|
|
 Re: سلطة الأسود (Re: درديري كباشي)
|
مفارقات
1
بانوراما الجزارة
في سلسلة محلات مطلة على الشارع الرئيسي الذي به شريحة في أوسطه من الأسفلت تشبه الكرافته تدل على أنه كان شارعا مسفلتا يوما من الأيام . حوافه الترابيه والتي بها بواقي أكياس ملتصقة بالطين الجاف ترفرف كبيارق الأنداية ..
تبدأ واجهة أحد هذه المحلات جزارة لبيع اللحوم مكتظة بالزبائن بمختلف الفئات والاعمار والأحجام من الجنسين .. تختلط أصوات مناداتهم بأصوات المركبات من ركشات وأمجاد وغيرها.
عبد الهأ الجزار يربط فوطة متسخة بقطرات الدم من قماش الدمور فوق ملابسه العراقي والسروال ..
في حركات اعتاد عليها يهش الذباب بيد ويقطع ويكسر باليد الأخرى ومحاولا مجاوبة زبائنة من أهل الحي الذين هم منه وهو منهم .
وهو يرد بردودة الساخرة واللئيمة فتحيل المكان الى نوع من مسرح الكوميديا السوداء
- عبد الله عليك الله اوزن لي ربع نضيف ياخ .
- نضيف كيف يعني أحميه ليك مثلا.هاهاهاهاها.
- نضيف بدون شحم وعضم أنت لسانك الزفر دا مش كفاية لحمتك .
- لحمتي هو أنتو متين أبيتوها ما قعد تنتشوا فيها ربع ربع وبالدين كمان .
- عبد الله عليك الله ألحقني سريع بصلتي في النار .
- حاضر يا حاجة .. صبر صبر صبر مافي . عايزة كم .
- عايزة نص .
- ما شاء الله يا حاجة كلتوم عندكم ضيوف ولا شنو ؟
- أبدا والله يا رقية حسن ولدي قبيل ضرب قال اصحابه جايين معاه للغدا قلنا نعمل لينا طبيخين كمان يرفعن رأسه قدام أصحابه .
- أنا كمان عاملة لي سلطة أسود كتيرة برسل ليك صحن مع سوزان .
- كتر خيرك يا بتي ما بتقصري والله ..
يقطع طفل النداء بأعلى ما فيه من صوت . على ما به من تهتهه ( تمتام )
( يا عم عم عمعمعم عبد الله أدينا ربع ككككككلو بدون عضم )
- يا سلام عليك... أشمعنا بدون عضم دي قلتها بدون تقطيع ؟.
- أستغفر الله يا عبد الله ما تسخر من خلقة الله .
- عبد الله حرام عليك قهمت الولد الصغير .
- خلاص لقيتو فرصتكم عايزين تعملوا فيها وعاظ .. إذا أنا أدي كل واحد لحم بدون عضم بعدين العضام دي أوديها وين .
- ألعب بيها شليل وينو .
هاهاهاهاهاهاها ... تنطلق الضحكات من كل مكان ..
بعد قليل وسط الضجة تطل أخرى .
- عبد الله يا أخوي دا شنو بالتسوي فيه دا ؟
- مالك يا حاجة سعاد .
- أرسل ليك الولد تسخر منه وتضحك فيه الناس وما تديه كمان .
- لكن يا حاجة سعاد كيف ابيع لحمة بدون عضم والعضام دي أقع بيها وين بعدين .
- أنت اللحمة الصافية عايزة بيها شنو يا سعاد ؟
- أنا عايزة لحمة أفرمها الراجل الملاريا هدت حيلو وزمن ما بياكل زي الناس أها قال نفسه في محشي من عرس حسنة أخته ما ضاق له محشي قلت أعمل له وقت نفسه دخلت في حاجة .
- سلامته سليمان يا سعاد ماله لسع مع ملارياتو الكتيرة ديك .
- ياها زاتها والله كملتو من لحم الدنيا .
- عبد الله ما تديها راجلها عيان نحن متنازلين ليها أوزن لينا نصيبها في العضم .
....مصرين يتقاسموا كل شئ ليحتفظوا ببصيص من السعادة .
- عبد الله يا خ أوزن لي ربع كيلو كبده .
- هوي يا هاشم الكبده ما بالكيلو..
- أها بشنو بالوقية ؟
- الكبده يا تشتريها كلها يا تخليها .
- كلها ؟ كلها بكم طيب ؟
كلها بمايتين ..
- ياخ حرام عليك دا براه نص ماهيتي .
- طيب أنت الفلسفة العليك شنو ما تشيل ربعك دا زيك وزي باقي الناس .
- ما لي أنا ياخ نحن باب النفس والشهية دا قفلناه من زمان .. المرة عيانة عندها فقر الدم النزيف هد حليها الدكتور قال تاكل كبدة .
- سلامتها محاسن يا هاشم .. عبد الله ما تديه ربع .
- يا جماعة الكبدة دي الناس البيشتروها ما يأخدوها ناقصة وربع ربع ما تتباع فهمتوني ؟.
- طيب لو مافي زول أشترى كبده حا توديها وين ؟
- يضربها هو عامل .. كرشتو الكبيرة دي .هاهاهاهاهاها ,,
- القال ليك منو أضربها أنا .. بوديها لناس المطاعم هوا يشتروها مني .
يقطع الحوار سيارة فارهة مظلله تقف قدام المحل ينزل منها شاب يرتدي الزي الرياضي ونظارة سوداء يسبقه عطره الفواح .. عم صمت المكان .. يتخطى الجميع ويدخل داخل الجزارة .. يهمس في أذن عبد الله .. عبد الله يومئ بالايجاب ..موافقا أخيرا ينصرف .. عبد الله أول خطوة بعد انصراف الشاب ينزع الفوطة عنه وأكثر من نصف الخروف لازال معلقا .. يصفق للجميع خلاص مافي لحمة يا جماعة.
- كيف مافي لحمة ومال المعلقة دي شنو .
- خلاص بعناها كلها . الشاب دا اشتراها كلها دفع تمنها كاش مش في النوتة .
بدأ يقفل في المحل .. يلا يا جماعة هوونا خلاص بكرة انشاء الله ضروري الليلة تاكلو لحمة .
أنصرفوا متزمرين ومتزمتين .
- يا عبد الله والكبده كيف فقر الدم يا عبد الله .
- المحشي يا عبد الله الملاريا .
أنصرفوا متذمرين ,, حتى مختلفين كالعادة منهم من يقول له حق يا جماعة دا تاجر ما جمعية خيرية .. يا جماعة أعذروه .
هو الغني دا ما يشمي يشتري خروف كامل جاي يزاحمنا في لحيماتنا ديل .
أنصرفوا قانعين .. وصوت تكسير اللحم يأتيهم من داخل الجزارة المغلقة الأبواب .
مستفذا لهم كأنه يطرق على قلوبهم الغلبانة ..
تمت
دردريري كباشي
الرياض 5/3/2013
|
|
 
|
|
|
|
|
| العنوان |
الكاتب |
Date |
| سلطة الأسود | درديري كباشي | 08-02-16, 05:56 PM |
| Re: سلطة الأسود | عبدالعزيز الفاضلابى | 08-02-16, 06:24 PM |
| Re: سلطة الأسود | الصادق عبدالله الحسن | 08-02-16, 07:23 PM |
| Re: سلطة الأسود | Abu Baker Ahmed Abdel Rahman | 08-02-16, 07:49 PM |
| Re: سلطة الأسود | درديري كباشي | 08-03-16, 06:11 AM |
| Re: سلطة الأسود | درديري كباشي | 08-03-16, 06:02 AM |
 Re: سلطة الأسود | درديري كباشي | 08-03-16, 05:55 AM |
| Re: سلطة الأسود | عبدالحفيظ ابوسن | 08-03-16, 06:14 AM |
| Re: سلطة الأسود | محمد على طه الملك | 08-03-16, 08:22 AM |
| Re: سلطة الأسود | درديري كباشي | 08-04-16, 06:28 AM |
| Re: سلطة الأسود | درديري كباشي | 08-04-16, 06:25 AM |
| Re: سلطة الأسود | درديري كباشي | 08-04-16, 10:01 AM |
| Re: سلطة الأسود | محمد على طه الملك | 08-04-16, 02:17 PM |
| Re: سلطة الأسود | Abu Baker Ahmed Abdel Rahman | 08-04-16, 03:25 PM |
| Re: سلطة الأسود | Ahmed Yassin | 08-04-16, 03:47 PM |
 Re: سلطة الأسود | درديري كباشي | 08-04-16, 05:38 PM |
| Re: سلطة الأسود | درديري كباشي | 08-04-16, 05:37 PM |
| Re: سلطة الأسود | درديري كباشي | 08-04-16, 04:28 PM |
| Re: سلطة الأسود | محمد على طه الملك | 08-05-16, 00:30 AM |
| Re: سلطة الأسود | درديري كباشي | 08-06-16, 06:14 AM |
| Re: سلطة الأسود | درديري كباشي | 08-06-16, 07:30 AM |
| Re: سلطة الأسود | محمد على طه الملك | 08-08-16, 00:52 AM |
| Re: سلطة الأسود | درديري كباشي | 08-08-16, 06:22 AM |
| Re: سلطة الأسود | درديري كباشي | 08-09-16, 06:36 AM |
| Re: سلطة الأسود | بابكر قدور | 08-09-16, 08:43 AM |
| Re: سلطة الأسود | درديري كباشي | 08-10-16, 06:19 AM |
| Re: سلطة الأسود | درديري كباشي | 08-10-16, 06:21 AM |
| Re: سلطة الأسود | درديري كباشي | 08-13-16, 09:27 AM |
| Re: سلطة الأسود | درديري كباشي | 08-15-16, 09:46 AM |
| Re: سلطة الأسود | درديري كباشي | 08-15-16, 04:44 PM |
| Re: سلطة الأسود | درديري كباشي | 08-22-16, 09:30 AM |
| Re: سلطة الأسود | Artiga Gilani | 08-22-16, 10:25 AM |
| Re: سلطة الأسود | درديري كباشي | 08-25-16, 04:44 PM |
| Re: سلطة الأسود | درديري كباشي | 08-25-16, 04:54 PM |
| Re: سلطة الأسود | درديري كباشي | 08-27-16, 05:22 PM |
| Re: سلطة الأسود | درديري كباشي | 09-01-16, 04:37 PM |
| Re: سلطة الأسود | درديري كباشي | 09-01-16, 05:03 PM |
| Re: سلطة الأسود | درديري كباشي | 09-07-16, 04:12 PM |
| Re: سلطة الأسود | درديري كباشي | 09-17-16, 09:16 AM |
| Re: سلطة الأسود | عمر عثمان عبد الوهاب | 09-20-16, 02:00 PM |
| Re: سلطة الأسود | درديري كباشي | 09-20-16, 03:28 PM |
| Re: سلطة الأسود | عمر عثمان عبد الوهاب | 09-21-16, 07:04 AM |
| Re: سلطة الأسود | درديري كباشي | 09-21-16, 07:22 AM |
| Re: سلطة الأسود | درديري كباشي | 09-26-16, 08:14 AM |
| Re: سلطة الأسود | درديري كباشي | 09-29-16, 02:37 PM |
| Re: سلطة الأسود | درديري كباشي | 10-09-16, 03:38 PM |
| Re: سلطة الأسود | درديري كباشي | 10-11-16, 06:29 AM |
 Re: سلطة الأسود | Amir Ali | 10-11-16, 08:05 AM |
|
| |
فيس بوك
تويتر
انستقرام
يوتيوب
بنتيريست