|
|
 Re: هروّب العقارِب عبر مطار الخرتوم _ ونسة حشر (Re: معاوية المدير)
|
العقرب : الليلة يا بركة اللآ نام لآ أكل الطعام يا البشيّر ؤ حكوّمتك اشوّفكُم فوق
ملآلة مقلِيين قلِي، اكان صلّطتو فوقنا ابِيّن عيوناً مزردآت ديّل .
العقرب جارتا الجُحُر بالجُحُر : شاحدآهو ؤ نادهاهو، يِصلّطن فوق البشير ؤ حكومتوا
الكِلآب السعرانآت اليدُخلن في سرآوِيّلُن، اكان صلّطو فوقنا الصنيين .
الخُنفُسانة : يالعقارِب وحات نضري قالوا وكِت يحمِروّكن في الزيت ؤ يجيبُوّكن للصيني
الجنّبو ما يدَّي !.
العقرب : ياختي هوووي اخيّر تشُوفِيّلِك بلداً تمشي عليها، قالوا شورّبتكن في الصين وكِت
يقولوا كدي يمُصروا فيها الليمونة، ؤ يقولوا كدي يكشحوا فوقا يا دآك الشمار، والصيني
يقوّل كدي يرفع الكُوريّة ما بنزِلآ إلآ فيها الخُنفُسانآت، ؤ يقوّل كدي يفجِخِن ؤ ينقرِشِن زي
الجنا جدآد يمرّق مِنهِن اللُكدة البيضا يمزمِزا زي صدف البحر، ؤ يقول كدي بااااع يِدشا،
خمسين دولآر ما يخارجنوا .
الخُنفُسانة : ضبيتا بالله الحكومة الشُوّم دي، اليسوى والما يسوى جهجهتو !.
القعوّية :غايتو ما البلد دي، انا مآرقة مخلياها، باقي قبل الليلة مامون حميّدة قايم علينا .
وحات الله حياتنا أصبحت في خطر ؤ مِسخت علينا .
الجرآدة : إنتن في دا، واللآ نِحن، في الحاج يوسف القريبة دي يبيعوا فينا بالملوة !. غايتو
السوتا الحكومة في البلد، قبل الليلة يعمينا ما شُفناها، جوّع السِيّح والريّح !.
عشوّش : غايتو الحكومة الملعونة دي من يوم ما دخّلت الصينيين في البلد ما جاتنا رآحة .
انا دِي، عشوّش القِدآمكن دي عشان اهرب ما أقدر امرق من مطار الخرتوم عِلآ يكون
معاي ود ابرك مُحرَم، ؤ ود ابرك زااااتو اكان ما ابرز قسيمة الزواج شوقو ؤ حنينو كان
يركب الطيارة مع عشوّش .غايتو الله يلزمنا الصبر .
الخُنفُسانة : يا ديّل، إنتن طعوّمة الصارقيلة وين ؟، لي زمن ما شيفاها !.
العقرب : ياختي الصارقيل من سِمِع بالحكومة دخّلت الصينيين البلد إنقطع في بطن اللرِض،
إنت من زمن ناس طعوّمة !، هو القُرُنبُع طفش من المِستراحات، هسّع آخر مرّة شُفتيلِك
قُرُنبُعة متين ؟.
العقرب الجارة : إنتن يا ديّل، إخياتنا الفي المطار البِقت عليهن شنو ؟.
العقرب : قالوا قبضوهِن ناس الجمارك .
الطهّارة : عآد الحالة الفوق الدبيب !، اريتا حالة العدو، الدبيب اللكان يتحرقص اليوم كلو شُفتُ
شوّف عويناتي ديل، تك، تك، تك زي زمبلك الساعة الحجرا منتهي . سعلتو نعال ماك عيّان ؟،
قال لي، الحكومة الملعونة دي طفّشت علينا الفيران، والله يا الطهّارة الصينيين ديل القلوبيات
الزرعوهن في بطن اللرض دي اكتر من الألغام في أفغانستان، لعنة الله تغشاهم .
عشوّش : الليلة يا ديك الحكومة، اللآمِن يبقى شاكي مِنها !.
|
|
 
|
|
|
|
|
| العنوان |
الكاتب |
Date |
| هروّب العقارِب عبر مطار الخرتوم _ ونسة حشرآت ... | معاوية المدير | 07-20-16, 12:31 PM |
| Re: هروّب العقارِب عبر مطار الخرتوم _ ونسة حشر | معاوية المدير | 07-20-16, 12:32 PM |
| Re: هروّب العقارِب عبر مطار الخرتوم _ ونسة حشر | معاوية المدير | 07-20-16, 12:34 PM |
 Re: هروّب العقارِب عبر مطار الخرتوم _ ونسة حشر | معاوية المدير | 07-20-16, 12:41 PM |
 Re: هروّب العقارِب عبر مطار الخرتوم _ ونسة حشر | معاوية المدير | 07-20-16, 12:49 PM |
 Re: هروّب العقارِب عبر مطار الخرتوم _ ونسة حشر | معاوية المدير | 07-20-16, 12:59 PM |
 Re: هروّب العقارِب عبر مطار الخرتوم _ ونسة حشر | HAIDER ALZAIN | 07-20-16, 01:02 PM |
| Re: هروّب العقارِب عبر مطار الخرتوم _ ونسة حشر | حسن ابراهيم كاروري | 07-20-16, 01:04 PM |
| Re: هروّب العقارِب عبر مطار الخرتوم _ ونسة حشر | معاوية المدير | 07-20-16, 02:31 PM |
| Re: هروّب العقارِب عبر مطار الخرتوم _ ونسة حشر | معاوية المدير | 07-21-16, 07:52 PM |
| Re: هروّب العقارِب عبر مطار الخرتوم _ ونسة حشر | عبدالعزيز الفاضلابى | 07-21-16, 10:26 PM |
| Re: هروّب العقارِب عبر مطار الخرتوم _ ونسة حشر | جلالدونا | 07-21-16, 11:09 PM |
 Re: هروّب العقارِب عبر مطار الخرتوم _ ونسة حشر | عزالدين عباس الفحل | 07-23-16, 05:49 AM |
| Re: هروّب العقارِب عبر مطار الخرتوم _ ونسة حشر | عزالدين عباس الفحل | 07-23-16, 05:49 AM |
| Re: هروّب العقارِب عبر مطار الخرتوم _ ونسة حشر | عزالدين عباس الفحل | 07-23-16, 05:49 AM |
| Re: هروّب العقارِب عبر مطار الخرتوم _ ونسة حشر | معاوية المدير | 07-24-16, 10:34 AM |
| Re: هروّب العقارِب عبر مطار الخرتوم _ ونسة حشر | معاوية المدير | 07-26-16, 09:26 AM |
|
| |
معاوية المدير
فيس بوك
تويتر
انستقرام
يوتيوب
بنتيريست