخطئة حاتم، وعدم ملاحظتك لترتيب البوست، البوست بدأ بمقدمة عن المعايير، مقدمة عامة ما ليها علاقة بالموسيقى، يعني تمهيد عشان الناس تعرف هل الإبداع يقنن أم لا؟ فالعبارة دي Quote: كل العلوم الانسانية يتم التعامل معها أكاديمياً، وهذا يعني ضمنياً أن هنالك معايير مختلفة لتوصيفها ابتداً أو لتنظيمها إن كانت تقبل هذا النوع التوظيف المحكوم، وعلى ذلك فيمكننا تقسيم المعايير الأكاديمية إلى صنفين: .... ويدخل في النوع الثاني ما كل ما توصلنا لمعرفته باستخدم الحسابات والنظريات والنماذج الوصفية وكلها عموماً تسمى المعايير (standards) وهذه نحتاج لها في كل العلوم، لكن الفرق بينه والأول أن المعايير الوضعية تنظمها مؤسسات أو معاهد وهذه بدورها تنقسم إلى نوعين، مؤسسات عالمية تم الاتفاق عليها لوضع المعيار باتفاق كل الدول، والنوع الثاني مؤسسات مهنية طوعية أو تعليمية في داخل كل إقليم أو جغرافية معينة. وردت في المداخلة دي: Re: الموسيقىRe: الموسيقى وموقعها في المقدمة التمهيدية تحت اسم (مدخل أول) حتى بعدها سردنا قائمة محتويات الباب الأول، يعني موضوع الموسيقى بدأ بعدها يا الكيك، وعبارتي واضحة في إنو الدول تجتمع كلها لمعيار والكلام هنا عام مش لمعيار موسيقي، لا، الكلام عن المعايير الحاكمة للعلوم الانسانية عموماً، وقع ليك، لكن لما جينا ذكرنا النغمة المعيارية ذكرت مؤسستين للمعايير واحدة أمريكية والتانية اسمها الآيزو، فهمت يا "دكتور"؟ يعني ما تلخبط العام بالخاص، أنا هنا بحاول أفتح مخك عشان تفكر على واسع في إنو حتى الإبداع يلزمو شوية ضوابط وشرحت في (المدخل) الضوابط دي عموماً بتتعمل كيف، لأني عارف من الأول إنو في ناس ما عندها فكرة عن ضوابط الموسيقى والمؤسسات الحاكمة لمعاييرها، مثال: شخصك واحد من الناس ديل. فنصيحتي ليك ما تلجأ لخلط الكيمان وما تطلق الأحكام بدون تروي وتبصر في مقاصد النص، لما تشوف كلمة (مدخل) عليك تفهم إنو دا تمهيد عام، فما تلفح وتجي تقول (حاتم قال الدول كلها اجتمعت، ودا غلط شنيع) هههههه، eccentric انت مداوم على قراية التوراة ولا شنو؟ لأنو اليهود عندهم الصرامة غير المفيدة للبشرية في التوراة والتلمود. 3- والله شكراً ليك ياخي، بس كمان دا ما حيحصل إذا مصر تعاين للتنوين بالفتحتين على إنو مكون أساسي في النوتة الموسيقية الغربية، بعدين الموسيقى ما بشوفوها، وما حتشوف أي شيء إذا داخل موجوع ومغروض في غلط يريحك هنا ولا هناك حتى لو كان "همزة". 4- طبعاً مقنع، لأنو السؤال بدون معنى، زي بتاع "وإذا لم يظهر الهلال؟" any answer will fit perfectly، انت بتشكك في إنو الموسيقى ممتعة؟ غايتو ناس الهيئة ديل خربوا علينا أولادنا المستعدين يؤمنوا بأي "جديد" 5- كان طارت عنزة ههههه، ياخوي في مداخلتي على أسامة فوق شرحت ليهو الفرق بين (علوم الموسيقى) و(نظرية الموسيقى) أنا هنا بتكلم عن علوم يعني ببساطة القائمة السردتها ليك فوق دي (رياضيات، كيمياء، فيزياء، علم نفس، علم اجتماع، لغات، هندسة كهرباء، إلكترونيات، كمبيوتر، على سبيل المثال) ومن الطبيعي إذا بديت حألقى نفسي مضطر أشرح بالتوازي من كل علم شوية، عشان كدة حتلقى في الصوت وتعريفاته ديناميكا وميكانيكا وإلكترونات وفيزياء وأنف وأذن وحنجرة، وفي توصيف الأصوات الموسيقية حتلقى ترددات موجية ومنظمات للمعايير الموسيقية وأجهزة قياس ميكانيكية ومصطلحات إيطالية وفرنسية وإنجليزية ومفاتيح بيانو، دا الأنا قصدتو بعدم الترابط، يعني يا الكيك مواضيع الباب الأول لعموميتها فهي اكبر من إمكانية جمعها تحت عنوان واحد، فهمت؟ التخبط دا انطباعك الشخصي لعدم وجود معلومات مسبقة عن الموسيقى في وعيك "الأكاديمي" وجهلك بما تتطلبه لشرحها. أظنك عايزني أمشي بالتسلسل علم علم، ابدأ بالإعراب وبعده الكيمياء مش؟ وللأسف ما عندك نصائح مفيدة عشان يكون ليها ثمار أصلاً، فلو كنت اتكلمت في الموسيقى جائز نلقى فايدة، بس الاهتمام بالتوافه (تنوين وإملاء) قياساً بحجم الموضوع يبين طريقة تفكير (mindset) محكومة بالاهتمام بالهوامش على حساب الأصول، فلو فكرت تسأل مثلاً ليه النغمة المعيارية 440 هيرتز تحديداً كنت حأفرح والله، لكن واضح إنك داخل لموضوع بعيد عن اهتماماتك، بقيت زي الممثل السوداني في فيلم الإرهاب والكباب، هو في وادي والناس في وادي تاني، تتذكر قصة الجمل سفينة الصحراء؟ He who knows little soon repeats it ياخي على الأقل ورينا ترجماتك للمصطلحات الموسيقية شنو بدل الافتراضات عديمة الجدوى دي 6- آخر زول ممكن يفقد أعصابو في المنتدى دا هو أنا، فلو شفت لي كلام حاد فدا غالباً لأني واجهت تخانة مخ أو بلادة في مكان ما، ودي مافي بني آدم بيصبر عليها، صاحبك التحت غير تخانة المخ دي ما قادر يفرز بين الأعضاء، إضافة لأنو النصوص الواضحة قدامو عندو ليها فهم تاني، زيك فهمك دا. أها، تلاتة شهور يعني؟ لأنو آخر مرة قلت أسبوع وبقن 12 أسبوع. _______ Simply said, keep trying