|
|
|
 Re: ضرورة اغلاق حدود السودان مع دويلة الجنوب (Re: Kabar)
|
تحياتي يا كبر
تدخل السودان لحل أزمة جنوب السودان إجرا إخلاقي ومنطقي جداً وأهم أسبابه هو أنه وقائي من تأزيم الأوضاع الداخلية في نقاطك أولاً وثانياً
السودان أكثر دولة مؤهلة للعب هذا الدور وأكثرها تضرراً من تفاقم الأوضاع في جنوب السودان
اغلاق الحدود ليس بالأمر السهل كإغلاق باب دكان فالحدود ممتدة بين البلدين بحيث يكون من العبث محاولة اغلاقها أمام المواطنين لكن يمكن اغلاقها أمام الشاحنات والبواخر التجارية والسفرية
والحال كذلك يتطلب تدخلا يخفف من الضغط على السودان وحدوده الجنوبية وذلك بخلق حزام أمي بالتعاون مع المجتمع الدولي شمال الولايات الإستوائية (شرق ووسط وغرب الإستوائية)
وذلك يعني الحفاظ على تدفق النفط شمالاً ما يحافظ على البنية التحتية لخطوط أمداد البترول ففي حالة توقف ضخ النفط يتسبب ذلك في اغلاق الأنابيبب وطرق معالجتها لاحفاً لاستئناف نقل النفط مكلفة جداً ومرهقة عملياً وزمنياً
وعائدات النفط يمكن أن تصرف للسودان مقابل تدخله في جنوب السودان كما يمكن أن تصرف على البنى التحتية التي يحتاجها السودان لرعاية جنوده وخدمة شعب الجنوب سودان بما يسمح ببقائهم داخل حدودهم
والفوائد في تدخل السودان كثيرة وقد أعود للإستفاضة في ذلك
| |
  
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
لا حولاااااااا يا كبر دا شنو دا الليلي ...
ولمن عربان سوريا واليمن اتعصرو اتفتحت ليهم الدور والمستشفيات والمدارس ومافيكم زول قال بغم ...
هسي جيت وقلبك يرجف على وضعنا اذا جونا لاجئين من الجنوب ..
ما تخاف علينا نحن اصلا اتعودنا على الشظف والملاواة وتدبير الحال ..
ما فوكا حاجة لو جونا ومليااااار مرحب بيهم ...نقاسمهم الماء والكلاء والنار . كلامي دا عاطفي عارفو لكن دا لسان حال كتااار ..
اتمنى السلام يعم جنوبنا الحبيب وارضا سلاح حتى ينعموا بخيرات بلادهم البكرة ..
صراحة بوست شين شناء ما عادية ..
ولكم وافر الاحترام
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: علي دفع الله)
|
سلام كبر وضيوفه
خليني اختلف معاك يا كبر، الجنوبيين احق الناس بالسودان مافي زول في العالم أولى منهم بالسودان لأسباب كتيرة جدا وانت سيد العارفين.
مسألة اختارو الانفصال بنسبة 99.9% وهم المشو والكلام دا ما مبرر إطلاقاً لأنو ما نمد يد المساعدة ليهم ولا نفتح ليهم بلدنا ، السودان اتملا جنسيات من مختلف دول العالم ليه بالذات الجنوبيين ما يخشو؟
أكتر الساسة الجنوبيين يتحملو وزر الانفصال وتبعاته على الجنوب وهو باقان أموم ما عارف بقى سياسي كيف إنسان أرعن أهوج يتعامل مع الأمور السياسية المعقدة بعقلية مشجعي كرة القدم وهو القاد الجنوب لهذا المصير ؟!
كدي شوف اتفاق الحريات مع مصر شوف كيف نحن متهافتين للتكامل مع مصر وشوف كيف مصر معاملانا ؟! أولى بالحريات الأربعة الجنوبيين ولا المصريين أقرب لينا ثقافياً وعرقياً المصريين ولا الجنوبيين ؟!
أخواننا الجنوبيين حبابكم وكان ما شالكم البيت يشيلكم الرأس
بصراحة الليلة تلومت لوم شديد خلاس
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: يوسف الطيب احمد إدريس)
|
كمال..حبابك يا صديق
كل سنة وانت طيب..
كتر خيرك على المرور..
بالضبط يا كمال السودان يمكن أن يلعب دور مهم للغاية.. لكن يا صديقي ولى زمن الطيبة والأدوار المجانية.. والسودان قدم الكثير الكثير دون مقابل.. ومن حقه الآن ان يطلب مقابل بضمانات واضحة وقوية..
الحدود.. بالرغم من طول الشريط..(اكثر من الفي كليو ميتر) ولكن يمكن التحكم فيها..والولايات السودانية الحدودية يمكن ان تضبط الأمور..
حكاية البترول.. نعم مفهومة.. ويمكن معالجاتها وفق ترتيبات خاصة.. لأن تدفق البترول ليس تدفق لاجئين.. وهو مهم لدويلة الجنوب قبل ان يكون مهم للسودان..
حكاية الإستعانة بالمجتمع الدولي.. السؤال: لماذا المجتمع الدولي على استعداد للضغط على السودان ولا ليس لديه استعداد لإجبار الأطراف المتنازعة في الجنوب لحل المشكل؟..
يمكن ان تحدث عملية مقايضة واضحة المعالم: ان يكون لحكومة الجنوب دور واضح في حكاية الحركات المسلحة السودانية ، وان يكون للأمم المتحدة دور واضح في سحب اليوناميد من الأراضي السودانية ، وان يكون لأمريكا دور واضح في رفع العقوبات الإقتصادية عن السودان.. بخلاف ذلك ليس للسودان الحق في ان يقدم خدمات مجانية..
ونشوفك
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
هههه..
علي دفع الله..حبابك يا صديقي
ده اسم سوق (المعاصر)..
يعني يا علي لو بكرة الكيزان عملوا حملات في الخرتوم لدعم غزة انت ح تقول شنو؟..
شرحوا: ليه الناس بتلوم في دعم العربان ، وهسع زعلانة لمن نقول ما دايرين لاجئين جنوبيين؟..ولا انتو الإنسانية عندكم خيار وفقوس..!
سوريا واليمن يا علي لم تفتح عواصمها للحركات المسلحة السودانية لتنطلق من اراضيها وتسوم اهل السودان العذاب..!
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
يوسف..حبابك يا صديقي
كتر خيرك على المرور..
ومثلما قلت لعلي دفع الله.. ايضا اقول.. مصر لم تفتح ابوابها واراضيها لحركات سودانية مسلحة تنطلق منها وتسومنا العذاب والحرمان من الأمن والإستقرار والتنمية..وجوبا فعلت كل ذلك..
خيار الإستفتاء الجنوبي شأن داخلي.. ولا يهمنا وباركنا ليهم الإستقلال.. لكن كمان حكاية نبقى ليهم دادا ولا جليسة اطفال فهذا دور يجب ان يتوقف..!
نعم الشعب الجنوبي اقرب الينا وجدانيا وثقافيا وفكريا.. لكن يا صديقي لقد ولى زمن الطيبة.. في ظروف اخرى غير الحالية..حبابهم عشرة.. !!
حب الخير للأخرين لا يعني ان نرمى انفسنا في التهلكة..!
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: علي دفع الله)
|
يا راجل اختشي
انت قطعت الالف الكيلومترات من بلدك ومشيت لشعب ما عندك معاهم علاقة لا ثقافيا لا دينيا الا عرقيا
قبلوا بيك وفتحوا حدودهم وبيوتهم قدموا لكم كل معينات الحياة فقوت عودكم فرجعتم تتطالبون باغلاق الحدود
للفارين والعجزة من جحيم الحرب وهم اهل هذا الارض ظلموا نصف قرن من الزمان وحقوقهم كانت تذهب لفسلطيين وغيرها
شفت الجينات تتفاعل كيف عند الكراهية
واذا ظهر لك واحد في شوارع ادمنتون او هلي فاكس وقال ليك Go back home تزعل وتقول عنصرية
مهما تعايشتم مع التسامح .... ببقي اصل القنطور تراب
السودان قرر منح 22 الف جنسية للسوريين !!!!!!!!! نقول مرحب بيهم اذا ضاقت بهم ارضهم
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Idris Logma)
|
بل تفتح لهم الحدود والبيوت والأسواق
هم أهلنا وفصلتنا عنهم السياسة .. وهذه الحدود التي تتوهمها يا كبر هي حدود وهمية
مرحب بكل أهلنا من الجنوب في أرضهم أصحاب دار لا ضيوف ....
بعديــن يا جماعه مل تلوموا كبر دا ساي بعض من السودانيين " ربما يكون كثير" فرح جدا عندما تدفق أرتاح من السوريين
فاق عددهم ال100 ألف لاجيء سوري ... لم تحصرهم الحكومة في مخيمات لاجئين كما تفعل لبنان والأردن " مخيم الزعتري نموذج"
بل فتحت لهم صالات مطار الخرطوم .. بالأمس تم إفتتاح مدرسة لهم في قلب الخرطوم ... بينما يطالب البعض بقفل الحدود مع الجنوب
لماذا لأنهم " شينين " وما بشبهوا العرب ... يعني كبر ما براه كثييرين زيه
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: عبدالعظيم عثمان)
|
لا ليس كذلك يا كبر...
إن كانت هناك حدود ستفتح لإستقبال اللآجئين من الجنوب فيجب ان تكون هي حدود إخوانهم في الشمال.
بل يجب ان تذوب هذه الحدود الوهمية وفي هذه المِحنة دي وبالذات....
أعيب علي الجهات الرسمية وخاصة منظمات العمل الإنساني عدم إهتمامها بأوضاع اللآجئين هناك
وغياب الأهبة والاستعداد لإستقبال اللآجئين..
رسل لي صديق في شمال كينياصور توضح مدي إستعدادهم وجاهزيتهم لإستقبال تدفقات اللآجئين من جنوب السودان
بعد صراع أول الامس في جوبا. لو أيقونة رفع الصور دي شغالة ممكن ارفع ليك المعسكر الذي تم إعداده لإستقبالهم.
وقفتنا مع الجنوب في هذه المِحنة هي التي سوف تساعد في الاستقرار والسلام بعيدا عن مزايدات كير او البشير والمختلفون
معهم من القوي الشمالية والجنوبية...
اقترح عليك ان تعدل البوست وتبديل كلمة إغلاق بفتح عشان تبني جسور تواصل وسلام بين ابناء الوطن الواحد...
إنها الإنسانية صديقي كبر.....
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: عبدالعظيم عثمان)
|
| Quote: مصر لم تفتح ابوابها واراضيها لحركات سودانية مسلحة تنطلق منها |
طيب لو بالمنطق دا يا كبر مفترض السودان يسوم : تشاد ، إثيوبيا ، فرنسا ، بريطانيا ، أمريكا سوء العذاب الدول دي فاتحة أبوابها وأراضيها للحركات المسلحة وما شرط انها تنطلق من اراضيها عشان تنفذ عمليات مسلحة ، في دول من بتنطلق منها كل عمليات الدعم السياسي والعسكري منها ؟! الحل شنو يا كبر
وبعدين يا كبر انتو السوريين والجنسيات الجاية عليكم عارفينهم ولا شايفين (الرقشة) وقايلين القبة تحتها فكي ؟!
عندك البورماويين عندهم حق يدرسو في السودان مجاناً وعلى حساب الدولة ؟! الناس دي بتعرفوهم كويس ولا الشغلة طلقيت ؟!
والله وثم والله المصايب الشغالين ليكم فيها ناس الإنقاذ ديل وجايبنها علي السودان إلا يجي يوم يخليكم تتمنو الجنوبيين يحتلونا عديل، قعدنا في الخليج وشفنا اكتر من 150 جنسية وعرفنا كل عيوب الجنسيات ومشاكلها، السوريين ديل ما تفتكرهم ملائكة رحمة ولا البرماويين ، ناس جايين بمشاكلهم وإجرامهم ومصايبهم ما الله وحده به عليم .
ياخوي جناً تعرفو ولا جن ما تعرفو الجنوبيين ديل نحن بنعرفهم وبعرفونا زي بطنهم
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: عبدالعظيم عثمان)
|
ول ابا ادريس لقمة..حبابك
كتر خيرك على المرور..
اها شفت الحنك العاضي بتاع ظلموهم نصف قرن ولا سنة ضوئية..ده حنكا ما بيقسم معانا يا قريبي.. اعترفنا بظلمهم واديناهم دولة ..يعني تاني نبقى ليهم داده..!
الدول الجينا ليها قبلتنا لأنو الخرطوم ما كانت مفتوحة لحركات متمردة من الدول التي عشنا فيها..!
دويلة الجنوب في حالة انفلات..لا سيلفا كير قادر يضبط عساكرو ولا رياك مشار.. يعني الحرب ح تكون مدورة في الجنوب طيلة العشرين سنة الجاية.. ودي مسئولية كبيرة يا عمك..
اهلنا قالوا الضاق عضة الدبيب بيخاف من مجر الحبل.. يعني دايرين نفتح الحدود عشان بكرة تجينا البارونة كوكس وتشبكن استرقاق واستعباد وشنو كده ما عارف..ولا دايرين نفتح الحدود عشان بكرة تجينا منظمات دولية تشبكنا اضطهاد وبطيخ.. اخير يقعدوا في بلدهم الشالوها ويحل مشاكلهم بعيدا عن السودان..!
الكلام عن مصالح السودان لا يعني كراهية يا ادريس..!
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
عبد العظيم..حبابك يا صديقي
كتر خيرك على المرور..
السوريين ، ونكرر تاني وتالت ، لم يفتحوا عواصمهم ومدنهم لحركات سودانية مسلحة..
ولو قعدوا مليون سنة في السودان ما ح يسلموا امرهم لمنظمات دولية تقعد تحرشهم ليل ونهار للعمل ضد مصالح السودان..
فشنو القصة ما قصة عرب ولا ديل سمحين وديلاك شينين.. وانما قصة مصالح دولة ..
الناس ديل دولة مستقلة.. والنوستالجيا دي ما بتجيب حقها يا قريبي..
نعم لإغلاق الحدود السودانية مع دويلة الجنوب..
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
Quote: عبد العظيم..حبابك يا صديقي
كتر خيرك على المرور..
السوريين ، ونكرر تاني وتالت ، لم يفتحوا عواصمهم ومدنهم لحركات سودانية مسلحة..
ولو قعدوا مليون سنة في السودان ما ح يسلموا امرهم لمنظمات دولية تقعد تحرشهم ليل ونهار للعمل ضد مصالح السودان..
فشنو القصة ما قصة عرب ولا ديل سمحين وديلاك شينين.. وانما قصة مصالح دولة ..
الناس ديل دولة مستقلة.. والنوستالجيا دي ما بتجيب حقها يا قريبي..
نعم لإغلاق الحدود السودانية مع دويلة الجنوب..
كبر |
سلامات يا كبر " أسف لعدم إلقاء التحيه" سقطتت سهوا
منو القاليك ما حيسلموا أمرهم ؟
أرجع وشوف قصة السوداني الشغال مع واحد سوري علوي
أجبره علي تغيير إسمه من عمر الي جعفر ....
شعب جنوب السودان جذء لا يتجزأ من السودان الكبير .. يستحق أن تفتح له الحدود بعيدا عن مكايدات السياسة
موضوع التلصق في العرب دا موضوع ما بحتاج الي شرح
أرحجع لي قصة السوريه مع السودانية الأصيله الحاجة فاطة
كيف تفاعل السودانيين مع القصة .. ونسوا أن الحاجة فاطمة صاحبة الفضل تستحق هذه النفرة
كثيرة هي القصص التي كشفت متلازمة التلصق في العرب مع لجوء السورين الي السودان
الهم أشفي أهل السودان من داء متلازمة التلصق في العرب وكل صاحب لون أبيض
قول أمين يا كبـر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Idris Logma)
|
نعم لفتح الحدود يا كبر
من اجل المستضعفين في الأرض الذين لا حول لهم ولاقوه
من اجل الأطفال والمرضي والعجزه وكبار السن
من اجل المسالمين الذين لايحملون السلام لقتل إخوانهم
....
لكن يجب ان تفتح الحدود واستقبال اللاجئين بالتنسيق مع المنظمات الدولية لعمل المعسكرات اللائقة
وتقديم الخدمه اللائقة بمشاركة السودانييين بكل طوائفهم
نعم لاستقبالهم نظاميا وتسجيلهم وحصرهم وتنظيمهم .. تماما مثلما يحصل للاجئين في المناطق الأخرى
......................
اما اذا كانت في اتفاقيات بين الدولتين تسمح بمعامله الدوله لشعب الدولة الأخرى معامله خاصه فيجب تفعيلها ..
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: وضاح عبدالرحمن جابر)
|
سؤال : هل اللاجئين السورين الذين يفوق عددهم ال100ألف في مخيمات معزوله وبإشراف الأمم المتحده ؟
ولماذا يتركون وتفتح لهم الأبواب والأسواق .. ويتم التضييق علي كل آتي من أفريقيا؟
هل تعالت أصوات المناديـن الآن يغلق الحدود أن تفعل الحكومة هذا مع اللاجئين السورين
لماذا كل هذا الكره والذعر والرجفه من أفريقيا ؟
ينعل أبو الدبل ستنادر
ولله في خلقه شؤون
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: عبدالعظيم عثمان)
|
| Quote: نعم الشعب الجنوبي اقرب الينا وجدانيا وثقافيا وفكريا.. لكن يا صديقي لقد ولى زمن الطيبة.. في ظروف اخرى غير الحالية..حبابهم عشرة.. !! |
رمضان كريم.
أقرب إلينا شنو يا زول ديل مننا وفينا .. بعدين فتح الحدود ما طيبة
دا واجب أخلاقي لمواطني الدول المجاورة فى مثل هذه الظروف فما
بالك بـ مواطني دولة جنوب السودان!!!.
كل عام وأنت بخير.
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
العزيز كبر تحياتي طالما أن دولة الجنوب عضو كامل العضوية في الأمم المتحدة فليس من المصلحة التقليل من شأنها وتسميتها دويلة زرت كثير من الدول الأفريقية وجنوب السودان أفضل منها بمراحل وهذا هو حال أفريقيا معظم الدول لا تملك من مقومات الدولة إلا الإسم هذا من ناحية من ناحية أخري وبوصفي مواطن من ولاية جنوب دارفور لا أوافق علي إغلاق الحدود مع الجنوب بل تركها مفتوحة للتجارة والرعي والزراعة والتداخل الإجتماعي ومرحب باللاجئين الجنوبيين فلدينا تجاهم إلتزامان أحدهما مبعثه قوانين اللجوء الدولية والآخر مبعثه صلة القربي والجوار ونحن في دارفور وكردفان بحاجة إلي سواعد هؤلاء اللاجئين في مختلف ضروب النشاط الزراعي والتجاري والخدمي وهم أولي بذلك من الأثيوبيين والأريتريين وغيرهم وبذلك هم يستفيدون والسودانيون يستفيدون يعني win win situation هذا الجميل الذي يصنعه السودان تجاه المواطن الجنوبي سيجني ثماره مستقبلاً المواطن السوداني أمناً وسلاماً وإستقراراً ومعاملة تفضيلية في الجنوب لاحظ أنا هنا معني بالمواطن الجنوبي وليس الطبقة السياسية الحاكمة أو المعارضة فالعلاقة مع الشعب باقية ومع السياسيين زائلة
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
Quote: ثالثا: الأصوات الدولية التي تنادي بان يلعب السودان دورا في حل المشكل في دويلة جنوب السودان ، هي اصوات تفتقر للأخلاق والمنطق ، لأنها هي نفسها الأصوات التي كانت تتعالى وتنادي بان يذهب الجنوب لحاله وكانت حساباتها ان انفصال الجنوب هو حل لمشاكل اهل الجنوب مع السودان ، وسمح السودان بانفصال الجنوب ، فلماذا يتحمل عبء حل مشاكل دولة استقلت بذاتها واختارت الحرية والإستقلال؟..نفس هذه الأصوات هي التي تدعم بقاء قوات الأمم المتحدة في التراب السوداني ، وهي نفسها التي تفرض على السودان عقوبات اقتصادية يعاني منها الشعب السوداني اكثر من الحكومة السودانية.. فماهو المقابل الذي تعرضه تلك الأصوات لتدخل السودان في حل مشكلة دويلة الجنوب الداخلية؟
رابعا: على الحكومة السودانية ان تجلي رعاياها في دويلة جنوب السودان وفق خطة واضحة ومضبوطة تمنع تسرب اهل دويلة الجنوب الى السودان . |
جدع يا كبر ...فعلا انت رجل قانونى بارع وسياسى متكمن هذه هى سلامة
الخطوات التى ينبغى على السلطة السياسية اتباعها ..فى البدء ...وانجاز الملفات المستعصية التى يدفع فاتورتها الشمال ظلما وبهتانا...ملف العقوبات والحصار..2/ ملف ازمة دارفور 3/ ملف المنطقتين جبال النوبة والنيل الازرق
4/ملف الجنائية والقوات الاممية...على الغرب السياسى والثقافى والدينى ان كانت تهمه هذه الدويلة الفاشلة عليه ان ينجز هذه الملفات لمصلحة الشمال والا.........
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: على تاج الدين على)
|
ودابا كبر سلامات
كل عام وانت بخير وللاسرة
البقاري كم قالوا له الثور اكلوا الوحل بروح بقع في الوحل
خليك من الكلام الما بشبهك دا واتركه لناس الطيب مصطفي وكمال عبيد صاحب الحقنة
انت اهلك كل يوم داخلين وخارجين من دولة الجنوب بدون تاشيرة وما حيعترفوا بتاشيرة لو جبت كل بوليس الهجرة في العالم
شفت الواقع كيف والخيال كيف
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: على تاج الدين على)
|
في ناس استفدوا من حكومة الكيزان و سوء سمعتها فى العالم. عملوا بيها كيسات لجوء فى لهولندا و رجعوا يمجدوا عصابة الانقاذ و يدعموها. زمان انشتاين قال: شيئان ليس لهما حدود، الكون و غباء الانسان. لكن انشتاين لو سمع بالحكاية دي ممكن يقول ثلاثة اشياء ليس لها حدود، الكون، زائد غباء و رذالة الانسان!
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: abubakr salih)
|
| Quote: في ناس استفدوا من حكومة الكيزان و سوء سمعتها فى العالم. عملوا بيها كيسات لجوء فى لهولندا و رجعوا يمجدوا عصابة الانقاذ و يدعموها. زمان انشتاين قال: شيئان ليس لهما حدود، الكون و غباء الانسان. لكن انشتاين لو سمع بالحكاية دي ممكن يقول ثلاثة اشياء ليس لها حدود، الكون، زائد غباء و رذالة الانسان! |
سنظل ندافع عن مصالح بلادنا العليا فى الامن والاستقرار ...ولن يكون السودان متساهلا مرة اخرى مع الوافدين والفارين والنازحين دون ضوابط كما
وقع فى السابق عندما كان معبرا للحج والهجرة ...ومشروعات العمل ...فكفاية استقبلنا من نيجريا ومالى وتشاد ...الخ وصاروا وبالا على بلادنا ...انا سودانى قح ادافع عن قضايا بلادى بالمنطق الذى يروق لى فما شان الوافدين من نيجريا
وغيرها بقضايا بلادى وهمومها وشواغلها؟؟
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: على تاج الدين على)
|
Quote: دويلة الجنوب في حالة انفلات..لا سيلفا كير قادر يضبط عساكرو ولا رياك مشار..
يعني الحرب ح تكون مدورة في الجنوب طيلة العشرين سنة الجاية.. ودي مسئولية كبيرة يا عمك.. |
سلآمات يا عمّك .
يا كبر خليك جدع ؤ لا تتضارى ورا الحروف،
قول بالمفتوح كدي المواطنين العُزّل الأبرياء من عجزة ونساء وأطفال خليهم طوال هذه
الأعوآم يتفحموا داخل هذه المِحرقة ولا تُفتح لهم طاقة ينعموا منها بالهواء في الحدود .
مُش دا ياهو كلآمك ؟، خليك جدع وواضح ولا تلجأ لحيل المحامين .
إتحدآك يا كبر لو تجيني بكندي وآحد يوافقك ولو بحرف علي وحشيتك دي، يا سيدي
كل شئ يسقط في سبيل إنقاذ روح ...
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: عزالدين عباس الفحل)
|
Quote: سنظل ندافع عن مصالح بلادنا العليا فى الامن والاستقرار ...ولن يكون السودان متساهلا مرة اخرى مع الوافدين والفارين والنازحين دون ضوابط كما
وقع فى السابق عندما كان معبرا للحج والهجرة ...ومشروعات العمل ...فكفاية استقبلنا من نيجريا ومالى وتشاد ...الخ وصاروا وبالا على بلادنا .
..انا سودانى قح ادافع عن قضايا بلادى بالمنطق الذى يروق لى فما شان الوافدين من نيجريا
وغيرها بقضايا بلادى وهمومها وشواغلها؟؟ |
بالله شوفوا هذا الوافد بقول شنو
اثبت انك سوداني قبل ما تصف الاخرين
كل إناء بما فيه ينضح
كدا قول لنا انت اجدادك دخلوا السودان حاملين زاد اي مستعمر من المستعمرين
دي دجاج الخلغ بطرد دجاج الحلة ولا شنو ؟؟؟
بكرة اواك تقول للهولندين نازحين ولاجئين ووووووو !!!!!!!!!!!
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Idris Logma)
|
سلام كبر استقبال من يهرب بحياته من الحرب حق يكفله الوجدان السليم قبل الدساتير والحقوق أربأ بك وانت رجل حقوقي أن يدفعك الحنق ألا تفرق بين بغضك للحركة الشعبية وبين المواطن الجنوبي المكتوي بنار الحرب في دولة وتسميها انت دويلة شماتةً منك واقتباساً من كودي مع التصرف للإنسانية وجه واحد
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
حكومة جنوب السودان تمنع مواطنيها من طلب الحماية بمعسكرات مقر الأمم المتحدة في جوبا
Quote: جنوب السودان: الجيش يمنع النازحين من دخول مقر الأمم المتحدة
الثلاثاء 12/يوليه/2016 - 12:22 م
وكالات
منع جيش جنوب السودان النازحين من دخول مجمع للأمم المتحدة فى جوبا، وقالت منظمة الأمم المتحدة إن كثيرا من المدنيين محاصرين فى كنائس ومدارس دون مياه وفى ظروف صحية سيئة.
من جهتها دعت مفوضية شؤون اللاجئين جيران جنوب السودان لإبقاء الحدود مفتوحة أمام من يطلبون اللجوء والاستعداد لتدفق محتمل للاجئين
|
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kostawi)
|
من وجهة نظري تعتبر أحداث جوبا حاله إثتثنائيه وهي بمثابة(موت او حياه) وعليه يجب فتح الحدود علي مصراعيها لتستقبل أشقائنا الفارين من تلك الحرب بجوبا.
لكن من وجهة نظر دوليه يحق ان نقول الآتي:
نحن السودانين من أكثر دول العالم بنتعامل بالعادات والتقاليد والمن ضمنها كرم الضيافه بالطبع هذه الأمور ممتازه ويجب تشجيعها علي المستوي الشعبي الغير رسمي لكن الأمر يختلف تمامٱ علي المستوي الرسمي للدول لان العادات والتقاليد قد يُساء إستخدامها وهنا نجد ضررها قد يكون أكثر من نفعها لأن هذه الموروثات السمحه، علي مستوي الدوله لاتتماشي مع المواثيق والمعاهدات الدوليه، وذلك نعزيه لإختلاف الفاعلين الدولين والقانون العالمي الذي ينظم مصالحهم كما ان العادات والتقاليد لايعترف بها في نظم الدوله الحديثه وهي لاتطور وعيّ الشعوب بالقانون(الدولي) كما أنها لاتستطيع أن تعالج التفلتات الناجمه من ممارساتها البريئه داخل المنظومه الدوليه(تساعد لاجئي وإنت غير مستوفي شروط السلامه المتفق عليها دوليٱ قد تتسبب في اذي لاجيء او في قتله وذلك بإستخدام عاداتك وتقاليدك بالرغم من برائتها) فتلك جريمه يحاسب عليها القانون رغم حسن النوايا لأنك لم تتبع القانون المنظم لك كدوله داخل المنظومه الدوليه!
وعليه، يجب مراعاة الموضوع بمجمل ملابساته المتشابكه والمتداخله وهي:
إقتصاديه،سياسيه، قانونيه، أمنيّه وإجتماعيه ...
تلك مسئولية المجتمع الدولي بمافيهم دولة الحدث وهي ج السودان ودول الجوار(الشقيقه).
الآن ومن المؤسف نجد، علاقات الدول مرهونه بالمصالح(إقتصاديه، سياسيه).
فدولة الجنوب هي دوله جاره وعضو كامل العضويه بالأمم المتحده،
لذا، من مصلحة الفارين من الحرب بجوبا أن يتعامل السودان مع قضاياهم وفقٱ للمواثيق والعهود الدوليه ليضمنوا تحيّد العادات والتقاليد المصحوبه بالأهواء والمصالح التي دائمٱ ما تتدخل في تشويه سمح هذه العادات(كرم الضيافه) وقد يستغلها السياسيون لتحقيق مصالح ذاتيه ضيقه او يستغلونها لخدمة آيدلوجيات بعينها.
علي السودان ان يتعامل مع الأمر وفق الشروط التي تنظم علاقات الدول مع بعضها البعض(حرب وسلم) وهذا يكون ضمان للطرفان( بلا مِنّه وبلاشكر من أحد) ليستفيد المتضرر من دولة جنوب السودان (مزايا القانون الدولي) ،كما تستفيد الدولة المستضيفه هي الاخري من نفس تلك المزايا لتقدم خدمات بمواصفات يرضي عنها القانون الدولي وان تتحمل مسئولياتها تجاه هؤلاء اللاجئين..
من هنا نناشد المسئولين بدول الجوار والأمم المتحده ونقولوا لهم أفتحوا الحدود وساعدوا هؤلاء المساكين حتي ولو بالعادات والتقاليد.
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Mohamed Adam)
|
عييييييييييييييييييييييييييييييك!
جاب ضقلا، يلولح، العربي الجانا من الاندلس!!
كده ورقة التوت سقطت تماما، وبهذا تعريت تماما، كعروبي يكره روحو او اهلو!
هذا يوضح للكل، سر مواقفك البتبدو غريبة للعين الغير مدربة!
هذا يوضح بجلاء، كيف كقبلي وجهوي قبلت دور الاداة كمراحيلي، والان جنجويدي في ابادة اهلك، باعتبارم "زرقة" وانتا "عربة"!
كراهية امثالك لي اهلو دينكا نقوك في جنوب كردفان، هو المحرك الاساسي الذي لايتحرك لكل الكلام الخارم بارم البتدشو هنا، كمجولب!
عاين للمحتفلين بي كلامك العار ده، وحتعرف ليه الحدود اصلا مغلقة في وجه امثالك في وعي هؤلاء، من اوباش الجلابة من امثال الفحل وعلي تاج الدين!
ياكبر:
هل انتا لي روحك وامثالك بشر زاتو في عيون المتحلقين هنا حولك، كالعادة مشيلنك وش القباحة، وعلي الدوام بيستخدموك كورق تواليت ياكبر، لمسح المؤخرة، بعد قضاء الحاجة؟
هو لي روحو كمهمش و"غرابي حاقد" الحدود متربسة في وجه امثالو او بعد ده يسووي اقفلو الحدود في وجه اهله!
حقيقة مؤلم، مؤلم، حد البكا، وعي الاستلاب!
The Oppressed Mind
عليك شابيب الرحمة يا استيف بيكو، يوما ولدت، ويوما استشهدت تحت التعذيب، ويوم تبعث حيا!
عزيزي القارئ،
الحقيقة المرة، اني كجلابي اري في مراءة الماساة المجولب كبر، كارثة وجه، طريقة تفكيري، معكوسة!
دي فرصة للكل في السودان الحالي بالذات الجلابة من امثالي، يتاملو طريقة تفكيرم، المضحكة، الكارثة بحق وحقيقة!
يا امون، لانسالك رد القضاء ولكن نسالك اللطف بعبادك في ارض كوش!!
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Bashasha)
|
| Quote: شرحوا: ليه الناس بتلوم في دعم العربان ، وهسع زعلانة لمن نقول ما دايرين لاجئين جنوبيين؟..ولا انتو الإنسانية عندكم خيار وفقوس..! |
Quote: نعم الشعب الجنوبي اقرب الينا وجدانيا وثقافيا وفكريا.. لكن يا صديقي لقد ولى زمن الطيبة.. في ظروف اخرى غير الحالية..حبابهم عشرة.. !!
حب الخير للأخرين لا يعني ان نرمى انفسنا في التهلكة..! |
هووي يا صديق، إنسانية شنو وآخرين شنو؟
الناس ديل منك تب وانت منهم، زيما منك الدنقلاوي والرباطابي والهدندوي والبقاري،
الجنوبيون جزء أساسي من ثقافتنا السودانية مثلهم مثل بقية القبائل
فلا يمكنك أن تتحدث عن سودان (أي سودان تشاء) وتستثني منه سكان الولايات الجنوبية أو قبائلها فبذلك ينتفي وجود السودان بمعناه المتوارث
وعلي (نا) (كم) وقتئذ تشكيل سودان جديد من غير ما نستخدم خبرتنا المستقاة من السودان الأصلي الفيهو الجنوب
أوعاك تكون مصدق حكاية اختاروا بلدهم دي، ولعبة الكيزان بتاعت الشريعة الما مدغمسة
أنا يا أخوي كبر، شهدت أيام الاستفتاء في جوبا، وشهدتها كصحفي من حقو يسأل ومن حقو يتلقى الإجابة
قسما بالله غير شوية سياسيين ونخبة، باقي الناس ما فاهمين الحاصل شنو
ولمّا تسألهم: عايزين دولة حقتكم براكم
يقولوا ليك: عايزين حرب وموت يقيف
حرام نظلم ملايين الناس من قبائل سودانية أصيلة عشان شوية ألعاب سياسية من شريرين "شماليين" و"جنوبيين"
الكيزان سلخوا الجنوب من بقية السودان مثلما سلخوا القيم والأخلاق النبيلة من الإنسان السوداني
فإذا كنت تؤمن بالأخيرة فعليك أن تؤمن أيضا بأن الجنوب عائد إلى مكانه الطبيعي فور عودة أخلاقنا وقيمنا المسلوخة
و.. عيدك مبارك مع المودة
| |
|
|
|
|
|
|
|
|
 Re: ضرورة اغلاق حدود السودان مع دويلة الجنوب (Re: معاوية الزبير)
|
عندما يصل المرء لدرجة برهنة الباطل على أنه حق والحق على أنه باطل، ومستوى معرفته لم يبرح (حساب التلميذ في ربح وخسارة زلابية الفطور)، فقد تساوت سرعة عقله مع القرقور الرغبوية، الذي يزعم أنه يسير نحو هدفه الوطني بسرعة البرق، قيل (100,000 كم/ الثانية)!
بعض الرويبضة عُلاة العقيرة لو صنّف القرد منهم دمه لوجد 95 % منه جنوبي أرومةَ والباقي موية فووول!
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
أعترض على استخدام كلمة دويلة..
ويجب الاعتراض عليها لو كنا نريد التاسيس لخطاب سياسي وديبلوماسي وفكري جاد ويتمتع ببعد نظر استراتيجي في مخاطبة قضايانا الوطنية او ذات المنطلقات الوطنية ..
ثم انها كلمة فارغة المعنى ..
"إستمر العرب ولهفود طويلة في وصف دولة اسرائيل بهذا التوصيف (دويلة اسرائيل) .. اها حصل شنو يعني ؟!!"
هناك دولة بكل التوصيف القانوني والانساني ..
دولة قد تكون فاشلة او في حالة حرب اهلية كما هو الحال مع دولتنا .. ولكنها دولة
توصيف دويلة هذا أسوأ بكثير من توصيف "جمهورية الموز" لفرانكي .. وهناك شيء كثير من حتى في ذلك.
تحياتي لكبر وضيوفه
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: محمد المسلمي)
|
قرقرقرقر!
محمد ادم، نائب ناظر الجنجويد في خط واحد مع مؤسس خط المراحيل في المنبر محمد النور كبر!!!!
نعم واحد جنجويدي والتاني مراحيلي!!!
نعم عاملين فيها عرب، وبحرضو علي غير العرب، او هم لي روحم مادة استعباد ك"غرابة" حاقدين، في نظر مخدميهم، الولعو نيران الفتنة دي، في دارفور، جنوب كردفان، والجنوب!!!
تاملو طريقة تفكيرنا هذه يا سودانيين!
القشير ده ونظامو، ما مقطوعين من شدرة، يا خلق!
ديل هما احنا ذاتنا، البنورجغ هنا، بغض النظر الواحد شايت علي وين!!!
والله الواحد ماعارف زاتو يضحك ولايبكي!
محمد ادم يتحدث عن القوانين الدويلة وكيف ينبغي معاملة "الجنوبيين" او هو ناسي، انو "غرابي"!
عييييييييييييييييك!
نعم لافرق اطلاقا في معاملة امثال بشاشا اصحاب الحظوة بالميلاد، لمن يسمونهم "غرابة" او "جنوبييين"!!!
عييييييييييييييييك!
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Bashasha)
|
| Quote: ياخي إنت داير تتشاكل تاني مع كبر ، |
اعلاه كلام الجلابي الدواعشي العمبلوق اي عزالدين الفحل، الجعلي "الحر" الجدو الرسول، وهو يحتفل في صمت بي كلام الاداة كبر، عامل فقري جدا!!
نعم زي هوشة العربي من اوربا ده، اي كبر، مفروض تصدر من امثال العمبلوق اي الفحل!!
ولكن ياهو حال الاداة، من امثال موسي هرار وحمرتي، البضحو بي ارواحم تمكينا للجلاد، لانهم "عربة"، او غيرم "زرقة"، وبالتالي عايزين يدهم تكون العليا في الصراع القبلي، الاشعلوهو امثال علي عثمان، شغل فرق "الغرابة" يسودو "الجلابة"!!
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Bashasha)
|
أخونا الأمير الكوشي بشاشا مشتاقين كتير بالذات لألقابك المعهوده والتي توزعها بالمجان علي محاسيبك الغرابه.
وانا متاسف من المفترض إستشيرك قبل ان أعبر عن وجهة نظري.
ياخوي حاول اقرأ مداخلتي مرّه ومرتين بدل ما تقوم ترمينا بلعنات آلهتك الإنسانيه الغير عادله.
أتوسل لك وبحق آلهة الفراعنه أن تسمح للغرابه
ليتكلموا في القانون الدولي كماتفعل أنت وآلهتك.
محبتي لك بلاشروط يا أيها الأمير.
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Mohamed Adam)
|
سلامات الاخ كبر..
موقفك اتجاه حرمان اخوتنا الجنوبيين من حق اللجؤ وطلب الحماية من دويلة السودان الشمالي لا يقل من موقف رفض دولة اسرئيل منح هذا الحق للاجيئن الافارقة...الاستعلاء والعنصرية..كيف نسمح لانفسنا ان نققطع الاف الكيلومترات ونطلب هذا الحق بمكنات مضروبة بينما نستكثره علي هؤلاء اصحاب الوجع الحقيقي في بلدهم الاصل...
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Mohamed Adam)
|
Quote:
ياخوي حاول اقرأ مداخلتي مرّه ومرتين بدل ما تقوم ترمينا بلعنات |
صاحبي اللدود محمد ادم،
ياعزيزي عيب ثم عيب تتكلم عن حدود ومواثيق وماشابه، وكلنا افارقة!
بطول وعرض تاريخ وجودنا علي سطح هذا الكوكب اي عبر ملايين السنين، ماحصل كان عندنا حدود، ولاحصل كان عندنا مواثيق، ولاضباط جوازات علي الاطلاق، في ترحالنا من بقعة لاخري فيما بينا!
مش كده او بس، حتي الجونا من قارات اخري اطلاقا ما طالبناهم بي جوازات ولاتاشيرة، بل دخلو ديارنا واقامو بينا كمواطنين من الدرجة الاولي، لنصبح نحن مواطني الدرجة الثانية في ارض اجدادنا، الي هذا التاريخ!
انتا او كبر بتقولو كلام عفن جدا، غريب، شاذ، ووافد!
كدي امشي السودان او شوف لاجيئ سوريا مقدمين علي اهل البلد زاتا كيف!
لي روحي مشيت مطار الخرطوم حسب مواعيد ادوني ليها، بتاع الامن حماني اخش بي طولي ده، ولكن لما جا صبي سوري، بالله ولاشعوريا العسكري دفر الكرسي كررررررر لي ورا، وقف طولو، يبتسم في بلاهة او قال للسوري اتفضل!
اها لقيتا فرصة، شبكتا ليك فيهو لمن خجل او دنقر، او قال لي خلاص خش!!!
لي متين يا محمد ادم، الاجانب من كل اقاصي الدنيا في بلدنا، يعاملو لو فاتحي البشرة بافضل من اهلها، اللي بيبادو في جبال النوبة مش الخرطوم بالطائرات؟
وين بوستات المراحيلي كبر، هنا ضد توطين واقامة السوريين؟
هل ده صدفة؟
ام هي كراهية الذات الجعلت عماد جيش دويلة امثال بشاشا، ياهم امثال المجولب العار، كبر؟
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Bashasha)
|
Quote: في هذه الظروف المعقدة ، لابد من ان يغلق السودان حدوده مع دويلة الجنوب وذلك للأسباب التالية:
اولا: السودان يعاني مشاكل داخلية عديدة ، ويعاني عقوبات اقتصادية ووجود قوات دولية على اراضيه ، وهذه ظروف لا تسمح باستقبال تدفق لاجئين من دويلة الجنوب ، ومثل هذا التدفق سيزيد تعقيد الأوضاع الأمنية في السودان ، والسودان ليس في حاجة لمثل هذه التعقيدات في الظرف الراهن
ثانيا: الولايات السودانية الحدودة تعاني ظروف اقتصادية وامنية بالغة التعقيد ، وظروفها لا تتحمل تدفق لاجئين من دويلة الجنوب ، وبنياتها التحتية لا تحتمل اعداد اضافية ، لأنها بنيات لا تكفي اهل تلك الولايات ، فما بالك باعباء جديدة؟ |
agree
تحياتي يا ول ابا كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: الامين موسى البشاري)
|
أخونا بشاشا إنت مازلت في تيهك القديم وكمان تتعمد فهم مداخلتي بالطريقه التي تروق بالك وهذا أمر يخصك ونحترمه.إلا ان الحقيقه عكس فهمك تمامٱ يا ايها الأمير المفدي| Quote: صاحبي اللدود محمد ادم، |
يبدو لي إنت بتبحثلك في عدو لدود ولكن إنت في المكان الخطأ... لأنك وغيرك بالنسبه لي صديق حميم مهما كانت خربشاتك عليّ...قلبي مليان محبه تجاه الجميع ...لذا أنصحك ان تذهب وتسأل عن كيف ممكن يصنعولك بالمصانع عدو لدود لتتسلي به وفي نفس الوقت نسأل الله ان تذهب إليها وتجدها مغلقة الأبواب ومختوم عليها بالشمع الاحمر. ..
أكرر فائق محبتي وتقديري
لسمو أميرنا الكوشي المفدي.
.
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Mohamed Adam)
|
يا شاب الاسمك كبر!!
أنت مقيم فى دولة الحضارة والإنسانية، حرام عليك ماتستفيد من هؤلاء فى دروس الإنسانية والقيم النبيلة بالرغم من أنهم غير مسلمين؟
معاهدة جنيف عام 1951 ارجع أقرأها واستفيد منها فى دنياك دى وبعد داك نقدر نناقشك ،لانو هسه رأسك فاضى وفارغ مع احترامي ليك!!
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: الامين موسى البشاري)
|
اخونا العزيز كبر
الكلام الكتبتو ده صادم جدا لسبب بسيط اولها انه لا يتفق مع قيمنا السودانية بتاتا
وياتو يوم يا كبر في سوداني قفل باب بيتو للغريب ده لو صح انو الجنوبيين المننا وفينا بقو غرباء
الشي البعرفو هناك هناك انفصال سياسي موجود علي الورق لكن ما في اي انفصال تاني من اي نوع تاني
عاطفي ، عرقي، وجداني ، انساني لا يوجد
وبرضو صادم لانو جاء منك انت تحديدا وذلك لانو انت الاقرب والاعرف والاعمق وتربطك وثائق عديدة اولها المكانية والعرقية والظرفية
فما تجعل الكيد السياسي بتاع المنبر ده ياثر ويغبش مدي رؤيتنا للاشياء ولا حتي الخطاب السياسي لبعض الاطراف المتطرفة يعترض عمق العلائق بيننا
غايتو علي الرغم من مهزلة الانقاذ في انفصال الجنوب الا ان الغالبية العظمي من السودانيين تعتبر ذلك الانفصال علي الورق وسياسي وعمرو الدم السوداني لا يكف عن الجريان في عروق كل السودانيين شماليين او جنوبيين كما النيل يا كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Imad Khalifa)
|
الأصدقاء..هنا..
حبابكم جميعا.. وكتر خيركم على المرور هنا وابداء الأراء..
تحية خاصة لكل من قال راي واضح باغلاق الحدود أو فتحها..
وتحية للضيوف ناس الضهب ساكت..
وتحية لأصدقاءنا من نافذة الفيس بوك.. وسوف نرفع مساهماتهم في البوست الأساسي لمزيد من النقاش..
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
سيف اليزل..حبابك يا صديقي
كتر خيرك على اقتراح تغيير اسم الخيط.. ولكني اتمسك به لأسباب قد لا يعملها الكثيرون هنا..
نحن يا صديقي ناس ولايات حدودية وامكانياتنا تعبانة شديد ولا تحتمل أي صرف زيادة..
فكرة المنظمات الدولية ، نعم يمكن أن تساهم ولكن السودان عاني كثيرا من دخول منظمات دولية تأتي تحت الغطاء الإنساني وتعمل لأجندة اخرى تضر بمصالح السودان..
اشرنا سابقا الى دول مثل كينيا ويوغندا واثيوبيا، فالسودان الآن فيه ربع مليون لاجئ من دويلة جنوب السودان ، يعني دايرين الجنوب كلو يجي السودان ولا شنو المعني؟..
اهل دويلة الجنوب يا صديقي ، من الغفير لغاية الرئيس عندهم نفس التفكير وعندهم احساس بان العالم يجب ان يخدمهم ويرعاهم.. وعليهم بعد كده الإعتماد على انفسهم..يحلوا مشاكلهم داخليا ويحسموا امورهم..
ودمت..
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
وضاح..حبابك يا صديقي
كل سنة وانت طيب..
كتر خيرك على المرور هنا..
ولقد ذكرت نقطة مهمة للغاية وهي تعني فكرة اغلاق الحدود بطريقة او بأخرى.. وهي نقطة التسجيل والضبط..وتحديد اماكن الإقامة ، يعني معاملتهم كرعايا دولة اخرى..وهذا بعض من مقصدنا بفكرة اغلاق الحدود.. طبعا في ناس الحنين الحايمين هنا.. فاكرين الشغلانة لسع كيري..
بالنسبة للإتفاقيات بين السودان ودويلة جنوب السودان ، هناك مجموعة من الإتفاقيات ..ومنها اتفاقية الحريات الأربعة تماما مثل التي تطبق بين السودان ومصر.. ولكن جوهر هذه الإتفاقية تقوم على السلام وليس اوضاع الحرب الإستثنائية.. وتطبيقها في الوقت الراهن غير مجدي بالمرة..
ومثلما قلت لصديقنا سيف اليزل.. يمكن ان تتدخل منظمات دولية في تقديم المساعدة ولكن لابد ان تكون بعلم السودان وشروط السودان ، والسودان انضرب كثيرا من التعامل بطيبة مع منظمات دخلت تحت الغطاء الإنساني ثم كانت تعمل لأجندة تضر بمصالح السودان..
كتر خيرك يا صاحب..
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
كتر خيرك على المرور..
و(رمضان كريم) برضك..دخلت الستوت ولا شنو يا قريبي؟..
الواجب الأخلاقي حينما يؤدي الى التهلكة بيكون حاجة تانية.. كألإنتحار مثلا..
دويلة الجنوب عندها حدود مع دول عديدة.. وعلي هذه الدول تحمل مسئوليتها.. والسودان لم يقصر في واجبه.. ففي السودان اليوم ربع مليون لاجئ من دويلة الجنوب..ومثلما قلت لصديقنا سيف يعني نجيب كل سكان دويلة الجنوب للسودان ولا شنو العبارة؟..
كل سنة انت طيب يا صديقي
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
محمد الحسن حمدنا الله..حبابك يا صديق
كتر خيرك على المرور هنا..
اولا اعتذار يا صديقي ، كنت ناوي اناغمك في خيط (الحقيقة الغائبة) ولكن الظروف اقعدتنا..
ثانيا مرحب بيك كواحد من ناس الولايات الحدودية.. وديل اهم ناس .. لأن العالم الحايم هنا دي معظمها يدهم في الموية الباردة ولا يعلمون معاناة ولايات الحدود وشح الإمكانيات..
اضف لذلك وجود حركات مسلحة في بعض ولايات الحدود كما في جنوب كردفان والنيل الأزرق..فماذا يحدث لو فتحنا الحدود.. وقام الجيش الشعبي بتاع الجنوب دخل السودان باعتبارهم لاجئيين؟..وهل تستبعد ان يقوم قطاع الشمال بخلق بلبلة عبر قتل لاجئ الجنوب لإحراج السودان؟..ثم من سيكون مسئول عن الإغاثة في بعض المناطق التي يتحكم فيها قطيع الشمال؟..يعني نعيد حكاية شريان الحياة بضبانتها وتكون الحركة الشعبية شمال نالت اعتراف دبلوماسي دولي لتشرف على الإغاثة؟.. وهل المجتمع الدولي ناسي تجربة شريان الحياة في المرة الأولى؟.. هذه هي الإعتبارات التي تهمنا يا صديقي..وتحتاج معالجة واضحة..
تجارة وزراعة ورعي وتداخل اجتماعي .. دي مصالح مشتركة ، ونعرف قيمتها وكتبنا عنها كثيرا ، وهي امور تحدث في ظروف السلم وليس الظروف الإستثنائية كما الحرب..حينما يحدث السلام في البلدين..مافي مشكلة يحدث التواصل والتداخل.. مثلما يحدث مع اثيوبيا وارتريا وتشاد ومصر وغيرها من الدول.. اما الحرب.. فالسودان الآن به ربع مليون لاجئ من دويلة جنوب السودان وهذا عبء كبير للغاية..
غايتو ناس جنوب دارفور..ما بتتوبوا ..هسع دي تفتحوا الحدود..و بكرة يطب عليكم دكتور عشاري ودكتور بلدو والباورنة كوكس.. ونقعد في عييك وعااااك..وقلت لأحد الأصدقاء سابقا..الضاق عضة الدبيب بيخاف من مجر الحبل.. قبل كده اهلك في غرب كردفان اتعاملوا بنفس الطيبة في ظل الحرب الأولى..وفي النهاية جابت ليها رق واسترقاق وتعريب واسلمة ونقة كتيرة للغاية..!!..فشنو الباب البجيب الريح اخير تسدا وتستريح..
الإلتزام الدولي.. كما قلت في السودان الآن ربع مليون لاجئ من دويلة جنوب السودان..والأمم المتحدة التقوم تشرف عليهم وترتب اوضاعهم..!
كتر خيرك على المرور..
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
علي تاج الدين..حبابك يا صديق
كتر خيرك على المرور..
بالطبع هذه قضايا متداخلة مع بعضها البعض..اضافة لهذه الأشياء هناك خارطة الطريق الأفريقية التي رفضت الجبهة الثورية ونداء السودان توقيعها واصرارهم على اعتماد القرار الأفريقي 539 والذي يتحدث عن مصالح الجنوب بصورة اكثر من الحديث عن مصالح السودان..
تدفق اللاجئين في ظروف وجود قوات الحركة الشعبية في جنوب كردفان والنيل الأزرق هو مغامرة غير محمودة العواقب.. وسيفتح الباب للحركة الشعبية شمال بان تطالب بان تلعب دور في الإغاثة والتحكم في لاجئ دويلة الجنوب.. وهذه اشياء لايفكر فيها الكثيرين..!
السودان يجب ان يضبط وجود أي منظمة تعمل في مجال اللاجئين من دويلة الجنوب..وحتى لو سمح السودان بتدفق اللاجئين من دويلة الجنوب يجب ان يتم تسجيلهم و ضبطهم الى ان يعودوا الى بلادهم..
غايتو بالشايفو ده.. ربع قرن قادم لن تستقر دويلة الجنوب.. والقوى الدولية تعض اصابع الندم لدعم عملية انفصال الجنوب..
كتر خيرك..
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
منتصر..حبابك يا صديق
كل سنة وانت طيب..
الوجدان السليم استقبل ربع مليون لاجئ من دويلة الجنوب ولغاية الآن قاعدين في السودان..فهل الوجدان السليم ده فرض على السودان فقط؟..
نقطة مهمة يا منتصر.. السودان ليس كما تتخيله يا صديقي.. والولايات الحدودية تعاني مشاكل كثيرة وعديدة وشح في الموارد ولا تتحمل اعباء ساكت سمبلا كده..
الحركة الشعبية شمال موجودة في الحدود في ولايتين: جنوب كردفان والنيل الأزرق ، وأي وجود لاجئين عبر هذه المنافذ لا احد يضمن سلامتهم وامنهم ..ناهيك ان يكون طرف في صفقات محاولة السيطرة على الإغاثة..واقع ليك الكلام ده يا صاحب؟..
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
ول ابا محمد ادم..حبابك يا صديقي
عيد الحول ما يغضب زول..وكل سنة وانت طيب..
كتر خيرك على المرور هنا..
وتشكر على رأيك الواضح الذي يقف مع فتح الحدود لتدفقات اللاجئين من دويلة الجنوب..
وفقا للمعطيات الموجودة ، ما حدث في جوبا ليس استثنائيا ، والجنوب لن يستقر يا صديقي ..على الأقل في الخمس وعشرين سنة القادمة..
مسالة الضبط وفقا للمواثيق الدولية..هذا هو الوضع الطبيعي ..ولكن الواقع في الحدود فيه تعقيدات كثيرة.. وتجربة تدفق اللاجئين الموجودين حاليا في السودان وتعدادهم ربع مليون ، معظهم كانوا عبر معبر جودة في الحدود مع ولاية النيل الأبيض.. والمدخل الرسمي.. والتعقيدات تاتي ان اجزاء كبيرة من الحدود مثل جنوب كردفان وغرب كردفان وجنوب دارفور والنيل الأزرق..كلها فيها حركات مسلحة .. وبالتحديد جنوب كردفان والنيل الأزرق التي تتواجد فيها قوات الحركة الشعبية شمال..فهناك مناطق خارج سيطرة السودان ، وفتحها يعني بداهة ان تسيطر الحركة الشعبية شمال على الأمور .. ناهيك عن عدم توفر ضمانات سلامة اللاجئين في جنوب كردفان والنيل الأزرق..وأي فتح للمجال هناك يعني ان يدخل السودان في مخاطرة امنية غير محمودة العواقب..!
ترك الأمر للمنظمات..فلقد قلت مرارا وتكرارا..السودان من قبل كان يتعامل مع منظمات كثيرة بحسن النية.. ولكن بعضها كان يعمل ضد مصالح السودان..وهذا الباب يجب ان يغلق تماما ولا نعود لتكرار نفس المآسي التي حدثت في الماضي..!
لذلك كان موقفنا تجاه ضرورة اغلاق الحدود.. لأن السودان يعاني كثيرا..
ودمت..
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
ول ابا معاوية الزبير..حبابك يا صديقي
كل سنة وانت طيب..
وبعد..
ده كلام شنو يا معاوية؟.. يا اخوي هوي الجنوب دولة قايمة بذاتها ، والولايات الجنوبية اليوم هي: النيل الأزرق ، النيل الأبيض ، جنوب كردفان ، غرب كردفان ، وجنوب دارفور..
ناس الجنوب اصيلين في محل اختيارهم بارادتهم..لكن في دول الآخرين ضيوف اجانب..الطيبة زمنها ولى يا صاحب..
جزء من ثقافتنا مافي مشكلة .. لكن جزء من جيبنا المقدود..فدي مشكلة كبيرة يا صديقي..
شريط الحدود يا صاحب فيهو ناس قطاع الشمال (النيل الأزرق ،جنوب كردفان) ومافي جهة في الدنيا بتضمن سلامة أي لاجئ عابر من هناك.. يعني الناس تفر من الموت..عشان تجي تاني تموت سمبلا؟..المنطقة منطقة نزاع داخلي مسلح.. ومافي جهة بتضمن السلامة.. يعني مش بعيد ناس قطيع الشمال يكتلوهم عشان يحرجوا حكومة السودان ، وما بعيد حكومة السودان تكتلهم عشان تحرج قطيع الشمال.. الشغلانة معقدة يا صاحب..!
ودمت..
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
مشاركات من نافذة الفيس بوك:
Akram Kareem · جامعة الخرطوم
هى دولة كاملة الاركان والاعلية وعضو مُعترف به فى الامم المتحدة,, مٍثل هذه اللغة المتعالية هى التى دفعت أهالينا من الجنوب نحو خيار الانفصال,,
يقول كبارنا ( القلم ما بيزيل بلم)..
أعجبني · رد · 1 · 17 ساعة
حزنك ياوطنى احزنى
طبعا حيجو طبالين مايسمى بالانسانيه ومدعين المثاليه ويملونا فقر عن الجنوبين وعن الملائكه المغرر بيهم و و ...
فى هذه المرحله الحرجه لو قامت الحكومه بشجاعه باتخاذ قرار اغلاق الحدود لكان القرار الذى سيمسح كل خطاياها السابقه لانو القرار المناسب فى الوقت المناسب.
ربنا يسهل عليهم ويحلل مشاكلهم لكن بس يختونا كده كده وعندهم دول تانيه حواليهم الجابرهم على العبوديه والاضطهاد هنا شنو؟؟ السودان الفيهو مكفيهو حاليا ولاتنقصه مصائب وخصوصا تحمل تكاليف دوله وشعب فشلو ان يحترمو ادميتهم ولو لشهر واحد فقط متواصل.
أعجبني · رد · 1 · 16 ساعة
Saadeldin Suliman
؟؟!!
أعجبني · رد · 14 ساعة
Adam Mohajer · University Of Khartoum
مرحب باخواننا من جنوب السودان ولو ضاق المكان ففي العين متسع. في اوقات الحروب لا تسطيع دولة جارة ان تمنع تدفق الاجئين اليها وهذا محكوم بقوانين دولية طبعا بفتح معسكرات وتقديم العون الانساني لهم. بعدين يا كبر انت بتختلف مع الجنوبيين في شنو؟ فهذا الكلام يدل على انك انسان حاقد وكاره لذاتك والجنوبيين ليس غرباء دمائهم تجري في عروقنا فمرحبا بهم مرة ثانية وثالثة ورابعة ونتمنى ان يعود السودان موحدا والسودان بدون اهلنا الجنوبيين زي الملاح الناقص ملح وتوم وشمار والماعاجبو يلحس كوعه او يشرب من بحر مالح او يلم البقج بتاعو ويذهب الى حيث اتى.
أعجبني · رد · 14 ساعة · تم تعديله
Saadeldin Suliman
" انا سودانى قح..."
أعجبني · رد · 14 ساعة
Saadeldin Suliman
Kabar ...!!؟
أعجبني · رد · 14 ساعة
حسن حامد · جامعة الخرطوم كلية العلوم
ده كلام عاطفي ومافيو اي نوع من التفكير الاستراتيجي
وكتير من اهلنا في مناطق التماس بحتاجو للحدود المفتوحة والحركة الدايمة بين البلدين
ولا انت قاصد ياكبر نقفل هسي وقت المشكلة وبعد تنتهي نفتح الحدود
طبعا علي كيفنا نحنا
ده ماتفكير كل السودانيين ده تفكير جزء معين من الناس ونحنا الاجيال الجديدة عارفين الفرق بين حكومة الجنوب واخوانا الجنوبيين
اهلنا وناسنا واخوانا ولو ماشالهم الرأس يشيلهم الشعر
أعجبني · رد · 13 ساعة
MO Ali
بالرقم من كلامك منطقي مليون في المية لكن شكلك عامل شرك لي الجنوبي الجعرانة طباخ الجيش الامريكي دينق
أعجبني · رد · 1 · 12 ساعة
Rashid Alhassan · جامعة الجزيرة كلية العلوم الرياضية والحاسوب
سلام للسيد كبر صاحب البوست ... عملية تدفق اللاجئين من المفترض تكون مضبوطة بي قوانين واضحة ... وعلي المنظمات الدوليه تقوم بي دورها كامل من تهيئة ليهم للمعيشة ... السودان دولة ليها وزنها وجنوب السودان برضو دولة قائمة بي زاتها مافي داعي لي حسابات العواطف لانو الحاجات كلها ليها قوانين ومفروض يتعاملو كلاجئين ويكونو في معسكرات وتحت اشراف المنظمات ذات الصلة .... ارجو من الاخوة المتداخلين يتركو العواطف جانبا ... لانو ده كلام في النهاية عندو اثار سالبة بمعني انك تستقبل ليك ناس ماعندك ليهم امكانيات اكيد حكمت عليهم اما يكونو شحادين في الطرقات او حرامية لانهم ماعندهم مصدر عيش شريف والواقع السوداني قدامنا ..
أعجبني · رد · 1 · 10 ساعة
Ali Aburas
الاخ Mo Ali
يا سلام عليك سبقتني بنفس ما كنت أفكر.
الأستاذ كبر عملها واضحة ولسان حاله يقول كيتا في أخونا دينق٠
شخصن الموضوع وفعلا عايز يجرجر دينق.
لكن دينق طلع زول عاقل وأشطر منه لأنه عارف جيدا المتملقين والذين لهم
أطماع في حكومة الكيزان وممكن يخسروا أي شيء ويقول أي شيء من أجل
إرضاء الكيزان.
ما كنت متوقع أبدا مثل هذا الكلام الغريب يخرج من شخص قانوني هو نفسه
عايش عالة على بلد اعطته ووفرت له الكثيربل واكثر مما كان يتوقع.
لكن معلش بت الكلب الشعرية أو كما قال أحدهم.
أعجبني · رد · 9 ساعة
Ahmed Hussein · جامعة الخرطوم
انا صراحة اتفق مع الاخ كاتب الموضوع
وللاخوة الذين يقارنوا بفتح السودان للجنسيات الاخري
لان لايوجد بينها و بيننا الخلافات و التعقيدات الموجودة بينا والجنوب
وهم ايضا كالسوريين والحبش يحملون اوراقهم الثبوتية وملتزمين بسكن نظامي كما انهم اضافة للقوة العاملة الفاعلة
عكس الجنوبيين
عبء من كل ناحية
أعجبني · رد · 1 · 8 ساعة
Mohd Bk
لاتوجد مقارنة بين الوافدين واللاحئين العرب والجنسيات الآخري الذين يحملون هويات رسمية ودخول رسمي ومقيمين ببيوت نظامية و يحاولون الاسترزاق قانونيا ( اغلبهم )
وتقريبا البلد مستفيدة منهم كتير
اما الجنوبي
فاقد لاي مهارات ، يسكن عشوائي ، سمر وخمور وتقاليد خاصة به لاتناسب مجتمعنا
تقديرا لأوضاعهم وظروفهم ممكن حصرهم في معسكرات خاصة بالأمم المتحدة في مناطق قريبة من دولتهم و من مناطق الانتاج الزراعي
ويستفيدوا و يفيدوا
حتي يفرج الله كربتهم
اما وجودهم بالمدن وأطرافها ودون وثائق ودون توفر تكلفة ذلك لهم فهو مشكلة للكل .
كتر خيركم يا شباب..
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
الأصدقاء..
ابوبكر صالح ، معاوية المدير ، ياسر الشريف ، عز الدين عباس الفحل ، كستاوي ، بشاشا ، حسين موسى ، الأمين البشاري ، صديق عطرون ، السنوسي ، عماد..
كتر خيركم على المرور..
ونعود لمواصلة التفاكر مع البعض..
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
ول ابا محمد المسلمي..حبابك يا صديقي
كل سنة وانت طيب..
كتر خيرك على المرور..
ياخي دايرين ناس المنبر يتهنوا شوية.. لأنو بعد شوية ح تشوف حكاية (تنفسوا الصعداء) ولا شنو كده ما عارف..!
دباب ساكت.. ياخي ده ايام الجامعة كان قايل الخواجيات ياهن الحور العين.. بس عشان لونهن ابيضاني ، وصاحبك ذاتو كان (خاتف لونين)..وتحت تحت مشى لدكتور عشان يبرى ليهو نخرتو (زي حركة مايكل جاكسون).. استلاب شديد يا قريبي.. فشنو شوية شوية يا عمك..!
كتر خيرك يا صديقي..
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
ول ابا السنوسي..حبابك يا صديقي
كل سنة وانت طيب..
كتر خيرك على المرور هنا..
عارف يا صاحب.. لمن فتحت الخيط ده ، كنت عارف ردود الناس وانفعالها ح يكون كيف.. وكنت متوقع مفاجأة بطريقة معينة..اهو شايف الحال يا صديقي ، كنت متوقع تقوم حملة موازية والناس العاملة فيها قلبها على ناس الجنوب.. تبتدر حملة خطابات مفتوحة وتوجهها لأهل السياسة في جنوب السودان وتناشدهم ينصاعوا لصوت العقل وتذكرهم بان تضحيات ناس الجنوب لا تستاهل ان تكافأ بالمآسي..ولكن..!
بريطانيا خرجت من الإتحاد الأوربي لنفس السبب.. تدفق الناس الى بريطانيا من دول الإتحاد.. والمضحك يا صاحب.. بقرأ في واحدة من غرف الواتساب.. حديث منسوب للسفير البريطاني في الخرطوم ، وانو زار الحوار الوطني ، تحديدا لجنة الهوية ، وقاعد يتكلم عن الهوية بنفس المفهوم السوداني البتعاركوا فيهو الناس.. لمن شكيت قلت انسحاب بريطانيا قايم على كلام ناس لجنة الهوية في الحوار الوطني ولا شنو الحاصل؟
بالنسبة للموضوع.. نعم يا صديقي نعرف الواقع هناك.. وشرحنا محاذيرنا هنا.. خصوصا نقطة تواجد حركات مسلحة في الشريط الحدودي ، وهذا امر سيزيد المشكل تعقيدا.. لأن هناك مناطق خارج سيطرة الحكومة السودانية ، وتدفق اللاجئين سيفتح الباب لبعض الحركات المسلحة السودانية بان تطالب بان تكون لها وضعية سيطرة على اعمال الإغاثة.. تماما مثلما حدث في تجربة شريان الحياة.. وهذا سيدخل السودان في مشكلة كبيرة للغاية..!
نعم يا صاحب لا يهمنا اهل السياسة في البلدين ، ولكن تهمنا اخطاءهم التي سوف نتضرر منها.. والعك الشايفو في البلدين ح يدخلنا في مشكلة كبيرة للغاية..خصوصا نحن ناس الولايات الحدودية..!
الأغرب في هذا الخيط.. أن الناس عندها استعداد تدافع عن الغريب.. وفي نفس الوقت تسحل مواطنها وتمحوه تماما بالتشكيك والسخرية والإغتيال المعنوي.. عرفت ليها مصنع الشفاء انضرب؟.. لأنو السوداني عندو استعداد يبيع السوداني الآخر زي الترتيب..!!
ولا شئ غريب البتة يا صديقي.. فنحن ياهو نحن الذاتنا قبال انفصال الجنوب طلعونا مجرمين واولاد مجرمين .. وبعد انفصال الجنوب ، حينما يكون الحديث عن الجنوب واهله ، نحن برضك ياهم اولاد الحرام المجرمين..شفتا المحنة دي كيف يا صديقي؟..
الجنوبيين رعايا دولة مستقلة بذاتها ، وتواجدهم في السودان ، اذا حصل ، يجب ان يكون مضبوط للغاية..!!
ودمت طيبا يا السنوسي..
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
عماد خليفة..حبابك يا صديقي
كل سنة وانت طيب..
كتر خيرك على المرور هنا..
مرارة الظلم الجد يا عماد لمن تحكي مظالمك لمواطنيك من اهل بلدك ، ويكون عندهم استعداد لنصرة رعايا الدول الأخرى اكثر من الدفاع عنك وعن حقوقك ومحاذيرك التي تثيرها..!
نعم يا عماد ياهو نحن ناس الولايات الحدودية الذين ارتكبوا خطأ استضافة اهل الجنوب ايام الحرب الأولى ، ثم نالوا الجزاء بالإتهامات من شاكلة تجارة الرق والسخرة والتعريب والأسلمة.. وكل ذنبنا اننا مارسنا واجبنا الآخلاق بنبل نحسد عليه.. واليوم حينما نرفض تدفق لاجئ الجنوب عبر مناطقنا الحدودية نكون نحن المخطئ؟..
محنة كبيرة يا صاحب..ان يكون مفهوم المواطنة مشوشة لهذا الحد في اذهان السودانيين..!
وعشان ما ندخل تاني في دايرة نخاسة ومجرمي حرب وشنو شنو كده ما عارف فلابد من قفل الحدود.. لأنها مليئة بالحركات المسلحة ولا احد يضمن سلامة لاجئين او غيرهم..!
ودمت..
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
أخي الحبيب ول أبا كبر
تحية طيبة وبعد ،
الجنوبيون أهلنا واحق بالاستقبال من غيرهم .
المشكلات السياسية بين حكومة جنوب السودان وحكومة السودان مشكلات عادية
تحدث بين دولتين متجاورتين ويمكن حلها بالوسائل الدبلوماسية ، ويجب أن لا تنسينا انسانيتنا .
تحياتي ووافر احترامي
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Gaafar Ismail)
|
جلست لفترة مع الرشايدة في تنقل بين السودان وأرتريا.
حياة الرشايدة لفتت إنتباهي إلى انو الدولة أو الحكومة متواجدة فقط في المناطق الحضرية ونقاط عبور الطرق.
إذا أستطعت أن تتخطى المعابر والحضر؛ فأنت خارج سيطرة الدولة
لا توجد دول في هذه المناطق
هي مجرد جغرافيا كما قال هيكل.
نقول للجنوبيين وكافة مناطق الصراع في الجغرافيتين: ما زالت أرض الله واسعة حولكم لممارسة بعض من حياة
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
القصيدة المذكورة فى النضمى الفوق ده معروفة طبعا و هى اغنية العطبراوى
انا سودانى
و البقت زى النشيد الوطنى عند السودانيين
من كلمات الأستاذ محمد عثمان عبد الرحيم
وفعلا مفروض كان تكون شعار للسودان و السودانيين
و تؤسس و تكرس معنى السودانية أو السودانوية لو ما كان حربها و نسب الفضل والفطن وغيرها للعرب فقط
وليه نحن ما نكون سودانيين وخلاص
جديرين نحن و الله وعندنا كل المقومات الممكن تخلينا و تبقينا سودانيين سودانيين
ليه نكون سودانيين شنو و سودانيين شنو الخ التوصيات
اكيد لو عملنا وبقينا كده وامنا فعلا بالى ده
ممكن نحل مشاكل و معضلات حقيقية فى بلدنا
ولا شنو
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
القصيدة المذكورة فى النضمى الفوق ده معروفة طبعا و هى اغنية العطبراوى
انا سودانى
و البقت زى النشيد الوطنى عند السودانيين
من كلمات الأستاذ محمد عثمان عبد الرحيم
وفعلا مفروض كان تكون شعار للسودان و السودانيين
و تؤسس و تكرس معنى السودانية أو السودانوية لو ما كان حربها و نسب الفضل والفطن وغيرها للعرب فقط
وليه نحن ما نكون سودانيين وخلاص
جديرين نحن و الله وعندنا كل المقومات الممكن تخلينا و تبقينا سودانيين سودانيين
ليه نكون سودانيين شنو و سودانيين شنو الخ التوصيات
اكيد لو عملنا وبقينا كده وامنا فعلا بالى ده
ممكن نحل مشاكل و معضلات حقيقية فى بلدنا
ولا شنو
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: ايمن الصادق)
|
تحية طيبة
استاذي الحبيب الفاضل كبر
كل عام وانت بخير
.....
كان بالامكان افضل مما كان
لست في مقام يسمح لي بتصويب وجهة نظركم لكن التعليق عليها
قد يبين الراي المضاد لها او اوجه قصورها واعلم عنكم سعة الصدر في تقبل ذلك
......................
نسأل الله الرحمة والمغفرة لمن رحلوا في الحرب الاخيرة بدولة جنوب السودان الشقيقة
ونسأله عاجل الشفاء للجرحى والاستقرار لمن تشردوا بسبب ذلك
وارجوا أن يحكم اهل السياسة في الجنوب صوت العقل وأن يتوقف صوت الرصاص
فشعب الجنوب لم يذق طعم الاستقرار منذ ازمان بعيدة
......................................
لا ينبغي لنا أن نجعل من انفصال استقلال الجنوب شماعة لكل ما يجري في الجنوب
فهذا شأن مختلف عما هو عليه الوضع الان .
ظروف الحرب تختلف عن السلم وعلينا احترام خيار الجنوبيين السابق والسعي للاستفادة من روابط
الاخوة والعشرة القديمة في خلق علاقات مثالية كما قلت في عدة اماكن فالجنوب اصبح دولة ذات سيادة
واي حديث عن سؤ خيارهم او امكانية الوحدة من جديد في ظني هو حديث وان كان نابع من محبة لكنه يدل على عدم احترام
خيار اهل الجنوب حتى وان لم يكن مقصود .
استقبال اهل الجنوب في السودان امر طبيعي فهم منا ونحن منهم اضافة الى انهم في محنة فالوقوف معهم اقل واجب
وعلى الحكومة الاستعداد لمساعدتهم في توفيق اوضاعهم فقد فقدوا كل ما يملكون اثناء الحرب وهذا هو دور الحكومة المساعدة ليس الا
مسائل المخاوف الامنية وغيرها السودان بلد مفتوح وليس فيه سر لا يعرفه الاخر فما بقت على اهلنا من الجنوب
مسائل ايفاء المجتمع الدولي بالتزاماته للحكومة السودانية فيما سبق هذه قضايا مختلفة وان دلت تدل على الحبرتجية الذين يتولون ذمام الامور في السودان
فلم تكن لهم رؤية في الاساس دعك من بعيدة او قصيرة المدى لذلك المجتمع الدولي يمارس ضغوطه ما شاء طالما هناك مذمات لا تحصى
على النظام الحالي .
اتمنى أن تراجع موقفك اعلاه فهذا الموقف لا يشبه كبر الذي عرفته هنا
فالموقف هنا انساني ليس الا .
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: الجنيد حمد)
|
| Quote: عيب ، ولا يصدر إلا عن المأزومين ( أخلاقيآ وإنسانيآ ) . |
الغريبة لما اوربا قفلت الباب أمام المهاجرين السوريين والافارقة
الناس البتنضم فوق دي زول قال بغم ماف
...
...
كسرة :
بالطبع لا اقصد صاحب الكلام الفي الاقتباس فوق
لكن عجبني الكلام واقتبسته
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: خالد حاكم)
|
Quote: مافى مقارنة يالامين
نحن ما اوربيين .. نحن سودانيين شمالا وجنوبا والحديث هنا عن السودان شماله وجنوبه |
يا خالد حاكم
تحياتي ..
ياخ السودان تعبان وراقد فطيس اهلو ما لاقيين يأكلو
تقوم تجيب لينا زيادة كما ...
بعيدا عن العواطف لا الجنوب مؤهل لاستقبال لاجئين ولا السودان
الاثنين فطايس .. وبصراحة تعبنا من جر الترلة دي منذ الاستقلال ياخ!
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: الامين موسى البشاري)
|
عزيزي كبر – لا تبتئس... فانك في اعيننا كبير ...
والسلام والاحترام للاخوة المشاركين ...
1 - دعونا نبدأ بالحيثيات التي بنى عليها كبر هذا البوست وقبل ذلك اشير هنا إلى كلمة اثارت حفيظة بعض الاخوة المتداخلين وهي كلمة (دويلة)؟
واقول: إنها فعلا دويلة رغما عن "انتسابها" لعضوية المنظمات الدولية، لكن قادتها لم يؤسسوا دولة لها كيان وقوة الدول،
ترعى شؤون مواطنيها وتقيم علاقات سوية مع جيرانها، خاصة السودان؛ بل اصبحت منبع اضرار امني واستنزاف لمقدرات السودان الاقتصادية ومشاريعها التنموية،
حين تجهر بايوائها لقادة وجنود الحركات المسلحة وحنثها وعدم سحبها فرقتيها المسلحتين (التاسعة والعاشرة)، من جنوب كردفان والنيل الازرق؛
على الرغم من وفاء السودان، واعادة انتشار القوات المسلحة السودانية داخل حدودها.
ثم أن الرئيس الامريكي السابق جورج بوش الابن عندما التقى الرئيس سلفا كير ووزرائه في البيت الابيض الامريكي، وتعرف على طرحهم للقضايا وطريقة تفكيرهم،
قال قولته المشهورة(كيف يحكم هؤلاء دولة الجنوب).
ثم لنأتي إلى الحيثيات التي بنى عليها كبر قفل الحدود بين الدولتين:
1 - مشاكل السودان الكثيرة ووجود قوات دولية مفروضة تهتبل أي ضعف امني لتوصي بالولاية على السودان كما مخطط لها من دول الاستكبار.. !
2 – معاناة الولايات الحدودية السودانية من شح في موارد السودان المحاصر من معظم الجهات ان يتحمل عبء حل مشكل الجنوب!
4 – ينبغي على السودان اجلاء رعاياه من (دويلة) الجنوب.
هذه هي الحيثيات، فإنه أي كبر كمواطن عادي يرى مصلحة وطنه حتى وان لم يتوافق مع منطلقات حكومته
عليه ان يبدئ رايه حيالها باعتباره من سكان ولايات حدودية فقيرة تعاني امنيا وصحيا وتعليميا ومعيشيا.
وأقول /اولا: مع تقديرنا والتعاطف الانساني مع جيراننا الجنوبيين،
لكن هذا لا يمنع ان نصدح بالقول، إن دول الاستكبار العالمي التي صنعت دويلة جنوب سودان، هي التي ينبغي عليها اخلاقيا وانسانيا، ان تبزل الغالي والنفيس
لنجدة واغاثة شعب الجنوب المنكوب، لكنها وخوفا من ثورة مواطنيها دافعي الضرائب تريد ان تحمل السودان عبء معاناة شعب جنوب السودان المنكوب بقادته قبل فقد امنه وسكنه ووطنه.
ثانيا/ ان دول الاستكبار هذه، وفي حصارها للسودان ومكيدة ابقاء "القوات الأممية" داخل اراضية وعدم سحبها رغما عن استتباب الامن في معظم مناطق دارفور،
يظهر تماما نواياهم في انهاك السودان اكثر بطلبهم فتح الحدود على مصراعيها وايواء اللاجئين الجنوبيين، وما يتبع ذلك من فتح باب كان محرما على الحركات المسلحة والحركة الشعبية
شمال تستغله لزعزعة الامن، ومن انهاك للموارد الشحيحة في تلك الولايات لاطعام اللاجئين وعلاجهم من الامراض التي ابتليوا بها جراء النزوح، هذا اذا نحينا التعليم والتاهيل اللازم للنازح.
كل ذلك يؤدي لاحتلاله واستعماره من جديد او الاتيان بخدام لمصالحهم يحكموا السودان الجديد، وهي امانيهم...!
ثالثا: في مرحلة الهجرات البشرية منذ عقود مضت؛ كانت معظم مناطق القارة الافريقية غير مأهولة بالسكان لقلة البشر وقتها، كما ان السلطنات والحاكميات التي قامت وبادت
كانت تحكم مساحات صغيرة من الارض اشبه بالمدينة؛ فمسألة دي ارض القبيلة الفلانية او العلانية هذا يحتاج لبحث وجهد غير متوفر الان فقط اماني.
رابعا: ان معظم الذين عارضوا ويعارضوا الاستاذ محمد النور كبر؛ يخالفونه فكرا ومنهجا وطرحا؛ واقول انه تفاعل صحي لسديد الرأي وهرولة للامساك بالحقيقة.
"حمد"
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: عماد كرار)
|
ول ابا جعفر اسماعيل..حبابك يا صديقي
كتر خيرك على المرور هنا..
حكاية ناس دويلة الجنوب اهل وعندهم حق اكتر من غيرهم في السودان ، اهلنا قالوا يا صديقي : اخوك كن بقى ليك عسل ما تبقى ليهو متاخ..!
وظروف السودان لا تسمح بتدفق لاجئ الجنوب ، وذكرنا الأسباب اعلاه..
العبور يا صديقي سيكون عبر الولايات الحدودية وهذه ولايات امكانياتها لا تسمح مطلقا سواءا من ناحية موارد أو بنيات تحتية او ظروف استقرار امني..يعني الحدود في ذات نفسها مليئة بالنزاع المسلح (حكومة الجنوب ضد المعارضة الجنوبية ، وحكومة السودان ضد المعارضة السودانية المسلحة) لا احد سيضمن سلامة لاجئ الجنوب ، وانما قد يذهب الأمر الى استغلالهم في صفقات رخيصة للغاية عبر عملية التحكم في الإغاثة..وهذا سيدخلنا في مشاكل كثيرة..!
وجود اللاجئين يستتبع وجود منظمات اجنبية ، والسودان عانى كثيرا من بعض المنظمات في السابق ولا داعي لتكرار السناريو بضبانتو..
مسألة الإنسانية ، ابدا يا صاحب لم ننسى انسانيتنا مطلقا ، ولكن التجربة علمتنا الأ نأخذ الأمور على علاتها ، مناطق اهلنا يا صديقي حينما استضافت الجنوبيين الفارين في الحرب الأولي ، نالت الجزاء باتهامات ممارسة الرق والأسلمة والتعريب.. مع انو الخلق الهناك دي ليسوا هم دولة او مؤسسات تعمل ما تزعم تلك المنظمات وقتها..الجنوبيون ما اتغيروا يا صاحب.. ودخولهم السودان يعني دخولهم بنفس مشاكلهم السابقة ..يعني ح يجوا يقعدوا وبعد يومين يشبكونا استراقاق وسخرة وغيره من الأمور..!
كتر خيرك
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
ول ابا ابوبكر ..حبابك يا صديقي
ياخي فكرة الحدود في افريقيا فكرة مدهشة للغاية..ومافي زول شغال بيها كتير.. الناس بتتذكرها فقط في حالة النزاعات..
رعاة البقر من اهلنا امبررو.. حايمين في اكثر من عشرة دول في غرب افريقيا.. ما عندهم حاجة اسمها حدود.. المدهش عندهم رأي في فكرة الأوراق الثبوتية (بطاقة/جنسية/باسبورت..الخ) .. وديل الناس المنهم جات فكرة المواطنة العالمية القاعدين ينادوا بيها بعض النشطاء في حركة الخضر العالمية ، ومنها برضك جات فكرة الإتحاد الأوربي وضرورة تذويب الحدود (طبعا شايف بريطانيا دقت جرس )..وهي فكرة موجودة في اوربا عبر مجموعة روما (الغجر)..!
في حالة السلم والإستقرار ما عندنا مشكلة.. ان شاء الله ناس الجنوب يصلوا لغاية دمياط ورشيد.. لكن في ظل النزاعات وعدم الإستقرار فهنا النقة بتحصل..!
اهلنا الجنوبيين زمان استقبلناهم ايام الحرب الأولي ، بعد ما استقروا.. طلعونا نخاسة رقيق وشنو كده ما عارف.. فشنو الضاق عضة الدبيب بيخاف من مجر الحبل.. كينيا فاتحة ويوغندا والكنغو..طبعا هناك مافي سبب الناس تقول استرقونا واستعربونا واسلمونا..!
كتر خيرك..
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
صديقي ابوذر بابكر..حبابك
كتر خيرك على المرور هنا..
نقطة بسيطة يا صديقي يجب ان تضعها في الإعتبار: الأمر لا علاقة له بالهوية أو الصراع الوهمي بتاع السودان القائم على ثنائية : عرب ضد لا عرب أو مسلمين ضد لا مسلمين.. !
اساس نقاشنا هنا يقوم على اعتبارات واقعية تتعلق بامكانيات وموارد وظروف امنية وعدم استقرار في الدولتين..تحديدا النقاط التي قد يمر عبرها تدفق اللاجئين..!
ودمت..
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
ول ابا الجنيد..حبابك يا صديقي
كتر خيرك على المرور هنا..
مثل كان قاعد يقولو صديقي الجميل المرحوم البحيراوي: كن رأيك سروال رأي اخوك جبة للسروال.. يعني مكمل.. وحباب المناصحة يا صديقي..
دعني اركز على فكرة المخاوف الأمنية.. وهي عماد نقاشنا هنا ..
عدم الإستقرار في البلدين يا صاحب.. والحدود مليئة بالفصائل المسلحة: فصائل متناحرة من الجنوب وفصائل متناحرة من السودان.. واحدة من المعابر هي مناطق مثل النيل الأزرق وجنوب كردفان ، وهذه المناطق تتواجد فيها قوات الحركة الشعبية.. وجود أي تجمعات لاجئين في هذه المناطق سيدخل السودان في مشكلة كبيرة للغاية.. لأن الحركة الشعبية شمال سوف تمد قرعتها وتحاول تخلق ليها اعتراف دبلوماسي دولي وتتحكم في امور اللاجئين.. هذا من ناحية..
من ناحية تانية.. لا احد يضمن سلامة اللاجئين الجنوبيين.. سواءا من قبل الفصائل المتناحرة من الجنوب او من السودان ، وسيتضرر اللاجئين اكثر من غيرهم..!
الحدود بين يوغندا ودويلة جنوب السودان شبه مقفولة تماما..طبعا مافي زول قاعد ينتبه للنقطة دي.. فلماذا لا تقفل بين السودان ودويلة جنوب السودان؟..
السودان يا صديقي ليس هو فقط ناس الجبهة الإسلامية..والمجتمع الدولي قاعد يخنق في السودان لعشرات السنين بسبب صراع المطامع الدولية في السودان ، تحديدا صراع الأمريكان والصينين.. وكله يقوم على محاولة السيطرة على موارد السودان.. الضغط حصل على السودان في قبول انفصال الجنوب ، وحدث في استقدام قوات دولية في التراب السوداني ، الضغط مستمر في حكاية الفرض على السودان التدخل لحل المشكل في دويلة الجنوب وفي نفس الوقت استقبال لاجئ الجنوب..!
صحيح قد يبدو الموقف ظاهريا هو انساني ، ولكن لا يعني هذا ان نقبل الأمر على علاته..هذا كان في السابق ، اما اليوم ، الضرورة تحتم مراجعة الحسابات بدقة..!
كتر خيرك..
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
ول ابا الأمين ..حبابك يا صديقي
كتر خيرك على المرور..
والأغرب يا الأمين ، قبل سنتين ومن هذا المنبر وفي قمة اشتعال الحرب في دويلة جنوب السودان ، دعينا لإغلاق الحدود ، والحكومة السودانية استجابت لهذا الأمر ، ومافي زول هنا قال بغم أو ناقش.. كأنما مآسي دويلة الجنوب الناس دوبك اكتشفتها الأسبوع ده فقط..!
في تجارب تانية الناس ما قاعدة تنتبه ليها ، مثلا تجربة تشاد في استقبال اللاجئين من دارفور ، ودراسات كتيرة اتكتبت وتحقيقات اتكتبت وكانت بتشير لفكرة استغلال المعسكرات لتكوين حركات مسلحة جديدة..ونفس الأمر اتوقعه في حالة تدفق لاجئ دويلة الجنوب الى السودان..!
الناس هنا ياصديقي شغالين حنين شديد..وجلد ذات بصورة ماسوشية عديل..!
هسع ده الحدود بين دويلة الجنوب ويوغندا شبه مقفولة ، والأمم المتحدة شغالة تحانيس انو دول الجوار تفتح حدودها لإستقبال اللاجئين الجنوبيين ، وبتترجي الأطراف الحاملة للسلاح بان تسمح بتدفق اللاجئين.. وطبعا تذكير بأنو كمية الدولارات شوية ودايرين زيادة وعاك وعييك..!
كتر خيرك..
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
خالد..حبابك يا صديقي
كتر خيرك على المرور..
وشاكر ليك محاولة استعدال النقاش هنا..
ابدا لم اصرف النظر عن المبررات الأساسية ، ومشكلة ايواء الجنوب لحركات مسلحة سودانية هو جزء من الصورة التي نحاول ان يضعها الناس في الإعتبار حتى يفهموا حجم التعقيدات..
ابدا يا صاحب مشاكل السودان ليست كلها مستوردة ، وانما هي مشاكل داخلية وحاول البعض تدويلها ..وذكرنا للمشاكل لنؤكد أن السودان في حالة عدم استقرار داخلي وبالتالي غير مؤهل لإستقبال لاجئين من الجنوب..
تدفق اللاجئين بين سوريا ولبنان ، لم تعقبه شبهات مزاعم رق وسخرة واستعباد.. اما في حالة السودان ، من قبل استقبل اهل المناطق التي صارت اليوم حدودية ، استقبلت تدفقات الفارين من الحرب في الجنوب وقدموا ليهم المساعدات وكان الجزاء الإتهام بعمليات رق وتعريب وأسلمة ، والخمسة سنوات لم تغير في تفكير الجنوبيين كثيرا وتدفقهم الى السودان سيعيدنا الى مربع الإتهامات السابقة ، وهذا باب لا نحتاجه الآن..!
الضغوط والعقوبات التي فرضها المجتمع الدولي ، لم تؤثر فقط على النظام ، والنظام ابعد ما يكون عن اثرها ، ولكنها اثرت على السودان وشعب السودان ، والمجتمع الدولي انتبه لبعض هذه الأثار ولكن مصر على معاقبة شعب السودان لأن النظام الحاكم عندو مشاكل مع المجتمع الدولي ، فالأمر يا صديقي هو السودان ، وهذا ما يهمنا..
المقايضة ما تتحسس منها يا صديقي ، والأمر في النهاية تحكمه السياسة والسياسة حسابات وليست عواطف..الأمم المتحدة عندها خطة اسعافية لمواجهة مشكلات تدفقات لاجئ الجنوب ، والخطة عمادها السودان وكينيا ، بالنسبة للسودان هناك حملة لجمع مليار دولار تمنح للسودان لمواجهة المشكلة.. منظمة الصحة الدولية بتتكلم عن ضرورة زيادة الميزانية لمواجهة المشكلة.. يعني التجارة شغالة تش..!
من حق السودان الإستفادة من الوضع ، خصوصا لو طلب منه التدخل لحل المشكل في الجنوب ، فلابد ان يساوم بحل مشاكله الداخلية .. ولو حكومة الجنوب قبل ثلاث سنوات كانت براغماتية وموضوعية كانت طردت الحركات المسلحة من اراضيها (صحيح طردوا حركات دارفور ، ولكن اصروا على قطيع الشمال وقالوا ما ح يتخلوا عنو.. يعني هم براهم قاعدين يعقدوا امورهم..!)..وبالتالي قفلت الباب وحسمت امورها..الحركة الشعبية شمال هي جزء من الجيش الشعبي في الجنوب (الكتيبة التاسعة والعاشرة) وهي ليست بريئة وانما متورطة في النزاع الجنوبي لصالح حكومة دويلة الجنوب ، واحتلال هجليج في 2012 تم بواسطة قوات الجبهة الثورية السودانية ، وبعد ما احتلوا المنطقة سلموها لجيش الجنوب ليظهر في الإعلام باعتبار انو المحتل..واليوم ، الصراع في الجنوب صراع قايم على الإثنية (دينكا ضد نوير) ونفس الصراع ح ينتقل الى داخل السودان في حال وجود لاجئين من دويلة الجنوب.. ومش بعيد قطيع الشمال يتدخل لصالح رؤساه في الحكومة الجنوبية ويدخل الجميع في تعقيدات امنية لا داعي لها..
العقوبات الإقتصادية فرضت على السودان بسبب الجنوبيين ، وطالما اصبحت لهم دولة خاصة يبقى انتفى سبب وجود هذه العقوبات.. ومن حق السودان ان يطالب بسحبها مقابل لعب دور في معالجة النزاع في دويلة الجنوب..!
نقطة مصر وردت في الإجابة على فكرة تفعيل اتفاق حريات اربعة بين السودان ودويلة جنوب السودان ، كان موقفنا ضد تفعيل مثل هذه الإتفاقيات مع دويلة الجنوب في الظرف الراهن..!
ضحك وين يا خالد..ياخي الموضوع دق جرس عدييل.. السودان مثل الجنوب غير مستقر داخليا وعندو مشاكل داخلية لم تحسم بعد..الحال نفس الحال يا صاحب..عشان كده قلنا كل ناس تقعد في محلها وتتعلم من التجارب عشان تصنع استقرار ..!
اتفق معك تماما ان مفتاح استقرار السودان في يد السودانيين ، واضيف النقطة التي يجب ان ينتبه لها كل اهل السودان في الدولتين (معارضة وحكومة) أن السودان مسرح صراع القوى العظمى (الصين وامريكا) بسبب ثرواته وموارده التي تحاول هذه القوى السيطرة عليها..وهذا الفهم يجب ان يكون فوق كل المزايدات والمساومات..!
وصدقني يا خالد انا متشاءم للغاية.. القوات الدولية في تراب البلدين لن تخرج حتى لو تغيرت الأنظمة في البلدين..!
كتر خيرك كتير يا صاحب..
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
ول ابا حمد ابراهيم..حبابك يا صديقي
كتر خيرك على المرور هنا..
واشكرك كتير على الإنصاف يا صديقي..
الحال قاتم للغاية..
اتوقع زيادة القوات الدولية في دويلة الجنوب ، خصوصا في المناطق الحدودية ، وفي نفس الوقت اتوقع زيادة القوات الدولية في السودان ، لأن فتح الحدود ، مثلما ذكرت انت سيفتح باب فرص للحركات المسلحة السودانية ، وتواجد أي قوات دولية اضافية يعني بداهة استمرار عدم استقرار السودان..
القوى العظمي يا صديقي ، شعرت بان حساباتها في السودان اتلخبطت شديد..وشعرت بانها فقدت فرصة السيطرة على موارد السودان وثرواته ، لذلك تعمل جهدها الأ يستقر السودان تماما.. يعني أن يظل الحال هكذا وربما اكثر تعقيدا..!
منذ منتصف السبعينات من القرن الماضي والسودان قبلة لتدفقات اللجوء من معظم دول الجوار (الكنغو ، يوغندا ، افريقيا الوسطى ، تشاد ، اثيوبيا)..وامرهم يختلف عن لاجئ دويلة الجنوب ، لأننا يا صديقي ضقنا عضة الدبيب من قبل لذلك نخاف من مجر الحبل..اهل الجنوب حضورهم للسودان يعني حضور منظمات مشبوهة واصحاب الغرض وبالتالي العودة لمربعات بروباقندا الرق والأسلمة والتعريب.. ناهيك عن انهاك السودان اكثر واكثر..
اهلنا ناس السودان فيهم طيبة غريبة للغاية يا صديقي.. اهو في نقاش زي ده نطلع نحن الأعداء وناس دول الجوار هم الأهل..بعيدا عن تكليف البعض نفسه لرؤية الواقع والدفاع عن مصالح وطنه قبل الدفاع عن مصالح ناس دول الجوار..!
كتر خيرك..
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
كتب علي ابو راس من الفيس بوك:
Quote:
عزيزي الأخ الأستاذ محمد النور كبر
تحياتي وإحتراماتي ليك ولأهل مدينة ريجاينا.
بالمناسبة زرت مدينة ريجابنا عام ١٩٨٧م
جلست فيها ٣٣ يوم ولم أصادف فيها ولا سوداني واحد
ما عد الأخوة الأثيوبيين.
أخي كبر لاحظت إنك تتحدث بلسان الحكومة وكأنك المقرر
لقفل الحدود أمام أخوتنا الجنوبيون وأيضا تتحدث نيابة عن أهل
المنطقة المتاخمة لحدود دولة الجنوب وتقول إنكم ستتضرروا من
تدفق اللاجئين. طيب إذا إنت بتصف أخوتنا الجنوبين أهل البلد الأساسيين بالأجانب
فكيف تسمح لنفسك لتتحدث نيابة عن أهل المنطقة فيما سموه بالسودان الشمالي
وأنت أجنبي من الناحية القانونية لأنك تحمل جنسية بلد آخر ولا يحق لك التدخل
في شئوون بلد آخر.
|
علي ابو راس..حبابك يا صديق
كتر خيرك على المشاركة هنا..
ده كلام شنو يا علي..كيف يعني قاعد اتحدث بلسان الحكومة؟..
حكومة السودان موقفها الرسمي استقبال اللاجئين من دويلة الجنوب ، والأمم المتحدة وعدت الحكومة السودانية بتدبير مليار دولار لبرنامج استقبال اللاجئين من دويلة الجنوب..وبعض حكومات الولايات الحدودية مثل جنوب دارفور وغرب كردفان عندهم تفاهمات مع حكومات بحر الغزال.. وحكومات بحر الغزال طلبت فتح الحدود لأن مواطنيها يعانون من مشكلة مجاعة ، اضافة لتدفقات لاجئين عبر منطقة ابيي..دي واحدة..
الثانية.. قبل سنتين قدمنا راينا كمواطنين سودانيين وطالبنا الحكومة بقفل الحدود وتم ذلك ولم نسمع نقاش او اعتراض من النخبة الحايمة هنا.. الجديد شنو يعني ولا الناس ما قاعدة تتابع الأحداث والواقع .ز؟؟!
الثالثة.. ايام مؤتمر الحوار الوطني.. فتحت الحكومة السودانية الحدود.. وكانت هناك احتفالية رمزية.. وقام رئيس السودان شالتو الهاشمية وقال مواطني الجنوب يجب الآ يعاملوا كأجانب وانما مواطنين سودانيين.. !
الجنوبيين اهل بلد اساسين في دولتهم التي اختاروها وليس في دول الأخرين..!
اخيرا.. السودان وكندا كليهما يسمح بازدواج الجنسية ..ودكتور قطبي المهدي ايام كان مسئول الأمن الخارجي في السودان كان عندو جواز سفر كندي ، وايام حكومة الوحدة الوطنية بتاعة نيفاشا كان بعض وزارء الحركة الشعبية عندهم جوازات من دول تانية من ضمنها كندا..!
اها اوع انت كمان يكون عندك جواز من غير السودان؟..
دمت
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
الصديق العزيز كبر
كيفنك و اريتك طيب
عارف يا محمد
تقريبا معظم، ان لم يكن كل مشاكل السودان الحالية و القديمة سببها الرئيسى و الأساسى هو إشكال الهوية وعدم فهم الناس لواقع التعدد العرقى الإثنى
عشان كده الحاجات البتحصل دى هى نتائج و افرازات و محصلات للمشكلة الجوهرية الأصلية
وحتى موضوع انفصال الجنوب هو منيجة طبيعية لإشكال ثقافى عرقى و جهوى فى المقام الأول قبل ما يكون اى شى تانى
ولسه انا مصر على انه لو نحن عايزين نحل المشاكل دى حلها ببدا من ورا خالص، من فهم وادراك مبدأ قبول الآخر و العمل بالتعايش المشترك
وصدقنى ما حيكون فى اى حل ما لم نعى و نعرف اس و لب و اساس المشكلة و نقتنع بيه و نشخصه التشخيص السليم
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
العزيز كبر سلام وتحية
قرأت لك ردا لاحد الاخوة هنا فى هذا البوست ان العربان لم يفتحوا عواصمهم ومدنهم لحركات سودانية مسلحة ...
اول التبادى من نافلة القول : استقبال الفارين من جحيم الحروب حق يكفله اتفاقية الامم المتحدة الخاصة بوضع اللاجئين ..
ثانيا وهو الاهم : فى بدايات التسعينات من القرن الماضى ضربت امريكا طوقا وحصارا شديدا على السودان من خلال جيرانه وناخذ مثالا واحدا للاستدلال على التفاوت والانتقاء الانسانى لديك :
الجارة ارتريا استضافت المعارضة السودانية والحركات المسلحة .. الحركات المسلحة كانت تتحرك من داخل الاراضى الارترية لزعزعة الامن داخل الاراضى السودانية
ثم بعد ذلك رأينا ان السودان قد فتح حدوده ومدنه لاستقبال اللاجئين الارتريين الفارين من جحيم افورقى ودون ان تتكلم انت ولا احد من الصحفيين المالين الدنيا ضجة اليوم بعدم استقبال الجنوبيين الفارين من جحيم
الحرب ... مالكم كيف تحكمون ؟؟
ياخ انتم مسلمين اتمسكوا بحديث اغاثة المـلهــوف عسى ولعل .
الانسانية لها وجه واحد لايتغير ابدا .. انا مخزول فيك فى البوست دا يا كبر ..
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
الاستاذ/ كبر .. وضيوفك الكرام ..
السلام عليكم .. وكل عام وانتم بخير ,,
أحييك على شجاعتك المعتادة .. وتحليلك للامور بدراسة متانية بعيدا عن المزايدات السياسية والنفاق ...
والذين اختلفوا معك .. منطلاقتهم عاطفية بحتة .. دون دراسة عميقة للمشكلة ونتائجها العكسية لدولة السودان ..
كما هو معروف هنالك منظمات دولية انسانية تخصص لها ميزانيات كبيرة لمثل هذه الازمات ..
وكما حدث مع اللاجئن السوريين في تركيا ودول الجوار ..
اقيمت لهم معسكرات خاصة .. وتم الصرف عليهم من ميزانية هذه المنظمات ...
ولا توجد دولة في العالم تستقبل لاجئين دون دعم او مساعدة من المنظمات الدولية ...
فلماذا يطلب من السودان فتح حدوده هكذا دون دعم ولا مساعدة .. ؟؟؟
لا سيما وان السودان يفرض عليه حصار اقتصادي دون وجه حق .. وظروف معيشته يعرفها القاصي والداني ..
اما في حالة الاخوة اللاجئون الجنوبيون .. ومن وجهة نظري المتواضعه :
فلا مانع من اقامة معسكرات خاصة لهم داخل الارضي السودانية مع حدود دولة الجنوب
وتكون تحت اشراف مباشر ومسئولية المنظمات الدولية الانسانية
دون تدخل من السلطات المحلية وان لا يسمح لهم بالخروج من هذه المعسكرات للمدن الكبيرة
لاي سبب من الاسباب حتى تنتهي الازمة الجنوبية ويعودوا الى ديارهم .
غير كدا ... فيبقى الموضوع عبث ... وفوضى ... وزيادة معاناة لهم ولنا ....
والذين يزايدون بان هناك لاجئون سودانيون من جبال النوبة
تم استضافتهم في معسكرات خاصة داخل الاراضي الجنوبية ..
فنقول لهم ايضا انه يمكن اقامة معسكرات خاصة للاخوة الجنوبيون داخل الاراضي السودانية ..
فمرحبا بهم ....
وتقبل تحياتي ,,,
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: عبد الله شم)
|
السعي لإرضاء الأسياد مهمة مضنية
الاخ كبر
السلام عليكم و رحمة
في زمن الحرب بين شطري السودان القديم يحكي عن ضابط من أقاربك يسكن مع زملائه الضباط في مسكن واحد بجنوب السودان ز فكلما عاد من المكتب بدأ في السب على جون قرنق و الجنوبيين و تساءل عن ما يريده الجنوبيون من حربهم تلك.
و كان يفعل كل ذلك لإظهار الولاء لأسياده كما تفعل انت اليوم.
في لحظة ما رد عليه أحد الضباط المنحدرين من الشمالي النيلي قائلا: ( ياخي جون قرنق عاوز ينزل جردل الوساخة ال فوق رأسك ده)
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: دينق عبد الله)
|
عفوا عزيزي كبر ...
هذا مقال لمحلل جنوبي اعيده حسب استفسار اخونا منتصر
فيه الكثير لتوضيح الرؤية عن مشكلة دويلة جنوب السودان والقائمبن عليها
الذين يروا ان مقترح فتح الحدود على مصراعيها لتصدير مواطنيهم ليتبالى بهم السودان
سيماهي المشكلة ، ويمكنهم من وضع ورقة التوت على سؤآتهم.!
كتب الاخ منتصر يقول:
Quote:
سلام حمد بس عشان نستفيد وين قال جورج بوش قولته الشهيرة كيف يحكم هؤلاء بس عليك الله ما تقول لي المصدر اسحق فضل الله |
المقال :
=====
المحلل جنوبي نيارجي رومان: **علاقات واشنطن وجوبا**
أجرى المحلل الجنوبي نيارجي رومان قراءة في العلاقات الأمريكية مع بلاده بعد أحداث 15 ديسمبر، حيث ذكر أنه عند بداية الأزمة في دولة جنوب السودان .
صرح الرئيس الأمريكي باراك أوباما عن خيبة أمله في رئيس جنوب السودان، عندما قال إن سلفا كير كذب عليه ولم يوضح فيما كذب عليه الرئيس الجنوبي،
لكن المتابعين قد رجحوا أن يكون سلفا كير قد كذب على باراك بخصوص طبيعة الصراع الذي نشب بجنوب السودان. حيث صرح المبعوث الأمريكي الخاص
بعد شهور من اندلاع الحرب الأهلية بالجنوب أن ما حدث في ليلة الخامس عشر من ديسمبر ليس انقلاباً عسكرياً كما ادعت حكومة سلفا كير وإنما خلاف بين الحرس
الجمهوري تطور الى اشتباكات بالأسلحة الثقيلة والخفيفة.
و((منذ بداية الأزمة كانت الحكومة الأمريكية تتعامل مع حكومة جوبا باعتبارها حكومة أمر واقع ومشككة في قدراتها، حيث تحدثت عن ذلك تسريبات الاجتماع الأخير الذي
جمع جورج دبليو بوش مع سلفا كير في واشنطن حيث حاور بوش سلفا كير في العديد من المجالات، واكتفي الأخير بتحويل الأسئلة التي كان
يوجهها بوش إليه لمعاونيه ووزراءه دون أن يجيب على أي منها.
وحسب إفادة بوش فإنه تساءل عقب اللقاء كيف يستطيع هؤلاء حكم الجنوب لأنهم لا يملكون أية فكرة عن ماذا يريدون فعله بالجنوب؟!)).
وهنا يشير المحلل بأن هذا التعليق كافٍ ليبين نظرة الحكومة الأمريكية لحكومة جوبا، ومع استمرار الاقتتال في جنوب السودان وفشل كل جولات التفاوض بين الطرفين،
بدأت الولايات المتحدة الأمريكية التفكير في وضع دولة جنوب السودان تحت الوصايا الدولية، إلا أن تلك الخطوة لم تكن بالسهولة التي يتوقعها البعض. فعلي الصعيد الإقليمي
فمنظمة الإيقاد والاتحاد الإفريقي ليس من صالحهما وضع جنوب السودان تحت الوصايا الدولية، خاصة أن بعض دول الإقليم تعاني من نفس الصراعات الداخلية التي تعاني منها
جنوب السودان من قبل حركات التمرد الداخلية.
فلو سمحت دول الإيقاد بهذه السابقة، فقد لا تكون الأخيرة على مستوى المنطقة.
وأما على الصعيد الدولي فإن المصالح الصينية البترولية في جنوب السودان ستدفعها لاستخدام حق الفيتو ضد التصويت لأي مشروع يهدف الى وضع جنوب السودان تحت الوصايا الدولية
لحماية مصالحها بالإضافة الى أن وضع دولة مستقلة تحت الوصايا الدولية ربما ستكون سابقة خطيرة على دول الإقليم ومهدد حقيقي لاستمرار أنظمتها الحاكمة.
خطوة تراجعت عنها الحكومة الأمريكية داخل أروقتها لكنها مازالت تسوق عليه على المستوى الإعلامي.
ومن جهة أخرى يتحدث المحلل نيارجي رومان بأنه منتصف العام الماضي أصدرت الحكومة الأمريكية حزمة من القرارات بفرض عقوبات على أشخاص من طرفي الصراع في جنوب السودان
تضمن تلك العقوبات الحظر من السفر الى الولايات المتحدة الأمريكية وتجميد للأرصدة والممتلكات، خطوة لم تؤتِ ثمارها، حيث لم تتضمن لائحة العقوبات أسماء أشخاص نافذين وفي مواقع اتخاذ
قرار في جنوب السودان بحيث يمكن أن تؤثر عليهم تلك العقوبات وتغير من مجرى الأحداث، فقد شملت القائمة قيادات عسكرية بكلا طرفي الصراع دون أن تمس واحد من قيادات جوبا السياسية،
فذهبت تلك العقوبات أدراج الرياح ليشتد الصراع بعدها.
وكانت أمريكا قد صبت مزيد من الزيت على النار فبدأت الولايات المتحدة الأمريكية بالتخطيط لحزمة أخرى من العقوبات، وهذه المرة استهدفت
قيادات بارزة وعقوبات قاسية تصل لحد حظر التسليح.
وفي الإطار نفسه يقول نيارجي رومان ظهر الخلاف بين الحكومتين وأخرج الى العلن، بعد أن كان يكتنفه الغموض والسرية،
وفي منتصف عام 2015 زار السياسي الجنوبي البارز بونا ملوال الولايات المتحدة الأمريكية وفي خطابه للجالية الجنوبية من أبناء قبيلة الدينكا
صرح بونا إن وحدة الدينكا واجبة في المرحلة القادمة لحماية حكمها في الجنوب .
وكان ذلك في إشارة لاستمرارية سلفا كير في الحكم حيث أوضح أن حكم الجنوب ملكية حصرية لقبيلة الدينكا لأنهم من حاربوا كل تلك السنين.
تصريحه فضح حقيقة الوضع في جنوب السودان وأن الدولة بالجنوب تدار عن طريق مجلس كبار الدينكا وليس عن طريق مستشارين قومين محترفين.
حقيقة لطالما حاولت حكومة جوبا إنكارها لتلعب دور الحكومة القومية، ولكن تصريح بونا الأخير بالولايات المتحدة الأمريكية أسقط ورقة التوت الأخيرة
التي كانت تغطي عورة جوبا لتظهر قبح حكومتها للعلن وتبين الأيدي الخفية التي تدير الجنوب وسلفا كير نفسه.
+++
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: حمد إبراهيم محمد)
|
علاء..حبابك يا صديق
كتر خيرك على المرور هنا..
نعم مصر وارتريا واثيوبيا.. استضافت بعض لاجئ السودان في الحرب الأولي..لكن هل كانت هناك معارضة مسلحة مصرية او ارترية او اثيوبية تعمل في الحدود بين بين كل من هذه الدول والسودان؟..
الحدود مع دويلة الجنوب ملئية بالحركات السودانية المسلحة ، وبعضها جيوش في دويلة الجنوب (الجيش الشعبي الكتيبة التاسعة والعشرة) فهذه هي الوضعية التي سوف تؤدي الى مشاكل كثيرة..
صحيح يا صاحب البعض هنا اخرجنا من الإنسانية واحوال الإنسانية بحجة اننا نرفض تدفق اللاجئين ، ولكن هذا البعض يتناسى اننا بررنا ذلك بان السودان يعاني من مشاكل امنية واقتصادية وحروب داخلية وبالتالي غير مؤهل لإستقبال لاجئين من الجنوب.. وهذه تحفظات مشروعة للغاية ..ياخي الحدود اليوغندية عليها جنود وقوات امن من حكومة سليفا كير وبتفرض على مواطني الجنوب عدم الخروج الى يوغندا كلاجئين.. في نفس الوقت بتدفر فيهم عشان يجوا السودان..باقي ليك الشغلانة دي ما فيها اٍن واخواتها؟..هذا تخطيط كبير يا صديقي..كبير جدا..!
كتر خيرك..
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
ول ابا مجيدو..حبابك يا صديقي
كتر خيرك على المرور هنا..
الواقعية يا صاحب مكلفة للغاية في زمن السودان الحايم اليومين ديل..محاذيرنا نعتقد جزما انها موضوعية ومشروعة .. ولكن اهو براك شايف النخبة هنا شغالة كيف.. ناس عندها استعداد لنصرة مواطن اجنبي واستعداء مواطن من نفس البلد القاعدين فيها مع بعض..!
شريط الحدود ملتهب للغاية يا محمد.. والنفاج الوحيد هو عبر معبر جودة في جنوب النيل الأبيض.. وهذه هي النقطة التي اتوقع تمركز المنظمات فيها..وبالتالي سيكون الضغط على ولاية النيل الأبيض كبير.. ووهي ولاية تشبه ظروفها الولايات الحدودية الأخرى..
أي منظمة تعمل عبر جنوب درافور أو جنوب كردفان أو النيل الأزرق سوف تلحق بالسودان ضرر كبير للغاية مثلما فعلت ايام الحرب الأولى..وفي نفس الوقت سترفض الأمم المتحدة أن يدير السودان امر الإغاثة عبر منظمات سودانية محلية.. !
صعبة شديد يا مجيدو نحل مشكلة حكومة سيلفا كير بايواء لاجئي الجنوب ، وسيلفا كير بيصرف مرتبات للكتيبة التاسعة والعاشرة (النيل الأزرق وجنوب كردفان) عشان يدوروا فينا حرب..!
كتر خيرك..
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
ول ابا عبد الله شم..حبابك
كتر خيرك على المرور هنا..
حكاية الأحقية اخير نخليها جانبا.. ولو كان الكلام بنفس فهم الأصدقاء هنا ممن لازال يظنون ان السودان مفروض يكون مفتوح للجنوبيين ، فبنقول للجميع عندنا مثل في ثقافات البقارة بيقول : البقرة ما بتفتر من قرونها.. وناس الجنوب فترت وعردوا من السودان..!
ظروف السودان الداخلية ما بتحتمل تدفقات اللاجئين من دويلة جنوب السودان..!
كتر خيرك..
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
الأخ دينق عبد الله..
وعليكم السلام..
حبابك يا صديق..وكتر خيرك على المرور..
والله اضحكتني.. اضحك الله سنك ياصاحب..
اها الجماعة نزلوا جردل الوساخة من راسهم.. ومشوا سوا ليهم دولة عديييييل..
ليه تاني دايرين يجوا راجعين لجردل الوساخة؟..
الولايات الحدودية السودانية امكانياتها ضعيفة وبتعاني من ظروف امنية وتعقيدات كتيرة..ولا تستحمل دخول لاجئين من الجنوب..!
شايف اخوانا ناس ابيي قالوا هم (سودان/شمال يعني).. بعد شوية ناس بحر الغزال ذاتهم بيقولوا ليك نحن ذاتنا راجعين شمال.. واول ما يستقروا ويشموا هواء العافية توشك ح يضربوا للبارونة كوكس ونقعد نحن في كتر الوصف..!
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
ول ابا حمد ابراهيم..حبابك يا صديقي
مافي مشكلة تب يا صديقي..
شايف في مقالات كتيرة حايمة في ادوات التواصل.. ومعظمها من اخوتنا ناس ابيي وغيرهم من الشباب في الجنوب..وهي فرصة الناس تراجع الحاجات..
عندي مفاهمة ح اضيفها بوست صديقنا محمد الحسن حمدنا الله.. وفيها نقطة جوهرية.. انو الحنين والنوستالجيا الشغالة في السودان ، مافي خطاب موازي ليها من قبل ناس الجنوب.. يعني الحكاية تعذيب ذات لحد الماسوشية من قبل اهلنا هنا..وناس الجنوب مفتكرين انو ده الشئ الطبيعي انو يمشوا علي كيفهم ويجوا راجعين على كيفهم والناس تصفق ليهم وتستقبلهم وشنو كده ما عارف..عشان كده نحن بنقول الناس مفروض تكون واقعية وتحسب الحاجات صاح..!
كتر خيرك..
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
محمد سليمان خالد..حبابك يا صديق
كتر خيرك على المتابعة واشراكنا في هذا المقال.. مثلما ذكرت لصديقنا حمد..هناك مقالات كتيرة مشابهة حايمة اليومين ديل في الأسافير وادوات التواصل..وبعضها من كتاب جنوبيين شباب.. وفيها اعادة حسابات كتيرة..
فكرة المواطنة يا صديقي امرها مختل للغاية في نقاشات هذا المنبر.. فهنا البعض ممكن يكتل مواطن بلدو عشان يلقي الإستحسان من مواطن دولة اجنبية.. وهذا هو طريق تفكير الكثيرين هنا.. ويجب ان يبتعد شباب السودان عن مثل هذه العقليات الخربة..ويفكروا في مصلحة بلدهم قبل مصالح البلاد الأخرى..!
نفس العاطفة الجياشة هنا.. مافي مقابل ليها أو خطاب موازي ليها من اهل الجنوب.. وانما الجنوبيين عندهم احساس مش السودانيين وبس وانما كل العالم مفروض يخدمهم بايديه وكرعيه..!
تفريغ الجنوب لخدمة مصالح الدول العظمى مشروع شغال منذ بدايات التمانينات من القرن المنصرم ، والقوى العظمي لا يهمها حقوق انسان او انسانية او غيره وانما تهمها مصالحها.. فحينما عملت على فصل الجنوب كان ذلك مقدمة لفصل اجزاء اخرى من السودان.. الأجزاء الغنية باليورانيوم والمعادن النادرة والثروات الطبيعية الأخرى..ولكنها اكتشفت ورطتها في الجنوب ، وعجزها عن تفتيت ماتبقى من السودان ، لذلك بتحول سناريو فوضى خلاقة جديد.. ارجاع الجنوبيين للسودان ، وزيادة التواجد الدولي.. وبالطريقة دي عشرة سنين لي قدام ح نشوف دعاوي لوضع السودان (بشقيه) تحت الوصاية الدولية..وهنا التحدي امام اهل السودان: يا اما يواصلوا الطيبة والحنين ويعضوا اصابع الندم بعد عشرة سنة ، يا اما يقيفوا على حيلهم ويصمدوا ، وممكن مستقبلا يحلوا مشاكل الجنوب ، طبعا بعد ما يحلوا مشاكلهم..!
وصية لكل الشباب ، تحديدا الشباب ، في الجانبين (دولتي السودان وجنوب السودان) أن يفهموا انو الموضوع ليس موضوع اثنيات وقبائل واديان ، وانما هو موضوع مؤمرات تحاك في البعيد البعيد..!
كتبر خيرك
كبر
| |
|
|
|
|
|
|
|
|
|
Re: ضرورة اغلاق حدود السودان مع دويلة الجنوب (Re: Kabar)
|
كتب سعد الدين (الفيس بوك)
Quote:
Saadeldin Suliman
واحد يصحي د. عشاري
|
سعد الدين..حبابك يا صديق
كتر خيرك على المتابعة هنا..
ليه كده يا عمك؟..
الدكتور مشغول شديد بحكاية (نقد السلطة القضائية السودانية)..!
ياخي لمن الواحد قرب يتضامن معاهو.. لكن الله غالب..
التحية لدكتور عشاري.. وبنقول ليهو كل سنة وانت طيب يا زول يا طيب..!
كبر
| |
|
|
|
|
|
|
| |
Kabar
Frankly
علي دفع الله
يوسف الطيب احمد إدريس
على تاج الدين على
Idris Logma
عبدالعظيم عثمان
سيف اليزل سعد عمر
وضاح عبدالرحمن جابر
Mirghani Taitawi
محمد الحسن حمدنالله
abubakr salih
معاوية المدير
Yasir Elsharif
عزالدين عباس الفحل
Kostawi
Mohamed Adam
Bashasha
معاوية الزبير
آدم صيام
محمد حيدر المشرف
محمد المسلمي
الامين موسى البشاري
Elsanosi Badr
Imad Khalifa
Gaafar Ismail
bakri abdalla
أبوذر بابكر
ايمن الصادق
الجنيد حمد
علاء سيداحمد
محمد مجيدو
عبد الله شم
دينق عبد الله
فيس بوك
تويتر
انستقرام
يوتيوب
بنتيريست