|
Re: السودانيين يموتوت برصاص الشرطة المصرية ب� (Re: Mohammed Abuzaid)
|
حسبي الله ونعم الوكيل انا اقسم ياود القاضي بان بوستك دا مسكون ايوة مسكون بشواطين مساطيل كمان المصيبة اغلب المتداخلين خاصة المدافعين عنك عندهم مشكة مع حرفي ( القاف ) و( الغين ) عليك الله شوف ود ابوزيد الفوق دا مبهدل الدنيا كيفن الحاجة التزعل انهم وبعد اميتهم المستفحلة بناصروك وبحرشوك انك ما تشتغل بينا
ود ابوزيد ... قوم لف !!!!
| |
|
|
|
|
|
|
Re: السودانيين يموتوت برصاص الشرطة المصرية ب� (Re: سيف الدين محجوب)
|
الأخ سيف الدين محجوب
تحياتي في رحلة إمتعاضك عن ود القاضي دا غلطت في ناس كثير او ربما لم تقراء مابين السطور كويس ، ليس بناصحا لك ولا يحق لي ودائما أتجنب أن أرتدي جلاب الناصح ولكن باب المؤمن مراءة أخية وعشمي فيك وللضمان كدة وجب عليك الاعتذار للأخوان محمد البشرى الخضر ومحمد ابوزيد والعم عثمان عووضة .
فائق شكري وتقديري
| |
|
|
|
|
|
|
Re: السودانيين يموتوت برصاص الشرطة المصرية ب� (Re: عادل الباهي عبدالرازق)
|
ود الباهي نهارك سعيد لن اطيل عليك بس كل الحصل كان نيجة رد فعل لردود معينة لم يجانب كاتبيها الصواب مثال : اخونا ود البشرى لامني على مهاجمتي للمدعو القاضي وقدرت ما ذكره واعتذرت له و للقاضى في رد الا انه وفي رد آخرمنه حسيت بانه ما خد الموضوع تهريج موضوع ( سؤال القاضي لاحد الاعضاء عن كم عمره يا ود البشرى ) ولم تعجبني مشاركته ... فكتبت له وسحبت اعتذاري فاذا به يستفزني مرة اخرى عن موضوع الاعتذار ولم ارد عليه تفاديا من الدخول معه في مهاترات لا جدوى منها
عمك عووضة وود ابو زيد (اهل الغين ) راجع ماكتبوه لي في الاول بعدين لومني اذا انا غلطان عليهم
احترامي اخ عادل
| |
|
|
|
|
|
|
Re: السودانيين يموتوت برصاص الشرطة المصرية ب� (Re: محمد احمد القاضي)
|
Quote: حسبي الله ونعم الوكيل انا اقسم ياود القاضي بان بوستك دا مسكون ايوة مسكون بشواطين مساطيل كمان المصيبة اغلب المتداخلين خاصة المدافعين عنك عندهم مشكة مع حرفي ( القاف ) و( الغين ) عليك الله شوف ود ابوزيد الفوق دا مبهدل الدنيا كيفن الحاجة التزعل انهم وبعد اميتهم المستفحلة بناصروك وبحرشوك انك ما تشتغل بينا
ود ابوزيد ... قوم لف !!!! |
الأخ محمد القاضي تجده وبرغم الهجوم الشرس الذي يُشّن عليه من البعض, يمتلك من الصبر وطولة البال ما يجعل الكثير يحترمه.
وبغضّ النظر عن طبيعة وأسلوب تناوله وطرحه للمواضيع إلّا أنني شخصياً لم أجد له تعدّياً على أحد في جلّ مواضيعه التي قام بطرحها, ولا أظنه يوماً قد مارس حقّه في حذف أي مداخلة رآها شاذَة أو لم تعجبه أو كان فيها تعدِ وردت في أي من موضوعاته.
تحية خاصة للأخوة عادل الباهي عبد الرازق والوليد الشيخ.
أجد البعض قد تمادى في الفجور والعداء بصورة تجعل الحليم أحمقاً، والعاقل أخرقاً. ولا أجد مبرراً مهما عظُم لأي نوع من أنواع التعدي على الغير, اللهم إلَا (الفجور في الخصومة وروح العداء الغالبة على طبع الكثير والمعهودة عند بعض البورداب). أنأى بنفسي عن الانسياق بالرد بالمثل على سفور البعض. وقديمأً قيل . . . (ومَنْ لا يَتّقِ الشَتْمَ يُشْتَمِ).
أخيراً يا ود القاضي. . .
Quote: واصل وما تشتقل بيهم الشقلة |
تحياتي واحترامي للجميع
| |
|
|
|
|
|
|
Re: السودانيين يموتوت برصاص الشرطة المصرية ب� (Re: Mohammed Abuzaid)
|
Quote: عادل الباهي نسي يترحم علي ارواح السودانيين الماتو بسينا.... لكن الحقد و الكراهية التي يحملها في قلبه اتجاهي هي السبب... لن اذكره ما قاله من قبل من شتم واضح لشخصي في بوست سابق اقول له الله يهديك |
يا محمد أحمد القاضي أنت البوست دا فاتحو للترحم علي ارواح السودانيين الماتو في سينا ؟؟؟؟؟ بعدين يأخ والله وبالله وتالله لا بحقد عليك ولا بكرهك لا أنت ولا غيرك اكرهك لي شنو وأحقد عليك في شنو ؟ اااي بحتد مع ناس كتار هنا وبنشتم وبشتم لكن مجرد اعمل خروج لا بتزكر شخص ولا بشيل في قلبي من أحد لا أسفيريا ولا علي الطبيعة . طبيعتي كدة فهون علي نفسك ، كثير من الناس بتقراء بوستاتك دي وبيكونو فكرة عنك في رأسهم وبيبخلو عليك بالضغط علي الكيبورد حتي يسدو لك النصح وبيقولو في دواخلهم مسحلب يحرق بي جاز وسخ ، الناس البتتداخل معاك وترد ليك حتي ولو ردهم لم يعجبك دا ما معناها بيحقدو عليك او بيكرهوك . أنت عندك مشكلة ما أو نظرية في راسك دا عاوز تطبقها فالطريق دا مابيوصلك من الاحسن تفكر بصوت عالي حتي تستفيد من تجارب الاخوان هنا .
مع مودتي
| |
|
|
|
|
|
|
Re: السودانيين يموتوت برصاص الشرطة المصرية ب� (Re: عادل الباهي عبدالرازق)
|
ود الباهي اتلومت تب ليه ما سكلت على شهداء سيناء وملت يت شعرك بالرماد
اها ... يلا اشرب تقول لي اعتذر ... يعتذرو لي منو ديل دايرين ليهم واحد ذي اخونا جادات يوريهم المكشم بلا بصلة
اها جاتك في رقبتك طلعوك حاقد وابن ستين.....
مرضونا الله يمرضهم ديل ما منهم رجاء
انا غايتو تاني ما بعقب علي اي كان منهم وطالما طالبتني بالاعتذار عاوزك تجيب لي حقى وتؤكد سلامة طرحي واوكلك في الدفاع عني حالما تطاول احدهم علي
يا حاقد
احترامي سيدي
| |
|
|
|
|
|
|
Re: السودانيين يموتوت برصاص الشرطة المصرية ب� (Re: عادل الباهي عبدالرازق)
|
‘عادل الباهي انت قبل كدة وصفتني باني. ك ل ب و كلام كتير هل هذا رد بيعجب. انت من الاخوان و امنجي و تابع للبشير. انت ما عاجبك اي بوست لشخصي وبعدين شوف انت بتكلم منو و الماس شافية ردردك.. تكتب يا. ك ل ب دا تفتكرو حيفوفني ولا يخلني ما اكتب حقيقة ما تقوله هو تصغير لنفسك و انا ما بنزل لمستواك . عشان اشتم زيك
| |
|
|
|
|
|
|
Re: السودانيين يموتوت برصاص الشرطة المصرية ب� (Re: محمد احمد القاضي)
|
Quote: ‘عادل الباهي انت قبل كدة وصفتني باني. ك ل ب و كلام كتير هل هذا رد بيعجب. انت من الاخوان و امنجي و تابع للبشير. انت ما عاجبك اي بوست لشخصي وبعدين شوف انت بتكلم منو و الماس شافية ردردك.. تكتب يا. ك ل ب دا تفتكرو حيفوفني ولا يخلني ما اكتب حقيقة ما تقوله هو تصغير لنفسك و انا ما بنزل لمستواك . عشان اشتم زيك |
زمان في الحي كان عندنا جارنا زول بيتمتم وشغال بناء يوم كدة من الصباح شغال بيبني في بيت وطالع فوق اها في نسوان جارات دكن الورق ومتشاكلات تقريبا بسبب الاطفال واحدة نجاضة سماحة قاطعة وجسم يودي القسم والثاني احرف جزار مايطلع منها ربع كيلو لحمة وشناتا زاتا مخالفة والضرب بداء في نص الشارع والكوارك فكنت متواجد قرب الحدث أسرعت لفض الاشتباك عمكم البناء التمتام اردلب جاء متلب من فوق واستغل الموقف دخل في نصهن ومسك السمحة وختاها قي حضنو نظام حجاز واول ما وصلت شبكني وهو يتمتم وووود الببببباهي امسك المجنونة بتاعتكم دي قلت في سري بالله شوفو الرجل التافه دا مسك السمحة وفكا لي الشينة وكمان سواها المجنونة بتاعتنا فااااشنو سيف الدين محجوب وابوحسين أمسكو المجنون بتاعكم دا
يا ود القاضي اااي انا مقدم عديل في جهاز الامن يلا اقع اكسر رقبتك
| |
|
|
|
|
|
|
Re: السودانيين يموتوت برصاص الشرطة المصرية ب� (Re: عادل الباهي عبدالرازق)
|
جلالدونا يا خوي اكان سكلي نوع من السمك انا ما بحب كل انواع السمك يعني ما بحب اكل الزفر اما الثكلي فدي امور نسوان فدي في قاموسي مافي نحنا لا بنعرف نسويها ولابنعرف نكتبها حتى بعددين حريشك لود البشرى حركة ما حلوة منك لو عندك معاي شئ تعال لي بالباب
وزي ما قالوا ( البحرش ما بكاتل )
وغير كدا مابينا الا الاحترام
| |
|
|
|
|
|
|
Re: السودانيين يموتوت برصاص الشرطة المصرية ب� (Re: عادل الباهي عبدالرازق)
|
Quote: هي لكن انا لا لبست بدلة و لا شفت اوربا ... لسه بي هدومي المبشتنة الشفتني بيها ديك |
أصلا الامنجية والغواصات الزيك ما بتظهر فيهم بتكون عاملا دكاكين في ميدان جاكسون ومشارك ود الباوقة في بوفية السفارة
ياود القاضي ناس السفارة بعد ما دقوك وشالو الموبايل لو عاوز موبايلك عليك بأبو حسين دا الزول دا واااااصل
| |
|
|
|
|
|
|
Re: السودانيين يموتوت برصاص الشرطة المصرية ب� (Re: عادل الباهي عبدالرازق)
|
سلامات يا سيف الدين أولا انا بعتذر ليك هذه المرة اعتذار جاد عن ما رأيت فيه استفزاز ليك من قبل زي ما قلت ليك لا احد يشتري عداوة مجانية و الدنيا مافيها شي يستاهل, طالما رأيت في حديثي استفزاز لك فأنا اتراجع عنه واسحبه ولك العتبى الشي التاني اتمنى ان تلاحظ لروح الفكاهة و الود التي تسود اغلب المتداخلين في بوستات ود القاضي حتى التي تسخر من منطقه الغريب و اخطاؤه الإملائية و التعبيريرة تكتنفها روح مودة و السبب يرجع في رأيي لود القاضي نفسه وباله الطويل و طريقته في التعليق عليها يمكن دا الشي الخلاني اوجه ليك صوت لوم يومتها لمّا حسيت بشدتك عليه في بعض تعليقاتك, غايتو انا اديت نفسي حق توجيه صوت اللوم لك دون سابق معرفة من باب الزمالة, اتمنى إن لا اكون تجاوزت معك وإن فعلت فلك اعتذار آخر اتمنى أن يرضيك
ملحوظة: الاعتذار اعلاه لسيف الدين فقط بقية الاخوة الاعداء هنا من لدن جلالدونا و ابو حسين وود الباهي وحتى عمّك عووضة, يسمكم :)
| |
|
|
|
|
|
|
Re: السودانيين يموتوت برصاص الشرطة المصرية ب� (Re: ABUHUSSEIN)
|
Quote:
الاعتذار اعلاه لسيف الدين فقط بقية الاخوة الاعداء هنا من لدن جلالدونا و ابو حسين وود الباهي وحتى عمّك عووضة, يسمكم |
Quote: و إعتذارك دا بصرفوا في ياتو بنك و ل بفرشو في ياتو سوق .....؟؟؟ قوم لف إنت قايل نفسك رجب طيب أردوغان |
أنا زاتي غلطان بوست مليان رماديين ومؤنساتية وامنجية وغواصات الدخلني فيهو شنو
| |
|
|
|
|
|
|
|